|
مشكلة مع ولدي ذو ال 10 أشهر
السلام عليكم ورحمة الله وبركاته
انا وزوجتي انفصلنا ( طلقتها وكان الطلاق بتراضي بيننا ) ماكملنا شهر من انفصلنا بس قبل الانفصال لها شهرين او 3 عند اهلها الى ما انتهت الامور عندي ولدين ولد عمره سنتين ونص وولد عمره 10 أشهر الكبير مو مشكله اجي واخذه وينبسط ويلعب ووناسه الصغير من ناخذه يبكي يبي يرجع لامه ( اكيد يبي امه ) قبل فترة كان عندنا وتعود بس بعد ما انقطع قلبه صياح بعد اسبوعين نبي ناخذه وفجرها صياح برضووو والوالده تقول ماني ماخذته ينقطع قلبه على امه ويصير له شئ والولد شافني ضحك 10 ثواني ورجع يبكي وش الحل شلون ناخذه دون هالبكاء والمشاكل اللي تقطع القلب الولد يعرفني يتذكرني بس رضيع متعلق بأمه فما ادري وش الحل |
رد : مشكلة مع ولدي ذو ال 10 أشهر
ليش تطلقتوا ؟؟ اذكر لك موضوع قلت أنكم تصالحتوا وقت ولادتها
الطلاق صعب و بينكم بزوره لو تنازلتوا شوي ،. |
رد : مشكلة مع ولدي ذو ال 10 أشهر
الله يخلف عليك وعليها .. وعوضكم مافيه الخير
الحل لا تاخذه خله عنده امه .. بعده صغير . بتشوفه يكون في بيت اهل زوجتك .. خمس دقايق عشره والسلام .. يمكن لو يكمل سنه ونص تقدر تاخذه .. |
رد : مشكلة مع ولدي ذو ال 10 أشهر
طيب خليه
مو لازم تاخذه!!! خل يشوفك عشر دقايق..ثم اتركه عند امه و خذ بس أخوه..مع الوقت يتعود..و يغار من أخوه و ببطلع معاك |
رد : مشكلة مع ولدي ذو ال 10 أشهر
الله يعينك ياخي حول انك ماتخذونه بالقوه شوي شوي
وبعدين يتعود عليكم وانت إذ رحت عنده جبله هديه وكثر الهدايا ون شاء الله يتعود |
رد : مشكلة مع ولدي ذو ال 10 أشهر
راجع نفسك أخي
وأعد المياه لمجاريها من أجل هذين الصغيرين طالما أن دينكما سالم فالأمور ستزداد صعوبة أكثر كلما كبرا فالآن هما كتلة مشاعر تتعامل معك بعاطفة وغداً عاطفة وعقل يعمل ويتفكر ولن تستطيع الهرب بعيداً عن معاناتهما وصدقني ستتغير حينها نظرتك للوضع وستلوم نفسك على عدم صبرك حتى لو كانت هي المخطئة أما صغيرك ذو العشرة أشهر لا حل له سوى التعود عليكم مع الوقت أو حتى يكبر.. |
رد : مشكلة مع ولدي ذو ال 10 أشهر
اقتباس:
يعطيك العافية |
رد : مشكلة مع ولدي ذو ال 10 أشهر
اقتباس:
مابيني وبين احد من اهلها تواصل نهائياً حلقة الوصل بيننا هي الوالده الله يحفظها فما اعتقد ان الزيارة ببيت اهلها واردة نهائياً يعطيك العافية |
رد : مشكلة مع ولدي ذو ال 10 أشهر
اقتباس:
يعطيك العافية |
رد : مشكلة مع ولدي ذو ال 10 أشهر
اقتباس:
امه هي اللي حطتهم عندنا وتقول خذوهم حسوا بالمسؤولية وجلسوا عندنا فترة والولد انقطع قلبه صياح حتى الوالده تقولها الولد يبيك تقول يتعود وفعلا تعود وخلاص بس الظروف خلتنا ما نجيبهم الا بعد اسبوعين وتعلق بأمه اكثر من اول اما الهدايا فماراح يحس بططعمها توه صغير يعطيك العافية |
رد : مشكلة مع ولدي ذو ال 10 أشهر
اقتباس:
|
رد : مشكلة مع ولدي ذو ال 10 أشهر
لاتحرق قلب الام على فلذت كبدها وخل العيال لي امهم
هم محتاجين لها اكثر من حاجتهم لك وامك ربتك وانت طفل جاء الوقت الي ترتاح فيه لاتتعبها باطفالك بسألك لو في طفولتك عشت وانت بعيد عن امك او ابوك ماموقفك ؟ اتمنى تعيش اللحظات الي انت عيشت اطفالك وسيعانون منها واهي اشبه باليتم رأئت اطفال المطلقين في اكثر من اسره هم ايتام لي اب وام احياء وكلمه حق اقولها بلا زياده او نقصان الاطفال (( يعانون )) وعن تجربة لم تحكي لي بل رأيتها منظر ولد ابنت عمي واهو يتعلق برجل امامه في المستشفى يقول له "بابا" اتوقع انه يتكرر لكثير من اطفال المطلقين اتمنى تنتبه لأطفالك واقترح عليك لو الاطفال يبقون مع امهم لما يوصلون لسن المدارس افضل الا اذا خوالهم رافضين ولد اخر من اقاربي امه مطلقة كذالك يتكلم للاطفال في سنة يقول خالي يضربني بالعقال لما يلين على ظهري لو اجلس جنب ولده اذا خوالهم مايتقبلونهم لايجلسون عندهم انتبه يكفرون فيهم في الضرب كثير وبعضهم الجد عشانه حاقد على ابوهم ابنت عمي تقول ابوي مايشل ولدي ويعاملة بقسوه ويقول ولد فلان ماينخاف عليه اتمنى تشوف حل مايضرهم خاصه في السنين الخمس الاولى اشوف الاطفال في سنهم لما يضربهم احد يروحون لامهاتهم يبكون عشان امان لهم اطفالك راح يفقدون من يذهبون له كان الله في عونهم والله يصلح ويحفظهم |
رد : مشكلة مع ولدي ذو ال 10 أشهر
مَ دام أنه رضيع خذ معه مصاصته ههه هذا حلّي
وإذا بكى حاول تهديه وتهزه وتضمه عشان يتعود عليك واصبر عليه يمكن يحسك انسان غريب لأنه طفل ايش دراه |
| الساعة الآن 07:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©