|
تكفووون أشيروووا علي ذبحني الهم ...
مساء الخير..
اخواني و اخواتي بالله حابه استشيركم بموضوع مرررره مهم بالنسبه لي و لعل الله يسخرني لرأي احد منكم و يشرح صدري له .. انا حامل بنص الخامس و ساكنه مع ام زوجي بالبيت يعني سكني مو مستقل و مسئووليه البيت كلها علي .. و دوامي طويل من 9 الصباح الى 5 بالليل . . و حاليا عند اهلي من شهر لاني كارهه البيت و غرفتي لو رجعت هناك بس صياح و ضيقه تخنقني عانيت من اكتئاب الحمل ربي لا يوريه لاحد و وصلت اني طلبت الطلاق من زوجي مع انه طيب و حبوب بس شي مهو بيدي .. ولدي دراسته تمهيدي تبدأ يوم السبت و انا مسجلته بمدرسه عند بيتي .. الحين مو عارفه وش اسوي هل ارجع للبيت و ادرس ولدي من هناك و شغاله البيت بتروح و البيت كبير يبي له شغل و ولدي يبي له رعايه لو رجع من المدرسه و دوامي طويل ارجع سته المغرب مرررره مهدود حيلي من الدوام .. غير ان نفسيتي مرررررره تعبااانه و ماني طايقه البيت .. غير تعب الحمل .. وبيتنا بما ان ام زوجي فيه دايم ضيوووف و كررف .. او اجلس عند اهلي و ادرس ولدي عندهم الى حد الولاده تقريبا 5 شهور وبعدين ارجع لاني مرتاحه نفسيا هنا و جسديا شايلين عني كثييير ... انا قلت لزوجي وقال لي اذا تبين تجلسين عند اهلك ماعندي مانع .. مرررره محتااااره ما اقدر ارجع للبيت و خايفه لو جلست عند اهلي ان ام زوجي تزعل و تاخذ ع خاطرها و حاسه بالذنب اتركها لحالها علما ان بناتها يجونها دايم و عندها بنت بنتها هي مربيتها بالابتدائي .. و ما اقدر اخذ اجازه لاني قطاع خاص .. ولا اقدر اترك الدوام لاني مررره بحاجته .. و الخدامات بالايجار لقيتهم ب 2500 و امكانياتي ما تسمح اجيبهم دلوني الله يعافيكم. وش اسوي وهل انا مذنبه بحق ام زوجي لو جلست عند اهلي الى الولاده .. اختكم بالله |
رد : تكفووون أشيروووا علي ذبحني الهم ...
مشكلتك الاساسية دوامك طويل جداً وأكيد سيؤثر على حياتك بشكل عام أعانك الله
ومن وجهة نظري ... ساعات عمل طويلة حامل زوجك راضي بذهابك لأهلك ... إذهبي لأهلك و الويك إند تواجدي في بيتك و خلال الأسبوع زوري والدة زوجك ... و أحرصي على تعويض غيابك عن المنزل ... بهدية لأم زوجك و زوجك ... مع أن توضحي لوالدة زوجك ... بأن عملك طويل و متعب و أنه لولا صعوبة الحياة و رغبتك إعانة زوجك لما استمريتي بالعمل .. و أن الحمل أصبح متعب و مرهق و الراحة مطلوبة و فترة و تعدي ... سؤال ما هو مؤهلك ؟ |
رد : تكفووون أشيروووا علي ذبحني الهم ...
اقتباس:
ربي يسعدك اخوي ع الرد مؤهلي جامعيه والحمدلله انا مابي اترك زوجي كل هالمده مع ان دوامه مرات كثيره يتعارض مع دوامي انا ارجع هو يداوم و العكس .. بس الظروف ضدي الان حملي متعبني جسديا ونفسيا اكثر شي .. لكن مو قادره ارجع للبيت و اهلي ضاغطين علي من هالناحيه ومايبوني اترك زوجي وامه. وتأنيب الضمير ماكلني .. لكن هالشي مهو بيدي .. مع العلم ان ام زوجي من النوع الحاااار جدا و غيابي كل هالفتره عن البيت راح يضايقها و لا ودي ادخل بمشاكل معها .. هي قالت لي اتركي دوامك بس هالشي مستحيييل ظروف زوجي صعبه جدا و لا يقدر لحاله ع مصروف البيت و مصروفي و مصروف ولدي واللي فبطني هل انا مذنبه لو تركتها كل هالمده؟؟ |
رد : تكفووون أشيروووا علي ذبحني الهم ...
طيب قدمي إجازة من العمل لمدة شهر شهرين حسب رصيد إجازاتك ... و إن لم يكن لديكي رصيد .. قدمي إجازة بدون راتب ...
و الأهم قدمي على جدارة أو الديوان ولو طلعت لك وظيفة حكومية تدريس مثلاً او إدارية بتكون أريح لأنه بصراحة القطاع الخاص ماله أمان و مرهق جداً فقد عانيت منه طويلاً و يعتمد على نوع العمل فمثلا البنوك و شركات التأمين تستهلك الجهد و تقضي عليه ... و بما أنك إمرأة لستي معنية بإرهاق نفسك لأجل زيادة في الراتب عن لو كنتي في قطاع حكومي فأنتي بوظيفتك بنهاية الأمر تبقين مساعدة و معينة فقط لاغير و لستي مسؤلة بشكل كامل ... يجب أن تقدمي و تبحثي عن الوظيفة الحكومية بشكل عاجل ... |
رد : تكفووون أشيروووا علي ذبحني الهم ...
ماشاء الله أقدر فيك اهتمامك بأم زوجك ..
لكن حتى في الأمور العبادية البحتة (( لا يكلف الله نفسا إلا وسعها )) يعني يكلفك الله ما تطيقين وما لا تطيقين لا يكلفك الله به .. يعني إنت تعبانة جسديا ونفسيا وكلها 4 شهور بإذن الله ومنتهي هالتعب على خير وسلامة ... تقدرين كل عطلة نهاية إسبوع تقضينه عند أهل زوجك من باب ما يتعود زوجك على عدم وجودك في حياتك / ما ينترك بيتك ويهمل / علاقة ابنك بجدته وأبوه / رعايتك لأم زوجك هالفترة يوضح لها أنها مهمة عندك ... طبعا وتبينين لها الظروف الي تمرين بها لكن ما توضحينها كإستئذان لا ... توضحينها من نوع بيان الحال .. لأن الأصل أن رعاية أم زوجك وخدمتها من باب الفضل وليس الواجب.. :: إضاءة : لا تتركين زوجك من التواصل بالرسائل والاهتمام لأن الرجل ما ينترك هالمدة الطويلة بلحاله :: سهل الله حملك وأعانك .. |
رد : تكفووون أشيروووا علي ذبحني الهم ...
اقتباس:
قدمت ع الحكومه بس انا حديثه التخرج و مشوار الانتظار قدامي طوويل مع اني موقنه ان الارزاق بيد الله و وظيفتي هذه متعبه لكن الحمدلله سادتني الاجازه مالي حق فيها لاني ما كملت سنه من دوامي و مشكلتي للان اني بين نارين اني اشتري راحتي واجلس عند اهلي بس خوفي ان ام زوجي تتضايق و تزعل وحاسه بالذنب اتجاهها. او اني ارجع للبيت و ارضيها بس معاناتي من اكتئاب الحمل خصوصا اني كارهه بيتي باللي فيه ولا طايقه اجلس فيه لحظه وهالشي مو بيدي وفوق طاقتي .. |
رد : تكفووون أشيروووا علي ذبحني الهم ...
اقتباس:
اهم ما عليك صحتك حبيبتي المهم زوجك يكون موافق وبالنسبة لطفلك ما عنده مشكلة هوبالتمهيدي ان شاء الله لما تولدي بالسلامة تنقلي لمدرسته بسالك سؤال الشغالة ليش بتترك الشغل وضعك صعب الله يعينك دوام طويل وحمل وتعب بشغل البيت اسال الله ان ييسر امورك ويهون عليك يا رب |
رد : تكفووون أشيروووا علي ذبحني الهم ...
الله يسهل امورك ويكتب لك الخير
|
رد : تكفووون أشيروووا علي ذبحني الهم ...
حبيبتي فوفو .. مبارك الحمل بداية .. وربي يتمم أمرك على خير .. روحي بيت زوجك بالويكند ما ضروري طول الأسبوع موجودة هناك .. لي عودة أخرى إن شاء الله .. |
رد : تكفووون أشيروووا علي ذبحني الهم ...
اقتباس:
ودي اقول لها هالكلام بس مشكلتي انحرج منها ولا ابي ازعلها و هي تشوف ان واجب علي رعايتها وانا اذا اقدر ما اقصر .. و زوجي الحمدلله طيب و متفهم وراضي ويبي اللي فيه راحتي .. لكن احساسي بالذنب و التقصير ماكلني |
رد : تكفووون أشيروووا علي ذبحني الهم ...
اقتباس:
الشغاله صار لها اربع سنوات و الحين خلاص بترجع لاهلها ما راحت لهم ابدا .. و استقدام الشغالات عندنا صعب شوي يعني ما راح تجيني قبل خمس شهور. الله يعين |
رد : تكفووون أشيروووا علي ذبحني الهم ...
اقتباس:
|
رد : تكفووون أشيروووا علي ذبحني الهم ...
اقتباس:
ربي يبارك بعمرك وعقبالك ان شاء الله ياعمري انا البيت مو طايقه ادخله ابدددا نفسيا مدري ليه ولا اقدر اروح بالويك اند بتقول لي ام زوجي دام جلستي يومين اقعدي الباقي .. زوجي مابقصر معاه بالاوف بيجي. بس احساس التقصير ذابحني. والذنب اني بتركها كل هالوقت وبترك البيت .. |
رد : تكفووون أشيروووا علي ذبحني الهم ...
من وجهه نظري ...
راحتك الجسديه والنفسيه أهم شيء .. ودام زوجكـ ماعنده مانع فما المانع عزيزتي.. الله لايكلف نفسا فوق طاقتها .. حتى باامور الدين مافيه مشقه جعل الله له أحكام ورخص فمابالك بااموركـ الخاصه .. وبصراحه ومن كل قلبي اهنئك على اهتمامك باام زوجك مشاءالله تبارك الرحمن وصدقيني ان ربي سيرزقك باذن الله على هذه النيه وتأنيب الضمير ... أسال الله ان يسهل عليك وييسر أمورك ويرزقك الوظيفه المريحه والمستقره.. |
رد : تكفووون أشيروووا علي ذبحني الهم ...
اقتباس:
ربي يسعدك و يجزاك خيررر ربي اشرح لي صدري ويسر لي امري |
رد : تكفووون أشيروووا علي ذبحني الهم ...
تقولين : {{ إحساسي بالذنب ... }}
مادام هالشعور عندك يعني حتى إذا جلستي ببيت أهلك بتاكلين في نفسك .. شعور الإنسان بهذا ( التقصير والذنب) في غير موضعه يولد له (( تعبا نفسيا )) هو في غنى عنه ! عندما نزن مبادئنا بالميزان الصحيح ونعلم حقوقنا وحقوق غيرنا ننعم بنفسية مستقرة ومتوازنة .. لا بد تشبعين نفسك بـأفكار كهذه : * أنا ما قصرت على خالتي ولو أقدر مابقصر عنها أبد .. * أنا أحب نفسي وطفلي يجب علي أنا أعتني بنفسي فأنا أستحق ذلك .. * عنما أضغط على نفسي لا بد بتتولد عني أشياء سلبية يا في تعاملي مع الآخرين أو بيرجع على صحتي.. أو بيقل عطائي لمن أحب ..وهذا ما لا أريده .. كل هالأفكار روحي وتعالي عليها بتلقين نفسك تتجهن للجلوس ببيت أهلك وإنت راضية عن نفسك .. موفقة .. |
رد : تكفووون أشيروووا علي ذبحني الهم ...
اقتباس:
الله يجزاك الف خيييير اختي شيهانه كلامك صحيح و ريحني كثيييير احساسي بالذنب لاني مابعدت ولامره كل هالفتره عن البيت ولاني ماتعودت اسوي شي وخالتي مو راضيه عنه. ولان اهلي مو عاجبهم اني اترك البيت واللي فيه كل هالفتره .. حاسه بضغط علي كبير ومن كل جهه .. تسلمين حبيبتي وباذن الله بسوي اللي قلتي عليه و يارب يشرح لي صدري للي فيه الخير لي وللي حولس |
رد : تكفووون أشيروووا علي ذبحني الهم ...
اللهم اشرح لي صدري ... و يسر لي أمري
|
رد : تكفووون أشيروووا علي ذبحني الهم ...
اليوم لازم اخذ قراري خلاص .. بليييز ساعدوني
|
| الساعة الآن 10:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©