|
زوجي تغير بعد ولادتي
مساء الخير
انا متزوجه وعندي ثلاثه اطفال في حملي اصريت على زوجي اني اولد في مستشفى اهلي لان ولادتي الثانيه ولدت في حكومي وكانت المنطقه عندي متوسعه طبعا مو كثير بس خفت مع الولاده الثالثه تتوسع اكثر وصارحته وكان يقول انتي تبغين تولدين في اهلي عشان الناس حلفت له وشرحت له السبب وقلت له انو الحكوميه مايهتمون في الخياطه وانا ما ابي اخرب حياتنا خاصه انو احنا منسجمين المهم اني رضخت لكلامه وولدت في مستشفى حكومي وفعلا الي كنت خايفه منه صار حسيت في النفاس ان تغيرت فكرت اسوي خياطه تجميليه بس قلت لا مو هو الي يبغاني اولد في حكومي خليه يتحمل ويصدق كلامي المهم زوجي بعد ولادتي سافر للدراسه شهر وبعد مارجع كان مشتاق لي كثير وقلت له خذ لنا فندق نغير جو لانو من زمان ماسافرنا ولا شي قال طيب وبعدين بحكم انو كنا في رمضان قال وش رايك نخليها في العيد قلت اوكي رجعت مع زوجي للبي وبعد اول علاقه حسيت بتغير وضاق صدري وهو كان يجامل اعرف زوجي مستحيل يصارحني مابي يضايقني ثاني علاقه يكون متحمس وفجأه ماعاد يقدر وثالث علاقه صار نفس الشيء فجأه ما عاد يقدر انا تضايقت قلت يمكن لاني تغيرت صار يجاملني ومايقدر وسالفه الفندق ماعاد جاب طاريها ولما ا قلت له قال انشغلت بعدين جلس اسبوع ماصار شي بعدين جتني الدوره وبعدين البس اكشخ مافي اي تعبير لا مدح لا كلمه حلوه رغم انه اذا شاف علي لبس جديد لازم يمدحني حسيته بعيد عني لا لمسه لاكلمه حلوه وبارد معي هو عنده مشاكل في الشغل وعنده دراسه ماستر قلت يمكن من النفسيه وخليته على راحته جتنى سفره لمده اسبوع فرحت قلت يمكن تتغير نفسيته ونرجع مثل اول قلت له اجل خلنا ناخذ فندق ونعوض لانو ماقدرنا ناخذ فندق قبل قال نشوف فاجتني وهو يحجز الفندق يقول ابغى غرفه وصاله قلت وشلون غرفه وصاله قال تنامين انتي والاولاد في الغرفه وانا انام في الصاله قلت ليه المرمطه خذ غرفتين مو دايم ناخذ غرفتين وش تغير الحين وترا كل الفرق ميه وخمسين ماتسوا سافرنا وقلت يمكن غير رايه وفعلا اخذ غرفه وصاله بعد ماتمشينا وسولفنا عادي رجعنا للفندق ودخلت العيال للحمام يتحممون وجلست عنده قال طلعي العيال من الحمام ونوميهم وانا كمان ابغى انام حسيته يقولي صرفي نفسك وروحي نامي رحت نمت انا والعيال وهو في الصاله عن الايباد والجوال لاسوالف لا مزح لا كلمه حلوه بس يبي يجلس لحاله صارحته وقلت وش فيك مو متحمل مني كلمه كل ما تكلمت رديت رد مو حلو هذا وانا ما اسولف معاك وطول الوقت نايم لحالك حتى من طلعت من النفاس بكمل شهرين مانمت في الغرفه الا ثلاث مرات وبعدين صرت تنام في الصاله لحالك وتتعذر انو البيبي الجديد يزعجك طيب الحين خليته عند اهلي المفروض تكون فرصه نتقرب من بعض مو تخليني انام مع العيال وتنام لحالك فيك شي عندك مشاكل فضفض لي صارحني انا زوجتك قال والله مافي شي انا جايبكم تنبسطون قلت وشلون انبسط وانت بعيد عني بصراحه مشكله اذا فعلا ماعندك اي سبب اكيد ماعاد تحبني او فيني شي عشان كذا متغير ولا اعترف وقال لا تصيرين حساسه رجعنا للبيت وقلت له خلاص نوم في الصاله مافيه اشوفك تعودت على انك تكون بعيد عني نام في الغرفه لاني تكلمت وقال عشان ما تزعل بس الوضع نفسه ماتغير مره اقول يمكن خلاص ماعاد يبغاني يمكن تقرف مني لانه دخل معي وقت الولاده وشاف كل شي بس ماكان كذا بعد اول علاقه كان مشتاق صرت اشك في نفسي واقول وش ذنبي لانه هو السبب انا قلت له ابي مستشفى اهلي عشان ما اخرب بس هو شكوك تدور في راسي وماني عارفه هل السبب هو انو يمكن تغيرت او ان له علاقه مع احد مو زوجي الي اعرفه يجلس عني شهر وانا توني طالعه من النفاس في شهرين ثلاث مرات بس على الاقل احس انه معاي مو بعيد عني انا ما همني الجنس مو تفهموني غلط انا مستغربه من تصرفاته لانه مو كذا من جد تعبت نفسيتي وتنكدت في السفره ابي اعرف ليه هو كذا طنشت وقلت بكيفه خلني اشغل نفسي مع عيالي بس ماقدرت كل ماشفته بعيد عني اتضايق خاصه اني حساسه ورومانسيه واحبه |
رد : زوجي تغير بعد ولادتي
الله يفرج همك يارب حاسه فيك وماحبيت مارد بس ماعندي حل
|
رد : زوجي تغير بعد ولادتي
سبحان الله ماالداعي لدخول الرجل وقت الولادة كثيرات مثلك يصرون على دخول أزواجهم غرفة الولادة بزعم أن يشعر بمدى الام زوجته ثم النتيجة هي أن يجفو الزوج زوجته بعد الولادة لانه لم يستطع نسيان ذلك المنظر. .لست وحدك كثيرات مثلك حصل لهم نفس ردة الفعل فلا تستغربي. .وليس لك إلا الصبر حتى يزول المنظر من ذاكرته هذا إذا افترضنا أنه هو السبب ولم يكن سبب آخر سبب هذه الجفوة.
|
رد : زوجي تغير بعد ولادتي
انتي ري يهديك مولازم كل شئ يعرفوه الرجال ...واكبر غلط اوك خليته يدخل وقت ولادتك ... وبالفعل يزكن عشانك تغيرتي عشان كذا يبعد حاواي تشوفي لها حل ولو كل يوم تعملي تمارين كيجل مره كويسه وحاولؤ ترضعي ولدك او بنتك كثير لانها هي السبب بعدالله في عودى الرحم لطبيعتو ... المهم حاولي تبعدي عنه ولاتضغطي عليه يمكن سبحان الله يرجع الوضع مثل أول وأحسن ...الله يسخرلك فيه ولايحرمك منه
|
رد : زوجي تغير بعد ولادتي
اسمحلي اختي مشكلتك حلها مو هنا روحي راجعي دكتورة نساء ولادة شاطرة واشرحيلها مشكلتك وان شاء الله تنحل المشكلة ,موكل مشكلة تنكتب هذي مشكلة خاااصة جداا وحلها عند دكتورة متخصصة مو عندنا..
|
رد : زوجي تغير بعد ولادتي
ياختي زوجي دخل معاي بولاداتي الثنتين اللهم لك الحمد
وماتغير علينا شي اللهم لك الحمد ونفس الشي صديقاتي كلهم ازواجهم دخلو و منهم من بكا و منهم من اغمى عليه :) ومافيهم الا العافية المهم انه ماشاف تحت .. اما جلوسه عند الراس مافيها شي وكل شي مغطى .. مسالة ان كنتي السبب او مش السبب راح تعرفيها لحالك تذكري اول علاقة كانت بينكم بعد الولادة طالما و انه كمل وكل شي كان تمام .. معناه انك مالك دخل والا كان من نصها بينسحب ثانيا لو كان السبب تغيرك بعد الولاده.. وانتو بينكم اصلا عشرة و بينكم تفاهم و صراحة كان جاء لعندك مشتاق متعمد ايام الدورة و طلب منك تريحيه بشكل ثاني (فاهمتيني طبعا) لكن كونه اصلا ما ابدا اي رغغغغغبة لا من بعيد و لا من قريب هذه هي الغريبة !! تغيرك ممكن ينفره من العلاقة معك لكن المفروض انه مايشيل منه الغريزة قد يكون فعلا مضغوط من العمل و الدراسة و في شي شاغله واضيفي فشله في العلاقتين الي بعد زود عليه الضغظ وانتي بمجرد تزينك و مطالبتك بالعلاقة بتزودي الضغظ عليه اضعاااااف برايي حبيبتي .. الفترة الجاية اهتمممممي بتمارين كيجل.. لها مفعول السحر كل يوم سويها على قد ماتقدري لا تطلبي منه اي شي و لا تلمحي له بالعلاقة خلييييييك عادية بالعكس بيني له انك تعبانة مع البيبي والموضوع مو في بالك واشتغلي عالاغراء الخفي .. الي يجملك بعييينه و بنفس الوقت مايبين انك عارضة نفسك فاهمتيني :) .. اصبري اسبوعين و لا 3 وشوفي اذا في نتيجة ولا لا ؟؟ والحمدلله على سلامتك و ربي يحمي لك اطفالك يارب |
رد : زوجي تغير بعد ولادتي
الله يسعدك يانوره كنت متضايقه ويوم شفت ردك ضحكت وانشرح خا طري
|
رد : زوجي تغير بعد ولادتي
ربي يفرج حبيبتي و يبعد عنك كل هم و يبدل حزنك لفرح
ياربي دوم الضحكة |
رد : زوجي تغير بعد ولادتي
سؤال : تلاحظين جلوسه على الجوال أو الاب او الايباد أكثر من قبل؟
تلاحظين عليه تصرفات غريبة يعني متلخبط ؟ يغيب عن البيت كثير ؟ |
رد : زوجي تغير بعد ولادتي
وقال لا تصيرين حساسه
قالها لك زوجك لاتكوني حساسة .. الامر لايتعلق بك أي ليس الامر سببه تغيير بك أو ماشابه .. وبكل الاحوال الموضوع ليس من مدة طويلة كي تقلقي كثيرا .. أي لاداعي لكل هذا القلق والتوتر وكثرة التفكير .. من قال لك أن العلاقة الزوجية الخاصة لاتمر بمطبات وتغييرات !!!؟؟ لاتمشي الحياة على وتيرة واااحدة قد ينتابها أحيانا شيئ من الفتور والخمول .. تظاهري أنك لم تنتبهي لتغييره .. وكما قالت لك الأخت نورة لاتضغطي عليه حتى بطريقة لباسك .. ولاتظهري التخوّف والتوجس أمامه .. وتوقفي عن توجيه الاسئلة إليه حول أسباب تغييره .. أي اتركي الموضوع فترة .. والجأي للدعاء أن يسخر الله لك زوجك وتحرّي أوقات الإجابة واخرجي الصدقات ولو الشيئ اليسير.. ربي يختار لك الخير. |
رد : زوجي تغير بعد ولادتي
ملاحظة : إن كان هناك تغيير بك لاسمح الله بعد الولادة فكوني على يقين أنه سيقولها لك بطريقة أو بأخرى .. لايسكت الزوج عن هذا الامر قد يجامل في كثير من الامور إلا في هذا الشأن !!
وإن كنت تفتقدي وجوده قربك عاطفيا اذا لاداعي لأن تشعريه أن الامر يتعلق بالعلاقة الحميمية فقط !! بإمكانك مثلا أن تتركي أطفالك بعد أن تطمئني عليهم عند أهلك مثلا وتخرجا معا للعشاء في مطعم ما أو حتى الجلوس في كافيه لاحتساء فنجان كابتشينو أو مجرد السير معا في حديقة أو ماشابه فتتحدثا وتضحكا وتمزحا ..ودون أن تفتحي أي موضوع عن علاقتكما الخاصة أي اشعريه أنك صديقته وزوجته وأنك تستمتعي بوقتك معه بأي شكل كان .. |
رد : زوجي تغير بعد ولادتي
مشكله الحريم اذا صاااار فيها عيييييييب او حست بهالشي راحت تقووووول لزوووجهااااا مثلا ترا بطني صاير كبيررر ومترهل ابي ادخل نادي
تنبهينه علي شي هو غااافل عنه يمكن وراح يعلق بذهنه ويركز عليه بعد ما كان متغاافل عنه حطيتي بباله انك خلاص انك متغيره وما تشبعينه لو انك ساكته ورحتي بعد الولاده بشهر و عملتي خياطه واقنعتي زوجك انك لسا ما طهرتي وحطيتي اي سبب عشان يبعد عنك شهررر لحد ما تلتام الخياطه . |
رد : زوجي تغير بعد ولادتي
جيت برد عليك خاص ماقدرت
بس ماعليش بكتبه هنا ولاتزعلين حبيبتي لاتزعلين اتوقع ان حل مشكلتك عند دكتوره انا ماعرف وش اقولك غير ان طاح وجهي وحومر وصوفر وش هالحتسي كان قلتي مشكلتك بطريقه ثاني انتي ادق التفاصيل كاتبتها اتمنى ان الله يفرج لك همك بس ترا انتي لا تغيرتي ولا شي انتي توهمتي شي لين صدقتيه ليش مافكرتي ممكن عدم نظافه ممكن فيه شي ثاني ينفره منك او يمكن هو فيه مشكله ترا الرجال بعد يصير عنده مشاكل تناسليه شيلي هالوهم من راسك وزوري دكتوره اذا حبيتي تتاكدين وعمليات التضويق هذي وهم بعد ماطلعت الا السنين الاخيره لعب على الحريم تطلع من ولاده تروح تولد مره ثاني بخياط وين اول ماكان فيه هالاشياء وكل الحريم ماشيه امورهم تمام لاتزعلين مني بس غصب خذتني الغيره عليك مابيك تقولين ذا الكلام بمنتدى فيه رجال مادري احسه عيب لو ان المشكله اسريه عاديه كان عادي بس المشكله تحت ونسائيه اكثر من انها رجاليه تعرفين منتدى عالم حوا هذاك منتدى كله حريم اكتبي مشكلتك هذي فيه |
رد : زوجي تغير بعد ولادتي
عزيزتى...
حل المشكلة واضح... سوي خياطة تجميليه مافيها شي اذا قدرتى تسويها من غير ما يعرف كان بها... بس اذا كان لازم يعلرف حسسيه انك بتسويها عشان نفسك لانهم ماخاطوك زين بعد الولادة وانك مو مرتاحة يعنى ما تحسسيه انك مسويتها عشانه...ومافي داعي تجلسي تتناقشي معاه وتبرري تفاصيل عن المنطقة الحساسة هذي امور خاصة فيك انتى والخياطة بتسويها عشان نفسك اولا... صديقتى مثل حالتك... بعد طفلها الثالث سوت الخياطة اثناء الولادة والحين زوجها لازق فيها 24 ساعه. الله يوفقك |
رد : زوجي تغير بعد ولادتي
معلومة مهمة العملية التضييق تنعمل بعد ما تكوني اكتفيتي بالاولاد يعني لا ترجعي تحملي مرة ثانية بعد ما عملتيها واذا صار حمل اولدي قيصري احسن
|
رد : زوجي تغير بعد ولادتي
أحاسيس أنثى و الله شكلج فعلاً حساسة يعني إسم على مسمى هههه
حبيبتي إهدي شوي و مثل ما قالوا الخوات روحي سوي العملية مو عشان شي بس لأنج مو مرتاحة من الخياطة الأخير بس و ما فيه داعي لتضخيم الموضوع في راس ريلج اقتباس:
الله يهنيكم و يسعدكم نصيحة لا تعطين الموضوع أكبر من حجمه و تعيشين نفسج في أوهام و تعاسة ما لها داعي . |
رد : زوجي تغير بعد ولادتي
اقتباس:
والله صح ... اصلا الرجال احيانا عادي يتحمل العيب ذا بس الي يضايقه ان زوجتـه مو متقبله نفسها ومو واثقه من نفسها وتفكير ان زوجهـا بجد زي روحهــأ وتقدر تقوله كل شيء وتوريه كل شيء تنسى انه بالنهايه رجال مايتحمل يشوف او يحس بكثير اشياء زي الخياطه والحمل وهالاشياء وزياده عن هالشيء مهما كان الرجال تراه يقرف من هالامور ويتضايق وماينساهـأ اتذكرررررررر صار معايا قصصصصه في يوم فتحت البريد ولقيت عملية الولاده القيصريه تصوير كامممل فيديو!! وطبعا عناد ولقافه وحب استطلاع وشفت المقطع .. والله يا جماعه اني ثلاث ايام مآ اكل ولا انام !! وصرت اروح كل شوي ابوس راس امي واتقولي وتسالني : فيك شيء؟ وانا اسألها يا امي يا حبيبتي كيف جيت انا ع الدنيا ؟؟؟ وهي صارت تطالعني تقول هالولد ايش فيه يااااااربي !! وبالاخير قلت لها ترا شفت فيديو ولاده قيصريه وجلست تضحك وانتشر الخبر بالعائله المباركه بجد ماحد يتقبل يشوف هالمناظر وهالاشياء وغالبا الرجال يبغى حرمته جميله ومتجهزه له وبس اما تقوله فيني كذا وصار فيني كذا وباروح اخيط مدري ايش .. اكيد راح يطنشش وانا اول واحد |
رد : زوجي تغير بعد ولادتي
يغلق للاكتفاء بالردود
؛؛؛ |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©