|
الـعـيـديــه ..~_
ومن العايديييين ... ومن الفايزيييين و كل عام وانتو بخير جميعا وعيد سعيد العيد جا قصدي قرررب الله يتمم لنا الفرحة قولو آميين و أكيد كلكم فكرتو في موضوع العيديه اش حنهدي لأطفالنا عيديات طبعا احنا عندنا عادة لازم نعيد على الأطفال اللي في الإبتدائي فقط .. و جديد إكتشفت انو فيه بنات كباااار كبار في عمري ياخذون عيديات فينهم دوووول اصير بنتهم :) قولولي يا أمهات ايش افكاركم للعيد انا فكرت اعيد على الأطفال زي كل سنة علبة حلويات و لعبة صغيرة ظرف فيه فلوس اغلفهم في علبة صغيرة واحطها في سلة خاصة للبنات و سلة ثانية خاصة بالأولاد , والبنوتات الكبار شوي ورود و كاكاوات فيه منها جاهزة عند محلات الحلويات أو حتى محلات بنده و الدانوب بس انا احب اسويها بنفسي احس فيها متعة ووناسة لما اشتغلها الحين كل تفكيري في اولادي ان شالله بما اني من فترة طوييلة ما شفتهم ودي اعطيهم عيدية و هدية كمان بس ماني عارفة ايش اجيب لهم , شاركوني بأفكاركم يا حلوات كل وحده تقول لي ايش مخططة على عيدية أولادها وكمان ما ننسى عيدية الوالدة و الوالد الله يحفظهم > المتزوجات برى لا تجيبون لي طاري الزوج الله يعافيكم ماني ناقصة :d انا فكرت اجيب لأمي عود و بخور بس اكيد اخواني بيسبقوني للفكرة ذي بس قلت بجيب لها طقم ذهب بما اني مريشة هاليومين قلت فرصة اجيب لها شي غالي والغالي للغالية الله يحفظها لي وابوي ماني عارفة للآن ايش اجيب حبلش معاه يعني دائما احتار في هديته أدري انكم بتقولو بددري على العيد لسه قدامنا تسع ايام بس انا ودي اخلصها من بدري بإنتظار أفكاركم و إقتراحاتكم |
رد : الـعـيـديــه ..~_
اقتباس:
عيدٌ بأيةِ حالٍ عُدْتَ يا عيدُ....... بما مضى !! ، أم بأمرٍ فيه تجديدً عيدكم مبارك جميعا. في نظري : الأولاد نخليهم عليك ، نظرا لمقدار حبك و ودك لهم. الوالد: عطر عود مع بكج جميل ، و شماغ مثلا. الوالدة: خاتم حلو مع مصحف صغير. و أمنياتي لك و للجميع بالسعادة في الدارين. و اسمحي لي احشر قصيدة بمناسبة العيد ، أهديها لكل من لم يكن عيدُهُ بينَ أهله و ذويه. قد أوْجَعَ البينُ قلبي ، و اجْتَوَى كَبِدِي فاعْتَلَّ رُوحِي و ما أبْقَاهُ مِن جَسَدِي بيني وبينَ حَبِيبِ الرُّوحِ مَهْمَـهَـةُ مِنَ البِعَادِ ، فما صَبْرِي ، و ما جَلَدي ؟!! و العيُد أقبلَ بالأفراحِ يَنْثُــُرها عِطْراً لكلِ خَلِيِّ الشَّوْقِ و الكَمَدِ فارْتَجَّ صَوْتُ الدُّنَا بِشْرَاً بِطَلْعَتِهِ و ليسَ لِي مِنْهُ غَيْرَ الهَمِّ و النَّـَكدِ قد كنتُ أرْقُبُ للأعياِد مَوْعِدَهَـا شوقاً ... و أفرحُ بالتَّكْبِيرِ للصَّمَـدِ و اليومَ أرْقُبُ هذا العيدَ مُغْتَرِبَـاً مِنْ غَيْرِ أهْلٍ ، و لا خِـلِّ ، و لا وَلَدِ ما قيمةُ العيدِ والآمالُ ترْمُقُنِـي مِنْ خَلْفِ سَيْلٍ مِنَ الآلامِ مُطَّرِدِ ؟ وآ حَسْرَتِي - لَوْ تُفِيدُ المَرْءَ حَسْرَتُهُ – وآ لوعتيِ مِنْ صُرُوفِ الحَظِّ و الأمَدِ ما أمْتَعَ الدَّهْرَ في أيامِهِ أحــداً إلا تغيَّضَهُ بالحِقْدِ و الحَسَـــدِ يا زهرةً في رِياضِ القلبِ منْبَتٌهَا: إنْ غِبْتِ عن نَظَري ما غِبْتِ عن خَلَدِي سأشتفي من أيادي السُّقْمِ إن أخَذَتْ تَقْتَاتُ مِنِّي بِذِكْرَى صَوْتِكِ الغَرِدِ يا ليتَ أنَّ شَتَاتَ الأهْلِ مُجْتَمِع ٌ أوْ ليتَ أنَّ هِلَالَ العيدِ لمْ يَعُـــدِ !! و لدي تشطير لقصيدتي هذه للشاعر السلاف. و لي تشطير لتشطيره كذلك . بس أنتظر الإذن منك :) |
رد : الـعـيـديــه ..~_
ايح ايح
قلبتي عليا المواجع خليني ساكتة بس عيالي صغار و مايفهمو بالعيدية و ماعندي جيران و لا اطفال عشان اعيدهم واهلي بالوطن يعني ماقدر اعطيهم شي وزوجي يوم العيد بيكون مسافر :) يعني ماراح القى عيدية اصلا الحمدلله على الصحة و الستر فكر و اتذكري ماحد من اولادك ربي يحميهم محتاج شي؟؟ او نفسه بشي ؟؟ ابحثي و اطقسي :) واهديهم شي هم حابينه و مستنينه ربي يجمعك فيهم و لا يحرمكم من بعض يارب |
رد : الـعـيـديــه ..~_
اول مره اعرف ان في بنده والدانوب هدايا جاهزه ..
وين القاها ..وارتاح من نظرات عيالي لي .. احس بالذنب لما الكل يوزع عيديه وانا ماعطيتهم ؟؟؟؟؟؟؟ ونظراتهم قاااااااااااااااااااااتله .. بس من جد مااحب اوزع .. ودايم انحرج ..اجيب كميه واتفاجا ..باطفال جداد وتروح الهدايا لهم .. والي حسبتهم ماياخذون ؟؟؟؟؟؟ حتى لو زودت عشر عشرين .. برضو تجيك وحده تحسب لعيال عيالها ..؟؟ صرت اهربها تهريب من السياره لسيارتهم ..؟؟؟؟؟ احراااااااااااااااااااااااااااااااااااج .. |
رد : الـعـيـديــه ..~_
يالله حمستوني وش بتجيبون لعيالكم
وأنا بعد ودي اهدي بناتٍيےّ وبنت خالتي بنت خالتي بالصف الخامس وبنتي هذه السنه بتدخل روضه ماقبل المدرسة ودي اشتري لها شنطه بس دائما اذواقنا تتنافر هي دائما تقول ابي شنطه بكفرات وأنا رافضه اشوفها كبيره عليها و ووووووين الباقين |
رد : الـعـيـديــه ..~_
وانتي بخيييييير يا قمر
شوفي اشتري لهم ايباد اذا ما عندهم بزارين هاليومين يموتون عليه وحلمي لهم برامج دينيه وألعاب يتونسون عليها بما انهم بعيدين عنك وحابه تهديهم شي يفرحهم اما لباقي الاطفال دباديب صغار وكاكاو وفلوس او خذي لك علب صغار بالشكل اللي يعجبك وزينيها وانتي وشطارتك ما احس في شي غير كذا للاطفال |
رد : الـعـيـديــه ..~_
اقتباس:
جميل اقتراحك مع ان الموضوع للكل يعني حابه اعرف ايش طقوسكم في عيدياتكم لكن يبدو لي انك مو معيد مع الأهل فهمت كدا من الرد ابياتك ذكرتني لما عيدت بعيد عن أهلي كان شعور اهبببببل , ابدا ما حسيت انه عيد وفضلت أردد بأي حال عُدت يا عيد ..!!: ) بس الحمدلله أهي فرجت و انا معيده مع اهلي يارب تحفظهم لي شكرا على التواجد و مرحب بكل ما تجود به يمناك من سطور أدبية من شخص أديب |
رد : الـعـيـديــه ..~_
لي عودة لبقية الردووود
خروج إضطراري |
رد : الـعـيـديــه ..~_
فردوسه وكل الاعضاء كل عام وانتو بخير
آه يا فردوس والله نزلت جموعي من كلام نوره شفتي الغربه كيف قاسيه حتى مجرد بوسه على راس امي مانقدر عليها استغفر الله قلبتن مواجعي يا بنات |
رد : الـعـيـديــه ..~_
اقتباس:
يوووووه يا نورا قطعتي قلبي بوصفك ليوم العيد :( تذكرت لما كنت أعيد في الرياض ييييععع يا اهو اهبل وبارد تحسيه كأنو يوم عادي تصحي الصباح اصلا بزورتك ما يدرو ايش يعني عيد :) تروحي المسجد تصلي العيد يعنني تشوفي الأطفال لابسين و كذا وبعدين ترجعي البيت و نومة و بس عكس عند الأهل يوووه تشوفين المهرجانات و الطراطيع شغالة من ليلة العيد حياة و ناس و عالم ايام الرياض كنت اشتري اكبر مخدة و انااااام يوم العيد :d بس انتي لا تسوين زيي اطلعي المسجد صلي العيد خذي معاكي قهوة و حلويات للأطفال يعني الواحد لو ما حسس نفسه بمشاعر العيد راحت عليه بس انا عندي لك فكرة .. يوم العيد تعالي هنا المنتدى و تلقيني قدامك نعايد بعضنا و لك عليا احسسك انك في شوارع آب وعدن و نغني سوى ... ع البعد مقدرشِ أنااااا اشوف يومي سناااااا و يااااا طايرة طيري ;) نورا مررررره حبيتها دعوتك الحلوة |
رد : الـعـيـديــه ..~_
ليه ليه ..كذااا ..
عيدنا بالرياض وش ملحه .. بس اهم شي تاخذين معك كيس كبير لكل طفل معك .. عشان تجميع الهدايا .. ومن الصباح من بيت لبيت .. ولو حصل لي ثلاث ساعات فاضيه .. على المخده على طووووووووووول .. عشان سهرة الليل .. وقهوه وشوكليت ..وشوكليت وقهوه ..وقهوه وشوكليت .. وكل الحلويات المضره والمسرطنه والملونه والبلاوي المتلتله .. تلقينها بيدين عيالك .. ولاتقدرين تقولين كلمه .. لان الي جابتها مره مبسوطه وهي تشوف الصغار يوصخون ملابسهم بالالوان ..وفمهم كللله الوان .. وانتي ماتحصلي وقت تستفردي بطفلك ..الا وافرغ كل السله من الحلويات الملونه ..وعلى طول اعطيها ...للزبااااااله .. ليه نعيد اطفالنا بسموم ؟؟؟؟؟؟؟؟ليه ؟؟؟؟ عطيني ريال ..ولا تعطيني سم ... |
رد : الـعـيـديــه ..~_
اقتباس:
شوفي يا ستي افتكر لما كنت بالرياض كنت اشوفها بالسدحان اللي في فرع الروابي والدانوب اللي في حياة مول على ظني ايام قبل ثلاث سنين مدري عاد ان كان هدوه الحين :) صحباتي يقولون حتى عند العطارين يبيعو عيديات بسيطة فيها حلاوة ام بقرة وكاكاوتين والعاب صغيرة تطلع لك الحبة ب 7 ريال بس جملة ما اعرف بعدين حرام عليك يااخي ما تعطين عيالك عيدية .. بس فالحة تفرحين بزارين الناس وعيالك بالطقاق يبغالك تسطير يا توفي :29: مفروض اول شي هم بعدين بزارين الناس ماالك داعي فرفري اليوم عصر على اقرب سدحان وتحصلينها ان شالله و تعالي علميني وش شريتي كود الاقي معتس شي يصلح :26: |
رد : الـعـيـديــه ..~_
اقتباس:
بس لسه كمان بنزل مرة ثانية ما جبت لعيال اخواني شوفي ايش جبت لهم يمكن يعجبك شي جبت لبنتي عليه مكياج و علبة اكسسوارات دفتر و مقلمية و اقلام من شخصية كرتونية تحبها و بيت وشنطة ايبود لونه فوشي تحب الفوشيات و جبت لها عباية جديدة متعلقة بالحجاب البنت الله يحفظها :d ولسه ناويه اجيب لها سكوتر ولدي ما لقيت شي يناسب في سنتر بوينت احترت فيه عشانو كبير ماشالله ما ادري ايش يعجبه .. انا ابغاله شي يستفيد منه شوفي انتي بنت خالتك كبيرة ماشالله جيبي لها علبه اكسسوارات تجنن شفتها في سنتر بوينت و خذي لها كوب فيه اشكالها تجنن بالمرة وبناتية فيها رسومات حلوة بنتك قبل الروضة اممممم ايش رايك تجيبي لها العروسة ذيك اللي تجي معاها عربية حتنبسط عليها يختي يحبو يهدهدو و يرضعو مدري ايش معجلهم البنات :) خذي لها شنطة ام كفرات بس صغيرة تكون فيه احجااام كثييير يوووه يا زين البنات و طلباتهم يهبلون فديتهم ربي يحفظ لك بناتك يارب و يحفظ لي عيالي |
رد : الـعـيـديــه ..~_
اقتباس:
|
رد : الـعـيـديــه ..~_
اقتباس:
صادقة ذالاجهزة خبلت بالوراعيييييييين و قسم زمان بنتي الله يحميها كانت تحب تلعب كثير شوفيها الحين مع الايبود بالساعات هادية ولا تمل منه امرضها وقسم اولادي عندهم ايبود .. بنتي خلصت منها تقريبا بس ولدي اخذت له حصاله بس قلك ابغى اعوده على التحويش من بدري :d بس حصاله ما تكفي خاصه اني جبت لأخته كيسين كبيرة يعني بيزعل وبيفرقعها علي :29: شوري علي شي ثاني اذا في راسك هو رابع ابتدائي يعني ايش شي يمشي مع هواياتهم في السن ذا اطفال العيلة الباقين ما حغلب معاهم ان شالله هي نفسها حقت كل سنة بس تغيرات طفيفة هم اصلا يفرحو سبحان الله بأي شي حتى لو ريال اسم انو احد عيد عليهم الله يحفظهم ياشيخة ويسعد قلبك يا عسل |
رد : الـعـيـديــه ..~_
الأخت الفردوس غايتي..
اقولها لكم نصيحة ؟ صدقوني أنه لا أحد سَلِمَ من الهموم و المصائب ، إنما كل واحد بحسب حظه و ظروفه. تقريبا فهمت أن أولادك بعيد عنك... يارب بفضل السر الذي وضعته في ليلة القدر أسالك أن تنفِّس عنها و عنا الُكُربات ، و أن تعوِّضنا جميعا بما تعلمه خيراً لنا في ديننا و دنيانا .. آمين. أتمنى من كل إنسان جاء إلى هنا و هو يحمل همومه و ينثرها بين ثنايا الكيبورد أن يتذكر قول الله تعالي ( لقد خلقنا الإنسان في كبد ).. فيصبر و يحتسب ، و لا يطلب الكمال في الدنيا ابدا. بل يأخذ منها ما جادت به الأيام و ما سمح و تغاضى عنه الزمان.و نعم و نعمة عين ع فكرة: جعلتم العيد (بُعْبُعْ) .. و خوفتمنا منه. |
رد : الـعـيـديــه ..~_
اقتباس:
استني استني لسه مو وقت معايده باقي سبع ايام :d بعدين بنزل موضوع مباركات و اخذك بالاحضان :14: الغربة وما ادراك ما الغربة انا اللي مجربتها اب عن جد 8 سنوات وانا اعاني لكن الحمدلله ضاقت ضاقت وفرجت من رب رحيم وقادر ربي يرجع كل مغترب لبلده حبيبه سامحيني يا قلبي اوناا و الله ما قصدت بالموضوع هذا اقلب المواجع لكن هي دعوة للفرح نبغى نعيش الدنيا بقلوب الأطفال نفرحهم و نعيد عليهم و طبيعي حيعكس علينا نتيجة ايجابية من البهجة والسعاده بفرحهم خليكي هنا معي و ان شالله بنزل لكم صور الهدايا وهاذي اكبر بوسة لروحك الحلوة الموجوده معانا ربي يسعد قلبك يا قمر |
رد : الـعـيـديــه ..~_
خذي لولدك رلاجات ..اسكيت ام كفرات من تويز ار اص ..
معها خوذه وواقي لكف اليد ..والركبه .. الظاهر كاني منيب واهمه ... ب 180 او اكثر بشوي .. وسياره ريموت كنترول .. نفس الشي بتلقين اشكال والوان بتويز ار اص .. |
رد : الـعـيـديــه ..~_
فردوس ياقلبي ..
انا اعيد عيالي ..بس هم الله يجزاهم بالجنه .. يبوني اسحْب وراي كيسه وش كبرهاااا ..عشان اوزعا على البزارين الثانين .. لعلمك الهدايا الي تسوى احنا مانجيبها الا بعيد او نجاح .. او انجاااااااااز كبير ..فقط ..عشان يطلع لها طعم .. وعودي اطفالك ان مع كل هديه كتيب تعليمي ..او كتاب باززل ..واذا خلصو الكتاب تجيبي لهم ثاني .. على كذا تتفاجي انهم حريصين يخلصونه عشان يجيهم الكتاب الثاني .. |
رد : الـعـيـديــه ..~_
اقتباس:
مشغولين بلف الهدايا و الكاكاوات يالله من فضلك و مبسوطين بهالفرحة اللي نازلة من رب السماء كلامك صحيح محد مرتاح على وجه البسيطة لكن نكابر و ندف العجلة ايش نسوي هاذي هي الدنيا كذا و الحمدلله احنا احسن من غيرنا بألف مرة احنا بين اهلنا ومبسوطين لكن المغترب مناسبة العيدين لما تمر عليه مستحيل ما يبكي وش العيد اذا ما كان مع الأهل ... وربي ماله طعم و انت واحد راعي سفريات يعني اكيد مجرب بعدين احنا حريم و ننبسط على هاذي السوالف > برى :d شكرا كثيرا على دعوتك الرائعه أتمنى من العلي القدير ان يتقبلها و لا يحرمك اجرها يارب |
رد : الـعـيـديــه ..~_
اقتباس:
السالفه فديتك مو بالرياض لا لا يا توفي في خويتك اللي بعيده عن اهلها مقروده ما اختلطت بالصديقات من بدري ولا كان عشت احلى عيد معهم اذكر بسنة من السنوات صليت العيد بمسجد الراجحي ان كان مانيب غلطانة بمخرج 15 حول المجد > صايرة دليل سياحي الأخت :d انبسطت بمنظر الأطفال والهدايا و التوزيعات بس ولدي ما كان له حظ صغير يا حياتي توه سنتين وشي الظاهر واخته توها باللفة وجالس بجنبي اقوله روح خذ لك حلويات من البنات شوف مو راضي يتحرك خايف :) ايه فكرتيني بالكيس بروح ازهبه لعيالي من الحين :30: |
رد : الـعـيـديــه ..~_
اقتباس:
جببتيهاااا الله يجزاك بالجنة حلوة الفكرة وبينهبل عليها خاصة انه من زمان طالبني فيها وانا رفضت مدري اي شي فيلو سيكل ودراجات ارفضه اخاف يطلع فيه برى يلفلف بالحارة وهو بعيد عني ما أضمن الشارع عشان كذا اشياء زي كذا ممنوع بس هاذي حلوة لو اخليها عندي بحيث لو خرجنا لمول ولا حديقة يفرح فيها لحظة بس خليني افكر وين اقرب فرع لينا تويز آر اص :21: بس هاذي رهيبة وعز الطلب , الله يسعدك دنيا وآخره قولي آمين |
رد : الـعـيـديــه ..~_
امين ..
يازينك تونسين .. |
رد : الـعـيـديــه ..~_
اقتباس:
لكن لازم تضيفيني شي شفتي انا هالكم يوم معسكره في ركن المطبخ اطبخ مواح انتظري جديدي :d و اعتقد كلها موالح لذا عطينا شي حلو مع قوه عربيه متابعه لك يا قمييييييييييييييييل |
رد : الـعـيـديــه ..~_
أختي الفردوس غايتي
صورة الطفلة الرمزية ما شاء الله ، تذكرني بطفلة تشبهها تمااما كانت ضمن مخزون هارديسك تلف عليَّ ، و حاولت اصلاحه ، و لكن للأسف لم أنجح ، و كنت التقطها لطفلة فارسية في مدينة مشهد الإيرانية :) سبحان الله العظيم .. نفس الشبه |
رد : الـعـيـديــه ..~_
اقتباس:
توفي ترى ما عمري سمعت عن شي اسمه بازل ممكن تعطيني فكره عنه , وش يصير هذا الفكرة اللي قلتي عليها شلتها من راسي , ما لاقت قبول عند اهلي سوو لي فيها رجة يمكن وما يمكن وقلت خلاص أمركم وما تريدون هونت شوفي لي شي آخر من جعبتك يا أفكار ابي شي يكون مفيد له عرفتي , يعني حاجة تنفعه و يتعلم منها ويلعب فيها انتي كم اعمار أولادك |
رد : الـعـيـديــه ..~_
منيب معلمتك وشو بازل ..
عندك الشيخ قوقل .. طيب روحي جرير ..واسالي عن كتب الانشطه .. بيوريك كتب كبيره ..كلها نشاطات وصل ..متاهه ..تفكير ..اشياء زي كذا ..ولكل عمر كتاب ..بعضها من 80 صفحه وبعضها اكثر .. بس تحرك عقولهم وتعلقهم بالقلم شوي .. اما البازل ..اكيد الحين فتحتتي قوقل وشفتي البازل .. في بازل مستويات ..بعضها مايحلها الا مستويات عقليه كبيره .. بس روووووووعه .. فديت عيالي مستويات مختلفه .. انتي اسألي وانا بجاوبك ..لان عندي خلفيه تربويه ..الحمد لله .. |
رد : الـعـيـديــه ..~_
اقتباس:
تصدقين ضحكت لمن شفت صورته لأني اعرفه وقد صارت معي وحده تحكيلي وقالت بازل سألتها وشو و علمتني و ضحكت لأني اسميها اسم ثاني مب بازل وماني معلمتك كفاية تناحات ع الضحوية قد هي وخيتك مصختها حبتين المهم اني نسيت السالفة ولما فتحت بقوقل بازل برضو ضحكت مرة تانيه يارب ما تصير معي مرة ثالثه عشان لا تثبت علي التناحة زود :d شوفي ياخيه .. جازتلي بازل ذكرتني بأيام الباندا يوم صورنا القعود و كنا نتحدى في من ينظمها أول > امش ي الذاكرة :26: الزبدة , الوكاد اني بأمر جرير واشوف هالكتب اللي قلتيهن وعسى يتقبلهن ولدي هو مزاجي ما يحبه الحاجات التعليمية , لكن على وصفك انها ممتعة ان شالله تجي بمزاجه ايه نسيت اعلمك .. فيه تاجرات بالنت يسوون عيديات لو تتفقين مع وحده فيهم عاد يا كثرهن بالرياض ماشالله تاصلك لحد البيت وسلات أولاد و سلات بنات , مريحة يختي ادفعي بس الله يعينا على هالبزارين لو ان فيهم أجر بس الله يحفظهم لنا توفي .. الف شكر يا قلبي استفدت منك والله , يا عسى اعيادك كلها هنا قولي آميييين |
رد : الـعـيـديــه ..~_
امين ..وياك والجميع يارب ..
|
رد : الـعـيـديــه ..~_
ياحليلكم ياتوفي وفردوس
كنت توني طالعه من موضوع مضايقني وانبسطت مره بسواليفكم وانبسطت اكثر لما عرفتي ايش تهدين لولدك الله يحفظه لك ... وبعذرك احترتي بالهديه انا بنت اختي بتجي من استراليا بعد شهر والى الآن مو عارف ايش الهديه اللي تناسبها اكثر وتفرحها مع انها لسى كتكوته عمرها سنتين بس اموت فيها ونفسي اقدم لها شي .. حبيبتي الفردوس في يوم قلت لك انا متفائله ان ربي رآح يسعدك وبأذن الله قريب ربي راح يجمع شملك بأطفالك طول العمر ولاتنحرمين منهم وربي على كل شيء قدير الا صح ووووين عيديتي هههه شطحه على هالظهريه |
رد : الـعـيـديــه ..~_
العيد راح .. و مكا بقي الا صيام الست لا تنسوه الله يخليكم
|
| الساعة الآن 07:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©