المشاركة الأصلية كتبت بواسطة قلب صااافي (المشاركة 2847686)

نسيت أقول لك عندهم فروع كثيرة ...

اسأل عن اللي يناسبك...

المشاركة الأصلية كتبت بواسطة رجل الرجال (المشاركة 2847691)

المشاركة الأصلية كتبت بواسطة عيوني تحكيني (المشاركة 2847699)

حيّاك الله اخوي شاااب في بريده ...

الله يحييك ويبقيك ويطول بعمرك


غريبه مالقيت بالفايزيه لأنها بصراحه شقق التأجير فيها مره كثيره ..


كان أكثر مادورت في حي المروه طريق الملك عبدالعزيز وجميعهم يرفضوا تأجير بالشهر

يريدون باليوميه وبالأخير أنتقلت للفايزيه بس ماطولت فيها لأني كنت صائم وارهقتني اللفه شوي

وطلعت لرياض بعد التعب برجع الجمعه وأدور واشوف

عالعموم.. فيه منتدى خاص لأهل بريده وماشاءالله عليهم متعاونين تقدر تطرح لهم الموضوع وراح يفيدونك بأذن الله

راح أسجل بهالمنتدى ويكفيني حسن الاخلاق من أهل المنطقه

وعلى فكره
اكثر شي راح يعجبك في بريده قلة الزحمممممممممه بشوارعهم يعني ان شاءالله توصل لدوامك. بااقل من ربع ساعه
عكس الرياض تماماً ..


ههههههه لا تخافي القصيم كلها عاجبتني لأنها معشوقتي وكثير تمنيت أني أعيش فيها والحمد لله على

قولت المثل جات على ماتمنى يامهنا وكثير زرتها وليست أول مره وإن شاء الله لن تكون أخر مره

بعكس الرياض الرياض شوارع واسعه وزحمه خانقه وبريده شوارع ضيقه وزحمه قليله

وموفق يارب في حلّك وترحالك ..

المشاركة الأصلية كتبت بواسطة فجر الاعياد (المشاركة 2847770)

ماعندي فكره ,,, الله يوفقك وييسر لك الخير أخي الكريم

المشاركة الأصلية كتبت بواسطة عيوني تحكيني (المشاركة 2847918)

حلو انك رجعت لرياض. وانا على بالي طول البارح تدور في بريده ومو لآقي حجز


لا رجعت تعبت من اللفلفه صيام وحر وتعب

سألت اخوي اليوم الصبح قال افضل شيء حي الأفق والربوه
شققهم نظيفه ومرتبه يعني بأذن الله ترتاح فيها لأن اهم شيء النظافه بصراحه في الشقق


أي أكيد أهم شيء عندي النظافه لأنه في زملاء لي بنفس بريده من الرياض ولاكن لا أريد أن أسكن

معهم بسبب التدخين لأن الصدر مايتحمل الدخان ولا أريدهم يعرفو بجيتي إلا بعد الأستأجار حتى ما

ينشبون لي أسكن معاهم

وبالنسبه للكليجا مع اني مو من اللي يفضلونها
بس في الغالب عماتي ياخذونها من محل يقال له اتوقع الجزيره بحي الصفرا ...
وفيه بحي المنتزه وحده تصلح كليجا اسمها ام صالح اذا ماخاب ضني في المنتزه الغربي...


وربي أني أدور عليها نفسها أم صالح لأني قبل فتره أخذت منها بجد غير طبيعي كليجا معمول

بس أستحيت ذكر أسمها هنا هههههههه جبتيها الله ينور عليك يارب



وعلى فكره فيه حاجه تتميز فيها بريده عندهم منتزهات حلوه بصراحه والجو عندهم بعد صلاة العشاء ولا أروع
من ضمن منتزهاتهم الحلوه منتزه الهديّه ...

أي مايحتاج القصيم تتميز بكثر المتزهات الطبيعيه والأصطناعيه الغضاء قربت أيامه وكذالك في منتزه

على الدائر الغربي بجانب نادي الفروسيه حلو مررره وكذالك بالجهه المقابله منتزه الملك عبدالله ولو أنه

لسا ماأفتتح وكثير منتزهات



اتوقع بيكون هالأنتداب من اجمل انتدابات عملك >>>>> ثقه بديرتي :)

المشاركة الأصلية كتبت بواسطة ضآيعه وربي (المشاركة 2847997)

وعليكم السلام ورحمة الله وبركاته

للاسف اخوي ماقدر افيدك ببحثك
الله يوفقك ويسهل امورك ويوفقك بعملك

لكن لفت نظري شيء واحد
الكلييييييييييييييييجا
وربي اني ودي فيها من زماااااان

خلاص الحين دام عرفت مكانها بوصي احد اذا راح يجيب لي منها

الكليجا كثير تحصليها في محلات الشعبيات بكل مكان بالمملكه ولاكن المصنوع بالبيت أفضل من المعامل

الله يخلي لك الوالده ويطول بعمرها

الله يجزاك خير يارب

شكرا حبيبتي عيوني تحكيني :*

المشاركة الأصلية كتبت بواسطة Neat man (المشاركة 2848075)

وفقك الله اخي الكريم، عاد مافيه اكثر من الشقق المفروشة في بريدة في السنوات الاخيرة، بحي الأفق قريب من الفايزية فيه شقق كثيرة وعلى نهاية طريق ابو بكر مادري عثمان من جهة الشمال فيه شقق جديدة حليوة ورخيصة 150 باليوم اسمها داركوم

المشاركة الأصلية كتبت بواسطة عيوني تحكيني (المشاركة 2848209)

اخوي شاااب لقيت لك شقه بتأجير شهري
بشقق اسمها نجديه هاوس للوحدات السكنيه بحي النهضه على نهاية طريق عثمان بن عفان شمالاً
حتى عندهم نظام غرف بس أجارها بحدود الألف والشقه أجارها بحدود الألفين

لايهم السعر بقدر مايهمني النظافه

انا كلمتهم وقالوا فيه عندنا اجار شهري وقلت لهم اللي يبغى يستأجر احتماال يجيكم نهاية الاسبوع
عشان ماتروح عليك الشقه .. بس برأيي ياخوي تاخذ غرفه اقل عليك بالتكلفه...

شكر ماقصرتي آسف تعبتك معاي

وعلى فكره ترا رقمهم موجود في النت تقدر تاخذه وتستفسر منهم اكثر ...