|
وش رايكم
--------------------------------------------------------------------------------
مرحبا انا بنت عمري 25 سنه مو متزوجه مضايقة حييل نفسياتي زي الزفت انا قبل فترة تقدم لي واحد يخطبني وعملنا نظرة شرعيه حسيت انه عجبته لانه كان يمدح فيني مرة لاني انا ولله الحمد جميله ومتعلمه ومتدينه قال انه راح يتصل الساعه 11 ويقولنا رايه بعدها لا اتصلو ولا شي خلاص انا قلت خيره لاني كنت مصليه صلاة الاستخاره والحين قبل اسبوع سمعت انه خطب قلت الله يسهله لكن لما عرفت من الخاطبه زعلت راح خطب بنت عمي والله لي اسبوع النفسيات سيئه والزواج ماادري كيف اروحه واسوني قلولي اي شي لو كنتي مكاني وش سويتي جزاكم الله خيرا |
رد : وش رايكم
القسم الأنسب
|
رد : وش رايكم
خيره باذن الله انها خيره
|
رد : وش رايكم
عسى ان تكرهوا شيئاً وهو خيراً لكم
لاتشغلي بالك فيه وحاولي تنسين الموضوع ولاتفكرين فيه عشان مايعظم في نفسك |
رد : وش رايكم
انت صليت صلاة استخاره والحمد الله يمكن ربي دافعا عنك بلا انت ماتدرين عنه وش يدريك يمكن ماتكونين سعيده معه ترى الخيره فيما ختاره الله والله لوان ربي كاتبه لك مافيه شي بيرد المكتوب لكن مهوب من نصيبك وان شالله بيجيك نصيب احسن منه الف مره بس ادعي ربك ان الله يوفق بنت عمك ويسعدها وانسيه اشطبيه من ذاكرتك كلها شوفه شرعيه يعني ياكثر اللي شافوا ولا اتفقوا او ماارتاحوا لاهو عن جمال ولا غيره نصيب الانسان واللي ربي كاتبه له. تراك منتيب كبيره وبيجيك الخير ان شالله والله يرزقك انشالله بالزوج الحنون الغني التقي والله يسعدك
|
رد : وش رايكم
حياكِ الله أختي قمر ..
الحمدلله على كل حال .. إنه أمر لم يقدره الله سبحانه وتعالى ولم يكتبه أن تتزوجي منه .. فلا تسخطي من قدر الله ولاتعترضي .. ارضي بما قسم الله لكِ وقولي ( الحمدلله على كل حال ) .. الرضا بقدر الله سبيل لسعادتكِ ومسح الحزن عن خاطركِ .. تفائلي خيرا ..ولا تستسلمي للحزن . وفقكِ الله ورزقكِ الزوج الصالح الناصح . |
رد : وش رايكم
ياحبيبتي انتي خلي هالقاعده ببالك دائما .. (لن يأخذني الا من يستحقني ) ..
ولما راح عنك هذا يعني انه مايستحقك .. لاتحزنين ياقلبي هذي ردة فعل منك اتجاه هالموضوع وبتعدي ان شالله .. وربي بيعوضك ان شالله ماراح يضيع شي .. ونصيبك بتاخذينه انتي وهذي ارزاق متى ما اراد الله بتصيب الله يوفقك ويعوضك خيرر .. |
رد : وش رايكم
هذه أحد فوائد الإستخارة سبحان الله
صرفه الله عنك لأنه لا يناسبك واحمدي الله أنك لجأت لربك في الوقت المناسب فلماذا الحزن والقهر؟!! واحضري زواج قريبتك منه فالأمر لا يستحق أن تجعلي من نفسك علكة في أفواه الناس |
رد : وش رايكم
روحي العرس وباركي للنت عمج
واحمدالله إنه صرفه عنج.. ورددي اللهم ارزقني الرجل الصالح الذي ترضاه لي |
رد : وش رايكم
روحي و انبسطي .. و لآ يهمك احد ولا الناس يقولون سحب عليها و جايه
اكشخي و خلي الابتساإمه شاقه ووجهك وقبل الزواج حاولي تطلعيين كل كبت جواتك .. ولما تحظرين تكونين قويه و مسيطرإ على نفسك اهم شيء لآ تخليهم يحسوآ انه في شيء ناحيتك .. تاكدي مليون فالميه خيره .. كل تاخيره فيهآ خيره |
رد : وش رايكم
سآرلي نفسك بالضبط .. و حظرت الزوآج
و كنت متحطمه .. و اخذت كم شهر اتهيئ للزوآج نفسياآ و ايش اسوي و ما راح اترك فرصه للناس تقول مسكينه .. زعلانه تبغاه و سحب عليهاإ رقصت امه .. و اكثر وحده انبسطت .. و الي بيتكلم مع نفسه و تآكدي ان كل مشكله وورآهاإ فرج .. و فرصه لك انتي ما تدري ايش ممكن يحصل روووحي بدون تردد |
رد : وش رايكم
المفروض تفرحين لان ربي يحبك و صرفه عنك سبحان الله
و يمكن ماتتفقون انتي واياه لكن يتفق مغ بنت عمك مثلا انتي تبين تتوظفين و هو يبي ربة منزل عاد شوفي المشاكل اللي بتصير اذا انتي عنيدة بينما بنت عمك ممكن تنقهر و تصبر على كذا ما تدرين وين الخيرة عاد انتي ماتدرين انها صارت بين الخوات .. هذي اصعب .. لكن الواحد كبر عقله خلاص |
رد : وش رايكم
اعلمي إن الخيرة فيما اختاره الله لك
والحمدلله أن تم ذلك قبل العقد فأمر عن أمر يهون ولست اول من لم يتم لها خطبة هذه نقطة النقطة الثانية مسألة حضورك للزواج اختي الكريمة دعي الناس وكلامهم جانبا وانظري لنفسك بحب هل سيؤثر عليك حضورك ؟ هل ستتعب نفسيتك ؟ نفسك أحق بالاهتمام من كلام الناس ف ابعديها عن التعب إن كنت ستتألمين اياك والحضور ابعدي نفسك واشغليها بما تحب كالتسوق مث لا .. |
رد : وش رايكم
اقتباس:
معأك حق تتضايقي .. يعني حتى انا لو تكلمت على بنت وبعدين هالبنت تتزوج ولد عمي احس بشيء بداخلي . حتى لو انه خيره وحتى لو إني انا ساحب عليها بمزاجي _______________________________________ لان الانسان بطبعه يكره مسألة التفضيل .. وخاصه بين القرايب .. يعني الحمد لله ولد عمي مو افضل مني وانتي بنت عمك مو افضل منك لاكن زي ماتقولي هذا نصيب وزي ماتقولي يبغاله شوية ثقه بالله انه صرف عننآ هالشيء ولكن المهم المهم مايكون احد تدخل من العيله وسحبه لصف بنت عمك شافوهـ زين وماعليه وجلسوآ يحفروآ وراه لين طيحوهـ عند بنت عمك !؟ اذا كذا مررره قويه وبيصير زعل بينكم وبيت عمك ___________________________________________ وانا احس فيك والله الصعب ووين بالموضوعك ؟ الصعب ان الرجال لما يخطب بنت وماحب يكمل الملكه وكذأ بتلاقيه يسحب يعني يختفي من الوجود !! وفجأه الا تسمعي خبر زواجه لا ومن مين وحده قريبه منك ومعنى انه شافك شوفه شرعيه ... انكم وافقتم عليه مبدئيا !! امممم لو حاسه ان اعتبارك اتهزز بالعائله وماودك تسمعي كلمه من هنا او من هناك خليك قويه يعني احضري زواجهـا وافرحيلهـا بجد وخلي موضوعك طبيعي وبيني ان ايمانك بالله اكبر .. وأسأل الله لك زوج عظيم ينسيك هالسالفه وهالراجل سبحان الله قصة ام المؤمنين ام سلمه [ أم سلمة رضي الله عنها ] كان زوجها رجلاً عظيماً، فلما توفي دعت بدعاء النبي عليه الصلاة والسلام، لكنها تساءلت ومن سيأتيني بعده؟ أبو سلمة رجل لا كالرجال، من أصحاب النبي الأوائل، قالت: فتزوجت رسول الله. صدق ولا أبالغ أنت حينما ترضى بقضاء الله وقدره يخلفك الله خيراً من هذا كله: (( مَا يُصِيبُ الْمُسْلِمَ مِنْ نَصَبٍ وَلَا وَصَبٍ وَلَا هَمٍّ وَلَا حُزْنٍ وَلَا أَذًى وَلَا غَمٍّ حَتَّى الشَّوْكَةِ يُشَاكُهَا إِلَّا كَفَّرَ اللَّهُ بِهَا مِنْ خَطَايَاهُ)) |
رد : وش رايكم
جزاكم الله كل الخير ويوفقكم وييسر لكم جميع اموركم
|
| الساعة الآن 07:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©