|
ايها الرجل ..ماذا تتمنى من زوجتك ؟؟؟؟
السلام عليكم ورحمة الله وبركاته ..
كوني له امةً يكن لكِ عبدا .. كثير ماسمعنا هالمثل .. بس كيف ندلل الزوج .. كيف ياناس .. نبي الازواج يجون هنا ويقولون .. هل الدلال ..حمام دافئ للرجلين تكرمون .. هل الدلال ..طوفرية قهوه مع حلى كل يوم .. هل الدلال ليله رومانسيه ؟؟؟؟ وشو الدلال الي يبيه الرجل العربي وخصوصا الخليجي ..وخصوصا السعودي ..وخصوصا النجدي ..<<طولتها ادري .. وش معنى دلعي زوجك ...ابي افهم .. وش معناها الين قالو امهاتنا حوفي به وروفي به .... انتظر اجاباتكم ..لعلمكم هالموضوع من زمان وهو يحوس بخاطري .. بس اجلته عشان هالايام الفضيله ..الحين ماقدرت اصبر .. يلله الكيبورد معكم ...ابدعوووووو.. |
رد : ايها الرجل ..ماذا تتمنى من زوجتك ؟؟؟؟
أحييك على حرصك وأهتمامك والله ينولك ماتتمنين وتطمحين له.
أعتقد أنه إذا صدق القلب والمشاعر انصاعت الأفعال، ربما يتفاوت الرجال، وهناك من الرجال لايقدر أبداً، وهناك من الرجل لايملك الحب تجاه زوجته فمهما فعلت لايرضى بعملها ولا يشبعه، وهناك من يظن أن ذلك من واجباته، وهناك من يقدر في البداية ثم يتحول الأمر إلى روتين لا يشعر بأي أحساس تجاهها، ولكن مجرد أن المرأة تعرف دورها وواجباتها وتحسن تصرفاتها وأخلاقها تستطيع أن تكسب زوجها، وكلما زدتي كلما دللتيه، المهم أن يقدر الرجل عملك ويشعر به ويجازيك بالمعروف. |
رد : ايها الرجل ..ماذا تتمنى من زوجتك ؟؟؟؟
اقتباس:
انا ماراح انتظر هل هو يقدر ولا مايقدر .. انا بسوي الي يريح ضميري ..ويحسسني بالسعاده .. بس انت ماعطيتني ولا مثال .. انا ابي امثله .. يعني كل واحد يقول وش ينتظر من زوجته تقدم له " |
رد : ايها الرجل ..ماذا تتمنى من زوجتك ؟؟؟؟
تعرفين ايش يعني الدلال والرفاهيه والدلع الي يبيه الزوج
الربطه ثم الربطه ثم الربطه ابعدي عنها ,, لاتربطيه بشي , بيروح مكان بيقابل اخوياه وتقوليله لا باقي كذا وكذا وبنروح كذا وكذا ترا مو مزيغ عيننا الا حاجتين الاهتمام الزائد , وعدم الاهتمام بالمره ترا في سر يبيه الزوج بزوجته ولا وحده تسويه الا من رحم ربي وسوتها بالحظ,, طبيعتك مثل ماكنتي ببيت اهلك لاتتصنعي اسلوب معين وتظهريله اهتمام زائد والزوج يسلكلك بوقتها ويعنينه مبسوط وهو من الداخل مو عاجبه مثل: تسويله شي مختلف بالغدا او العشا وشموع وتاكليه بيدك وكذا هنا انتي تصنعتي مقابل تظهريله اهتمامك بس الرجل السعودي بالذات يحب كل شي بكسر الروتين يعني لافكرتي تسوي زي كذا عشا على ضوء الشموع وكذا قوليله ملاحظ مسويه رومنسيه من اجلك بس لادقق ,, فاهمتني ياختي وصلت المعلومه يعني اكسري الروتين باي شي تسويه يعني حسسيه انك قاعده تسوي شي من اجله وربي ترا مايهمنا الشي الي تسويه الزوجه الي يهمنا تفكيرها وليه سوت كذا ^_^ وانتي لما تكوني كذا مع زوجك حتشوفيه فري معك وحبوب بنظرك يعني خليكي وحده على طبيعتك على نيتك اهم شي اي حاجه تسويها قوليله سببها خليه يعرف تفكيرك ساعتها لو جلس قدام اهله او خويانه والله يمدح فيكي رايح جاي وبيقول عنك ياحليلها سوت كذا وكذا من اجل تسعدني ومن هالكلام اما الشي الي تسويه الزوجه اول حاجه يجي بمخ السعودي ايش وراها اكيد وراها مصلحه او وراها طلب هههههههههههه بس خلك وحده على نياتها تسوي الشي وتقول سببه وتعلق عالي سوته تلطف الجو والله اخاف تجيكي صدمه وقتها لما يحب رجلك ^_^ |
رد : ايها الرجل ..ماذا تتمنى من زوجتك ؟؟؟؟
الرجل يريد من زوجته الكمال في الجمال و الطاعه له ولاهله
والاهتمام به وببيته والاولاد بصراحه اري ان الزوجه تفعل الواجب اللي يرضي ربها وتحتسب كل تعب المهم الا تنسي نفسها فتهتم بنفسها وبدينها ووتستمتع بوقتها ولكن للاسف كثير من الرجال يعزلوا الزوجه في حيين انهم يستمتعون بكل اجتماعياتهم بكل اريحيه |
رد : ايها الرجل ..ماذا تتمنى من زوجتك ؟؟؟؟
اقتباس:
المشكله احنا عندنا لما نقول كذا .. نحس اننا قاعدين نمن بالي سويناه .. تدري اخوي ..من جد احس انه لما اسوي شي .. مااحس انه مستوعب ..احس في باله الف سؤال وسؤال .. ونظراته تلف وتدور .. اثره يحسب اني ماسويته لله .. شكرا والله يجزاك ووالديك بجنات النعيم على التوضيح .. اقتباس:
طيب وش يتمنى الرجل ..وهو جاي للبيت ..ان زوجته تسوي له ؟؟ |
رد : ايها الرجل ..ماذا تتمنى من زوجتك ؟؟؟؟
ياحلوه يالي كاتبه الموضوع اهتمي بنفسك وبأولادك
وقومي لزوجك بالي يرضي الله ويرضيه بس من غير مبالغه بالاهتمام عشان مايمل ويطفش ترى الرجال بشخصيته ملول ومافي داعي تخلين تدليل زوجك يتحول لروتين وتخربين على نفسك لاحظت على موضوعك وموضوع الأخت لونا (مكافئة الزوج) أكثير مركزين في حياتكم على أزواجكم وكثير أعجبني رد العضو الهدوء عنواني سبحان الله نفس الشي الي افكر فيه وادي ان الموضوع هذا موجهه للرجال بس دخلت لقافه وحبيت اقول رأيي وأرجو ما احد يزعل من صراحتي |
رد : ايها الرجل ..ماذا تتمنى من زوجتك ؟؟؟؟
لا وش دعوه محلك ومكانك ..
لا حبيبتي معروف لما تخلين احد بحياتك تحت المجهر ..بينحاش .. حتى الطفل لما ادلعه زياده ..تلاقينه ينحاش .. طيب انا مادللته ..وابي ادلعه .. بس وش الاشياء الي يحب الرجل الخليجي وخاصه السعودي ان زوجته تسويها له .. كيف ادلعه .. هل يحب ان زوجته تفاجئه بليله في فندق .. ولا مساج ويالله لك الحمد واللشكر .. وش احسن شي يفضله الزوج بمجتمعي .. |
رد : ايها الرجل ..ماذا تتمنى من زوجتك ؟؟؟؟
اول شي معليش ممكن استفسر عن الاسم توفي وفيصل اسامي اطفالك مو ..؟
وازيد بالنقطه شرح واحطك بالصورة كمان عشان توضحلك اكثر ,, لاجتمعنا مع متزوجين اكثر من مره بالاسبوع كل واحد يرمي تعليق عالثاني ونقوله (( الاشاره عندك حمراء )) معناها الزوجه معها الدوره :14: يعني انت حر طليق هالاسبوع مع انه اكثر شي تحتاج الزوجه للزوج بها الفتره , بس ياخذها حجه ويطلع وهي تاخذها فرصه انو ماتبي يتقزز منها ويبان منها شي مايعجبه ^^ والمغزى من هالكلام ان اغلبكم تحسس الرجل انه ملزوم بجلسة البيت والواحد يخاف على مشاعر زوجته وزعلها عشان لاجا اخر الليل عالفراش ماترده :25: وانا استغرب منك ومن اغلب البنات الي تسئل عن الي يرضي الزوج,, انا مدري شلون تفكرون والله خلق امنا حواء لادم عشان مايستوحش الجنه,, وفي حديث للرسول صلى الله عليه وسلم فيما معناه(( اعظم فتنة على امتي فتنة النساء)) والرجل بطبيعته شهواني وعيونه يمين يسار ولو كان متزوج 4 والسبب التجديد بالنظره يملي عينه الا الصابرين وباغين الاجر من الله ونستشفي من هالكلام انه انتي وغيرك والله تخلي الرجل خاتم باصبعها بس الدور هنا عالزوجه مع مرور الوقت والسنين تصيب الرجل الملل والفتور وتبدء المرأه تحس بالنقص وتدلل الزوج وتهتم اكثر وهو رايح وهو جاي تدلعه والرجل مو محتاج هالشي والله الرجل الي يحتاجه من مرته تخليه هو يحكم هو يقارن انتي سوي الشي على طبيعتك ولو تتصنعي شي قوليله السبب فيه ,, بس لاتدلليه وتدلعيه بحكم انه انا مهتمه فيك وهذا اثباتي لا لا لا ,, نصيحه لوجه الله لاتخلي الرجل يحس انه متمكن منك وانك تجري وراه هذي اكبر غلطه خليه يحس انه عنده وحده تحب الرومنسيه مثلا تحب الدلال بطبيعتها سوائن لك يابو فلان ولا لزوج غيرك يعني خلي زوجك لما يشوف كل هالدلال والدلع منك مو من اجله حسسيه انه هذا الي تسويه لاي زوج بس كيف عاد مدري انتي واسلوبك وقدرة تواصلك مع شخصية زوجك ترا انتي كذا تضربي قلب الرجل بالوتر الحساس لاوصلتي لتفكيره انه انتي امرأه تدلل اي زوج ,, مو زي لما تدلليه وتدلعيه لما تشوفي منه عدم اهتمام وتبغي منه الاهتمام وتكافحي وتعملي وتسوي وليالي رومنسيه وماني عارف ايش ترا والله ماتعني شي اذا حس الرجل بانك تجري وراه بها الشي,,, مثلا مثل الرجل لما يغرق مرته فلوس ويشتريلها اي شي وكل ماشاف منها صد او عدم اهتمام يغريها بالفلوس وطبيعي المرأه بتحس انه هالشي مصلحه وانه يبي منها شي مقابل هالمبالغ والمرأه تكرهو زياده ممكن وتقول ابغى منه عقله وتفكيره مو يسكتني بفلوس او يوصل لمبتغاه عن طريق الفلوس ولو تلاحظي بالي حولك لما تجي وحده مطفوقه يعني على نياتها يموت فيها الزوج والسبب تعمل الدلال مثل ماتعمليه انتي بس الفرق تعملها وهي سامعه بالرومنسيه والشموع وتسويها من باب الرومنسيه مو من باب اجري ورا الزج او شوفني مهتمه فيك وادلعك ,, اهم شي الاحساس الي يوصل للرجل انه الي تعمليه بتسويه معاه او مع غيره والزوجه صادقه لما تقول مايملي عين الرجل الا التراب , لانها جالسه تسوي شي وتبي توصل لمبتغى معين من ورا هالاشياء وبكذا تتحطم وتكره الزواج بكبره لما ما توصل لهالشي وبالاول والاخير والله انتي بيدك كل المفاتن وعندك الف باب وباب ,, ابدئي من باب تغيرك بنفسك لنفسك بالنيولوك بالمظهر بالمشاعر ,, بس اياني وياك تغيري شي وتصطنعي شي من اجله هو وبس بكذا توصل لمرحله انه يذلك لاسمح الله ,,, الي تقدميه لزوجك من اجله هو بالامور السطحيه مثل تنازلات تتنازلي عن نص راتبك له تتنازلي عن اختيار شي معين اختلفتو فيه اما غير كذا لا والف لا |
رد : ايها الرجل ..ماذا تتمنى من زوجتك ؟؟؟؟
اهنيك والله
وربي يوفقك شوفي ابدي معي وحده وحده وباذن الله راح ترتاخي وراح تدلعي زوجك 1- اذا زوجك تأخر عند اصاحبه وانتي تبينه لا تتصلين عليه ولا شي وتزعلينه بالكلام وطولت اللسان ارسليلي مسج حبيبي اشتقتلك وينك ومتى تجي وانا ماراح انام انتظرك :من الكلام هذا 2- اذا جاء زوجك من مكان معين اذا من العمل جهزي لك احلا حمام دش واحلا اكل من يدينك واذا من اصاحبه جهزي له احلا عصير وشي حلوو وانتي البسي احلا لبس يغريه !! 3- اذا بغيتي شي من زوجك لا تطلبينه وهوا معصب خليه لين يرتاح ويروق وقولي الي عندك وبهداوه ونصيحه اذا قال لا لا تردين عليه وتقولي ليه لا خليه شويات وقولي حبيبي ليه لا ومن هاي الكلام. 4-رجل مايرتاح الأ يكون البيت نظيف ومرتب ومعطر وغرفته كذالك وانتي وعيال كذالك . والله يوفقك ويسعدكم ويسعد اخواني المسلمين وكــــل عام وانتو بخير |
رد : ايها الرجل ..ماذا تتمنى من زوجتك ؟؟؟؟
كلام الأخ الهدوء عنواني جميل ما شاء الله
وأنصحك أنا بشيء واحد تجدين فيه الراحة ..... لا تتخلي عن شيء من هواياتك واهتماماتك من أجل زوجك لا بد يكون لك عالمك الخاص بك .... هذا مهم جدا حتى تكون هناك مساحة بين الطرفين لأن كل طرف يحتاج مساحة له كإنسان بعض النساء تعتقد إنه ممكن تمتلك الرجل كله ... عالمه وعقله ومشاعره وهذا ضرب من الخيال هو شريك لك وليس ملك كامل لا بد أن تمتلكينه كاملا |
رد : ايها الرجل ..ماذا تتمنى من زوجتك ؟؟؟؟
اقتباس:
واتنازل عن اخلاقي ..عشان زوج .. مثلا الزوجه الي دائما هاديه ماتغير من هدوئها ..عشان زوج .. يعني حبي لزوجي ..مايخليني اتخلى عن ذاتي الي تميزني عن اي شخص اخر بالوجود ..وهذا ماهو من انواع الدلال .. ومن اكثر الخصل الي يحبها الزوج .. العفويه ..والبساطه ..والصراحه .. يعني يازوجي الحبيب ..انا ادلك اصابعك ..لاني احبك ..مو عشان تشتري لي ساعه ؟؟؟؟؟ الف شكر لك اخوي على اثراء موضوعي .. نورتني الله ينور بصيرتك .. |
رد : ايها الرجل ..ماذا تتمنى من زوجتك ؟؟؟؟
[QUOTE=توفي وفيصل; طيب ..يعني لما يحس الرجل بملل بعد فتره من الزواج ..
الحل مايكون اني اتفنن بالدلال .. طيب وش الحل .. [COLOR="DarkOrange"] الله يصلحهم ويحفظهم اللهم امين ماشالله عليكي تعجبني صفة ((لماحه)) بالشخص, من سؤالك الحل بذي الفترة شي واحد لو تسويه خلاص انسي امر زوجك اعتبريه بجيبك:22: كوني صديقته خلي امور البيت والاولاد بذي الفتره قليله خليه يحس انه مع صديقته باستثناء وقت العلاقه عاد كيف تكوني صديقته هذا على حسب حياتك مع زوجك وتختلف من من شخص لشخص ومن بيئه لبيئه واختي بقولك على حاجه لاتفكري ان فترة ملل الزوج او ماد بوزه بالبيت معناته مل منك او ماصرتي حلوه بنظره وا وا وا الخ من هالافكار ,, ترا هذي بين الجميع هي مراحل نتعداها وبكل اخر مرحله يصيبنا ملل سوائن بالحياه الزوجيه او بين الاصدقاء وتتجدد مع الوقت والله ايزي الوضع مثل المد والجزر بس انظري لحياتك وحتى لو محتاجه للحب والعطف انظري لنفسك ايش يستهويك مثلا من مشاريع من افكار من صديقات اللهم يسعدك يارب ويعطيك على قد نيتك [/COLOR] |
رد : ايها الرجل ..ماذا تتمنى من زوجتك ؟؟؟؟
اقتباس:
يعني رسايل الحب .. اجهز له شاور رايق .. النظافه من الى ..... ومراعاة نفسيته ..واختيار الوقت المناسب للحوار والطلبات ..سواءًلي او للمنزل والاطفال .. |
رد : ايها الرجل ..ماذا تتمنى من زوجتك ؟؟؟؟
اقتباس:
ولا العبوديه .. لكن من التبعل ..والاحسان للاخر .. البحث عما يسعده .. ويتناسب مع شخصي انا .. ولا اقدم له مااكره انا .. لاني بهالحاله ماراح اقدمه له بطريقه تسعده .. |
رد : ايها الرجل ..ماذا تتمنى من زوجتك ؟؟؟؟
السلام عليكم ورحمة الله تعالى وبركاته
عيد سعيد للجميع وكل عام وانتم بخير اختي توفي وفيصل بالنسبة لعطاء الزوجة هذا يرتبط لعطاء الزوج !! ايش يعني ؟؟ يعني اذا الرجال يستاهل انك تكونبن متفانية معاه وطيبة وحابة ادلعينة من باب رد العطاء انا اقولك عطية كل اللي عندك من دون تردد. وإذا كان مايستاهل ف أكتفي انك تقيمي معة حقوقك الزوجية من فراش ومأكل ومشرب ونفس طيبة. طبعاً الرجال بشكل عام يحب يكون في بيت اهلة سيد!! يعني يرد من الدوام (إذا كان دوامة يكون فيه اكثر الوقت واقف مثل حظي) اتجهزين له طشت موية وتخلينة ينقع ارجولة فيه وادلكينها له مع كم كلمة حلوة وبوسة على الأيد وقولة الله يعطيك العافية !! والله انها عندنا يالرجال بالدنيا كلها. الرجال يحب ان تكون زوجتة مطيعة له !! يحب ان زوجتة اتجملة مع اهلة وربعة وناسة وترفع راسة بالذكر الطيب!! يحب يشوف إبتسامتها ورضاها علية وبحياتها معاه!! يحب ان تكون زوجتة واثقة فيه ومعتمدة علية إعتماد كلي!! يحب ان تكون زوجتة متنفسة النفسي الوحيد في الدنيا وخندق اسرارة!! إضاءة !! -لا اوافق المثل الذي يقول (كوني له اماً يكن لكِ عبداً) ف هذه ك معنى خاطئة ، بل يكن لكِ أبناً صالحاً ، ولا اعتقد بأن الزوجة الصالحة تتمنى ان يكون زوجها عبداً لها!! وإلا لما احست برجولتة. - الاخت التي تقول ان الرجل (في اوقات معينة) يحسن من تعاملة مع زوجتة ويعاملها معاملة كويسة عشان ماتردة لابغى افراشها ، ف هالشي ينوخذ منها من ورى خشمها ولابها مَنّة ولا جمالة ، والرجال اللي يسوي كذا ضعيف شخصية. كل التقدير. |
رد : ايها الرجل ..ماذا تتمنى من زوجتك ؟؟؟؟
توفيييييييييي كل عام و انتي بخيير ياعسل
ادري الموضوع للزوج .. بس ايش تسوي باللقافة :) والله ياختي عندي اقتناع انه الرجال يختلفون و برغباتهم يتنوعون و على نسوانهم يتأمرون :) :) لا بجد .. كل واحد يختلف عن الثاني بتلاقي رجال يقولك ابي اكلي جاهز و بيتي نظيف و مبخر واحد ثاني يفضلها متشيكة 24 ساعة ومايهمه البيت كثير واحد ثالث يفضلها مزوحة و كل شوية بنكته ورابع يبيها رزينة و مثقفة .. رجال تحب الرومانسية و المفاجات و الليالي الملونة ورجال (مثل بعللوتي :) ) مايعرف يسبك الدور و يقلبها ضحك وتنكيت :) فا افضل شي شوفي ابو الشباب عندك هو ايش يفضل .. ركزي معاه... خليك اسبوع كدا مراقباه مراقبة شديدة من بعيد لبعيد و ان شاء الله تستنبطي مايفيد او قومي اخترعي لك مجموعة من الاسئلة و اساليه ياه (على اساس انك تحللي شخصيته) واساليه كل اللي براسك (بس جيبيها بشكل غير مباشر) وبالنهاية صرفيه باي نتيجة خخخخخخخخخخ . بس تكون كلها مددددح و بتطلعي بمعلومات مفيييييييييييييدة... وربي يسعدك و يوفقك حبيبتي |
رد : ايها الرجل ..ماذا تتمنى من زوجتك ؟؟؟؟
الجواب باختصار عند ي حبني لك
امتع و اقنع والنقطه الاخيره من اهم النقاط لانها تعني لنا احنا الرجال بان الزوجه مهتمه |
رد : ايها الرجل ..ماذا تتمنى من زوجتك ؟؟؟؟
اقتباس:
لا بالسطور ولا بين السطور .. اسفه ..بس والله مافهمت شئ .. اقتباس:
اقتباس:
اقتباس:
اول ماخيرته ..قال ابيها كلها .. ثم تدارك ..وقال ابيها ضحوكه وقبل كل شي الدين .. واكيد بتكون معتدله بالباقي ؟؟؟ ويوفقك ويهنيك ياقلبي .. |
رد : ايها الرجل ..ماذا تتمنى من زوجتك ؟؟؟؟
مشاركة اخي الفاضل المتفائل بالله من النوع الفاخر ولا غبار عليها
مع الاخذ بنقاط الاخ ي حبني لك .. هذا من وجهة نظري .. والاخ الهدوء عنواني اثار نقطة جميله وحساسه وهي مسألة الصداقة بين الزوجين.. وهذه البيئة لا تتقنها الا الزوجه الحصيفه في هذا الزمن واعتبرها قمة الاحساس والود والتفاهم وانصياع كل طرف للثاني بالنسبة لرأي في موضوعك اخاف اسهب فتضيع الامور ولكن سأختصرها بالتالي: حافظي على حالة الاهتمام والاحترام بينكما وزيديها لو ترك الدنيا واقبل اليك وخففيها حين تشغله الدنيا قليلاً عنك والتفتي لنفسك قليلاً ولا تهمليه( انه طفل كبير) ولا تنسي التحديد في الحب.. فهو سحر من لا تعلم كيف يكون زوجها ملك لها .. نفسي اقول شي بس ترى من باب الحرص عليكن اخواتي الفاضلات: اللي مخلي من يتزوج اجنبيه ويشوف منها السعادة والهنا لدرجة انه مايفارقها هو اهتمامهن واحترامهن لقدسية الزوج والتفنن في تجديد الحب ومهارات الجذب والاغراء وهذا كلام من تزوج منهن يكاد يكون بالاجماع مع بعض الفروقات.. انا لا اريد الحياد بالموضوع عن نهجه او استثير غضب احد منكن ولكن بنت بلدي اولى بي او باخي او بابن عمي .. ومن باب النصيحة قلت ونقلت ذلك |
رد : ايها الرجل ..ماذا تتمنى من زوجتك ؟؟؟؟
مع احترامي للأخ مشكلتي ...
المسالة مؤ مسالة تجديد ممارسه لكن الغريب يحلى .. و بدليل ان الذكور يتزوج اجنبيه فترة و بعدين يطلقها او تحلى بعينه لانها ناقصة الحقوق هي للمتعة و بس ... و ما فيه مقارنة بين البيئة اللي نشأت فيها الاجنبيه و البيئة اللي نشأت فيها بنت البلد و اللي تحرم على البنت كل ما هو مباح لذكر ... تتزوج بنت طول عمرها محبوسة وان طلعت بحراسة مشددة من الاب او الاخ و ما عندها أدنى ثقة بنفسها .. فضلا عن تحريم الفضائيات عندنا و تحريم بعض المواقع عليها من وين تأخذ ثقافة الحب و ممارسته ؟؟!! قمة التناقض عندنا .. فضلا عن ان السعودي يقبل هذه الممارسات من الاجنبية و لا يقبلها من بنت بلده بل قد يعتبرها جراءة و وقاحه و ينفر منها ... ابن البلد عندنا للمعلومية اننا مغصوبين عليه لكن حكم العادات اللى تحرم علينا حتى ابن قبيلة غير قبيلتنا ؟؟؟؟ لو كان الامر بيدنا كان تركنا ابن البلد للاجنبيات و نحن تزوجنا اجانب و انبسطنا بالحرية بعيد عن عقد الرجل الشرقي .. و حسنا النسل على الاقل ... و أملنا ان لا تعيش الأجيال القادمة مأساتناا ... |
رد : ايها الرجل ..ماذا تتمنى من زوجتك ؟؟؟؟
اغلاااااااااااااااااااااق ..
بسبب التطفل وتغغير مجرى الحديث لو تكرمتو يامشرفات .. |
رد : ايها الرجل ..ماذا تتمنى من زوجتك ؟؟؟؟
يغلق
؛ ؛ |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©