|
احس بالم مستمر
السلاام عليكم ورحمة الله
موعارفه كيف ابداء ولكن موضوعي يخص مشاكل اختي من وقت تزوجت قوهي بمشاكل لا تنتهي وكل سنه وهي عند اهلي وكل مره ترجع واهلي مو راضيين لانهم يبغون يريحونها من زوجها بس هي تتمسك فيه عشان اطفالها عندها اثنين اخر مره كان عندهم مشاكل قبل سنه ووصل الموضوع للمحاكم لانه علقها سنتين وقبل الجلسه رجعها اهلي قالو لها انتي خرجتي دون رضانا المره الجايه لو رجعتي انسي اننا نستقبل عيالك الحين رجعت مشاكلهم وكل يوم ماسك عقد الزواج ويقول بروح اطلقك المشكله انها حامل الحمدلله على كل حال واهلي مايدرون لانها ماتبغاهم يدرون الا اذا رجعت لهم تقول ابغي عيالي وهو يقول خذي عيالك وروحي بس اهلي مايبغونهم لان ابوي خلاص عمره بالستين المفروض بعمره هذا يرتاح مايرجع يربي ويروح مجلس اباء ويروح مستوصفات وتطعيمات واخواني واحد بيتزوج اكيد رح نكون اخر اهتمامه والكبير عنده عيال ويعمر بيت ومو فاضي ابدا في نقطه اخوي ساكن مع اهلي واختي اذا رجعت عند اهلي يصير مشاااااكل لانهاية لها بسبب الاطفال ومارح يسكن بيته قبل سنه مو عارفه ايش الحل قلت لها ترجيه قولي رح اتغير خليني مع عيالي رح اسوي اللي تبغاه بس ماتوقع انها قالت كلمه من اللي قلته لها لانها بس تساله وفلوسي سبق وسلفته ذهبها فهو كان يقول رح ارجعهم لك بس الحين يقول مالك شي خايفه علي امي من الصدمه لو رجعت لهم هذي المره وهي حامل بعد خايفه علي ابوي يتنكد خاطره ويحزن عليها وعلى عيالها ولو قبلهم عنده احزن عليه من التعب والحمل اللي بيكون عليه ولو رفضهم اكيييد رح يحزن قلبها هي وبيحزنون معاها مو عارفه اكمل احس افكاري مو مرتبه لاني لي فتره افكر احس انشغلت بمشاكلها عن حياتي انا وعن زوجي وعن عيالي زوجي يقول لاعاد اختك تشتكي لك ولاتعلمك شي لاني عشان مشاكلها تجيني ايام مانام وبس ابكي حزن على امي وعيالها مو عارفه وش الصح اخبر امي عن الوضع اللي هي عايشه فيه على اساس اخفف من الصدمه لو صار وطلقها والا اسكت ااااه قدايش الوضع صعب |
رد : احس بالم مستمر
وضع اختك صعب و محزن و الاصعب استسلامها لزوجها و الرجوع له بعد الخلافات عليها ان تخبر اسرتكم بوضعها الحالي و جميع القرارات التي توصلت لها اما استقرارها في بيت الاسرة امر لابد منه و على الجميع التاقلم معه
فرج الله همها و كربها |
رد : احس بالم مستمر
يمكن تشوفون لهجتي قاسيه في حقها واكثر رحمه علي اهلي فيها
ولكن اخر مره تزاعلت مع زوجها الكل وقف معاها ومع عيالها راح ابوي له يترجاه يجيب العيال فسكر الباب في وجهه وطرده مارحم شيباته وابوي وكل محامي وجاب الاولاد بالمحكمه ورفع قضية طلاق ونفقه وكل قضيه بتعاب وفي ليلة واحده كلمها اليوم الثاني رجعت معاه بدون رضي ابوي لما كان ابوي بيغصبها ماترجع معاه قالت والله ادعي عليكم لانكم بتحرمونيمن عيالي مع ان عيالها كان بحضانتها هي حتي تتزوج لو تطلقت مو عارفه فيني حزن وحقد عليها انها ماسمعت الكلام كيف موقف اهلي كيف بيكون موقف ابوي يمكن انا تفكيري غلط يمكن اكون قاسيه بس انتم نوروني |
رد : احس بالم مستمر
الله يهدييها هي وزوجها ويصلح احوالهم
واضح انها بتحبه ومتمسكه فيه لأنه رجعتله بكلمتين حلوين منه بعد كل الشقى والعذاب وبدون رضى اهلها والان حااامل والمصيبة هو زوجها اللي ما يقدر زوجته ولا يرفق فيها وحتى وهي حامل وبس يهدد ليل نها بطلقك لأنه عرف ان هذي نقطة ضعفها والدليل انها رجعتله بعد كل اللي صار بدون شروط او رضى اهلها هيك رجال ما بيستحقها وداعس كرامتها بالارض اذا بدها تساوي متل المرة الماضية ويعلقها سنتين ويرجعها بكلمتين وبدون رضى اهلها بلاها اما اذا كانت خلاص ما بدها ترجعله مرة تانية طلقوها منه وشرط لا رجعة فيه الطلاق مو لعبة كل يوم تهديد اهم شي بحياة المرأة انها تحس بالامااان واذا ما لقت الامان ببيت زوجها وهو ماسك عقد الزواج ويهدد كيف فيها تحترمه وتقدره وتخطط لمستقبلها معه |
رد : احس بالم مستمر
وش سبب الخلافات اللي بينهم ؟
يمكن تنحل بسهوله بس يبغى لها شوية صبر من اختك |
رد : احس بالم مستمر
بالفعل ايش طبيعة الخلافات ...يمكن تتعالح المشكله ولايخرب بيتها ....
|
رد : احس بالم مستمر
اه يا قلبي مسكينه ربي الطف بحال أختك يارب
|
رد : احس بالم مستمر
اكتبي مشكلتها كاملة علشان نساعدك
|
رد : احس بالم مستمر
اقتباس:
مفتاح الموضوع تقبلي تحياتي |
رد : احس بالم مستمر
حزنت ع اختك حرام عليك ايش هالكلام , ع الاقل حطي نفسك مكانها
اعذريني لكن فلسفتك كثيره ووسلبييه يعني من الحين تتكلمين عن وضع ابوك مستقبلا شدعوه ! و بالعقل يعني لو زوجها طلقها وبن تروح يعني حلوه ذي بدال ما توقفين معها كاتبه هالكلام اللي ماله معنى بعدين امك و ابوك اكيد ماراح يتخلون عنها حاولي تصححين لها وضعها شوي وتوقفين معها وقفه حقانيه واذا تطلقت هذا فضاء وقدر ولا :) |
رد : احس بالم مستمر
اذا ضرها زوجها هي حره لانها هي اللي رجعت وماله داعي تدخلين نفسك
والله انك غرريبه ، |
رد : احس بالم مستمر
كيف ماوقفت معاها وقفت معاها ثم وقفت معاها ثم وقفت معاها وادعي لها اكثر مما ادعي لنفسي ولزوجي ولكن بالفعل زعلانه على ابوي لانها كسرت كلامه ورجعت لزوجها والحين يمكن الله لايقدر ترجع لها بطفلين وحمل وش ذنب ابوي يوصل مستشفيات ويوقف في ممر الولاده كم ساعه للاسف اللي ماتحس باهلها وامها وابوها ماعندها قلب ومارح احد بالدنيا يحس فيها
انا موسلبيه بس ملينا مشاكلهم مليييييينا ادري انها مو ذنبها وانها مسكينه وتوجع القلب وعسى ربي يسهل امرها بس غصب عني مليت وحاسه وضعها متازم من بعد رجعت له بشهرين رجعت مشاكلهم مو عارفه الغلط فين والله العضيم مو عارفه فين الغلط لاني انصحها بس هو حقووووود اسبابه كل يوم يقول 1تغيري تغيري تغيري وهي ماتدري فايش تتغير 2 مديووووون وفلوسه قليله مايقدر يتنفس من كثر ديونه 3 ماينااام معاها بالخمس شهور 4 باقي يتذكر كل المشاكل اللي صارت من سنيييين مع انه هو رجعها مااحد ضربه على يه بس لازم يتذذكر اهلك اشتكوني ابوك سبني في المحكمه انتي قلتي عني باقي يتذكر قافل على نفسه طول اليوم بغرفه لحاله ومقابل النت هذي هي الاسباب احنا كنا نقوووول تطلقي تطلقي تطلقي وفكك منه لانها يمكن راحت لاهلي زعلانه ثلاث مرات وكل مره بكلمتين ترجع له بس يوم رجعت له هذي المره وحقد عليها ابوي وزعل منها ولارضي يكلمها كم شهر والناس مرررره انبسطو انها رجعت وحملت منه قلنا خلاص هذا نصيبك تحمليه والله الذي لا اله الاهو اني معاها روحي راضيه سوي له قهوه جهزي ملابسه ترا هي افضل مني بها الاشياء بس اوقات تكون زعلانه منه وتتصل علي تشكي منه فارجع اقول طنشي وماعليك ولايبان عليك انك زعلانه وروحي سوي حلا وقدميه له يعني حاولت قد ماتقدر بس الخيره فيما اختاره الله انا ما اقول انها غلطانه واتشمت فيها والله اني زعلانه زعلاااااانه لانها لو مارجعت له كانت الحين بتكون موظفه راتبها 6 الاف لانها يوم رجعت له تركت وضيفتها لو مارجعت له كان اكتفت بطفلين لو مارجعت له مارح يتكلمو الناس من جديد الكل كان متعاطف معاها بس الحين حتى احنا مو قادرين نحس بشي غير الزعل |
| الساعة الآن 12:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©