|
من الصح احنا ولا الطيباااات الي راحووو؟؟
السلام عليكم ورحمة الله وبركاته ..
اول .. الزوجه همها تبيض وجه زوجها عند الكل .. ذبايح عزايم .. ضيوف بالطالعه والجايه .. وطول الوقت وهي حامل .. وكان الزوج يتشكى انه مايلقاها دلوعه زي بعض الدول .. وناعمه ..وطول الوقت ..تسوي بدي كير ومنيكير .. زي المسلسلات الي بالتليفزيون .. الان .. وعلى ذمة الناقل ..نصفي الاخر .. يقول ان الرجال ..يتشكون ان مجالسهم ماتندخل الا مره مرتين بالشهر ..او الشهرين .. والذبايح ..تنطبخ برا البيت .. والحرمه ..ماهمها الا تلاحق الموضه ..وتفرك جسمها .. وتدلل ..يمكن اعظمن واكثر من الي يشوفونهم بالمسلسلات ؟؟؟؟؟ طيب ..وش يرضيكم ..؟؟ ان دخل وريحة البيت زفر ..والطبخ يشهي الشبعان ..قال وش هالريحه ؟؟؟ ..؟؟؟ وان دخل وريحة البيت جناااان ..قال الله يخلف ...الله يخلف وين امي ..والاكل الدسم الي يشمه الي باخر الشارع ؟؟؟؟ |
رد : من الصح احنا ولا الطيباااات الي راحووو؟؟
الرياييل يبون الإثنين علشان جذى تعبانين مب عارفين شو يسوون في عمارهم...
|
رد : من الصح احنا ولا الطيباااات الي راحووو؟؟
اقتباس:
طيب ..مافكرو ان الحريم ..يبون رضاهم بالي يرضي الله ..؟؟ كيف نرضيهم وهم مايدرون وش يبون .. |
رد : من الصح احنا ولا الطيباااات الي راحووو؟؟
نستعين بموضوع الأخت (فتاة فاشلة) و نجيب شغالة :)
هنا ضروري لو الزوج يحتاج الإثنين معا. |
رد : من الصح احنا ولا الطيباااات الي راحووو؟؟
اقتباس:
صدقني حتى الشغاله ماتكفي .. يمكن شغالتين .. لاني جربتها كنت اعزم ..وعندي خدامه واستعد للعزيمه قبلها بكم يوم .. بس اظل يوم العزيمه مهلمه لنفسي ..وعيالي ااكلهم اي شي تسكيته لين يخلصون الضيوف .. بس الاكيد اني ماراح اجلس مع ضيوفي .. لاني اخاف اقصر بشي ..من غير قصد .. ويجيني كلام من هنا ولا هنا ..؟؟؟؟؟؟ |
رد : من الصح احنا ولا الطيباااات الي راحووو؟؟
اقتباس:
تقدر تهتم بجسمها وريحتها وشياكتها وهي تطبخ باليوم اكثر من مرة وعندها على الاقل طفل واحد وبنفس الوقت مستحيل نحصل زوجة تطبخ كل يوم ومحافظة على بيتها وعيالها وبنفس الوقت متشيكةومتعطرة !!! حدث العاقل بما لا يعقل ! الرجال غير قنوعين ولا يعرفون يحددون الاولويات |
رد : من الصح احنا ولا الطيباااات الي راحووو؟؟
الصراحة أختي (توفي و فيصل)..
أقولها دائما لأصدقائي : إحنا نطلب المسحتيل ... نريدها أنيقة و كتكوتة ، و ماهرة في أساليب و فن التعامل في البيت ... و بالمقابل نريدها تكون مضياف و يكون بيتها مطعم 5 نجوم ،و كمان تثبت رجولة و ما تيجب لا شغالة ولا حد يساعدها .. يعني هذي بنت ناس و تتصف بالشهامة و الكرم... و فوق هذا كله ... ماااااا نحب نسمع منها كلمة خروج أو فسح و تماشي .. صدق !! معادلة صعبة جدا... لا يمكن أن تعطي المرأة بقوة و في كل الإتجاهات إلا بحسب قوة إعطاء الزوج .. هذه الحقيقة المُرة بالنسبة لنا - معاشر الرجال-.. لدرجة أن مرة واحد صديق قال لي: اش رايك نفل الشغلة و نكون فري يعني تريد تعيش؟ و الا تريد تعمل نفسك ابن عجلان في الديرة ؟؟ :) الصراحة ... أحيانا بعض القيود الإجتماعية أو الثقافة المكتسبة بالتوارث + سرعة التطور و الإنفتاح أنتجاااااااا جيلا متناقضا جدا .. لدرجة أنه متسخط من كل شي . أعتقد أننا جميعا في طور المخاض - و للمخاض ضحايا- و سينتج بإذن الله بعد تجارب عدة ، و مشاكل كثيرة جيل جديد واعي ، يعرف ماله و ما عليه بشكل متزن و عقلاني أكثر من الجيل السابق لا عدمنا قلمك أختي (توفي و فيصل) |
رد : من الصح احنا ولا الطيباااات الي راحووو؟؟
اقتباس:
منوره الموضوع اختي ..:) كلامك جدا منطقي .. تتوقعين الحل .. اصير مره كذا ومره كذا .. يعني اجيب واطيها عاليها عشان ابيض وجهه كم يوم .. ثم ترجع حليمه لعادتها القديمه .. |
رد : من الصح احنا ولا الطيباااات الي راحووو؟؟
اقتباس:
واذا قلت كنت اساعدها بكذا ولا كذا .. تعال شف نظرات التوجس والخيفه من ان تكون من فئة الرخوم .. لا والكلمه الاروع .. لما يقول الرجال الحرمه ضعيفه ..ولا مشغوله ..؟؟؟؟ على طول تكشيره ..مع الكلمه المعهوده .. وش وراها.؟؟ فاضيه .. |
رد : من الصح احنا ولا الطيباااات الي راحووو؟؟
اقتباس:
حلي المقترح .. اني مو ضروري عاد اطبخ ذبيحة المهم اني اعرف وش الاكلات الي يحبها واطلعها له بنكهة جميلة واعوده كل فترة وفترة بسفرة رايقة وجميله ومتجددة تغني عن الف مفطح :d وبنفس الوقت نظافتي شياكتي ترتيب ملابسي وتفكيري وحياتي ما افرط فيهم .. عشان بطن :( وشلون تزين نفسية البنت وهي شكلها حوسة :( |
رد : من الصح احنا ولا الطيباااات الي راحووو؟؟
اقتباس:
وهذا الي انا اقوله بعد .. |
رد : من الصح احنا ولا الطيباااات الي راحووو؟؟
( اش رايك نفل الشغلة و نكون فري يعني تريد تعيش؟ و الا تريد تعمل نفسك ابن عجلان في الديرة )
قصده: تستمتع بحياتك من غير الإلتفات إلى القيود اللي تعودت عليها على شان ما تكون مقيد و ماسور لعادات و أعراف أحيانا ما منها إلا الهم ,,, لأنها كانت أعراف لها زمنها و لها ظروفها ،، فما تركب لكل وقت و لكل جيل . (ابن عجلان في الديرة ) يعني تسوي نفسك شيخ قبيلة و بيتك مفتوح للرعية طبخ و نفخ كل لحظة |
رد : من الصح احنا ولا الطيباااات الي راحووو؟؟
فهمت ..وكنت متوقعه كذا ..
طيب .. طيب وش الافضل بنظرك الكتكوته بنظرك ..ولا هابت ريح ..<<<يعني سنعه ..وشيف فايف ستارز .. |
رد : من الصح احنا ولا الطيباااات الي راحووو؟؟
برائيي مافيه صح كل واحد وله زمانه
لانقدر نمشي على زمانهم ولا يقدروا يمشوا على زماننا وبيجي يوم نكون حنا الطيبات |
رد : من الصح احنا ولا الطيباااات الي راحووو؟؟
اقتباس:
ناخذ الايجابي ..والي يناسبنا ..ونتجمل به .. حنا طيبات من الان ..:25: تدرين من كم سنه وانا افكر ..ممكن احفادي يقولون لاحد ..ماعندك ماعند جدتي ..الي هي انا ..:29: ادري شطحه قويه ..بس تقرقر بقلبي .. منوره الدار خواطر .. |
رد : من الصح احنا ولا الطيباااات الي راحووو؟؟
اقتباس:
عيش يا باشا و سبنا اعيش :) أختار : (الأولى) لنصفي المهم (وجداني ، ذوقي ، قلبي) و النصف الثاني: في بدايل كثيرة جدا ، (لو ما قدرت تكون ربة شيف بارعة).... بس لا تنسي ... أنه لازم تكون مبدعة شيف خاصة بي... يعني مو ضروري نفتح مطعم ف البيت. أما تظل ك لوحة موناليزا صامتة ما تنفع الصراحة :) تذكرت شي طريف هنا في الصين ... شفت مرة في سوق تجاري لوحة كبيييييرة ,... تأملتها لاقيتها شبيهة بلامح موناليزا .... لما سالت المترجمة قالت لي هذي موناليزا الحديثة صارت سمينة من الأكل :) راسمينها بطريقة طريقة جدا: وجه مستدير و خدود كبيرة .. و شفايف غااائرة من السمنة ... بس حافظوا على العيون الناعسة كما في صورة موناليزا :) |
رد : من الصح احنا ولا الطيباااات الي راحووو؟؟
صراحة عزيزتي
الرجل بينطبق عليه المثل احترنا معك يا أقرع من وين بدنا نمشطك لاهيك بيعجبو ولا هيك بيعجبو الله يرحم حال النساء |
رد : من الصح احنا ولا الطيباااات الي راحووو؟؟
شخصياً ضد مسألة الجيل الأول أو الجيل التالي أفضل، أقول لكل جيل تقاليده وأساليبه وطباعه، المهم هو العقل والفهم ومعرفة حقيقة الحياة الزوجية، أما كون المرأة في السابق تشيل وتحط وتعمل إلخ...، والمرأة حالياً لم تعد أهتماماتها وأعمالها بنفس ماكانت عليه الزمن فهذا راجع لاختلاف العصر وتغير البيئة ويجب أن نتقبل ذلك، ومافيه وقت أحلى من وقت.
|
رد : من الصح احنا ولا الطيباااات الي راحووو؟؟
اقتباس:
امين ..الله يرحمنا برحمته .... منوره خيتووو.. اقتباس:
انا من رايك اخوي الكريم .. بس هذا كلام الرجال ..مهوب كلامي انا .. طيب انت لو برايك وش تختار .. السنعه ولا الكتكوته ؟..؟؟ |
رد : من الصح احنا ولا الطيباااات الي راحووو؟؟
السلام ,,,توفي و فيصل
أذكر مرة قعدت مع وحدة من الطيباااات ,,,أم صديقتي لما عزمتني ببيتهم,,و هي أمرأة حبوبة و طيبة و تكلمنا عن أيام زمان,,بما أنها عاصرت (عمل) الجيلين أقصد بعمل خدمة البيت هي امرأة بعمر أمي ,,كانوا يسكنون ببيت صغير مع زوجها و في نفس بيت أهل زوجها و زوجة حماها و الآن تسكن ببيت كبير (فلة) ,,لعائلتهم فقط ..و تعنى بأطفال ابنتها لما تذهب للدراسة .. تقول ,,كنا سابقا نعجن و نطبخ و ما أكثر العزائم و كانت عمتي هي الآمرة الناهية نغسل الملابس بأييدينا حتى تتقرح ,نمسح أرضية الحوش,نخيط الملابس,,و الضيوف يتفاوتون على المنزل و تجهيز الذبائح من و إلى عليهن ,,و غيره و غيره ,,, لكن كانت زوجة حماها ,,تساعدها و أخوات زوجها ,,فيتقاسمن العمل الحوش صغير و المنزل قليل الأثاث , فكان العمل يقضى بسرعة و الأطفال مشغوليين باللعب في الحارة مع أبناء الجيران حيث كان الدنيا أمن و أمان و الجار يعرف جاره ,,فلا يعطل الأطفال الأم عن عملها الملابس قليلة ,,و الغرفة التي تنام فيها مع زوجها ,ينام فيها عيالها أيضا و كلهم بدولاب ,,واحد ,,,و لا ترى زوجها إلا قليلا ,,,فلا خصوصية ترى عمتها أكثر من زوجها و الكلمة الأولى و الأخيرة ,,ليس لزوجها و لا لها بل لعمها و عمتها ,, في منزلهم الكبير الآن ,,, تقول هنا الغسالة و المجففة و غسالة المواعين و المكنسة الكهربائية لكن المنزل ,,كبيير , الملابس لا تنتهي , البنات , يحبن التنوع باللبس فليس كما أول ,,3 جلابيات و انتهى الموضوع ,,حتى لبس الأولاد ,,منوع وكل لبس و لون له غسلة خاصة ,,الأواني أكثر الأثاث أكثر ,,و لا كنة تساعد و لا أخت زوج ,,يساعدنها بناتها ,,لكنهم أغلبهن بالمدرسة أو الجامعة و عليهن فروض وواجبات لا تنتهي ,,أولاد ابنتها المتزوجة ,يعقن العمل , بكثرة الطلبات و لا يوجد لعب مع أولاد الجيران ,فالزمن صار يخوف ,,فالعيال ينشبون بالحلق ,, و أنت تريدين انهاء العمل ,,,لكن لا تقرحات باليد و لا غسيل يدوي للملابس ,, الخصوصية مع الزوج الآن أكثر ,و للمرأة فرصة لمشاورتها و التحدث إليها و ليس الأمر بيد العم و العمة.. لكل زمان متاعبه ,,لكل زمان ايجابياته و سلبياته ,,, |
رد : من الصح احنا ولا الطيباااات الي راحووو؟؟
اقتباس:
السنعة والكتكوتة ممكن تصير في بنت وحدة. |
رد : من الصح احنا ولا الطيباااات الي راحووو؟؟
الرجال اكيييييييييييد يفضلون الكتكوته اكيد
والا ما تزوج علئ السنعه وحده كتكوته اول ما ذبلت من الكرف |
رد : من الصح احنا ولا الطيباااات الي راحووو؟؟
اقتباس:
لكن بوجود الاطفال مستحييييييييل مستحييييييل تجتمع الاطفال الحالهم جهاااااد وكفااااح الله يأجرنا |
رد : من الصح احنا ولا الطيباااات الي راحووو؟؟
hg الاعتدال في كل شي
.... يعني وش أبي فيها اذا هي تتابع صرخات الموضه والشياكه وتعطير البيت وما تعرف المطبخ ...... أو تكون طباخه ومهمله نفسها وبيتها الجمع بين الثنتين بالمعقول بدون مبالغه للأسف بعض الحريم تعتقد انها اذا عطرت البيت وماشم ريحة الزفرأو اذا اشبعت بطنه من الماكولات بتملكه وتجلس تنتظر ردااات الفعل منه أعتدلوا في كل الامور بالقدر المعقول وتبعلوا وراعوا النفسيه خصوصا وقت الازمات الأسهم طايحه متهاوش في العمل لا تحاسبيه على شي ... أحيانا نحتاج الجلوس مع النفس خصوصا اذا فيه شي حاصل ما نبي احد ولا نبي نتكلم في هذه الحاله ضعي بريق الشاهي وانصرفي لمدة ساعه.. كذا ستنعمون بحياة جميله... |
رد : من الصح احنا ولا الطيباااات الي راحووو؟؟
يابعدي أنتي شوفي الرجال بعضهم مالهم خاتمه ولائبين بعيونهم شيء
ومالهم حل إلا الوحدة تعاملهم بما يرضى الله ؛ ولاتكلف نفسها فوق طاقتها. موضوعك سبحان جاء بوقته " تراني أتكلم من واقع تجربه وبما انه أبوي العزيز معدد بقولك إلي شايفته و إن شاءالله إني مااظلم أحد. ثنتين منهن ماشاءالله نظافه وطبخ وسنعات وفوقه جميلات ؛ وثنتين الله لايبلانا لاطبخ ولا نظافه وفوقه طولت لسان ولا احترام حتى أكله ووضيوفه يحطنه بلاستيك !! وماهو شايف إلا الشينات مدري يبي يسلم من لسانهن ولا حب أما إذا كان يحبهن (مع احترامي للوالد أشوفه ماعنده ذوق ). خلاصة كلامي لاتصدقينهم يوم يقول ودي بسنعه ولاكتكوته ، ماينعرف لهم. عني صراحه أخذت درس أعامله بما يرضي الله ولا أعطيه أكبر من حجمه ولا أتركه محور اهتمامي. |
رد : من الصح احنا ولا الطيباااات الي راحووو؟؟
22ماشـاء الله عليه جرب جميع الانواع
الــــــــــــزين غســــال يدين كما قيل قديما |
رد : من الصح احنا ولا الطيباااات الي راحووو؟؟
اقتباس:
واوافقك الفكرة .. اسوي الي اقدر عليه والي يريحني .. والباقي اصلا مفروض من زوجي ما يطالبني فيه لو عرف اني ماحب اسويه او مقدر اسويه .. بغض النظر هو صح او لا ! |
رد : من الصح احنا ولا الطيباااات الي راحووو؟؟
الغالية توفي
رجعت لموضوعك بقول شي عن نفسي .. مهما شفت الرجال يمدحون ويقدرون البنت السنعة .. ما يثير هالشي حماسي ولا يحسسني بالنقص ابدا .. ! لعدة اسباب اولها .. شخصيا ما حب الطبخ كثير بمعنى مهو من الامور الي تستهويني غير انه مرهق ومتعب لانه يومي ! فليش اكلف نفسي فوق طاقتها خصوصا لو عندي اطفال .. لذلك ماراح اجبر نفسي احب شي بالاصل انا ما اتقبله بس عشان ارضي زوجي ! ثانيا .. عندي قناعة بان الرجل الي يركز كثير على الطبخ وامور المنزل اما انه رجل سطحي او انه رجل يطلب الكمال .. فليش المفروض اجاريه ! ايماني عميق بان الحياة الزوجية ليست سجن مسؤوليات عشان الواحد يجلس يتشرط ويتطلب الحياة الزوجية سكن واستقرار .. كيف يتحقق الاستقرار اذا كان احد الطرفين على الاقل مرهق ويتحمل فوق طاقته ؟ ثالثا .. لو سلمنا جدلا بان الطبخ مهم بهالقدر بحيث لايخل به ابدا !! فاذن ترفيه الزوجة عن نفسها هو مهم بنفس القدر الزوجة الي قايمة بمطبخها وبيتها على اكمل وجه تستحق بكل تاكيد الترفيه عن نفسها بالشكل الي هي تحبه اما من خلال الاجتماع بمن تحب او بالخروج للنزهة لمكان هي تحبه او السفر نهاية السنة لمكان هي تحبه .. السؤال هو : من رؤويتنا لواقع الحياة من خلال هالمنتدى .. هل نرى دائما الزوجة تحصل على ماتريد بالنهاية مقابل تعبها واجتهادها في خدمة زوجها ؟ يعني هل تحصل المراة في النهاية على سفرة جميلة نهاية السنة ؟ هل تخرج اسبوعيا الى المكان الي تحبه بدون ازعاج ومنه ؟ اتصور تعرفين الاجابة توفي .. بالاخير ارجع واقول اني ماحس بكوني ناقصة بس عشاني ماحب اطبخ كثير ! لان قيمة الزوجة ولله الحمد لا تختزل بمطبخ ! قيمتي كزوجة هي في مستوى تعاملي واخلاقياتي ونظافتي من الداخل والخارج .. راحتي ماحس بالذنب لمن ادورها وليش احس بالذنب ؟ بالعكس اذا صرت مرتاحة نفسيا اعطي اكثر واتقبل اكثر .. |
رد : من الصح احنا ولا الطيباااات الي راحووو؟؟
اقتباس:
وكل شي بالتعلم والتدرب يصير .. العلم بالتعلم والحلم بالتحلم .. اقتباس:
وشفت الي طلق ملكه جمال اجمل الجميلات ..واخذ وحده جمالها جدا جدا جدا متواااضع بس سنعه .. اقتباس:
لو عندها زوج متعاون ..وظروفها تسمح لها .. تقدر تصير اسنع السنعات .. وبعدين تنادي وحده تسوي لها بدي كير ووحده تدلكها ووحده تزين شعرها .. وهي مسترخيه بعد السناعه .. وتصير جمعت الثنتين .. اقتباس:
والمجنونه الي تحارش زوجها وهو متوتر .. الباب الي يجيك منه ريح ..سده واستريح .. اقتباس:
اقتباس:
بس معناها انك تطبخين ..صح .. طيب لو كان زوجك كل يوم يجي ينتقد اكلك .. بزعمه انك كذا بتصيرين سوبر ستار الشيفات .. كيف ممكن يكون شعورك .. |
رد : من الصح احنا ولا الطيباااات الي راحووو؟؟
هلا توفي ..
الحرمه السنعه العصريه ..من وجهة نظري .. ونقدر نقول الزوجه .. هي اللي تعرف احتياجات زوجها ومطالبه وتلبيهااا وترضيه ... وبس حريم اول .. رغم سنعهم وتفانيهم الا هناك عدم رضا وقصوور على المستوى التوافق الزوجي .. الا ما ندر ..* |
رد : من الصح احنا ولا الطيباااات الي راحووو؟؟
اقتباس:
رغم اني اوجست خيفه لما شفت اسمك ..ويوم شفت هاللون الحلو ارتحت .. عشان كذا رجال اول ..كانو مشغلين الحريم ..يتغنون بحريم بعض الدول .. رغم انهم ماشافوهم الا بالتلفزيون .. بس كانو يدورون انثى تشبع نظره وبطنه سوا .. |
رد : من الصح احنا ولا الطيباااات الي راحووو؟؟
هلا أختي مدن السلام... هذا اللي قصدته بكلامي... الرياييل بروحهم ضايعين و ما يعرفون شو يبون...
كنت اتناقش من فتره في نفس الموضوع مع الأهل... اكتشفنا ان "بعض الرجال" علشان ما نعمم يعني... "البعض" يبيها ملكة جمال... ملتزمه... طباخه... ام صالحه... بنت هوى في الفراش... يبون وحده تدلعهم و في نفس الوقت تقوم بكل شي... بالمختصر... يبون سوبر وووومااااااااااااااااااااااان... عادي هذي من وين ايبونها... الله العالم :25::25::25: |
رد : من الصح احنا ولا الطيباااات الي راحووو؟؟
اقتباس:
تجمع الثنتين في حالة اوجود اطفال اذا استعانت بخادمه ... لكن مثل ماقلت ماراح يجتمعن حتى لو الزوج كان متعاون ( اساسا الزوج ماراح يتعاون الا بشي بسيط ماعليه الكلفه * |
رد : من الصح احنا ولا الطيباااات الي راحووو؟؟
اقتباس:
لكن للاسف الاغلبيه كما ذكرتي .. |
رد : من الصح احنا ولا الطيباااات الي راحووو؟؟
يعني هذه مقارنات لن تنتهي مادام الإنسان موجود على وجه البسيطة
وهي موجودة منذ الازل .. حتى أيام زمااااااان حتما كان الرجال يقارنون مابين زوجاتهم وزوجات الزمن الماضي .. ممكن أن تصل لزمن مضى يقول الرجل لزوجته : أين أنت من أمي التي كانت تقتل الديناصور وتسحبه للكهف وتشويه على النار التي تشعلها بيديها حتى تحترق ثم تطعمنا لحم الديناصور الشهي !!! شخصيا استمع لزوجي عندما يقول كانت أمي كذا وكانت أمي كذا .. حين يتحدث في أمر كانت أمه رحمها الله تفعله في حياتها ولاأفعله أنا .. اعتبره حنين للماضي حتى وإن كان قصده المقارنه .. يعني لاأكترث كثيرا ببساااااااطة أقول له فعلا سقى الله تلك الايام ... يوم كان أبي أطال الله بعمره يفعل لنا كذا كي يرى فقط الابتسامة على وجوهنا.:22: ليست كل المقارنات للحط من قدر المرأة لنتمتع بروح رياضية عالية. عموما بعد العشرة بإمكان المرأة أن تعرف نمط زوجها ومايحبه ومايكرهه فمن غير المجدي أن تصرف المرأة كل وقتها وجهدها ومالها للحصول على طلّة كطلّة المسلسلات في حين أن زوجها يشم رائحة الطبخ من مطبخ جارتهم ويتحسر ... أو أن تصرف المرأة طاقتها وتقضي ساعات وساعات في مطبخها لتحضّر مائدة عامرة بما لذ وطاب وهي تظن أنه سيفرح بها وييبيض وجهه أمام ضيوفه في الوقت الذي يكون فيه تفكير زوجها أبعد مايكون عن ذلك .. هو يتمنى لو قضت تلك الساعات معه تغنجه وتسقيه من الدلال مالذ وطاب. وخير الأمور الوسط .. لايطغى جانب على آخر . وأظن أن إقامة عزيمة ( لمن هم في شبع أصلا ومصابين بالتخمة في أغلب الاوقات ) تكفي لمرة واحدة في الشهر .. تطبخ فيه الزوجة بحدود إمكانياتها وطاقتها. ووقتها لن يضر الزوج إن نسيت نفسها في هذا اليوم وهي مشغولة في تجهيزات العزيمة !!!! |
رد : من الصح احنا ولا الطيباااات الي راحووو؟؟
تعرفون من هي الزوجه السنعه في نظر الزوج
هي زوجة الجار او زوجة اخوه هههههه. كلهم يحسبون الزين عند بعضهم القناعه لا تتوفر في بعض الرجال |
رد : من الصح احنا ولا الطيباااات الي راحووو؟؟
رضى الناس غاية لا تدرك
الطبخ المرأه التي لا تطبخ لزوجها وأطفاله كيف تسمى زوجه يعني رفلى أو كسوله أو كبر أو ماذا يسمى الطبخ بقدر لا إفراط ولاتفريط يعني راح يفتح مطعم مجاني ويقول أطبخن كل يوم مو صحيح لو عزمو هالجيل يالله بالشهر مره وكثير عليهم بعد مستصعبه الوحده تتعب هاليوم وتجمل زوجها وأعتقد قليل الطبخ الذبيحه في البيت الغالب بالمطبخ يعني أشياء بسيطه بالبيت إذا طبخ مو طابخه ليش أتزوج المطاعم فاتحه أبوابها يدورون الرزق النظافه معقول الوحده راح تهمل نفسها ماأتوقع النظافه من الأيمان وكذالك بيتها ونظافة أولادها لو على كذا المغاسل موجوده ليش أتزوج أختي أم توفي وفيصل موضوع جميل جدا ويستحق التقييم نتمنى مواضيع جميله لنناقشها لنستفيد ونسمع لرأي الأخر إذا كان مخطأ نصحح له وإذا كان محق نستفيد له 5 ستار .........شااااب |
رد : من الصح احنا ولا الطيباااات الي راحووو؟؟
اقتباس:
المشكله للي يدور الكمال .. ويفتح اذنه للي رايح والي جاي .. اقتباس:
حتى احنا يالحريم .. نحط ببالنا ان الجار احسن واسنع من الزوج .. لاننا مانشوفه الا وهو طالع فل اوبشن .. لكن مره انقطع الكهرب عند الحاره كلها .. والكل فتح الشبابيك وهدوووء .. سمعت سواليف الجيران كلها وانا بالصاله .. عرفت ان مشاكل البيوت تتشابه ..الى حدٍ ما .. اقتباس:
اختك توفي وفيصل .. صحيح انا ام ..؟؟ بس اسمي توفي وفيصل .. النظافه شي اساسي .. ولعلمك اخي الكريم .. عشان نوفق بين النظافه العامه ايام العزايم .. تلقانا ننضف البيالات والفناجيل ونغطيها باحكام قبل بيوم .. عشان نتفرغ للاشياء الثانيه ..الي لازم نسويها بنفس اليوم .. |
رد : من الصح احنا ولا الطيباااات الي راحووو؟؟
عشان أقدر أرد .. جاوبوني ..
الرجال ودهم بوحده تطبخ مفطح حالياً !!!!!!!!!!!!!!!!! .. .. |
رد : من الصح احنا ولا الطيباااات الي راحووو؟؟
اقتباس:
لو حصلت ..بيقول عز الطلب .. شوفي لو اجتمعو العائله وكل وحده جايبه مشاركه .. الي جايبه حلى ومعجنات .. ماتلقين زوجها كاشخ فيها زي الي جايبه جريش ولا مرقوق ..:18: |
| الساعة الآن 02:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©