|
إجازة الصيف نعمه ولا نقمه
السلام عليكم ورحمة الله وبركاته
بداية ودي تعطوني أفكاركم في عطلة الصيف بدل السهر ونوم النهار حنا نظامنا مو زين ياليت نغير. يعني الحين صرنا ننام 7 الصبح ونصحي 2الظهر و أمي و أبوي زعلانين ، أول مااقوم سيدة على المطبخ سوي الغدى فيه أحد يتغدى بالحر من غير العصر سوي حلى ولا شيء والعشى يتجمعون أخواني وين العشى ٌ(صارت إجازة أكل ) مع كل إلي أسويه لو يوم ماسويت شيء تحسسني أمي أني مافيني خير وعمري ماسويت شيء ٍ صراحه أنا ما أحب المطبخ بس والله أسوي عشان أمي ٌ_(كرهت نفسي مسؤولة عن كل شيء ). مع كل الي أسويه مو راضيه علي أقوم من النوم ألقاها زعلانه. ليه مانظفتي ليه ماطبختي أمي دقيقه بكل شيء. المشكلة خواتي ماتقول لهن شيء إلا إذا أنا قلت لهن وبطلعت الروح يسمعن كلامي. وهذا نظامنا ملل & وضياعى وقت بلا فائدة تذكر. |
رد : إجازة الصيف نعمه ولا نقمه
نعمه فى عمل الخير
|
رد : إجازة الصيف نعمه ولا نقمه
وعليكم السلام ورحمة الله وبركاته..
أختي هل ترانا نلتقي..بقولك نظام أغلب الأسر باالأجازات بالسعوديه كذا ..سهر ليل ونوم نهار ..تنقلب الأيه والعياذ بالله..وأنا ماأقوله مأيده لاوالله مافيه شي يمرض ويعكر المزاج..ويتعب النفسيه مثل السهر.. شوفي حبيبتي بحكم أني متخرجه لي سنتين..تجيني فترات أتبع هذا النظام السهر بالليل والنوم النهار..بس والله ياختك ماأتبعه الا شوفي أعراضه السيئه : النفس شينه لاصحيت والمزاج متعكر..)استصعب الشغل وأكون متكيسله والله حتى العظام ثقيله والراس صدااااااع.. فأول شي بنصحك فيه حاولي تعدلين نومك تنامين بدري مو عاد بدري بدري دجاجه ههه لا بعد العشاء على حدش وكذا وأصحي بدري..شوفي كيف تكون نفسيتك.. المزاج راااااايق..وعندك وقت تخلصين مسؤلياتك وأشغالك ..وتفضين لنفسك وتاخذين بريك واستجمام.. انا الحمدلله لي فتره متبعه ذا النظام وأحس أني صحيت ياربي لك الحمد ..يصيرلي وقت فيه أخلص أشغالي.. ووقت اقعد مع أهلي.. ووقت أمارس أي شي أحبه اقعد على النت أو ادردش مع صديقاتي..مو قبل استغفر الله حياة الأموات هههههه الله يثبتني بس.. وبخصوص شغل البيت وضغطه ياحبيبتي سوي جدول لشغل ووزعيه بينك وبين خواتك وكل وحده يكون لها (زام) حنا نسميه كذا...يعني يكون لها شغل معين وهي الي تسويه.. شوفي أنا أيام الدراسه والله ضغط بس لاعطلت اختي ياني اكرفها هههههه مو عاد اخلي الشغل كله عليها بس أوزعه بيني وبينها.. وبخصوص أمك.. والله عارفه بقسوة هالشي أمي احيان تلمها وتجيها هالحاله ههههه مايعجبها شي..بس وش نسوي عزيرتي مايضيع عند ربك شي أصبري وأحتسبي.... |
رد : إجازة الصيف نعمه ولا نقمه
شكلك انتي اكبر واحده في اخواتك ,,, وبالنسبه لأمك هذا شي طبيعي كل الامهات كده ,,, انا قبل الزواج كنت امل لما تقولي سوي وسوي بس الحين صرت اعرف اي شي والفضل يرجع لها ربي يعطيها العافيه ,,,,,
شغل البيت ما راح بنقص منك شي بالعكس يطلع معاك بفوائد بعد تتزوجين وراح تشكريها على اي شي والايام بتثبت لك كلامي ,,, موفقه حبيبتي |
رد : إجازة الصيف نعمه ولا نقمه
تبغي الصــراآحــه ..
بعــد ماتزوجــت أختي الكبيره بكيت نص على فرآقهــآ .. والنص الثــآني أني بتحمــل مسـؤلية البيت من بعــدهــآ ,,:d بجـــد كنت دلــوووعه بالمره وركــزي على كلمــة (( كنت لان الدلع صـار فعل ماضي .. زبــدة الكــلام أني صرت مثلك مسـؤله عن البيت .. بالبدآيــه ماحبيت ذا الشغلــه المــرهقه .. بس بعــدين حبيتهــا لسبب واحد .. عشــآن أثبت وجودي مثل أختي الكبيره .. نظمــت نومــي ووداعــاً لسهــر .. صــار عندي بالفتره الصبــآحيه .. وقت للحــفظ ووقت للمــؤسسه الخيريه الي أشتغل فيهـآ . وبعــد صـلاة الظهـر أجهز الغــدآء.. وبعــد الغــدآء .. أحلى ترمـس نعنــآع للحلوه أمــي وأجلس أوســع صدرهـا بقرقتي .. مره سوالف ومره نتــآبع برنــآمج .. بعــد العصــر .. أجهــز صينيــة حــلا محترمــه .. مع فنجــآل قهوه ع الكيــف .. وأرتب البيت وأنا بصراحه من النوع اللي أعشــق الترتيب .. وعشــآن تتسلين أكثر بشغلك .. حطي سمــآعات جوالك بأذونك وشغلي جوالك ع أنــآشيد يحبها قلبك وربي بيخلــص الوقت بسرعه .. بعــد المغرب الجلســه العـآئليه .. وبعد صــلاة العشــآء.. أجهز لهم العشــآء اللي ودهم فيــه .. صــدقيني ينتهي يومي وأنــا خــلاص ابي المخــــده .. وبكــذا تكونين أرضيتي الوالده الله لايحرمهــآ منك .. وسويتي بيومك شي مفيد لنفسك ولأهلك .. ونصيحــه من اخت أتركي السهــر .. لأن مــافيه ولا أي فــآئده تــذكر حتى بسببه تتــأخرين عن صــلاة الظهـر .. |
رد : إجازة الصيف نعمه ولا نقمه
اقتباس:
|
رد : إجازة الصيف نعمه ولا نقمه
اقتباس:
والله نفسي أنظم نومي لكن مشكلة الصيف نكون طالعين و لا أحد عندنا زيارة ويتاخر الوقت ومانحس إلا الفجر ' الله المستعان. ههههه أجل مثلنا سوينا جدول بس ماحد يلتزم ؛ وبالاصح أمي الله يطول بعمرها ماتتكل عليهن. يابعدي أنتي بس سنتين الله يعين& انهدرت الطاقة الظاهر عندي من الكبر شين هع. دائم أقول لامي الله يعينك كم لك سنه و أنتي تطبخين وتشغلين ماطفشتي !!الله يجزاها عنا خير الجزاء. أكتشفت أني بعد ماخلصت الجامعة أني تعودت على قلة الشغل ‘ لأني ماكنت عندي أهلي. صادقة حنا مشكلتنا الاحتساب ـ الله يعينا و إياكم. زين الموضوع لقيت ناس مثلي ’ نفضفض فيه. طيب بالصيف وش تسوون عشان تغييرون من الروتين بالبيت ’ ؟اليوم عملت بالنصيحة قمت 10 ونص :17: |
رد : إجازة الصيف نعمه ولا نقمه
حبيبتي امك ماتسوي كذا ..الا لمصلحتك ..
تبيك تصيرين مرأه مسؤوله .. تبين تفهمين كلامي هذا بعدين .. في اشياء كثيره بالبيت ماتعرفينها الا لما تمارسينها بيدك .. تخيلي انك بشركه دائما تحفز موضفينها للعمل والابداع ..وشركه ماتطلب منهم الا عمل معين .. من الي بيبدع اكثر ..اكيد الاولى .. وايضا بعطيك مثال بسيط جدا ..عن عمل البيت .. الميك اب ..لو ماتعلمتي تسوينه بيدك .. مره تغلطين ..مره يضبط .. وبالنهايه بتصيرين فنانه .. شغل البيت كذا ..تسوينه انتي بعد فتره ..تبدا تطلع ابداعاتك انتي .. الله يخليلك امك ويخليلي امي .. حبي لي على راسها وقولي لها توفي تسلم عليك خاله .. |
رد : إجازة الصيف نعمه ولا نقمه
اقتباس:
أخواني امسميني الأم الروحية. ماشاءالله عليك يعني جاب معاك شغلك بيت أهلك. سبحانه نفس كلام أمي تقول ٌ( أنا دبرت نفسي من دونكن بس أبيكن تعلمن لأنفسكن) الحين أنا ماعندي مشكلة بالشغل هين والحمدلله كلها أجهزة تساعد ؛خواتي إلي مايساعدوني ولا يتركون أمي ترتاح. ' قبل الإجازة كانت أمي تطبخ و أنا أنظف يعني كل شيء مرتب ومافيه حوسه بس من تجي العطلة يخرب كل نظامنا. تسلمين لي يالغاليه على مرورك العطر. |
رد : إجازة الصيف نعمه ولا نقمه
اقتباس:
ماشاءالله عليك حلو والله عندك حس بالمسئولية. يعني ماكنتي تسوين شيء ؛ أجل كل العالم مثل خواتي يتكلون على الكبير. يارب أتزوج بس عشان يحسون أني كانت شايله كل شيء عنهم:( أنا أحب يكون فيه تعاون والوحدة تسوي من نفسها مو بطلعت الروح سوي و أعملي. |
رد : إجازة الصيف نعمه ولا نقمه
:* |
رد : إجازة الصيف نعمه ولا نقمه
حبيبتي الام تبي بناتها يعتمدون على النفسهم ترها راضيه عنك من داخل قلبه بس الامهات كذا وانا وحده منهم
صدقيني بتدعين الامك اذا رحتي ان شالله لبيت زوجك وان شالله يكون في اقرب فرصه في بيت اهلك بينتقدونك بس ماتكونين محرجه من شي زين والا شين بس بيت الزوج لا اعتبريها دوره تدريبيه وبالمجان والاهم تريحين امك وهذا من برك فيها لكن مشكلتنا في الاجازه ماتدرين من اللي صاحي واللي نايم المطبخ محيوس طول اليوم نبطشيات بس الله يهدي الجميع على فكره البيت اللي مافيه بنات كنه قبر ماله طعم الله يخليك لامك ويخليها لك وتفرح فيك عن قريب |
رد : إجازة الصيف نعمه ولا نقمه
اقتباس:
تراني أعرف كل شيء الحمدلله من كنت صغيرة يدي بيد أمي وهي معترفه بعد:26: ودي خواتي يتحركون من دون ما أقول لهم يعني يحسن على دمهن شوي. أمين يأرب. أبشري أحب لك على راسها تسلمين يالغالية |
رد : إجازة الصيف نعمه ولا نقمه
اقتباس:
أهلين خيتو سيدة الموقف. نفس كلام أمي وتتواعد تقول غير ربي يرزقك بواحد يحب الطبخ لأنك ماتحبينه. ماعندي مشكلة أطبخ بس لو أحد ينظف بعدي ياسلام ، أما أطبخ و أنظف هذا والله تعب ،أحس الطاقة استهلكوها ،ودي بخواتي يساعدوني من غير أمر وتعاهدات :30: |
رد : إجازة الصيف نعمه ولا نقمه
الإجازه نعمه لمن يحسن إستغلال وقته
ونقمه لمن يذهب وقته دون الإستفاده منه سهركم للصباح شي أكيد يظايق الأهل على الأقل للفجر وأهم شي تستغلون وقتكم بالفائده وشغل البيت بالعكس يشغل الوقت وأنصحك لاتتظايقين من شغل البيت وربي راح تعرفين قيمته بعدين الله يهدي الجميع |
رد : إجازة الصيف نعمه ولا نقمه
اقتباس:
أبشرك مريحتها الحمدلله. حالياً أمي مسافرة والله جنوني مائبون يساعدوني و إذا هاوشتهن مافيه احترام خاصه أختي إلي بالثانوي ملسونة '؛ شكيتها لابوي قال تعجبني كبرتها اليوم صراحة ماتحملت ضربتها و أخذت الجوال منها وحلفت ماتمسكه. الله يصلحهن وترجع أمي بالسلامه. مشكورة خيتو على دعواتك بارك الله فيك. |
رد : إجازة الصيف نعمه ولا نقمه
حبيبتي هل ترانا نلتقي وانا اختك والله في الإجازة اكثر الناس
جدولهم ينحاس صراحة انا وعيالي قبل الإجازة كان نومنا منظم وكنا ننام باليل ونصحى على آذان الفجر نصلي وخلاص ماعاد فيه نوم حتى بالظهرية والعصرية ماعاد ننام الا زوجي ياخذ له بعض الأوقات غفوة اما انا وعيالي مواصلين إلين بعد صلاة العشاء العيال يروحون يصلون العشاء وانا اصلي واجهز لهم عشاهم ونتعشى ونحط روسنا هلكانين لاكن والله ما يأذن الفجر إلا ونحن مصحصحين ونشيطين وتحس انك شبعان نوم ونصلي الفجر ونجهز الفطور ونفطر وكل واحد فينا يشوف شغلته لاكن من يوم اقبلت الإجازة انقلبت الآية نسهر في اليل الين يأذن الفجر ونصلي ونفطر ونحط روسنا نوم واعدل الساعة على 12 الظهر واصحى واقوم عيالي لصلاة الظهر وانا وياهم في هوشة علشان الصلاة هم بينامون وانا ابغاهم يروحون يصلون احيان الكبير منهم لو سمع الآذان ماشاء الله عليه يصحي إخوانه الباقين ويروح يصلي وانا كذلك اصلي الظهر وادخل المطبخ اجلس اتأمل فيه شوية وافكر وش اسوي غداء ولو قررت وش اطبخ ابتدي اجهز الغداء لأن زوجي يجي من دوامه متأخر حدود الساعة 2 ونص وبعد الغداء على البيت تنظيف وترتيب وهم الشباب كل واحد يشوف له شغله يساعدني والله مايقصرون معاي بس فيه شغلات ماينفع تضبطها إلا الأم وبعض الأوقات عقب صلاة العصر انا انام شوية وهم كمان الين يأذن للمغرب ونصحى بس والله تصحى راسك تحسه بينفجر نوم العصر احسه يجيب المرض ايام الإجازة تنحاس خصوصا لو جاء احد يزورك او يسهر عندك او حضرت مناسبة تلاقي امورك تتخربط وكمان لأن ماعندك شئ تقضي وقتك فيه في الصباح تضطر انك تنام ولو نمت في الصباح مايجي اليل إلا وانت مفلل نوم وخلاص تتعود على كذا احيان يكون عندي مواعيد للمستشفى الساعة 9 الصباح والله إن اكثرها اكنسلها وانام اما انتي بالنسبة لشغل البيت حاولي إنك ترتبين امورك من بدري وكمان اخواتك كل وحدة فيهم تاخذ لها شغلة معينه تقوم فيها يعني وحدة في الكنس والترتيب والثانية فيها الغسيل والثالثة تغسل المواعين وترتبها والثالثة تساعدك بالطبخ يعني وزعوا الشغل بينكم حتى تخلصون اشغالكم بدري وبنفس الوقت الشغل مايتراكم عل ظهر وحدة منكم شفت اعمامي اهل زوجي كذا بناتهم ثلاث وحدة منهم عليها الفطور والشاي والقهوة والثانية عليها طبخ الغداء وغسل المواعين والثالثة تكنس وترتب وتغسل الملابس وتنشرها وتصلح لهم العشاء وماشاء الله عليهم متساعدين مع بعض وعادي اذا كل وحدة منهم حبت تاخذ دور الثانية او تتنازل لها بشغله من الشغل اللي مكلفة فيه متساعدين ومتعاونين والله يوم اروح عندهم إجازة انهم مايرضون اني ادخل معاهم للمطبخ او اساعدهم بشئ بكل كلفة وبحلفان عليهم لو بغيت اشتغل معاهم شغله دائما يرفضون يقولون كفاية عليك اولادك وتعبهم رغم ان عيالي كلهم كبار ماعندي غير البنات صغار كمان لاتنسين ان الإبن الكبير دائما في وجه المدفع لو فيه اي شغله مانعرف ننادي إلا على اكبر واحد انا والله قد جننت سلطان لو بغيت اي شئ يجيبونه لي لو كل اولادي عندي مجتمعين ما انادي عليهم هما لا على طول بس ما اعرف غير ياسلطان جيب كذا وشيل كذا وحط كذا وروح محل الفلاني خلاص تعودت والله ماعاد اقدر اغير الطبع هذا كثير اوقات اناديه بعدين اتذكر وانادي على اخوه يعني انا ام واقول لك لاتواخذين امك ترى والله انها ماتقصد انها تتعبك او تثقل عليك لاكن تعودت عليك صارت ماعاد تعرف تنطق إلا اسمك وماتكلف بالشغل إلاانتي ولا ترى هي تتمنى ان كل بناتها يشتغلون ويتعلمون لطبخ والترتيب والأمور السنعة الحين حتى لو الله كتب لك بنصيب وتزوجتي وطلعتي من عندها تلاقينها تقول لأخواتك انتم غير عن فلانه اختكم فلانه كانت احسن منكم وتسوي كذا وتعمل كذا وطبخها حلو وترتيبها نظيف ومنسق ليش ماتتعلمون مثلها تلاقينها تمدح فيك وتثني عليك وعلى شغلك وكل شئ تسوينه فلا تتضايقي ولا تحطي في خاطرك هاذي امك وتحبك و من زود حرصها عليك تبغاك تتعلمين علشان كذا تشد عليك وترى كل اللي انتي الحين تمرين فيه من شغل وكرف وتدريب ترى الدور جاي على اخواتك كل وحدة منتظرها دورها عند الوالدة الله يحفظها لكم ويخليها ويطول بعمرها يارب وصراحة احي امك باين عليها انها ماتحب تدلع البنات وتخليهم على راحتهم علشان كذا اللي بيتزو ج عندكم محضوض وامه داعية له وعسى الله يوفقك ويرزقك ابن الحلال وتفرح فيك امك ونفرح فيك احنا اخواتك في المنتدى يارب ياكريم . |
رد : إجازة الصيف نعمه ولا نقمه
أهلين و سهلين بنور العين.
أجل الحال من بعضه ؛ صدقتي الحر ومع الحر مافيه أماكن نروح لها. أمي الله يردها بالسلامة مسافرة برا تحكيني تقول أصحى من 6 الفجر و أنام 9 مساءً. طلع الخمول والكسل بس بالبيت. ماتنلام حر ومافيه شيء يشجع. رحمته سلطان والله ؛ ماشاءالله عليه أكيد بيساعدك بس لابد ينقهر من أخوانه تلقينه يقول ياليتني آخر العنقود. * قولي تحسبين الناس مثلك. هههه. دائم أمي انتي غيرك خواتك مو مثلك وش أسوي !! يمكن هذه دعوة خوالي تقول أمي كانت ولادتي قبل الفجر وبالشتاء و خوالي يحبون أمي وكانوا عارفين أنها رايحة للمستشفى تولد " تقول مجتمعين ويدعون يقولون وقت مستجاب يارب ترزقها بنت وتساعدها لأنها كانت بيت عايلة . لا يابعدي مو متضايقة منها ، متضايقة من خواتي ماابي أمي تزعل وخاصة انه على قولتها حاسدين عليهن و مايدرون أني تعبت عليهن ؛ ياحظك عندك بنات !! كنت أتمنى نقضي الصيف بشي يفيدنا دنيا و آخرة اقترحت عليهن نرجع حفظنا للقرآن وأشرح لهن بعض الأحكام. أبوي نبهني قال حرام تكتمين علم و أقرب شيء أهل بيتك. ألف شكر أم سلطان ردك وتشريفك يسعدني والله وخاصة ماشاءالله ردودك الله يقويك ويكتب لك الأجر. ومشكورة على دعواتك. أصلح الله لك النية و الذرية. |
| الساعة الآن 06:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©