|
محتاره ممكن تشوفون الموضوع
السلام عليكم
منتدى فعلا رائع استفدت منه كثيراا مشكلتي كالتي تقدم لي ولد اخت مرت ابوي وقالو لي انه راعي صلاه وموظف وعمره 30 وانا عمري 25 وافقت بعد ماسالت واستخرت ربي عده مرات وجات اخته وخطبوني رسمي وقلت لخالتي لازم قبل كل شي اشوفه عشان ارتاح قالت بناديه وانتي شوفيه من بعيد بدون مايدري قلت اوك بعدين جاتني وقالت لا ناظريه وشوفيه وشفنا بعض طبعا انا وقتها مستحيه شي طبيعي ولا شفته بس لمحته وسيم ماعيه وهو يقزز فيني المهم شرطت المهر وبيت لحالي وشبكه وسالت اخته وش يعني شبكه وفهمتها اختي اقولك اهل مرت ابوي ماهم مطورين يعني بعدهم موب متفتحين اقصد بالمتفتح يعني الكشخه والبس والشوفه وانه يكلم خطيبته وهيك المهم قبل الملكه باايام دقت خالتي وقالت انه يقول وش اجيب لها اخاف اجيب شي مايعجبها وتقول عني ماعرف قالت مرت ابوي لاختي قالت لها يجيب طقم يسال راعين الذهب يقول ابي شبكات وبس المهم يوم الملكه ملك وجاب لي ابوي الشبكه وهي عباره عن طقن خفيف رخيص يعني راح وشاف الشبكات غاليه جاب لي الطقم الرخيص تتوقعون بخيل .؟؟ وربي صرت مطنزه لاخواتي بس اسوي عادي عندي وراضيه احس اني توهقت اخاف بكره اتزوجه يصير مايعرف شي اخاف حتى شهر عسل مايسفرني كان نفسي اذا انخطبت اكلم خطيبي عشان افهمه بس الشكوى لله بسالكم ياشباب تتوقعون في رجال بالزمن ذا يكون مايعرف يدلع البنت وكذا اخاف بكره البس بنطلون يحسبني فاسده ولا قليله ادب محتاره ومتخوفه اخاف انه جاهل والشي الثاني اكتشفت ان مرت ابوي قالت عمره ماهو صحيح هي ماتعرف كم عمره بالضبظ بس طلع عمره 35 يوم حسبت له ضايقه مره وغير عن ذا ملكه لي نص شهر ولا جاب المهر للحين بزواجي بيكون بشهر2 ان شاء الله افيدوني وخاصه الشباب تتوقعون في رجال من ناحيه دلع الحرمه وتفكير المتحجر ولا لا |
رد : محتاره ممكن تشوفون الموضوع
عزيزتي انتي قلتيها ناس ماعندهم الشبكه وهالحركات مو متعودين... عشان كذا هو ماعرف يجيب لك الي يرضيك جهلآ بها الأمور..
بقولك حنا ناس مثلهم ماعندنا شبكه وهالحركات ومهوب دليل انه موب مخليك تلبسين قدامه الي تبين على قولتك بنطلون رجاجيلنا عادي متفتحين من هالناحيه والحين الشباب واعي وفاهم ويشوف ماظنتي بيكون متحجر من هالنقطه الله يوفقك يارب.. |
رد : محتاره ممكن تشوفون الموضوع
أختي الكريمة، شخصياً لا أعرف الشبكة ولم أعرفها إلا قبل سنة وهذا لايعني أن مختلف لكن ليست من عاداتنا، ركزي يا أختي على الأمور الأهم في شخصية الرجل، أما المظاهر والأشكال لن تغني ولن تسمن من جوع مقابل الأحترام والتقدير والحب وفهم الحياة الزوجية ومعانيها الحقيقية، ثم تذكري أنه أكثر الشباب في هالوقت يعرفون الذوق ومتفتحين من ناحية الأشياء اللي أنتي قلقة منها.
الشيء الأخر نصيحة لكِ ولجميع الأخوات، حاولوا الأبتعاد عن التشرطات الكثيرة والغير معقولة التي تطلب من الشاب وينهد كاهله منها، كما تعلمون الآن وظائف شحيحة ورواتب قليلة وأسعار آجار مرتفعة وتكاليف حياتية غالي، لو كنت بنت ووجدت رجل صالح بمعنى الحقيقة ويفهم دوره كزوج، لطلبت مهري ريال واحد، وحفلة الزواج رز مع الدجاجة، لن تنفعني الطهبلة والزواجات والفلوس والذهب وبالأخير حياة زوجية نكدة ومتعبة مع رجل سيء التعامل والخلق. |
رد : محتاره ممكن تشوفون الموضوع
بس اللي متخوفه منه انه كان ساكن بخيمه ولهم 8سنوات ساكنين فله
يعني اخاف مايعرف شي |
رد : محتاره ممكن تشوفون الموضوع
تخافين اذا لبستيلة بنطلون يقول عنج قليلة حيا ؟؟ العفو بس اذا لبستيلة قميص نوم شنو بيسوي فيج ؟ أعتقد أنه يبي يقتلج!! هههههههه
أختي في الله امي تقول لخواتي (اولدج على ماربيتية وزوجج على ما عودتية) ، ولا تخافين مافيه رجال مايعرف شي اليوم ، والله مفتحين عيونهم باللبن !! ويعرفون عن اموركم اكثر منكم. بس نصيحة لج لاتصير نظرتج للحياة الزوجية أنها مجرد مادة او انج تحكرين سعادتج مع زوجج بالمادة بس!! يعني لاتصيرين مادية ، فيه اشياء اهم من المادة مثل الإحترام والحب والتفاهم ..!! بالنسبة لعمرة مادري شقولج بصراحة بس مالهم حق يخبون هالشي وانا اعتبرة غش يعني اذا انتي مو مرتاحة أستخيري وشوفي امر الله وين ، وقرري بما انج ع البر. وعلى فكرة هو يعتبر في اوج شبابة !! موفقة خير. |
رد : محتاره ممكن تشوفون الموضوع
تسلمون انكم رديتو
اي اختي صغيره عمرها 15 لبست قصير يوم خطبتي وامهم انتقدتهاا عيب عندهم انا وخواتي الكبار نلبس قصير بس احنا عند الناس اللي عندهم عيب نلبس طويل واللي موب عيب عادي نلبس قصير ومرت ابوي انا حاسه انها ماتدري عن عمره الصدقي بس تخمن فهمت علي وانا اقولكم هو ساكن بخيمه وله 8 سنوات مطور .؟ اخاف ابتلش فيه ولا انظر للحياه الزوجيه من ناحيه ماديه بس انا بعد ابي يعطيني اقلها مصروف كان نفسي اكلمه ويكلمني عشان ارتاح بس الشكوى لله |
رد : محتاره ممكن تشوفون الموضوع
قولي لزوجة ابوك تقولة كلمها وخليها تعطية رقمك
لازم تكلمينة وتفهمينة الله يوفقك |
رد : محتاره ممكن تشوفون الموضوع
شوفي أنا أعرف ناس يقطنون بخيمه عندهم جميع مظاهر الحياه العصريه دش تلفزيون ?ب توب جوالات خيمه فايف ستار هههههههه
أنا قدامك اعيش بقريه بصحرا والحمدلله اشوف نفسي مثقفه ولامنعتني بداوتي من مواكبة الحياه العصريه وتقولين له ثمان سنين سكنو فله وتحضرو اكيد هالفتره كافيه انه يتغير ياختي الحين العولمه الي عايشين فيها والتكنولجيا خلت فيها بدوي وحضري طيب وش شهادته اهم شيء يكون متعلم بخصوص اللبس حنا عندنا الي تلبس قصير منقوده مهيب من باب العيب قدر ماهي من باب الحرام اما عند رجلها تلبس الي تبي |
رد : محتاره ممكن تشوفون الموضوع
اقتباس:
معاه اول ثانوي ع كلام اخوي وانا ماعرف !! والله متخوفه يعقدني وانا انسانه مافيني حيل للهواش وزعلاات عشان اخذت من الدنياا لحد ماكتفيييت اقتباس:
عشان يقول ذي مستعجله ع الزواج ومتعوده لا ياختي ههههه انا لارحت لمره ابوي بلمح لهاا ان صديقاتي يكلمون خطاطيبهم واشوف وش تقول اذ1 مافهمت الشكوى لله |
رد : محتاره ممكن تشوفون الموضوع
عندي تساولات كثيير للشباب انتم شباب وتشوفون تهقون فيه رجال بالزمن ذا جاهليين .؟
اخاف بكره مايوديني شهر عسل ومطااعم عيب وابلش بعمري ولاتقولون اسالي مرت ابوك هي وش عرفها عليه ودي اعرف اشيااء كثيييره |
رد : محتاره ممكن تشوفون الموضوع
والله العظيم الحين حتى المراهقين يعرفون عن امور الحريم اشياء ماتفهمها الحريم !!
تطمني من هالناحية والله انه يعرف وأستاذ بعد ، اما عاد 35 سنة ومايفتهم مصيبة هاذي وبالنسبة لمكالمتة فأنا انصحج بأنه تخلينة هو اللي يبادر لأن انتي اذا بادرتي بيقول عنج جريئة ويبدى مشوار الشك والحياة الغثى ، والثقل صنعة وانا اخوج. شنو باقي اسألتج؟ |
رد : محتاره ممكن تشوفون الموضوع
اقتباس:
مستحيل ابداا اني اكلمه اصلا استحي بس كان نفسي طيب بسالك وحده صديقه اختي تقول يوم لبست ثالث يوم شورت سكت هو بس بعد ماتعودو ع بعض قالها انتقدتك وانتقد جراائتك ع لبسك وهي طبعاا موب سعيده تقول مايعرف حتى يوديني للمطااعم اخاف اصير مثلهم |
رد : محتاره ممكن تشوفون الموضوع
يا عزيزتي ،، أراك حصرت همومك في شبكة وشهر عسل ومكالمات ؟! ،،،،
يا غالية ،، الزواج مؤسسة بعقد تقوم على المودة والرحمة والاحترام .... والهدف منها السكينة و الاستقرار .... يا غالية ،،، ما لفائدة ان أخذ بك جولة في اوروبا و اسيا ولكن عاملك بدونية وجعلك مهمشة كأي قطعة اثاث في المنزل ... مالفائدة ان أتى لك بشبكة ليست بكبيرة كما تقولين ثم بعد الزواج شنف اذانك بالسباب والشتائم و ربما وصلت لما هو اعظم من ذلك لعلاقات محرمة او سكر وغيره عافانا الله واياك مما ابتلى به بعضهم .... أرأيت ان نظرتك قاصرة ؟! ،،، فأنت ركزت فقط على القشور ولم تتساءلي عن جوهره كرجل .... وان كان همك نظرة اخواتك و زميلاتك فصدقيني لن ينفعوك بشيء ولن يعيشوا معك بل انت من سيعيش معه فلا تجعلي لاحد مدخلا لكي يحدد لك ما هي الصيحيح ،،، ونصيحتي لك ان تكثفي الاستخارة واسألي الله ان يجعل زوجك قرة عين لك ويجعلك قرة عين له واقرأي الكثير عن الحياة الزوجية وثقفي نفسك بحقوقك كزوجة وحقوقه كزوج ولا تهتمي بالشكليات الزائلة ...فالزواج اكبر من هذا بكثير. فهو ليس سفرة للخارج او ذهاب للمطعم ...الخ * |
رد : محتاره ممكن تشوفون الموضوع
اختي انا ما احب الفكر العقيم أبداً
البنت لبست شورت حق زوجها حلالها وين المشكلة ؟؟ حتى لو كانت في ثالث يوم !! خلاص بما ان العملية الجنسية وقعت تطيح الكلفة ، ومشكلة اذا البنت ماخذت راحتها مع زوجها أصلاً البنات يجن مهيآت للعملية الجنسية قبل الزواج ، وبالتحديد في تجهيزها تلقينها تشتري من الملابس الخاصة وكذا .. والبنت المتزوجة بالذات واللي في بداية زواجها تحب تشوف نفسها بملابسها الخاصة. الحريم يلبسن ملابس اكثر جرأه من الشورت مع أزواجهن وهذا شيء طبيعي ، ومافيه احد بالكون بينتقد زوجتة لما تلبسلة وتكشخلة وتهيئلة سهرة حلوة إلا واحد معقد وفاهم الدنيا غلط. أما بالنسبة حق المطعم والأمور هاذي ، انتي عودية لأن الرجال على ماتعود علية من أمرتة ، ونصيحة لوجة الله سويلج شخصية معاه بحيث اتخلين الإحترام متبادل بينكم ، لا انتي أتعدين علية ولا هو يتعدى عليج. وتعلموا أنكم تتناقشون في اي شي يصير فيه لبس او سوء تفاهم بينكم ، بس نقاش تحت طاولة حوار هادئة عنوانها الإحترام المتبادل. |
رد : محتاره ممكن تشوفون الموضوع
ويعلم الله بعد يارهو اننا من قرينا وضعك وحنا بالنا وتفكيرنا معك والسنتنا تلهج بالدعاء لك
رهو حبيبتي تحسبي مو مقدره خوفك وربي عارفه حجمه وعارفه ثقل هالخطوه بس ترى هذي طبيعةالفرج الخطوه الأخيره تكون صعبه وبعدها يسر طيب رهو بننتظر لين رسالتك توصل أخونا عضو مهم ونشوف وش يردون عليه الهيئه وان شاء بيكون في ردهم مايشجعك |
رد : محتاره ممكن تشوفون الموضوع
يافشلتي كنت كاتبه كلام لك بس اثرني نسخت رد كنت كاتبته بموضوع ثاني تكفون ياأشراف امسحو مشاركتي التعديل راح علي دايم عجله الله يصلحني
|
رد : محتاره ممكن تشوفون الموضوع
عزيزتي بخصوص انك خايفه انه ينقد عليك ?لبستي شيء عنده.. انتي بالبدايه جسي نبضه وانتي بذكائك ومن خلال كلامه وتعامله لك بتتنبئن كيف بتكون ردة فعله ..
حتى لو بان انه راح ينقد انتي عوديه شوي شوي لين يفهم انك زوجتك وحلال ماتلبسينه له.. |
رد : محتاره ممكن تشوفون الموضوع
ممكن انه يكون مايعرف شيء فيه ناس كثير و الله ماقد تكلمت مع بنت غير امها او اختها
وفيه ناس ماتعرف وش الهديه وكلن فيه عيوبه ومافيه احد كامل المهم اذا حبك راح يتعلم عشانك واذا ماحبك راح يزود همك هم استخيري والله يوفقك انشالله |
رد : محتاره ممكن تشوفون الموضوع
اختي الفاضلة ...~ اسال الله لكي التوفيق بزواجك وان يجمع بينكم على الخير ...~ اختي الرجل حاولي تكلمينه ومادام ان الرجل قبل انه يشوفك فأعلمي انه عندما رأاك حبك وينتظر الاتصال فقط انا من ناحية تجربه تزوجت منذ ستة اشهر وانا في طبعي بدوي وكذلك الناس اللي خطبت من عندهم بدو لكن بنتهم متفهمه شوي ومع ذلك حاولت اشوف زوجتي في يوم الملكه ووافق ابوها مع العلم ان جماعتنا لا تقبل بذلك لكن قلت لهم "بشوفها بس حتى ما راح اتكلم معها وماراح اشوفها الا بعد ما يكون العقد معي ....~ المهم بعدها بشهر حاولت اكلم زوجتي عن طريق اخواتي وكذلك اخواتي يرون انها عيب لكن دبرت لي كم عذر وكلمت زوجتي ... في البداية ارسلت رساله ولم يتم الرد وارسلت مره اخره بأسلوب اخر ووافقت بشرط انها لن تتكلم انا فقط الذي سوف اتكلم وهي فقط تستمع وبعد ما اغلقت السماعه انهلت علي بالرسايل اني ارتحت لك يوم شفتك ومدري ايش ...الخ الشاهد من الموضوع انك انتي حاولي ترسلين رساله في البداية وهو والله بيشتاق لك ...وهو على باله انك مستحيه ولا تريدين ان تكلمينه لذلك ماحب انه يتصل ولا يطلب رقمك ...~ وثاني شي عن اللباس انك تلبسين قصير او ملابس فاتنه هو او اي رجل يريد من زوجته ان تتفنن في اللباس بس بشرط ان يكون في البيت ويريد منك ان تحتشمي بلباس اذا انتوا رايحين عند ناس وعندهم نساء كبيرات في السن الا اذا كانت صديقاتك تقدرين بأسلوبك تقنعينه انهم صديقاتك ويلبسون مثل كذا ... وثالث شي انتي تقدرين تتحكمين في زوجك بأسلوبك وتدليعك له انا والله عن نفسي اول ما تزوجت ما اعرف شي حتى اللباس ما اعرف ألبس الجنز والتشيرتات وما اعرف اختار .....دائما والله تجي زوجتي وهي اللي تختار لي الملابس الكشخه واشتريها على طول.... وحتى في طريقه اللبس الالوان هذا يركب مع هذا وهذا يركب مع هذا ....كل هذا هي اللي تقوم به ويعلم الله المكالمات هذي استفدنا منها استفاده عظيمة لكن في نقطه حاولي ما تكلمينه الا قبل الزواج بشهر او شهرين لانكم راح تحسبون الساعات والدقايق على يوم الدخله ....~ اعتذر عن الاطاله ....~ اتمنى اني قد افدتك .... |
رد : محتاره ممكن تشوفون الموضوع
حبيبتى أذا هو للان عايش بخيمة من وين يوديك شهر عسل
|
رد : محتاره ممكن تشوفون الموضوع
حبيبتي حبيت اخبرك ترى الجيل تغير وانتي بنفسك قلتي تحضروا انا بنفسي لما اروح الديرة احكي لك الي عندنا.وصلهم ويعرفون.كل شي ترى الزمن تغير عن قبل وصدقني انتي على ماتعوديه وبيني له نظام اهلك بالطلعات يعني خلي ابوك يعزمه على مكان الفلاني ومن. هنا يتغير وذا اختك لبست قصير وانتقدت امه كذا عرفتي نظامهم.باللبس كيف محافظين يعني لاتلبسي قدامهم كذا
الله يوفقك يارب |
رد : محتاره ممكن تشوفون الموضوع
#
عزيزتي استخيري وربي ييسرلك ويختار لك مافيه خير لك ،، موضوع التطور والتفتح شي مانقدر نفيدك فيه انا مملكه الحين على زوجي ( بدوي ) وانا كوكتيل حضر وبدو خخخ. ما اكذب عليك اذا قلت اني اتعلم ع يديه ،، الشباب واااااااعي بشكل ماتتخيلينه والله افهي معه ،، ربي يحفظه لي ماقولك وافقي واضمن لك متفتح لكن التفتح والتحجر شي مانقدر نعرفه ولانقدر نحكم ع شخص الا لما نتعرف عليه ،، نصيحتي لك استخيري واذا صارت الموافقه خلي امك تقول لزوجة ابوك او ابوك يقول للولد نفسه او اخوك او اي احد يعطيه رقمك ويقول هذي رقم فلانه عشان تتعرفون ع بعض وهو يفهمها ،، انا كلمني يعد الملكه باسبوع وانالمحححححت لاخته كثير ان المكالمات عادي والحمدلله انه كلم وكان يقول ماتوقعت عادي اكلمك ماكنت ادري المكالمات بتريحك كثيررر وتخليك تتعرفين عليه وتحبينه بكل جوارحك خخخ اذا ربي حط بينكم الالفه والموده واذا كلمتيه. وماتقبلتيه ولا ارتحتي له تكونين لسا ع البر واستخيري وانفصلي بعيد عنكم ي رب ،، ربي يوفقنا جميعا |
رد : محتاره ممكن تشوفون الموضوع
35 سنه وماتزوج ..؟
لاتستعجلي على زواجك .. اسالي عنه بمافيه الكفايه .. بعض الرجال عنده قابليه للتغير وبعضهم لا .. |
رد : محتاره ممكن تشوفون الموضوع
كل تساؤلاتك خلي خواتك يسألون زوجة أبوك
وبعدين اختي انتي أخذتيه وعارفه انهم توهم بدايات التحضر هم مايعرفون طبع خواتك اذا تزوجوا يسافرون وكدا تري السفر موشرط انا اعرف ناس ماشاءالله ماعليهم ربي مو مقصر عليهم يوم تزوجت واحد ماعليه نفس طبقتها ويوماسالوا وين بتسافر قالوا بتروح سفره داخليه تري اختي الامور هذي والله مو مهم ولا تفكرين فيها دامه رجال يخاف ربه وماخذته بقناعه خلاص ارضي باختيارك انا خطيبي اقل من ماديا بس الفرق بينا يحبون المظاهر لو ع حساب انفسهم عادي إحنا عندنا والحمدالله عايشين مثلا خطيبي واهله عارفين طبعنا بالشبكات واحنا اذا قدمنا قدمنا هم اصلا ماعندهم شبكات عن جدهم كان امير وجدهم الثاني كان قاضي ال سعود ويوم تملكت كانت تقولي امي انا ابجيب لك شبكه هديه مني لك تري هم ماراح يعطونك الماس كتت اقول لامي اللي بيجيبونه لي ابلبسه يوم الزواج وانا راضيه باللي يجيبونه وكنت أقولها انا أخذتهم وانا عارفه حالتهم وعارفه انا مين وهم مين اتا يكفي اني أخذت واحد يخاف الله ولا يدخن وربي كان عالم بنيتي والله العظيم بجي يوم ألشبكه ويجيب لي طقم الماس وساعه الماس وهديته لامي كانت مره حلوه وهديته لابوي بعد والله اني حمدت ربي وأشكره وهم تري ماعندهم شبكات ولا فكرت في كلام اللي حولي كنت راضيه باللي عطانيه ربي والله بيوم الملكه قدم لي المهر لظرف عكسنا تماماً واستحاله أتضايق لان هذا طبعهم مو طبعي واستحاله امشي الناس ع كيفي حتي السفر والله ماتكلمت فيه هو اللي يتكلم احمدي ربك واشكريه ع كل شي وصدقيني راح تجيك اشيا مو متوقعتها توكلي ع ربك وبس وخلي خواتك ولا أخوك يكلم زوجة أبوك ويقولها حلو ان البنت تكلم الولد وتتفاهم معاه في بعض الامور حلو انه يفهم شخصيتها وتفهم شخصيته انتي تكلمي معاها اذا تقدرين وبعدين اهم شي مايكون بخيل والبخل حبيبتي ماتكتشفينه علشان طقم تري الحين الأطقم غاليه ولا تلومينه والله ان الشباب مساكين شوقي الشقه وتجهيزاتها كم تاخذ وخاصه انه مو متعود ع هالشي وتري الزواج حبيبتي مو مطاعم ولا طلعات ولا تمشيات للوحده اذا لتتزوج لازم تكون قد المسولية وتكون قادره انها تعين زوجها ع انه يجمع مو مانع مره في الشهر تأكلين في المطعم انا تملكت من هنا نسيت حياتي في بيت أبوي واستحاله اجلس احسسه بهالشي فكري في كلامي زين وربي انك مثل اختي ومااقولك هالحكي الا اني شايفه تحارب كثيره بحياتي وتعلمت منها اهم شي واحد يخاف ربه وقادر انه يسعدك وبعدين عقلية الشباب تغيرت كثير لا تضيقين صدرك ع امور تدمرك وكلني زوجة أبوك ع المهر ولا حاولي تجهزين من عندك وبعدين اذا جاك المهر كملي الباقي والله يسعدك يارب ويسخرلك زوجك يارب دعواتك لي ان ربي يالف مابينا بالموده والرحمه |
رد : محتاره ممكن تشوفون الموضوع
طيب كل هذا خوف, ماتعرفي مستواه التعليمي جامعي ؟ وأتوقع عكس ذلك من حديثك عنه انه جاهل ولايفهم أصول الاتيكيت والكشخة وهذا سر تخوفك
|
رد : محتاره ممكن تشوفون الموضوع
استخيرري وفوضي أمرك لخالقك
لا تغرك المظاهر اهم شي الدين ثم العقل يعني انسان راكد عاقل مو راعي سهرات وخرابيط واما العمر المفترض سالتوا خواته امه ولا اعتمدتي ع كلام مرت ابوك لانها وش يدريها وترا محاكيتك ماتدري عن عمر خطيبها |
رد : محتاره ممكن تشوفون الموضوع
يمكن اهله الي جابو الشبكه مو هو
لاتشيلي هم انا في الشبكه تخيلي جابو لي طقم لؤلؤ ب2500 انصدمممممممممممممممممممت لما شفته ماجابو ذهب انقهرررررت بس بعدين نسيت خاصه انهم مع الزواج بيجيبو لي طقمين ذهب انتي اذا عرفتيه وملكتو لازم تكلمي معه ساعتها قولي له اي شي لاتستحي موفقه |
| الساعة الآن 03:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©