|
ممكن أكتب شيء
ممكن أكتب شيء هنا لان بابا المستشار مب موجود , بس لا أحد يغلط |
رد : ممكن أكتب شيء
حياك تفضلي
بس الاهم اذا هي استشاره بتاخذين براي الاعضاء وتنفذينه او لا ؟؟ |
رد : ممكن أكتب شيء
لجين
اللي يغلط ( فهذا راجع لتربيته ) .. و تجاهلي رده .. اضغطي عالزر الأصفر ( تبليغ عن مشاركة سيئة ) و الإشراف يحذفوا رده .. . . راح تقابلي هنا ، و بالعالم الواقع ( أشكال مختلفة و ملونة ) .. تعلمي كيف تقابليهم ( بإبتسامة ) ، حتى اللي يزعجك منهم ( ابتسمي له ) و ديري ظهرك له ,, |
رد : ممكن أكتب شيء
اقتباس:
|
رد : ممكن أكتب شيء
نعم! اكتبي يا أخت لجين ما تريدين.. وتجاهلي وأغمضي عينك عمن تجدين في مشاركته خطأ عليك من قريب أو بعيد.. ونحن سنستمع لك وسنقرأ لك.. وسنصبر عليك لكن أيضاً لا تكوني بطيئة جداً ولا سريعة جداً! |
رد : ممكن أكتب شيء
اقتباس:
أنا مو بطيئه حتى بابا المستشار كان يقولي سوي كل شيء بهدؤ لان خالد يريد كل شيء بسرعه بسرعه هو يريدني اسمع كلامه بس هو لا , خالد يريدني اسوي كل شيء يطلبه مني بس هو لا |
رد : ممكن أكتب شيء
ولا يهمك حبيبتي لجين ... مثل ما انه في اعضاء أسلوبهم جاف بتلاقي أعضاء متفهمين بانتظارك :) |
رد : ممكن أكتب شيء
اكتبي يا أخية!
أنا لا أستعجلك أبداً.. وإنما أطلب منك الوسطية بين العجلة والبطء.. ::: |
رد : ممكن أكتب شيء
اقترح عليك تشيلين خاله بيتا .. والأخ البليغ فوق
هناك بلحالكم فقسم ساعدني.. وبلا محد يغثك على روقااان واحنا نتفرج بس .. خايفة عليها لحد يلومني |
رد : ممكن أكتب شيء
هلا وغلا لجين نحن هنا كلنا اخواتك وإخوانك قولي اللي بخاطرك وكلنا آذان صاغية لما ستقولينه هنا بالنسبة للي يغلط طنشي وماعليك فيه اهم شئ ان عندك هنا من يسمعك ويفهمك يالجين ولاتنسين حبيبتي كل إناء بما فيه ينضح
الله يسعدك ويوفقك في حياتك ويصرف عنك الهم والحزن والضيق ومعاك هنا اخونا الفاضل البليغ ومثل ماعرفناه انه رجل طيب ومتفهم وكثير مواضيع حلها في المنتدى وكلنا نثق فيه وبرأيه وصدق مشورته بارك الله فيه وجزاه الله خير ونسيت كمان الأخت بيتا الله يجزاها خير ويعطيها طولت العمر والصحة فلها باع وتجارب وخبرة في الحياة |
رد : ممكن أكتب شيء
قولي اللي في خاطرك لجين ولا تردي على الي يضايقك .
بنتظارك...... |
رد : ممكن أكتب شيء
خالد يريدني أتغير انزين أنا تغيرت والله بس هو وعدني وعطاني شهرين بس لحين استوا لا , أبوي كان يسمعني وينفذ كلامي بس خالد لا , أنا صرت اسولف وياه وحتى غصبني أرقد معاه بنفس الحجره ما تكلمت لانه هددني بأبوي , بس أنا لما أطلب منه شيء يرفض طلبت منه أسافر عند أبوي ما طاع وقال لا , انزين ليش هو ما يسمع كلامي حتى. |
رد : ممكن أكتب شيء
طاعة الزوج ( مقدمة ) على طاعة ( الأب ) ..
بس الزوج يوم يطيع زوجته ، يكون من طيب خاطر .. و لإنها تطيعه و تداريه .. اكسبي قلب زوجك ، فرحي قلبه، اعملي اللي يسعده و يرضيه .. علشان يكون خاتم بين يدينك .. . . لا نحن و لا أبوك ، نقدر نغصبه يسمع كلامك .. . . تعرفي فين الفرق ؟ انت سمعتي كلام زوجك ( علشان أبوك ، مو علشانه ) .. و نفذتي شي ( هو حق من حقوق زوجك ) و عدم تنفيذك للأمر هذا ( فيه معصية لربنا ، قبل زوجك و أبوك ) لكن إنت تطلبي من زوجك ( شي ثانوي ) ,, أبوك ما حيطير ,, بيرجع إن شاء الله عن قريب .. و هذا الأمر ( ماهو من حقوق الزوجة ) معليه على كلامي .. . . إنت نفذتي أمر ، هو حق من حقوق خالد .. و أمر واجب عليك .. لكن إنت تطلبي منه شي ( غير أساسي ) ,, . . يعني لو قلتي مثلا ( خالد مو راضي يصرف علي ، و لا يأكلني ,, إلخ ) وقتها الكل بيقوم و يوقف معاك ( لإنه حق من حقوقك ) |
رد : ممكن أكتب شيء
لجين
إنت طول الوقت تقولي ( أبوي و خالد ) . . يرضيك إنه زوجك يقارن بينك و بين أمه ؟؟؟ يعني مثلاً يقول لك .. ( أمي كانت تطبخ لي ، و لجين لأ ) ؟ ( أمي تدلعني و تهتم فيني و تأكلني و تشربني ، و لجين لأ ) ؟ . . لجين إنت تدري المتزوجات إيش يعملوا لأزواجهم ؟ . . عمرك أكلتي خالد بيدك ؟ عمرك شربتيه موية من يدينك ؟ عمرك مشطتي له شعره ؟ عمرك لبستيه و عطرتيه ؟ ( هذا زوجك عزيزتي .. مو أبوك ) لا تقارني ما بينهم .. . . رجل الرجال أعطاك نصايح بالصفحة الأولى ، و ما مشيتي عليها .. فما أظن راح تسمعي لنا .. |
رد : ممكن أكتب شيء
لجين معليش بقولك حاجة
خالد مايبي كل شي بسرعة انتي تبين كل شي بطيء |
رد : ممكن أكتب شيء
هلا بالجميلة لجين
نورتي حبيبتي انا مع روح الطير نفس الكلام |
رد : ممكن أكتب شيء
لجين..
محتاجة أن تقرأي قليلاً حتى تدركي الفرق بين الزوج والأب .. وحتى تدركي أبعاد ما تفعلينه ونتائجه من ناحية الحلال والحرام .. وحتى تدركي حقوقكِ التي (يجب) أن تحصلي عليها شرعاً أو حتى عرفاً .. وبين أمور أخرى (تعتقدين) أن من حقكِ أن تطلبيها ويجب أن تنفذ رغم أنها ليست كذلك. وإذا متعايزة تدورين وتقرين .. اتصلي على هيئة الشؤون الإسلامية والأوقاف وكلمي حد من الشيوخ .. أو حتى كلمي أحد القضاة في محكمة الأحوال الشخصية أو قسم التوجيه الأسري واسأليهم: اللي أنا اسويه صح والا غلط .. حلال والا حرام؟ الزوج ليس إله معاذ الله .. ولكن حقه عظيم يا لجين والله سيحاسبكِ على أي تقصير تجاهه .. كما سيحاسبه على أي تقصير منه تجاهك. لن أقول لك افعلي وافعلي .. فقط حطي رب العالمين بين عيونج وفكري عند أي موقف وأي رد فعل منكِ: هل تصرفي هذا يرضي رب العالمين؟ ابذلي شوية مجهود يا لجين .. عشان نفسج .. عشان رب العالمين يرضى عنج وعشان انتي ترضين عن نفسج. طيب سؤال يقرقرع في قلبي .. ولا أسأله من باب السخرية بل أتمنى بحق أن تجيبي بصدق: لماذا تزوجتِ منذ البداية؟! ما الذي كنتِ تفكرين فيه وتتوقعينه عندما وافقتِ على الزواج؟ |
رد : ممكن أكتب شيء
لجين حبيبتي .. من حقك أنه يلتزم بكلمته ويكمل الشهرين .
وانتي جيبتي لجين بعد الشهرين بتكوني جاهزة تنفذي اتفاقكم ؟؟؟ مو هذا يحتاج له تحضير وتجهيز لنفسيتك عشان ما يكون فجأة وبسرعة بسرعة ؟؟ فابدئي من الحين .. لأن لو تميتي على الخطوات اللي مشيتيهم وما كملتي بيخلصوا الشهرين وانتي مو جاهزة .. خلينا من سف لبابا وخلينا من سفر خالد ويا ربايعه .. وخل نركز بمشكلتنا .. انتي وخالد سوا . حلو كثير وتطور كبير ان صرتوا ترقدوا بغفة واحده وحلو كثير أن صرتي تتكلمي وخالد يسمع كل وخالد يتكلم وانتي تسمعيله .. بس يا أمي هذا خطوة ومو كافي لحاله .. اليوم بنمشي خطوة جديدة .. وبتختاري مكان وتقولي لخالد شرايك نروح المكان الفلاني وبكره تجي تحكيلنا شنو سوى خالد معاك عشان نقرص له اذنه اذا غلط معاك :) أوك؟؟ |
رد : ممكن أكتب شيء
لجين .. ماذا لو تفرغتي هذه المدة لخالد .. حلي مشكلتك معه ولا تفكري الان بالسفر عند ابوك اظنك تهربين .. حبيبتي واجهي الحقيقة وواجهي الواقع .. خالد اعطاكي شهران ..وانتي تطلبين السفر لابوك وكانك لتستمدي قوتك من ابوكي ..حبيبتي استمدي قوتك من الله تعالى .. واستمدي قوتك من باطن نفسك وحتى من زوجك وابوكي لا تفكري بالسفر اليه الان بالذات حتى تنسي لجين الطفلة دلوعة ابوها وتستوعبي انك امراة وانثى راشدة عليها تقمص دور الزوجة على اكمل وجه
لجين كلنا اذان صاغية لك نريد مساعدتك .. وكلنا صدور حنونة تستوعبك وتحتويك ومن ينتقدك .. تقبلي انتقاده بصدر رحب وتاكدي انه الكثير معك انت وخالد ويدعون الله ان تنحل مشاكلكما وتعيشا سعيدان |
رد : ممكن أكتب شيء
كلام الاخوات صح ماقصروا
لجين حبيبتي .. سوي اللي قالت لك عليه خاله بيتا اليوم انتي بديتي تتغيرين .. لا توقفين الحين او تتراجعين .. خلك مستمره للاحسن الله يوفقك ويصلح امورك يارب |
رد : ممكن أكتب شيء
اعتبري نفسك من اليوم عروسة جديدة ودليي زوجك وقومي بواجباتك وحقوق زوجك
ووالدك سيرجع بأذن الله واذا وجدك تغيري سيفرح وليكن رمضان هذا العام مميزا لكما معا بالحب والتفاهم |
رد : ممكن أكتب شيء
اهلين لجين ..
تعرفين حاجه ..؟؟ كنت اتمنى انك تفتحين موضوع كذا ..ونتكلم معك ..وننصحك كمجموعة نساء متزوجات .. وتكتبين منها اسلوب التعامل مع الاخرين ..الي اصاب والي اخطأ.. |
رد : ممكن أكتب شيء
اقتباس:
نعم فهوه يحبك يا لجين ويريدك للافض بلا شك,,, صح عطاج شهرين ووعد الحر دين وانتي طاف عليج اسبوعين اعتقد,, وفي تحسن من الطرفين صح اما ابوك يا لجين فهو اب وهي اداة العطف لدى الاب بكونج ابنته,, والصغيره,, واما موضوع سالفتي معاه:22::14: وايد زين وهذي لازم تسولفين وياه يا لجين عشان يتالف قلبكم وتستشيريه ويستشيرك وامور طيبه مافيها خلاف,, بخصوص النوم معه فهو من حقه يا لجين انه يبيك تنامين معه وهذا دافع الحب وانه مشتاق لك ويبيك عنده ’’ بعدين خالد ما هددك بس هناك شرط وهذا مو تهديد اختي لجين يا ام خليفه:17: صدقيني مو تهديد فقط لنه يبيك ويذكرك بابوك وابوك يحبك وخالد حبك,, هو ماطاع يوديك عند ابوك بيوديك يمكن مشغول الرجال هاليومين تبينه يطيعك كلميه بالطيب صدقيني اختي لجين ام خليفه خالد يحبك وصدقيني بيطيع تبين تجربين انه يطيعك ويسمع لك دلعيه بس عطيه كلام حلو صدقيني الكلمه الحلوه تكسر جبال وبو خليفه ترا قلبه طيب ويموت فيك بس جربي ما بتخسرين شي انتي جربي لجين كلام حلو وسولفي وياه وضحكي وياه وشوفي بتجين بتقولين كلامكم عدل,, ربي يسعدج يله طبقي وبتشوفين بس بالكلمه الحلوه بتاخذين كل شي من بوخليفه والمعامله الطيبه جربي هو ينتظر كلام حلو يريح قلبه,, بعطيك اياها بختصار ريحي قلبه ساعه بالكلام الطيب والمعامله وسوف يرييييييح قلبك سنين,,:22: |
رد : ممكن أكتب شيء
نسيت شي اختي لجين ام خليف انتي تبينه يوديك حق ابوك بعد ما يرجع من العلاج لين بعد العيد بتمين هناك طويله هذي ولازم بيرفض وهو يباك جمبه,,, |
رد : ممكن أكتب شيء
اختي الفاضلة سأنبهك على مسألة هامة جدا في هذه الحياة العطاء بدون مقابل مرهق جدا للنفس ففيه استنزاف حاد للمشاعر فخالد يحبك والدليل محاولاته وبحثه عن الحلول طوال الفترة الماضية فهو بحاجة الى تجاوب اكثر مما حدث في الفترة الماضية حتى يشعر بتحسن العلاقة بينكما فالافعال في الحياة الزوجية ترجمة واقعية للمشاعر بين الزوجين لااحد ينكر ان وضعكما الان ربما احسن بكثير ممامضى ومثل ماقال احد الاخوان اعطيه بعض المشاعر الجميلة وعندها تأكدي تماما بأن خالد لن يبخل عليك بشيء فهو زوجك ويتمنى العيش معك بسعادة فلا تجعلي امورا تشغل بالك سببا في نفور زوجك منك ((فلاتزر وازرة وزر اخرى ))فقضيتكما قد شغلت الكثير من اعضاء المنتدى ولااحد يطلب الحل بسرعة ولكن بالتدرج فقط ماعليك الا الاقتناع داخليا بأنه يجب عليك ان تبدئي حياة اخرى ثم افعلي الخطوات اللازمة لذلك وصدقيني لن تنقضي المهلة التي وضعها خالد الا وقد تغير جو حياتك كثيرا ::::نسال الله ان يفرج كربتك ويحسن عاقبة امرك
|
رد : ممكن أكتب شيء
اقتباس:
أختي لجين أوعدك ما أغلط والله أنتي شرات أختي لكن لازم تستفيدن وتتغيرين موب بس تقرائين وحطي بالك الحقيقة مره ... والصديق من صدقك لا من كذب عليك وجاملك أوعدج ما أغلط وأنا أسف على اللي صار قبل |
رد : ممكن أكتب شيء
مرحبا لجين..معاك اختك عبير..
انا مره مبسوطه منك لانك تشجعتي وفتحتي موضوع تتناقشين فيه مع الاعضاء.. حابه اسألك وابغى منك اجوبه صريحه وصادقه.. اتفقنا........!؟ وش نظرتك للحياة الزوجيه..!؟ تتوقعين ماهي الواجبات المفروضه على الزوجه تجاه زوجها..!؟ هل منحتي خالد مشاعر الحب..!؟ ماهو احساسك عندما يكون بعيد وماهو شعورك عندما يكون قريب..!؟ |
رد : ممكن أكتب شيء
لولو عزيزتي كلنا هنا عشان نساعدك ونتمنى لك الخير قولي اللي عندك
انا اشوف لو قلتي اي شئ يدور بخاطرك بدون خوف نقدر نصحح لك افكارك ونساعدك ونفهم طريقة تفكيرك واغلب الاعضاء يساندوك فركزي على الايجابيات الله يرضى عليك خلي طريقة تفكيرك دايما ايجابية وتصيدي الايجابيات في كل موقف ولاتركزي على السلبيات حتى اللي اتلفظو عليك يمكن غلطو بالطريقة والاسلوب بس هم قصدهم يساعدوك وغايتهم خير لك ياغالية ياغالية خالد يحبك وهو زوجك وله حقوق وابوك عشان تصير صحته كويسة لازم تكون نفسيته كويسة ومرتاحة ومو شايل همك ,, عشان كذا ياغالية لازم تصلحي وتقومي حياتك الزوجية حتى يرتاح ويصفى بال الوالد وتتحسن صحته بإذن الله وقومي بحقوق زوجك لانه حق الزوج عظيم ياعزيزتي يكفيك انه خالد يداريك ويحبك ورافض يطلقك ويتمنى يصلحك ودور كل الحلول الممكنة حتى يصلح امر اسرتكم ماخلى استشاري ولا شيخ ولا منتدى ولا سفرة ولا اي حل الا وحاول يعمله ممكن في بعض النصايح اتبعها وهي خاطئة بس يشفع له انه نيته حسنة وانه يحاول بشتى الطرق ان يساعدك حتى تكوني زوجة صالحة الله يرضى عليك ساعديه واتذكري هالمقولة ( كوني له أمة يكن لك عبدا ) دايما وابدا اتكلمي معاه بصوت خافت بدون صراخ وبدون صوت عالي وحاولي تصارحيه باللي يدور في بالك لانه يشوفك غامضة خصوصا لما تلجأي للدموع والبكاء لو ماقدرتي تصارحيه او خفتي انه يحتد النقاش بينكم ويعلى صوتكم ممكن تكتبي له رسالة بورقة واكتبي كل شئ يدور ببالك وهو زوجك وحبيبك واكيد بيفهمك ولو مافهمك نخلي ماما بيتا تتصرف معاه :) ياقمر ياليت لو تقرأي كتب اكثر عن الحياة الزوجية وتشوفي مقاطع باليوتيوب عن الزواج لاستشاريين نفسيين مثل طارق الحبيب وياليت لو تقراي بالتحديد كتاب الرجال من المريخ والنساء من الزهرة الزمي الاستغفار واكثري من الدعاء وشغلي دايما سورة البقرة في منزلكم احترمي اهل زوجك ياغالية فهم اهلك في الاول والاخير وكلكم ارحام واقارب وحاولي تختلطي باقربائك اكثر وتصلي رحمك حتى ربي يرضى عليك ويسعدك في حياتك ودنيتك |
رد : ممكن أكتب شيء
اقتباس:
أنتي تقولين ان خالد ما يسمع كلامج أنزين انت سمعتي كلام خلد فشو اشلون تبينه يسمع كلامج وأنتي ما تسمعين كلامه |
رد : ممكن أكتب شيء
اشهد ان لا إله إلا الله محمد رسول الله |
رد : ممكن أكتب شيء
[SIZE="4"]انا ما أكره خالد بس انا ما أقدر أسوي كل شيء هو يريده ما أقدر أنا مابي أكون أم أكره الكلمه هذه , أنا سمعت كلامه ونفذت شروطه بس ما أقدر أكثر من جذي حاولت بس داخلي خوف موب خليني أسوي شيء , طلبت من خالد يوديني عند أمي عشان اعلمها بكل شيء أنا أريد أكلمها أريدها تسمعني بس خالد مب راضي يوديني عندها , أنا طلبت منه أشرب حبوب منع الحمل لاني مابي أكون أم بس هو ما يريد ما وافق صار كل شيء أطلبه لالالا , أبوي كان ما يقولي لا كان يحبني ويسمعني . أنا صح ما سويت شيء لخالد لانه هو ما كان يقعد بالبيت دايمن مسافر كنت ما احس اذا هو موجود أو لا عادي عندي ,أنا والله أريد تغير بس خلاص ما قدرت , أنا أحب أم خالد بس أنا ما أحب أتكلم مع احد , أبوي كان هو يجي يسولف معاي كان يرسم معاي ونتكلم مع بعض كان ما يرفع صوته اذا كلمني ولا كان يرضى أحد يرفع صوته عليا أبوي كان يوكلني حتى ملابسي هو كان يختارها[/SIZE]
|
رد : ممكن أكتب شيء
اقتباس:
|
رد : ممكن أكتب شيء
اقتباس:
هو صرنا ما نطلع بعد ما رجعنا من السعوديه يا خاله بيتا هو صار يسوي أشياء أنا ما أقدر عليها حتى لو قلت لا مابي ما يرد يا خاله بيتا عشان جذي انا بروح بسافر عند أبوي لغاية العيد |
رد : ممكن أكتب شيء
انزين عندي سؤال<<<<<< بس من غير زعل
اذا موب قادره تسعدين خالد ... ليه ما تخطبين له وحده شراتكم بنت ناس. لان هو من حقه يكون عنده يهال. |
رد : ممكن أكتب شيء
اقتباس:
|
رد : ممكن أكتب شيء
يعني يالجين الحياة الزوجيه هي عباره عن ايش بالنسبه لك..!؟
والحقوق الزوجيه مو كلها تقوم فيها الخدم .. طيب جاوبيني بصراحه ..ايش اﻷي يمنعك من انك تمنحين خالد مشاعر الحب..!؟ |
رد : ممكن أكتب شيء
اقتباس:
ليه تزوجتي خالد؟؟؟ لا تقولين أحبه .... انا ما اصدق انج تحبينه. جاوبي بكل الصدق تحمليني. |
رد : ممكن أكتب شيء
لجين
إنت قبلتي الزواج من خالد ( بكل إرادتك ) و لا ( أبوك ) غصبك ؟؟؟ لإنه اللي تحب زوجها ، مستحيل تتخيله مع وحدة ( ثانية ) .. و تقول ( ما يخصني ) .. . . و أمك قالت لك ( لا تجيني ) كيف تبغي خالد يوديكي عندها ؟؟؟ هل تتوقعي إنها راح تسمع لك ؟؟؟ |
رد : ممكن أكتب شيء
^
ما شفت رد الأخ مستشار الحب غير بعد كتابتي لردي .. و صادف إنه نفس السؤال تقريباً .. |
رد : ممكن أكتب شيء
لجين حبيبتي...
شو نظرتج للزواج؟ شو حقوق الزوج؟ شو حقوق الزوجه؟ انتي ما تبين تكونين ام... أذكر ان قرينا هالشي قبل... بس اللي اذكره ان خالد عرض عليج حبوب منع الحمل مسبقا و انتي رفضتي... حبيبتي... كل شي بالهداوه يجي... و خالد فعلا مب مستعيل و ما يبي كل شي بسرعه... خالد صبر سنتين... سنتين يا لجين كيف تقولين مستعيل... مدة الشهرين هذه لازم شوي انتي اللي تكسرين الحواجز اللي بينكم... و تمدين يدج له... هو يحاول وايد بس ينتظر منج شوية تجاوب... |
| الساعة الآن 02:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©