|
كيف اقنع زوجي بالسفر
السلام عليكم ورحمة الله
كيف حالكم منتداي الغالي من ان ولدت وانا بمشاكل مع زوجي بسبب زوجته الله يهديها والحين بعد ما هدات العاصفة بخاطري اسافر واغير جو وزوجي مو راضي يقولي سافري بروحج او هو اذا بغى يسافر بيروح لحاله اشلون اقنعه بالسفر للعلم طرق الاغراء وغيرها ما تفيد معاه |
رد : كيف اقنع زوجي بالسفر
ياهلا والله بااختي موهبة الكويت والله يسخرلك زوجك ويسعدك معاه يارب
شوفي اختي قوليله نسافر مع بعض نغير جو ونفسياتنا تتغير كمان وقوليله هيا كم يوم ماراح نطول وقوليله صدقيني بتنبسط واذا ما اقنعه هذا الكلام قولبله انا مااحب اروح بروحي احب تكون معايا قولي كمان انا مااكون مبسوطه وسعيده الاوانت معايا والله يهديه ويروح معاك وتنبسطوا ان شاءالله بالسفر:22: |
رد : كيف اقنع زوجي بالسفر
هلا عزيزتي موهبة شخبارك وأخبار فطومة >> صح ولا أنا غلطانة ؟
موهبة .. ما عرفتي مفتاح زوجك ؟ >>> بشكل عام لأي طلب ترغبين به .. فيه رجال ينفع معهم الحجة والمنطق .. ونوع ثاني ينفع التمسكن والضعف .. ونوع السرير فقط هو مدخلهم >> وزوجك يبدو مو من هالنوع .. ونوع عنيد متى مانسيتي السالفة ولا عاد عدتي وزدتي فيها ونسيتيها يسوي الي تبين .. ونوع كثرة الزن تفيد معاه بس أكيد زن مدروس بدون أذى وبدون أدنى خسارة .. وأكيد المفاتيح كثيرة :D بانتظارك عزيزتي .. |
رد : كيف اقنع زوجي بالسفر
كل زوج وله مفتاح
حاولي تعرفي ايش اللي يأثر فيه ويطير عقله وهو في قمة الفرح اطلبي طلبك خلا ص انتِ قلتي الاغراء لا فكري في شيء يحبه اذا كنتي تطبخي بنفسك وزوجك يحب الطبخ تفنني في وجبه يحبها ممكن اسلوب الاستجداء في رجال يحبو هالاسلوب او اي شيء يشد زوجك يختلف الرجال بطبائعهم عطيتيني فكره لموضوع مشكوره يا حلوة والله يرزقك السعادة معاه |
رد : كيف اقنع زوجي بالسفر
شيهانه حبيبة قلبي
شكلك حتى انتِ تشبهيلي مش بس بنتك ^_^ ههههههههه آسفه موهبه كلامي مكرر لكن كنت نكتب قبل ان ترد الحلوة شيهانه |
رد : كيف اقنع زوجي بالسفر
حبيبتي شوكة بين الورد
ما يفيد هالكلام مع زوجي شيهانة فديت قلبج الله يفتح عليج ذكرتيني بهالمفاتيح الله يسهل وييسر يارب حبيبتي اونا اي نعم يحب طبخي باحاول اجرب هالاسبوع والله ييسر اشكركم جميعا |
رد : كيف اقنع زوجي بالسفر
عزيزتي انصحك على الاستخارة لهذه السفرة بعد كل فرض ارفعي يدك وقولي يارب اذا سفرتنا انا وزوجي خير يسرها واذا شر اصرفها وطبعا انت قولي الدعاء كامل وراعي اداب الدعاء وشروطه استمري اسبوع او حتى اقل وصدقيني اذا السفرة خير راح يسيرها لك رب السما من عنده من دون ما تطلبين من زوجك ومن راي انسي موضوع السفرة وخليكي دايما سارحة واذا سالك شو فيكي قولي له بكل حزن وركزي هنا على نظرة العيون لازم يكون فيها حسرة وحزن ههههه
علشان تزبط معك قولي له والله ضايقة نفسي ونفسي نسافر انا وانت نغير جو واختاري الوقت المناسب اللي يكون مزاجه حلو فيه واسكتي لا تضلي تكرري طلبك خلاص انت طلبتي من اول ورفض الحين اعملي اللي قلت لك عليه كوني دايما سارحة وحزينة واذا سالك شو فيكي قولي بكل بنظرة حزينة الكلام اللي فوق واستمري على الاستخارة |
رد : كيف اقنع زوجي بالسفر
فكرتج حلوة اختي المتفائلة بالله
باذن الله باسويها وربي يسهل الامور |
رد : كيف اقنع زوجي بالسفر
خبريه عن مدى احتياجك له وانتي بديار الغربة لانو مو معقول ابد انك تظلي لوحدك هناك وذكريه انو المرة مايجوزلها تسافر بدون محرم وان شاء الله رح تضبط معاكي. وطمنينا عليك حبيبه. |
رد : كيف اقنع زوجي بالسفر
اختي سيلا
احنا رجعنا الكويت من زمان جدا وقالي اذا بغيتي تسافرين روحي مع اهلج الله ييسر الامور |
رد : كيف اقنع زوجي بالسفر
موهبة أتوقع زوجك عنده سبب مقنع وأتذكر مره قلتي بعد رجعتكم كانت زوجته تزن يسفرها لبريطانيا....وأتوقعه تعقد من الحنه انت تبين السفر وهو مايبي طيب شوفيلك حل وسط يرضيكم جميع شاليه قريب أو روحة للبحر أوحتى فندق في وسط المدينه اللي انتم فيها المهم تغيرون جو وتنتعشون بدون مشاكل والله يسخركم لبعض |
رد : كيف اقنع زوجي بالسفر
سوي نفسج زعلانه طفشانه مالج خلق
مكتأبه.. وتثاقلي في خدمته!! واذا سالج لِــwhayــيُش ماليش قولي تعبانه توني طالعه مٍْْـٍْْ♡̷̴̬̩̃̊ـٍْْنٍْْ نفاس ومحتاجه نسافر نغير جو كلها اسبوعين!! تاخذ اجر فيني!! حيله مع مسكنه!! لازم تسحبين حقج سحب!! اللـْـْْ♡ـْْـَِـٍْْهُِ المستعان |
رد : كيف اقنع زوجي بالسفر
موهبه اعرضي تكون السفره من فلوسك يمكن يتحمس
اذا الرجال مايبي السفر مافي شي بخليه يسافر غصب عنه خلاص انسي الموضوع وممكن تسافرين سفره قصيره مع اهلك |
رد : كيف اقنع زوجي بالسفر
بالعكس روحي لوحدك ريحي راسك ونفسيتك من القلق المستمر ووجع الراس وكمان عشان تشتاقوا لبعض وتعرفوا قيمة بعض واعتقد انه بينقهر اذا ماشافك مهتمه فيه وبتنفسين عن نفسك معه او بدونه يعني لاتعطينه اكبر من حجمه سافر كان بها ماسافر هو الخسران وانتي انبسطي بالسفره
|
رد : كيف اقنع زوجي بالسفر
بالذات السفرهواية يعني اذا مايحب الله يعينج صعبة تجبرينه
|
رد : كيف اقنع زوجي بالسفر
موهبة ياعسل ..
كيفيك وكيف بنوتك ربي يحميها جربي تعطيه نبذة عن السفرة :) خلي بنتك عند عمتك .. واحجزي ليلة بفندق و تفنني فيها و ابسطيه على الاخر واخر شي قولي له عرفت ليش حابة اسافر معك لحالنا ؟؟؟ خليه يتحمس وخلاص لا عاد تزني انسي الوضوع كم من يوم اذا ما حجز و سافر معك خلاص براحته سافري لحالك وجددي من نفسك و غيري من نفسيتك عشان ترجعي بنفسيه حلوة |
| الساعة الآن 02:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©