منتدى عالم الأسرة والمجتمع - محتاار مرره ..(المستجدات بالرد 14)

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - محتاار مرره ..(المستجدات بالرد 14) (http://www.66n.com/forums/showthread.php?t=239556)

I adore you

15-09-2012 10:06 AM

محتاار مرره ..(المستجدات بالرد 14)

السلام عليكم ..

انا شاب عمري 19 سنه ..

ربي وفقني والان ادرس تخصص بكالوريوس طب طوارىء ( اخصائي طوارىء ) << احب انصح كل شخص يحب المجال الصحي ويبي وظيفه مضمووونه وراتب ممتاز ان يدخل هذا التخصص لان التخصص نادر جدا وفي المملكه يوجد فقط 100 اخصائي والعدد المطلوب 60 الف اخصائي (على حسب كلام عميد جامعة الملك سعود ) ..

قدر الله علي وحبيت بنت خالتي :30: وهي عمرها الان 16 سنه .. وسبب حبي لها بغض النظر عن شكلها .. فهي بنت متعوده على الشغل من يوم هي صغيره والى الان وشخصيتها عاجبتني وفوق كذا البنت ماهي راعية مكالمات شباب ومن هالكلام ..

انا ودي اخطبها وبعد ما اتخرج ( بعد 3 سنين ) اتزوجها بس حلم اكمال الدراسه يوقف في طريقي .. لاني ناوي اكمل بعد البكالوريوس ..

بالنسبه لمشاعر البنت تجاهي فحصل لي اكثر من موقف معها .. جعلني اعتقد (ان شاء الله) انها مهتمه بي ..

1/ مرات تسوي لي عشاء خاص اذا ما عجبني العشاء حق باقي الرجال ..

2/ وانا كنت مره من المرات اغسل وجهي (وقتها ما كانت تتغطى عني) كانت تقول الشغاله تقول انك حلوو هههههه :18: بس المشكله ان الشغاله مالها كم يوم جايه وما تنطق حرف عربي واحد ههههه وفهمت ان البنت قاعده تلف وتدور :30:

3/ مره كنت اكلم اخوها ع المسن (بالمايك) وسمعت صوتها وقاعده تقول لاخوها "شوف فلان (تقصدني انا) ماشاء الله فاهم كل شيء في الكمبيوتر :23: ههههههههه

هذي المواقف اللي اتذكرها حاليا ..

هو بس سؤال واحد ..

- وش اسوي ؟؟؟

حلم تائة

15-09-2012 11:25 AM

رد : محتاار مرره ..

عادي اخطبها اذا انت متاكد من دينة وخلقة وعقليتها وممكن تتزوجها وانت تدرس اذا مكافئتك تفتح بيت وومكن تتملكون وتصصصبر لين تتخرج

حلم آلآيآم

15-09-2012 02:14 PM

رد : محتاار مرره ..

تقدم لهاإ قبل لا تطيير منك :)
لو بس مجرد خطبه بدون عقد

.. الله يسهل اموورك

حوراء الحسين

15-09-2012 02:44 PM

رد : محتاار مرره ..

وش تسسوي

كلم الوالد والوالدة ..

وكيييران الليله عندهم ..:)

والله يبارك

ايمان_2011

15-09-2012 02:54 PM

رد : محتاار مرره ..

خير البر عاجله عمرك 19 لكن ما شاء الله الله يكملك بعقلك و يكتبلك الخير

abo marym

15-09-2012 07:00 PM

رد : محتاار مرره ..

اخى العزيز

لا توجد مشكلة بعون الله

تقدم لها وتزوجها ان شاء الله
بعد نهاية الدراسة - ثلاث سنوات

واكمل الدراسة وهى
معك ان شاء الله وربما
هى تدرس معك

توكل على الله لان من
هن مثلها ينخطفوا خطف

تحرك يا بطل قبل
لا تندم لا قدر الله

طبعاً لا تنسى استخارة
الله عز وجل

I adore you

15-09-2012 07:08 PM

رد : محتاار مرره ..

اقتباس:

المشاركة الأصلية كتبت بواسطة abo marym (المشاركة 2855601)

انا متخوف من ان اهل البنت يقولون ان البنت صغيره على اتخاذ قرار الموافقه او الرفض ..

JAN VALJAN

15-09-2012 07:55 PM

رد : محتاار مرره ..

شاور امك ثم ابوك واذا ما عندهم مانع اتكل على الله لا تطير من يديك. بس لو خطبتها لا تتكلمون كثير بالتلفون لأن مدة الخطبه طويله وممكن تحصل مشاكل من كثر المكالمات. ولا تسوي فيها سبع البرمبه وتمنعها تسوي اي شي وهي ما بعد صارت على ذمتك. خلك الحظن الدافي لها ولو واجهت مشاكل تشكيلك, لا تزيد همها هم. حاول تخفف عنها حتى لو انت شفت انها هي الغلطانه لكن بعد ما تهديها وبعد يوم او يومين اسألها اسأله بسيطه هي تحس من خلالها انها كانت غلطانه. انا مريت بتجربه مشابهه واكلمك من واقع خبره.

JAN VALJAN

15-09-2012 07:57 PM

رد : محتاار مرره ..

بالنسبه لاهل البنت ماهي مشكله لو حاولتو تقنعونهم ان الموضوع خطبه ماهو زواج ولا عقد.

I adore you

15-09-2012 08:00 PM

رد : محتاار مرره ..

ابشركم كلمت امي .. وقالت لي : خلها السنه الجايه اخطبها لك ، بس والله يا شباب اني خاييف جدا من ان يجي احد ويخطبها قبلي .. هذي البنت كنز وممكن تضيع مني بكل سهوله ..

بس المشكله الكبيره ان الوالد ما يداني ابوها .. لاسباب خاصه .. هل هذا يعني ان الوالد ما راح يوافق ..؟؟

JAN VALJAN

15-09-2012 09:01 PM

رد : محتاار مرره ..

انت اقنع امك وهي تقنع ابوك بسياسه وهدؤ. ولو رفض ابوك, نصيحه مني لا تفكر تعصي امره لأنك راح تندم طول عمرك

سما~	15-09-2012 10:02 PM

رد : محتاار مرره ..

ماعليك امك راح تتكفل با ابوك بس وصها تقنعه في حاله انه رفض

رجل حليم

15-09-2012 11:47 PM

رد : محتاار مرره ..

تخطبها طبعا

I adore you

30-09-2012 09:27 PM

(مستجدات جديده) محتاار مرره ..

السلام عليكم ..

ربما بعضكم يذكر المشكله التي طرحتها عن حبي لابنة خالتي ..

وهذا رابط الموضوع : http://www.66n.com/forums/showthread.php?t=239556

استجد في الموضوع شيء كبييير جدا .. خلاني ما استوعب شيء هههههههههه

اللي صار هو اني كلمت اختي وبعد لف ودوراان مني قلت اني احب ابنة خالتي ..

المهم جات هذيك الصرخه المدوييه :14: وقالت : ما شاء الله حب متبادل

انا ما استوعبت شيء فقلت : وش ؟؟؟؟؟؟؟؟؟؟؟ قالت : البنت لها تقريبا 3 سنوات تحبك ودايم تقولي لمحي له او قولي له اني احبببه .. و اهلها يدرون انها تحبني

انا اخذت تقريبا يومين ما صدقتها ابدا ههههههه كل يوم اقولها انت من جدك ههههههههه

المهم .. التساؤلات :

1 - هل اقول لامي ان بنت خالتي تحبني ؟؟

2 - هل اخطبها الحين ولا اخليها السنه الجايه مثل ما قالت امي (قبل ما تدري ان البنت تحبني ) ؟؟

3 - هل اقول لاختي تقول لبنت خالتي اني ايضا احبها ؟؟

سما~	30-09-2012 10:05 PM

رد : (مستجدات جديده) محتاار مرره ..

حلو مـآشاء الله
مبروك مقدمــآ منك المـآل ومنها العيآل ^_^
رقم وآحد مآ أيدك تقول عشان تمنع اي شك او سوء ظن
رقم 2 أمـك اعرف بمصلحتـك خليك مع شورهــآ
رقم 3 أيوة خليهـآ توصل لهـآ الخبر وإنك ناوي فعلا تخطبها علشآن ماتطير مع خاطب ثاني ^_^"
الله يوفقك ووييسر امـوركم على خير يارب

mshihne

30-09-2012 10:21 PM

رد : (مستجدات جديده) محتاار مرره ..

يلا توكل على الله ولا تؤجل اخطب واعقد وعيش حياتك بس قبل كل دة استخير ............أسأل الله ان يوفقك وييسر لك امرك

I adore you

01-10-2012 12:20 PM

رد : (مستجدات جديده) محتاار مرره ..

^ ^ ^
ارائكم على العين والراس وننتظر اراء بقية الاعضاء

om abdlah

01-10-2012 03:31 PM

رد : محتاار مرره ..(المستجدات بالرد 14)

تم دمج الموضوعين لأرتباط المحتوى

فاكهة الشتاء

01-10-2012 05:00 PM

رد : محتاار مرره ..(المستجدات بالرد 14)

ايه والله يااا سلام حب متبااادل
الله يهنيكم يا خوي ويحفظكم من العين

والله مافيها شور
كلم أمك وقلها أحججزوها لي

أحلى زواج زواج الحب اللي مثل حبكم
كله شوق شوق شوق

بس ها بعد ما تخلص الموضوع شد حيلك بالدراسة
مانبي تنشغل بالخطيبة

I adore you

01-10-2012 06:11 PM

رد : محتاار مرره ..(المستجدات بالرد 14)

اقتباس:

المشاركة الأصلية كتبت بواسطة فاكهة الشتاء (المشاركة 2861083)

طيب هل اقول لامي ان البنت تحبني ؟؟

فاكهة الشتاء

01-10-2012 06:44 PM

رد : محتاار مرره ..(المستجدات بالرد 14)

لا لا تقولها
ماشوف لها داعي
أخاف أمك تكون من النوع التقليدي وتعتبرها عيب في البنت
بس قولي كيف أمك وخالتك ؟
أمورهم ضابطة مع بعض ؟

I adore you

01-10-2012 07:39 PM

رد : محتاار مرره ..(المستجدات بالرد 14)

اقتباس:

المشاركة الأصلية كتبت بواسطة فاكهة الشتاء (المشاركة 2861129)

ما اقولك ضابطه بس هههههه الا ما يصبرون على بعض اسبوع واحد بس

لازم كل 4 ايام يزورون بعض هههههه .. وعلاقتي بخالتي اكثر اكثر من ممتازه

فاكهة الشتاء

01-10-2012 07:46 PM

رد : محتاار مرره ..(المستجدات بالرد 14)

حلووو
توكل على الله وخبّر الوالدة
قبلها استخير واطلب من الله التوفيق

مااحد فهمني

01-10-2012 08:58 PM

رد : محتاار مرره ..(المستجدات بالرد 14)

الف الف مبرووووووووك
ربيي يوفقك

I adore you

01-10-2012 09:50 PM

رد : محتاار مرره ..(المستجدات بالرد 14)

للاسف كلمت امي ولكنها مصره على انها تخطبها لي السنه الجايه ..

فاكهة الشتاء

02-10-2012 12:22 AM

رد : محتاار مرره ..(المستجدات بالرد 14)

حلو ليش زعلان:)
بعدين
قول للوالدة بس لمحي لخالتي علشان
تحط في بالها اني أبغاها

I adore you

02-10-2012 01:05 PM

رد : محتاار مرره ..(المستجدات بالرد 14)

اقتباس:

المشاركة الأصلية كتبت بواسطة فاكهة الشتاء (المشاركة 2861226)

حلو ليش زعلان:)
بعدين
قول للوالدة بس لمحي لخالتي علشان
تحط في بالها اني أبغاها

الوالده مصره ما تقول اي شيء ..

انا ناوي اخذ رقم البنت من جوال اختي وادق عليها ..

Bushra~

03-10-2012 08:09 AM

رد : محتاار مرره ..(المستجدات بالرد 14)

اقتباس:

المشاركة الأصلية كتبت بواسطة I adore you (المشاركة 2861336)

الوالده مصره ما تقول اي شيء ..

انا ناوي اخذ رقم البنت من جوال اختي وادق عليها ..

ايّاك والوقوع ف الخطأ والحرام ..
خل الأمور تمشي طبيعية السنة الياية لا تستعيل
الأيام بتمر وبتشوف عمرك وصلت السنة الياية وخطبت وكلمتها بالحلال

تريّت ياأخي ...

فاكهة الشتاء

04-10-2012 07:55 AM

رد : محتاار مرره ..(المستجدات بالرد 14)

خل اختك تقولها انك تبيها
افضل من انك تتصل عليها وممكن تصرفك يخرب كلللل شي
لان حتمالية ان الاهل يعرفون كبيرة
وساعتها ماينفع الندم

الزهرة الجميله

07-10-2012 07:10 AM

رد : محتاار مرره ..(المستجدات بالرد 14)

انا كمان رآي مثل البقيه
خلي اختك توصل لها الكلام وهي البنت بتحط ببآلها انو انت تبيها
او اذا امك مره رآفضه حتى تلمح لخالتك خلي التلميح من اختك بشكل عفوي وخالتك اكيد بتحس وبتحسب حساب انو ممكن انت تبغاها
والله يووووووفقكم ويسسعدكم يآآآرب ..

الساعة الآن 04:39 PM.