|
انا في هم لو اوزعه ع العالم ماكفى..
المشكله ليست لي...
المشكله خاصه ببنتي ذات 17 ربيعا.. ياليت الي مرت بها الشي انها تطمني لاني في هم لا يعلمه الا الله.. والشكوى لغير الله مذله.. حتى بنتي تمر بحاله نفسيه صعبه,, مشكلتها كل فتره وفتره تنزف من فتحة الشرج مو طبيعي احيانا تحس بالم في جنبها الايمن اذا نزفت وسوينا لها منظار من فتحة الشرج وصارت الامعاء سليمه..طيب وش السبب؟؟؟ انا خايفه من شي واحد وهو سرطان القولون والعياذ بالله... والله اني اكنب والعبره تخنقني غير البكاء الي يحصل لما اشوفها ضايق صدرها ومهمومه.. حتى بنتي تبكي كل يوم ..ومشكلة النزيف يحصل كل فتره وفتره يعني كل شهرين او ست شهور.. تكفون عطوني اقتراحاتكم وابغى استشاري ممتاز ومجرب باطنيه .. يارب انت الشافي اشفي بنتي شفاء لا يغادره سقما.. |
رد : انا في هم لو اوزعه ع العالم ماكفى..
تفاعلوا بالخير تجدوه
وديه خليهم يحللونه . ... الله يطمنج عليه ,, وديه المستشفى عشان تطمنين |
رد : انا في هم لو اوزعه ع العالم ماكفى..
انتي من وين ؟
الله يشفيها لك ويرفع عنها يااااااااااااارب.. |
رد : انا في هم لو اوزعه ع العالم ماكفى..
اللهم امين
الله يشفيها يارب ويخليها لي انا من الرياض |
رد : انا في هم لو اوزعه ع العالم ماكفى..
عادة لا اشارك في رمضان ..
ولكن شدني موضوعك ،، الله يشفي بنتك شفاءً لا يغادر سقما ... وحبيت اوضح لك شكي فقط .. يمكن يكون السبب من الرحم ،، مرض يسمى ( البطانه المهاجره ) عادةً يكشف بالاشعه الصوتيه .. او بالمنظار اكتبي في قوقل وابحثي وقارني الاعراض .. وياليت اختي ما تنسين الرقيه الشرعيه المكثفه .. قر عينك بشفائها وعافيتهاا * |
رد : انا في هم لو اوزعه ع العالم ماكفى..
حبيبتي اسأل الله ان يشفيها ويكرمهما بالصحه والعافيه ويطمنك عليها يارب سالت زوجي هوه مختص بالطب البديل يقولي القولون التقرحي هوه اللي يسبب النزيف على فترات متباعدة اكشفوا على القولون 00
ما عليها شر ان شاء الله طمنوني عليها |
رد : انا في هم لو اوزعه ع العالم ماكفى..
اول شي كل عام وانتي بخير حبيبتي وان شاء الله كل الي يدور براسك يطلع خطأ ابنتك باين انه عندها التهاب بس وين الالتهاب الله اعلم لذا عليها بشرب الماااااااااااااااااء بكثره انا كان يحصل لي ذلك كنت الليل ما انامه من الالم وجلوسي بالحمام والدم نازل على العموم سؤال هو بس تفوت الحمام يسير معها كذا صح ؟؟ بس الم خصرها قبل لتفوت الحمام صح ؟؟
ما تخافي وان شاء الله مافيها الا العافيه شويه التهابات وتروح خليها تبعد عن الموالح وتكثر من شرب الماء يعني اكثر من خمس كاسات بس تصيبها هي الحاله وانتظرك طمنينا عليها اسئل االله العظيم رب العرش العظيم ان يشفيها ويعافيها |
رد : انا في هم لو اوزعه ع العالم ماكفى..
اللهم في هذه الساعه المبارك ان تفرج هم من شاركنيـَ وترزقَه فرَجاً قريْباً ۆ نصّراً قريْباً برحّمتَگ يآ أرحْمَ آلراحّميْنَ..!
الْلَّهُم ارْزُقْهم الْرِّضَى وَرَاحَة الْبَال الْلَّهُمَّ لاتكسّرِ لِهم ظُهْرَا..وَلاتُصَعبُ لِهم حَاجَةٌ...وَلاتُعْظّمْ عَلَيَهم أَمْرا. * شقرديه النزيف من فتحة الشرج ماتوقع اارحم له دخل!! سماري برازيلي. طيب انا فيني قولون شديد بس ماحصل لي الي حصل لبنتي، طيب واذا هو من القولون طبيعي النزيف طمنيني اكثر الله يجزاك خير. فوفو- النزيف يجيها بدون مقدمات وبدون سبب احياناً تروح تبغى تتبول الله يكرمكم وينزل الدم من ورا. البارح بس حسة بألم شديد من جنبها الايسر. الله يشفيها ويخليها لي يارب. |
رد : انا في هم لو اوزعه ع العالم ماكفى..
اقتباس:
المهم خذيها الطبيب حبيبتي اذا من الشرج لازم تأخذينها بس على جميع الاحوال عليها ان تشرب ماااااء دافئ على الاقل رح يريح لها امعائها قليلا خليها تكثر من الماء الدافئ الله يشفيها طمنينا عليها |
رد : انا في هم لو اوزعه ع العالم ماكفى..
اقتباس:
بطانة الرحم المهاجره للامعاء والقولون .. تسبب نزيف من فتحة الشرج .. .. كله ظن ... فلذلك اكتبي ( البطانه المهاجره ) في قوقل واقرأي عنهااا والله يثيبك على الدعوات الحلوه و اللهم امين واتمنى لك ولابنتك راحة البال وعافية الحال وكفاها بما يشاء .. وفرج همها وكل مسلم |
رد : انا في هم لو اوزعه ع العالم ماكفى..
حبيبتي يقول زوجي في انواع من القولون منها العصبي هوه اللي معاكي ومنها التقرحي اللي يقصده غيروا المستشفى سبحان الله كثير يشخصوا غلط الله يشافيها00
|
رد : انا في هم لو اوزعه ع العالم ماكفى..
غاليتي ربي يطمنك عليها ويفرحك فيها يارب
السرطان عافانا الله واياكم من النادر جدا جدا ان يصيب شخص بعمر بنتك فااستبعديه ممكن يكون السبب من البواسير او التهاب في احد اجزا الجهاز الهضمي في اسباب كثيرة غير السرطان المهم اعرضيها على طبيب فاهم وان شالله ياربي يطمنكم ماتشوف شر ان شالله |
رد : انا في هم لو اوزعه ع العالم ماكفى..
تسلمين noora والله يجزاك خير
بس البنت مافيها بواسير ولا امساك ولا اي شي في فتحت الشرج وقليل تشتكي من الم في بطنها يعني شي غريب هالنزيف. طيب اختي سماري برازيلي هانوعيه من القولون التقرحي خطر ويسبب اشياء خطره او ان شالله سهل علاجه!! |
رد : انا في هم لو اوزعه ع العالم ماكفى..
والله ياأخواتي لا املك لكم سوا الدعاء وهذا حقي عليكم لانكم ازحتم بعض الهم الي فيني.
اللهم فرج لهم فرج من عندك لا مد له، و خير من عندك لا عدد له ولا تحرمهم ممن يحبون وارزقهم من حيث لا يحتسبون. |
رد : انا في هم لو اوزعه ع العالم ماكفى..
عزيزتي ربي يشافيها ويعافيها من كل شي مثل ما قالت الأخ نورا يمكن السببب بواسير أو عندها ناسور شرجي .. حاولوا أكثر بعيادات أخرى وببعض الأشعة .. تتطمئن قلوبكم بإذن الله.. عزيزتي شقردية .. الأمر لا يخص مرض بطانة الرحم المهاجرة وحتى الأمور التي ترتبط بالأمعاء فمجرد التصاقات ومن النادر أن يحدث مثل هذا النزيف .. |
رد : انا في هم لو اوزعه ع العالم ماكفى..
اختى
المواضيع دى لازم يحسمها الطبيب خدى بنتك واعملى التحاليل اللازمه وماتتهاونيش فيها .. المرض لما يكتشف مبكرا علاجه بيبقى اسهل .. الطب البديل لا يعالج ولكنه يساعد .. عليكى وعلى المستشفى وابقى طمنينا ربنا يشفيهالك |
رد : انا في هم لو اوزعه ع العالم ماكفى..
عزيزتي اوراق ملونه بنتي مافيه لا بواسير ولا تشققات شرجيه ولا تشتكي من امساك.
وان شالله راح اعرضها ع دكتور. بس الحين خلاص طبيعيه ماتحس ب أي شي كأن مانزل معها دم بصراحه شي يحير. وتشكرين ع مرورك. Jasmin raouf راح اعرضها ان شالله ع طبيب ووالله اني خايف وش بيواجهني من المستشفى وحوسته واخاف يبهذلون البنت خليها ع ربك بس. تشكرين عزيزتي ع مرورك لا عدمناك. |
رد : انا في هم لو اوزعه ع العالم ماكفى..
اختي امس سالت زوجي هو طبيب بس مختص بشي ثاني
المهم قالت تقريبا قال حكاية السرطان والعياذ بالله شبه مستحيل تصير بعمر بنت وفي انراض ثانية تسبب دم بس اعملي فحوصات عشان تاخذ العلاج الاازم ولا تهمل حتا لو توقف الدم |
رد : انا في هم لو اوزعه ع العالم ماكفى..
أختي الغالية
حاولي تشوفي أحد يرقيها وادعي ربي بجوف الليل الله يفرج همها وهمك يااارب ويطمنك عليها طمنينا عنها |
رد : انا في هم لو اوزعه ع العالم ماكفى..
ماتشوف شر يارب .. اسال الله ان يشفيها ..
اعرضيها حتى ولو توقف .. وان شاء الله تتطمني عليها وتكون بالف صحة وعافيه .. |
رد : انا في هم لو اوزعه ع العالم ماكفى..
الله يشفيهاويخليها لك ياعمري عليها طمنينا عليها
|
رد : انا في هم لو اوزعه ع العالم ماكفى..
أختي ودي البنت المستشفى
لا تخافين يا عزيزتي وتوكلي على الله صحة البنت أهم من كل المخاوف أرجوك روحي ولا تتهاونين في الموضوع لانها مسؤولة منك يارب يقر عينك وتفرحي بشوفتها أحلى عروس |
| الساعة الآن 04:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©