|
مشكله صديقتي وتهديد ابوها لها بالطرد ..!!
السلام عليكم ..
في مشكله لوحدا اعرفها وهي طلبت مني استفسر عن حل لها .. مادري اذا كان القسم المناسب البنت مطلقه وعندها ولد طبعن الولد فتره عندها وفتره عند اهله .. وهي بيت اهلها ( بيت الاب ) لان ابوها مطلق امها والام متزوجه .. المهم ان الاب احيانن يهدد بنته يطردها من البيت ومن ذا الكلام وطبعن هو جاد والبنت صراحه تعبت نفسيتها على الاخررررر والبنت مافي مكان ثاني تروح له .. وبنفس الوقت مافي مجال ترجع لطليقها .. والام متزوجه وزوجها يعتبر شخص غريب عليها وليس حلال في حاله طردها الاب ايش الحل ووين ممكن تروح ؟ وهل المحكمه تجبره بسكن خاص لها ؟ ومصروف ؟ |
رد : مشكله صديقتي وتهديد ابوها لها بالطرد ..!!
نصيحتي لها تصبر على ابيها وتحاول ان لا تثير غضبه وتنتظر حتى يتقدم لها زوج مناسب وتدعو الله دائما الله يفرج عنها يارب |
رد : مشكله صديقتي وتهديد ابوها لها بالطرد ..!!
لعيون نوف ..
البنت صابره ومتحمله فتره طويله المشكله لها سنتين ويمكن اكثرررر لكن ذي الفتره زاد حتي المعامله اصبحت سيئه وهو من يثير المشاكل ويهجم عليها بالكلام .. وبعدين انا عارفه ان كلشي قضاء وقدر لكن افرضي ماجا نصيب للبنت ؟! لان ذا الشي يبقي احتمال يمكن يصير ويمكن مايصير وبنفس الوقت خطر على البنت ان ابوها يزوجها اول شخص يتقدم لها بس عشان يتخلص منها ويطلع هلشخص سيء عشره يعني تتطلق مرا ثانيه والله وضعها صعب :( لازم يكون في حل رسمي من قبل المحكمه عشان ينردع الاب ولا غير كذا ماتوقع في حل معاه |
رد : مشكله صديقتي وتهديد ابوها لها بالطرد ..!!
خليها تتصل على أحد المشائخ الموظفين بالمحكمه وتساله
او تتصل على جمعية العنف الاسري 1919 وممكن احد من الاعضاء يعطيك معلومات اكثر |
رد : مشكله صديقتي وتهديد ابوها لها بالطرد ..!!
لعيون نوف ..
يعطيك العافيه انا حبيت اخذ برايكم ونصايحكم ثم يجي دور المشائخ بالمحكمه .. الله يكتب الي فيه الخير ان شاءالله ويساعدها ويصبرها .. دعواتكم للبنت .. |
رد : مشكله صديقتي وتهديد ابوها لها بالطرد ..!!
عزيزتي
زوج أمها يصير ( محرم لها ) و يجوز انها تكشف عليه .. ما عندها أعمام أو أخوان تروح لهم ؟ أو وظيفة ؟ أو طليقها يوفر مسكن لأطفاله مثلا ؟ |
رد : مشكله صديقتي وتهديد ابوها لها بالطرد ..!!
تسجل بالضمان يعطونها إعانة شهرية مقدارها 850 ريال
و إعانة سنوية عشر الاف و لها ارض من الحكومة تروح تقدم مبدئيا خليها تطلع شقة إيجار و تقدم عقد الإيجار للضمان ياثثون لها البيت بالكامل و يسددون عنها فواتير الكهربا و المويا خليها تستقل و تعز نفسها مادام وضعها كذا يمكن الاب اذا شاف في يدها مصروف يبدأ يتغير و تتحسن علاقته فيها اذا مافي احد يقوم فيها و يوفر لها الحكومة تساعد الله يفرج همها يارب |
رد : مشكله صديقتي وتهديد ابوها لها بالطرد ..!!
اقتباس:
بعدين هو مو مربيها من كانت صغيره لاجل يجوز .. والبنت ماتبي تحتك فيه خير شر وتفتح على نفسها باب والشي الاهم يمكن هو مايبيها تجي تسكن معاهم .. ماهي موظفه جالسه البيت .. المشكله ماعندها غير ولد واحد لو اكثر من طفل كان ملزوم بسكن لها وبعدين عمره 4 سنوات بعده مادخل المدرسه حتي .. الاعمام كل واحد متزوج وملتهي ببيته وعياله وماتوقع واحد منهم بيرضي يستقبها ببيته وهي الكبيره ماعندها اخوان متزوجين .. |
رد : مشكله صديقتي وتهديد ابوها لها بالطرد ..!!
اقتباس:
مع الاسف راتب الضضمان مبلغ لايسد الحاجه الاجارات اسعارها ناررررررر واحتياجات الحياه كل مالها في ازدياد الاب صدقني يبي الفكه منهااا مرح يسأل عليهااا ولا داق خبر لها هو يبيها من الله تطلع |
رد : مشكله صديقتي وتهديد ابوها لها بالطرد ..!!
يا بنتي خليها تروح الضمااااان يأمنو لها شقة
فيه سكن خاص بالمطلقات و الأرامل في حالتها يأمنو لها بسرعة |
رد : مشكله صديقتي وتهديد ابوها لها بالطرد ..!!
الله يكون في عونها والله البنت ضعيفه
طيب خلها تدور لها على وظيفة او تكلم طليقها يأمن لها سكن مافيها شي طليقها كان في يوم من الايام زوجها |
رد : مشكله صديقتي وتهديد ابوها لها بالطرد ..!!
مثل ماقالت الفردوس غايتي
الضمان تروح لهم وتشرح وضعها وهم فعلاً مساعداتهم عظيمة للمطلقات والأرامل والله يجزاهم خير وياليتها تدور وظيفه والله يهدي أبوها |
رد : مشكله صديقتي وتهديد ابوها لها بالطرد ..!!
اقتباس:
|
رد : مشكله صديقتي وتهديد ابوها لها بالطرد ..!!
عزيزتي في دار الحماية الاجتماعية يقومو بإيواء المعنفات والمتعرضات للطرد من اولياء امورهن
ممكن تتواصل معاهم او تتواصل مع الرقم اللي وضعته الاخت لعيون نوف وتقدم على الضمان الاجتماعي مثل ماقالو الاخوات وايضا على حافز وربي يسخرلها ابوها ويرزقها الزوج التقي النقي المخموم القلب الحنون اللي يعوضها خير يارب |
رد : مشكله صديقتي وتهديد ابوها لها بالطرد ..!!
الأخوات الفردوس غايتي ونيوتلا جزاهن الله خير
حلول رائعة و800 ريال أحسن من ولا شي وخير وبركه الحمد لله وبالشكر تدوم النعم ولعل ينفتح لها باب رزق ثاني أفضل |
رد : مشكله صديقتي وتهديد ابوها لها بالطرد ..!!
يعطيكم العافيه جميعاا
|
رد : مشكله صديقتي وتهديد ابوها لها بالطرد ..!!
اذا في السعودية نعم تجبره لكن خيار المحكمه سيء
اما زوج امها فهو محرم لها وليس غريب عليها |
| الساعة الآن 01:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©