|
طردني من البيت [ مستجدات الرد 41 -47][حلت المشكلة الرد 60]
السلام عليكم
انا طرحت موضوع سابق اتمني تطلعون عليه قبل تعرفون الوضع http://www.66n.com/forums/showthread...=238882&page=2 ياجماعة بعد المشكلة في رمضان سافرت مع اهلي وتعيدت معهم فقلت بتصل على زوجي يطيح الحطب وحمدلله تراضينا مع انه هو الغلطان بس بغيت ماعند الله ولاابغى طلاق ثاني وحامل وتعبانة اليوم صارت مشكلة بيننا وطردني من بيتي وقال والله ماترجعين هذي رابع مرة يطردني ع فكرة سبب المشكلة قمت الظهر من النوم اصلي وسالته تبي غداك طبعاً غدانا جاهز قال لا فجأة بمشي بروح اجلس معه قام قالي الحين انتي ورا ماتعدلين !! ياناس بفهم شسويت والله كل حركة اسويها اراقب نفسي لايزعل جاني مرض منه يقولي ليش تنامين وتخليني ! طيب اليوم خميس بريح شوي طول الاسبوع قايمة معه كلمة منه ومني طردني !! جرح كرامتي قال لك ساعه تجهزين اغراضك برجع لاااشوف شي ياناس عرفت انه عايف !! بيسوي مشكلة من لاشي يدق عليه ابوي يقول وش االمشكلة يقول بنتك تقولني كلام ماقلته!! وتنام وتخليني!! ولاتقهوى معي! ياناس الظلم شين كل اللي قاله كذب! ليش الظلم يوم واحد نمت وسوا كذا! يقول لاابوي 6 شهور صابر ! طبعا الحين انا ف الشهر 7 من حملي ورابطين رحمي وومنوعة من الجماع بس ماقدت منعته يتمتع ابد! وزوجي يطلب يوميا ومتحملة والله تعبت تفشلت من اهلي مرتين بااتطلق يعني؟ ليه يسوي كذا واحنا سمن ع عسل تعبت مرة ابي افهم وش مشكلته بالضبط انا بنت خالته ع الاقل يستحي اللي ببطني شبسوي لاجت؟ علموني وين الخلل بالضبط لحد يجي ويقول فارق العمر ترا فشل منه يبنيها ع الاساس هذا تكفون علموني بس الخلل:(:(:( |
رد : طردني من البيت
ما اقول الا الله يعينك
ويصبرك ادعي ان الله يفرج همي ووهمك |
رد : طردني من البيت
اقتباس:
الله يفرج همي وهمك وهم كل مسلم على وجه الارض اللهم اشرح صدري ويسر لي امري اخوان واخوات احتسبوا الاجر في الرد |
رد : طردني من البيت
الله ييسر لك امرك ويعوضك خير ...
ويقومك بالسلامه يارب ... ما اعرف زوجك ايش فيه صراحه شيء غريب ... يمكن متضايق من شيء ... انتي دوري رضاه ولا تزعليه ابد وسوي كل شيء يحبه قبل لا يطلبه يمكن هو زيي احب المبادره وما احب اطلب كل شيء ... انتي ريحيه واشتاقي له واعطيه حنان من قبل لا يطلب مو حلو كل شي يبغاه يطلبه منك وانتي تنفذي صح انك تنفذي لاكن كانك مجبوره يعني مو طيب نفس منك .. |
رد : طردني من البيت
ابي اعررررف بنت صغيره وبكر ومو ناقصك شي تاخذين واحد كبر ابووووووك قسما بالله ظلمتي نفسك بنفسك
وكيف وافقتي عليه وكيف الاهل يرضون لبنتهم هالشي هاذا وهو شايب يسوي لك كذااااا يحمد ربه انك قبلتي فيه المفروض يحافظ عليك وبعدين يطردك من بيته تراها قويه خيررر ان شالله الله يفرج همك يارب وهم كل مسلمه اعذرين علي ردي بس انقهرت عليك ما يستاهلك |
رد : طردني من البيت
اقتباس:
|
رد : طردني من البيت
اقتباس:
اولا انا مو بكر مطلقة ثانيا انا نفسيا ابي كبير بالعمر ماابي شاب مرتاحه كذا ادري انها كبيرة بحقي انه طردني حتى امي حاولت تتصل عليه تفهم وش صاير صرفها وسكر! يختي الرجال عايف بس مو قادر يقولها بوجهي والله خلاص استسلمت ووكلت امري لله الطلاق الاول كان بسبب يغضب رب العالمين الطلاق الثاني لو حصل ليت له سبب ع الاقل معاد اعرف وين اودي وجهي انا انظلمت وبس الحين افكر بولادتي ولاادري شسوي حتى قالي اولدي بمستشفى حكومي! مو مسؤول حسبنا الله ونعم الوكيل وكفى |
رد : طردني من البيت
اعذريني ودي اسالك هل الطلاق سهل
لاني علي وشك طلاق وهل حبيتي احد من تطلقتي منهم وعانيتي من هالشي تعرفين الزوج الاول مو مثل الثاني كرهت الرجال ولا اعتقد اني بتزوج مره ثانيه واطفالك وينهم لما تزوجتي لانو مستحيل لما تتزوجي يكونون معك |
رد : طردني من البيت
الرجل احيانا عامليه كطفل
حتى وإن غضب وطلب خروجك لا تخرجين اتركيه حتى يهدأ .. وفي الغالب سيتجاهلك فقط ولن يصر على ذهابك لأهلك إن أصر قولي طلقني وأقضي العدة في بيتي ثم أخرج كما أمر الله هناك أمر مهم يجب السؤال حوله .. ماسبب طلاق زوجته الأولى .. وهل هو سريع الغضب وسريع الرضى ؟؟ وهل عنده مشاكل نفسية أو مادية ؟؟ |
رد : طردني من البيت
اقتباس:
شوفي عني انا الطلاق الاول كان نفسيا لي مرتاحه طلعت من عذاب وجحيم كيف اتضايق وازعل؟ وانا من النوع اللي مااهتم لكلام غيري فاانتي اذا كنتي كذا فبترتاحين واختي لاتسالين هالسؤال لانه يعتمد عليك وعلى مشكلتك عرفتي؟ انا طليقي كان نفس زوجك بس انا يضربني ضرب مبرح وغيره كثير وماعليهم ندامة هالاشكال انا احب زوجي الثاني الحين بس مو لدرجة العشق يعني احترمه ومرتاحه نفسيا معه فههمتي مقصدي هنا؟ وانا ماعندي اطفال حبيبتي من طلاقي الاول عمري حاليا 21 |
رد : طردني من البيت
اقتباس:
|
رد : طردني من البيت
عمرك 21يالله صغيرررررررررررره اجل كان عمرك يوم تزوجتي يا قلبي عليك شفتي من الدنياااااا العذاب الي بعمرك عايشن عند اهلهم متدلعين الله يخلف علينا علي بالنا الزواج حلو وانه حب ودلال ووووو لاكن صدمه صراحه
وعذاب لا استقرار ولا ثقه ولا امااان ولا شي عمري 23 سنه تزوجت وانا 17 وتحملت وصبرت سبع سنوات من العذاب ما راح اخبي عنك انو زوجي ضربني خمس مرات بالسبع سنوات فيه حقه |
رد : طردني من البيت
انت صغيره جدا
تهتمين بما يهتم به من هم بعمرك هو تزوجك ليكون بعمرك لا لتكوني بعمره فلا تكبري وابقي ابنة الوحد والعشرون ربيعا هو من يجب ان يفهمك وليس انتِ يا صغيرته رجل الخمسين ان فكر بالزواج من صبيه صغيره فهو يريد طفله ليتصابى بها!! وانت تريدين ناضج ليغدغك بحنان كالاب و انت الان مرهقه من الحمل اذن هو يفقد بالوقت الحالي الهدف من الزواج بتلك الصبيه وينتظر انت تعودي لذيذته وانت تنتظرين ذاك الحنان منه فيقسو عليك وان لم يكن لك ذنبا فهو يتصرف تلقائيا بحكم كبر سنه ! سيعود ياعزيزتي لك ما ان تلدي وتعودي تلك الانثى الذي يتشبب عليها فقط اهتمي بنفسك وانشغلي عنه فياتيك كالملهوف |
رد : طردني من البيت
عمرك عشرين وعمره خمسين
فرق ثلاثين سنه لاحول ولاقوه الا بالله |
رد : طردني من البيت
ناتسو يوم توصل الأمور للطرد الصريح و اعطاء مهله... لازم الرجال يتدخلون... لأن هذا محتاج وقفه معاه...
طلعه ابدا ما تطلعينها من بيتج... لأن الرجوع بعدها بيكون صعب... خلي ابوج و اخوج الكبير يمرونج في وقت يكون هو موجود فيه و يتكلمون معاه ان لو شو ما صار من بنتنا ما توصل للطرد و انت اخذتها معززه مكرمه من عندنا و تعيش معاك معززه مكرمه... بس طبعا بالهداوه والحكمه... |
رد : طردني من البيت
اقتباس:
ابد العيشة عند اهلي مو دلع بالعكس! امي صابرة على ظلم ابوي مسكينة كل يوم نشوفها تتعذب! يارب يعوضك بكل خير بس شوفي زوجك ذا علمي ابوك عنه او احد رجالكم اذا تحسين ان وراك ظهر فهمتي؟ وحاولي مرة ومرتين وثلاث قبل ماتتخذين خطوة الطلاق وانصحك تسألين شيخ عن خياناته وهل يجوز البقاء معه؟ |
رد : طردني من البيت
اقتباس:
ابوي كلمته في بيتي قلت يبه الرجال طردني قال انطمي خليه هو يجيبك ماوراي رجال للاسف وماعندي اخ الا صغير انا حلفت يمين عنده قبل لايطردني قلت امسك نفسك ترا والله ان طلعت من البيت ماارجع قال والله ماترجعين! هذي تصرفات رجل عاقل! حسبنا الله ونعم الوكيل ودي اهاجر مليت من مجتمعنا الظالم لااب يعرف عياله ولازوج قايم بمسؤولياته! |
رد : طردني من البيت
اختي ناتسوا بارك الله فيك واعانك ..
مااااااااااااااااااينفع ابدا اسلوب التحدي مع الرجال كقولك انا حلفت يمين عنده قبل لايطردني قلت امسك نفسك ترا والله ان طلعت من البيت ماارجع قال والله ماترجعين |
رد : طردني من البيت
اقتباس:
الله يعافيك ويطمن نفسك في الدنيا والاخرة اتمنى ماتنسيني بدعوة في ظهر الغيب |
رد : طردني من البيت
اقتباس:
|
رد : طردني من البيت
اقتباس:
كل يوم والثاني مرتزة ببيت اهلي استحيت حتى اهلي قاموا يسألون انجرحت وهذا مو تحدي لو كان عقله بعمره ماسوا كذا |
رد : طردني من البيت
اقتباس:
الله يهنيك .. بس احلى شيء بالموضوع انك متقبلته وتحبيه وتحترميه وكل شيء تمام وهذا اهم شيء لا يكون بس يبغى يعرف قدره عندك ؟ يعني بيشوف انتي تحبيه لشخصه وبترجعي عشانك تحبيه ومشتاقه له ولا انك بترجعي عشان بس بيتك وعشان مايتضايقوآ اهلك وعشان كرامتك !! بعدين قرات من زمان موضوعك الثاني .. وعجبني رد اثنين من الاخوان ومتأكد ان رأيهم صح لاني احس كذا انا كمان والرجال متشابهين وطينه وحده قالوآ لك لا تتريقي عليه او يعني تمزحي معاه مزح مباشر او تحسسيه بعمره هوآ الان بعمر يملك الخبره ويريد من زواجه منك ان يصحح جميع الاخطاء التي مرت عليه في حياته ويكون بنظرك شيء كبير . انه يعرف كل شيء وانه مثالي وكريم وطيب وشهم وقد حالو ويمكن يحب انك تشوفيه شيء مثالي ولا يكون انتي تجيبي قدامه طاري الشباب مثلا تقولي في وحده صاحبتي هي وزوجها توهم عرسان يا محلاهم وبعمر بعض !! يعني لا تجيبي هالطاري يمكن يفهمك خطأ ان بداخلك مو عاجبك عمره ومو متقبلته او ندمانه شوي ان زوجك كبير بالعمر مدري ليه احس انا وكثير من الاخوان الي نرد ع مواضيعك انك تدقيه بالكلام وانتي مو منتبهه او تحسسيه بشيء يضايقه او انك مزوحه بشكل جريء يعني تعلقي على اشياء بمظهره وبحركاته انا يعني / زوجتي يوم تضحك بدون سبب وانا اتكلم بالجوال مع احد اشك بنفسي والله ! احس اني قلت شيء غلط وبداخلي اتضايق ليه تضحك احسس الهيبه شوي راحت :( بس بعد مدهــــ عرفت انها تضحك معاااي مو علي امم اقولك موقف ثاني يمكن تفهميني اكثررر ( مع اختي ) اختي اصغر مني ومتزوجه المهم انآ دارس كمبيوتر وتخصصي حاسب الي وكذآ عاد مره من المرات رحت ازور اختي وكان المودم خربان حقهـا مايقبل الرقم السري جلست طبعـأا حاولت فيه وعرفت اصلح العطل وهي الله يهديها راحت اتصلت على زوجهـا قالت له انت تدخل الرقم السري من الصباح وتحسب الرقم السري غلط .. والمودم اصلا خربان يبغاله اعادة برمجـه قام زوجهـا تنححح ع الجوال :11: قالهأ انا لو ابغى اصلحه اصلحه بس مو فاضي ...الخ واكثر من موقف صار بيني وبين اختي .. وزوجهـآ يعني احسه يتضايق من ثناء اختي علي وتقولي ماشاء الله روعه كيف سويت كذا كيف عملت كذا .. بعدين انا مسكت اختي ع جنب وقلت لها ترا الرجال يحب يشوف نفسه كل شيء بعينك لا تمدحي رجال ثاني بوجوده .. واتصلت علي بعد مده قالت زوجي اتغير صار مزاجه حلو وصار يخرجني من البيت بالاخير اكتشفت ان زوجهـا كان يكره اسلوبها انها تمدح احد ثاني قدامه بس ما كان يتكلم كان يبلعها ويسكت !! يعني باختصار احب اقولك هذا حال كل الرجال .. كيف عاد زوجك وهو حساس اكثر واكثر لانه يدري بالفرق بين عمرك وعمره !! وترا كل هذرتي عشان ارفعلك الموضوع ..وتلاقي حل بالتوفيق يارب |
رد : طردني من البيت
اقتباس:
الله يعافيك على ردك اخوي انا مااجيب طاري احد قدامه ابد! اساسا مااشوف احد من رجالنا يستاهل المدح بكل اسف! يخوي السالفه ومافيها فجأة يقوم يهوش ويطردني من البيت! ليه طيب يعني انت فكر فيها اخوي انا ملتزمة وعارفة ماعلي من حقوق لزوجي يكفي انه جنتي وناري يخوي وربي ثم وربي مااستحيت من عمره ابد احبه والله بكل مافيه بس جرحني مااحس بالامان معه بالعكس صدقني حتى طليقي ماقد جبت طاريه عنده!! تصدق وهو ماسالني هو اللي يجيب طاري طليقاته طبعا ام عياله والثانية اللي بعدها طلقها لانها ماتجيب عيال وهو رجال يبي عيال تعبت والله ابي حل ابي حكمة منكم تخليه يتعدل من هالاسلوب انا ماابي شي غير بيت مستقر وزوجي يهوش علي ويهزئني ويقول اي شي بس لايطردني كل يوم والثاني ببيت اهلي حتى يخوي ولادتي قريبة قلتله وين اروح لان ملفي بمستشفى خاص والولادة غاليه وانت اعرف قال برسلك ملفك مع السواق راجعي بحكومي عند اهلك!! عذرته وقلت يمكن معصب بس حتى لو مفروض مايدخل الجنين بحياتنا ومشاكلنا امي درت عن الموضوع شافت عفشي دقت عليه وصرفها وقالت لي ان دقيتي عليه يمين لاازعل منك ولااعرفك وانا بصف امي قالت اصبري لين تولدين وتهدأ الامور وبعرف اكلمه واتدبر معه ع فكرة امي حكيمة درجة اولى وماتحب الامور تكبر زي كذا وش اسوي الحين ؟ ممكن فكرة الله يعافيك اخي واسفه ع الرد الطويل |
رد : طردني من البيت
السلام عليكم
كان الله في عونك وفرج همك وسخر لك زوجك ولذريتك سؤال قد ينطوي في إجابته سبب طرده لك كم لديه من الأبناء من زواجه الأول؟ |
رد : طردني من البيت
اقتباس:
عنده 6 خمس بنات والصغير ولد |
رد : طردني من البيت
قبل شوي عطتني امي من الكلام القوي والشين
مارحمتني اني حامل ويكفي نفسيتي ضايقة من زوجي ردودكم الى الحين ماعطتني حل لمشكلتني اغلبها اسئلة او يوضح نقاط في اشياء ماتفيد انا ابي حل شسوي كيف اتصرف! ماابي احد يسال عن عمر ولا عن عيال ولا زواج واي خرابيط! ابي حل وطريقة انا احبه وابيه ماابي اتطلق وااللي في بطني ! تعبت منهارة نفسياً خايفه من الولادة وخايفه من الجاي ودي اختلي بين يدين ربي وابكي وابكي واناجيه بس مالقيت الفرصه من شغلي كرهت ضعفي كثير احد يفهمني؟ |
رد : طردني من البيت
اختي كان الله بعونك
هنيئا لك بالاجر اجر صبرك عليه وعلى اهلك وامك وشغلك وحملك اختي الغاليه اعرف تماما ماتحسين به ولكن والله والله والله انه لاعلاج لحالتك سوى تسليمك لامرك لله وتقربك منه ليرضى سبحانه مرت علي مشكله وضاقت علي الدنيا بما رحبت فكل ماسمعت كلمه فاضت عيني من حرقة في قلبي ولكني صلييييت والهمني الله ان ادعوه واثني عليه وافضفض له سبحانه بكيت في صلاة الوتر وتذللت واخرجت مافي قلبي ولم اكلم احد بهمي سواااه وبعد ماتميت الصلاه استغفرت 500 مره اقل او اكثر الله العالم واخر 100 مره قلت استغفر الله العظيم لي وللمسلمين والمسلمات الاحياء والامواات وقبل ان اغمض عيني قلت ربي اني وكلتك امري فكن لي خير معين وكنت اكررها ونمت وصحيت الصباح الحمدلله الحمدلله الحمدلله ربي اعطاني ماتمنى وانفرج همي والله اني ادعو الله وانا اعلم انه يسمعني وسيستجيب لي وهذا حل مشكلتك ولا تنسيني من دعائك واتمنى ان ارى اخبارا مفرحه منك |
رد : طردني من البيت
الرجال بسن زوجك يصير تفكيرهم وأسلوبهم صعب .. ماتقدري تتفاهمي معهم .. مدري السن هذا له خصائص سيكلوجية غريبة .. يبي مداراة وتعامل من نوع خاص .. هنا مربط الفرس ياأختي .. إذا فهمتي سخصية الرجل بهالسن راح تعرفي تتعاملي مع زوجك .. الله يعينك ويصبرك
|
رد : طردني من البيت
اقتباس:
كيف تحلين مشكلة لا تعرفين سببها؟؟؟؟ من ردودك زوجك يبي ولد طلق زوجته الثانية لأنها لا تنجب وأنتي أوضحتي أن جنينك بنت ، لو تتبعتي بداية تسقطه لزلاتك لوجدتي أنه مع بداية معرفته بجنس الجنين هداه الله. من هنا ينطلق الحل ... لابد أن تتكلمي معه وتوجهي أسئلتك للصب في هذا الاتجاه وإخراج ما في نفسه لتذكريه بعدها أن الله الرازق وأنه لا ذنب لك في جنس الجنين وأنها ابنته حتى لو طلقك ومطالب بالنفقة عليها ولن تتنازلي عن هذا الأمر ، فالطلاق لن يخلصه من مسؤوليته اتجاه ابنته ابدا وهو محاسب عليها أمام الله .. كان الله في عونك وفرج همك ورزقك من حيث لا تحتسبين |
رد : طردني من البيت
اقتباس:
جزاك الله خير والله ان هذا افضل حل ومن امس بديت اتفرغ لنفسي لعل الله يصلح الحال شكرا لك جزيل الشكر والله يجمعنا بجنات النعيم |
رد : طردني من البيت
اقتباس:
بالعكس يرغب البنات اكثر ولو ع هالسبب كان من حملت طردني بس مدري وش عنده هالثلاث شهور |
رد : طردني من البيت
مو مشكله استحملي كل كلامنا واسئلتنا ..
عارفين نفسيتك وبالك مشغول ومقدرين كل شيء تمري فيه .. انا مآلي خبره كبيره وما اعرف احل مشاكل زوجيه وكذآ لآكن اتمنالك بدووووووون شك حياه حلوه مستقره وتنحل مشكلة الطرد ذي ! بس زي مانعرف لكل فعل ردة فعل ولكل سبب مسبب وعلى قولتهم مافي دخان بدووووووون نار نبغى نعرف زيك بالضبط ايش السر بال(طرد) يعني فجأه يصحى من النوم يقولك : يلا قومي اطلعي برا ولا تروحي تسوي له كاسة شاي .. ياخذهأ ويقولك يلا اطلعي برا ؟ معلش يعني لا تلومينآ شيء غريب .. اكيد عاد السبب بقلبه اما كيف تطلعيه الله يعينك شيء صعب .. |
رد : طردني من البيت
اقتباس:
انا يوم المشكلة كنت قايمة اصلي الظهر صليت خلصت بعدين سألته تبي الغدا؟ قالي لا سكت بمشي اروح اجلس معه ناظرني وقال انتي الحين ورا ماتعدلين؟ ورافع صوته ناظرته قلت وشفيه؟ قال ليش تخليني لحالي اليوم ماقمتي معي! تخيل يوميا اقوم معه اتقهوى وافطره بس بما انه خميس بنام تعبانه ابي حاجتي من النوم وقام يهوش وانا اطالعه فبدإ الغلط ( اذا انتي كذا وش له تتزوجين ورا ماقعدتب عند امك! تجلسين في بيت اهلك افضل! ماتعرفين حقوق زوج! قال دامك كذا روحي لااهلك وش فايدتك! قلت له لاتطردني بدون سبب ويكمل كلامه ومصر اني اطلع فعصبت وانفجرت وكرامتي تنهان كأني قاعدة ع قلبه لانه قالي لي ساعه بطلع فيها وارجع ان لقيتك ماضفيتي عفشك ياويلك! قلت له لاتطردني ترا والله ان طلعت من البيت ماارجع قال والله ماترجعين! دقيت ع امي اصيح وعلمتها ! دقت عليه امي وصرفها جلست اضف عفشي ويساعدني ويسألني تخيل! قهرني والله اخي هذا سبب تتشتت الاسرة عشانه امي قالت لي اكيد عياله يضغطون عليه مايبونك فاارجع بذاكرتي ورا ادكر كان يقولي عيالي زعلانين يقولون وراك تطلق امنا! حسيت ان طردته ذي وراها سبب زي كذا والللي يقهر اكثر مطلع اسرارنا لاابوي! وانا من جيت تسالني امي واصرفها حفاظا ع بيبتي حسيته بايع ماهمه شي هذي السالفه اخوي وعذرا لو فيه اغلاط داخله من الجوال |
رد : طردني من البيت
اقتباس:
اعتقد فتره بسيطه وبتكتشفي الموضوع وتعرفي ليه متغير ... وان شاء الله مايكون سبب شين الي مغيره عليك ... اتمنى تكون فتره وتروح وماعاد ترجع ابدآآآآآ ... توكلي على رب العالمين واصبري شوي ... يعني لا تتسرعي وتنتظري الوضع يتعدل بسرعه وتنتظري حل سريع ... بالهداوهـ ... واسمعي كلام امك لانهـا زي ماقلتي حكيمه وهي اكثر انسانه طبعـا تحب لك الخير اكثرررررر من هالمنتدى كله ... صبرآ جميلآ ... وحاليا حاليا .. لا تصبي كل اهتمامك هنآ اشوفك مركزه حيل بالموضوع .. اقرأي قران واكثري من الصلاه على النبي صل الله عليه واله .. واقرأي كتاب .. شوفي برنامج مفيد .. لا تجلسي كذآ تنتظري وعقلك وتفكيرك طول اليوم بهالموضوع .. الفرج قريب ان شاء الله ^_ |
رد : طردني من البيت
رايي في موضوع طرد الزوجه و الابناء
انهم لا يطردون ابدااااااااااااا .. مهما حدث منهم .. حتي و ان خانت الزوجه او حتي لو طلقها .. لا تطرد و يتكفل بها الا لو ارادت ان تتزوج .. |
رد : طردني من البيت
صار جديد ؟ امك ماكلمته ما اتصل عليك مارجعتي؟ احد كلمه او هوآ كلمك ؟؟ شيءءءءء من هون من هوووووون ؟ مآفي !! |
رد : طردني من البيت
أختي بارك الله فيك,,الحياة يبغى لها صبر
هو شكله مايحب أحد يرادده في الكلام.. عموماً إلجئي للذي عينه لاتنام الواحد العلام.. واعبديه ليرضى ليس لهدف وبغية تفريج همك فقط لأنه جل في علاه إذا رضي أغدق في العطااااء ولا تنسي ياقلبي ليس في حياة المسلم فسحة,لأنه يعلم أنه بقدر نصبه هنا يرتاح في الجنه أعانك الله,, |
رد : طردني من البيت
اقتباس:
انشغلت هاليومين اعتذر الجديد اللي حصل اني احس براحة نفسية مع اني بمشكلة ماادري ليه اليوم ارسلت له هذي الرساله لاني ماابغا يكون الذنب علي مااتحمل هذا نصي: قال تعالى: ((ولا تخرجوهن من بيوتهن ولا يخرجن)). يومياً تقرأ القران وهذا شي تحسد عليه اتمنى تحكم مشكلتنا للقران وتقرأ تفسير الآية.. فرد علي: البيت فيه حرمه ثانيه اما الامور الثانيه سوف امر بكره واتفاهم مع والدك انتهى هذا الجديد ويوم قريت رسالته ثبتني ربي وقلت انا لله وانا اليه راجعون اللهم اجرني ف مصيبتي واخلف لي خيرا منها مع ان بعيني الف دمعة بالنسبة لرسالته مااتوقع بهاليومين يجيب حرمة! وحرمته السابقة ماتبيه نهائيا مدري ليه رد كذا يبيني اغار ولااتحسف انا شخصيا مو ضد التعدد وهو عاف نظرتي اتمنى ترد علي اخوي شكرا لك |
رد : طردني من البيت
اقتباس:
وشكرا لك |
رد : طردني من البيت
وش فيهم الرياجيل انهبلوا انا بعد طليقي طردني من بيتي واتصل على اخوي وقال بطلق وقعدت اترجى ولا فاد طلقني وباعني
انتي حاولي اذا تحبينه ومتمسكه ببيتك ارسلي له من الكلام الزين وطيبي خاطره وهديه قبل مايكلم ابوك لان اذا ادخلوا الاهل بالسالفه تعقدت الامور وتصعبت استخيري واكثري استغفار والله كريم طمنيني عليك |
| الساعة الآن 06:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©