|
تفكيره يجنني
السلام عليكم
سوال احد مشكلته مثلي خطبي كل شيء عنده لاءه ياعالم اشياء كثيره يقول لاءه اشياء عاديه في بيت اهلي كنت اسويه وهو عارف نظامي من اول تخيلوا قص الشعر لا ابغه برضوا لا اشقر حواجبي لا !!! يعني اشياء من حقي اسويها كبنت عنده يقول لا اخر شيء يقول ممنوع تلبسين بناطيل !!! سلامات !!! انا اللي قاهرني انو من زمان يعرف اني اسوي هالاشياء بس مادري كيف لما اقوله ليه يقول بس كذا ...سلامات يالحبيب ايش تحس فيه واذا جلست اتناقش معه بهالاشياء بهدوء يقول مايسوي هالاشياء الا البنات اللي مو متربيات البنت اللي تخاف ع نفسها ماتسوي كذا !!!! معليش ايش هالتفكير ..!!! اوكيه فيه اشياء من حقه يكون له راي فيها بس حتى ولو فيه اشياء من حقي انا بس ماله دخل فيها تعبت احبه ومابي اخسره بس تفكيره يجنني ابغى حل اتعامل معه كيف؟؟ |
رد : تفكيره يجنني
اقتباس:
اختي افهمي شخصية زوجك يمكن انو حاب انه يفرض رايه او يمكن انو يغار عليك ومايبيك تلبسين هاللبس بس انتي فهميه انو انتي كنتي تلبسين هاللبس والحمدالله انتي متربيه وماضرك هالشي انتي خذي الموضوع بتفاهم ولا تقولين تفكيره معقد انا خطيبي بالبدايه كذا بس فالاخير صار افراض راي فقط وبالاخير تغير رايه بس اهم شي مالبس قصير مرره ولا اطلع كتوفي ولا البس بنطلون ويبان كل شي واسوي هالشي له شاسوي غيرته جنونيه خواته عادي بس زوجته لا وتشوفين تجهيزي توهقت كيف ادخل وكيف استر بس الحمدالله واذا كان جسمك بالبنطلون حلو فيمكن هذا السبب بعد بس انتي قبل افهمي بوصلة الشخصيه تبعه وان شاءالله تفهمينه اكثر واكثر ترى بالملكه اكثرهم كذا بعد الزواج يتغيرون والله ترى اتكلم جد زوج احتي كان كذا بعد الزواج تغير ففيه اللي غيرته عليك تمنعه وفيه اللي افراض راي الله يوفقك ويسعدك وييسر امورك |
رد : تفكيره يجنني
بعض الشباب يستلذون بأنه يسمع شريكهم كلامهم ويشعرون بإشباع نفسي بتلك الأوامر. واعتقد ان ذلك يعكس نوع من عدم الثقة او التعويض عن إحساس بنقصٍ ما، ولا ادري هل هذا النوع ينطبق على زوجك او لا، عموما استغرب انه مازال البعض يشترط تلك الاشتراطات او ينظر للبنت نظرة سيئة إذا كانت تلبس لبس معين وشرعي، أخيرا أتوقع انه بالحياة الزوجية سيتنازل كثيرا عن تلك الطلبات
|
رد : تفكيره يجنني
أختي صحيح ان زوجك مزودها بأوامره
بس أنا أشوف أذا سامحلك قدامه تلبسين الي تبينه وفقط معترض على لباسك في الخارج وعند الزيارات فأشوف له حق لو نظرنا لها من منظور ديني بعض اللباس مايجوز انك تلبسينه حتى عند النساء مثل البناطيل الي مره ضيقه ومبينه التفاصيل. وهذا حله حاولي تتفقي معه على حل وسط تلبسي بناطيل وعليها بلايز طويله تستر.. وبعد فيه لباس مره يكون عريان او يكشف اكثر من مايستر وش الحكمه من أنك تخرجين بهالباس عند الــــحريم؟؟ والله حال نسائنا الحين ولباسهم يدمي القلب تعري واظهار مفاتن مايجوز تظهرينها الا لزوجك.. أما أذا كان رافض انك تلبسي هاللباس حتى عنده الله يعينك حاولي تقنعينه حبه حبه وماتدرين يمكن بعد الزواج تتغير نظرته وخاصه أذا اعجبته هالأشياء عليك.. واضح انه نشيء في بيئه متشدده جعلت عنده هالمفاهيم.. وبعد في نقطه دام كذا فكره شوي يابس لاتقولين له كل شيء تسوينه عشان مايمنعك يعني تحفظي عنده.. |
رد : تفكيره يجنني
اسمك عنادي عاجبني! غيري اسمك تتغير حياتك
|
رد : تفكيره يجنني
الله يكون بعونك صراحة هالنوع
من الرجال صعب ولا تضمنين يتغير للاحسن بعد الزواج .. دايما كنت اقدر الرجل الي عنده مبدء ولا زلت .. |
رد : تفكيره يجنني
مابغى اعمل مشاكل
بس لازم توقفيه عند حده هذا وانتي مادخلتي بيته جالس يتحكم انا زيك وقلت له انت اخذتني وانا كذا فمااحب احد يتدخل |
رد : تفكيره يجنني
هلا عنادي عاجبني ..
يختي ماشاء الله زوجك يغار و يخاف عليك من ناحيه اللبس .. :) يعني مايبغى احد يشوفك بالبناطيل اولا غيرة عليك من اخوانك مثلا .. ثانيا خوفا عليك من الحسد و من عيون الحريم .. وعلى قولة ومضة امل توصلي معاه لحل وانك تلبسي بلايز طويله مع البناطيل < يعني هالستايل اشوفه نايس برضو ^_^ و من ناحيه شعرك و حواجبك ياقمر ، يمكن هو معجب بشعرك و حواجبك ! و ما يبغاك تغيري شي في نفسك .. مو تحكم و انانيه بس معجب فيك وحابب كل شي فيك صدقيني .. انا كذا كان زوجي لما كنت اقوله ايام الملكة ابغى اقص شعري كان يررررررفض ! وانا ازعل منه و يقول شعرك ماشاء الله عاجبني و مجنني لاتقصيه ! حتى الصبغه كان مايبغاني اصبغ يقول مافي احلا من اللون الاسود .. <--- ومن جد ، ترى طله العروس بالشعر الاسود مافي منها .. ودحين بعد الزواج قررت اصبغ عشان العيد ^_^ وقلتله انا اتمنى اصبغ شعري من وانا بنت .. بس اهلي كانوا يقولو لما تتزوجي ! ودحين اتزوجت فـــ لاتقولي لا انتا كمان ! وتحرمني من اللي نفسي فيه .. قالي ولاتزعلي اللي تقوليه يصير ، مع انو كان رااااافض ايام الملكة .. < الله يخليه يارب وبالنسبة للتشقير ،،، شقرت حواجبي بليله زواجي عشان تطلع مرتبه .. وماعارض .. انا عندي فكره بالنسبه للتشقير اذا كان زوجك رافضه بحجه انه مايجوز.. شوفي اش اكثر شيخ زوجك يتأثر بكلامه مثل العريفي .. و لما يجي يزورك وريه مقطع لهالشيخ عشان يسمع منه حكم الشتقير .. وقوليله كمان التشقير مدته مؤقته ، اسبوع اذا طول معاي ، و راح ترجع حواجبي مثل ماهي .. بالاخير اقولك لاتزعلي منه بالعكس اكسبيه لجهتك من دحين .. و لا تحللي طريقة تفكيره بطريقه سلبيه تأثر عليك .. بالعكس خذيها بطريقة ايجابيه زي مافهمتك بالبدايه .. وبعد الزواج بيدك تغيري تفكيره شوي شوي .. :) والله يوفقكم ويسعدكم ويسخركم لبعض .. ^___* |
رد : تفكيره يجنني
اختي
اذا كنتي تدينين بديانه الاسلام زوجك قوام عليك ويامر وينهي بما يشاء وانتي اصبحتي مملوكته وارى بعض ردود الاخوات تحرضك على زوجك مع الاسف اذا كنتي تخافين نار جهنم فطيعي زوجك لان طاعة الله من طاعة الزوج واياك ثم اياك ان تقولي له " لا اسمح لك بالتدخل " لاني اخاف عليك من غضب الله فهو اولا واخراً زوجك تحياتي لك |
رد : تفكيره يجنني
اقتباس:
زوجته بالمعروف .. وليس لكي تكون مملوكة يامر وينهى كما يشاء ! ما شوه صورة الاسلام الا هالافكار العنصرية .. فاهمين الزواج استعباد ! خيركم خيركم لنسائهم .. |
رد : تفكيره يجنني
اقتباس:
ما شاء الله عليكِ كفيتي ووفيتي |
رد : تفكيره يجنني
الله يعطيك العافيه ع الحلول الرائعه
بحاول معه وان شاء الله يقتنع المشكله الكبرى انه يقول حتى قدامي مابيك تلبسين بناطيل وادا ع كلامكم ماقوله لما ابغى اسوي شيء مستحيل حاولت مره ونكشفت لانه سال اهلي وقالو له وزعل مني زعل مره شين اذا قلت بخبي عليه وماراح اقوله تكون مصيبه كبيره لو عرف !! يعني من جد تعبت انا تعودت بيت اهلي اسوي اللي ابي ليه هو يقول لي لاءه من جد ماتوقعته كذا ابدا صعب الاقناع مرا واذا حاولت اقنعه بشيء واقول خليه لما يهدا ارجع افتح الموضوع معه مع الاسف لما افتح الموضوع بعد مايهدا تهزا انا بالاخير واسمع منه كلام يضايق مرا |
رد : تفكيره يجنني
السلام عليكم
انا ما اشوف ان خطيبج غلط بشيء!! وين الغلط لما يقولج لاتلبسين بناطيل؟؟ وين الغلط لما يقولك لاتشقرين؟؟ وين الغلط لما يأمرك بالمعروف وينهيك عن المنكر ؟؟ اذا انتي مو قد المسؤولية والزوج من الحين انسحبي يا اختي لأن من معرفج باين انج من النوعية اللي تاخذج العزة بالأثم. فيه احد حاصلة شخص يأمرة بالمعروف ويعينة على نفسة ودينة ويغير علية ويقول مابي اخسرة ؟؟ قسماً بالله يابعضكن انه ينرفز حتى الصخر. |
رد : تفكيره يجنني
هذ مشكلة شبابنا ..
الحين الكل بيوقف مع خطيبك لانه منعك من اشياء تدخل في منضور شرعي .! وهنآ مالنا حق نقول انه غلطان .! لكن بعد الدين يسر وليس بعسر وححلو الشي يجي بالاقتناع وليس بالاكراه .. لازم قبل تعمل البنت ه الشي او يفرضه الولد عليها تكون مقتنعه في قرارة نفسها وذاتها اني انا ماراخ البس بنطلون عششانه حرام مو عشان زوجي مانعني والولد بعد لازم مايجبر زوجته علئ شي الا لمآ تكون مقتنعه فيه وهو,بنفسه واسلوبه يقنعها بيسر وتسامح وادله وبليونه ومو بـ الاجبار وكلمة لا .. خصوصا فترة الملكة الكل يستعرض عضلاته ويبي يفرض كلمته وهنا تبداء المشاحنات والمشاكل علئ اشياء سخيفه تسبب كره بين الطرفين ! لازم الطرفين,يلتمسوا العذر لبعض لان البيئات مختلفه .. عموما حبيبتي لا تخربين حياتك علئ امور مثل كذه ادري انها تضايق ججدا خصوصا انك متربيه عليها .. حاولي تتفاهمين معه بالكلام وقوليله انت ساعدني اسيب ه الاشياء عشان ربي خوفا منه مو عشانك .. بس التشقير والصبغات فهميه اني اتزين لك واتصلح لك .. واهم شي شخصيتك وثقتك بنفسك خليها قوية وكلمتك كلمة ماتنزل دام انك ع الححق .. الله يوفقك ويتمم لك علئ خير .. |
رد : تفكيره يجنني
يا ليت بس كل من خطب فكر عدل في اللي يخطبها... و إذا شاف انها ما تلبس على مزاجه.... فيرحمها و ما يخطبها افضل...
انا عني اللي اشوفه من البدايه يتكلم... اقول له اسمح لي... انت دخلت بيت ابوي و انا بهالوضع.. تباني بكل اوضاعي... نكمل... ما تباني بكل اوضاعي... الله يرزقك بنت الحلال... (طبعا يكون في اول جلسات الخطبه و قبل عقد القران)... اخواني الرجال... اللي قالت عليه الأخت مب حرام شرعا علشان تقولون امر بالمعروف و نهي عن المنكر و الرجال قوامه و كلام.... الأخت تطلب اشياء عادية.... و لبس عادي... لا هي صايعه ضايعه و تلبس مشخلع و لا شي... يعني البنطلون ما يلبسون إلا اللي مب متربيات... دام هذا منطقه... ليش خطبها؟ على حسب كلامه هي مب متربيه لأنها تلبس بنطلون!!!!! الله يهدي كل الرجال... و كل النساء.. |
رد : تفكيره يجنني
اقتباس:
الزوجة مملوكة الرجل ولذلك وجب على الرجل خطبة المرأة وان يعطيها المهر بكرامة الاسلام وليس العكس فلو لم تكن مملوكته .. لما كان هناك مهر وخطبه والمعاشرة حق للرجل والمرأة والرجل هو المسؤول الاول على زوجته اكثر من مسؤولية والدها واخيها عليها فندما تتزوج تصبح ملك زوجها انا اتحدث عما جاء به الاسلام وليس عما يفعله بعض الرجال هذا توضيح لك تحياتتي |
رد : تفكيره يجنني
اقتباس:
الفكرة الاساسية : كون المراة على ذمة زوجها كون الزوج قوام على زوجته .. ما اخلتفنا عليها لكن اسلوبك بالتعبير عنها هو الخطا .. كلمة (مملوكة ) تشعر اي انثى بانها عبدة - جارية - او مملوكة حتى لغويا تستخدم كلمت مملوك للدلالة على العبد او الرقيق .. لاحظ حتى في القران ( الا على ازواجهم او ما ملكت ايمانهم ) فرق القران بين الزوجة والمملوكة .. لعظم الفرق بينهم حقيقة اختلافنا الاساسي كان على حدود قوامة الرجل الي كنت اقول لك اياه .. قوامة الرجل على المراة ليست حجة للتدخل بكل شؤونها على الاطلاق.. هذا يسمى سوء معاشرة وليس حسن معاشرة .. لانه يسبب اختلافات كثير بكل بساطة يتدخل الرجل اذا كانت زوجته تخالف شرع مخالفة صريحة كالتعطر عند الخروج او ابداء الزينة او ما شابه ويتدخل باسلوب النصح والذوق مو اسلوب الاجبار والاكراه الامور الاخرى الي مافيها اي مخالفة شرعية او ضرر ( التشقير - الخروج مع صاحباتها مقدار التواصل مع اهلها - التصرف بمالها ) فلا يحق للزوج هنا التدخل وفرض رايه الشخصي عليها الزوج لما يتدخل بكل شؤون زوجته ويفرض رايه عليها بحجة القوامة يسبب مشاكل كثير .. ويحسس زوجته انها عبدة وجارية وليست زوجة .. ردة فعل الزوجة هنا اما العناد .. او انها تسوي الي تبيه من وراه ! ويكون الزوج هنا هو سبب توتر الحياة بسبب فكرة مغلوطة متمسك فيها .. الزوجة تحتاج مساحة حرية .. والمفترض ان قوامة الرجل ما تتعارض مع احساس الزوجة بحريتها كانسانة حتى الطفل الصغير الي تتدخل بكل اموره وتفرض عليه حتى شكل ولون العابه .. يتمرد ويعاند حتى لو كانت اللعبة الي انت فارضها عليه اجمل واغلى لعبة .. لانه يعلم بالفطرة انه حر .. وان من حقه اختيار لون لعبته وشكلها .. فما بالك بامرة بالغة وعاقلة ! مثال اخر .. هل ترضى ان تتدخل زوجتك تدخل كامل براتبك وكيف تصرفه ؟ هل ترضى لمن تفرض عليك انك تعلمها بكل قرش وين يروح وتفرض عليك خطة الصرف وتفرض عليك ماتعطي احد لا من اهلك ولا اقاربك حتى لو محتاجين .. بحجة انها فلوسها وفلوس عيالها وهي اولى من غيرها ؟ اكيد ما راح ترضى بتعتبره استغلال وسوء استخدام حق .. لاحظ وهي مجرد فلوس .. وصخ دنيا ما اعجبتك الفكرة فما بالك بالي يتحكم باسلوب حياة كامل !! اخي وضحت لك مساوء هالفكرة .. اذا انت لا زلت مقتنع فيها فطبقها مستقبلا وشوف النتايج ! شكرا لك |
رد : تفكيره يجنني
اقتباس:
عفوا... الموضوع بيع و شراء و لا شو السالفه؟؟؟ أظن الإسلام أكرمنا اكثر من جذى يا خوي... و ما قال المرأه ملك للرجل... |
رد : تفكيره يجنني
لاتشاوزينة بكل شي
للحين ما رحتي بيته وكل ماجيتي بتشقرين تقولين له !! فيه بعض الرجال كل شي عندهم لا فلاتقولين له معليش اروح اشقر معليش بقص شعري لاتتشاورينه قولي له الموضوع كانك تعطينة خبر يعني ابروح اشقر مع السلامه انتهى الحوار موفقة يارب |
رد : تفكيره يجنني
اقتباس:
😄😄😄😄 ليه تعبين راسها عليه يقدرون يوصلون لمنطقه مشتركه ويتفقون على رأي واحد صح مو مفروض تقوله على كل شي بس فيه اشياء كبيره مثل قص الشعر اشوفها متعلقه بالطرفين |
رد : تفكيره يجنني
اقتباس:
عارفة ان قص الشعر استثناء بس انا اتكلم بشكل عام وهي للحين ببيت اهلها مااحس له سنع الاستئذان بكل صغيرة وكبيرة * |
رد : تفكيره يجنني
اقتباس:
👀 |
رد : تفكيره يجنني
اخت مدن السلام الفاضلة
لم نختلف انا وانتي في الرأي انا لا اقول ان الزوج يمنع زوجته من التواصل الى اهلها لكن له الحق في منعها من التواصل مع محارمها وله الحق في منعها من الخروج فإذا خرجت دون علمه اصبحت ملعونه وله الحق منعها من صديقاتها وله الحق في منعها من التسوق او الخروج الى الاسواق وفي الاخير الزوج يخرج متى شاء ومتى اراد دون الرجوع الى زوجته هذا ليس كلامي انا انه الاسلام الذي دعى المرأة للجلوس في البيت وعدم التبرج مثل تبرج الجاهلية اختي نحن في مواجهة طريقين اما نطبق الشريعه الاسلامية بكل حذافيرها وتختارين الكلام الذي ذكرته اعلاه جملة وتفصيلاً أو تختارين الاعتدال ... لاننا في الواقع لا نطبق الشريعه بكل حذافيرها وان الامير الحزين لا يطبق الشريعه بكل حذافيرها وانا لست متشدد لكن ما اراه صوابا وما يصب في مصلحتي ومصلحة زوجتي افعله في الحقيقة اليوم لا احد يطبق قواعد الاسلام الصحيح بعض المتدينين او المتشددين يطبقونها الى ازواجهم وهم لا يطبقون الشريعه بحذافيرها وبعض النساء تدعي انها تطبق الاسلام وشرائعه وهي في الواقع لم تطبق اي شيء منه اختي الاسلام دين سمح ولكنه صعب جداً القليل جداً من المؤمنين والمؤمنات يقاومون صعوبته تحياتي لك ه |
رد : تفكيره يجنني
اقتباس:
ثم يجيز لهم منعن من الخروج مع صديقاتهن - التسوق الخ من مباهج الدنيا ؟ الاسلام لم يجيز للرجل منع زوجته من الخروج والاستمتاع بمباهج الدنيا .. بالعكس امر الرجل بالاحسان لزوجته ( وعاشروهن بالمعروف ) ومن صور المعاشرة بالمعروف تمكين الزوجة من مخالطة صديقاتها ومحارمها ومجتمعها الي تعودت عليه ... وتمكينها بشكل عام من كل شي يحقق لها الاستقرار النفسي .. وليس منعها !!! ليس دين تناقض .. بل انه اسمى وارقى من ان يجيز للرجل القوامة بشكل مطلق بل شرطها بالمعاشرة بالمعروف ما ذكرت هو رايك الشخصي .. لا تنسبه للاسلام شكرا لك |
رد : تفكيره يجنني
اقتباس:
معليش أختي لازم أجل تلاقين حل معه قبل الزواج واضح أن المسأله عنده مو دين بقدر ماهو تحجر وفرض رأي.. خليك قويه وعبري عن رايك بصوت هادي وبحجه قويه،، قــــولي هاللبس حلال أمام الزوج وارسلي له فتاوي لشيوخ ودوري باليوتيوب مقاطع فيها مايحلل ذا الشي.. ضروري تلاقين حل معه قبل ماتجتمعون ببيت واحد التنازل بها الأمــــور ابد ماااينفع، انه يصادر حريتك و انك تعيشين مثل غيرك بحدود أجازها شرعنا،، فـلا تـــنازلــــــين بس مثل ماذكرت اقنعيه بالحكمه .. الله يـــسعدك |
رد : تفكيره يجنني
اقتباس:
انا اقول لك كذا وانتي تقولين كذا مع احترامي لك اذا كنتي متزوجة واردتي الذهاب الى بيت اقارب لك وزوجك منعك من الذهاب ! ماذا تفعلين هل تطيعينه أو تعصينه ؟ اريد منك اجابتي على هذا السؤال الذي لست انا من سن هذه السنه بل الاسلام الذي امر الزوجة بطاعة زوجها وان لم تتحمل طاعته تطلب الطلاق اختي الفاضله تستطيعين القول ان زوجي منحني الثقه بنفسي وان بيني وبينه ثقه عالية ويسمح لي بالخروج اذا طلبت منه ذلك هذا يعني ان زوجك قد اعطاك الاذن بالخروج متى شئت ولكن لا يمكنك القول انه لا يحق له ان يمنعني من الخروج متى شئت والطاعه هنا ليست الطاعه ان تعمل كخادمة عنده بل الطاعه في المعاشرة وان لاتعصي له امراً تعقيب اخير بعض الازواج يكون سيء العشرة ولا يتحمل ان تكمل الحياة الزوجية معه فأنا اعينك على هكذا نوع من الرجال الذي يجعل الدنيا سجن لزوجته وكأنها معتقله لديه تحياتي لك |
رد : تفكيره يجنني
اقتباس:
منعني اروح مزاج وهوى ! لا طبعا اروح ولا علي منه وارجع اتفاهم معه اوضح له نفس الفكرة الي وضحتها لك هنا .. ان الحياة ما تمشي بالمزاج وان قوامة الرجل ماتعطيه الحق يامر وينهى بالمزاج واذا اصر على فكرته .. فماعندي استعداد اعيش حياتي على مزاج وكيف انا ! بتطلق منه واعتبر نفسي الربحانة .. والحمد لله يمكن ربي يسخر لي من يكون احسن منه فكر وشخصية ! يمكن من هنا بندخل بموضوع مطلقة ومنتي لاقية .. لكن الارزاق بيد رب العالمين ولله الحمد .. رزق الله لاني انثى ما يوقف على كلام حاقد.. علما باني ولله الحمد لا يمكن اتزوج رجل هذا منطقه .. لو بتزوج بتزوج رجل تهمه راحتي وسعادتي معه .. ولاعنده عقدة التحكم والقوامة .. والحمد لله كثير من الرجال عافاهم الله من هالفكر ! ارجع واعيد لك : اساس الحياة الزوجية المعاشرة بالمعروف .. الرجل اعطي القوامة ليستخدمها في حماية بيته وزوجته من الاخطاء .. وليس للتحكم والمزاجية وفرض الراي .. |
رد : تفكيره يجنني
انتي قلتيها "احبه ومابي اخسره"
ماشاءالله: واضح من اسلوبك انك انسانه فاهمه وعاقله وتحبين زوجك << الله يتمم عليكم اذا كان هذا تفكير زوجك فحاولي بأي طريقه تحلين الموضوع: خليه يقول اللي في قلبه ولا تلومينه اذا كان عنده اعقتاد بأنه خطأ فمن الصعب يوافق: والرجل يشعر بأنه غير رجل اذا تخلى عن قناعته بكل بسطه من غير ما يقتنع ولمجرد زوجته قالت ابسوي كذا لا تاخذينها عناد كل واحد يبي يفوز : لانها راح تنقص الحب اللي بينكم جيبي له الفتاوي والادله انك انتي صح : وبعدها يقتنع خليها اقناع وبالاخيــر امشي على رايه لين يتفهمك لا تخلين قناعتك بعدم تغيير بعض عاداتك تكون سبب لكــره زوجك لك ولعنادك له ربي يسعدكم ويألف بين قلوبكم ويبعد المشاكل عنكم |
رد : تفكيره يجنني
اقتباس:
اختي العزيزة دعينا الان من المزاجيات والمثاليات نحن نتكلم على قواعد الاسلام اذا خرجت دون ارادته فكما قال الرسول ( ص ) : ايما امراة خرجت وزوجها عنها غير راضي ، تلعنها الملائكة حتى ترجع ولكن قلت لك الله ايعينك على رجل يجعل لك الدنيا سجناً لكن يا اختي اعلمي انك قادره على طلب الطلاق منه ، وبدلاً من اللعنه التي تحل عليك من الله اطلبي منه الطلاق حتى يطلقك وتخرجي متى شئت وتفعلي ما شئت ولكن احذري عصيان زوجك وانتي على ذمته لان عصيان الزوج من عصيان الله تعالى وهذا ليست من اقوالي بل احاديث شريفه للرسول (ص) ان رفض خروجك بدون سبب وعلى مزاجه او هواه تحياتي لك |
رد : تفكيره يجنني
اخي الفاضل الامير الحزين.... بالنسبه للحديث اللي اوردته في ردك السابق "اذا خرجت دون ارادته فكما قال الرسول ( ص ) : ايما امراة خرجت وزوجها عنها غير راضي ، تلعنها الملائكة حتى ترجع ".... ممكن سند الحديث... منو الراوي؟؟؟
لاني دورت و ما لقيت اي حديث بهذا اللفظ... و احتمال انا اخطأت في البحث فيا ليت يا اخوي تحط لنا السند علشان نتأكد من الحديث بارك الله فيك.... |
رد : تفكيره يجنني
مادام عنادك عاجبك يبقى حايعجبك كلام خطيبك ؟ ..
فيه مثل بيقول "اللى يجيلك بالغصب اعمله بجميله " |
رد : تفكيره يجنني
اقتباس:
الاسلام .. ان حبيت قبلتها ولا لا .. الامر راجع لك اظن اني وضحت بما فيه الكفاية .. شكرا لك .. |
رد : تفكيره يجنني
اقتباس:
أم هناك امر آخر حث عليه الاسلام ولا اعلمه لهذا الوقت ؟ تحياتي الطيبة |
رد : تفكيره يجنني
اقتباس:
االزوجة مامورة بطاعة الزوج الزوج مامور بمعاشرتها بالمعروف مافي شي تجهله لكن منت مقتنع كلامي ما اقنعك. . لعل الايام والتجارب هي الي تقنعك لعلك تقرا بعض الحالات الي يجوز فيها للمراة عدم طاعة زوجها شكرا لك |
| الساعة الآن 02:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©