تسلميلى ياجرين
انتى دايما سباقه للخير
ماقدرتش ادخل المنتدى امس لعودتى متاخرا وانتى عارفه انى بانام بدرى
انتظرى التفاصيل

مرسى ياام بدر
هدايا قيمه
نردهالك يوم فرح بدر
بس تعزمينا

حااقولك يابيتا
انا قبل الفرح بيومين رحت الدار وقابلت متر الحفلات ..
اتفقت على البرنامج والتوقيتات
المفروض العروس ليها سويت بالفندق هديه ..
بعد الكوافير مابيخلص بيروحوا بتصوروا وبعدها تمانيه ونص تبدا الزفه..
اجى ياختى فى الميعاد وخلاص اتصورواوالزفه حاتبدا وان حد يكون جه من المعازيم ..ابدا ..
يعنى اللى فى الاردن كان زمانهم جم..
طبعا كنت على اخرى لانى ضابط التوقيتات بالدقيقه..
المهم يدا المعازيم يحضروا وان عمال المهم من الجنينه والريسبشن علشان نبدا
المهم البرنامج بدا بان والد العروس يروح يجيبها من الغرفه وينزل السلالم ويعطيها للعريس
احمد اخدها وقبلها بجبينها وبعدين بدات الزفه ..
دفوف ومشاعل واغانى جميله واعطونى مبخره ابخر العروسين بيها ..
بعد كده دخلنا القاعه وقفلوا الباب وعملوا شو الدخله مع فتح الباب وانبعاث الدخان والغناء باسماء الله الحسنى ..
وخده بالك يابيتا بداناها باسماء الله الحسنى..
اكمل الباقة بعدين

شكرا ياام محمد وعقبال ما تفرحى باولادك

ضايعه وربى
الف شكر والعاقبه عندكم فى المسرات

شكرا اخت سيلا ونردهالك بالافراح

هو فعلا ياجرين العروسه للعريس بس احنا جرينا علشانهم برضه ..
وبعدين لما تلاقى البسمه والرضا على الاهل والاصدقاء بتحسى بسعاده وانك ماقصرتيش..
ماكملناش ياجرين ....
يعنى كل الاصناف السخنه كان واقف عليها فرد يغرف علشان الاصناف تكفى
يعنى تاخدى الطبق وتلفى على البوفيه يتغرفلك من كل صنف وتخرجى معاكى كل الاصناف ..
كان نازل على الترابيزات ترمس شاى والفناجيل والسكر ..
طبعا ده غير المشروب التحيه وكانزى البيبسى ..
الدى جى بدا وكان اولها رقص سلوا بداه العروسين وبعدين قالوا المتزوجبن او مخطوبين يتقدموا ليرقصوا سلو..
اخت نورهان بنتى وبدانا الرقص وبعدين كملت وامرى لله مع امها ..
عملوا شو التورته للعروسه وبعدها دخل العروسين البوقيه لافتتاح البوفيه ..
هنا حصل الهجوم واسيبكم مع الاكل شويه ..

اخ مارد الجنوب
شكرا لدعواتك ويارب يجعل ايامنا كلها افراح
ام ربى
شكرا على مرورك
حطومه
الف شكر على التهنئه ومنتظرين اعمالك الفنيه فى العيد وبعدين مش قلتلك طيريه وتعالى عندنا
براحتك ..ِ

قبل الفرح اشتريت بدله سوداء..
بنتى قالت دى عاوزه كرافته ساتان سودا
مش متعود عليها لكن جبت واحد بس الموضه كلها كرافتات رفيعه .. للشباب يعنى
اينعم انا لسه شباب بس قلت اسال غيرهم ..
زميلاتى بالعمل قالولى ابو العريس لازم يبقى مميز يبقى تلبس كرافته حمراء ومعاها المنديل
برضه مااتكيفتش
لغاية مااحمد جابلى كرافته سوداء باقلام قضى رفيعه واعجبت الكل فقلت على بركة الله وهى اكيد حاتعمل شغل برضه ..
بعد كتب الكتاب والانتهاء من البوفيه بدات نمرة الرقص الشرقى ..
طبعا وقفت الفرح على رجل وانا جيت جنبها كده وقلتلها مش عاوز الفرح ينام عاوزهم صاحيين
عملت تلات تبلوهات وغيرت فى كل تابلوه واشتغلت بذمه..
استمرت للواحده صباحا وبعدها اخدنا الصور التذكاريه وطلعوا حجرتهم واحنا روحنا ..
لما رجعت البيت حسيت زى جرين ماقالت
العروسه للعريس
بس الحمد لله عدت على خير وعقبال الكل واولادهم انشاء الله ...