|
العـــفــــــو ؟!((مستجدات في الرد 22))
السلام عليكم ورحمة الله وبركاته
بدايه .. اسأل الله ان يجعلنا من العتقاء من النار وان يتقبل منا ومنكم صالح الاعمال يارب موضوعي اليوم شاغلني من امس .. من يوم قررت ابتدي صفحة جديده بحياتي وانا ادور اي شيء يساعدني على التجاوز من نسيان وشغل الوقت وووو اشياء كثيره وكلما لقيت شيء جديد يساعدني جربته وحاليا انا اتابع برنامج "أجمل نظرة في حياتك" للشيخ مشاري الخراز والصراحه هذا البرنامج من اروووووع ماشاهدت واثر فيني كثيييييير بكلامه واسلوبه أنصح الجميع بمشاهدته .. المهم .. هذا مو دعايه للبرنامج =) حلقة امس كانت عن "العفو" هذا رابط الحلقه للي يبي يشوفها عشان تعرفون انا عن ايش اتكلم http://www.youtube.com/watch?v=Ngb6clu2YVM من ضمن الكلام اللي قاله بحلقة امس ان احنا نعفو عشان ربنا يعفو عنا يوم القيامه وكلام كثييير ماودي اطول عليكم لكن انا طبيعتي ما اشيل بقلبي على احد وحتى لو صار موقف وضايقني كلها دقايق وانسى الا شخص وااااحد فقط هذي اللي مو قادره انساها ولا انسى هي وش سوت فيني وكيف ظلمتني وأذتني سنين متواصله وسببت لي دمار لحياتي وجرح وأذى وكيف جرتني لطريق الله اعلم كي راح تكون نهايتي لولا رحمة الله بي وكل مره احاول اسامحها واحس في شيء من داخلي يخليني ما اسامحها مع ان لو اسمع ان صار لها شيء مو زين والله قلبي يرق لها واروح اسأل عنها ولما اشوفها بمناسبات رغم كرهي لها ولشوفتها الا اني اذا شفتها اسلم عليها واكلمها ومن زماااان ودي اسامحها وانسى كل الي صار واللي سوته فيني لكن مااااااا اقدر كنت احس اني ابي رب العالمين يحاسبها يوم القيامه على الي سوته وكنت بالبدايه ادعي ربي ينتقم منها (مع ان هذي مو شخصيتي ابد) بس من داخلي مشاعري متضاربه بين اني ابي اسامحها وبين ان ربي ينتقم لي منها من بعد حلقة امس دخلت في حالة من التفكير واشغلني هذا الموضوع كثير قررت اعفو عنها لوجه الله .. ولاني انا بنفسي احتاج ربي يعفو عني اذا رب العالمين يعفو عن الناس .. من احنا نكون !! حتى في تويتر قريت للشيخ عن وحده كاتبه انها ودها تعفو لكنها مو قادره فكان رده عليها (بما معناه) .. اذا أبو بكر الصديق رضي الله عنه عفا عن الشخص اللي تكلم بعرض بنته واحسن اليه .. من احنا !! صراحه كلامه أثر فيني كثيييير وودي اسامحها لوجه الله لكن كيف اسامحها ويكون هذا الشيء من اقتناع داخلي بعد ؟!! يعني كيف اقنع نفسي اني خلاص سامحتها ونسيت كل شيء مابي يكون هالشيء بالكلام بس ومن داخلي للحين شايله عليها بقلبي ما ودي اذا تذكرت بيوم ارجع اشيل بقلبي مدري اذا احد فهمني او لا .. انا ودي اسامحها واعفو عنها لوجه الله لكن احس من داخلي شيء يمنعني اسامحها أو انسى كيف اتغلب على هذا الشعور وأقدر من جد أسامحها ؟؟ عشان ربي يعفو عني ويسامحني سامحوني على الاطاله وهذي دعوه بعد .. أوجهها لكم تعفون عن أي احد ظلمكم او اساء لكم لوجه الله قال تعالى: "فمن عفا وأصلح فأجره على الله" |
رد : العـــفــــــو ؟!
أختي تذكري أنك لم تقدمي على العفو إلا من طيب قلبك وعدم إقتناعك من داخلك ترجع لأمرين :
1- الأمر الأول من كبر فعلتها اللتي فعلتها بك وبأمكانك إقناع نفسك مع الأيام بالعفو وتذكري أن خالق الخلق يعفو فكيف بنا نحن البشر لماذا لا نعفو وتذكري أن العفو ينبع عن شجاعه وليس ضعف 2- الأمر الثاني وقوف الشيطان بجانبك ومحاولت تبرير فعلت صاحبتك بك وألزامك على عدم العفو عنها وحبه لأفساد الخير فتذكري أنه قد أخرج أبوينا أدم وحواء من الجنه تذكري أن العفو شأنه عظيم والأعظم أنه في شهر الخير...شااااب |
رد : العـــفــــــو ؟!
خطوة رائعه جدا جدا لبناء نفسك نحو الأفضل و لتكوني ممن يشملهم العفو الرباني
يا اختي في الله .. قد تعرضت لنفس موقفك لكن بطريقة مختلفة قليلا و أتوقع الكثير منا واجه في حياته ناس جرحوه و كسرو قلبه و أردو بحياته للجحيم أعرف شخصيا صديقة لي تاهت في نفس طريقك لذي خلصكِ منه الله عز و جل برحمته و كانت تدعو بقلب ملئه الحقد و البغض لتلك الإنسانة التي أودت بحياتها للفضيحة نصحتها و نصحتها الكثيرات بأن تتعاهد قلبها بالصفح و العفو لسلامة قلبها هي كانت رغبتها قوية للإصلاح من نفسها .. بدأت بالدعاء لها بأن يهديها الله و يغفر لها وكثيرا ما كانت تتذكرها و تبكي أمامي .. لكنها صبرت و أحتسبت .. وهاهي الآن تذكرها بكل خير و صفي قلبها من ناحيتها تماما بفضل الله .. فمختصر كلامي يا غالية .. إدعي لها في قيامك بأن يصفو قلبك تجاهها و تجاه من ظلمك و ادعي لها بأن يرزقها الله الهداية .. لكي تكوني ممن لا يبقي في قلبه أثرا للحقد على أي مسلم فهي تائهة .. وانتي كنتي مثلها و قد تناولكي الله برحمته .. بشرط أن يكون في سرك دعائك لها لكي تكون في ظهر الغيب .. ولا مانع من الصدقة ولو يسيرة بنية العفو اسأل الله لكي فرجا قريبا و راحة بال بقربه عز وجل |
رد : العـــفــــــو ؟!
اختي الفاضلة لاتجعلي فعلا ماضيا يسيطر على عقلك فمامضى لن يعود والتفكير به لن يجدي نفعا قلت ستفتحين صفحة جديدة واول فعل يجب ان تقومي به هو تنظيف نفسيتك من كل عوالق الماضي وعدم ابقاء شيء يذكرك به ومن ذلك الصفح عن كل من اخطأ بحقك ونسيان فعلته وتجنبه لانك بصدد بناء حياة جديدة فلتبدئي وضع اسسها على التسامح ونسيان الماضي:::::وفقك الله اختي الفاضلة
|
رد : العـــفــــــو ؟!
سبحان الله ....
اتابع البرنامج شبه يومي ولكن مقتطفات لانشغالي بالفطور .. وبالامس عندما كنت انتظر الاذان او بعده بقليل ذكر الشيخ هذا الحديث عن العفو .. فتذكرت طليقي واهله .. واليوم كنت احاول ان اتذكر اسم البرنامج حتى اشارك في موضوع للاخ مستشار الحب .. واذكر الحديث لحاجتنا اليه .. وها انت ِ شاركتني في ذلك .. أسأل الله العظيم أن لايجعل في قلوبنا غلا للذين آمنوا. .وأن يجعل سريرتنا خير من علايتنا .. اللهم آمين. |
رد : العـــفــــــو ؟!
السلام عليكم اختى المجاهدة والله انا والحمد لله مثلك لا احقد على احد وانسى بسرعة بفضل الله ولكن فى بعض الاحيان هناك ناس يكون جرمه فى حقنا كبير ويكون ظلمه شديد لذا قال الله عز وجل ان دعوة المظلوم لا ترد وان الله عز وجل يقسم وعزتى وجلالى لانصرنك ولو بعد حين فقط اوصيك الا تشيلى بقلبك كرهه لاحد ويكفى اذا ذكرتى هذه الانسانه ان تقولى حسنا الله ونعم الوكيل اسأل الله ان يطهر قلوبنا ويصرف عنا الحقد والحسد والغيرة والنفاق والرياء اللهم آمين موضوع جميل اختى ايوه كده عاوزين التفاعل وطرح المواضيع ولكن لماذا تتأخرى فى الرد والمشاركة اذا كان بسبب رمضان فكلنا هكذا والله ومعك العذر اذا كانت وانت مازلت بنت وفى بيت ابوك تكونى مشغوله هكذا طيب ماذا ستفعلى رمضان القادم بإذن الله وانت فى بيتك ومع مسئولية البيت والزوج و و كل شىئ جميل بإذن الله تعالى هههههه :):):):) سمعتك وانت بتقولى آميـــــــــــــــــــــــــــــــــــن هههههههه ان شاء الله ربينا يستجيب واسألى الله ان تصيبى ليلة القدر اختى الفاضلة موفقة اختى بارك الله فيك |
رد : العـــفــــــو ؟!
برنامج حلو بصراحة خفيف ومفيد ..
بروح اشوف باقي الحلقات باليوتيوب |
رد : العـــفــــــو ؟!
انا ماني قادره اسامح او عفوا عن الي اذاني و ظلمني حاولت كثير بس وربي قدرت
دايم على لساني حسبي الله ونعم الوكيل تطلع من قلبي لاني وربي محروقه : ( والله مو من عادتي بس وربي غصبا علي ماقدرا اسامح ماقدرت ابدد : ( |
رد : العـــفــــــو ؟!
اقتباس:
واذا احنا ما اغتنمنا الفرص خلال هالايام متى نغتنمها ؟؟ لكن النفس البشريه اوقات ترفض اشياء لما تكون فوق طاقتها او فوق استيعابها وانا ودي والله اسامحها لوجه الله لكن بنفس الوقت ودي انها تتحاسب على فعلتها مدري ... لكن ان شاء الله اقدر اسامحها مع الايام وما يكمل شهر رمضان الا وانا قادره يارب .. اذا مو عشانها عشان راحتي النفسيه شاكره لك اخوي مرورك وردك الرائع والله يتقبل منك صالح الاعمال يارب |
رد : العـــفــــــو ؟!
اقتباس:
صدقتي يا غاليه .. انا كنت بمثل وضعها والحمدلله الحمدلله ربي ستر علي وطلعت من اللي كنت فيه والله ودي اني اسامحها عشان نفسي اولا .. وعشانها بالمرتبه الثانيه لكن تعرفين احس هالشيء فوووق طاقتي انا صحيح الحين تغيرت واحاول انسى كل شيء واركز على المستقبل بس اذا جيت وتذكرت الماضي وكيف ضرتني وأذتني أحس بداخلي شيء ودي اشووووفها تتحاسب على فعلتها مع اني والله مو كذا ابددددد .. لكن هالمره الشيء كبير وصعب انساه ادعيلي يا اختي والله اني محتاجه دعوتك انتي وكل من يمر بموضوعي ان ربي يثبتني ويغفر لي ويتقبل توبتي ويشرح صدري ويتقبل اعمالي يارب واقدر اسامح واتجاوز وشكرررررا من كل قلبي على كلامك الطيب والله يتقبل منك صالح الاعمال يارب ويجعلك ومن تحبين من العتقاء في هذا الشهر الفضيل |
رد : العـــفــــــو ؟!
اقتباس:
صح كلامك اذا ما تجاوزت وسامحت ونسيت عمري ما راح اقدر اخطي خطووه قدام لكن علمني وش اسوي بنفسي ؟!!! كيف اقدر اسامح ؟!! انا بديت انسى الماضي كله بكل مافيه وادعي ربي يعوضني خير الا هذا الجزء من الماضي ماقدر انسااااااه كيف ؟؟ دعواتك اخوي ان ربي يقدرني وانسى كل شيء واقدر اسامح جزاااااك الله خيييير على كل كلمة كتبتها والله يتقبل منك صالح الاعمال يارب ولي رجاء خاص .. لا تنساني من الدعاء بالثبات والهدايه وقبول الاعمال |
رد : العـــفــــــو ؟!
اقتباس:
سبحان الله .. القلوب عند بعضها :) الله يجمعنا ووالدينا ومن نحب في جنات النعيم يارب صدقتي اختي .. هذا البرنامج رووووعه وخصوصا هالحلقه اثرت فيني حييييل ومثل ما تشوفين .. للحين احاول ويارب اقدر وبإذن الله انتي تقدرين بعد الله يشرررح صدرك وييسر امرك يارب شكرررا لمرورك العطر غاليتي والله يتقبل منك صالح الاعمال يارب |
رد : العـــفــــــو ؟!
اقتباس:
جزاااااك الله خيييير على مرورك وكلماتك ودعوااااتك الله لا يحرمك الاجر شكررررا لك على كل شيء |
رد : العـــفــــــو ؟!
اقتباس:
فعلا البرنامج مفييييد جدا ومؤثر .. الله يجزيه الجنه تلاقينه باليوتيوب .. وانا انزل الحلقات كل يوم اول بأول تلقينها بقسم الثقافه الاسلاميه نورتي =) |
رد : العـــفــــــو ؟!
اقتباس:
جربت كيف لما يكون الظلم كبير ما تقدرين تنسين او تسامحين بس جد شوفي الحلقه واقري كلام الاعضاء انا عن نفسي تأثرت كثير باللي سمعته وقريته لانك طول ما تتذكرين ما راح تقدرين تتجاوزين وبتكونين متضايقه على طووول وانا عن نفسي هذا الشيء اثر كثير على نفسيتي وصحتي .. واكذب عليك اذا قلت لك اني نسيت او سامحت مع اني مثلك هذا مو طبعي ومو من عادتي اشيل بقلبي على احد لكن هذا فوق طاقتي بس دايم ادعي ربي يعطيني القدره على النسيان والتجاوز عشان نفسي وراحتي ولاني ابي ربي يسامحني ويعفو عني يوم القيامه بظل احاول ليييين اقدر وخلال هالفتره .. ما راح اسمح لنفسي اني اتضايق او استرجع هذي اللحظات وبحااااول انسى واتجاوز حتى لو ما سامحت حاولي اختي .. ع الاقل ترتاح نفسيتك ولا تسمحين لشيء صار حتى لو كان كبير يأثر على حياتك واستغلي رمضان بالدعاء الله يفررررج همك اختي وييسر امرك ويبعد عنك كل حزن وضيق والله يتقبل منك صالح الاعمال يارب اللهم آميييين |
رد : العـــفــــــو ؟!
اختي الفاضلة نستطيع نسيان الماضي بابتسامتنا للحاضر واشغال تفكيرنا به فقط :::::: نسال الله جل جلاله ان يثبت قلبك على طاعته ولايشغله بشيئ غير عبادته
|
رد : العـــفــــــو ؟!
اقتباس:
ان شاء الله هذا اللي ناويه اسويه جزاك الله كل خير اخوي وشكرررا جزيلا للمره الثانيه |
رد : العـــفــــــو ؟!
اقتباس:
تدرين يالغلا انا بحكي لك موقف صار لي بحياتي ما توقعت اني اسامح ذيك الانسانة اللي خدعتني و استغلت طيبتي .. انا كنت اشتغل في بنك و راتبي مو عالي في حدود المتوسط , و كانت معي زميلة عمل ظننتها صديقة لأنها تقربت مني كثير و اشتكت لي سوء اوضاعهم في البيت اللي كنت ابكي وانا اسمع لها بيوم من الايام ألفت على راسي كذبة كبيرة اخوها صدم سيارة لكزس وتصليحها غالي و جابت لي ورقة مختومة من الظابط انه اخوها مطالب بمبلغ مالي كبير انا و بصفتي ساذجة رحت اعطيتها راتبي كااامل حق ذاك الشهر والله العظيم ما بقيت لي منه سوى 400 ريال وهي اخذته مني بوعود كثيره انها تسدد لي في ظرف شهرين فقط وانا ما فكرت اخذه منها , تصوري بعد خمس شهور تسببت لي بمشاكل في العمل ولا عمري جا في بالي انه من تحت راسها واكتشفت انها متسلفة من غيري وبنفس الطريقة و تحكي فيني من وراي و اشياء كثير كثير صدمتني فيها و انا ايامها كنت مستقيلة من العمل و لا فكرت اواجهها مو خوف منها لكن ترفع عنها لانها انكشفت عند الجميع وصارت سيئة , وبعد ما خرجت من العمل اتصل فيها ما ترد ارسلت لها رسالة .. ابي فلوسي لاني كنت محتاجتها بسافر لأهلي , و ترسل لي انو انتي غلطانة بالرقم تركتها و رحت اتصلت في الإدارة تبع العمل و طلبتها بالاسم وكلمتها و بعد السلام قلت لها ابي رقمك قالت ضاع .. قلت طيب شلون اتصل بك انا ابيك بسالفة قالت ابشري لا رجعت البيت كلمتك من جوال امي .. قلت اوكي انتظرك تخيلي وش عملت هالادمية .. رجعت البيت وارسلت لي رسالة من جوالها اللي نصبت علي وقالت انه ضاع .. كتبت لي كلام والله العظيم لما اتذكره ابكي قهر و حسرة علي وعلى سذاجتي كلام سب وشتم و انكار للمبلغ و طعن فيني وتهديد و ارسلت لي صور لي و مقطع وانا من قفاي اتاريها الله يسامحها مصورتني وانا مو منتبهة لها في العمل .. متخيلة ان في بنت ممكن تسوي هالموقف ..! اقسم بالله لما اتذكرها ودي اذبحها من القهر والظيم اللي شفته منها وانا ما ضريتها بشي انا طبعا ما سكتت لها على طول كلمت وحدة من صديقاتي زوجها ظابط قلت لها السالفة من الى قال لي كلام كثير من ضمنه انك ما راح تكسبي شي والتهديدات بالرسايل ما ياخذو عليها الشرطة يعني مشوارك طويل لكن فلوسك العوض عليها اهم شي سمعتك ولا تنشر صورك لكن اتركيها هاذي مو من مستواكم و ترى تهدد بس تبيك تسكتي عن الفلوس .. انا سكتت لأني انجبرت اسكت كثير تدخلو في الموضوع وهدوني و لكن ما ارتحت ظليت ادعي عليها و اتحسب . متخيلة حجم المعاناة و الظلم اللي تعرضت له منها .. وانا بس ساعدتها و سويت فيها خير وفتحت لها بيتي يعني فيه ناس تضرك وانتي تنفعينها .. !! ف اللي بقول لك عليه .. اني في فترة من فترات حياتي كنت حزينة لفراق اولادي ولا زلت وكنت اكلم استاذة في التحفيظ وانا تعبانة نفسيا اقولها ابي ربي يجيب لي عيالي تدرين وش قالت لي .. قالت اذا لك حاجة عند الله اعطيه عشان يعطيك صرت طيبة حييل مع الناس سامحتهم كلهم و أول شي ذيك الآدمية على طول جات ببالي و قلت يارب .. سامحتها لوجهك الكريم طمعا في رضاك وعطاك يارب احنا محتاجين الله و رحمته وكرمه علينا , فلازم نعطي عشان ناخذ و ابشرك قلبي صاااافي عليها الحمد لله اذا تبين ربي يشملك بعفوه .. اعفي عن عبيده ادعي الله بسجوودك ربي يصلح سريرتك وعلانيتك الله يرزقك مبتغاك من الدنيا والاخرة قولي آمين اعذريني طولت .. بس تذكرت هالموقف عند قرائتي لموضوعك |
رد : العـــفــــــو ؟!
متابعه لكم. لأني أعاني مثلك.
كل مرة أسامح ،لكن مدري كيف أوصف لك أحس بشي بداخلي. |
رد : العـــفــــــو ؟!
اقتباس:
يااااااالله والله كلامك اثر فيني كثير والموقف اللي صار لك بجد كبير وماشاء الله عليك انتي قدرتي تسامحين وقلبك صافي عليها .. جد أهنيك على روحك الطيبه وكلامك فااادني كثير صادقه اختي والله .. احنا محتاجين من الله ودي ودي اسوي اشياء كثييييييره لكن احاول نقطه نقطه لين اوصل غاليتي الفردوووووس .. شكرررررا لك على كلامك والله نزل علي مثل الماء البارد اللي برد على قلبي وريحني وشاكره لك اهتمامك ووقفتك معي .. ماني عارفه كيف اشكرك الله يرزقك مبتغاك وكل ماتتمنين ويريحك ويسعدك وييسر لك امووورك ويجمعك بعياااالك عاجل غير آجل ويقر عينك بهم وتفرحين بهم اللهم آميييييين الله يتقبل منك ياغاليه صالح اعمالك ويجعلك ومن تحبين من العتقاء من النار بس لي طلب اختي .. طلبتك لا تنسيني من الدعاء بأن ربي يثبتني ويشرح صدري ويتقبل توبتي ويغفر لي |
رد : العـــفــــــو ؟!
اقتباس:
أختي انتي شكلك مثلي قلبك طيب ويسامح لكن ماتقدرين تنسين .. وهذا اللي صاير معي لما اشوف الشخص او اتذكره احس بشعور داخلي مقدر أوصفه !! هذا ما يسمونه حقد لكن من حقك لانك مريتي بالتجربه هذي مرات كثيره لكن اختي لما شفت الحلقه هذي ومن بعد كلام الاعضاء وحتى لما شفت بتويتر ردود الناس على هذي الحلقه حسيت اني ابي اسامح وانسى .. مو عشانهم .. لا عشان نفسي ولاني راح يجيني يوم اوقف فيه قدام ربي .. واحتااااااج أنه يعفو عني ومن فينا ما غلط ولا سوا شيء مثل ما قالت الغاليه فردوس .. نعطي الله عشان الله يعطينا يوم القيامه انا ما اقول لك اني راح اقدر اكييد .. لكني بحااااول وأهم خطوه اني انسسسى الشي ابدا وما اذكره وبظل ادعي ربي يقدرني انسى واتجاوز واسامح وانتي اختي حاااولي .. وانا عارفه قلبك الطيب وشوفي ردود الاعضاء والله بتريحك الله يسعدك ويريحك اختي ويتقبل منك صالح اعمالك يارب |
رد : العـــفــــــو ؟!
السلام عليكم ورحمة الله وبركاته
حبيت أقول لكل من يمر أو مر بموضوعي أني جلست مع نفسي وفكرت .. وقررت ان الدنيا ما تسوى شي أهم شيء الاخره واحنا بشهر رمضان ماعندي فرصه ثانيه اعوض فيها ومافي شيء يستاهل أضايق نفسي او افكر فيه انا قررت اتخلص من الماضي بكل تبعاته وأملي كله بالله يصرف عني كل شر ويغفر لي اللي راح عشان ربي يغفر لي ويسامحني .. لازم انا اسوي بعد شيء في الدنيا وأعطي ربي عشان يعطيني (هذي كلمة حبيبتي الفردوس غايتي ترن بأذني من يوم قريتها) قررت أسامحها لوجه الله وأنسى اللي صار وأدعي لها بالهدايه والحمدلله ارتحت .. الحين ما احس بأي شعور ناحيتها ما عدت أتمنى اني انتقم منها .. لها رب فوقها والحمدلله على كل حال انا بدأت صفحه جديده مع نفسي ومعها .. والله يهديها ما اقول اني برجع اكلمها او اتواصل معها او أرجع علاقتي معها مثل قبل لاني ما بسوي هذا الشيء مجرد التهنئة في المناسبات او اذا لقيتها بمكان اكلمها عادي المهم ما يبقى بقلبي ذاك الشعور .. والله مدري اذا برجع احس اتجاهها بذاك الشعور مرة ثانية بس اتمنى اني ما افكر بالماضي ابدا الله يتقبل مني يارب ويعفو عني ويسامحني وانصح الجميييع ان ياخذون نفس هذي الخطوه .. والله بترتاحووون شكرا لكل من أبدى رأي او نصح نصيحه .. الكل بدون استثناء وأخص الاخت الفردوس غايتي والله كلامها وموقفها اثر فيني حيل الله يسعدها ويوفقها |
رد : العـــفــــــو ؟!((مستجدات في الرد 22))
نسال الله لك الثبات والزيادة في الحسنات والبعد عن السيئات وجنة الخلد بعد الممات
|
رد : العـــفــــــو ؟!((مستجدات في الرد 22))
اقتباس:
وياك اخوي مارد .. شكرا لك |
رد : العـــفــــــو ؟!((مستجدات في الرد 22))
ماقدرت اسامحه وربي ماقدرت : (
|
| الساعة الآن 08:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©