|
انخطبت بس مو فرحانة(تم الرفض بالرد 50)
كيفكم
زعلانة ودي اقولكم السالفة بس مأعرف اكتب شي و انا منكدة :( بس زبدة الحكي اني انخطبت و شفت الادمي و ما جاز لي و اهلي يبون اخذه .. طيب ليه كذا ؟ حسيت اني قاعدة على قلوبهم و يبون الفكة ..!! طيب انا مابي اتورط ي الله متى اخلص من ذا الهم اخوي يقنعني اروح اسوي التحليل انا مترددة كثير احس اني بلا راي او يمكن خايفة ...!! لا مو كله خوف قد ماهو حيرة :( انتم ايش رايكم |
رد : انخطبت بس مو فرحانة
ناقشيهم يا عزيزتي حتى تفهمي وجهة نظرهم.
ثم.. كيف ما جاز لج؟ ما هو عيبه بالضبط؟ .. وما هي مميزاته التي يراها أهلكِ؟ |
رد : انخطبت بس مو فرحانة
سبحان الله نفس الشعور.. مدري حيرة ولا خوف من تكرار التجربة ولا رفض...
طيب كلمينا عن الشخص نفسه مميزاته عيوبه مدى التزامه... ومن اي ناحية ماجاز لك يا عسل ؟ انت أش المواصفات اللي حاطتها لزوج المستقبل؟؟ ولا تخافي محد يقدر يغصبك على شي اذا انت ماتبين... وفي نفس الوقت اذا اجتمعت الامة على اساس ان هالزواج يتم ماراح يتم الا بإرادة الله والعكس صحيح... استخيري يا قلبي .. الواحد فينا يمشي في هالدنيا وما يدري وين الخير... الله يوفقك.. ويكتب لك اللي فيه الخير... فرحت لك يا عسل .. عقبال مانشوفك عروسة... |
رد : انخطبت بس مو فرحانة
السلام عليكم ،،،
و الله اني فرحانة لك يا عزيزتي و استبشري خيرا و لا تكوني متشائمة و استخيري اولا و اخيرا و اسألي الله ان يكتب لك الخير حيث ما كان ثم يرضيك به الاستعجال ممنوع فلا نريد تكرار الماضي و لاتنسي اهم شي الاخلاق و الصلاة اهم شي ان تدرسي مدى التزامه وفقك الله للخير يا رب |
رد : انخطبت بس مو فرحانة
الله يقدم لك الصالح
واستخيري أفضل إذا تشربكت عليك الأمور أسأل الله لك التوفيق والسداد أينما كنتِ |
رد : انخطبت بس مو فرحانة
فردوس ياغاليه ليه ماجازلك؟
انتي ماقلتي لنا مواصفاته عشان نحكم؟كيف خلقه ودينه؟في مقومات تخليه أهل لزواج وموافقاتك؟ وياعزيزتي ﻻتفكرين كذا أهلك مايبون الفكه بس هم يتمنون لك السعاده ويبون لك العوض ..ويفرحون فيك..ياختي حتى حنا نبي نفرح فيك^_^ ويمكن اهلك شافو فيه انه رجالن ماينرد وﻻ ينرفض.. دعواااتي القلبيه بأن ربي يكتبلك الخيره ويبعدك عنك الحيره.. |
رد : انخطبت بس مو فرحانة
لازم تروحين عند شيخ .... يمكن عندك مس:d |
رد : انخطبت بس مو فرحانة
هذي حياتك وأنتي صاحبة القرار لازم تبدين رايك بوضوح ..
ولكن بعد الأستخاره والتوسل لله والتضرع له بأن يلهمك القرار السليم ويوفقك ... هالمره حبيبتي لازم يكون قرارك عن قناعه تامه وقبول نفسي ,, لاتستعجلين بقرارك ولازم تقيميين الخاطب بتعقل .. وايضا لاتهملين نفسك وحاجاتك الي تعتبرينها أولويه بزوج المستقبل من كل النواحي النفسيه والوجدانيه قبل الماديه وغيره ,, الله يوفقك يارب ويرزقك باللي تتمنينه |
رد : انخطبت بس مو فرحانة
حبيبة قلبي انتي ..
ليه كذا .. تفاءلو بالخير تجدوه ياحبيبتي .. |
رد : انخطبت بس مو فرحانة
مرحباً يا فردوس ،،،،
وراه الحلو زعلان ؟! هونيها وتهون يالغالية ،،، الحين شفتيه ولا جاز لك شكليا او مواصفاته ما اعجبتك ؟! أكثري من الاستخارة ... اسأل الله لك التوفيق |
رد : انخطبت بس مو فرحانة
قناعة الطرفين ببعضهما البعض من اللبنات الاساسية لتشييد عش الزوجية على التفاهم والانسجام ولكن يااختي الفاضلة هل لديك اسباب مقنعة لرفض هذا الشخص اذا كان لديك اسبابا فقوليها لاهلك بكل وضوح فلاعيب في ذلك فهذا حق من حقوقك اما اذا كان الامر حيرة والرجل ليس فيه مايعيب في الدين او الخلق فتوكلي على الله واحزمي امرك فالزواج يااختي الفاضلة عصمة لمن يدخله وهو نعمة من المولى لايعلم قيمتها الافاقدها :::نسأل الله ان يكتب لك الخير في امرك هذا وان ينير بصيرتك لمافيه صلاح دينك ودنياك
|
رد : انخطبت بس مو فرحانة
فردوسه فيها خيره ان شاء الله حبيبتي
سبحان الله من كم يوم حلمت حلم يخصك وماني قايله عليه الا لما تردي وان شاء الله بشاره ياقلبي الحمد لله |
رد : انخطبت بس مو فرحانة
فرحتي قلوبنا على هالخبر الحلو بس ليش مو فرحانه
الله يكتب لك اللي فيه خير ويرزقك بالزوج الصالح اللي يقدرك ويحسسك بإنوثتك :d |
رد : انخطبت بس مو فرحانة
ياقلبي أنتي مافهمنا ماجاز لك شكلياً ,,و لا أخلاقه ودينه رجولته.
استخيري وخليك على وضوء طول اليوم وكل ماتوضيتي صلي ركعتين و أدعي كثير. و إن شاءالله تبشرينا ، أسأل الله العظيم أن يشرح صدرك ويزيل كربك. وأهلك يابعدي يبون يفرحون لك ويشفونك سعيدة لإيوسوس لك الشيطان. |
رد : انخطبت بس مو فرحانة
فوفو خبرينا ما الذي يعيق ارتباطك به من وجهة نظرك ؟ فوفو تراني تزوجت واكلمج الحين من بيت زوجي كود أفتح نفستس ع قولة أختي تقولي : تزوجتي ونورتي وفتحتي نفسي للزواج , فديتها . . . . . مهره وحشتيني فديتج |
رد : انخطبت بس مو فرحانة
فاكهة الستاء ... بسم الله ماشاء الله
الف مبرووووك غالية اشتقنااالك ربي يسعدك و يوفقك فوفو .. ياعروستنا :) مستنية ردك عالبنات .. في شي محدد فيه ؟؟ ولا هو خوف من التجربة ؟؟ |
رد : انخطبت بس مو فرحانة
صباح الخير ..
الله يسعدكم على الكلام الطيب .. :( بقولكم السالفة من أولها و أنتم أحكمو وإذا كان ما معي حق فهموني هذا الرجال دق قبل فترة هو مو من منطقتنا بس كلم على أهلي و قال بحجز أزوركم وبعدها بإسبوع دقت أخته و قالت الوالد عندنا مرض و تنوم و اعذرونا قلنا معليش المهم الرجال أبطى بالحيل لين نسيت السالفة انا ,, و جا ذاك اليوم اللي جيت من الدوام تعبانة ابي انام ولا قدرت لين أذن العصر .. بعد الصلاة نعست تماما , جاتني أمي قالت روحي بخري المجلس اخوك بيجيه ضيف بسرعة , رحت وبخرت و جهزت القهوة و دخلت غرفتي على أساس أنخمد , شوي جا اخوي بعدين دريت من أمي ان الضيف هو الرجال اللي جاي يخطبني قلت ليه ما علمتيني يمه قالت نسيت , اخوك البارح دق علي و انا نايمة و علمني ونسيت اقولك انتي من الصبح خرجتي , ولما اتصل اخوك مع العصر تذكرت مشيتها انا وقلت خلاص اجل انا برقد لا صحيت الليل اعرف وش صار معه , جيت بنام مافيه الا نص ساعة جاني اخوي قال قومي الرجال بيشوفك قلت نعم ..؟؟؟؟؟ اخوي ساعتها كان معصب مرة وماني دارية ليش قلت ماني جاهزة قال معك عشر دقايق تجهزين قلت يااخي اش اللي عشر دقايق اقلها بدخل اتروش قال مو وقت ترويشة بسرعة ادخلي عليه كلها دقايق البسي طرحه .. قلت خير والله ما دخلت كذا لو تقطعني قال معك ربع ساعة يالله بس خلصيني , انا بصراحة تكرنت و شياطيني كلها طلعت و اللي زاد الطين بلة أول ما خلصت ترويشة طفت الكهرباء :eek: اخلاقي قفلت مو وقتها مررررة , جا اخوي قلت ماني شايفة ملابسي يااخي أجلها والله صعب اتجهز بالظلام قال لي الرجال بيمشي بكرة و غير كذا انا عندي رحلة المغرب لا تأخريني بسرعة , استسلمت للأمر الواقع وعلى نور الجوال طلعت لي اي لبس وأي كلام شبكت مكواة بكوي تنورتي تذكرت الكهرباء :( وشعري مبلل وحااااالة تبكي نشفته بالمنشفة سريع سريع ماش يبيله مجفف عشان أقلها الموية تخف لكن ما كان معي وقت , انا خلاص الدمعه في عيني من الموقف الأهبل دا , اتصلت في اختي وانا معصبة قالت خلاص يا شيخه أدخلي بس ربي أراد لك كذا قلت لها شكلي مبهدل ما احب اي احد يشوفني بالطريقة ذي بعدها جاني اخوي قال انا خرجته للحوش جالس هناك ينتظرك اذا ناديت تعالي و أدخلي بالشاهي قلت طيب و انا بصراحة كنت اغلي لكن ما حبيت أترادد معه خاصة هو معصب لانه متأخر عن المطار جيت عند الباب بطلع طليت بالمراية ودي أتراجع .. :( وكلت أمري لله و دخلت , طبعا متوترة و معصبة و مرتفع ضغطي ولا عطيت نفسي فرصة أطالع بالرجال طول الوقت أطل بالناحية التانية وهو يناظر فيني و مدري وش قال أصلا عدت يمكن دقيقتين وقمت رحت غرفتي و جلست أبكي :( بصراحة موقف لا أحسد عليه نمت و انا في بالي أن الرجال إنفجع وما حيرجع و لا اعطيت نفسي مجال أفكر فيه . صحيت من النوم زعلانة من السالفة , وزعلت من أخوي أكثر شي انو ما اداني خبر فاجئني انه جاي والعادة انا لما يكون فيه شوفة يكون عندي خبر من قبلها بيومين مو بالطريقة ذي جري جري تناقشت مع اخوي قال انا اصلا ما كنت ابغى النظرة الحين لكن هو قال انا من فترة ادور حجز وكل الرحلات انتظار وباليالله حصل حجز لجدة والرجعة اليوم اللي بعده يعني ما معه الا اليوم وانا لي نظرة بالرجال شفته واحد دغري وحسيته كويس , طيب انا وش ذنبي تدخلني عليه بالطريقة ذي قام يستهبل ويمزح معي قال المهم الرجال دق وقال ها متى تبون الملكة قلت اصلا انا ما عجبني وما ابغى اخوي يحسبني اتدلع الى الحين مو فاهمني ولا حاس بي يقول واذا يعني دريتي قبلها بعشر دقايق ترى غيرك دخلت وهي ما تدري انه داخل , انا سألت عنه ويقولون رجال مصلي وسمعته نظيفة وانتي صلي واستخيري وخلاص يعني وش تبين بعد :11: انا يا جماعة زعلت من أخوي أول مرة أشوفه يتعامل معي بالاسلوب ذا , سألته كم عمره الأدمي شكله كبير قال مدري والله اتوقع في حدود الـ 45 .. بالله ذي مو رمية ؟ اخوي يقول انتي ما شفتيه لانك دخلتي على عجلة لا تحكمين انه ما عجبك , يمكن يكون كلامه صح بس انا ماني مرتاحة مرة مرة رغم اني للان ما افتكر شكله الآدمي وهم مصرين انو كويس وخلاص يالله اخذيه |
رد : انخطبت بس مو فرحانة
اقتباس:
انا يا مهرة ما جازت لي الظروف اللي شفته بها وكرهته منها مبدئيا مافيه عيب واضح .. بس اهلي يقولون فرصة احتمال ما يجيك واحد مثله |
رد : انخطبت بس مو فرحانة
اقتباس:
الرجال مو من ديرتنا يعني مهما سألنا عنه ما راح ناخذ معلومات وافية عنه بعدين تبين الصراحة .. لما سمعت صوته حسيت انه ثقيل دم مو زي ما ابي معالي انا ما ابي اي واحد وخلاص :( احلامي كبيرة في زوج المستقبل ما طابق احلامي فيه الا شي واحد , وظيفته بس لكن ما دونها يعتبر شي عادي , بس بالدرجة الأولى يهمني شخصيته وبعدها كل شي يهون انتي مثلي صح ..؟ |
رد : انخطبت بس مو فرحانة
اقتباس:
مو هو دا يا رينول , ما أبغى أستعجل أبداااا والله انا مو متشائمة أبدااا وانتو تعرفون شخصيتي :( وخاصة لما شفت الرجال مستعجل مرة وهذا اللي خوفني أكثر يبي الزواج قبل رمضان مستحيل أقبل بالسرعة ذي |
رد : انخطبت بس مو فرحانة
اقتباس:
احس اللي متردد يستخير وانا تنرفزت من موضوع الشوفة ومن تصرف اخوي , وحسيتها علامات قوية لعدم القبول ولا انتي اش رايك ؟ |
رد : انخطبت بس مو فرحانة
سبحان الله ماحلفتيني نفس الشي صار معي بس الحمدلله حنا الكهربا ماطفت هههه
حاس بك ياعمري ،، أبوي قال لي حرام جائ مشوار من الرياض و أبوه كبير عيب علينا نرده. كنت نائمه قومني الرجال جاء نسيت على بالي عمال من العمال الحمدلله أبوي آخرهم و أمي خلوهم للغدى لأني كنت زعلانة و أبكي و أبوي أقنعني قال ترى الشوفة لك مو له شوفيه وبعدين قرري ز كش يوم اتذكر ذالك اليوم وخرعته قلبي يوجعني. كان مستعجل بكل شيء يوم طلع كم مهركم والمؤخر لو تبي 100ألف حطوه بيني وبينك شكيت ليش يقول كذا يقولون الرجال شاري بس أنا ماارتحت قلت العجله وراها شيء """ وفعلاً كلامي وتوقعي طلع بمحله. ماقليتي لنا متزوج ولا. |
رد : انخطبت بس مو فرحانة
اقتباس:
تخبرين يوم نسولف بموضوع العادات في الشوفة واحكيك عن الشيوخ اللي عندنا جلست اضحك قلت صادق اخوي اني احسن من غيري .. بس عاد مو بالطريقة ذي :rolleyes: اهلي ونا ابخص بهم .. لو يبون لي السعادة كان شاوروني في اللي قبل ذا .. فيه كذا واحد رفضوه كذا بس من الباب للطاقة وهذا اللي خلاني اشيل بخاطري , اوكي انا معك اهلي لهم نظرة .. بس يا غصة انا بعد لي نظرة واحس اني ما شفته زييين ولا سمعت هروجه خاصة هو من دخلت سكت قال كلمتين بس ولا تكلم عن نفسه ولا خلاني ارتاح له ولا شي عمري فحياتي ما سمعت عن رجال يشوف وحده بالطريقة ذي .. المعروف انه يتكلم يقول انا كذا اشتغل بكذا يعرف بنفسه أقل شي ولا أنا غلطانة ..!! هذا ساكت قال اني ابد بجيبس عند عيالس ولاني بحرمس منهم ..>> يهرج بالسين مثلك مو زينا قوم دحينا :( يجيب الله مطر يا وخيتي |
رد : انخطبت بس مو فرحانة
اقتباس:
|
رد : انخطبت بس مو فرحانة
اقتباس:
انا أبديت رأيي على أساس الظروف اللي صارت بذاك اليوم وعشان كذا زعلت و تنكدت ورفضت الموضوع كله لأني معتبرة نفسي ما شفته باقي .. لما فكرت فيها بعد ما هديت وذا .. قلت لأخواتي ابي اقول لأخوي يجيبه بشوفه زين لأني ما شفته أول قالو كلي هوا وانطقي مو كل شي تقرينه في عالم الأسرة تجين تطبقينه على عادات أهلك لأن أخوك ما بيرضى بالهبل اللي تقولينه .. :( أنا بصراحة مترددة أطلب اشوفه مرة ثانية .. حاستها صعبة عشاني الرجال وش بيقول فيني بعدين اللي يسمعني يقول بخش بعينه واتمقله زين , يالييييل والله ماني داريه وش أبي احس اني متورطة صدق |
رد : انخطبت بس مو فرحانة
اقتباس:
مدري وش جاييني يا توفي مو قادرة أتفائل مقهوووووووورة |
رد : انخطبت بس مو فرحانة
اقتباس:
انا شفته بس ما شفته قصدي هو شافني وانا أكلت هوا :( اخوي يقول لي انه وسيم وحليوة , مواصفاته بصراحة مناسبتني جدا يعني قبل ما يجي كنت 50 % أبيه عشان مواصفاته بس بعد ما جا ولا واحد بالمية أبيه > طبعا بعد ما طفت الكهرباء :11: |
رد : انخطبت بس مو فرحانة
اقتباس:
شلون أقتنع بشخص بس على أساس دينه وخلقه .. أوكي هذا المتعارف عليه بس يااخي فيه حاجة إسمها القبول .. وماني قادرة أطلب شوفة ثانية , انا ما ادري وش تفكير الرجال يمكن يطلع خبل ويفكر فيني ولا بأهلي شي غلط .. مو كل الناس متفهمة ..! انت لو قالو لك أهل البنت تعال تبي تشوفك مرة ثانية وش ردة فعلك ..؟ قصدي وش بيجي في بالك ؟ احس الرجال صعبييين |
رد : انخطبت بس مو فرحانة
اقتباس:
انا شايفة اسمك تحت يا ويلك لو تروحي تنامي اكتبي لي الحلم بسرعه :29: |
رد : انخطبت بس مو فرحانة
اقتباس:
انا كتبت هناك ليش ما فرحت :( آميييييين يا رب وانتي كمان |
رد : انخطبت بس مو فرحانة
اقتباس:
قلت لها يمه تراني ماني مطيورة مرتاحه بحياتي وما ابي غثا لا تحسبيني بفرح لا اعرست شوفي المتزوجات كلن وهمها تقول لي انا وابوك ما حنا دايمين لك انتي الحين مرتاحه بس بعدين لا كبرتي بتندمين .. صحيح اني طفشانة ابي ونيس بس بصراحة مترددة كثير خاصة الفترة اللي فاتت مع المشاكل كل مالي اشيل موضوع الزواج من راسي ... الله يجيب اللي فيه خير |
رد : انخطبت بس مو فرحانة
اقتباس:
يختي انبسطت لك وربي الله يحميك قولي آمين فاكهة .. الرجال مبدئيا مقبول على أساس مواصفاته بس تذكرت كلامك لي يوم تقولين اذا من برى منطقتك بيكون السؤال عنه صعب واخوي اسم الله عليه في اسبوع جاب لي خبر ومدحه ... ماش , باقي خايفه كل شي بسرعة ما دخل مزاجي بعدين هو متزوج و أكبر مني ب 12 سنة جاله تعيين في منطقتنا و زوجته أهلها مريضين ما تبغى تبعد عنهم , هذا كلام أخته لأمي قالت زوجته سمحت له يتزوج وهي راضيه وعندها علم لا تبعدين .. عطيني رايك :11: |
رد : انخطبت بس مو فرحانة
اقتباس:
تقدرين تقولين خوف من التجربة .. نورا لو طلع مو كويس ولا دمه ثقيل بكره نفسي :( ديني ودين الرجال النكدي أموت عمري ولا اجلس اقابله وصعبه أجي لأهلي مرة ثانية وأقولهم ما ارتحت له ... يا ربناا .. اش فيها لو جلست كمان سنتين عند أهلي :( > هذا دلع لا تاخدي عليه :18: |
رد : انخطبت بس مو فرحانة
اقتباس:
|
رد : انخطبت بس مو فرحانة
اقتباس:
اقول لامي مستحيل احد مرت عليه نفس ظروفي ذي تقول احمدي ربك انتي ارحم من غيرك .. والله يوم اتذكر الكهربا لما طفت اضحك اضحككك على قولتك صادقين , هم عشانهم جايين من ديرة ثانية يتغاضون شوي على فكرة الرجال شمالي :) ما درى إن بالشمال مزيونة مثلك ولا كان ما طار لجدة عشان خبلة مثلي :d تدرين وش أكثر شي قهرني , اني كنت مجهزة لبس معين عشان ادخل فيه لبست شي ثااااني .. لا ومعفطة بعد .. ام البياخة يا شيخة لما اتذكر ذاك اليوم اغمض عيوني من القهر احس انه قال شكلها هبلى وما تعرف تلبس |
رد : انخطبت بس مو فرحانة
ياحبي لك يافوفو .. ربي يسعدك و يوفقك يااارب
الدين و الاخلاق ماراح تعرفوهم الا اذا راح احد لمنطقته وسال وقعد يراقبه :) امزح حد يتعنى بالسؤال ... ماتعرفوا حد من اصحاب او اهل هناك ممكن يتاكد؟؟ الشيء الثاني موضوع جلوسه بمدينتكم و تعيينه .. هل هو على طول؟؟ ولا ممكن بعد فترة يرجع منطقته ..واذا رجع هناك ايش بيكون وضعك؟؟ بيسحب عليك ولا بتروحي معاه ؟؟ولو رحتي .. طيب عياللك ؟؟؟ زوجته اهلها تعبانين .. طيب الله يعطيهم الصحة لو اتوفوا و قالت بترجع مع زوجها هل بيكمل فتح بيتين ولا ساعتها بيقول مع السلامة ؟؟ قصدي من الهرجة الي فوق .. زواجه الثاني فقط عشان وحدة تونسه و تخدمه بمنطقة تعيينه واذا التغى التعيين التغت الزواجة ؟؟ ولا رغبة فعلية منه في الزواج الثاني ؟؟ هذا الي افكر فيه اكثر شي ماودي اقلقك بزيادة و اجيرك.. بس زي ماقلتي .. الواحد يحاول بشكل ادق في الزواج الثاني من الناحية الايجابية .. زوجته تعلم و اهله يعلموا ووموافقين و هذه بصالحك و تبين انه انسان دوغري غيره يتزوج بمنطقة انتدابه بدون مايخبر زوجته الاولى تنقله بين مدينتين يطرح لك فرصة تشوفي اطفالك براحتك .. الحين خلينا بالقبول الشكلي .. ممكن تطلبي صورة من اخته ؟؟؟ ممكن تطلبي من اخوك يسمح لك تتواصلي معه بالتلفون مثلا مرة او مرتين ؟؟ اذا بالمرة ماتقدري .. ياختي مافيها شي .. كلموه عشان شوفه مرة ثانية .. اصلا هو جاي جاي لمنطقتكم دامه شغله هناك .. خلاص حددو موعد ثاني وشوفيه و سيبي الحياء على جنب و اساليه الاشياء الي براسك ولا تنسي الاستخارة .. ربي يوفقك و يسعدك و يكتب لك الخير ياارب |
رد : انخطبت بس مو فرحانة
تو اتضحت لنا الرؤيه،،الله يعينتس من جد موقف ماتحسدين عليه،ونقمتي على الرجال من ذا الموقف¤ماتنلامين اكره مواقف القروشه والتوتر..
بس ماشاء الله بالرغم من ملابسك المتقرفطه والعجله اﻻ انتس اعجبتيه وبغاتس^_^ بس أنا من رأي البنات التأني مطلوب وﻻزم قرارك تاخذينه عن قناه ورضى،،وﻻتسمحين لحد يضغط عليتس. .والأستخاره كفيله بأذن الله انها تبعد عنتس ذا القوازه إذا مافيها خير لتس.. |
رد : انخطبت بس مو فرحانة
ربي يكتبلك الخير يااااااااااااارب وتفااائلي واستخيري
|
رد : انخطبت بس مو فرحانة
حبيبتي مين اللي تزوجت على اللي في بالها بكل شي
وأحسن شي انك الثانية مو الثالثة بعدين الرجال يفهمون أشكال بعض يعرفون اللي يدخن ويحشش وغيره واذا مايدخن حلوو بس اشرطي بيت شرعي والله يوفقك |
رد : انخطبت بس مو فرحانة
اقتباس:
لكن والله قبل ما اقرأ ردك عالعموم مممممم اي حلم ؟؟؟؟؟؟؟؟ انا قتلك حلم ؟؟ ممكن تكوني ملخبطه بيني وبين وحده غيري :25: ليش ما وفقتي عالعريس ؟؟؟؟؟؟ دلع بنات هاه خلاص ما عندي حلم :29: ههههههههه نشفت ريقك حلمت انك متغيره للاحسن وانا فرحانتلك جدا من كل قلبي صراحة ما شفت وجهك في الحلم واسمك متغير من عذو نشط جدا الى شي آخر افضل لكن والله ذاكرتي :29: لكن عارفه انك فردوسه وبخبرتي المتواضعه في تفسير الاحلام ان شاء الله بتغير حالك للافضل وهو هالعريس ان شاء الله ليش ما صليتي استخاره الله اعلم ممكن ربي يسخرلك انك تشوفيه بعد الاستخاره وانا مع نوره تأكدي ولا تخلي انطفاء الكهرباء تشائم دعاءالرسول عليه الصلاة والسلام (اللهم لا طير إلا طيرك، ولا خير إلا خيرك، ولا إله غيرك) و الحديث (إياكم والتطاير) وهوالتشاؤوم يالله تبشرينا قريبا جدا :14::14::14: |
| الساعة الآن 06:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©