|
زوجي للأسف بخيل...
اكتشفت ان زوجي بخيل مايعطي مصروف وكل ريال يدفعه لازم تحقيق اغلب اثاث البيت من عندي استغفر الله بدأت أكرهه سبب ذا الموضوع يعني مو معقول مايعطينا شي والان بعد مانزل حافز يبغاني ادفع حتى مصاريف الاولاد والرحلات ولو اسكت له اخذه له او يستلف وفي الاحلام يرجعلي اللي اخذه يعني مثال مره اخذ مني حدود 14 الف ولارجع الا 6000 بس والباقي اكله ولاهمه انا طفشت منه
كيف اتعامل معاه لاني تعبت صراحه لازم اجلس اترجى لين مايتحسن علي بكم فلس؟؟ يعني مثلا كسوة العيد مايعطيني هيا كذا لازم نقول تكفى اعطني احنا محتاجين رحمتك ؟؟ استغفر الله والله لو اسكت مااطلبه ماهمه عادي نحضر كذا عادي ماعنده اي اشكال؟؟ تخيلوا اننا مستحيل نتمشى في الاسواق عشان لايدفع شي مع ان راتبه جيد انتظر ارائكم بارك الله فيكم.. |
رد : زوجي للأسف بخيل...
كم يغيظني هذه النوعية من الرجال ..!! لا تعطينه "فلس أحمر" .. النفقة من واجب الزوج وليست الزوجة ..!! وعلى حد علمي مبلغ حافز ليس بالمبلغ الكبير مقارنة براتبه ..!! هل كان من بداية زواجكم بهذا الطبع ؟ هل عليه إلتزامات أخرى وديون؟؟ |
رد : زوجي للأسف بخيل...
جنيتي ع نفسك... طالما هو معاه راتب كويس.. و فوق هذا بخيل.. تسلفيه ليه؟؟؟
كونه بخيل مشكلة ولو انها طبيعة من يوم عرفتيه فمستحيل تتغير ، ممكن تتهذب شوية بعوامل معينة مثل ان يترقى راتبه أو يصبح ذا دخل غير محدود بتجارة او ما شابه.. أو ان يكون نظره إليك عاطفي جدا و يحبك كثير ف يمكن في هذي الحالة يجي ع نفسو و يكرمك.. لكن الأفضل أنك تحتفظي بحقوقك الخاصة و مقتنياتك الشخصية ما تبيعها ع شانه ولا تسلفيه إلا في حالات احتياج حقيقي فيكون من باب التعاون و الرحمة و الود اللي بينكم..على أساس أن مصيركم مشترك. خصوصا لو كان السلف في شي يتعلق بمصلحة الجميع.. أما تعطيه فلوس و هو اساسا جلدة و معاه ما يكفي و يروح يرفه عن نفسو في فلوسك فهذا غلط منك .. لأنه بجي يوم من الأيام ولا معاك شي -لا سمح الله- من مدخراتك و قد يمر هو بأزمة حقيقية بعدين كيف تفكيها؟؟ المفروض أن الرجل ما يتزوج لو ما عنده قدرة مالية للنفقة و السكنى أساسا.. بس حسبي الله على اللي يرمون بناتهم من غير حساب.. أحنا ما نقول ما نزوج الا غني ... لا .. الزواج سبب من اسباب الرزق كما هو معروف ... لكن أقل شي ندرس معدن الشخص و أخلاقه.. أتمنى لك صلاح الحال. |
رد : زوجي للأسف بخيل...
:* |
رد : زوجي للأسف بخيل...
حسبي الله ونعم الوكيل على هذه النوعية من الرجال فهي كالنار تريد التهام كل ماتصل اليه وعلاجها هو ابعاد كل ماتستطيع احراقه عن متناولها ::::لاتعطيه شيئا واجعليه يدرك مسؤولياته كرجل يسمونه الناس رب اسرة وبالنسبة لحافز اعتبريه مصروفا لك خذي منه احتياجاتك وزوجك هذا عندما يقطع الامل من حافز ستجديه ينفق على البيت رغما عن انفه بشرط ان يجد منك الحزم والجدية عندما يراك تنفقين حافز على احتياجاتك فقط عندها سيشعر بمسؤوليته نحو بيته :::::نسال الله ان يفرج كربتك
|
رد : زوجي للأسف بخيل...
الله يهديه ويسخره لكم
اختي عينات زوجك موجود منها ولكن ضعي حدا وافتحي حساب لايعرفه وقولي حسابي لايوجد به الا مائة ريال والباقي تم صرفه |
رد : زوجي للأسف بخيل...
حبيبتي اعذريني بس الغلط من البدايه انتي!!
لانه والله الفلوس لادخلت بين الزوجين كل شئ يخرب لاتقولي اول مره بعطيه او بيرجع اومسكين لا لانه بيطلع فوق راسك من بعد اليوم لو اتقطع ولاريال لاياخذ منك قوي قلبك ولاتضعفي وحافز نفس الشئ حسبي الله ونعم الوكيل على الاستغلال0 |
رد : زوجي للأسف بخيل...
ياجماعة ممكن أعرف يعنى شنو حافز؟
|
رد : زوجي للأسف بخيل...
اقتباس:
|
رد : زوجي للأسف بخيل...
غاليتي .. ولا تفكرين تعطينه ريال .. هو الموظف ما عنده ... وانتي العطاله البطاله عندك .. قولي ما عندي
ودايم قولي ما عندي .. ودايم اطلبيه ... |
رد : زوجي للأسف بخيل...
تفاجئت بالردود صراحه كنت اعزي نفسي بأن أغلب الرجال كذا
|
رد : زوجي للأسف بخيل...
اقتباس:
اقتباس:
هو عليه قرض من البنك يسدد فيه واجار شقه راتبه9000 ونص تخيلوا انه مايمشينا عشان لايشتري عشاء وعشان لايخسر واغلب تماشينا اول ماارجع للبيت تعبااااااانه يقلي قومي اطبخي صرت اقله طيب اشتري تميسه وفول بريالين عشان مافيني أطبخ بعد التمشيه |
رد : زوجي للأسف بخيل...
اقتباس:
يسلمو :22: |
رد : زوجي للأسف بخيل...
صاخب جدا
انا لما سلفته سلفت بداية الزواج على بالي انه بيرجعها ماكنت اعرفه مزبوط وفيه مره بعدها سلفته 9000 ريال ولارجع منها شي بس كان مره محتاج وقلت يمكن لان الان ماعنده شي اذا اغتنى يرجعها وانا استحيت اطلبه لان الشي ذا المفروض يرجعه من غيرلا اترجى فيه بس كمل عادي وياكثر ماتخاصمنا على اثاث البيت مرررره جلده مايدفع شي حتى سرير للولد والله ان ملابسه في البيت مقطعه تخيلوووو يعني مايحزن حتى على ولده وأول ماأجيبله طاري الفلوس يقلب وجهه وانا ماعندي دبري نفسك والله حتى اكل البيت الشهري مو عاجبه يشتريه واكل المطاعم ذا مانعرفه كله بخل مابيدفع ريال زايد ناكل من البيت أرخص |
رد : زوجي للأسف بخيل...
سيدة الموقف
لا باقي مايعمر لما كنت في الجامعه كانت المكافئه 850 ريال 500 للسواق و300 ياخذهاشهريا ولا يستأذن ولاهمه واذا طلبته مصروف للولد ملابس ملاهي العاب اكل يقلي عندك حافز ويخاصم انا ماعندي بتاكلين الأخضر واليابس اقوم اسكت انا وامشي الموضوع |
رد : زوجي للأسف بخيل...
اقتباس:
|
رد : زوجي للأسف بخيل...
اقتباس:
والله يابيتي انه يحزن قبل حافز حالته حاله وهو ولاهمه عادي احس اني ماودي اطلب منه شي بس مضطره نحتاج فلوس خصوصا في ولدي احزن عليه لما يبغى يلعب او يبغى يشتري جزاك الله خير اخوي |
رد : زوجي للأسف بخيل...
اقتباس:
|
رد : زوجي للأسف بخيل...
اقتباس:
|
رد : زوجي للأسف بخيل...
اقتباس:
|
رد : زوجي للأسف بخيل...
اقتباس:
شكرا لك أختي |
رد : زوجي للأسف بخيل...
اقتباس:
شكرا لك |
رد : زوجي للأسف بخيل...
بس اذا سألني وين صرفتها وش أقله لانه يحقق ويتأكد أخاف يعرف او يبان على وجهي أحس اني ماأعرف أكذب!!
|
رد : زوجي للأسف بخيل...
اقتباس:
|
رد : زوجي للأسف بخيل...
جزاك الله كل خير أخي مارد
طيب ذا بالنسبه للألفين طيب انا الان اذا قلتله ماعندي فلوس مايعطيني يتركنا كذا عند أهلي ولايعطيني ريال واحد ويتركني بالأسابيع عندهم وأنا والله أنحرج كثير منهم خصوصا لما نتمشى ويشترون ويلعبون دايم انا وولدي ماعندنا والله اني أجلس أبكي من الاحراج وأهلي عادي عندهم يدفعون بس أنا أبغى مثل أخواتي مايجلسون تحت حسنة الناس واذا كان هو يتمشى معنا تخيلوووا انه يجلس يأشر للهندي اللي يبيع ألعاب ويصارخ ويقوله روووووووح مانبي نشتري تخيلوووووووووا انا اموت من كثر الاحراج المشكله يكون معنا ناس نتمشى معهم وكلهم يحزنون على ولدي ودايم يشتروله هدايا وألعاب على حسابهم انا هنا اول ماأركب السياره أقوم الدنيا ماأقعدها كل هذا بخل ويعتذر ونرجع نتمشى ويرجع دايم لنفس كلامه وبخله في ذي الحاله كيف أتصرف معاه يعني مايبغى يدفع شي من جيبه امس تكلمت معاه بخصوص المصروف ورفض يعطيني قلت للولد وللبيت وللرحلات والعشيات وانا ماراح اطلبك اي شي تريح نفسك من المشاكل وتريحني من الشحاته واذا طلبتك غيرها لاتعطيني ورفض قال حافز خذيها لك ولاولادك وللبيت ولكل شي قلتله حافز بيكفيني انا ومصاريفي ماراح اخذ منك شي بس عيالك وبيتك ماني ملزومه فيهم قام سكت وأنا عارفه انه ماراح يدفع شي واضطر انا لدفع كل شي فشلنا من الناس الله يعينني اذا عندكم اقتراحات لاتحرموني .. |
رد : زوجي للأسف بخيل...
الله يعينك
|
رد : زوجي للأسف بخيل...
اقتباس:
|
رد : زوجي للأسف بخيل...
اخي الفاضل مارد الجنوب انا صبرت 7 سنوات على أمل أن يشتري أثاث للبيت لا أنكر أنه غير أثاث مجلس الرجال فقط بعد رجاااااااء وخصام دام فتره طويله الان بالألفين أريد أن أكمل باقي البيت لأنه في الأحلام السبعه سيغير باقي الأثاث زوجي وأعرفه لن يدفع شيء
لا أعرف هل أنا مخطئه أم صائبه لكني تعبت ويئست منه سأدفع وأمري كله لله وسأدعوا الله أن يخصص مصروف شهري ولو يسير حتى أتعايش مع باقي الإحتياجات الضروريه* اذا عندك نصيحه تقدمها لاتتردد فأنا حائره بالفعل كل الشكر |
رد : زوجي للأسف بخيل...
اقتباس:
|
رد : زوجي للأسف بخيل...
لاتعطيه ولا فلس.خله يصرف عليكم هذا واجبه.
|
رد : زوجي للأسف بخيل...
اقتباس:
|
رد : زوجي للأسف بخيل...
الاخت الفاضله أحاسيس خجوله
المفروض شي والواقع شي آخر |
رد : زوجي للأسف بخيل...
لا يكون تدفعين الأجر
يقول المثل زوجك على ماعودتيه ولدك على ماربيتيه الله يصلحك أنتي اللي خربتيه نصيحتي لك خوذيه بسياسة / والكلام اللين ضاع بالحق البين سبحان الله اللي مايعطي الله ما يبارك له براتبه أنتي رتبي أمورك بهألفين /واللي رزقك حافز يرزقك بأفضل منه سبع سنين مو قليلة إذا حاسبك على ألفين قولي تعال نجيب ورقة وقلم ونتحاسب أنت راتبك 9000 تقارن بألفين كثفي الدعوات أن الله يرزقكم خير دنيا والاخرة وانصحيه بالصدقة /بنية البركة وأنتي تصدقي من حافز /أو أكفلي يتيم /بمائة ريال شهريا /سوي استقطاع الله يغنينا ويغنيك بفضله ويبارك لك في ذريتك ويسخر لك زوجك |
رد : زوجي للأسف بخيل...
الاخ الفاضل مارد الجنوب
اولا لاتعتذر أخي الفاضل سويت اللي عليك وزياده جزاك الله كل خير بالنسبه لادخار المال أجده صعب للغايه في ظل زوج لايدفع شيئا فالنقص كبير ويحتاج مال وفير لتعويضه وحافز كلها ألفين يادوب تغطي الضروري بعدها بيشيلون حافز وبالنسبه للمحاكم ياأخي تفائل خيرا انا اتمنى الوظيفه لأسعد بها لا لأطالب زوجي بالطلاق أوالنفقه واسفه يااخي الكريم لو أزعجتك بتفاؤلي |
رد : زوجي للأسف بخيل...
فديت المتفائلة / ربي يرزقك من واسعه
|
رد : زوجي للأسف بخيل...
الاخت الفاضله مههها
انا قلتله كلامك ويوم استمر عبوس وجهه عند طاري المصروف قلتله طيب احتسب أجرك على الله اذا لهذي الدرجه متضايق من النفقه يقول وانتي ليه ماتحتسبي اجرك على الله اذا ماعطيتك مصروف بالله ذا وش أرد عليه أصلا عايفتها ماأبغاها والله انه مره طلبته فلوس استلفتها من اختي وترجيت وترجيت ورفض وبعد مابكيت وعفتها رماها على وجهي وقال خذيها ورفضت آخذها وجبرني غصبا عني آخذها وقال كلام أخجل أقوله بس الله يوظفني ولايحدني عليه |
رد : زوجي للأسف بخيل...
اقتباس:
|
رد : زوجي للأسف بخيل...
حتى لو توظفت عيالك مالهم حق فيه
والبخيل على زوجته بخيل على الكل لو حسابك مليون هو مكلف فيك لا تصرين سلبية /طلعي فلوس من عينه كل يوم طلعي لك حاجة تقضينها /غيري نمط حياتك /قبل الراتب جهزي ورقة طلباتك كلها وطلبات البيت وطلبات ولدك /مو بس الاساسيات حتى الكماليات واذكرك لو توظفتي الصرافة راح يأخذها / أخذ مكأفأتك و حافز ويقدر يأخذ راتبك لانك سمحتي له هو الواجب عليه يعطيك / قولي شوف إذا ماعدلت راح أكلم واحد من أهلي أجلسي وأنتي وهو وحددوا / مزانية الشهر على الأقل / علشان يسدد ديوانه و يوفر لبيته وليوم الأسود |
رد : زوجي للأسف بخيل...
اقتباس:
|
رد : زوجي للأسف بخيل...
دايما أسئله يقلي والله مدري وين يروح هو يدفع اجار الشقه ويدفع قرض للبنك واكل للبيت وفاتورة جواله والكهربا وبنزين وزيت للسياره ذي كل الصرفيات اللي يروح فيها الراتب والباقي يقلي مدري وين يروح هو بنفسه مو عارف مع ان مافيه اي كماليات او زيادات يشتريها حتى التماشي اغلب قعدتنا في البيت واسواق ماننزل الا في العيد واكل من برى مانشتري
الحمد لله |
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©