|
خطيبي بهذلني
السلام عليكم ورحمة الله وبركاته
كيفكم ان شاءالله تكونون بخير ومرتاحين بدخل في الموضوع انا قد حكيت كذا موضوع عني وعن خطيبي والحين لنا 9 شهور متملكين وكان زواجي في 7 بس خطيبي عنده ظروف وقدرت وضعه وحطيته 11 نهايتها المهم اهله اختاروا موعد وانا وافقت عليه انا عندي اهم شي الزواج مايكون ايام اسبوع علشان انا زواجي عائلي بس زواج رجال واهله بيجون في البيت انا عندي واحد من إخواني مو موجود بالرياض عسكري ومضغوط بشغله مايقدر يجب ايام اسبوع وانا ماابي الزواج ايام دراسه اصلا وخطيبي كان بارد وانا اللي جيت وقلت له حدد وكان يقولي الحجز قبل الزواج 3 شهور يعني كان متساهل الامور وبارد انا ساكنه بعيد عن اهل خطيبي بالرياض بس نختلف عن الاحيا قال هو ابي القاعه عند بيتنا لانها أرخص عند حيهم وقلت عادي بكيفك سو اللي تبيه هو كان محدد قاعه يبيها وصارت القاعه مليانه المهم دق علي وقال ابي الزواج يكون يوم السبت ايام الاسبوع علشان هالقاعه اللي يبيها انا قلت حبيبي والله مااقدر اخوي ماراح يحضر زواجي بس برسل زوجتي قلت ماراح تكتمل فرحتي وأهلي اصلا مايبون ايام اسبوع وانا ماابي قال انا ابعطيه فلوس التذكرة جد انقهرت من حركته هذي والله ان اخوي اجازاته خلصت وبالياالله نشوف بس يرسل لنا زوجته هو مايجي الا أربعا وخميس ثم جلس يعصب يقول اللي بيحضر يحضر الله يحيه واللي مو حاضر بكيفه قلت بس هذا مو اي احد هذا اخوي انا قلت هذا نتيجة برودك واهمالك من متي وانا اقول أحجز وقال انا الغلطان اللي أخذ راي حريم اللي ياخذ رأيهم يكون ناقص عقل هو خذي رأيي ويوم قلت لا عصب طيب إيه تاخذ رأيي طبعا امه قالت ابجيب ضيوف معي للزواج قلت اذا تبيه ايام اسبوع ماراح يكون زواج الحريم في بيتنا بخليه عايلي مرررره طبعا انا مروره مقهوره من كلامه وتصرفاته انا كل شي حجزته بهالتاريخ ولنا شهر وشوي واحنا حاطين هالتاريخ ليه ماراح حجز ويكفي ان اهله اللي مختارين التاريخ واليوم ورضيت ولا قلت شي والله اني رضيت ع اللي يبونه وربي قهر افرح وأخوي مو معي انا انقهرت من كلامه هذا من حقي وليه يقول انا يعطيه التذكره وش دخل الفلوس انا ماجبت سيرتها |
رد : خطيبي بهذلني
ولا رد منكم ابيكم تعطوني رايكم
|
رد : خطيبي بهذلني
لا طبعا
اخوكي لازم يحضر .. و هو لابد ان يظبط مواعيده |
رد : خطيبي بهذلني
ليه الكلام بالترتيبات معك انتِ .. أوك ياخذ رأيك لكن لما يصير فيها نقاش فالأفضل يكون الكلام مع رجالك .. ابوك او أخوك |
رد : خطيبي بهذلني
التفاهم مايتم أبداً في حالة الانفعال هذه
يبدو أنك من حالتك أنك مازلت منفعلة إلى الآن دع الأمر أنت الآن واجعلى أهلك يتلونه |
رد : خطيبي بهذلني
انا اهلي مو راضين ع موعد بس قالوا دامه يبيه خلاص يسويه
وأخوي قال اهم شي سعادتك واستحاله سعادتي تكون كامله وهو ماراح يحضر يكفي شبكتي ماحضر انا قهرني كلامه وتصرفه وهو اللي كان محدد هاليوم مع اهله وهو اللي بارد بالموضوع والله ماحلفتوني انا اللي ناقشته انو لازم يحدد موعد الزواج لأني مليت من وضعي وكان يقولي انتي مكبره الموضوع تري كل شي يتم قبل الزواج بثلاث شهور والله ان فيه امور كثيره ماسواها بس حددنا التاريخ ويبي يقدمه طيب اذا كان ايام دراسه انا أقاربي مو بالرياض ورآهم دوامات انا يهمني اخوي وهذا اللي فكرت فيه انتم قولوا لي رايكم بالموضوع كيف طبعا أبوي رأيه من رأيي وبعدين موعد الزواج اللي اختاره مايناسبني شخصيا تعرفون البنت شنو يصيرلها وانا من النوع أخذ ابر ماقلت له كذا استحيت قلت لها عن اخوي اهم شي |
رد : خطيبي بهذلني
طالما ابوكى رايه مع رايك خلى ابوكى يكلمه و يحل الموضوع معه و انتى هدى نفسك الصراحة ليكى حق اى بنت تكون نفسها تفرح وسط اخواتها كلهم و واضح ان اخوكى غالى عندك و تحبيه يكون جمبك وقت فرحك
اصبرى لحد اما تهدى و هوا يهدى و كلميه بهدوء قوليله مينفعش و اهلى كمان مش موافقين و انا فرحتى مش هتكمل غير اما اخوية يحضر فرحى و قوليله دة جواز مش لعب لازم اكون مبسوطة و مطمنة على دراستى كمان و شوفى هيقولك ايه و لو محصلش حاجة كلمى اهله و خلى ابوكى يكلمهم و يتدخل و ان شاء الله خير متزعليش نفسك كدة كل حاجة و ليها حل |
رد : خطيبي بهذلني
عزيزتي
شبكة اخوي ما حضرتها لانها كانت توافق ايام اختباراتي في الغربة و يوم زواجه، نزلت من اوروبا عشان احضر زواجه و وقت اختبارات و جلست 3 ايام و رجعت .. خلي اخوك يرتب جدوله و مواعيده و اجازاته و ينزل يحضر الزواج يمكن زوجك يبغى وسط الاسبوع عشان ارخص مثلا بس يستحي يقول لك ؟ |
رد : خطيبي بهذلني
شوفي حبيبتي اخوي شغله صاير ضغط والله انه متبهذل وشغله احيان
يعطونه اجازه ثم يقطعونها عليه يعني انسب شي الويكند والزواج الحريم بيكون في بيتنا وهو ليجمع علي صعبه يكون ايام دراسه وانا خالاتي موو بالرياض كلهم مع عماتي وأهلي رافضين هالشي يقولون ايام اسبوع لا وانا صحباتي يجون ورآهم دراسه لا هو يبيها لان بي هاليوم اللي فاضي يكفي انه مخليها بعيد عنا وبعدين تخيلي قلت له اكد لي التاريخ قالي ابنتظر اهلي لين يرجعون من السفر تيب هاليوم مناسب لأهلك وهم اللي مختاربنه ليه تعقد الامور يكفي هالشي انا تعبت ومليت وانا حجزت أموري ارجع اكنسلها |
رد : خطيبي بهذلني
لو اني مكانك، راح اتصل بنفسي عالقاعة و أسألهم عن نفس اليوم
لو كان ( فاضي ) و لا لأ ..؟؟؟ |
رد : خطيبي بهذلني
هل سعر القاعة يختلف في أيام الدراسة عن أيام العطلة
يعنى تخفيض في أيام الدراسة |
رد : خطيبي بهذلني
اختي ربي يوفقك و يسعدك و يسخر لك قلبه يااارب
الي اعرفه انه موعد العرس .. تقعد ام العروس مع ام العريس و يشوفوا الوقت الي يناسبهم كلهم ولازم طبعا يراعوا انه يكون في وقت مناسب للبقية المعازيم .. فلا يكون في ايام امتحانات مثلا او ايام دراسة .. والا مافائدة من اقامة العرس والحضور لن يأتوا؟؟؟ زوجك يريد تلك القاعة لرخصها .. ولا يريد البحث عن غيرها (كسل على ما اعتقد) اذن ابحثي بنفسك عن قاعة اخرى (سؤال صديقاتك او اقاربك او من دليل الهاتف و اتصلي على القاعات... يكون سعرها قريب لذلك السعر وموعدها مناسب لك و اطرحي له البديل .. اخير.. غاليتي .. خارج عن موضوعك قرات جميع مواضيعيك و اتضح لي انك تحبينه لحد كببببير و تتغاضي عن اشياء كثيرة في سبيل هذا الحب.. وهذا ليس من مصلحتك.. ووالله اني اخاف عليك فكثرة التنازل لا تاتي الا بطمعه فيك زيادة ثانيا .. اهله سيتعبووووونك .. كان الله في عونك وللاسف يتهيا لي انه من النوع الذي ينصت لهم (اتمنى من الله ان اكون مخطأءه).. لذا انتبهي منهم ... وحاولي ان تكون علاقتك بهم طيبة و رسمية اخيرا .. اتمنى منك .. ان تاجلي الانجاب سنة فقط .. خللال هذه السنة اذا كانت اموركم مستقرة و اهله غير متدخلين في حياتكم و مشاكلكم عادية اقدمي على ازالة المانع واذا ايتي ان المشاكل تزيد واهله يفتعلونها وهو واقف معاهم و الى جانبهم وتلقين منه الاهانات فابيت ابوك اكرم لك ..دون طفل يربطك به .. بعيد الشر عنك و ان شاء الله مااتحصل اي مشاكل و لا هموم .. لكن للاسف في علامات سلبية ظاهره من الان .. لذا الاحتياط واجب ربي يسخر قلبك لك و يسعدك معاه و يبعد عنكم كل سؤ |
رد : خطيبي بهذلني
يَ قلبي عليكـ خيتــو
شيخ العشيرةة نآآآآآيم في العسل:eek::eek:!!!!!!! المفروض من البدآية في مثل هالأمور تكون بين الرجال خصوصاً تحديد موعد الزفآف شآيفكـ أكلتي هم الحجز ومهتمة آعتمد عليكـ وريح حآله".. بصرآحةة مآني عارفة كيف البعض يتقدم على الزوآج دون مايكون مأسس حاله وحآسب حسآب لكل شيء يعني ينتظر أنتي اللي تسوين كل شيء ..فيه مبدأ على الكل بنتبه له ((الحيآة مشآركة)) يعني مو حلوة يشيل وآحد من الاثنين مسؤولية كل شيء المشآركة حلوة لكن من دون آتكآآآآآلية:29:.. آفضل أنه أخوكـ أو أي رجل بعيلتكـ صآحب حكمةة يحسم الأمور ويتفق معه وقتهآ بيحس ويتحركـ خطويتين ويتركـ الممآطلة لكن معكـ آنسي يخلص شيء بتحترق أعصآبك على الآشيء أو حتى أمك تكون حآزمة مع أم خطيبكـ وتوضح لهآ صعوبةة الأمر عليكـ كعروس وتجهيزكـ.... يسهل آمركـ الرب وآصلح حآل شيخ العشيرةة :14: "من البدآيةة آرفع لكـ معه وآقول شيخ العشيرةمَ حبيت آسيء له لأني عآرفه بنيتي معآه أحلآآآم وكل شيء يتصلح بس شويةة صبر " تقبلي مروري:جوت |
رد : خطيبي بهذلني
حبيبتي ربي يتمم لك بخير ويوفقك ويسعدك ويهنيك
الزمي الاستغفار وحاولي امك تكلم ام الولد وتقوله انه هالموعد مايناسب البنت بسبب ظرفها الخاص وتذكره اتوقع هالسبب لحاله بيخليه يغير الموعد |
رد : خطيبي بهذلني
:* |
رد : خطيبي بهذلني
شكرًا لكل اللي ردوا
بخصوص أنكم تقولون تأكدي من وقت القاعه تأكدت وصارت زحمه اهلي معروفين في حالهم وانا التاريخ اللي حدده ناسبني انا وأهلي وبخصوص انا زواجي الحريم بالبيت والرجال بقاعه انا الولد يحبني وعارفه هالشي بس ليت هالحركات هذي وبالاخير قلت له حدد قال انتظري لين اهلي يرجعون من السفر واحدد طبعا قلت له الزواج يخصني ولازم يكون مناسبني انا اكثر لانو الحريم في بيتنا انا اهلي في حالهم ومايحبون يتدخلون ولو كلم أبوي راح أبوي يقوله نفس ردي ونفس كلامي انا والله اني ماقصرت معه انا بنت والحمدالله عايشه في بيت أبوي مرتاحه ومااحب اثقل او اضغط ع ولد الناس انا يمكن توقعت ان اهله مثل اهلي يمسكون الولد ويفهمونه عن امور الزواج وهذا هو المفروض وهذا هو الأصول وانا اصلا مفكره انو ااجل الحمل علشان دراستي بعد وآن شاءالله يتغير ومشكورين لكل اللي ردوا * |
رد : خطيبي بهذلني
يحبج ما اختلفنا... بس هل الحياه تستقيم بالحب فقط؟؟؟؟!!!! و هل العطاء يكون من شخص واحد فقط؟؟؟؟
يا اختي مواضيعج كلها تدور حول نقطه واحد و هي "عدم التقدير"... انا مع الأخت نوره... تأجيل الحمل سنه في مثل حالتج وااااااااااااجب... |
| الساعة الآن 10:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©