|
نصيحه لكل خاطب
السلام عليكم و رحمة الله و بركاته...
و كل عام و أنتم بخير... هذي نصيحه لكل رجل يرغب في الزواج... حدد ما تريده جيدا... المواصفات اللي تبيها في زوجة المستقبل.. من مجاميعه على قولة اخوانا المصريين.. أخلاق.. جمال... دراسه.. و ظيفه... عباه راس... نقاب.. غشوه... قفازات... وزن... طول... كللللللللللللل شيييييييييييء... :29: و وقت الشوفه... لا تستحي من احد... ما عجبتك... قول "الله يرزقها باللي احسن عني و يرزقني الأحسن عنها"... لا تجامل رجاءا... و لا تقول استحيت و وافقت...:(:(:( لأني يوم يطيح الفاس في الراس... و يوم تملج عليها.. و بعدها تقرر الطلاق... ما في اي شخص راح يتضرر الا هالبنت اللي جنيت عليها انت لأنك جاملت فلان و علان.. و لأنك خفت على مشاعرها في البدايه... الرفض وقت الخطبه (و ليس عقد القران) أهون مليوووووووووووووووووون مره بعد الرفض و الطلاق بعد الملجه و قبل الدخول... :(:(:(:( و الطلاق بعد الدخول أقسى مليييييييييوووووووووووووووووون مره من الطلاق قبل الدخول... إذا هي مب اللي في بالك.. و ما تحمل المقاييس الجماليه اللي تبيها.. او ما تحمل المقاييس الدينية اللي تبيها... فلا تظلم بنت الناس معاك..و رجاء... اللي ضعيف شخصيه... يصبر لين يقدر يقول لغيره كلمة "لا.. وقفوا.. هذي حياتي"... و بعدين يخطب بنات الناس... صدق مرتفع ضغطي من المنتدى... كل كم فتره.. نشوف موضوع عن واحد ما ارتاح من بداية الشوفه و مع هذا كمل... و احد ما ارتاح و كمل لين الزواج.. و بعدين يندبون حظهم... لو البنت تملك العصمه في يدها و الطلاق في يدها... هي بعد كانت بطلق اللي ما يعجبها... بس المجتمع يقول.... البنت لالالالالالالالالالالالازم تتأقلم مع هالزوج و هالرجل... حتى لو كانت شكليا بعد سقوط الأقنعه مب هو اللي تبيه... حتى لو كانت قناعاته ما تعجبها... و السموحه... |
رد : نصيحه لكل خاطب
بصراحة ..
مابي ارفع ضغطك زيادة .. لكن ذكرتيني بموضوع قديم قريته عن شخص تزوج بنت وحس من قبل ليلة الزواج انها مغصوبة عليه ومع كذا كمل .. وتمم زواجه منها ودخل فيها بعد الزواج صارت مشكلة وطلبت البنت الطلاق ووقفو اهلها معها .. مع انهم هم الي غصبوها عليه وهو رافض يطلق يبيها تخلعه عشان ياخذ مهره .. الي صار .. الاخ منزل موضوع يسال : هل يحق لها يطلب تكاليف الزواج كاملة اضافة للمهر .. يحس انه انخدع مسكين !! |
رد : نصيحه لكل خاطب
حقيقه
قد يعجبه جمالها مثلا او تعجبه كلها ظاهريا لكن له بعض النقاط مثلا لباس اكثر احتشام او عدم التحدث لغير المحارم او........... نعم هي امور شرعية لكن الفتاه تعودت ان لباسها ساتر وكلامها مع غير المحارم لا حرج فيه فيخشى ان يقول لها هذا الكلام قبل الزاج فتتركه لذا يقول كما يقول اغلب الرجال سؤغيرها بعد الزواج وتقول هي اووووووووه رضي بي هكذا اذا سأنعم بحياتي واعيش كما انا الان فتنصدم الفتاه بعد الزواج من تغير اسلوب زوجها وفرض رأيه وقول لا يجوز وهذا حرام و.......... طبعا هو يتكلم بالدين وحتى لو كان صائبا فلن تستجيب له وان استجابت ووافقت فسيكون في قلبها (انا مظلومه فقدت حريتي ............)والكثير وقد تصل للكره الا ان كانت واعية والحل هو المصارحة منذ البداية هل ستتغيرين من اجلي ام لا ؟ ويوضح اسبابه اولا بالدين وانه لا يريد لزوجة المستقبل ان تكون هكذا موضوع رائع بوركتي عزيزتي |
رد : نصيحه لكل خاطب
جميع المواصفات الي يبيها الشخص مستحيل يلاقيها
مافيه بنت كاملة أو رجل كامل . بالنسبة لي لي تقريبا ثلاث سنوات مالقيت الزوجة المناسبة بسبب شروطي . |
رد : نصيحه لكل خاطب
اقتباس:
تسلم يمينك هوا ذا الكلام عدم الاقتناع بيفضل ممتد الى مابعد الزواج فاللي مش مقتنع او مش مقتنعه لا يجامل نفسه و يقول راح اتقبل الطرف الثاني بعد الزواج |
رد : نصيحه لكل خاطب
قال ايه شروط ..
من بيت لبيت ويبي شروط ومواصفات دقيقه .. ولا يعجبه ملكاات الجمال .. ويجي نافش ريشه .. ويشوف ذيك الي ماينطبق عليها الا 2% من مواصفاته .. ويقول خلاص ابيها .. وقتها ..تعالو شوفو الام والخوات الضعيفات..انوااااااااااااع الاحباط .. |
رد : نصيحه لكل خاطب
اقتباس:
شروط الشخص بشريك حياته تثير اهتمامي لانها تبين مستوى تفكيره .. واهليته للزواج ما احاول احكم عليك لكن مجرد فضول .. واذا ماتحب تقول فاحترم رغبتك .. |
رد : نصيحه لكل خاطب
صحححححححححححححححححح لسانك
حتى البنت المفروض ترفض بسرعه اي شخص مو حسب مواصفاتها مو تستنى الملكه بعديم ترفضه هذ غلطي من البدايه وافقت مجامله والحين الندمممم |
رد : نصيحه لكل خاطب
الزواج شراكة اذا لم يتم بناءها على رضا وقناعة طرفيها لن تنجح ابدا فالافضل عدم مجاملة الاخرين على حساب مصالحنا
|
رد : نصيحه لكل خاطب
اقتباس:
|
رد : نصيحه لكل خاطب
اقتباس:
شخصيا مريت بتجربه مشابه... أنا ما البس غشوه و واضحه بهذا الخصوص... و انا انسانه محتشمه و ما احط مكياج و لا اطلع شعري و عباتي ساده و ما فيها قصات او اي شي ثاني... المهم... المفاجأه ان الأخ بين حديثه قال انه يبيني اتغشى... طبعا قلت له اني ارفض هالشي... و قال "مب مشكله... عادي نتفق على هذا الموضوع بعدين.. باجر تصيرين ام العيال و تتغشين من نفسج"... بصراحه فاجأني بثقته في الكلام... و رديت عليه على طول.. "و إذا بعد ما صرت ام العيال رفضت اتغشى شو راح يصير؟ ندخل في صدام بسببها؟ انت شاب تبي زوجتك متغشيه لأنك ما تبي ربعك يشوفونها معاك و انا واضحه معك من البدايه و اقول لك ما راح اتغشى... فمن الأفضل نتفق على هذا الموضوع من الحين"... طبعا الله يوفقه مع غيري ان شاء الله... |
رد : نصيحه لكل خاطب
اقتباس:
بصراحه ياني فضول نفس اختي مدن السلام... شو شروطك؟؟:21: |
رد : نصيحه لكل خاطب
أشكر كل اللي ردوا على موضوعي... و يا ليت حد ينقل هالموضوع لمنتديات ثانيه علشان ما نشوف من فتره و الثانيه موضوع "ملكت او تزوجت بالغصب و ابي اطلقها"...
الحين ممكن نرجع للشروط شوية... في شروط اساسيه طبعا مستحيل الخاطب يتنازل عنها في شريك حياته و في شروط ثانويه ممكن يتنازل عنها مقابل انه يحصل وحده بالشروط الأساسيه... المشكله يوم تختلط الشروط الأساسيه بالثانويه و ما عاد يفرق بينهم و تضيع الطاسه هني و البنت هي اللي تدفع الثمن... انا ليش اقول البنت هي اللي تدفع الثمن و تتطلق؟ لأن البنت في مجتمعاتنا عادة يقنعها الأهل بشتى الطرق بالموافقه و الإستمرار بالزواج حتى لو كان ما يحمل بعض الشروط الأساسية اللي هي تبيها في شريك حياتها... و البنت هي اللي المجتمع يجبرها تتأقلم مع هذا الرجل مع كل عيوبه و يرفض انها تعلق حتى على كرشته اللي مب عاجبتها و انصدمت فيها في الليلة الأولى :25::24::29: البنت اللي ترفض الخاطب او تطالب بالطلاق بعد العقد او الزواج لأنها وجدت ان الرجل مب هو اللي تبيه يكون شريك حياتها عادة تكون شخصية أقوى من انها تستمر في زواج هي ممكن تتعب فيه... و هذي وجهة نظري.. هل تتفقون معاي ان بعض الرجال يخلطون الشروط الأساسيه مع الثانويه؟ |
رد : نصيحه لكل خاطب
:* |
رد : نصيحه لكل خاطب
أختي سيدة الموقف... فعلا وضعتي يدج على الجرح... المجتمع يجبر المرأه على الزواج بأي طريقه كانت... و اللي ما تتزوج تلاحقها نظرات الشفقه.. و ياما تقهرني هذي النظرات... و المفروض المرأه تقبل بحجة راح تحبينه بعدين و بحجة مب مشكلة بيترك التدخين على يدج و الأدهى و الأمر إذا كان ما يصلي و يردون عليج باجر الله يهديه على يدج...
و يحليلها البنت مجبوره جبر على هالزواج... بس الطامه يوم الرجل يقول انه جبروه على الزواج... لأي سبب كان... عاد هذي اللي تقهرني و بالقو بعد... |
رد : نصيحه لكل خاطب
السلام عليكم..
سيده الوقف ,, ولكل شيء حد كل عام وانتما واسركما الكريمه بالف خير عزيزاتي تعرفن بلدي المشكله ليست عند اهل الخليج فقط بل في كل مكان منذ شهر تقريبا تخرجت ابنة خالتي التي تصغرني بسنه ونصف وتقدم لها ابن عمتها تقول لي انها لا تريده ولا تحمل تجاهه اي قبول اقنعتها امها وامي واخوتها بأنكي تخرجتي ومكاا تنتظرين وابن عمتك فرصه لن تتكرر لانه رجل ذو مواصفات جيده تم عقد القران ومازالت لا تملك تجاهه اي شعور بل تقول انها تشعر بغصه كلما رأته وهى تجامله فقط زوجي قال لي لابد ان لها علاقة مع شاب او في رأسها شيء انا اعرف البنت ليست من تلك النوعيه وهمها كان دائما الدراسه والتفوق لا املك الا ان اصبرها فهو نصيبها في النهايه واسأل الله انتتغير مشاعرها تجاهه لان الاهل لن يغفرو لها خطوة رجوع للخلف |
رد : نصيحه لكل خاطب
حتى الاولاد فيه منهم من يتزوج تحت ضغط او على الاقل يذهب ليرى عروسه تحت ضغط الاهل
منهم من يقول اهى واحده والسلام ولكن بعد فتره يبدا فى ظهور التناقضات الجوهريه والاختلافات .. والحاجه الغريبه ان بعض الاهالى يصرون على استكمال الزيجه على اساس ان الطلاق او فسخ الخطبه عيب انا معك بوضع مواصفات معينه كحد ادنى ولكن يظل امر القبول بيد الله سبحانه وتعالى |
رد : نصيحه لكل خاطب
انآ مثآل بس لم اكن مجبوره
لكن اهله عشوني بختصار ششششديد .! تكلمنآ وقلنآ شروطنآ في البدايه من نواحي كثيره 1 / آهم شروطي انه مايكون عصصبي لآني جدآ حساسه وماني متعودهع الهواش والصراخ وامي قالت لامه كثيرقبل العقد قالت لها ليكون عصبي قالت لا ولدي طيب مرآ وبعد الملكة انصدمت في محادثه لنآ يقلي ليكون انتي عصبيه لآ اني انا انسان جدآ عصبي واذا عصبت انسى نفسي واي شي صوبي اكسره.,! 2 / وتكلمنا عن الجامعه قبل العقد وقال لآبوي انا وهي نتفاهم ولمآ ملكت كلمته وقلت له مستعده احول انتساب بس ابغا شهادتي مستقبلي توقعت انه بيوافق قالي وش بتستفيدي من الشهاده بتعلقينها في المطبخ ليكون عبالك بتشتغلين مافي دراسه,.! 3 / وتكلمآ ع الملآبس امي قالت لامه عندكم شروط من ناحية اللبس قالت امه لآ ماعندنآ تلبس اللي تبي وتشتري اللي تبي عادي .. وتفآجات بعد الملكة انه يقولي ما ابغاك تلبسي كذه ولآ كذه قلت له بس امك قالت عادي وشفت خواتك يلبسسون اللي يبون عادي قال انا كيفي لآ تزوجت امشي زوجتي كيفي .! هذي نقطة من بحر ,! تتوقعون وش نتيجة الغش والخدآع هو اهله خدعونآ صبرت عليه قلت بكره يزين تنعدل اموره لكن لا جدوآ اطريت ارفع خلع عليه وخلعته قبل الدخووول | يعني مطلقة قبل الملكه | وانا لسا في عمر صغير - تهقون استفدت شي لآ والله تعذبت ومضلومة وحملت لقب مالي ذنب فيه غير نضرة وكلآم المجججتمع المميت ونفسيتي اللي كل مالها في انهيار ,! لكن ما اقول غير حسبي الله وكفى .. تكفون شبابانا شروطكم تقولوهآ من البدآية قبل ماتضلمون بنات الناس معاكم .. كل شخص له عادات وتقاليد وتربيه تربى عليها صعب في يوم وليلة يغيرها وتمشي بمزاجه ,! الحمدلله على كل حال اسئل الله العوض الخير اللي ينسيني ما اصابني .. |
رد : نصيحه لكل خاطب
اقتباس:
حاليا في أسئله جديده ضفتها للمجموعه... الهدف منها اني اتعرف على تفكير هذا الرجل قبل ما اوافق و اتخيل حياتي معاه قبل ما اوافق انا او هو.. و هو طبعا يسألني اي شي يباه... البعض في البدايه يستحي و لكن يوم يشوف اني افصص.. يتجرأه هو و يبدأ يسأل... من المهم جدا ان الشخصين يسألون بعض شو نظرتهم لأمور كثيره في الحياه علشان ما تتصادم الأمور بعدين... بما أن احنا ما عندنا خطبه و عندنا بس نظره شرعيه و بعدين حبط لزق ملجه على طول فانا آخذ راحتي في النظره و أسأل اللي ابيه :d |
رد : نصيحه لكل خاطب
لا وأنا اخوك اعجبك في ذا الاشياء اسال عن كل شي زي مايسالوني بالضبط واكثر الدنيا خربت بعد 2010
صار كل شي فري وكثير من الاهالي الله يهديهم بس ليتني من زم بدايه 2000 يالله راحت علي الحمدلله على كل حال لان انت ومثلك عارف الراجحي متوعدنا بخير |
رد : نصيحه لكل خاطب
ليس كل الصفات نجدها في فتاة واحده !
لذا نضطر لتقديم بعض التنازلات بالإضافة إلى المشكلة العظمى حينما يرفض ذووها فكرة النظرة الشرعية وتكون الفتاة محبوبة لدى أهلك حينها سيرسمون لك أجمل فتيات الكون خَلْقاً وخُلُقاً وعندما يتم الزواج ؛ تأتي الطامة الكبرى |
رد : نصيحه لكل خاطب
اقتباس:
العوايل اللي تمنع ما احلها لله يبالها حد يثقفها و الشباب لازم يرفضون هالنوع من الزواج علشان ما يزعلون بعدين و يقولون غشيتونا... ترى الصور شي و الواقع شي ثاني ثاني ثاني... |
رد : نصيحه لكل خاطب
تقييمي لهذا الموضوع
تحياتي |
رد : نصيحه لكل خاطب
عجبني موضوعج هالفتره بستفيد منه إن شاء الله لكن عن تجربه ماحد يحط باله ويقول بغير وبشكل على مزاجي |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©