|
راحوا الطيبين ..!!
السلام عليكم ورحمة الله تعالى وبركاته
نفسي أدخل لقسم المتزوجين والقى مواضيع إيجابية !! والله يأست من كثر مايتشكون الناس!! لاعت جبدي بس خلاص تكفون الله يرحم والدينكم فكونا من الهواش والمخانق ، والله الدنيا فيها شغلات كثيرة حلوة خلونا نشغل نفسنا فيها ونتسلى ونعيش ترى بكرا بياكلنا الدود!! ع الأقل خلوا الدود ياكلنا وحنا إيجابيين عشان يتهنى!! طيب ع الأقل نحس أننا خدمنا أحد !! واحدنا يروح لحمة مر للدود من كثر اليأس والمشاكل والأمراض اللي ياخذها معاه لقبرة ، أرحموا الدود على الاقل هههههههه المهم ك العادة ياكثر الخبال ، وبصراحة بصراحة ياجماعة انا واحد متفرغ ، بيت ، دوام ، منتدى ، ف قلت خلني اروح أشهر عن أخبالي عند اخواني وخواتي اهنيه ، لأن أهلي كلهم نايمين ف ماعندي احد اتخبل علية. تحملوني عاد..!! ياشين التملغ بنات أول : تصلخ الذبيحة وتطبخها ويمكن وهي تقصص اللحم تجرح أيدها ف يشوفها زوجها ويقولها سلامات شفيك!! فترد علية وتقولة جرح بسيط لاتخاف!! بنات الحين : تسوي بديكير ومنيكير ولما ينكسر أظفرها ترد البيت وفيها هموم الدنيا كلها وودها تبكي!! ف يجيها زوجها ويقولها سلامات شفيك !! فترد علية تقولة مالي خلق لك انت بعد اللي فيني مكفيني أنكسر أظفري وشفت الموت بعيوني!! راحوا الطيبين ياحيالة ..!! أمهات قبل : لابغوا يطلعون من البيت يوصون اعيالهم بعين قوية يصيرون عاقلين ، ويوعدونهم إذا ردوا يجيبون لهم أكل ، ويوافقون الجهال من كثر المهابة والتربية ..!! أمهات الحين : كأنها تبي تسرق وتمسك عباتها وتروح شوي شوي للباب وبس تشوف أن جتها فرصة تنحاش تركض بالدرج وتلبس عبايتها ع الماشي ( شكلها يصير كأنه باتمان والعباية طايرة) والمشكلة أعيالها يجكونها ويقعدون يبكون لين تنشف كبودهم !! زين دامهم باكين باكين تخدعينهم ليه؟؟ راحوا الطيبين دلاخة أرجال أرجال اول : أمرتة تقوله يابو محمد أبيك أتوديني السوق أبشتري حنا أبغى أحني أيديني لأنك تحب الحنا!! يرد عليها بلهفة حاضر يابعد عيني (من قل التزين والحريم) أرجال الحين : أمرتة تقوله حبيبي أبيك أتوديني الصالون بصبغ شعري عشان ما أطالع غيري يابو عيون زايغة!! فيرد عليها يقولها خفي علينا ياباسكال مشعلاني!! المهم الرجال مضمد راسة الحين لأن أمرتة صكتة بالشنطة!! راحوا الطيبين دقيقة .!! الزوج : يالله يا منال خلصيني بسرعة والله يبستي قلبي من كثر ما انتظرك..!! الزوجة: ياخي صارلي "ساعة" أقولك "دقيقة" أصبر ماعندك صبر ..!! المهم الرجال من كثر مانطر دقيقة تعلم الصبر والتزم وصار مطوع وهي ماخلصت راحوا الطيبين. إنتقام إيمان : تاكل قدام أخوها أحمد أحمد : إيمان أمانة عطيني لقمة و "جغمة" من البيبسي!! إيمان : أنقلع عني والله لو تموت ماعطيك تذكر ذاك اليوم يوم أقولك عطني ماعطيتني !! أحمد : يصير لطيف ويسكت ويسوي روحة يكسر الخاطر ولايرد عليها ..!! إيمان : أطالعة بطرف عينها ويكسر خاطرها ف تقولة تعال كول بس لقمة وحدة ترى ما اكلت شي اليوم كلة أحمد: ياكل وبعد مايخلص يقولها غصباً عنج وهين تجيني يالخايسة اوريج راحوا الطيبين يعل عيونكم البط أرجال أول: تحطلة زوجتة كحلة مع "ديرم" على شفايفها ويشوفها أجمل الحريم ويقضيلة ليلة من ألف ليلة وليلة معاها ويقتنع. أرجال اليوم: تلقونهم اليا شافوا عباية بالسوق طارت أقلوبهم ، وزوجتة الطيبة تلبسلة قصير وكاشفتلة 50 % من جسمها وصابغتلة ومكياج وعطور والمسكينه تلقونها تعبانة على نفسها ف يشوفها زوجها ويقولها شمسوية بنفسك!! تصدقين تصلحين مهرج!! المهم الرجال الحين صار يتمنى زوجتة تلبسلة عباية مخصرة ، ونام عند اعيالة بهذاك اليوم. راحوا الطيبين مرحباً بمن سيمر من هنا بإتبسامة .. |
رد : راحوا الطيبين ..!!
:22:
:22: :22: |
رد : راحوا الطيبين ..!!
أقول روح صحي أهلك تخبل عليهم أبرك لك ولنا
^ ^ ما عليه لسه طالعة من مواضيع قسم روح الأسرة ولسه ما طلعت من المود سلمت يداكِ مولينكس .. عفوا قصدي أخونا المتفائل .. أضحك الله سنك:d وأسعد أيامك :23: وكل عام وانتم بخير :) |
رد : راحوا الطيبين ..!!
يعطيك العافية ربي و يرزقك ماتتمنى في الدارين
طلعتنا من جو الكااااابة المستفحيل ربي يبارك فيك بس ظلمتنا قليل :) مو كل بنات جيلنا يسوو بدكير و منكير :) لازال اغلبنا يتقطع و يتحروق :) .. الله يكتب الاجر بس .. اقتباس:
واكمل لك البقية بعد كم من يوم يدخل احمد و معه وجبة سريعة :) تقول ايمان .. بالله اعطيني حبة شيبس احمد.. تحلمي روحي اشتري لعمرك ايمان .. حرام عليك .. انا وديتك معاي هذيك المرة و اشتريت لك قميص على حسابي وودفعت لك قيمة تذكرة الملاهي .. و قنعت امي تخليك تطلع اصحابك (تمن عليه بكل الي سوته عشانه) احمد.. مطنش و لا كانه سمع شي و يزيد من سرعة اكله :) وبغمضة عين يكون مخلص الشيبس تشب ايمان غااااضبة و الله لاوريك و الله بوريك و الله باقول لامي على ....... :) عيال اول ... الام.. احمد (عمره 9 سنين) قوم روح اشتري 2 كيلو طماط و كيلو بطاط ونقيهم تمام لا يخدعك ابو علي ادري به يخلي الحلو فوق و الخايس تحت :) و يروح احمد زي الاسد يجيب المقاضي اليوم الام .. حمودة حبيبي قلبي عيوني .. حياتي اانت قوم ياماما اطلع لفوق اعطيني المنشفة حمودة :) اوووووف ماعندك الا انا انا انا انا .. مالي دخل قولي لايمان تجيبها ياعمري قوم يالله انت حبيب ماما الي يسمع الكلام اقولك لاااااااااااااااا ... انا مشغول العب .. بتروح عليا اللعبة الام ... وجع رجولي و لا وجع قلبي و تروح تجيب منشفتها لحالها بنات اول الام : سعاد رايحة اشوف خالتك ام محمد ارجع الاقي البيت شمعععة و الطبخ مكمل و خواتك نظاف مفهوم وسعاد ماتقصر تسوي كل شي اليوم الام/ سعاد قومي حبيبة ماما ياعمري سوي لاخوك ساندويتش بيض يتعشاه سعاد: تمزحي صح .. وليش اقوم .. يقوم ينجر يسوي لنفسه .. ناقص يد و لاناقص رجل ولا خلاص ولد يعني ينبطح و نحن نخدمه .. كله علي ياااربي ايش العيشة هذه ملييييييت يارب خذني و ريحني ايش هذا الظلم وين المساوة هذا كله من ساندويتش بيض .. حتى الولد المسكين عافه خلاص ماعاد يبي بعد كل هالصياح و النويح وبعد ما تتزوج سعاد يجي زوجها .. سعاد كوب ماء ... تركض ركض للمطبخ :) اول اذا دخل الاب و الطفل منسدح .. بسرعة وقف و اعتدل الحين اذا دخل الاب و الطفل منسدح قال .. بابا .. بعد من قدامي راح عليا المقطع :( لاقيت احدى صديقات امي فقالت لنا تمازحنا على اياااامي اح بس .. كنت ابين رجلي للركبة بس .. ابو العيال يجي جري لعندي مبسوط :) مو انتو بنات اليوم .. مبينين كل شي و رجالكم قاطعين الحرارة خخخخخخخخخخخخخخخخخ قطيعة عليكم و على رجالكم اول كان الاب ياخذ ابنه معه مجالس الرجال . يسمع و يشوف و يكبر قبل اوانه \ الحين ابوه يستحي ياخذه للديوانية (من الي موجود فيها) و الابن مايحصل الا مجالس الحريم ايش بنتوقع منه لكبر؟؟؟ هم يضحك و هم يبكي .. |
رد : راحوا الطيبين ..!!
ههههههههههههه
هههههههههههههههههه ههههههههههههه اسعد الله اوقاتك وايامك كما اسعدتنا يااأخي هذه المواضيع ولابلاش جاني الهم من كثر المشكلات وانا ماغير رازه خشتي بهالقسم ولااتصفح غيره تعرفون مقبلة وابي استفيد من الاعضاء الاكثر من رائعين |
رد : راحوا الطيبين ..!!
اقتباس:
وأعرف وحده تقول لخطيبها باجر عندي موعد لطبيب الاسنان لو ما كلمتني الصبح وشجعتني ما بروح الموعد لاني أخاااااف :25: خطيبها الصبح يكلمها ويشجعها ويقول لها طنميني عنك اذا خرجتي من عند الطبيب وتروح الموعد وبعد ما تخرج من عند الطبيب تطرش لخطيبها مسج تكتب فيه ( كل شي تمام بس الطبيب وجعني :25:) وخطيبها يقول : هذا الطبيب ما يعرف مافيه خير دلع ومياصه :21: مشكور حبيب البي إذا نامو اهلك نزل لنا موضوع ثاني :d فايف استار لعيونك:28: |
رد : راحوا الطيبين ..!!
رييايل اول راحوا
راحوا الطيبين |
رد : راحوا الطيبين ..!!
الله يرحم زمان اول
|
رد : راحوا الطيبين ..!!
ونستوني
الله يونسكم بالعافية تغيرت الدنيا وراحوا الطيبين لان محد مقدرهم |
رد : راحوا الطيبين ..!!
ههههههه فعلا اخي الفاضل من كثرة مانقرأ من المشاكل اصبح لدينا مايشبه العادة في البحث عنها تصدق عندما ادخل المنتدى اول قسم اسارع اليه قسم المتزوجين وفي بالي شيء واحد فقط (( أكيد يوجد مشاكل جديدة ))::::نسال الله راحة البال واستقامة الحال
|
رد : راحوا الطيبين ..!!
اقتباس:
:) أضحكني المقطع المقتبس من كلامك جدا لطافة روحك الحلوة أخي المتفائل.. |
رد : راحوا الطيبين ..!!
الله يوسع صدرك ...
والله يلوع جبد من لوع جبودنا .... |
رد : راحوا الطيبين ..!!
ههههههههههههههههههههههه
اخر شي عجبتني هههه يسلمو هيك بدنا تفائل وضحك الله يديم ليك التفائل من جد عقدونا هونا مانبي نتزووج حششى |
رد : راحوا الطيبين ..!!
هههههههههههههههههه
حياك الله اخوي المتفائل خذ هاذي .. لا جاك هرجن من سفيه الفعايل .. طنش وخل النار تآكل حطبها الترجمة للجيل الجديد .. لما يجيك واحد مو اوكي ويتكلم كثير خليه مع نفسه .. وربي يموت قهر |
رد : راحوا الطيبين ..!!
((لي ساااعه اقولك دقيقه ))
هههههههههههههههههههههههههههههههههههههههههههههههه ربي يحلي ايامك ويسعدك |
رد : راحوا الطيبين ..!!
للمرة الثانية .. تتوالى ابداعات المتفائل
لكن سؤال يعني مررة ما يصلح كذا تضحكنا بدون دق بالحريم وش قالو وش سوو ! مررة مافي شي يصلح مسرحية غير عيوب الحريم ! صراحة تعبنا نفس الدور ونفس المسرحية نبي شي جديد :) |
رد : راحوا الطيبين ..!!
من سواليفك حسيت كأني جالسه قدام جدتي الله يرحمها ..
قلبت المواجع الله يسامحك .. لي عوده بأذن الله .. |
رد : راحوا الطيبين ..!!
هههههههههههههههههههههههه مشكووور يالمتفائل وكل عام وانتم بخير |
رد : راحوا الطيبين ..!!
اخوي متفائل اتمنى تساعدني برايك الحكيم في قسم ساعدني في موضوع مشكلتي سامحني كنت ناوية اكتب اسمك مع الاخ بليغ لكني نسيت
|
رد : راحوا الطيبين ..!!
هههههههههههههههه
فعلا شر البلية ما يضحك فعلا راحو الطيبين اسعدك الله مثل ما اسعدتنا وخفف الله همك مثل ما خففت على المتمشكلين في المنتدى بالابتسامة |
رد : راحوا الطيبين ..!!
ههههههههههههههههههههههه والله ضحكتني جزاك الله خير
ورااااااااحووو الطيبين. |
رد : راحوا الطيبين ..!!
اقتباس:
ولكن ارى موضوع اليوم للاخ متفائل تغير قليلا واصبح للرجال نصيب من (( التمصخر )) وعلى طاري الذبيحة تحضرني قصة قال الزوج لزوجتة : بيجيني ضيف خذي ذي الذبيحة واطبخيها قالت الزوجة : ذبيحة بكبرها ما عرف اطبخها غضب الزوج وقال لها ضفي عفشك بوديك بيت ابوك فعلا الزوج ودى حرمته لبيت ابوها وقال لابوها خذ ربها من اول وجديد ذي الحرمة ما تعرف تطبخ الذبيحة اعتذر الاب من الزوج وقال ولا يهمك انا اسف خلها وتعال خذها بعد شهر وما تكون غير رضياتن عنها بعد شهر جاء الزوج ياخذ زوجتة طبعا االاب قال لازم تتغدا عندنا على ذبيحة من طبخ زوجتك على شان تتاكد من انها نجحت قبل تاخذها دخل الزوج رافع راسة ومستانس واذا بالاب يفاجئ الزوج بتيس وبسكين ويقول له يلة اذبحة علشان حرمتك تطبخة تفتجئ الزوج وقال ما اعرف قال الاب ما تعرف!!!!!!!!!!!!! اجل رح لابوك يعلمك وشلون تذبح تيس يا فهيم مرحبا بمن سيمر هنا ليبتسم |
رد : راحوا الطيبين ..!!
متفائل ..
اتذكر جايني برود كاست من كم يوم ..فيه وحده من هالنكت الي كاتبها هنا .. مدري انت ماخذها منهم ولاهم ماخذينها منك .؟؟؟؟؟؟؟؟؟؟؟؟؟؟؟؟ |
رد : راحوا الطيبين ..!!
السلام عليكم ورحمة الله تعالى وبركاته
دانة سوريا مرحبا ومسهلا بيتا 2 ههههههه مع اني مافهمت شنو يعني سلمت يداكِ يامولينكس!! بس دوم الضحك يارب نورة أضحك الله سنج والله انج ذكرتيني بسوالفي ايام قبل ههههههههههه شاكرلج هالإضافة عصفورة دوم الضحك والفرح يارب ، والزواج ترى حلو بس مشكلة الناس مو فاهمينة صح!! مستشار الحب ههههههههه حبيب قلبي على هالمرور ، مشكلة البنات لما يحبون يتدلعون!! متفائلة بالله امبلا اكو .. كاني انا جدامج ههههههههههه لو خُليت خُربت أنا بنوتة دوم الوناسة يارب ، الله يوسع صدرج دووم. مارد الجنوب عسا هالضحكة ماتفارق شفاتك ، وماعليك من كثر المشاكل اللي هنا ، أكثرهم يكبرون المسائل وكل واحد او وحدة يكتب يبي يخلي الموضوع بصالحة عشان يلقاله كلمتين يطيب خاطره فيهم !! من غير الطرف الثاني مانقدر نحكم على الموضوع بشكل صحيح ومانقدر نعطي مشاركاتنا بشكل منصف ، وبيني وبينك أكثرهم يسوون من الحبة قبة !! يكبرون مسائل ماتستاهل انها تكبر ولو عندهم شوية مرونة بس ورضا كان انحلت اكثر مشاكلهم. |
رد : راحوا الطيبين ..!!
صاخب جداً
ايه ياخوي فلها واضحك مابغيت ..!! كن فيكون شكلج لايعة جبدج من اللي يلوعون الجبد والله ماتنلامين انا مثلج بعد ، بس ماعليج منهم عطيهم إذن من طين والثانية من عجين وأنبسطي وعيشي يومج ووالله الدنيا حلوة حتى بمشاكلها ، ودوم الضحك يارب. روحي مجروحة لا اتعقدين ولا شي ، عيشي وانبسطي واضحكي خيتوو ، الدنيا حلوة وكل واحد بياخذ فيها على قد نيتة ، دوم الضحك يارب. ابو وليد اخويلد هههههههههههههه اضحك الله سنك ام محمد عسى ربي يطول بعمرك ، ودوم الضحك يارب . مدن السلام مرحباً ومسهلاً ألف شوفي يا اخيتي ، حنا هنا بقسم المتزوجين ، يعني ما ينفع أكتب شي بعيد عن المرأة والرجل ، لأن قوانين القسم تحكمني ، لكن إذا انتي شايفة اني ادق في المرأة ف والله من غير قصد او سوء نية ، بس هالمرة الرجال كان لهم نصيب بعد. ممتن لوجودج يامدن ولاتحرمينا طلاتج علينا. عيوني تحكيني لا يا اختي الموضوع للإبتسامة والضحك مو لتقليب المواجع اذا رجعتي كثري الضحك ، تراني ماحب الحزن وضيقة الخلق. مفكرة وانتي بخير وصحة وسلامة يارب ينعاد عليج وعلى العائلة الكريمة بكل خير ويمن وعسى هالضحك دوم يارب. حلم الواقع جزاج الله كل خير على هالدعوة الطيبة اللي والله فرحت قلبي ، والله يجزيج الخير والمثوبة يارب أضحكي يا اختي وعيشي وانبسطي واستمتعي بحياتج والله العظيم مافيه شي يسوى بهالدنيا الا ذكر الله. |
رد : راحوا الطيبين ..!!
انا لما اقرا { راحوا الطيبين } أزعل صدق ترى لأن احسهم فعلاً راحوا ههههههههههههههههه لا تتحسسون بس جي سوآلف :d الله يسعدك ياخوي .. |
رد : راحوا الطيبين ..!!
التائبة لله
عسى ربي يديم الضحك. حلم الواقع والله مو القصد التمصخر !! القصد الإبتسامة سواء كانت على رجل او إمرأة ، وكلة والله من واقعنا يعني ماجبت شيء مهو صحيح ، وعلى طاري الذبيحة والله العظيم قمة الفشلة ههههههه لو انا مكان الرجال اصير مثل النعامة ماوري وجهي لأحد!! وبصراحة يستاهل وهذا جزات كل واحد مهايطي!! توفي وفيصل انا ماخذها منهم ، ولو تكتبين انتي شي اخذة منج بعد هههههه لاني اعجز عن الكتابة !! |
رد : راحوا الطيبين ..!!
بشرى
ههههههه لاتزعلين ولا تضايقين والله الطيبين مازالوا موجودين ، انا اعرف منهم ناس واجد للحين وبيني وبينج !! كلن يقابل اللي على نيتة ونواياه !! فأطمئني |
رد : راحوا الطيبين ..!!
اقتباس:
انا الحين لازم اسوي حفلة كبيييييييييييييييييييييييييييرة تدري ليش لأن اول مرة حد يقول نفس كلامي :d .. يوم ربيعاتي يسألوني أنتي كيف تثقين في شخص اول مرة اتجوفينه او اول مرة تتعاملين معاه ... سواءاً ماديا او معنويا طبعاً فـ ارد عليهم ,,, بما اني انا مو شريرة فـ اكيد الناس اللي بلتقي معاهم في حياتي مب شريرين :d بس انت جملتك احلى جي مال كبار انا جملتي احسها مال قوم سنافر :d يزاك الله خير وسامحني ع الحفلة :d |
رد : راحوا الطيبين ..!!
ههههههههههههههه الله يسعدج يارب
وتأكدي أن هالشي صحيح ، والنبي يقول في معنى حديثة (إنما الأعمال بالنيات ، ولكل أمرء مانوى) أستانست بمشاركتج يابشرى. |
رد : راحوا الطيبين ..!!
اقتباس:
قصدت سلمت يداك أخي على الطرح :) |
رد : راحوا الطيبين ..!!
اهلا ب بيتا
انا 28 سنة يا اختي ، يعني لساتني صغير ، ليه حسستيني اني شايب ههههه الله يسعدك يارب. |
رد : راحوا الطيبين ..!!
اقتباس:
لكن مشاركاتك تنم عن عقل وفكر اكبر من هالعمر لا تخلي تعليقي يشعرك أنك شايب لأن فعلا لساتك زغنون |
رد : راحوا الطيبين ..!!
الله يخليك يارب ، ويحفظلك أبنك ويجعله من البارين فيك
خلاص يعني من اليوم انتي عمتو حالك حال العمة جرين الله يذكرها بالخير. منها حشمة لك ووقار ، ومنها عشان تحسين انك كبيرة هههههههه على راسي والله |
رد : راحوا الطيبين ..!!
اقتباس:
ماشالله تبارك الله اخونا المتفائل يبين أكبر بكثير من 28 / العمر كله بطاعة الرحمن > عشان كذا ما زعلت لما قلت لي خالة :23: بس دحين زعلانة .. لو سمحت لا تكبرني :d موفق |
رد : راحوا الطيبين ..!!
يمنع ،،،، 20 ـ النقد غير الموضوعي الذي يوجه لذوات الأعضاء, أو التعرض لهم بالتجريح أو الجمل الاستفزازية والتهكمية. |
رد : راحوا الطيبين ..!!
نأمل عدم ..
8 ـ تحويل الموضوعات إلى حوارات شخصية ودردشة بين الأعضاء, وكذلك المداخلات غير المناسبة للموضوع. |
| الساعة الآن 01:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©