|
زوجي يبيني اسلفه عشان أمور الزواج
السلام عليكم اخواتي واخواني
زواجي بعد.شهرين .. وزوجي ظروفه المادية على قده .. راتبه ضئيل .. وأنا موظفة وراتبي زين .. المهم هو من قبل فتح معي موضوع إنا نسوي عزيمة بسيطة وياخذني بدون مراسم زواج زي ماهو معمول هالايام مع إن طبيعة زواجاتنا عادية ومافي تكلف .. ويقول إن هالمراسم ماهي إلا شكليات وخرابيط .. بس أنا رفضت وقلت ليش ماقلت هالكلام في الخطبة ولما الوالد شرط هالاشياء هذي عليك ليش مافاوضته وحاولت تكنسلها معه أو تكنسل الموضوع كله ماكنت مجبور .. قال مابغيت أكنسل الموضوع عشان هالامور وكان في بالي فلوس لي عند رجال ومتأمل إنه يعطيني .. المهم رجع البارح وطلب مني طلب كنت أحس إنه راح يطلبني هو بيوم .. الطلب هو : إني اسلفه50 الف وبيرجعها لي إذا قبض فلوسه من الرجال أو إذا تحسنت ظروفه .. طبعا أنا ما أقدر لاني باقي عند أهلي وحيلاحظو إن فلوسي نقصت قال أهلك مالهم دخل بفلوسك زي ما أنا مالي دخل .. بصراحة هالكلام عصبني وزعلني مرة .. عموما قعدنا نأخذ ونعطي وقالي أنا أقدر اتدين بس بيروح راتبي كله بالاقساط وبعدها تبين أعيش عالة عليك .. ونمت وأنا متضايقة مرة .. عموما اليوم جت في بالي فكرة قلت له تدين أنت وبعد مانتزوج راح أعطيك المبلغ تسد دينك وبعدين تعطيني .. مدري ياجماعة هل طلبه مني عادي ؟ وهل إذا عطيته بيفتح له المجال بعدين إنه يطلب مني كل ما أحتاج؟ وهل فكرتي الاخيرة صح ولا لا؟ ارشدوني الله يجزاكم خير |
رد : زوجي يبيني اسلفه عشان أمور الزواج
طبعاً طلبه غير عادي واحسه جرئي شوية .. أنت لست مجبرة تعطيه ولو في شكل دين
لا تفتحي باب تندمي عليه فيما بعد أرضي بالزواج البسيط ففيه البركة بدل الدخول في ديون تعكر عليكم صفوء بداية حياتكم الزوجية. وتحاشي النقاش في مثل هذه الأمور وأطلبي منه أن يرجع فيها لوالدك للتفاهم فيها معه.. |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
فكرتك الاخيره مناسبه ,,,
بس الافضل هو ياخذ من بنك التسليف يعطوه 45 الف ويقسطلهم 700 كل شهر خلال اسبوعين يستلمها 45 مناسبه وتفي بالغرض ولو احتاج منك تزيدي عليها بتزيدي علااقل بشي بسيط بس طلبه مو مناسب ببداية حياتكم بس ماتدرين الضروف تلزم الواحد |
رد : زوجي يبيني اسلفه عشان أمور الزواج
اقتباس:
والله ما أعرف وش أسوي .. أحس إني محتارة .. وخايفة من بكرة .. |
رد : زوجي يبيني اسلفه عشان أمور الزواج
البارح قالي أنا انسان شقي بحياتي وراح أشقيك معي بحظي الردي عشان كذا أنا ما أجبرك على شيء .. وبيدك الحين ياتتحملي معي وترضي بي وبشقاي أو .... وتركها نقاط حتى ماقالها .. يعني إذا شايفة نفسي ندمت على الارتباط فيه فبإمكاني أتراجع عن كل شيء وكل واحد يشوف نصيبه ..
|
رد : زوجي يبيني اسلفه عشان أمور الزواج
لا مجال للعواطف في مثل هذه الأمور.. هو مسئول عن الترتيب للزواج ومصاريفه
أصر بأن لا تفتحي باب تندمي عليه فيما بعد.. فليجأ لأهله يستلف منهم |
رد : زوجي يبيني اسلفه عشان أمور الزواج
بصراحة اسمحيلي اختي لو خطيبي يطلب مني هالطلب ارفض
ليش؟؟؟؟ لان بعض الرجال عندهم فكرة ان يزوج موظفة عشان تعطيه فلوس يعني استغلال طيب وفرضا انك عطيتيه المبلغ وش ضمنك انه يرجعه؟ لو انكر حقك وش بتسوين؟ فكري زين |
رد : زوجي يبيني اسلفه عشان أمور الزواج
اعذريني اختي
هذا من البداية ويطلب ويحاول يطلع باقل الخساير اجل اذا كت الموانة وش بيصير مرة طلبة مادخل مزاجي لا وهو في اول الطريق صراحة لا عجبني طلبة ولا فكرتك بالمساعدة اختي اذا مو جاهز ما بيقدر على الحياة الزوجية بعدين مصاريف الحياة الزوجية اكثر من تكاليف الزواج نفسة بحكم تجربتي مع الزواج وممكن في شهر عسل وبعد العسل فية متطلبات حياة من سيوفرها يعني تخيلي انك بتبداين مشروع استثماري وما عندك راس المال ولا عندك الفكرة ولا اساسيات المشروع كيف سيبدا المشروع وكيف سينتهي طالما انة غير قادر فهذا يعني انه غير مؤهل لهذا الزواج تقبلي تحياتي |
رد : زوجي يبيني اسلفه عشان أمور الزواج
اقتباس:
كيف أتعامل معه ؟ |
رد : زوجي يبيني اسلفه عشان أمور الزواج
اقتباس:
لية نغامر علشان نعدل اشخاص نفسيا وماديا يعني تصومين تصومين وتفطرين على بصل تحياتي |
رد : زوجي يبيني اسلفه عشان أمور الزواج
اختي اي اتفاق بينك وبينه حول هذا الموضوع سيعلق على باب البيت
فان ساعدتية الان فسيطالبك الى مالا نهاية وستظطرين للدفع مدى الحياة لتحافظي على بيتك او اقولي لة تدين ايضا سيعلقها على الباب وسيعلق اي نقص في حقوقك بانك انتي من رسم هذا الحال من البداية اي انك في ورطة من جميع الاتجاهات فكيف لة ان يتجرا على هذا الطلب {ريي ان تقولي لة هذا زواج وليس بلعبة نتسلى بها ايام اذا لم تكن جاهز للزواج فيمكن الصبر حتى تجهز انت لست بجاهز والزواج يحتاج رجل جاهز له فان طلب مدة طويلة ( فماعندة سالفة ) تقبلي تحياتي |
رد : زوجي يبيني اسلفه عشان أمور الزواج
اقتباس:
كلامه هذا مايطمن شوفي اذا انت تبغي تتزوجي والسلام براحتك كملي طريقك البنت اذا بغت تتزوج تتزوج عشان تنبسط تروح وتجي تسافر عشان كذا قلت كلامه مايطمن صحيح انك موظفه بس انت في النهايه مرتبطه بزوج ماتقدري تروحي وتسافري الا معه او تشتري اللي نفسك فيه لانه حسب كلامه المكتوب ان نفسيته سيئه وبتعيشي معاه حياه فيها ضيق مادي. تخيلي مستقبلكم بعدين اذا جا اطفال وتزايدت المستلزمات. اعرف ان اغلب اللي يتزوجو متزوجين بديون واقساط ومصيرها بتخلص بس انا اتكلم عن النفسيه اللي بتعيشي فيها اذا كان عمرك صغير فكري بالموضوع واستخيري |
رد : زوجي يبيني اسلفه عشان أمور الزواج
خساااارة كتبت رد طويل و طااار
لكن الخلاصة هي .. عقلك براسك تعرفي خلاصك .. الموضوع ما يحتاج رأي ،، شاوري احد إخوانك و شوفي رده زوجك استغلالي درجة اولى مضبط وضعه تمام و يعرف كيف يستغل عواطف الأنثى ليسلب ما يريد .. اقول بما انك صارفه صارفه أيش رأيك تصرفي على واحد عزابي افضل من المتزوج ترى فيه عزاب رجال فعلا لكن ضيق ذات اليد حارمتهم .. |
رد : زوجي يبيني اسلفه عشان أمور الزواج
اقتباس:
بالنسبة للعمر أنا أكبر من الثلاثين وأعتقد فرص زواجي صارت ضعيفة إلا من رجل متزوج .. ومو هذا الشيء إللي يجبرني أكمل معه أبد بس أنا أحطه في الحسبان |
رد : زوجي يبيني اسلفه عشان أمور الزواج
استخري و استشيري اختي
ما عندي الا اني ادعيلك ربي يفرجها عليكي و يوفقك |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
اقتباس:
المشكله انه ممكن يتعود على الطلب وهذا شي خطير مره ثانيه اقلك فكري واستخيري. بعدين فيه اطفال ومستلزمات ومصاريف اكيد ماراح تشليها لحالك اعرف انو مصير الديون بتخلص لكن متى الله اعلم انا اكلمك من تجربة اخوي متزوج وراتبه يبقى منه شي قليل صحيح عايش ومرتاح وزوجته متفهمه لكن يبقى في نفسه شي من الضيق |
رد : زوجي يبيني اسلفه عشان أمور الزواج
لا تعطينه ريال واحد ولو تكنسل الزواج بكبره؛ لأنه بيصر عليك طول العمر تصرفين على نفسك وعليه وعلى عيالك بعد !!!
وزين لو ما دخل أهله من باب الإحسان . أنا أأيد رأي الأخ بانوراما....قوليله نأجل الزواج لين تقدر على المصاريف....وشوفي وش وراه ووش وضعه الشخصيات هذي ينخاااااف منها استغلالية جدا . |
رد : زوجي يبيني اسلفه عشان أمور الزواج
الله يلهمج الرشاد حبيبتي وييسر لج الخير
من رأيي تقولين له انج متنازله عن الحفلة الكبيرة..فهذا أسلم لج وخليه يكلم أبوج في هالموضوع..الرجال يمكن فعلا مايقدر على حفل كبير وفوق طاقته تنازلي عن الحفل..أحسن من الدين |
رد : زوجي يبيني اسلفه عشان أمور الزواج
اقتباس:
وأنا مو عارفه وش السواة .. محتارة وخايفة .. ومو عارفة كيف أتصرف .. |
رد : زوجي يبيني اسلفه عشان أمور الزواج
الله يكون بعونج..حبيبتي
اختي انتي متأكدة ان الوالد قد يكنسل الزواج..! خليه يكلمه يوضح له إنه مديوووون وماقدر يسدد الدين طيب الدين اللي طالبه كم بالإمية من قيمة المهر..! |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
هو يبي منج 50 ألف..صح
ومهرج 45 ألف..اذا مو غلطانه ترا ما أعرف بريال..بس فهميني هو طالب منج أكثر من المهر اللي جابه ولا أنا غلطانه..! |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
ياعمري..هو طالب أكثر من المهر
والله لو انج اختي بقولج لاتعطينه..وبنصحج وفقا لقناعتي فقط أعرف وحدة ملكت قريب وطلب زوجها جزء صغير من المهر اللي جابه وعطته بكل صدر رحب ولكن انتِ زوجج طلب مو بس المهر..أكثر بعد حبيبتي خبريه ان ابوج ولي أمرج..واذا عنده شي يتفاهم معاهـ وانتِ اطلعي منها..قولي له هالكلمتين وبس انتبهي توافقين تعطينه..وخلج قوية وجريئة أكثر منه |
رد : زوجي يبيني اسلفه عشان أمور الزواج
اختي ان كان والدك ذو حكمه فاخبريه بالامر فورا
الموضوع ابدا غير قابل للاستفتاء |
رد : زوجي يبيني اسلفه عشان أمور الزواج
شوفي هذا الحل
اعطي الفلوس لـ ابوك وهو يعطيه على اساس انها من عنده اذا عرف انها من والدك راح يجتهد في ترجيعها |
رد : زوجي يبيني اسلفه عشان أمور الزواج
اقتباس:
ياجماعة الخير أنا مافكرت في الفلوس ولاهمتني .. وأنا كنت ناوية أساعده أدفع أجار القاعة وأجيب غرفة النوم والمطبخ .. بس الشيء إللي ضايقني إنه تجرأ وطلب مني الفلوس وحنا بأول حياتنا.. صرت أخاف يكون إنسان استغلالي .. وأتعب في حياتي معه .. هذا إللي متعبني ومضايقني .. |
رد : زوجي يبيني اسلفه عشان أمور الزواج
يا اختي الغالية..
واضح تحبينه وماتبينه يزعل طيب اقتراحج حلو ومناسب..قولي له ان الفلوس بعد ما كفت وتسلفتي من أمج وخليه يوقع لج انه أخذ المبلغ..وتوثيق الايصال من المحكمـــة يحمي حقوقج ومافيه اي احراج أبدا لج بالعكس راح يشوف انج مو سهله..وذكية الله يوفقج ويبارك لكم |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
اقتباس:
للاسف وضعك بين المطرقه والسنديان عموما ارى الحل انك تتنازلي عن حفل الزواج الكبير وترضي بالعشاء البسيط .. باب التسليف بالمبالغ الكبيره هذي لن ينتهي اذا فتحتي هذا الباب لن يقفل ابدا اقترح عليك ان تكرري عليه انك تفكرين بترك الوظيفه والجلوس بالبيت للاهتام به وبالبيت والاطفال مستقبلا ،، فقط قولي ذلك حتى يعرف انه ممكن باي يوم من الايام مارح يكون لك دخل فيشيل فكرة الاعتماد عليك.. |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
اختي هو فعلا غلط لما طلب منك هالطلب بس لاتخسرين زوجك عشان فلوس*
عندك حلين ياترضين بزواج بسيط بدون تكاليف او تأجلين الزواج وانتي قلتيها ان زوجك ع قده يعني لاتكلفين عليه مو لازم حفله بقاعه تقدرين تسوين حفل زواجك باستراحه فيه ناس كثير يسوونها ويعزمون كل اصحابهم ويحتفلون باقل التكاليف* الله يفرج همك وهم زوجك وييسر اموركم ويسخركم لبعض يارب ياكريم |
رد : زوجي يبيني اسلفه عشان أمور الزواج
اقتباس:
|
رد : زوجي يبيني اسلفه عشان أمور الزواج
نصيحة لاتسلفيه لانه سوف يتعود
لذالك ضعي هالامور لها حدها من البداية وسوف ترتاحي يقدر يتسلف من البنك بعض الازواج هداهم الله اذا تسلف من زوجته لايرجعه لذالك نصيحه حاولي تدورن عذر كانك تقولين ليس عندي هالمبلغ |
رد : زوجي يبيني اسلفه عشان أمور الزواج
اقتباس:
اذا عرف السبب بطل العجب مالذي يجعلك تبذلين بدلا عنه !!!وهذا حقك كباقي المصونات!! هل انتي مطلقه وام لابناء ولابد من التنازلات والتضحبة من اجلهم؟كبيرة في السن وفرصك في الزواج مستحيله؟؟؟؟<<<تفسير لما تفعلين وليس تبري تاكدي انك تستحقين ان تحظي كالاخريات لا تقبلي باقل الفرص كزوجه لانك ستقبلين بها طوال حياتك..هناك امور تتعدى ليلة الزواج وتحتاج لرجل لا يتحدث الا لما تتهيب له المراه لا ان يشتكي بالشقاء ويساوم بعلاقتكما في ان يخيرك بالبقاء او.......!!!!!!!!! الامر يحتاج لتدخل رجل حكيم وحذق ذو خبره من اسرتك |
رد : زوجي يبيني اسلفه عشان أمور الزواج
اقتباس:
أرجع وأكرر أنا ماتهمني المادة كل إللي يهمني خوفي إن زوجي يعتمد علي فيما بعد وأخاف لو سلفته ألحين يتعود على هالشيء .. والخوف الأكبر إنه مأخذني عن طمع فيني .. |
رد : زوجي يبيني اسلفه عشان أمور الزواج
الله ييسر أمورك يآ اختي
الأعضآء كتبوا حلول منـآسبة شو نويتي عليه؟ |
رد : زوجي يبيني اسلفه عشان أمور الزواج
اقتباس:
روح المشاركة تكون بيدان تتعاونان بالتصفيق , فما تفعلينه ترينه جميلا كروحك الجميلة ولكنه جوهرا غير صائب....... قلتي لا تهمني الماده ..اتعلمين ما يعني هذا؟! انك انسانه ذات سمو و جملك الله بعطاء مطلق حتى عند الحرمان لانك ترين العطاء( وسيلة لا غاية) وليطمئن خوفك الاصغر والاكبر تصرفي بصورة عقلانيه... تعلمين جيدا مايتوجب فعله |
| الساعة الآن 08:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©