ثلاث شهور مملكة .. وزوجي مازارني
 

[CENTER][/CENTER]السلام عليكم ورحمة الله..
أتعرفون من موضوع سابق أني مملكة لي ثلاث أشهر.. وزوجي في مدينة تبعد عن مدينتي ألف كيلو .. كان من المفترض أن يزورني قبل رمضان لكنه أعتذر كونه لم يحصل على إجازة من عمله ..وقال لي سأزورك في رمضان .. أنصدمت اليوم بالاعتذار بأنه لن يستطيع زيارتي إلا بعد العيد .. غضبت وعصبت ..قال لي سأقطع مسافة الف كيلو حتى أجلس معك خمس دقائق ثم أعود وأسافر مسافة الف وستمائة لزيارة أهلي بالعيد .. قلت له ولا تحسب حساب الهدايا والخسائر لاتأتي إلا من جهتي أنت دايم تقطع المسافات لزيارة أهلك ولا الخساير ماتجي إلا من جهتي .. وقلت له لاتجي وما أبي منك شيء ..قال ياحبيبيتي أنتي زوجتي والله مافيك خسارة ولو أعطيك روحي ماتكفيك هدية بس قدامنا العمر كله وأحسبيها زين .. قلت يكفي أنت تحسبها زين .. قلت له لاتجي وما أبي شيء .. قال ماراح أجي لا برمضان ولا بعد رمضان .. قلت براحتك..والله إني متضايقة وزعلانه مرة .. مدري كيف أتصرف .. حتى قلت له ماقد صارت واحد مملك ومايزور زوجته أبد طوال ثلاث أشهر قالي لو معك بنفس المدينة كان كل يوم أزورك ..أنصحوني أرشدوني ماذا أفعل والله إني متضايقة .. هل تصرفه صحيح ..هل هناك رجال مايزورون زوجاتهم فترة الملكة ... أنتظركم أخواتي أخواني

رد : ثلاث شهور مملكة .. وزوجي مازارني
 

اهليين ياقمرة كيف حالك
يب في بنات انا خطيبي مايزورني الا كل سته اشهر
لانه في مدينه بعيدة وعمله مافي اجازات
وعادي جدا متفهمة حالته ولا احاول اخليها مشكله
وبيني بينك والله تعب عليه وانا مابي اتعبه
انا جاء فحياه الله على عيني وراسي
وان ماجاء فقلبي معه وااتمناه باقرب فرصه يجيني
شكلك حساسة حبتين ^_*

رد : ثلاث شهور مملكة .. وزوجي مازارني
 

والله إني حساسة مرة بس مو عشان كذا .. يعني لو هو بيظل بنفس المدينة إللي هو فيها ومايسافر ويروح ويجي أنا كان تفهمت .. بس هو يسافر بين فترة وفترة لأهله ولأخوانه ويقطع مسافات ويوم الموضوع جا عندي صار يحسبها..والله إنها تزعل .. عموما أنا قلت له براحتك تجي أو ماتجي براحتك أنا ما أبي شيء منك

رد : ثلاث شهور مملكة .. وزوجي مازارني
 

طيب من احساسك تتوقعي ليش مايجي؟

رد : ثلاث شهور مملكة .. وزوجي مازارني
 

لأنه عقلاني مرة .. يقول بنفسه وش بستفيد أقطع هالمسافة عشان أشوفها وأجلس معها خمس دقائق بس وهو قالي هالشيء..ورديت عليه وقلت إيه صح لأني ما استاهل شيء .. هذا وحنا في أول حياتنا ودايم يقولي أسوي عشانك المستحيل .. بس طلع كله كلام ...

رد : ثلاث شهور مملكة .. وزوجي مازارني
 

اهو غلط تصرفه ،، المفروض يشوفك انتي زوجته

قلبه بارد

رد : ثلاث شهور مملكة .. وزوجي مازارني
 

ياروحي انتي كان بامكانك تردي عليه بدلع مش بنرفزة
بالذات مع الناس العاقلين

رد : ثلاث شهور مملكة .. وزوجي مازارني
 

ماراح أرد عليه إلا كذا .. أنا ما أشحذه .. وإللي يستاهل يستاهل وإللي ما يستاهل مايستاهل..ماخرب الرجال إلا الدلع..

رد : ثلاث شهور مملكة .. وزوجي مازارني
 

صراحة اختي بلا زعل
اني اشوف كلام زوجك منطقي
مو لاني رجل وادافع عنه
ولكن يقطع مسافة طويلة ويأخذ اجازة من عمله والاجازة مو بسهولة وبالتالي خمس دقائق فقط ؟؟
المفروض يجلس معك اليوم كله ولا يفارقك لحظة

رد : ثلاث شهور مملكة .. وزوجي مازارني
 

رد : ثلاث شهور مملكة .. وزوجي مازارني
 

أول شيء أشكرك على إبداء رأيك .. ثاني شيء مو أنا إللي فتح معه موضوع الزيارة هو إللي فتح هالموضوع .. وهذي ثاني مرة يأجل فيها الزيارة .. وبالنسبة لزياراته لأهله ماعمري انتقدته عليها ولا راح أقوله شيء عليها لأنهم أهله وأنا إللي راح أشجعه عليها ودايم أذكره وأوصيه يسأل عن أمه وأخواته وما أبي من ورا هالشيء إلا رضا ربي لأنه إللي مالي خير في أهله ماله خير في الناس .. بصراحة حسسني إني ما أستاهل إنه يتعب عشاني حتى لو كان المسافه طويلة .. هو مو كل مرة بيملك .. ولا كل شوي بيزورني ولا كل أسبوع بيجي عيد .. .. هذا عيد .. وأول عيد يمر علينا وحنا مملكين إذا ماحسب حساب هالشيء وتعب وجاب لي هدية وبارك لي بالعيد متى بيحسب ومتى بيحس ..

رد : ثلاث شهور مملكة .. وزوجي مازارني
 

رد : ثلاث شهور مملكة .. وزوجي مازارني
 

آصبري عليه دآم قآل حيجي آلعيد آن شآآلله

رد : ثلاث شهور مملكة .. وزوجي مازارني
 

عزيزتي جدا عادي
انا سنتين متملكه
ومابيني وبينه غير 300 كيلو
وصدف مناسبات كثير انا اجي لديرته واهله يجون ديرتي
ولا شفته ابد الا مره بعد سنه من ملكتنا

اتحملي ياقلبي

رد : ثلاث شهور مملكة .. وزوجي مازارني
 

وهذا هو زعلان ومن البارح ما أعرف عنه شيء .. ماعاد دخل الواتس أو ممكن حذفه من عنده .. ولاأنا دقيت عليه أو أرسلت له رسالة ولا هو فكر يدق أو يرسل..صدقيني لو ماهو يروح ويجي بهالخطوط ماكان فكرت بس بين فترة وفترة يسافر ويقطع مسافات كبيرة بس وصل عندي قال أقطع هالمسافة والله حرام ..حسيت إني ما أستاهل شيء عنده.. ولاشيء..

رد : ثلاث شهور مملكة .. وزوجي مازارني
 

توي أرسلت له رسالة أعتذر إذا بلحظة عصبية غلطت عليه .. بالنهاية الواحد يعمل بأصله حتى لو مافكر فيني .. أبتغي رضا الله أولا وآخرا..

رد : ثلاث شهور مملكة .. وزوجي مازارني
 

وضحي له في الرساله انه اللي زعلني اني مشتاقه لشوفتك ولو اني ما احبك كان ما زعلت ..


بعدين صدقيني يا أختي بكره تتزوجون وتتغير صورتك عنه وتعرفين طريقة تفكيره ، بعدين الرجال بصفه عامه طريقة تفكيرهم تختلف عن البنات فلذلك حطي هالموضوع بعين الاعتبار ، ولا تفكري ان مقصده ينقص من قدرك والا ما يحبك ..


موفقه

رد : ثلاث شهور مملكة .. وزوجي مازارني
 

ولو يحبني أو حتى يقدرني يقفل جواله وحتى الرسالة ما أستقبلها .. ولا فكر حتى فيني ولا في زعلي .. والله إني أكتب هالكلام ودموعي مالية عيوني .. يعني يسوي معي كذا عشاني أحبه وأموووت فيه .. ولا عشاني عبرت له عن مساعري وما حرمته حبي ولا حناني ولا أهتمامي .. آه بس آه .. وش أسوي علموني وش أسوي ؟!!!!

رد : ثلاث شهور مملكة .. وزوجي مازارني
 

عادي جدا فلاتتضايقي
انا من الشرقيه وخطيبي بجده
صارلنا 4 شهور مملكين ولاقد زارني
شافني مرا بالتانقو
ابغاه يجي بس ماقد قلتله
هو يقول نفسي ازورك بس السفر تعب وبعيد
وماقد اصريت عليه
ان جا بكيفه اهلا وسهلا ماجا براحته
قدامنا العمر كله لين نطفش من بعض خخخخخ

رد : ثلاث شهور مملكة .. وزوجي مازارني
 

الله يسعدك يارب..يقول بيجيني بعد العيد..إن جا الله يحييه وإن اعتذر ماراح أقوله شيء..عموما ألحين رجعت الأمور بيننا ورجع يكلمني .. بس أحس مآخذه على خاطري منه .. خآصة لما قالي إني سافر عند أخوه يقضي العيد عنه وهو يبعد عنه الف وخمس مية متر..عموما أنا خلاص صرت اعامله بثقل وماعاد ارسل له إلا ردود لأنه بصراحة مايقطعني دايم يسأل عني بالواتس .. وإذا طولت عليه يسألني وش شاغلني عنه..والله يصلح أمرنا جميع أختي

رد : ثلاث شهور مملكة .. وزوجي مازارني
 

الله يصلح الامور يارب..

صراحه غريبه الردود اللي تقول قدامكم العمر كله لاحقه عليه !
طيب انتِ الان شيء جديد بحياته المفروض يكون مبسوط فيك ويستغل الاجازات او الاعياد علشان يشوفك..
معقول عقلانيته ماتخليه يشتاق لك !
من حقك انه يزورك .. والموضوع مو بدرجة حساسيتك لانه انا لو مكانك بحس بنفس احساسك وازعل واقول ليش هو مايشتاق لي وليش هو مايتعب علشاني وليش مستخسر الوقت فيني ..
بس ما راح اخلي الموضوع يعدي ولا اتدلع عليه وابين انه ان جا عاتي وان ماجا عاتي..
انا عن نفسي لو بمكانك بقوله من حقي عليك انك تجيني مو بعصبيه طبعاً ولا بمبالغة بالدلع لحد يصل للرجاء لا خليك وسط وقولي له تمنيت هالعيد يكون غير بوجودك ..وقولي انا متري ايش اللي مانعك عني شكلك مو مشتاق ليا وان تعذر ب اعذاره المعتاده قولي له طيب لو اقولك اني مشتاقه لك وجد ابغى اشوفك بتقول المشوار والمشوار وفهميه انه زيارته لك بالعيد وانتم مملكين تخلي عيدك عيدين وقولي له مهما تعذرت ما احس عندك عذر يمنعك عني طبعاً هالتصريح خليه بمكالمه وحده بس وخليه يعرف اللي بخاطرك وخلاااص بعدها قفلي الموضوع ان جا فهو حس فيك وفهم شعورك وان ما جا الله يعينك على عقلانيته ^-^ امزح بس جد لاتحسبي ان ماجا انه مايحبك او مايقدرك بس كذا الحياة لابد تنفرض علينا نوعيه من الشخصيات مو بالسهوله نفهمها...

الله يسعدك ويتمملك على خير..وننتظر المستجدات بعد تنفيذك رأيي ان ناسبك.

رد : ثلاث شهور مملكة .. وزوجي مازارني
 

اللهم امين ياقلبي..ومن قالك إني ماقلت له .. قلت له وبينت له وعاتبته بس هو قالي والله كان ودي بس حرام أقطع هالمسافة عشان خمس دقايق اشوفك فيها .. وقلت له إنت مستخسر فيني تعبك .. قالي بالحرف الواحدأنتي زوجتي وحبيبتي ولو عطيتك عمري كله مو خسارة ولاتزيديها علي .. قلت له براحتك..عموما أنا تتغيرت معه وبصراحة أكثر من موقف معه خلاني أحس بالبرود من جهته وهو السبب .. لدرجة إني فكرت بالانفصال بس تعوذت من الشيطان .. تسلمين على ردك ياقلبي..

رد : ثلاث شهور مملكة .. وزوجي مازارني
 

ترى نفسيتي واصله حدها من الرجال اخاف ارد رد واندم عليه ما ابغى اصير فتانه ^-*
..لكن ما اقول غير ربي يحقق لك اللي ببالك يارب

رد : ثلاث شهور مملكة .. وزوجي مازارني
 

[QUOTE=تعب !;2840586]ترى نفسيتي واصله حدها من الرجال اخاف ارد رد واندم عليه ما ابغى اصير فتانه ^-*
..لكن ما اقول غير ربي يحقق لك اللي ببالك يا
امين يارب وإياك .. بس ترى الرجال مو كلهم نفس الشيء .. والحمدلله زوجي فيه أشياء كثيرة زينة .. وأنا مقدرة الضغوط النفسية إللي عليه من التفكير بالعرس وصاريفه .. بس ماصرت مندفعة إليه مثل قبل .. صرت مخليته على راحته.. وقدامنا حياة كاملة..

رد : ثلاث شهور مملكة .. وزوجي مازارني
 

ربي يثبتك على منتي عليه ربي يوفقكم