|
كيف أسوي (المستجدات بالرد35)؟؟
طبعا انا انخطبت والحمد لله صارت الشوفة والنظرة الشرعية وبعدها الموافقة وكنا متحمسين وفي شهر خلصنا لنستعد للملكة وحددنا الملكة بعد 3 أسابيع وحددنا بعد 3 بعدها اشهر الشبكة وبعد 4 أشهر بعدها الزواج
وتصدقون يا ناس للان قربنا سنة ولا صار كتب الكتاب (العقد) ولا صارت الملكة نتفق بعد اسبوعين وبعد اسبوع وفي اليوم الفلاني ولكن للاسف تأجيل من خطيبي حتى الاهل ملوا وقالوا اتركيه علما الآن انخطبت مرتين ورفضت لأجله انتم يا رجال اعلم وادري ببعضكم ليش للآن ماجاء وسوا العقد ؟ طبعا احطكم في الصورة هو موظف وحالته المادية نوعا ما طيبة عمله صعب وبعيد بس يجلس عند اهله فترات اجازة كل ما كلموه الاهل وشدوا عليه قال انا سأتي بعد في اليوم الفلاني ولايأتي ؟ طبعا انا اول تحديد للموعد تجهزت لبس وكله الآن حتى اهلي يقولوا لا تخسري نفسك يحدد ويلغي .. أنا تعبت منو والمشكلة تعلقت به طبعا ما اكلمه لانو اصلا ما بيننا عقد . انتم يا رجال اعلم وادري ببعضكم ليش للآن ماجاء وعمل العقد ؟ هل هو جالس يماطل ؟ السؤال هل هو نادم ؟ هل هو لا يريدني ( طبعا صارت النظرة الشرعية وبحريه ) ومو عارف كيف يرفض ؟ هل هو سأأأأأأأأتي أم لاااااا ؟؟؟ كيف أسووي ؟؟؟ آآآآآآآآآآآآآآآآآآآآه بس ابفهم باقي شوويه وانجن ولا احد يلومني تدهورت في كل شيء اخواتي ساعدوني تكفوون للأسف اتعس مخطووبة حتى حلم حرمت منو مقدر احلم تحطمت |
رد : كيف أسوي ؟؟
اختي كم صار له خطيبك يوعد و يخلف ؟؟؟
|
رد : كيف أسوي ؟؟
للاسف 5 شهور
عفوا غلطت 7 شهور |
رد : كيف أسوي ؟؟
والله يا سماهر انا من الناس اللي اميل اني اعذر الشخص لو اخطأ ...
لكن ما تشوفين ان 7 شهور جدا جدا جدا طويله ؟؟؟ انا انصحك بالشده علي الخطيب ... خلي ابوك يكلمه و يقول له في الموعد الفلاني تعال او اترك بنتنا ... انا اميل ان خطيبك عنده مشكلة لكن لو كان ما يبغاك كان اتصلوا اهله علي اهلك وقالوا لهم ... والله يسهل لك ان شاء الله ... |
رد : كيف أسوي ؟؟
اذا جاك خاطب اخر لاترفضينه
اتصلوا وقولوا له جاي لها خاطب حابب تكمل والا نشوفه ان قال حابب يكمل خليه يحدد يوم معين وان ماجاء خلاص توكلي على الله وانسيه وشوفي الخاطب الاخر لاتضيعين عمرك مع رجل متردد |
رد : كيف أسوي ؟؟
اقتباس:
|
رد : كيف أسوي ؟؟
يا اختى ممكن عندة ظروف بس لازم واكيد تسألوا وتعرفوا الاسباب ابوك لازم يسأل ويعرف وامك تكلم امة ..........
|
رد : كيف أسوي ؟؟
اقتباس:
صراحة الوالد ماكلمه قال نعطيه فرصة شوي بس اخوي كلمه وتاهم معاها وحدد موعد ثاني باقي ينتهي الموعد ايام وبس بس يقولون وصحح لي هذه المعلومة اذا خطأ انو الخاطب حتى لو يبغى البنت بالدنيا لو يعرف انو جاء خاطب غيره وسالوه تبغاها او لا وحتى لو يبغاها يقول لا خلاص يكرها بس مدري طيب ليه ما يقول مشكلته عادي نتفهم الوضع يا رب يا رب يبقى على العهد والوعد شكرا على الامل والله يسهل أمرك يا رب ويوفقك ويسخر لك أهلك وعباده ويوفقك في دراستك |
رد : كيف أسوي ؟؟
أختي... خطبه على خطبه لا تجوز... يعني ما يصير حد يتقدم و انتو خلاص عطيتوا الموافقه للخاطب الأول...
أظن 7 شهور فتره كافيه انكم تكونون عرفتوا حقيقة هذا الرجل... خاصة انج كنتي تجهزين نفسج و تتزينين و فجأه يلغون كل شي... هذا يبين عدم جدية العايله بكبرها مب بس الولد... لأن العايله اللي تشوف ولدها جذى المفروض تمسكه و تفهمه ان بنات الناس مب لعبه عنده... اسألوا عدل عن الرجل... لأن بصراحه تصرفاته ما توحي ان المستقبل جميل... إذا الملكه و يماطل فيها... شو راح يسوي في الزواج؟ شو راح يسوي بعد الزواج... الواحد يماطل في كل شي إلا الزواج... لأن الزواج مب لعبه... حاليا انتي مخطوبه له فما يصير تقولين له ان جا لج خاطب... لأن شرعا لا يجوز... خلي ابوج يطلب ابوه و يطلبه عندكم الميلس و يكونون اخوانج موجودين و يتكلم معاه بكل جديه و حزم في تحديد موعد الملكه في وقت معين (ابوج يحدده مثلا بعد اسبوعين من الإجتماع) و إذا ما حضروا فاعتبروا الخطوبه مفسوخه و يا دار ما دخلك شر... الرجل لازم يعرف ان وراج رجال ما يرضون باللي قاعد يصير لبنتهم علشان يحسب ألف حساب لأي تلاعب في المستقبل... و إذا ما حضروا في الموعد اللي يحدده ابوج... خليه يتصل لهم و يقول لهم الله يوفق ولدكم مع غير بنتي.. بنتي مب بحاجه لرجل مثله... و انشروا على طول ان الخطوبه اتفركشت بسبب عدم جدية الخاطب علشان ما تطلع الناس العيب فيج... |
رد : كيف أسوي ؟؟
اقتباس:
فرحت بالفكرة وقلت لاخوي قال بس يقولون وصححي لي هذه المعلومة اذا خطأ انو الخاطب حتى لو يبغى البنت بالدنيا لو يعرف انو جاء خاطب غيره وسالوه تبغاها او لا وحتى لو يبغاها يقول لا خلاص يكرها بس مدري وعن نفسي ما ابغى افرط فيه بس أخاف هو خلاص مطنش بس احترت معه |
رد : كيف أسوي ؟؟
اقتباس:
نحن صراحة دائم اخواني متواصلين معه بس هو ما يقول السبب يقول اعتذر ويحدد موعد ثاني |
رد : كيف أسوي ؟؟
هاذي المسأله يحددونها الرجال
فين ابوك؟ |
رد : كيف أسوي ؟؟
اقتباس:
الموضوع عند الرجال وللان ما جابوا حل الله يستر والدي موجود بس رايه ننتظر بس لمتى وهو ماكلموه قال لاخوي يكلمه ورد اخوي كالعادة حتى لاحظت تغير وجه ابوي انقهر آآه تكفين سما لو تعرفي حل غيره وشكرا على مرورك |
رد : كيف أسوي ؟؟
يا رب سخر لي من يساعدني او مسلم يدعو لي في ظهر الغيب فتستجاب دعوته
ي اخوان ... تصدقون اليوم اربع وعشرين خلص الشهر طيب ايش رايكم اخوي قال نعطيه شهر و زيادة ننتظر لشهر محرم |
رد : كيف أسوي ؟؟
اختي شو الحلول اللي تنتظرينها منا؟
حلج الوحيد هو حزم الرجال معاه و انج انتي ترفضين اللي قاعد يصير... مب معقوله كل ما خلصت المده تقولون خلونا نصبر اكثر... حلج بيدج انتي وحدج |
رد : كيف أسوي ؟؟
اختي سماهر ...
الله يوفقك و يكتب الخير لك و لجميع المسلمين ... اقترح عليك انك تطلبين من ابوك يكلم ابو خطيبك ويقول له راح اجيك في اليوم الفلاني واتقهوي عندك في البيت .... ابوك يروح ويتفاهم مع ابوه .... ويقول له ما يصير تعلقون بنتنا كذا ... |
رد : كيف أسوي ؟؟
اللذي اعرفه ان الرجل يكون هو اللي مستعجل علي العقد ولكن ما اراه هو العكس
ليس في صالحك ابدا الموقف اللين الذي تتخذونه فهذا تنزيل من قدرك افسخوا الخطبه قبل ان يفسخها هو لو كان خيرا ليسره الله ولكن اري انه لا يريد هذه الخطبه وتمسككو به يدلل عنده كأنكم مصدقتم وجدتم خاطب وهذا يبعده عنكم اكثر |
رد : كيف أسوي ؟؟
الى هنا وبس لاتصبري ياغاليه
اذا تقدم لك شاب اخر واعجبك خلقه وصفاته ودينه وافقي عليه وخاطبك الاول انسيه تماما |
رد : كيف أسوي ؟؟
اقتباس:
في الزواج لاتؤخذ الامور بهذي الطريقة ... لكن بالعكس يحسب لها ولاهلها انهم راعوا ظروف الخاطب ... لكن هو يجب ان يتفهم موقفهم ... |
رد : كيف أسوي ؟؟
ماعتقد المعلومه صحيحة بالعكس الرجال الي يبي البنت
اذا شافها بتطير من ايده وفي احد ثاني راغب فيها رايح يتمسك فيها بدينه ورجوله لكن البايع بيقول الله يوفقها ويستر عليها لاتاجلون الموضوع اكثر مو من صالحك يمكن هو مايبي يكمل هالزواج لكن اهله مستحيين منكم انهم جاو وخطبو وحددو وبعدين ولدهم غير رايه فودهم تجي منكم خلي ابوك يكلم ابوه ويقوله البنت يجيها خطاب ونرفضهم وانتو للحين معلقينها يقوله اذا ولدكم مو مرتاح خلاص واحنا اهل ومارح نزعل |
رد : كيف أسوي ؟؟
أختي لكل شيء حد
شكرا ما قصرتي الله يوفقك أخي نواف الحمد لله ربي ارسلك لي بنصيحة والله فكرة ابحاول اقنع الاهل فيها الله يسخر لك عباده ويحقق لك كل ما تتمنى ويجعل كل امورك في يسر ... mayooyaaz ....مدري هذا اللي خايفة جدا منه الله يستر الله يوفقك في الدارين نسمات البرد هلا أختي تسلمين على النصيحه الله يجزاك خير ويوفقك في الدارين ويدخلك الجنة اخوي نواف يا رب يكون زي ما تقول يحسبها وتكون ايجابية مو سلبية الله يرضى عنك في الدارين ويكتب رضاه عنك يا رب لؤلؤة الصباح ماقصرتي ي الغلا تعبتك معاي شكرا على متابعة الردود يبدو لي اني سأعمل بها اظن مصيري لاحقا اليها والله لا يحدني عليها ويسخره لي يجي ويكفي تعب |
رد : كيف أسوي ؟؟
الان بعد كم يوم
في حفلة كبيرة اهلي معزومين واهله معزومين نساء ورجال نسكت والا نسال والا نلمح والا كيف طبعا انا ما بحضر صعبة علي طبعا هو ما بيحضر لانو مسافر مابيرجع |
رد : كيف أسوي ؟؟
اختي سماهر ..
انا والاعضاء هنا ممكن نقدم افكار و حلول تنجح او لا تنجح ... لكن اذا تريدين الحل الافضل هو ان تلجأي لمن بيده كل شئ ، رب العزة و الجلال ... انصحك صلي صلاة اخر الليل ، وسبحي و استغفري ، و ادعي لنفسك و لغيرك ,,, واهم شئ احسني الظن بالله عزوجل و تأكدي 100٪ ان الله راح يختار لك الافضل ... اذا صليتي اخر الليل ادعي بعد التحيات و الصلاة علي الرسول علي الصلاة و السلام بقول :( حسبنا الله سيؤتينا الله من فضله انا الي الله راغبون ) ثم ادعي بما تشائين ... واسأل الله العلي القدير ان يوفقك و يوفق كل زوجين و يرزق كل مسلم و مسلمة ... |
رد : كيف أسوي ؟؟
شكرا لكل الأعضاء اللي ردوا علي ما قصرتوا
الله لا يوريكم المكروه والله يجعل ايامكم سعادة ورخاء أدري اني تعبتكم وآسفة على الازعاج بس أنا يستجد عندي الموضوع وما احسن التصرف وصغر سني ايضا وأرى فيكم ما شاء الله تبارك الله الحكمة الآن هو يقول خليها تدرس علما انا الان خلصت دراسة بامتيازما شاء الله تبارك الله انا في مرحلة البحث غريب امره هذا امس سؤاله أيش أرد ؟ أنا والله نظمت وقتي ولمدة 3 سنوات بجلس في البيت ماخرج بس عمل بحوث عشانه هو والا هذا ماكان في صالحي وتنازلت وابلغناه بذلك شو الحل معه ؟ هههههههههههه منجد شر البلية ما يضحك |
رد : كيف أسوي ؟؟
اقتباس:
وماهي الدراسه الي هو يقصده ؟ |
رد : كيف أسوي ؟؟
اقتباس:
ماشاء الله تبارك الله عمري 25 :15: الدراسة ماجستير الماجستير اول سنة دراسة وثاني سنة عرض وبحث أو يسمووه مشروع بحث أنا خلصت دراسة وأناالآن في مشروع بحث :27: بس عادي انتي لا ترتبطي بمحاضرات انتي في بيتك وتبحثي وتكتبي وبسسس |
رد : كيف أسوي ؟؟
هذا بنظري تلاعب
اتركيه ويعوضك ربي بالاحسن اعذاره مو منطقية ابدا تحياتي |
رد : كيف أسوي ؟؟
هذا يبي يسحب بس مب عارف كيف...
|
رد : كيف أسوي ؟؟
اقتباس:
مشاء الله تدرسي ماجستير والله من كلامه جاء في بالي انتي لسى في الجامعه حصل لي مثل موقفك تمام قبل سنتان وانا في اخر سنه جامعه وماذا كان علي ان افعل صبرت سنه وزياده قرابه 8 اشهر عقب هذا الصبر كله صرفت نظري عنه ونسيته تماما . الى ان جاء من ارضى دينه وخلقه ووافقت عليه والحمدلله رب العالمين ومثل ماقلت لك :<< اسأل مجرب ولاتسأل طبيب:d اجعلي والدتك الله يحفظها تكلم والدت الخاطب وتسأل رأيتي ردها غريب وفيه مماطله اقول لك خلاص لاتنتظريه يأتي وانسيه والله يعوضك بأنسان افضل بكثير |
رد : كيف أسوي ؟؟
اصرفي نظر عنه من رأيي
|
رد : كيف أسوي ؟؟
فاكهة الشتاء
لكل شيء حد شكرا على المرور الله يجزاكم خير الله يستر هلا نسمات مشكوره على كلامك والله مرة انبسطت وخفف عني عارفة وتحسمت انتي ماشاء الله تبارك الله احسن مني صابرة سنتين الا شويه تصدقي والله في ناس تواصلوا مع قريبتي يبغون يوصلون لنا يبغوني وأنا والله ابغى هذا خطيبي الاول ايش اسوي وانا من الان مرة مو مستعدة اقبلهم ابدا غصبا عني يا ناس مقدر ما ابغى الا هو افهموووني هو الوحيد احسه غير عن كل اللي قبله تكفوون يا رب رده لي عاجلا غير اجلا دعواتكم |
رد : كيف أسوي ؟؟
غير بايش ؟!
انه مبهدلك ومرمطك ولا مبالي بك ؟! نصيحتي حكمي عقلك وعزي نفسك عن الجري وراء انسان يتهرب منك قال البنت صغيرة تكمل دراستها اذا بنت ماجستير صغيرة الثانوي والاعدادي عيل رضيعات |
رد : كيف أسوي ؟؟
الله يهديك ..
خذي الي يحبك ويركض وراك مو الي تحبينه وتركضين وراه الثاني يسعدك والأول تتعبين معاه ... |
رد : كيف أسوي ؟؟
اشعر الان بماتشعريه انتي
حصل لي وتعلقت فيه كثير وبكيت فتره طويله اهلي لاحضو فيني الحزن سافرت ورحت وغيرت جو لكن ايقنت انه مو من نصيبي ابد هو ماله ذنب ولا انا وربي ماخلقنا نتزوج بعض والحمدلله انها كانت خطوبه مو زواج ، وبعده بكم شهر ربي عوضني بأ نسان افضل منه بكثير والحمدلله في فتره خطوبتي من زوجي الحالي كنت مو مقتنعه تماما لكن راضيه فيه يمكن لسى طالعه من تجرب صعبه وهذا الي ماجعلني اتحمس له . واقول واكرر مهما تعلقتي بشخص وحبيته ماتعرفي الخيره فيه وربي اعلم بحال الكون كله وكل تأخيره فيها خيره ودامك صليتي الاستخاره وربي سيختار لك الافضل فلاتعلقي قلبك بشخص لايعلم عنك |
رد : كيف أسوي ؟؟
فاكهة الشتاء
يظهر لي لعدة أسباب أنه غير ويكفيني انه جاء لشخصي ليس لمصلحة علم ام مال لذا انا اعتقد انا هناك عائق يمنعه لا هروبا وقد يكون فعلا صرف نظر جزاك الله خيرا فقد كنت محتاجة فعلا لمن يوقظني من أحلام اليقظة عسى ربي ما يحرمك الاجر شكرا شيهانه شكرا على المرور .. جزاك الله خيرا .. قد يكون كلامك في محله واعتقد هو المفروض نسمات ماشاء الله تبارك الله عليك فعلا اسم على مسمى حقا انك نسمات ارحتيني أكثر ايوا انتي من فهمتيني نعم انا الان مثلك تماما نفس الوضع شكرا لك على النصائح الجديد عندي الان أولا / كل عام وأنتم إلى الله أقرب لا تنسوا العشر بالذكر والدعاء وانا بما أني سأكون بجوار البيت الحرام لن انساكم باذن الله كلكم أشخاصا وأفرادا ومجموعة ثانيا/ باعمل بنصيحة الاخوان نواف ومشين وغيرهم جزاهم الله خيرا انوا نتواصل مع أهله ونفهم الاسباب والوضع وسنعمل الاتصال والتواصل ثالثا / بعمل بنصيحة الاخوات بعد الاجراء الثاني سنقوم بفسخ الخطوبة إذا لم يجدي ذلك رابعا/ سأرتبط بغيره لانهم كلمونا ناس ولم نرد حتى الان طلبنا وقتا بالرغم أن هذا لن يكون علي سهلا أحتاج لسنوات حتى أشوف وقررت ارفض حتى يطيب خاطري لكن ما ادري ما نصيحتكم الآن كذا تمام وفهمي لكم صحيح وخطواتي صحيحة اللي عنده توجيه وإضافة لايبخل علي وربي يجزاك خيرا |
رد : كيف أسوي (المستجدات بالرد35)؟؟
كل خطواتك ممتازة
لكن بعلق على رابعا انك بترفضين وبتجلسين سنوات لين يطيب خاطرك ليه تجنين على نفسك علشان واحد ارخص بك عمرك 25 انتي في عز شبابك وفي عز احتياجاتك لاترفضين الخاطب الجديد علشان هالاسباب اسالوا عنه ولاتقارنين بينه وبين الي راح وصدقيني بعد الخطبه من لهفته وشوقه لك بتنسين القديم ومع ذلك مانستعجل يمكن بعد الاتصال مع اهل خطيبك الحالي يقدمون عذر مقنع وتاخذين الي تمنيتيه |
رد : كيف أسوي (المستجدات بالرد35)؟؟
يغلق بتكرار الموضوع في اكثر من قسم ..
|
| الساعة الآن 08:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©