عاااجل تكفون ل اي دكتور اروح الله يوفق من يرد علي
 

السلام عليكم

انا صلحت عمليه مراره قبل عشرين يوم تقريباا

ولي اربع ايام احس بتنميل في كل جسمي بس خفيف وانا ع السرير توني صاحيه من النوم
اليوم احس فيه بقوه من صحيت مو قادره اتحرك زين كل شي منمل

وين اروح اي دكتور يعني اي تخصص

انا خايفه لا يكون سكر

تكفون ايش يعني التنميل سكر ولا من بنج العمليه يالله اكتب

رد : عاااجل تكفون ل اي دكتور اروح الله يوفق من يرد علي
 

سلامات وحدانية
ماتشوفي شر يارب

يمكن دكتور أعصاب و الله اعلم ؟؟؟

رد : عاااجل تكفون ل اي دكتور اروح الله يوفق من يرد علي
 

وحدانيه ..
سلامتك الف سلامه عليك ..

كيف جرحك .. ما تحسي بالم فيه ؟
مافيه التهاب ..
يمكن يكون شمم ..

بتاخذي مضاد ؟

رد : عاااجل تكفون ل اي دكتور اروح الله يوفق من يرد علي
 

الله يسلمكم ويلحقكم ليله القدر ويغفر ذنوبكم انتم واخوانا المسلمين يارب

مااحس بالم بجرح العمليه سويتها منظار واربع فتحات وحاليا مافيها اي الم او شي
بس جسمي منمل واذا تحركت خف شوي واذا جلست كااني مشلوله يديني وفخوذي مافيها اي احساس


اضربها احركها فاقده الاحساس فيهم واطرافي ثلج

ماادري وين اروح واي دكتور ولا اروح المختبر واحلل سكر حتى خايفه افطر ع التمر ولا شي حالي
انا لي اسبوع اكل حلويات بكثره وخايفه انه جاني سكر

احد عنده فكره متى تفتح المستشفيات بعد المغرب او يعرف مستشفى كويس شرق الرياض

الله يستر ومايصير سكر يارب

لاتنسوني من دعواتكم ع الفطور

رد : عاااجل تكفون ل اي دكتور اروح الله يوفق من يرد علي
 

صح ماعطوني مضاد ابداا اعطوني مسكن بعد العمليه خمس ايام بس

يعني الشمم يسبب تنميل بالجسم والله كل جسمي منمل مرره ماعدا راسي

رد : عاااجل تكفون ل اي دكتور اروح الله يوفق من يرد علي
 

أظن المستشفيات يفتحوها من 9 بس دوام الاطباء يبدأ من عشرة
يعني تروحي من تسعة و نص و تحجزي لنفسك عشان لو كان زحمة

الله يطمنك يا قلبي

و طمنينا اذا رجعتي ؟؟؟

ليه ما تراجعي عند نفس الدكتور اللي عالجك ؟؟؟
لانه بعد العملية لازم تراجعي عشان الدكتور يتطمن انه كل شي تمام

رد : عاااجل تكفون ل اي دكتور اروح الله يوفق من يرد علي
 

كلام روح صح روحي للدكتور اللي عمل لك العمليه وتابعي معاه ,, ربي يشفيك

رد : عاااجل تكفون ل اي دكتور اروح الله يوفق من يرد علي
 

الله يجزاكم الف خير ويارب يتقبل الله طاعتنا واعمالنا في هالشهر الفضيل ونلحق ليله القدر بعافيه وصحه ومغفره ياكريم


رحت المستشفى بعد الفطور ماقدرت اتحمل والحمدلله لقيت طبيب عام وعلى طول صلح لي تحليل سكر وطلع سليم
وصلح لي تحاليل للغده الدرقيه والهيموجلوبين والهرمون والكالسيوم وفيتامين د

قال هذي الامراض من اعراضها التنمل بالجسم وقال النتيجه تطلع بكره بالليل عاد قلت ابي مسكن او شي قال خلاص بعطيك مسكن بالوريد
واعطوني ولاحسيت بفايده احس بنفس الشعور كل جسمي متخدر ورجعت وجلس يقرأ علي زوجي وانتقل الاحساس لفروه راسي

والله مااحس الا باصابع يدي وقدمي باقي جسمي مااحس فيه شي مزعج احس بحاجه تتحرك بجسمي ماني قادره ابدل ملابسي اذا حركت لبسي احس بشي يمشي

ماني عارفه اوصف شعوري مو الم بس شي كذا يقبص فيني

يوم سحبو مني الدم قلبت يدي زرقاء قالت الممرضه انه عشان سحبنا اربع براويز
ويمكن عندك فقر دم

والله اني تعبت ودي ارتاح بس اذا انسدحت زاد الشعور بالتنمل


الله يستر دعواتكم وخصوصا الليله يمكن تكون ليله القدر

الله يسعدكم ويرحم والديكم اجمعين

رد : عاااجل تكفون ل اي دكتور اروح الله يوفق من يرد علي
 

صح انا صلحت العمليه في مستشفى الحرس وانا مو تابعه له ماعندي ملف هناك وصلحتها وخرجت بنفس اليوم
دخلت العمليه 11 وطلعت الساعه 4 العصر


ولا اعطوني مواعيد اساسا بس الحين ماادري وش يخفف هالالم لحد بكره وهل فعلا فقر الدم والاشياء ذي تسبب كذا
فيه احد قد جرب هالشعور او سمع بزي كذا وايش العلاج

شايله هم

رد : عاااجل تكفون ل اي دكتور اروح الله يوفق من يرد علي
 

الله يشفيك ويعافيك ويشفي مرضى المسلمين ..
الرقيه الشرعيه كلها خير ..

طيب اشربي كمون .. مضاد للالتهابات ..
او شوية مره ..
وشوفي وش يصير معك ..

رد : عاااجل تكفون ل اي دكتور اروح الله يوفق من يرد علي
 

بنات فيه حاجه توها جت ع بالي مااعرف اذا لها علاقه او لا حتى الدكتور اليوم مابلغته عنها

انا خلعت ضرسي يوم الخميس رحت لدكتوره ورفضت تخلعه قالت كملي اسبوعين وتعالي مااخلعه الا لاكملتي شهر بعد العمليه

ورحت لدكتور ووافق يخلعه وحط لي بنج كثير ضربني ابره بسقف الحلق وابره من جهة الضرس
وخلعته 12 بالليل وجلست للصباح يمكن 7 ماراح البنج خف بس ماراح مره
والجمعه بالليل كان راح مفعول البنج كلياا

عاد انا اخاف له علاقه هالبنج لان اول مره يطول تخدير الاسنان بالعاده مايتجاوز 3 ساعات الا وهو فاك مني

مرره احترت وكل ماله يزيد التعب حتى شفايفي وحلقي بدأ يتخدر ع الخفيف

رد : عاااجل تكفون ل اي دكتور اروح الله يوفق من يرد علي
 

الله يشفيك حبيبتي
طهورا ان شاء الله
أنامريت نفس الأعراض اللي حسيتي فيها بالظبط
أول ماضحيت من النوم صارلي تنميل بالجسم ومااحس فيها أبدا ومافي توازن في المشي مع توتر شديد وأنتفض غصب
سويت تحاليل سليمه وبعدها رحت لمستشفى ثاني وسويت إشاعه في الظهر طلع عندي تقلصات في العمود الفقري صرفولي مضاد حيوي مع مسكن الوريد
بس أتوقع اللي صارلي مره من المرات طحت بقوه
فا إنتي سوي إشاعه في الظهرعلشان تطمنين
أسأل الله رب العرش العظيم ان يشفيك في هذا الشهر الفصيل

رد : عاااجل تكفون ل اي دكتور اروح الله يوفق من يرد علي
 

قولو امين جعل حتى عدوي مايحس باللي انا فيه

يااكبر نعمه العافيه وياهون الم الولاده مع اللي احس فيه

تعبت وياربي طالبتك الشفاء والعافيه لي ولكل مسلم يعاني

بنات طلع عندي نقص في فيتامين د ونقص حاد نسبتي 16 والطبيعي من 30 الى 70

اعطاني حبوب لمده خمسين يوم اخذها وابر كل ثلاث ايام ثلاث حبات واتعرض للشمس واكل بحري كثير

اللي تعرف شي ثاني تعلمني

دعواااتكم

رد : عاااجل تكفون ل اي دكتور اروح الله يوفق من يرد علي
 

مثل ماقال تتعرضي للشمس اهم شي
و تآكلي السمك بكثرة

و الحمدلله عرفتي السبب

و ربي يشفيك عن قريب
و ان شاء الله بسيطة

و تصدقي بنية الشفاء

رد : عاااجل تكفون ل اي دكتور اروح الله يوفق من يرد علي
 

كثير حالات نقص فيتامين د
لا تقلقين بس لا تتركين الابر
وإذا لك حيل بالحلبه اشربيها والعسل والشمس

الله يشفيك وجميع مرضى المسلمين

***

وش اخبار اللولب؟ :)

رد : عاااجل تكفون ل اي دكتور اروح الله يوفق من يرد علي
 

الحمدلله ع كل حال

والله راضيه بقضاء الله بس هد حيلي التعب

واثاري كل اعراضه فيني وانا مو حاسه تخيلو انسى لي تقريبا سنتين وانا احس بزي فقدان الذاكره
مااذكر اغلب الاحداث واحس بتنمل بقدمي اليسرى بشكل مستمر والم في كتفي واحس بكسل واتضايق احيانا بدون سبب اجلس ابكي كذا من ضيقه الصدر اثاريه يسبب اكتئاب

تكفون يابنات حللو تراه يقولون مرحله تدهوره بطيئه ماتحسين الا وانتي ع الاخر يعني انا اكيد ماوصلت للمرحله ذي الا بالتدريج

المشكله انه بالحمل يسوون تحاليل ماني عارفه كيف مابين معاهم وانا توي مالي 7 شهور من ولدت

اللولب الحمدلله تماام ومازال الموضوع بالسر بيني وبين اللولب<<وبعد تعبي ذاا راح يزداد الامر سريه 😂
مااودي اتحطم واشيل هم بس رحله علاج هالمرض طويله قريت انها تمتد لسنه الى مايتحسن الوضع
وانا تعبت من اربع ايام وكيف لو اكثر يااربي تلهمني الصبر وطوله البال

انا عرفت ان اكبر نسبه لفيتامين د باشعه الشمس وفيه اختلاف كبير على الوقت المناسب للتشمس
ودي اعرف ايش الصح متى اتعرض لها وهل عادي وانا لابسه ولازم يبين جسمي للاشعه بشكل مباشر
وهل يكفي لما افتح الشباك لان الشباك عندي تطل ع سريري ودي افتحها وقت الصباح وانا نايمه

وبعدين شمسنا حاره مرره طلعت الساعه 9 ولقيتها شي يحرق ماتحملتها

لا واثاري الواقي يمنع الفايده وانا من زود الطيب اتدهن فيه ليل نهار الله يخلف علي بس
والناس موضه عندها التان واحنا نحافظ ع اللون من اليوم وطالع شعاري التان

اهم شي لاتهملون انفسكم اي وحده تحس بالاعراض تكشف بدري وتلحق عمرها قبل تتدهور لان المثالي فوق 70 نسبته
من 30 يعتبر طبيعي

اي وحده تحت هالنسبه تلحق ع روحها تراه يسمونه القاتل الصامت الله يكفيكم شر التعب واخوانا المسلمين اجمعين
جزااكم الله خير

رد : عاااجل تكفون ل اي دكتور اروح الله يوفق من يرد علي
 

ممم
وأخيرا عرفتي السبب الله يعينك الله يستر لايكون فيني وأنا ماادري
لأني حسيت نفس أعراضك وجلست شهر أعاني ان شاء الله ناويه بعد العيد اسوي تحليل
الله يلبسك لباس الصحه والعافيه

رد : عاااجل تكفون ل اي دكتور اروح الله يوفق من يرد علي
 

اقتباس

السلا م عليكم

إن فيتامين د له دور هام جدا في الحفاظ على نسبة الكالسيوم في الدم ، نظرا لحاجتنا الماسة للكالسيوم يوميا للمحافظة على صحة عظامنا وفي جميع الأعمار

فيتامين د يساعد على امتصاص الكالسيوم من الطعام المهضوم في الأمعاء للتموين الجسم ،

وعندما ينقص هذا الفيتامين تبدأ مشاكل العظام من لين وتلف وضعف وآلام وتشوهات وخلافه

فمن أين نأتي بالفيتامين د حتى لا ينقص في أجسامنا ، طبعا الجواب هو من المصدر الطبيعي ألا وهي الشمس ،

وهنا يكمن السؤال كم الزمن اللازم للتعرض للشمس لنحصل على الكفاية من فيتامين د ؟ وأي الأوقات أفضل شيء ؟ ، والحقيقة وكما تعلمون الشمس لا تمون الفيتامين لأجسامنا مباشرة ، وإنما إشعاعاتها التي تصيب بعض أجزآء من أجسامنا تعمل علىhunt تنشيط الفيتامين د الكسول أو الخام المتواجد تحت جلودنا ، ليتحول إلى فيتامين د نشط وينطلق ذاهبا للأمعآء لامتصاص الكالسيوم

قد أفاجئكم بالمعلومة الزمنية للتعرض للشمس ولكن هذه الحقيقة

أفضل وقت للتعرض للشمس هو ما بين الساعة 10 صباحا إلى 2 الثانية ظهرا
المدة الزمنية اللازمه هي من 10 إلى 15 دقيقة فقط
عدد الأيام المطلوبة للتعرض خلال أسبوع هي 5 خمسة أيام أسبوعيا
اجزآء الجسم المطلوبة عرضها للجسم هي الوجه والذراعين .........لا للتبطح على الشواطيء وعلى الرمال والعرينه ! بحجة الحمام الشمسي

ها .. فما رأيكم الآن ؟ ، لا شمس الشروق ولا شمس الأصيل حقت طلال مداح ( الله يرحمه ) ، نصيحتي لكل الأسر التنبه لهذا العنصر الهام من الحياة ، خاصة بعد أن أصبحنا نتهرب من الشمس بكل ما تعنيه الكلمة لتجنب الحر والنوم في النهار والسهر في الليل والمباني المغلقة والتنقل بالسيارت المظلله كل 1لك يضر بصحة العظام ويؤدي إلى ضعفها وحصول انزلاقات الغضاريف ولين العظام والله الموفق

رد : عاااجل تكفون ل اي دكتور اروح الله يوفق من يرد علي
 

وحدانيه ..
الحمدلله .. الله يشفيك .. وينفع بالعلاج

التعرض للشمس يكون بعد الشروق وقبل الغروب .. هذا افضل وقت ..
ويكون ثلثين من الجسم يتعرض للشمس بدون اي حائل او ملابس
وضروري تدعمينه بالكالسيوم .. حليب . زبادي
بمعنى حبة فيتامين دال في وقت ما تاخذيها يكون فيه كالسيوم ..
وتجنبي في المنتجات اللي فيها حديد او بروتين ..


وياليت تاخذي جبوب اوميقا 3 و ايضاً فيتانين ب6
*

رد : عاااجل تكفون ل اي دكتور اروح الله يوفق من يرد علي
 

اختي وحدانيه لا تحزني وتكبري الموضوع في نفسك وتكتأبي
احمدي ربك انه بس نقص فيتامين د
تاخذي الحبوب وتتعرضي للشمس وتاكلي اكل غني بفيتامين د وتننتهي السالفه
احمدي ربك انه مو مرض خبيث

حمدلله على سلامتك وما اوصيك على نفسك لا تهمليها ..