|
ضايعه
السلام عليكم ورحمة الله وبركاته
أخباركم كيفكم انا جايتكم وأبي رايكم تكفون عطوني افكار او حلول بحكي لكم كذا شي وانتم عطوني الحل في اللي فهمتوه اولاً انا خطيبي كان يقولي بخليك تسكنين قريب يم اهلك انا والله ماقد حكيت له ابي اسكن من نفس حي اهلي اوشي من كذا ماكنت ابي اضغط ع ولد الناس وانا احبه واصلا خلاص صار زوجي يعني اكون معه في اي مكان انا كنت متوقعه ابسكن في نفس حي اهله جا قال لا بسكنك عند اهلي انا مرررره انبسطت وحكيت لاهلي وطلب ندور له وجبت له أرقام وفالاخير اتصل قال وش رأيك اسكن قريب يم دوامي انا سكت قلت سو اللي يريحك طبعا تضايقت بس مابينت له هالشي بس ليه يغير رأيه ليه يقولي الشي ويسحب بعد ماطلبت من اهلي يدورون لنا سكت وماحكيت شي ثانيا بخصوص السفر باقي ع زواجي شهرين حلو هو ماطلب مني اي شي انا جوازي انتهي واصلا مخرم وهو عارف هالشي ماطلب صوري يسوي الجواز انا طلبت اسويه بس قالوا دامك مضافه عنده خلاص هو يجي يسويه لك خطيبي خيرني بدول قال لي تبين تركيا ولا النمسا ولا المغرب ولا اسبانيا طبعا انا قلت اسبانيا بس مااكد لي انو اسبانيا من كلامه حسيت انه يفكر بتركيا ليه علشان اخته راحت شهر عسل تركيا طيب انا وش دخلني باختك انا تركيا شفتها ومليت منها وانا ابي ياكد لي علشان اعرف شنو اجهز نفسي واغراض السفر وهيك وبعدين انا اجهز وانا ضايعه ومتي بيفكر يحجز يمكن تقولون تونا باقي كثير بس انا ودي اعرف علشان اجهز وضعي وانتم تعرفون إسبانيا ا. النمسا تبي لها فيزه ومشاوير الشقه ماحس يتكلم عنها او عن الامور اللي تحتاجها لان اهلي قالوا نبي ناثثها لك وانا رفضت لان مومن طبعنا هالشي بس اهلي يبون يساعدون الولد باي شي انا ابيه يكلمني بامور الشقه بامور السفر بالترتيبات ابداً والله بالمكالمه نتم ساكتين بس وانا تعبت وانا اللي احركه بكل شي مثلا انا مدري اذا اهله راح يعزموني بعد الزواج عزيمه كبيره صغيره ماحكي لي اي شي من هالامور أبدا طيب من حقي اعرف طبعه طبع اهله علشان اعرف انا شنو عليه انا اللي اعرفه ان خواته وامه قويات وهو قد حكي لي وكثير قالوا لي انتبهي منهم انا شفتهم شخصيا وهو يتهاوشون قدامي بالشبكه ومن شدة قوتهم محددين لي من أعزم في بيتنا لزواجي وع فكره اهلي اللي قايمين بكل شي انا خطيبي ماعنده احد يفهمه يعلمه شنو الامور اللي مفروض يسويها يقوم فيها وانا استحي أتكلم معاه ومااحب اجيب سيرة اهله بشي ابداً بس انا من حقي اعرف وماابي انا اللي اسأل ابداً تكفون اعتبروني أختكم وعطوني رايكم الله يجعلها في موازين حسناتكم |
رد : ضايعه
اسفه انا اقصد كان يبي يسكني قريب من اهلي انا
|
رد : ضايعه
تدرين وش مشكلتنا ؟ أننا نبي شركائنا يفكرون بنفس طريقتنا ونفس أسلوبنا، الشيء اللي نشأنا عليه ننتظر من الأخر أنه يعمل نفسه، وهذي مشكلة المملكين أو المتزوجين الجدد أنهم مو قادرين يدركون أن كل شخص له طريقة معينة بالتفكير ومن خلال هالشي ينصدمون بطرق مو قادرين يتعاملون معها، وهو زوجك يعني يمكن مايفكر بنفس اللي أنتي تفكرين فيه، أو ماطرى على باله.
لا أدري عن طبيعة شريكك وعن تفكيره وعن شخصيته لذلك من الصعب أن نعطي أحكام أستباقية أو نقول قصده كذا أو أو أو ، لكن أستغرب تردده وعدم حسمه لموضوع البيت! شبي عليه ولا عطين رقمه وأتفاهم معه يخلص الموضوع :) أمزح! على كلٍ أقترح عليك أي نقطة تحسين أنه مهم يحسم أمره فيها تصارحينه فيها بأسلوب، سواء الجواز أو السفر أو السكن، ترى الوقت يمشي بسرعة ولا يؤجل عمل اليوم لغد. شهر العسل معليش راح أبدي وجهة نظري، كأني فهمت من كلامك أن الولد مزنوق يعني ماعنده ذيك الفلوس الكثيرة، طيب يا أخيتي مالك ومال المرمطة شهر عسل بأسبانيا أو بالنمسا، خلو فلوسكم لحياتكم وبلاش تعيشون بديون، وروحوا لتركيا رغم أن تركيا بعد تبي تشفطكم لكنه أرحم من أسبانيا، واللي ييسره الله ولا يتعب كاهل الرجل هو الخير، الله ييسر أموركم ويوفقكم ويألف بين قلوبكم ويجعلكم كما تتمنون ويرزقكم الذرية الصالحة. |
رد : ضايعه
هههههههههههههههههههههههههه والله احس زوجك مطيرك في العجه واخر شي بيسكنك مع اهله
وشكله من النوع اللي اسبانيا والنمسا واخر شيء دبي يومين وبعدها الطايف ومكه الردف يمدحونها يقولون براااد ههههههههههههههههههههههههههه |
رد : ضايعه
حبيبتي انتي حاولي تمهدين له الموضوع .. قوليله شو صار بموضوع الشقه ؟
وسالفة تجديد الجواز و السفره .. يمكن يكون ناسي أو شي شاغل باله ! و خذي منه الشور الأكيد بس لا تحنين ( تلحين ) عليه .. هم ما يحبون الحنه والرنه -_-" وحتى لو هو كان مختار لج تركيا قوليله بطريقه لطيفه انج رحتي لها اكثر من مره و حابه تغيرين اذا فيه امكانيه واذا ما وافق خلاص سيري وياه .. يمكن هو حاب يسير تركيا .. وياج ^_^ .. |
رد : ضايعه
مو مهم فين بتسكنو ووين
كل هالامور هذي ثانوية اذا بتفكرين فكري كيف بتنجحين علاقتك وزواجك مع شريكك والحرمة مننا تتبع زوجها وين ماكان وتسمع كلامة وتطيعة بالمعروف خليكي ماشية مع زوجك واللي يقررة وانتي شاركية ارائة وابدأي رأيك واتعلموا لغة النقاش مش تتعلموا لغة الإختلاف السلبي الله يوفقك حبيبتي |
رد : ضايعه
انا رجل اهبل
وهبلي لا يشتغل مع البنات الدلوووعات ............... اسمحي لي .......انتي دلوعه اكثر من الازم ............. وتفكيرك في الحياة الزووجيه ...سطحي ........بل اقل من السطحي شوي ......... اسمعي احمدي العزيز القدير على نعمة الزوواج وذكري قول المصطفى ...اقلهن مهر ابركهن .......( في ما معنى الحديث ) \ولا تحملي الامور مالا تحتمل .................فكري كيف ستسعدين زوجك وكيف ستكونين اسره اما اسبانيا والنمساء وتركيا ..............فموجوده وبتروحينها في اي وقت وسبانيا ...جنة الله في ارضه وروعه ....لكن ما تصلح للمعاريس وتركيا ....مع المشاكل الي فيها واحتمالية الحرب .....منو بيفكر .......يقضى شهر عسل ولا يوم عسل هناك ............ والنمساء ...............ترى سامعى انها .....وع وما تصلح ما ندمت في حياتي على شي ..الا على اني لم اذهب الى مكة للعمره بعد زواجي ....استخفيت مثللك ...وسافرت وقلت وشو مكة ....لحقين .......وليتني ........اهتدين ان الانسان يبدا حياته ببركة عمره مع عروسه احسن من الدنيا وما فيها وبعدين تعالي ........... وشو ذا يسكنك عن هللك ولا عند هلله ...ولا عند شغله ................والله ان هالعريس يبيله ..من ...يملص وذانه ..........من يسكن البنت عن هلله ...الا مشتهي المشاكل ... ومن يسكن البنت هند هلله الا مضطر وبعدين .........يبي يقعد عند شغله ....ويكون قريب ويسلم الزحمه حق كل يوم ..........تفكير عملي جدا ... لكن الاولى انه يبحث عن شقه مناسبه له ............وانتي يجب ان تقبليه وبعدين اذا عرستوووو ........فبكيفكم ان شالله تسكنو في خيمه :22: لحظ ....لحظه ..............وشو جوازي مخرم ................يعني من خمس سنين ونتي تلفلفي مع هلس ......ويو يجي هالمسكيني يبي يعرس وينستر ...........برضو ...تبين تكملي اللفه ...!!!:15: بصراحه ..........انتي ضايعه .......... او ان هو ضايعه ........... اقري كلامي زين ........وبلاش هبل وجنون ......وضياع ..... |
رد : ضايعه
اولا انا اخذته وكنت راضيه فيه وبظروفه
ومره جا أخذ رأيي قال ابسكن عند اهلي قلت ماعندي اي مانع في نفس البيت يقصد انا مااهتميت وين أسافر او وين اسكن انا اولا تكلمت انه مااهتم بالجواز حكي لي عن السفر وقلت حبيبي اللي يريحك واللي تقدر عليه هو اللي خيرني وهو اللي أصر انه يبي رأيي أنا مااتشرطت وانا الزواج كله تنازلت عنه واكتفيت انو يكون ببيتنا وانا اقوم بكل شي وهو بس عليه زواج رجال يوم تكلم الاخ عن السكن انا ماناقشته هو اللي قال الافضل انك تسكنين عند اهلك بما انه عنده شفتين ويبي أكون عتد اهلي واذا سكنت قريب يم اهله راح تصير مشاكل وانا ادري عنها ومااحب اذكرها انا في نفس الوقت جالسه احكي ان الولد ماحكي لي عن طبعهم في عزيمه بعد الزواج اهله كيف تكون حمعاتهم امه شنو تحب ابوه شنو يحب شنو اللي اتجنبه انا الحمدالله شبعانه بس احكي لكم عن اللي مفروض يصير من حق اي بنت تعرف كيف راح تكون حياتها انا لو ابي حب ورومنسيه كان ماشكيت بس انا لما تكلمت ابي اعرف كيف نظام البيت كيف نظام حياتنا ابيه يتحرك يفهم هذا الزواج اذا هو حو قد الزواج ليه يتزوج ويجلس يشاورني ثم يغير راي واللي قهرني انه حنا نتفق ع شي فالأخير يتغير الراي رجل أهبل انت اتوقع ماحكيت مواضيعي قبل والله لو اني ابي مظاهر وأبي دلع ولا فهمت الزواج صح كان بهذلته معاي وكان شرطت وسويت مثل مافيه بنات تسوي اخوي رجل أهبل انا عارفه ان الولد ينضغط وان الزواج مسوليه والله لو انه قايل لي بنسافر داخليه ماحكيت شي وبعدين السفر مو كله راح يقوم عليه السفر راح تكون هدية من الامير وانا انسانه مااحب اللي مثلا يقول شي ويغير رأيه ومشكورين للي ردوا يمكن انا اشوف إخواني كيف نكلم إخواني ونفهمهم كيف يفهمون حريمهم وكيف يتعاملون بس الحمدالله ع كل حل واتمني أنكم تفهمون ردي زين |
رد : ضايعه
اقتباس:
المجنون ....يعني ,,,,,,,,,,,,,,,,ماكو امل ... لكن الاهبل ....يمكن يجي منه شطحات .....................يعني انا احسن شوي منس .......:26: كاني تصورت حاللك ................وهذا مايحتاجه اي انسان حتى يدلي بدلوه في مسائل مثل هذي فاقول كانك من بيت غني وثري ..........................وهذا طبعا فضل الله يوتيه من يشاء ليس بجريمه ثم كاني .....فهمت ان زوجكي اقل منكي ماديا ......واذا لم يخب ضني ...فهو ايضا حسب قوانيننا الاجتماعيه ..اقل منكي مستوى اجتماعي .................. ثم ....مادام في الشغله امير ...................فلعائلتك ...فضل عليه ........وبلاضافه الى التكاليف التي ستتحملينها .........................فكانك ......تحسي انكي متفضله عليه .... اختي ...الفاضله ................كرجل اهبل ساقول لكي .....رايي ...وتجربتي ...من ناحيه نفسيه انا تزوجت فتاة اغنى مني ......وهلها اغنى بكثثثيييير من اهلي .................كانو يسكنون الفلل والقصور ...وكنا .....اشبه بالناس العاديين بالنسبه لهم ...ماديا .... الرجل ..اذا احس بالنقص ....يضغط على نفسه اكثر من الازم ....ليظهر لزوجته واهلها انه ...(قد المقام )) ثم تكون النتيجه .....علاقه سلبيه بينهما ................ اذا قبل الرجل تفضل زوجته واهلها عليه ...........فستعيره الزوجه واهلها بهذا حتى لو لم يقولو .......... وان رفض فسيتحمل مالايطيق .............وستكون النتيجه ...ديووون ...ثم كره ثم مشاكل ... اختى انا لا اتكلم عنكي .............انا احلل واتفلسف وانتى من يقراء ؟؟؟!! في ضني ................ في مثل وضعكي .................هذه الترتيبات اجتماعيا ستكون مهمه ........ وفي رايي ...انه لن ينتبه لها كما تريدين .... لذلل ان كان هناك محبه وهو يستحقك كما انتي تستحقينه ....فالصبر والتحمل .........والله يعينك تكملي كل نقص ....................وان كان هذه الموده غير موجوده لحد الان فارى ان تتجراءي وتكلميه .....وتتناقشي بكل صراحه في ترتيباتك ...وان لا تنتظري .......منه المبادره ...:11: |
رد : ضايعه
شوف اخوي أهبل
انا مااتفضل عليه الحمدالله انا بينت له انا تزوجت وماله شغل بحياتي عند اهلي وانا قلت له بداية حياتنا لازم نتعب علشان نقدر نريح انفسنا بعدين مو كل شخص مرتاح بحياته مثل امور الزواج تري انا تميت شهور من الملكه وهو ماحدد الزواج وانا اللي جيت وطلبن منه هالشي لين الولد فالأخير حدد الزواج وع فكره تري حدده ولا أخذ رأيي انا أجي هنا افضفض وأخذ حل اذا لقيت حل أفادني انا معاه ساكته وبالعكس هو يقولي روحي اختاري غرفة النوم روحي سوي كذا قلت له من قبل حبيبي انا سو كل شي ليه انا قلت كذا لان أخاف اختار اشيا هومايقدر عليها تري انا مااحسسه بها الامور بس لازم احكي معكم وأكون واضحه علشان تفهمون قصتي زين انا وربي لو يقولي مافيه سفر عادي والله عادي بس لا ياخذ رأيي ويصر ياخذ رأيي وفالاخير القي العكس انا احبه وآموت فيه علشان كذا ابي حل وانا تحديت الكل علشان اكون له ويكون لي بس ماابي هالاشياء تكون بينا |
رد : ضايعه
اسال الله العظيم لكي التوفيق .................
لكن نصيحتي بكل صدق ............ انتبهي كثثثثثثثثثثثثثثثثثثثثثثثثثثثثثثثثثثثثثثثثثثثثثثثثي يييييييييييييييييييييييييييييييييييييير جد لموضوع الفوارق الماديه ومادمك تحبيه وتريدينه ................فرايي تنازلي عن بعض الحقوق........ولا تدققي في مسالة لم يستشيرني ..............وكل شي يخطط له فارضي به .......لان الهدف هو الزوج المناسب وليس الشكليات الاجتماعيه ومع يقيني انها صعبه ....لكن هذا الاصح احسنت في قرارك بعدم اختيار .......غرفة النوم .....فصحيح قد تختارين شي اغلى مما يتوقع انا رايي ....ان تتناسي بعض الترتيبات ..........وتركزي عليه هو .....لتفوزي به .... صدقيني الرجل يحس بالقهر عندما لا يستطيع ان يعيش زوجته في مستوى احسن من مستوى اهلها ....... لذللك اغلب ...الشباب وانا منهم يفضلون البنت ...من عائله فقيره او متوسطه ............. |
رد : ضايعه
شوف اخوي انا مااضغطت عليه بشي ولا جادلته ولا قلت انا ابي واتشرطت
وهو اللي حاب موضوع السفر وجاب كل شي انا مافتحت معاه باي موضوع ولما قالي بداية الملكه وين تبين تسكنين قلت له اللي يريحك واللي تقدر عليه انا خلاص زوجتك ولو تقولي انا جاني نقل في قريه او وين فبروح معك وبرضي بهالشي انا خلاص تزوجتك انت حياتي مع اهلي أنساها وانا أقولها لك جالسه أعود نفسي ع امور علشان أكسبه هو شخصيا وهو نفسه احيان يقول لما اجلس مع اخويا تكبرين في عيني اكثر هو حس اني ماضغطت عليه بشب والله حتي زواج رجال ماطلبنا يسويه بعد الملكه إحنا سوينا عزيمه كبيره ونادي أقاربه وقلنا له اذا ماتبي زواج براحتك ولا عمري جبت سيرته او سيرة اهله بشي او بلبسهم او من هذا كله وعمري ماتكلمت عن اهله وعن بيتهم خطيبي اقل مما بس موومعناته انه اقل مني بكثير انا أخذت خطيبي وهو لسه ماتثبت ورضيت وأهلي رضوا وكان راتبه 3000 وكنت راضيه بكل شي والحمدالله تثبت واعتلي راتبه وهذب نعمه من ربي لا انا ولا اهلي نفكر في المظاهر اهلي اهم شي عندهم انه يكون رجال ذو خلق ودين وانا نفس هالشي بس انا مااحب اللي يقول حكي مو قده علشان كذا انا ابي أوقف هالشي انا رضيت فيه خلاص انا زوجته ورضيت بكل شي بس ابي يكون واضح معي وصريح بامور الزواج بامور الشقه تري حتي يوم قال دوري لي شقه كنت ادور له شقق رخيصه ويكون قادر عليها حتي لما أبوب طلب يعطيه شقه انا رفضت لان ماابي احسس خطيبي باي نقص وانا اساسا مااحب هالشي انا ابي يعلمني عن اموره امور اهله عن طبعهم عن امور حياتنا حنا ابي يقوم بواجبات الشقه اعرف كيف بيكون الأثاث كيف بيكون غرفة النوم لونها علشان اعرف ازينها طيب انا راضيه اسكن. بالشقه اللي اختارها طيب يروح يدور يروح يخلص اموره راضيه اني مسافر والله العظيم اني راضيه بس انا من حقي اعرف انا شنو عليه وانا لما اخذته قلتها لاهلي راح انسي كل شي عودتوني عليه وحتي الفلوس اللي أبوي يعطيني إياها كل شهر هو مايدري عنها وماراح أخذ بطاقتي عندي كل هذا علشان مااحسسه انه مقصر علي وان انا تزوجته بس عايشه بخير اهلي هذا كله جالسه أطبقه واسويه انا الحمدالله راضيه باللي ربي عطاني وراضيه بخطيبي بس في امور لازم اكون واضحه معاه ويكون واضح معي وانا كبنت حلو انه يكون صريح معي ويقولي ساعديني بكذا كوني معي أهون من انه يهايط وياخذ رأيي ويصر عليه وبالاخير يغيرها انا قبل قالي قلت له سو لي شهر العسل مفاجاة ماكنت ابي اطلب شي يخسره بس هو قال اذا مااخترتي ابزعل واخترت ولا سواها طيب مو قدهالدول ليه يحطها من ضمن الاختيارات فيه دول رخيصه كثير وحلوه وطبيعيه ليه مافكر فيه ليه اختار دوله كل وحده أغلي من الثانية فهمت قصدي انا ماابي أخذه واعيش معاه في نفس البيت بعدين انصدم من طبعه من طبع اهله طيب يمكن اهله متوعدين جمعه في الاسبوع لازم الكل يكون موجود هالامور هذي طيب أنا الحين جالسه افكر كيف اسعده وكيف ارضيه حتي يوم جلست مع اهله جلست معاهم ع اني نفس طبعهم عادي عن اهله راعيين مظاهر كثير بس وربي مااهتميت بهالامور وهو واهله عارفين من اهلي وعارفين انو إحنا عندنا اهم شي واحد يخاف الله انا لو ابي المظاهر وأبي السفريات كان أخذت واحد منصبه عالي بس انا كان تفكيري بسيط يمكن البنت اللي بحالتي تفهم وضعي و تفهم انا شنوابي وشنو افكر وحلة الرجال يكون صريح عن وضعه علشان مانصدم البنت بعدين هذا كل اللي اقوله وحلو انه يكون قد كلامه ولا لايطلعه احسن |
رد : ضايعه
أختي مجنونهj ماشاء الله تبارك الله على تفكيرك كم أفسدت حياتنا المظاهر الزائله لا أملك لك سوى دعوة في ظهر الغيب
جميل أن نرى في مجتمعنا بنات يفكرن كتفكيرك أسئل الله أن يسهل أموركم وأن يوفقكم وأن يسعدكم في حياتكم ...شااااب |
رد : ضايعه
اخوي شاب
مشكور ويعطيك العافيه ع هالدعوه والله يوفقك يارب والله يجعلها في موازيين حسناتكم اللي رد وحاول يساعدني ولو بدعوه من حقي افهم انا وش عليه رمضان بعد اسبوع وانا مااعرف اي شي عن حياتي وكيف بتكون 10 شهور وانا متملكه ولا ادري عن أموري شي تري توه يحدد الزواج ويحجز القاعه من عطلنا وانا اللي خليته يتحرك ولا هو كان بارد خطيبي يسمع لاهله انوتوكم ومن هالحكي لين تعبنا ع ندور قاعه ولين حطه ايام اسبوع واخوي ماراح يحضر بسبب شغله مو بالرياض هذا سواه بعد مانا تكلمت تري حتي الشبكه ماسواها أبا يوم انا تكلمت عن انا قايله له تري مو لازم شبكه اسوي لان طبعهم ماعندهم شبكات الطقم يجيبونه مع امهر والله اني متحمله هذا كله علشان مااخسره بس مو حلو انفجر وأكتم بداخلي من حقي اذا اهلي اسالوني اعرف ارد اعرف حياتي كيف تكون اخ بس ربي يعين والحمدالله ع كل حال |
رد : ضايعه
بداية اختي الفاضلة أحيي فيك هذا الفكر الناضج واقولها بكل صراحة كم هو محظوظ هذا الزوج بامراة مثلك ::: مشكلتك اختي الفاضلة مع الغموض الذي يلف حياتك المستقبلية ومن حقك ان تخافي ولكن الحل بسيط اجلسي معه واخبريه بأنك تريدين ان تفهمي آلية العمل ومنهجية التخطيط التي في باله وطمئنيه بأنك لاتريدين سوى راحته واطلبي منه الا يكلف نفسه اكثر ممايحتمل حتى تصبح اموركما اكثر وضوحا من ذي قبل :::نسال الله ان يتم عليك السعادة ويجعل حياتك بالمسرات في زيادة
|
رد : ضايعه
إذا كان هو متردد
وانتِ موكله مصيرك له فكيف بتخلصون اموركم؟! خليكي قوية شوي واحسمي مصيركم ( سكن , اجار , سفر , قاعة ...) بإصرآآر لا تخلي كل شيء براحته و إلا بتضيعون و يمر الوقت وانتوا ماعملتوا شي طبعا لاتكلفي على الرجآل وانتي اعرف بظروفه المادية واش يناسبه .. بس خلي لك كلمة واصري عليها (إذا تشوفينها في صالحكم ) ولا حيجي يوم وتلقين امه وخواته متحكمين في كل صغيره وكبيرة في حياتكم اثبتي نفسك من البداية طبعا النصيحة هاذي ماتنفع للجميع فقط للرجل اللي شخصيته متردد لأنه يحتاج زوجه توقف معه وتدعمه وتأكد أرآءه مش تترك له الحبل على الغارب فيضيع ويضيعها معها الله يوفقك ويسهل امرك يارب |
رد : ضايعه
وشكرا ويعطيك العافيه ع ردك
الله يكتب اللي فيه الخير وراح أحاول اكلمه بصراحه اذا جاني وجها لوجه دعواتكم لي بالتوفيق |
رد : ضايعه
ماشاء الله تفكيرك راقي جداً، وحقيقة معليش زوجك يجب أن يستعجل !!! اللحين باقي على الزواج أقل من شهرين ولا حصل بيت!! تدوير البيت ياخذ مدة وبعدها التأثيث وإلخ .. قسم بالله قهرني ماودك تعطيني رقمه؟ أختي ناقشيه من أول أتصال ووضحي له الصورة وأنه لازم يحسم أمر السكن خلال هاليومين، الله يهديه ويسخره لك.
|
رد : ضايعه
اخ بس منهم
انا اخر شي بيسكني بشقه اهله من بعد ماوعدونا بالشقه وحالتي حاله بس ماسكتت تفاهمت معه وقلتله اذا وافقت اسكن مع اهلك مو معناه اتنازل عن الشقه واذا عالسفر لاتستحي قولي له بقوه عين ها حجزت ولالسه انا زواجي بعد 3 شهور ومن الحين حاجزين ع النمسا صح ماحجز التذاكر بس حجز الفنادق ورتب امور الفيزا خلك وراه ترا اغلب الرجال باردين ويبغالهم الحرمه الي تسنعهم الله يوفقكم |
رد : ضايعه
انسانه طفشانه مشكوره ع ردك
والله يعطيك العافيه يارب ان شاءالله بحاول اكلمه واطقها صريحه عن اهلي مايحبون اللي كذا اني أتكلم وكذل وانا مااحب أبين لاهلي شي انا لازم اعرف انا شنو عليه واهم شي يعرف هو شنو يبي والله يخلي لك زوجك يارب ويحفظكم من كل شر وان شاءالله اني بفاتحه بالموضوع قريب |
| الساعة الآن 09:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©