|
زوجي يدخن :(
السلام عليكم
بنات انا متزوجه من 9 شهور ومن كم شهر وانا اشم ريحة دخان فيه ويقول مو مني ويحلف انه مايدخن واليوم سالته سالفه ورا سالفه وقعدت اقول كانك تدخن اعترف لي>والله ماتوقعت انه يدخن اقوله كذا ابي اريح نفسي ومادريت الا اهو قالي اقسم بالله ان لي 4 ساعات وانا اصيح عجزت لاسكت واهو يقولي اوعدك اني اتركه بس يقول تركه يبيله اشهر اقسم بالله اني مصصصصصصصصدومه ودي اموت كرههت كل حاجه وربي وانا اكتب لك اصييححح مادري شسوي اهو يقولي انسي السالفه كيف انساها وكيف اعالججه ابيه يترككككه :( من ثلاث سنوات واهو يدخن ويقول من شهرين وانا اخفف منه في اليوم حبتين>استغفرو الله بس حسبي على من علمه الله ياخذه ياااااااااااااااارب حسبي الله ونعم الوكيل |
رد : زوجي يدخن :(
أختي الغالية:
لو سُئلت كل امرأة في هذه الحياة عن أمنيتها، وأين تريد أن تكون سعادتها لأجابت أنها تريدها في حياتها الزوجية؛ لأنها سبب بعد ذلك لاستقرار الحياة والعطاء والراحة و... ولكن الله يشاء ويريد للبعض أن تكون هناك حجرات في طريق السعادة يرفع بها درجاته.. وابتلاؤك بزوجك المدخن من هذه الحجرات. وصدقيني أختي الغالية بما أنه ينكر التدخين فهذا خير لك وله،وأسهل بإذن الله لتركه والتخلص منه، لأنه لا يمارسه أمامك احتراما لك، وحتى لا يفقد صورته أمامك. استغلي هذه النقطة: * بالثناء عليه، وأنه نعمة من الله، وأنه معافى مما ابتلى الله بعض الناس من التدخين وغيره.. * لا تحاولي تذكيره باستمرار وتجاهليه. * أعطيه فرصه لمعالجة نفسه. * لا تفرضي عليه حلولاً لترك التدخين.. * اسألي عن مواد طبيعية تساعد في ترك التدخين (وقد قرأت فعلاً عن خلطات من مواد طبيعية تساعد على التخلص من التدخين وتطيب رائحة الفم..). * الجئي إلى الله وأكثري من الدعاء بأن يصرف عنه الخبائث. * انظري في جوانب شخصيته الأخرى، واعرفي الأسباب التي ألجأته للتدخين، فقد يكون ارتبط برفقة شجعته على ذلك.. * تقربي إليه أكثر فقد يصارحك بأنه اضطر للتدخين، وعندها قفي معه لمساعدته، ولا تكوني عوناً للشيطان عليه، بل خذي بيده وأعينيه حتى يصل إلى تركه والتخلص منه. * الإنسان يعتبر مما يحدث له، ويستفيد من تجاربه، ولعل هذا الحدث يجعل السؤال عن الخاطب في أدق خصوصياته من أوجب الواجبات، حتى لا تذهب الفتاة ضحية لتساهل بعض الأهل في السؤال.. دعواتي لك بالتوفيق والسعادة، وأن يجعل زوجك قرة عين لك، وأن يهديه لأحسن الأخلاق والأقوال والأعمال لا يهدي لأحسنها إلا هو، وأن يصرف عنه سيئها لا يصرف عنه سيئها إلا هو آمين. |
رد : زوجي يدخن :(
الله يسعدك ويخليك ي رب
اهوا يقولي دخنت بسبب العطاله وماعاد تركته ويقولي فيه حبوب تخليني اتركه باكلها بس وربي ماقدرت مانمت الا الساعه 2 واقوم الحين واتذكر السالفهه واجلس ابكي مو قادرهه انسى او اخليه شي عادي نفسي ماهتم واقول بكيفه يسوي اللي يبي :( الله يعين بس :( |
رد : زوجي يدخن :(
ي ليت اللي زوجها يدخن
تقولي كيف تصرفت لما ككشفته وكيف ترككه انا ودي ماششوفه بس توي جايه من عند اهلي ومطوله عندهم وصعبه اروح لهم اقسم بالله احس ااني كارهته وقال ايش مالك الا تحملين ولا تشوفين ادخن اذا جبتيه ماراح ادخن ومره يقول بداية رمضان ببدأ بس يقول مشكلة دوامي كلهم يدخنون ماقدر :( شهر العسل لما سافرنا جلسنا 15 يوم ويقول مادخنت بس اححسه عصبي والله يصرخ علي بس راضيه اهم شي يتركككه :( |
رد : زوجي يدخن :(
أدعي الله، حرصيه أنه يتركه، أختي نعم الدخان سيء لكنه ليس ذلك الأمر الذي يجعلك تتنكدين، حاولي معه بالنصح وبالتالي هي أحسن وبالأسلوب الحلو والراقي، ذكريه بالله وبصحته وبانفاسه وبالمستقبل لما يشوفونه أولاده، دعواتي له بأن يتركه.
|
رد : زوجي يدخن :(
ممادري ليه احس الككل عندهم الدخخخان عادي!!
والله نفسي ماهتم بس ماقدرت والله ان قلبي يفرك مقهوره منه ككككككرهته نفسي ادععععي عليه او افتك من نفسي استغفر الله بسسسس عطوني حل ككيف انسسسى |
رد : زوجي يدخن :(
اقتباس:
|
رد : زوجي يدخن :(
اختي الفاضلة من يتطبع على طبع او عادة يستحيل جدا ان يتركها بين عشية وضحاها لسبب بسيط فهو قد يتركها لاي سبب ولكنه بعد فترة معينة لن يستطيع فسيحن لهذه العادة غصبا عنه ولكن الافضل تركها بالتدرج اي بالتقليل من استخدامها او استخدام البدائل فالدخان له بدائل طبية موجودة في الصيدلية فعند التقليل واستخدام البدائل بعد فترة سيقل عنده الدافع والرغبة لاستخدام هذه العادة وهكذا مع الوقت يستطيع الاقلاع عنها نهائيا فاجلسي مع زوجك واتفقي معه على هذه الطريقة واصبري عليه وكوني عونا له :::::لفت انتباهي كلمة حبوب يقول عنها انها تغنيه عن الدخان اختي الفاضلة تأكدي من هذه الحبوب قبل ان يستخدمها فالوقاية خير من العلاج ::! نسال الله ان يصلح شأن زوجك
|
رد : زوجي يدخن :(
جيبي له سيجارة الكترونية راح تساعده على ترك التدخين ان شاء الله
|
رد : زوجي يدخن :(
اختي لاتنكدي على نفسك الدخان مو ذاك الشي المهم اللي راح يخرب حياتك انتي انصحيه وحاولي معاه وترى المدخن مايترك الدخان الا اذا كان عنده رغبه في تركه
والله يعينك ويعينني زوجي كمان مدخن والله يهدي ازواجنا |
رد : زوجي يدخن :(
قصتك مثل قصتي مع بعض الفروقات ساقولها على عجلة لتستفيدي
تزوجتة على انة لا يدخن لا اهله ولا اهلي يعلمون بانة مدخن وكان يقول في نفسة ساتركه من غير ان تعلم مرت السنين وكنت اشم بة رائحة الدخان وكان يتحجج بان اصحابه يدخنون عندة فتعلق الرائحة فية صدقتة لاني بريئة وصادقة مع الكل مع ان هناك دلائل كثيييييييييييييره على انة يدخن ذات مرة وفي جو رومنسي مسكت يده لاقبلها فشممت اثار السقاير على اصابعه ومن هنا عرفت كل شيء وكنت قد انجبت منه اثنان وحامل بالثالث لا اصف لك شعوري عرفت انه استغفلني في شئ تافه كل هذه السنين الحل وهذا الجزء باذن الله سيفيدك اصريت عليه ان يترك الدخان مرات عديده وكان يقول في رمضان ويمر رمضان ويفشل حتى مر سنتين على ذالك وبدون فائده دخلت السوق مره وتركت معه ابني وحين عودتي رايته يدخن خارج السياره وابني ذو 3 سنوات ينضر اليه هنا انفجرت ((( لا اريد لابنائي ان يقتدو بك )))) جاء رمضان وكله خير وبركة اصريت عليه ان يذهب لمكافحة التدخين اصرارررررررررررررررررررررررررررررررررررر قوي وحجزت موعد فعلا ذهب واعطوه دواء يجعلة يكره الدخان وتبقى عاده مسك السيقاره تغلب عليها بالعلك والحمد لله كما ينبغي لجلال وجهه وعظيم سلطانة لا تنسي الدعااااااء فما كان ذالك ليصير لولا لطف الله واستجابتة لدعائي وفقك الله رمضان جاي بالخير والبركه |
رد : زوجي يدخن :(
السلام عليكم
اختي انا زوجي تزوجته وانا مااعرف انه يدخن واصلا في عائلتي التدخين شي كبير وانا سالته ايام الملكة وقال لي ماادخن وهو كاذب مرت الايام وكنت اشم فيه الريحة ... مرة يقول الحارس ومرة يقول زميلي وكل مرة عذر ..وانا كنت حاسة بس اكذب نفسي مرة من الايام شفته يدخن في البيت برا في الملحق,هو حس اني شفته بس انا تجاهلت الموضوع طنشت الموضوع وكان يدخل علي وريحته دخان واقول ياللله وش هالريحة المقرفه واروح اعطره واقول الله لايبارك في صديقك وحسبي الله عليه اللي كتمني <<< لاني مريضة ربو وتمر الايام وانا على هالوتيرة والله اصعب تجربة مريت فيها مع زوجي ماصارحته ابدا لكن كل شي بالتلميح ... مرة حكيت له قصة جارنا توفى بالسرطان بسبب التدخين واقعد ابكي قدامه واقول مسكينة زوجته وعياله يتمَهم بسببه ومرة اقول له انه في اشخاص تقدموا لي وكانوا كاملين لكن رفضتهم بسبب التدخين .. يعني استخدم كيد النساء في قصصي وكثير انتهز فرص ...ارسل له على ايميله صور اعضاء الجسم للمدخن وصور مقززة..مقاطع فيديو وكذا تتوقعين ترك التدخين؟؟ جلست سنتين ونص وتركه بحمد الله ... طبعا الى الان لم اصارحه في الموضوع حتى بعد تركه وبعدها جت مشكلة خاصة له ورجع للتدخين مرة ثانية وعرفت هالشي من عودة الروائح له ..ورجعت استخدم نفس الطرق اللي اول وان شاء الله يتركه ..مع الدعاااااااااااااء والله الدعاء يفرج الهم ويجيب الدعاء لاتنسين الدعاء لربك |
رد : زوجي يدخن :(
الله يفرج لي ولك ولكل مهموم...دعواتك لي
|
رد : زوجي يدخن :(
مششكورين
طيب فيه امل يترككه المشكله بداومه اصدقاه معه ويدخنون لو تركه بيرجع الله يسعدكم ويفرج همكم والله الى الا وانا حزينه اتمنى اموت والله اني كرهته كررهه مو طبيعي الله يعين بس |
رد : زوجي يدخن :(
ححلم الواقع
ماشاءالله عقبال مايتركه زوجي طيب ماتعرفين ايش اسم العلاج لانه مستحيل يروح لمكافحة التدخين لو ايش حتى لو اقول ي تطلقني او تروح بيقول بطلقك يقول عادي كل العالم تدخن ولد عمي يدخن عند حرمته وانا مادخن قدامك اهم شي امس تهاوشنا هواش مو طبيعي وعند قال ماراح اتركه وحلف يقول والله ان تندمين لو جبتي طاريه يعني ماعاد اقدر اساله ودي اقوله تركه بس خلاص حلف ماجيب طاريه حسبي الله ونعم الوكيل بس |
رد : زوجي يدخن :(
قلب الماما
لو جبت حتى قصصه بيفهم قصدي ويعصصصب :( امس اقوله مابي احمل لما تتركه باكل حبوب منع الحمل بس عصب ورفض ماكله وانا عارفه نفسي لو حملت بتطلع نفسيتي ززززززززفت بتنكد طوال حملي ماراح استانس لانه يدخن مدري شسوي انا اللي ابيه كيف انسى تتوقعون بعد اسبوع بيصيلا عادي عندي ابي حل لنسيان مايبي يتركه بكيفه اهم شي مايضرني بس ابي انسى مابي انكد على نفسي واهو يقول لما ادخن استانس وانا اصيحححح !! لاني صرت استحقره اسبه في نفسي لما يتكلم ماحححححبه خخخلاص مع انه مو مقصر معاي بس هالدخان :( |
رد : زوجي يدخن :(
اقتباس:
لازمممممممممممممممممممم تتركة زوجك كرجل شرقي بيعاندك ولا راح يتركة لا تقولين اترك الدخان نهائيا اسمعي مني اولا اتركي نفسك فتره تتاقلم مع الوضع انا مثلك في البداية بكيت وتهاوشت ......لا تكلمية في الموضوع بس اذا شفتيه يدخن عندك لا تسكتين لو هو يوم خطبك علمك انه يدخن كان سكتنا بس مخبي الموضوع لانه عارف ان اهلك بيرفضونه ثانيا بعد ما تتاقلمي تكلمي عن اضرار التدخين جيبي مقاله وريه مقاطع عن رئه المدخنين في اليوتيوب ...........................الخ لمحيلة قوليله ادع ربك ان الله يفكك من شره .... تتمنى اولادك كذا ..... وكل هذا الكلام بنفس طيبه هادية مو هواش وصياح حطي في بالك 6 شهور على ما يتركه ان شاء الله اسم الحبوب والله نسيت بس معروفه ومشهوره علبتها ابيض مع اخضر انتي بس ادخلي الصيدليه ويطلعها لك بسهوله وسعرها غالي تقريبا 145 ريال اذكره ياخذ منها بعد كل وجبه حبه ويتدرج في تنقيصها الى ان يتركك الله يوفقك |
رد : زوجي يدخن :(
السلام عليكم ورحمة الله تعالى وبركاته
أختي في الله خلية يسوي حجامة كل 6 شهور مرة ، ومايجالس المدخنين إذا يقدر ، ويستعمل السيجارة الإلكترونية فترة الإنقطاع بتساعدة كثير إن شاء الله ، وكثريلة بالبيت مكسرات ولبان وعصاير ، وخلية يحافظ على الصلاوات بالمسجد ، وبسجل بنادي رياضي (يكون فيه مسبح) ، وكل شهر يسوي حمام مغربي وكل أسبوع مساج ساعة. وصدقيني بيتركها بظرف شهر او شهرين وماعاد يرد لها أبد. إضاءة!! ياليت الحريم يتعلمون من الأخت صاحبة الموضوع كيف تقوي زوجها في دينة ودنياة وصحتة ، والله العظيم انكم بتكسبون الأجر والمثوبة من الله ، وإحترام أزواجكم. |
رد : زوجي يدخن :(
:) السيجارة الأليكترونية علاج مؤقت جدا حسب علمي و قربي من كثير من الإخوة المدخنين..
بعدين أختي الكريمة لا تضخمي الأمر... و لا تنظري نظرة مجتمعك المصغر (عائلتك) للتدخين ... لم يصل خطره إلى رجة يستحق فيها نكره الزوج مطلقا... سمعت قديما ضمن سلسلة العلامة محمد الصالح العثيمين شرح زاد المستقنع في الفقه الحنبلي عندما تكلم على المسائل الخلافية في باب التسمية و هل تدخلها الأحكام الخمسة؟ (الحل و الوجوب و الإستحباب ...الخ) ..فقال رحمه الله ما معناه: لا تعنفوا في المسائل الخلافية ... فهي رحمة من الله على عباده... و قال : لو أن طالب علم يرى أن التدخين حلال (طبعا لأنها من المسائل الخلافية ولا إجماع فيها ليحسم المسالة...(كلامي)). فلو أن طالب علم يرى حل التدخين و شربه و سمى الله من باب المراغمة لمن يعنف في تحريمه ..فما حكمه؟ فقال : له الأجر في تسمتيه و هو مخطئ في اجتهاده في نظري.... انتهى المعنى المراد نقله من كلام العلامة رحمه الله ف خذي الأمر ببساطة أختي الكريمة ... و ثقي أنك تتعبي في غير ما جدوى في إرغامه على تركه بالعكس ربما تجعلينه يشربه بالخفاء بشكل اكثر إدمانا ... تحت قاعدة : كل ما هو ممنوع مرغوب |
رد : زوجي يدخن :(
الله يسعدكم ي رب وياجعلكم ماتذوقون الححزن ي رب
ابشركم قالي بترككه بس يقول اصبري علي 6 شهور او سنه قلت ليه ماتاكل الحبوب قال تضر الكلى :(>صادق؟ يقول بخفف منه بس سنه كثيره الله يصبرني اليوم قلت له اوعدني ماتدخن وطلع العصر ومارجع الا 8 وقال مادخنت بس عشان اخوه معاه ووالساعه 10 وداني لاهلي وقلت لاتدخن بالدوام قال لاتضغطين علي لو مادخنت مانمت !!وبطني بيوجعني!! ويوم كنا مسافرين شهر العسل جالسين 15 يوم يقول والله العظيم اني مادخنت في هال 15 يوم وجلست افكر مالاحظت عليه يوم انا مسافرين ماوجعه بطنه ولا حاجه طبيعي والحين مايقدر يتركه لو يوم انا خايفه يكون يلعب علي لانه شافني متغيره عليه وقعد يراضيني ويوعدني انه يتركككه7 وي رب يكككون صادق ي لبى العززززوبيييييه بس |
رد : زوجي يدخن :(
السيجاره الاكتورنيه يقول جربتها ماتنفع!!!
|
رد : زوجي يدخن :(
الله يسعدكم ي رب وياجعلكم ماتذوقون الححزن ي رب
ابشركم قالي بترككه بس يقول اصبري علي 6 شهور او سنه قلت ليه ماتاكل الحبوب قال تضر الكلى >صادق؟ يقول بخفف منه بس سنه كثيره الله يصبرني اليوم قلت له اوعدني ماتدخن وطلع العصر ومارجع الا 8 وقال مادخنت بس عشان اخوه معاه ووالساعه 10 وداني لاهلي وقلت لاتدخن بالدوام قال لاتضغطين علي لو مادخنت مانمت !!وبطني بيوجعني!! ويوم كنا مسافرين شهر العسل جالسين 15 يوم يقول والله العظيم اني مادخنت في هال 15 يوم وجلست افكر مالاحظت عليه يوم انا مسافرين ماوجعه بطنه ولا حاجه طبيعي والحين مايقدر يتركه لو يوم انا خايفه يكون يلعب علي لانه شافني متغيره عليه وقعد يراضيني ويوعدني انه يتركككه7 وي رب يكككون صادق ي لبى العززززوبيييييه بس |
رد : زوجي يدخن :(
اقتباس:
كل الحبوب الافراط فيها يضر الكلى والكبد بعد المسكنات عموما اقواهم في الاضرار بالكلى والكبد ومع ذالك الكل يفرط في اكلها ولا يصبرون على وجع الراس ربع ساعه هذا عذر اقبح من ذنب اطبعيلة من النت اضرار التدخين بلاوي ويقول تضر الكلى يلعب عليك بيسكتك يعجز ياكلها اسبوعين :29: |
رد : زوجي يدخن :(
الله يفرج همك ويقر عينك بأقلاعه عن التدخين يارب
والله حاسه فيك نفس حالتك مع الأسف زوجي مدخن تعبت معه كثير وأنا انصحه يترك التدخين بس مافي فايده عسى الله يهديه ويفتح على قلبه مااحب ريحة الدخان أبدا أبدا خاصه إذا وصل للصاله تجيني حاله عصبيه الله يعين بس أروح أجيب عطر رجالي وأبخ الين أقول بس :29: |
رد : زوجي يدخن :(
ححلم الواقعع
تهقين يكذب علي :( طيب بقولك شي ترا انا من شههرين وانا اشم ريحته وينكر يقول مو انا وسالته تو قلت ليه قبل كنت ماتبي تقولي تكذب علي والحين اعترفت لي قال لاني ابي اتركككه وابيك تساعدني ويحلف لي انه كان يخفف منه قبل لايعلمني ويقول ولا كان كذبت عليك قلت مب انا واتحداك تصدقين لولا اعترافي ماعرفتي اني ادخن هبل بييي |
رد : زوجي يدخن :(
افهمني تملكني
اممميين ويااااااااااااك ي رررررررب من جد قسم لما يجيني اقعد اشمشم فيه ماشميت شي ارتاح ولما اشم تجيني الصيحه واكرهه كره مب صاحححي طيب لو جلست 6 اشهر وصار يكذب علي وش اسوي :( |
رد : زوجي يدخن :(
ويينكم
ريححوني وجابو على اسئلتي بديت اخاف انه يكذب علي مب تاركه بس يسلك |
رد : زوجي يدخن :(
الاخت الكريمة:
لا تخلي صغائر الامور تفسد عليك حلاوة حياتك مع زوجك بيجي يوم و يتركه ان شاء الله بقناعته |
رد : زوجي يدخن :(
اتوقع ان زوجك يبيك تساعدينه وخايف من نفسة مايقدر يوفي بوعده ويتركه
نفس كلام زوجي يقول كنت ابقولك علشان تساعديني واتركه وخايف تزعلين ابيك تعرفين قواعد اساسية في المدخنين 1_ مستحيل يمر يوم ويتركه كذا فجأة من الباب لطاقة لازم يتدرج 2_ تتنوع انواع السجائر من رائحة قويه وخفيفه على حسب قوه النيكوتين فيها 3_ يصعب ترك التدخين في الشتاء بسبب ماده القطران التي تحيط بالرئه 4_ افضل الوقت لتخفيف التدخين ومن ثم تركة هو رمضاااااااااااااااااااااااااان يصبر 16 ساعه صيام ويفطر ويدخن وحده ثم قبل السحور وحده اسبوع ثم ويستخدم الحبوب ويتركه في اسبوعين اهم شيء في ترك التدخين ان يكون زوجك مقتنع باضراره وما يسببه من ردات فعل على الجسم ......( اقرأي ذالك في قوقل ) لا تحاصرينة بقوووووووه استخدمي اللين والمحبه انتي اعلم الناس بطبيعه زوجك اما ان تضربي الحديد وهو حامي ليتركه او تعقدي معه اتفاق انة اذا اخفق في ترك التدخين بعد 6 شهور يستخدم الحبوب ليتركها والله الموفق اميل للرأي الثاني ولكن لا تسمحي له ان يدخن في البيت ولا امامك نهاااااااااااااااااااااااااااااائيا حتى لا يتمادى واحسني التبعل له وطاعتة وتدليله حتى يزيد حبك في قلبة ومن ثم يتقبل كلامك ويحاول ان يسعدك بتركة |
رد : زوجي يدخن :(
احسك تسمعين بالمشاكل عند خلق الله وودك تصير عندك مشكله غصب..!!
الدخان امر سئ ولا شك بس مقدور عليه وليس بحجم احساسك الضخم اتجاهه انا مع رد الاخ الفاضل neat man طبقيه وستجدين نفسك ارتحتي كثير.. واستمري ولا تيأسي .. وفقك الله |
| الساعة الآن 01:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©