|
ترى حنا بشر مابيدينا حيله على الأقدار
السلام عليكم ورحمة الله وبركاته.
كيف حال الجميع أن شاءالله بخير. ماعندي مشكله الحمدلله ، لكن هي مجرد فضفضه ؛ وتعطوني من نصايحكم إلي دائماً تشرح الصدر : تعودت لازم أفضفض هنا و أبعد عن صديقاتي وأهلي ' مأودي أحد يفهمني غلط ولا يفسر كلامي على هواهم. أختي الأصغر مني انخطبت ووافقت وقبلها بشهر تقريباً اخوي وبعد هو أصغر مني يعلم الله كلهم فرحت لهم و أتمنى من الله يوفقهم ويسعدهم. بس شيء بداخلي أحاول أخفيه وأكابر وماابغى أحد يحس فيني من أهلي. معاملتهم لي كأنه ناقصني شيء ٍ؛ أحس بناظرتهم لو ما حكوا قدامي. حتى دعاوتهم مااحب أسمعها اتجنبها " أكره نظرة الشفقة والرحمة نفسي أصرخ بصوت عالي فكوني انتم بشر مثلي مابيدكم حيله على الأقدار. الحمدلله راضيه ومؤمنة انه ربي وحده الرزاق الرحيم يعلم بحالي ومحسنه الظن انه سيدي خالقي يفرجها قريب. الحين شايله هم صديقاتي والناس لاجونا كل وحدة بتقول لي عقبالك. أكره هالكلمه غصب والله مو بيدي. أدري انه نصيب وماحد بياخذ رزق أحد ؛لكن حنا بشر مهام حاولنا نبقى ضعفاء. |
رد : ترى حنا بشر مابيدينا حيله على الأقدار
يووووه ياقمر .. لازم تتعودي عليها هالكلمة :) و تستخدمي مضاد حساسيةضدها
سمعناها كثير و لاااازلنا نسمعها ولا تحسبي بس يجي نصيبك .. خلاص بترتاحي منها عقبال الخطوبة . و بعدين عقبال الفرحة الكبيرة وبعدين عقبال الحمل وعقبال الولادة و عقبال ما تخاويه :) وعقبال ماتجيبي الثالث و الرابع و الخامس وعقبال ما تحجي و عقبال ماتفرحي بنجاح عيالك و عقبال و عقبال ناقص يقولو عقبال الوفاة :) بعيد الشر عنك حبيبتي ستي دخلي من اذن و طلعي من اذن يكفي ابتسامة و خلاص |
رد : ترى حنا بشر مابيدينا حيله على الأقدار
السلام عليكم ورحمة الله تعالى وبركاته
اختي في الله لاتشيلين هم ولا شي بالعكس المفروض تقولين أمين وتفرحين ، وأنتي للحين ماجالك نصيبك بس مو معناته انه مابيجيلك!! بالعكس نصيبك محفوظ وموجود بس ماحان وقتة للحين وانتي مؤمنة ماشاءالله عليج وعارفة هالامور اكثر مني ومن اي شخص ثاني. انا الحين ادور اللي يقولي عقبالك ههههههه كانت فيه وحدة من خواتي نفس الطريقة!! تزوجوا خواتي ثنتين اصغر منها ، وحسيت فيها مع انها كانت تخفي هالشي ، وصرت قريب منها حيل والله ، واقربلها من هدومها !! مو عشان اني اشفق عليها!! لا والله .. بس عشانها اختي وقطعة مني!! وعشاني ابوصل لها ان نصيبك بيجيك مثلهم!! بس ماحبيت اقولها هالشي إلا لما هي تصارحني!! وفجأة واحنا قاعدين مع بعض فتحتلي هالموضوع (وماصدقت على الله) وقلت لها كلمة وحدة بس!! وأبقولها لك يا أختي.. قلت لها هل تعتقدين ان الله يظلم ؟؟ قالت لا قلت دامك بيدين العادل حقك يبي يجيلك. ومرت الأيام وتزوجت وهاذي حدرها اعيال الحين وتقولي والله مشتاقة لأيام البيت والعزوبية!! وتسب الزواج ههههههه الله يوفقج يارب ويرزقج بولد الحلال اللي يخاف الله فيج ويسعدج ويعوضج عن كل شي تعبتي منة. |
رد : ترى حنا بشر مابيدينا حيله على الأقدار
الحمد الله انك بهذا التفكير الراقي والقناعه التامه بقضاء الله وقدره لكن حبيبتي هذا المجتمع اذا تاخرت ماتزوجت تسمعين كلمة الله يرزقه واذا تزوجت وتاخرت ماحملت تسمعين الله لا يقطعها واذا جابت بنات يحنون عسى الله يرزقها الوليد اللي يظفها واذ جابت اولاد والا جابت بنات بعد مايعجبهم بيقولون ليت عندها بنت تهتم فيها اذا كبرت
حبيبتي بتتعبين اذا بتسمعين منهم بس اسمعي من هنا وطلع من هنا والله لامايعجبهم العجب خليك واثقه ان لك رب ماهوب مضيعك* الله يكتب لك الخير |
رد : ترى حنا بشر مابيدينا حيله على الأقدار
اقتباس:
هلا خيتو نورا صادقه لازم أعود نفسي على هالكلمه. و إن شاءالله ربي يقويني على الكلام إلي بسمعه. أهم شيء لاتنسيني من دعواتك اني ماا تأثر بكلام إلي حولي. شاكرة لك ردك ، أسال الله ان يصلح لك النيه والذريه. |
رد : ترى حنا بشر مابيدينا حيله على الأقدار
اقتباس:
وعليكم السلام ورحمة الله وبركاته. عقبالك يارب ربي يعوضك خير. بصراحه لو على كيفي مااتزوج، ماني شايفه نماذج تشجع الوحدة تتزوج مو الكل بعضهم ، ودي أمي تفرح لأنها دائم تدعي يارب أشوف عيالك إذا شافتني ماسكه طفل. ماشاءالله عليك. الله يحفظك لأخواتك وبحفظهن لك. هل تعتقدين ان الله يظلم ؟(لا وربي ، سبحانه ) هالجملة حفظتها بتلفوني. جزاك الله أثرت بي. سبحان أحيانا أفكر خاصه عند النوم أقول الحمدلله أنام براحتي وأقوم براحتي ماحد يزعجن.(يعني من الحين وأنا أحب بيتنا ومابعد طلعت منه ). اللهم آمين ولك بمثل الدعوات. |
رد : ترى حنا بشر مابيدينا حيله على الأقدار
ولا يهمك متعودين على كلام الناس
اهتمي بنفسك ولن ينفعك احد ما حد مرتااااح الكل تعب من الناس اشتقت اليك كثيراااااا |
رد : ترى حنا بشر مابيدينا حيله على الأقدار
والله يالغالية لو تحسبي للناس كلامهم عمرك مارح ترتاحي بحياتك ابداااااا خليك واثقة من نفسك وماعليك منهم طنشششششي. اصلا من متى يخلو الواحد بحاله ليه نضايق انفسنا علشان ميييين؟؟؟؟؟
تعرفي أنا قبل ماأجيب أبني كنت دائماً اسمع الله يرزقك الله يعطيك ودعاوي كأني ما عندي أطفال مع أني عندي بنتين بس بعض ناس عنده مرض في أنفسهم |
رد : ترى حنا بشر مابيدينا حيله على الأقدار
حيااتي ماعندي زود عن اللي قالوه الاعضاء غير دعوه صاااادقه
الله يرزقك ويكرمك بالزوج الصالح اللي يقدرك ياجوهره موفقه يارب |
رد : ترى حنا بشر مابيدينا حيله على الأقدار
اقتباس:
سبحان الله نفس إلي قلته لخالتي أمسكتني تقول لي أكثري من الدعاء والاستغفار والصدقه. عشان ربي يرزقك. وماحد يتكلم عليك. (لأنه مرة رفضت واحد تقدم لي من يومها وهي حاطه ببالها انه ان اتشرط وشائفه حالي. ونعم بالله ، اللهم أمين يكتب لنا ولك الخير. |
رد : ترى حنا بشر مابيدينا حيله على الأقدار
إن شاء الله امك تفرح فيك وبأولادك
انتي إنسانة رائعة يا اختي تبارك الله وماينخاف عليك بما انك تحملين هالعقلانية ويابخت الطيب اللي يبي ياخذك .. بالتوفيق يارب. |
رد : ترى حنا بشر مابيدينا حيله على الأقدار
اقتباس:
لكن مفارق يوجع ، أسال الله العظيم العالم بحالنا ان يفرجها عليك عاجلاً. سبحان الله ذالك اليوم كنت احكي أمي عنك بكت ؛ كانت مقهورة وقامت تدعي على كل رجل ظالم مايخاف ربه. وكل يوم تسالني وش سوت صاحبتك اللبنانيه. صدقتي ماحد مرتاح أصلاً الدنيا مابها راحة كل مااتذكر وش عانيت وأنا صغيرة وحتى يوم كبرت ودرست بعيد عن أهلي أقول تهون إلي هونها وصبرني قادر يفرحني بيوم بفرجه. يابعدي انتي تشتاق لك العافية وأنا بعد افتقدك لك وحشه. |
رد : ترى حنا بشر مابيدينا حيله على الأقدار
اقتباس:
وصار كل واحد ينبش بعلوم الثاني ويتكلمون بمصير الخلق. الحمدلله الثقة بالله ثم بالنفس موجودة. سبحان الله تجيني رسائل على البي بي بوقته، جتني رسالة من داعية تتكلم عن نفس موضوعي ليش فلانه يصير لها وليه هذا كذا وحرام وماتستاهل ومن هالكلام بالمختصر ، تقول الداعية لو جتك الأفكار حتى بينك وبين نفسك ردي عليها. إتقترحين على الله _ يعني كل شيء يصير بأمر رب السموات والأرض حنا مالنا أي تصرف. |
رد : ترى حنا بشر مابيدينا حيله على الأقدار
والله حاسه فيك
صعبه انو الاخو اوالاخت الاصغر تتزوج قلبك انا اخوي غصب عني كنت متكدره وخاطري مكسور وامي موفرحانه تقول ليته انتي بس تعبت من كثير مابكيت وحزنت على نفسي بالاخير انا عارفه انه نصيب بس الفشله من الناس ااااااه يارب يعين |
رد : ترى حنا بشر مابيدينا حيله على الأقدار
بناااات خلو ايمانكم بالله قوي
والله يابعض الازواج انه مصيبة تنحط ع القلب حقكم يبي يجيكم والله العظيم واللقمة اللي مقسومة لبطونكم تبون تاكلونها طولوا بالكم وتفائلوا وأدعوا الله بالزوج الصالح اللي يخاف الله فيكم. روقونا تكفون ياتاج راسي كلكم. |
رد : ترى حنا بشر مابيدينا حيله على الأقدار
حبيبتي ترى الموضوع جدا عادي ,,,
دايم أسمعها , واسمع اللي أكثر منها بعد ,, ومايهموني ابد ,,, اصلا الناس ماتترك حتى المطلقين والمطلقات كلوهم بقشورهم فيعني حتى لو ماتزوجت طول عمري كيفي ؟ انا حره ؟؟ وهذي حياتي التي لاأسمح لأحد أن يتدخل فيها ؟؟ دمتي طيبه |
رد : ترى حنا بشر مابيدينا حيله على الأقدار
اقتباس:
تدرين فيه شيء فوق هذا مضايقني انه قبل كم شهر صارت لي شوفه شرعية مع انه أبوي ماكان مقتنع ، وماصار نصيب لأنه أبوي يوم عرف عنه شيء رفض مع انه الشي مايستاهل وخاصه انه كنت أتمنى بواحد بنفس مواصفاته. ؛'" وعمتي الله يسامحها ماخلت أحد ماقالت له فلانه خطبها واحد وشأفها وإنشرت الخبر وهو ماصار شيء : جدتي تهاوشني وأنتي ليه توافقين تطلعين له مو سلم لنا ! قلت له أنا ماسويت شيء حرام وبعهد الرسول صل الله عليه وسلم معروف " وكثر الكلام أكيد انه يوم شافها مااعجبته وهو إلي انسحب مع انه والله مو هذا السبب لدرجة حتى أمي طلب يكلمها ويقننعها بس أبوي رفض. وتدرين وش يقول لي أبوي أنا مأودي أقفل الباب كل ماحد خطب أردهم. الحين الناس يحسبوني ماازوج وأبي أفتح الباب. سكتت ومارديت ، مائحتاج يبرر لي ، لو ربي كاتب آتزوج حتى لو كان هو يرفض حتى كان يرد من دون مايعرف رأي أحد. بالصدفه يقولوا لي اخوي إلي ملك على أختي يدخن مع انه أبوي كان يرفض المدخنين ماعليش قمت أهذر علومي ( لكن يقولون نفسياً لازم الواحد يفصفض لمن يحب ويثق فيه حتى يرتاح ومايصاب بمرض _ واختكم في الله تعمل بالنصيحه ههه ). |
رد : ترى حنا بشر مابيدينا حيله على الأقدار
الله يعطيني ويعطيك مانتمنى يااااارب العالمين
|
رد : ترى حنا بشر مابيدينا حيله على الأقدار
وعليكم السلام ورحمه الله وبركاته
اتبعي مااذكر وان كنت تتبعيها فاكثري منها حتى يفتح الله فرجه عن قريب لااحد سينفعك في هالحياه غير ثقك العمياء بربك ثم بنفسك فقط حرصك ابوك واهلك يقدر ولكن انت لك راي لاتسكتين ابدي راييك ولاتخافي من احد فانتي من سترتبط بالرجل ويغلق بها الباب معه فلن يشعر بحسراتك ولالامك غيرك انت فقط..ان كنت ممن لديه قبول لاامر الرجل المدخن فاوافقي ولاتخافي وناقشي وابدي راييك في اوجه العائله كااكمل لاياتيك الحياء وغيره انت تطالبي بحقك فااذا تقدم العمر مافيه احد يشعر بااحسيسك ورغبه بامومه اذا بلغتي 40 او 50 فانتي ستكونين بين امرين القبول باي شخص او البقاء بدون زواج ومالفائده وقتها!! عليك واحرص بالدعاء المستمر 2/الاستغفار والتسبيح والتهليل والصلاه على النبي صلى الله عليه وسلم وحسبنا الله سيؤتينا الله من فضله انا الى راغبون حسبي الله ونعم الوكيل ربي اني لماانزلت لي من خير فقير 3/الصدقه باي وجه الابتسامه الذكر الفقراء بقايا الاكل للعصافير والحيوانات المساعده بالبيت بالطبخ او التنظيف الحلوى ع الاطفال وغيره 4/الديمومه ع الوضوء 5/الرقيه الشرعيه وسوره البقره وخلطه الرومي ولاتقولين مااشكي من شي بل استمري ولايهمك لان احيانا يكونوا الاهل متعلقين فيك ويرون فيك ميزه فيحسدونك يتسلى بك رجل يعتبر غريب عليهم حتى لو كان زوج المستقبل 6/الاهتمام بتثقيف نفسك من ناحيه اداره البيت من طبخ وتنظيف وكيف التعامل مع الزوج 7/الاستقلال المادي وابحثي بانجاز هواياتك من وظيفه واكمال دراسه وغيره ولتعلمي جيدا ابوك عايش حياته بالطول والعرض يكفي انه ماخذ زوجتين وقضاء حاجته ومااحد يحس باوجاعك واذا رحتي في الليل ونمت ع السرير وحدك ودك تتونسي بنفسك مع زوج او ابن على الاقل تكوني جربتي هالامر وانت براييك مالاحد سلطه عليه ابوك لما ااخذ الزوجتين ماشاور احد وان اعطاك من الحكي والسواليف لان اسلوب الطبطبه والمبررات الاساليب المستخدمه من قبل اللي يرفضون الخطاب عفى عليها الزمن السكوت احيانا امام حديثهم يعني انك راضيه باللي يسونه وان كانت هناك غصه بالحلق وقهر لانك بنت لاحول لك ولاقوه وتعبرين عند البعض عاصيه اذا تكلمتي في مفهومه الغير صحيح لمعنى البر يعني لايفكرون بالستر عليك والاطمئنان لان الغريزه موجوده مهما صبرنا انفسنا بالاحاديث قسمه ونصيب الشكوى لله هم اهلي ويخافون علي ومن هالحكي .. اهلينا مايعرفون عن المصلحه فهم بشر لديهم من العيوب مالديهم بل هناك من بعض المدخين افضل بكثير من بعض الملتزم لان هناك من يفهم الالتزام تقصير الثوب وتربيه اللحيه واخلاقه لاتمت للدين بصله لانحكم وفقا قصص البعض منها كان ينقصها الخبره في التعامل معها بالاضافه مهما اهلنا قيموا الرجال هناك امور غيبيه لن تكتشفيها الا بعد اغلاق الباب فيما بينكم واكبر دليل احيانا زوجات اخوانك او معارفك تشكي من زوجها وتصرفاته وتلاقيك تمدحي وفق تعامله الظاهري معك وبالحقيقه هو يحافظ ع صورته جميله امامك والا هو يذيقه انواع العذاب النفسي من صمت ونرفزه وتهزي وغيره واذا كنت حاضره ابتسم وكان مافيه من اطيب ماخلق ومنهم من يضحك وشخص غير مدخن ولكن يشيش او مصاب بمرض جنسي او مدمن مخدرات فاللي اطلبه منك ادعي الله والحي عليه واستخيري حتى فالرجل المرفوض فلربما يعيده الله اليك وتحدثي مع جميع اهلك وحتى ابوك باامرك وازرعي بقلوبهم ان يخافوا الله فيك ولابد ان يكون لديك علم بامر خطوباتك ولك الراي المطلوب منهم ان يسئلوا ويستفسروا عنه وياتون وينقلون لك جميع ماسمع عنه فقط وانت لك الراي الارتباط مو هم اللي يقررون ولتعلمي ان القلب بين اصابع الله يقلبه كيفما يشاء فكما من هناك من انتكسه حالته الى السيئ وهناك من الهمه الله الهدايه لابد من الشكوى لله ع السجاده والدعاء والالحاح وابداء راييك بوجه اهلك حتى والدك وحتى ان رغبتي كذالك ناقشيه بامر اختك انه زوجها مدخن لماذا وافق عليه وانظري لوجه حتى تكتشفي ان ممانعتهم فقط مزاجيه ولربما هناك من يتدخل من اخوانك او اقارب فالسيطره ع رايي ابوك فالتتحدثي ولتعبري عن راييك والله يكتب لك الخير وتبشرينا قريب الله يحميك ويوفقك ويرزقك من واسع فضله وانت بالف صحه وخير الله اكبر الله اكبر ولاله الا الله والله اكبر والله اكبر ولله الحمد كلما تضايقت طبقت الموجوده ع الاقل اكون بمعيه الله افضل من المخلوقين وسلطتهم http://www.youtube.com/watch?v=usQYi0nqIxY |
رد : ترى حنا بشر مابيدينا حيله على الأقدار
اقتباس:
كلامنا هذا ترا مجرد فضفضه ونوسي بعض ونستفيد وندعوا لبعض . ونبي أحد يسمعنا ويفهمنا. |
رد : ترى حنا بشر مابيدينا حيله على الأقدار
اقتباس:
مهما تحملنا غصب عنا يجئ موقف يخليك تفنجرين أسأل الغفور ان يرحمنا برحمته ولا يحملنا مال طاقة لنا به. |
رد : ترى حنا بشر مابيدينا حيله على الأقدار
اقتباس:
لاكن التنفيس ممكن يريحك وأنا عن نفسي طريقتي في التنفيس هي الطناش والامبالاه لأني ليس بيدي شئ في سد أفواههم عني والله المستعان أسعدك الله وفرج همك وأنار بصيرتك , أسأله سبحانه أن يرزقك زوجا صاالحا تقيا دمتي طيبه عزيزتي |
رد : ترى حنا بشر مابيدينا حيله على الأقدار
اقتباس:
اللهم آمين وجميع المسلمين. أسال الله العظيم في هذه الساعة الفصيلة وفي اليوم الفضيل والأيام العشر الفضيلة. ان يرزقنا أخواني خواتي إلي في المنتدى فوق مائتمنون. اللهم من أرد الستر والزوج /ة الصالح فأرزقهم اللهم من أرد الذريه الصالحة فأرزقه عاجلاً اللهم من أرد الوظيفة والرزق الحلال فوسعى عليهم من فضلك يارحمان. |
رد : ترى حنا بشر مابيدينا حيله على الأقدار
اقتباس:
هلا سرب خيال ، جزاك الله خير على نصائحك صراحة في أشياء مااسويها. تصدقين عاد تحليلك صح وخاصة يوم ذكرتي ان أحياناً الأهل مايستوعبن انك تبعدين عنهم. وخاصة أبوي يعني خواتي يهتم لأمرهم ، أنا مايستوعب قعد مرة اسبوعين مايكلمني كاني مسويه جريمه ويناظرني ويصد عني، والله كرهت نفس وكرهت الخطبه كلها. حتى قال له أنا ماابعد بنتي دبر لك نقل مااخليها تبعد 100كيلو قال له خلاص. كل مأقال شيء قال حاضر. مدري الله أعلم أسلوب تطفيش آخر شيء حط حظر وماصار يرد. وقال لأمي أنا هاوشته قلت ماني معطيك بنتي. وقولي لها إذا أحد سالها خليها تقول لأخوانها أنا إلي رفضت ماابغى أبعد عن أهلي ، عشان مااحرجه قلت أصلا أنا ماارتحت ولا أبي آتزوج. فرح وارتاح. بطبعي مااقدر أكلم أبوي ماحد يتفاهم معه واخاف منه. وأخواني كل واحد نفسي. ماعندي غير أمي وهي مابيدها حيله ماتقدر على أبوي. خطبة أختي ماشاءالله عمتي قالت لأم العريس انتي بنفسك روحي لأبوها بنفسك وكلميه ،؛' وفعلاً نفعت معها قال استحيت أردها. وبالاخير تعلمت تدرس ماحد يرحمك إذا انت يالشخص مارحمت نفسك أقرب الناس راح يتركونك ،:؛ إن شاءالله أحاول أغير من سلبيتي وسكوتي " |
رد : ترى حنا بشر مابيدينا حيله على الأقدار
سبحان الله .. الناس محد يقدر يسكتها .
لو الواحد مرتاح و مو ناقصه شي ينقصونه بكلامهم ولقافتهم ولو مليان مشاكل قالو فيه ومافيه .. صدقتي والله .. مهما كان حنا بشر ونتأثر بكلامهم ذكرتيني بحالتي والله خاصة لما اقابل ناس من فترة ما شفتهم تجيك اللقافات .. هاه مافيه شي بالطريق .. ما دورتي لك عريس ليش ما تزوجتي ليش للحين فبيت اهلك عجيب كأني قاعده على قلوبهم :d يا بنت الحلال وسعي صدرك .. قسم بالله العزوبية تجنن عيشيها بالطول والعرض بلا زواج بلا وجع قلب انتي بس لو تشيلين هالفكرة من راسك بترتاحين صدقيني بقولك عن وحده من صديقاتي من ايام الثانوية شفتها قبل فترة ملكنا انا وياها سوى وبعدها بمده انا تزوجت وهي تطلقت من ملكة فقط شوفي نفسيتها كيف قلبت .. صارت انطوائية وتغيرت كثير وكرهت الزواج واي احد يخطبها يروح وما يرجع او يسألون عنه ويطلع مو كفو سبحان الله مدري ليه مع انها بقراره نفسها رغبتها تتزوج وتستقر ف التقينا مرة بجمعة صديقاتنا وكانت وحده من البنات تتكلم عن هالشي تقول سبحان الله احيان ربي يمنع عنك شي تحبه .. وهو مافيه خير لك اي انه انت ما راح تستطيعه مهما كانت رغبتك له وممكن يكون بيأثر عليك ويبعدك عن الله , فساعتها بيكون خير لك انك ما تزوجتي المهم أن تتأكدي وتيقني ان الله اختار لكي الخير دائما لأنه منجد احيان تشوفين زيجات .. تحمدين ربك على النعمة اللي انتي فيها صارت الوحده والله تنام فبيت ابوها مرتاحه قادره على برهم ان شالله مو .. زوج تجاهدين نفسك في رضاه وبالاخر تمصين حمر , مايعجبه شي على قولة وحده من البنات , الزواج جهاااد اذا ما عندك قدره عليه خليك ببيت اهلك ازين .. اتذكر بعد ما تطلقت و خاصة لما تزوج طليقي كنت متلهفة ابي اعرس بس ماجاني واحد عِدل على قولتهم كنت انا وبنت جيراننا نسولف عن العرس وذا .. قالت انتي وش تبين بالعرس تكفين .. هي طبعا حياتها مع رجلها مزفتة قلت لا ابد والله ابي ونيس :) ابيلي واحد يهرجني ويسولف علي قالت اقولك اعقلي بس عندك اخوانك سولفي معهم و اهرجي وطلعي اللي بقلبك اما الزواج كله مغثة وتنسين الضحك اللي تضحكينه هذا يا الخبلة .. ساعات لما اتذكر ايام زواجي احس انها صادقة :d بس تعالي يا بعدي لا تفهمين اني اكرهك فالزواج :d لا لا .. بس قصدي يا غناتي ان الزواج مسئولية صدق واكيد الله ما اخره لك الا انه خير لك وانتي ما تدرين اوصيك و اوصي نفسي , مادامنا عزابيات نستغل هالشي عشان نرضي الله فيه ونتقرب لله كثير خاصة قيام الليل و الصيام .. بهالايام الفضيلة أسأل الله لكي راحه بال لا يشوبها كدر , وأسأله بمنه وفضله أن يرزقك الخير حيث كان ويرضيكي به قولي آمين .. |
رد : ترى حنا بشر مابيدينا حيله على الأقدار
هلا بغالية لك وحشه ياوحشه.
يابعدي انتي تراني بس بالمنتدى أحب أفضفض ولا الحمدلله ماني معكرة على نفسي ولا شيء عايشه حياتي على قولتهم بالطول والعرض. حتى لو أحد سالني لو مزح متى تزوجين انتي مع انه سؤال سخيف مثل أصحابه أقولهم أميري للحين مضيع البيت ههههه ، بكذا أسكتهم وماانكد على نفسي. صدقتي ماحد مرتاح بالدنيا صدق الله عندما ذكر ولقد خلقنا الانسان في كبد. سبحان الله ربي اعطاني برود يوم ملكة أختي كنت خايفه وادعي يعدي اليوم على خير وماحد يرمي على كلمة وتشين أخلاقي لأني عارفه بعض ناس تدور الزلة وتناظرني. لكن ربي حميد سترها ؛،"'_(كنت إدعي من فترة دعاء حسيت اني ارتحت _;هو دعاء لعمر بن عبدالعزيز ، اللهم رضني بقضاءك وبارك لي في قدرك حتى لا أحب تعجيل شيء آخرته ولا تأخير شيء عجلته ). لا حبيبتي ماراح أكره الزواج ؛ لو أبغى أكره كرهته من كثر مااختي تسب وزوجة اخوي يومياً يصجون رأسي بمشاكلهن وأنا ماعندي غير اهز برأسي ، آخر شيء أمس طفح بي الكيل وقلت لزوجة اخوي يأخي روحي بيت أهلك وأطلبي الطلاق ويرحينا مو جالسه عندي وتشكين لي اخوي !!!! انهبلت قالت لا مو لدرجة. خلاص حلي مشكلتك ولاتصجين رأسي الشرهه مو عليك على اخوي متزوج بزر وفضحت فيه !!مع انه مافيه شيء يستأهل يخليها تسب حريم آخر زمن الله يكفينا شرهن ، مو حاسه بالنعمه ، مدري ماتخاف ربي يعاقبها ؟!!! |
رد : ترى حنا بشر مابيدينا حيله على الأقدار
اوصيك و اوصي نفسي , مادامنا عزابيات نستغل هالشي عشان نرضي الله فيه
ونتقرب لله كثير خاصة قيام الليل و الصيام .. بهالايام الفضيلة أسأل الله لكي راحه بال لا يشوبها كدر , وأسأله بمنه وفضله أن يرزقك الخير حيث كان ويرضيكي به قولي آمين .. [/COLOR][/QUOTE] جزاك الله خير وكثر الله من أمثالك. اللهم آمين ولك بمثل الدعوات الطيبه ربي يسعدك ويجمعك بالغوالي. |
رد : ترى حنا بشر مابيدينا حيله على الأقدار
تعبنا نطرد السراب ونحاكي الخيالات
كبرنا وكبرت معنا كثير الامنيات ويوم عن يوم يزيد عناناوالحلم في انتكاسات بشر وفينا من طول الصبر قصورلكن نسال الله الثبات نعاني واعيانا طول السهر والدرب المعطل المسارات نسينا ان عسى تكرهوا شيئا وهو لكم من الخيرات وربنا الوهاب هذي احد الصفات نطلبه ونلح في جلب كل مافيه خير من الامنيات رب رحيم معطي جالب كل مافيه لنا من المسرات بقلم سرب الخيال |
رد : ترى حنا بشر مابيدينا حيله على الأقدار
بصراحه اختي موضوعك وكلامك حلو
وحبيت روحك الحلوه ماشاء الله ورضاك باللي ربي كاتبه لك قريت حكمه من فترة وعجبتني ما اذكرها كاملة بس اللي ظل بمخي لا يؤخر الله عنك أمرا إلا لخير هالكلمة ظلت ببالي ماقدر انساها الله يرزقك يا اختي بالزوج الصالح التقي اللي يخاف الله فيك وتكونين له قرة عين ويعطيك من الخير حتى يرضيك ويبعد عنك كل ضيق وكدر .. وكل عام وانتي بخير مقدما والفردوس كمان كل عام وانتي بخير .. فقدتك |
رد : ترى حنا بشر مابيدينا حيله على الأقدار
السلام عليكم
شوفي انتي حاولي تطنشين اي شئ تسمعينه. يكدرك صح صعب بس حاولي وعيشي حياتك الله يفرجها علينا وعليك يارب |
رد : ترى حنا بشر مابيدينا حيله على الأقدار
هل ترانا نلتقي ..
اللله يسهل أمرك ويقر عينك بالي يسعدك وتسعدينه .. |
رد : ترى حنا بشر مابيدينا حيله على الأقدار
[QUOTE=سرب الخيال;2867602]تعبنا نطرد السراب ونحاكي الخيالات
كبرنا وكبرت معنا كثير الامنيات ويوم عن يوم يزيد عناناوالحلم في انتكاسات بشر وفينا من طول الصبر قصورلكن نسال الله الثبات نعاني واعيانا طول السهر والدرب المعطل المسارات نسينا ان عسى تكرهوا شيئا وهو لكم من الخيرات وربنا الوهاب هذي احد الصفات نطلبه ونلح في جلب كل مافيه خير من الامنيات رب رحيم معطي جالب كل مافيه لنا من المسرات بقلم سرب الخيال[/QUOTE اللهم لك الحمد والشكر صح لسانك سرب الخيال كثري من هالزين. |
رد : ترى حنا بشر مابيدينا حيله على الأقدار
ضائعة وربي
ياسمين شيهانة كل عام وانتن بخير جزاكن الله خير اللهم فرج هم كل مهموم من المسلمين. |
| الساعة الآن 01:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©