![]() |
بسبب طيشي وتهوري اكتشف أبي محادثتي لشاب
السلام عليكم
اول شيء انا مراهقه عمري 16 لما كان عمري 15 انتقلت لمدرسه جديده وللأسف تعرفت على شله خربانه 'فاسده' !! كانوا يكلمون شباب ودائما يقولون حبيبي سوا وحبيبي فعل وكلام ماينقال صراحه !! كنت انا اقول بنفسي الحمدلله والشكر كيف كذا الناس وين امهاتهم عنهم !! وللأسف جاء ذاك اليوم الي صديقتي قالت لي كلمي واحد وانا كنت ارفض بس صدق من عاشر القوم !! صرت اكلم شاب عمره 22 وانا قلت له ان عمري 18 بس ماكان بينا الا صداقه ماكنت اكلمه بالتلفون كنت اكلمه بالشات .. بعدها ابوي اكتشف اني اكلم ولد !! يالله انا مره نادمه كله بسبب طيشي !! ابوي زعل مرره علي واستاهل صراحه تخليت عن صديقاتي وانا تبت الحمدلله * بس المشكله مدري كيف اراضي امي وابوي وبسبب قلة خبرتي في الحياه مدري كيف اتعامل معهم .. وماعندي اخو او اخت اكبر مني استشيرها .. مالي الا انتم .. ياليت تساعدوني :"* هواجس~ |
رد : مشكلتي طيشي وتهوري !!
الله يهديك ياختي .. إعتذري من امك وابوك ولهم حق يزعلون ويتضايقون منك لانه الي سويته ولي صدر منك
شي ماهو بهين ابد ومستحيل أب يرضى انه بنته تكلم رجال .. الي صدر منك حرام + عيب + غلط إعتذري من والدينك والله يرضى عليك يارب |
رد : مشكلتي طيشي وتهوري !!
:* |
رد : مشكلتي طيشي وتهوري !!
أختي رعاك الله الوقت كفيل جدا بأن ينسيهم.... ولكي تكسبي قلب أبويك سهل جدا.... الأب والأم في اخطاء مثل هذه تغلبهم العاطفة.... فهم لن يطيلو الزعل منك... لكن هناك طرق تسهل عليك كسبهم.... حاولي كسب رضاهم بأي طريقة.... كالقيام بواجبات المنزل أمك.... إستقبال أبوك عند دخوله من المنزل وتقبيل رأسه ويده والسهر على راحته.. تلبية رغباته.... كوني كتاب مفتوح امام أبويك... بمعنى هاتفك دائما قربهم وليفتشوه... فأنت الأن ليس لديك شيء تخافينه أو تخفينه عليهم... أستخدمي النت في مكان مفتوح وادعهم مرات يجلسون معك كأن تري امك أشيلء جديدة في الأنترنت... إبتعدي عن العزلة وعيشي جو العائلة... عندها ستعود المياه إلى مجاريها... كما لاتنسي نصيب الدعاء والإستغفار... ومبروك عليك التوبة وأعلمي ان الله لم يفضحك إلى لإبعاد الضر عنك... فأكثري حمده..... |
رد : بسبب طيشي وتهوري اكتشف أبي محادثتي لشاب
أختي حبيبتي - نصيحتي لك اولا بعد التوبه أن تنسي الموضوع نعم تنسيييييه , وطبعا تأخذي العضة والعبره منه . وصدقيني اهلك بينسوا مع الوقت خصوصا انها عدت على خير وجات على كذا وبس ومن ثم حبيبتي اشكري الله اشكريه كثيرا انه وصلت الأمور لهذي المواصيل ولم تتعداها لما لم يحمد عقباه . والانسان ربما يبتلى في هذه الدنيا ليهذب . واعتبري اللي حصل درس وعمرك ماتنسيه ولازم ياقلبي لازم دوم تنتبهي من الصديقات وتختاري الصالحات منهم لأن الجليس من جليسه , وزعل والدينك طبيعي لأنه من خوفهم عليك وحرصهم بعد الله يوفقك لما يحب ويرضى حبيبتي وان شاء الله ماتشوفي شر دمتي كما تحبين
|
رد : بسبب طيشي وتهوري اكتشف أبي محادثتي لشاب
التذلل لهما وطلب مسامحتهما ورضاهما
وتقبيل قدميهما ليل نهار ولا تأكلي قبل أن يأكلا بالمختصر بريهما يا أختي بقدر استطاعتك وطاقتك فهما بابان من أبواب الجنة ولا يخفى على مثلك عظم حق الوالدين حينما يشعران بأنك فعلاً تعرفين حجم الذنب الذي ارتكبته في نفسك وفيهما بل وفي علاقتك بربك قبل كل شيء سيسامحان بإذن الله وسيفرحان بأن ابنتهما عادت أفضل من السابق بكثير وسيقولان رب ضارة نافعة المهم اصدقي التوبة مع الله حتى يعفو عنك ويبدل سيئاتك حسنات ويرضي عنك والديكِ وأحسني إليهما قدر استطاعتك فقد قرن سبحانه رضاه برضاهما وفقك الله .. |
رد : بسبب طيشي وتهوري اكتشف أبي محادثتي لشاب
شكراً لردودكم التي اثلجت صدري وخففت همي .. ومر تقريباً على السالفه اسبوعين
صراحه مرا متفشله من آبوي حتى استحي اناظر في وجهه من بعد السالفه وانا احاول اتقرب من ابوي .. بس مره متفشله من السالفه :"( مقدرت انسى |
رد : بسبب طيشي وتهوري اكتشف أبي محادثتي لشاب
اختي الفاضلة ولماذا الخجل فالاعتراف بالخطأ ليس عيبا ولكن العيب هو الاستمرار فيه والدك لديه علم بالمشكلة وهذا يسهل عليك الاعتذار فليس هناك قلب أرحم من قلب الوالدين بأبنائهم فواجهي والدك واعتذري وقولي له كل مايجول في خاطرك حتى وان كانت افكارا غير مرتبة من المؤكد انك ستجدين قلبا محبا وأذنا صاغية لتلقي اعتذارك فلاتترددي فالتردد يفسد عليك الكثير اما مسالة النسيان فالايام كفيلة بذلك اذا رأى منك مايسره ويطيب خاطره :::نسال الله لك الثبات ونسيان كل مافات والاجر فيماهو آت
|
رد : بسبب طيشي وتهوري اكتشف أبي محادثتي لشاب
خساره ...ياهواجس ...............
وطيتي راس ابوكي ....!!!!! الحين تلقيه كئييب وحاسس انه السبب ....وان بنته وحبيبته هواجس ..............ما تربت صح .... يمكن ...تلاقيه .....يتمنى الموت او يمكن ....يتمنى انك مو بنته ........................خساره ياهواجس الحين هذا الاب يقول 16 سنه و تشاتي مع واحد اجل 20 سنه وش بتسوي و25 وين بتروح ..................... تلاقيه يقول .....ياليتني ماهلفت بنت ................. اسمحي ...............تبين رايي كاب ......وشلون ...ممكن اسامح بنتي .............. انك تروحي له وتبوسي ايده وتقسمين بالله انه كانت قلة عقل وانك مجرد حاولتي بالصدفه وانك لا يمكن تنجرين في هالسوالف قلي له تعال معي شوف الكمبيوتر والتشات خلنا مع بعض نسولف مع صديقالتي ..............خلك يبيييي يحبي تدري انك ربيت بنتك انا لا يمكن اقبل الغلط وانا متربيه وعرف ربي ولا يمكن اوط راس ابوي ........... انا كاب يمكن ما اسامحك .........لكن يمكن ابوكي اطيب مني .............. يبنتي ..............الي توسخ قلبها ...بعلاقه ..........ما تستمتع في المستقبل بالزواج وانا رجل ....واقللك بكل صدق كل الرجال خارج اطار الاسره ...علاقاتهم كذب بكذب :29: |
رد : بسبب طيشي وتهوري اكتشف أبي محادثتي لشاب
اقتباس:
|
رد : بسبب طيشي وتهوري اكتشف أبي محادثتي لشاب
اقتباس:
صرت اخاف لما اشوف ردودك ...................حسبي الله هذا كلام ...اب مارح تفهمه الا هواجس .....الي عمرها 16 سنه ......وتحب ابوها ................ الله يعلم بنيتي وبرسالتي واجزم انها ستصل مع دمعتين والمين من هواجس لكنها ستبقى للبد في راسها لانها صدرت من اب صادق .................... |
رد : بسبب طيشي وتهوري اكتشف أبي محادثتي لشاب
رجل اهبل انا ماأشكك في نيتك ابدا وانا متأكده انو كان قصدك خير بس اسلوبك يحزن لأني حطيت نفسي مكانها رجل أهبل لاتتحسب علي ترى والله ماقصدت الأساءه لك ابدا
|
الساعة الآن 04:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©