تمشكلت مع زوجي (مستجدات بالرد 58)
 

زوجي هددني اذا مانزلت نظفت الغرفه اللي جايين فيها اخوه وزوجته وامه الغرفه مو في بيتي في بيت امه رح يطلقني هل يعتبر فعله ظلم لي ام لا خاصة اني بسوي لهم الضيافه والعشا وانا رفضت لان زوجته معاه ولان زوجي للاسف مايستاهل اتعب عشانه كفايه قايمه بواجبه وغير كذا اخوه وزوجته مايقدروني مهما اسوي بالعكس كل ماسوي لهم معروف يزيدون عدم احترام
اذا هو يدور الزله عشان يطلقني الله معاه

رد : تمشكلت مع زوجي
 

وهل يأمرها احيانا بخدمتك ان كنتي محتاجه لذلك ؟

رد : تمشكلت مع زوجي
 

انا ابي أصير معج قاسي شوي حبيبتي اسمعيني عندي لج كم كلمه متعوب عليها :d
اولا انا قريت موضوعج وكل ما انزل سطر ودي تكونين جنبي واكفخج لين تجيك غيبوبة :(
وبعدي من قالج تأخذ ين واحد متزوج وعنده عيال لاتنسين تر ممكن يدور الهوى ويرجع لام
العيال فلا تتميلحين زياده ونثبري واسكتي وكنسي الغرفة ولايكثر وتحملي نتيجية اختيارتج
وهذا ونختج شايب ماينحب لا تشفقين عليه ولاتتلهفين له واضح انه قاعد يلعب باعصابج وعرف انج
بتنظفين الغرفة وبتسوين العشاء ادحري بليس يامره وقومي بوجبتكي بكمال وجه الله يعينج وياصبرج علي الريال :25:
الحين ما تستحقين التلطيش :25:

رد : تمشكلت مع زوجي
 

اسفه انا غلطت زوجي مو متزوج بس من الزعل ماكنت اعرف ايش اكتب انا كنت اقصد حماي وسلفتي زوجة حماي وعمتي ارجو من المشرفه التعديل

رد : تمشكلت مع زوجي
 

طبعا تنظفين المكان دام انتم اللي معشينهم
شي طبيعي جدا ... أما تعزمون وحرمه كبيره تقعد تنظف صعبه بصراحه
أو حطيهم في بيتك إذا كان زوجك موافق..

رد : تمشكلت مع زوجي
 

مو حرمه كبيره في العشرينات وانا اصغر منها وانا عادي انظف اصلا اوقات انظف البيت كامل بس سلفتي حاسه مو مرتاحه لها ولما نروح لهم بمدينتهم ماتعبرني حتى بالسلام ماتسلم وحماي بس يزاعق ومو محترمني ابد ليش اعطيهم اكبر من حجمهم سوينا المعروف زادو غيره وحسد لييييش خلاص بلاش من المعروف بس زوجي قاسي ومايفهم الحين البنات يكثر خيرهم لا قامو بواجبهم انا قايمه بواجبي واهله يشكرون فيني ليييش يتبطر وبيخليني شغاله للجميع كثرة الضغط تولد الانفجار

رد : تمشكلت مع زوجي
 

ومو احنا عزمناهم هم جايين من الحج
اكيد بتقولو لي حجو وماينفع اقلكم حجهم مو متعب بحمله باهظة الثمن

رد : تمشكلت مع زوجي
 

والله ضحكت منج مع اني متظايقه واااايد الله يسعدج يعني وش تبيني اقولج :d
لاتنظفين الغرفة انا اقول يابنت الحلال نظفي الغرفة والله يابي يساعدج يا عمري واحتسبي الأجر عند الله وصدقيني مايضيع عند ربج شي واصبر وحتسبي الأجر وياما سوينا الخير وقطينه بالبحر :17:

رد : تمشكلت مع زوجي
 

ما دام انو قالك للو ما نظفتى الغرفة يطلقك
لازم تنظفى الغرفة
ومعليش اختى عديها المرة دى
وبعدين فى لحظة صفا
فهمية ان امة وزوجة اخوة يعاملونك بطريقة غير لطيفة
وانك لما تخدميهم هما يزيدون فى معاملتهم السيئة
الله يوفقك

رد : تمشكلت مع زوجي
 

مو منظفتها اذا شايف حياتنا وقفت ع الغرفه انا مابغي هالحياه واكيد ربي بيعوضني انا موناقصني شي عشان اتدلع مثل الحريم بس مشكلتي عودته ع السناعه ياليتني صرت رفله كان لقيت احترام ولقيت تقدير على اقل شي اسويه مثل زوجة اخوه ابغي اعرف يحق له يجبرني والا لا واذا طلقني في ذا الحاله اعتبر مظلومه والا لا

رد : تمشكلت مع زوجي
 

رد : تمشكلت مع زوجي
 

رد : تمشكلت مع زوجي
 

جرح حبيبتي... شكله ابليس متربع عندج اليوم و مسوي حفله عندج...

تعوذي من ابليس يا اختي... لأن الموضوع فيه طلاق... إذا هو عقله صغير و يقرن الطلاق بتنظيف الغرفه... لا يصير عقلج اصغر و تعاندينه...

حبيبتي إذا وقع الطلاق ما في مفر منه بعدين... و ما في فايده من البكاء على اللبن المسكوب بعدها ( و هالجمله لكم انتوا الإثنين.. انتي و زوجج)...

رد : تمشكلت مع زوجي
 

دامه هدد بالطلاق لاتنظفينها علشان مايتعود

واذا سالك نظفتيها لاتردين
واذا قال ليش مانظفتيها

علميه انك زعلانه من تهديده على هالشي البسيط

ماتوقع في رجال عاقل بيطلق زوجته علشان هالسبب
وانتي اخبر بزوجك


اذا ممكن يطلقك علشان هالسبب اقصري الشر
ونظفيها وبعدين وضحي له مايحق له يهددك بالطلاق علشان تنظيف غرفة

رد : تمشكلت مع زوجي
 

السلام عليكم ورحمة الله تعالى وبركاته

اذا زوجك أمرك بشي مافيه معصية فلابد أنك أتنفذين طلبة ، أما رفضك لطلبة فهو خطأ خطأ خطأ
والحديث النبي علية السلام يقول ( إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت)

وبعدين يا أختي الناس حالين على زوجك ضيوف!! والضيف أولاً وأخراً هو ضيف الله
ف حتى لو زوجة اخوه واخوة مو طايقينك!! أعملي بأصلك وطيبك وجملي زوجك قدام أهلة.

وأجرك على الله.

رد : تمشكلت مع زوجي
 

اختصري المشاكل ونظفي الغرفة
ترى بعض الرجال عقولهم صغيرة مثل الاطفال وخذيه على قد عقله
الله المستعان بس

رد : تمشكلت مع زوجي
 

شرعا لست ملزمه بخدمة أهله ..
و لا خدمته لكن تخدميه من باب العرف ، لكن ماله حق يجبرك
على خدمة أهله ..
و طاعة الزوج تكون في حدود حقه
و ليس فما هو خارج عن حقه ..

وان كان يأخذ الطلاق سلاح بوجهك كل مرة
فأقولها لك بكل صدق .. الحياة معه غير مضمونه
ان كان هذا اولها ينعاف تاليها ...

رد : تمشكلت مع زوجي
 

ياحبيبتي العقد الفريد صرت راقيه بدل المره الف ونظفت لهم بيت كامل عشان يدخلون وهو نظيييف قامت سلفتي عبت راس حماي لدرجه عمتي استغربت من تصرفاته وفكرتني اني معبيه راسها عليهم او شي وسالتني انتي قايله لها شي قلت لا قالت احدري منها
وحماي صار كل مكان ادخل فيه يزاعق ويقول اخرجي ابي اجي
ويسميني ظروف
وزوجي شايف وساكت بس هو مايراضها على زوجته ان احد يتعدى عليها ولابحرف وش ذنبي ان حظي كذا
بعدين انا مافرجت احد على زوجي مثل ماقلتو انا بقوم بظيافتهم واسوي لهم عشا بس مسألة انه يجبرني انظف او يطلقني هذي اللي كبرت عندي كبر السماء وعناد فيه مارح انظفها هالمره عشان ذا التهديد

رد : تمشكلت مع زوجي
 

خلاص لا تنظفيها
وخلينا نشوف اخرتها هههه
يا بنت الحلال مشي الموضوع هالمرة بس علشان الدنيا عيد وبس يكون مبسوط منك افتحي هذا الموضوع معاه بكل لطف وبصوت هادي ونقاش عادي ووصلي له وجهة نظرك بسهولة واطلبي منه يفصل بين الامور وما يربط شي بشي
اكيد فهمتي علي صح

رد : تمشكلت مع زوجي
 

أختي في الله غزلان
يشهد الله انك من أخواتي اللي اعتز فيهم في هالمكان
بس ترى فيه بنات يفهمون هالكلام غلط!! وفيه شي لازم يتوضح

يعني فاطمة بنت محمد رضي الله عنها لما كانت تطبخ وتخدم زوجها وتطيعة عملت حاجة خارج الشرع!!
نساء النبي رضي الله عنهن لما كانوا يخدمون النبي كانوا يعملون حاجة خارج الشرع؟؟ تعتقدين النبي علية السلام بيوافق انهم يسوون له اشياء خارج الشرع!!
وكذلك الصحابيات رضوان الله عنهن!!

وأمي وأمك وأمهاتنا جميعاً كانوا يسوون هالاشياء بس عشان العرف!!

أختي غزلان
الله خلق المرأة عشان تآنس الرجل وتكون له البيت والسكن والراحة والطمأنينة والمودة والرحمة!! وهاذي وظيفتها بالحياة!! ف لما تخدم زوجها في امور غير حقوقة الشرعية مهي عيب ولاهي إهانة بالعكس هو أجر لها ورضا تكسبة من عند زوجها وحسن تبعل!! ولاتنسين ان حسن تبعل المرأة لزوجها هو جهاد في سبيل الله.

ولاتنسين كذلك ان النبي علية السلام قال في معنى الحديث (لو كنت أمراً أحداً أن يسجد لغير الله لأمرت المرأة أن تسجد لزوجها) فهل هالزوج مايستاهل انك تطيعينة خصوصاً بان الجنة ماتدخلينها إلا برضاة!!

رد : تمشكلت مع زوجي
 

ماشفت اني بخدمتي لزوجي وخدمة اهله اني كسبته بالعكس صار واجب علي اذا ماسويته حياتي ممكن تنهي ببساطه

رد : تمشكلت مع زوجي
 

نظفي الغرفه
و يعدين اقعدي معاه وفهميه وجهه نظرك بهدوء

رد : تمشكلت مع زوجي
 

على فكره انا متزوجه من خمس سنوات للناس اللي تفكر اننا باقي نتعدل وانا دايم اقوم بالتنظيف والظيافه واشياء اخري لوجه الله لكن انا شفت محد احترمنا يعني انا دايم اذا جو اخوه الكبير مه عياله الثمانيه اسوي لهم الظيافه والعشا بس اخوه ولاعمره فكر يعزمنا وحتى لما جبت بنتي ماجب لها هديه رغم اني اهديهم لكل مناسبه
اخوه هذا مايرضى ان حرمته تعمل لنا قهوه لما نكون جايين من سفر وعمتي دايم تسمعني هالكلام وتقول صلحي قهوه لان سلفتك بتقول ليه اعمل لفلانه وزوجها بيقول بعد
فهمتو يااااااناس افهموني لاتقهروني وزوجي بعد كملهابالتهديد ياناس ترضونها عاخواتكم هالاهانات

رد : تمشكلت مع زوجي
 

جرح.... هل سبق و ناقشتيه و انتوا رايقين بموضوع خدمتج له..

و فعلا انتي مب ملزومه فيهم... و لكن انا قلت دامها وصلت لربطها بالطلاق... هني شو بتسوين؟ طيب هل قال لو ما نظفتيها انتي طالق..

أبي اعرف.. هل نطق بالطلاق المعلق؟

رد : تمشكلت مع زوجي
 

لا قال تروحي لاهلك ومابترجعين

رد : تمشكلت مع زوجي
 

حياك اخوي المتفائل
لكن بعد كلامك فيه رجال يفهمونه غلط ..!

الحياة ماهي مهانة و مذله و الله الغنى عن حياه مثل كذا ..
الحياة مودة و رحمه ، و عشرة بالمعروف ..
و لكل شخص حقه دون تعدي و دون تعنت و بعدل تام ..!

و من يرغب بغير حقه فالأولى ان يطلبه بأدب دون تعسف
فان أعطاه الاخر فجزاه الله خير و ان منعه فلا لوم عليه ..

فاطمه رضى الله عنها ، خدمت من باب العرف أيضاً
و كذا أزواج رسول الله صلى الله عليه وسلم ..
بل لم يطلب عليه الصلاة و السلام اي من أزواجه بخدمته بل كان هو
كما روي عن عائشة ( في خدمة أهله ، يخيط ثوبه و يخرز نعله ) عليه افضل الصلاة و السلام
و هو اعظم رجل شهدته البشرية و عليه اعظم المهام تجاه أمته ..
و عنده تسع زوجات و خادم فالأولى ان يكون مخدوماً لكنه لم يتعنت و لم يقول انا رسول الله
و انا لي حق و انا برضاي تدخلن الجنه وووو ...
بل كان بجلالة قدرته ( في خدمة أهله ) هو ...
بل لم يطلب حتى من خادمة و يقول له انت خادم و هذا واجبك
بل قال كما روي انس رضي الله عنه ( لم يسألني رسول الله يوما لم فعلت كذا و لم لم تفعل كذا )

خلق الله المراة و الرجل لعبادته اولا و أخيرا
( و ما خلقت الجن و الإنس الا ليعبدون ) ..

و قوله تعالي ( و خلق لكم من انفسكم أزواجا لتسكنوا اليها )
هي من باب الامتنان على عبيده بان خلق لهم من جنس انفسهم أزواج حتى يحدث لهم
التآلف و الانسجام ..
و ليس من باب استعباد جنس لجنس ..
و اعتقاد انه مخلوق لأجله فقط .. !
و قيل ان الخطاب في هذه الاية موجه للجنسين فكل من الزوجين سكن للآخر ..

اما انها لا تدخل الجنة الا برضاه
فليس معنى هذا ان تستعبد و تكون خادمة له و لأهله ..
و ليس معنى هذا ان يتعنت هو و يتسلط و يطلب ماليس له فهذا ظلم و الظلم محرم
الزوج بشر و الزوجه أيضاً و التقصير وارد ..
و فهم الحديث ان اي غضب من الزوج موجب لدخول النار خطا و كذا ليس كل رضا منه
موجب للجنه ..
كما ان زوحات رسول الله كن يهجرنه اليوم كله و كان يغضب منهن يومه
فهل هذا يعنى أنهن من اهل النار ؟!! رضي الله عنهن ..
فقد قال الله عنهن أنهن أزواجه في الحنة ...

اخوي .. نحن لسنا ضد احترام الزوج و الإحسان له و تلمس رضاه بحسن التبعل
لكن نحن ضد التعسف و الظلم و اللى يصدر من الازواج ضد زوجاتهم و يبرر بتبريرات
شرعية و الشرع منها برئ ..
و ضد ان يستغل الصلاحيات التي أعطاه الله إياها مثل الطلاق في أخذ ما ليس له
و طلب ما هو فوق حقه .!

الأخت ما قصرت تقول خدمة أهله كثيراً و النتيجة ...؟!
و كم من الازواج لا خير فيهم
( فخيركم خيركم لأهله ) ...

رد : تمشكلت مع زوجي
 

طيب يا جرح... شو مزاجه الحين؟

تحسين إذا جيتي كلمتيه باسلوب لطيف و تميليح ينفع؟

رد : تمشكلت مع زوجي
 

يوم قال تروحين لأهلج و ما ترجعين.. ترى هذي فيها قولان... إما قصده تأديبي... او قصده طلاق... و هذي وحده يفتي فيها...

خلينا نشوف لج مخرج و لو بسيط منها... مخرج يرضيج و يرضيه في نفس الوقت..

رد : تمشكلت مع زوجي
 

حبيت بس اشكر غزلان

الله يجزاك خير على هالكلام

فعلا بعض الرجال يستخدم الدين لمصلحه شخصية

رد : تمشكلت مع زوجي
 

نام لقرب العصر وصحي تغدى وجلس على جواله وخرج
هادي تقريبا سالته قلت اهلك جايين اليوم عشان اعمل حسابي في القهوه والعشا قال لا
اتوقع مارح يجي الا متأخر

رد : تمشكلت مع زوجي
 

ياجرح فعلا انا لاحظت الي كله يعطي

يجي يوم يظنون الناس ان هالامور واجبه عليه

لا واذا بيوم ماسوه الي متعودين عليه منه يزعلون وكانه قصر بحقهم

ماكانه كان كرم اخلاق منه

لذلك لاتعملين اشياء ماهي واجبة عليك وماهي ضرورية

كل مرة

لا مرة اعمليها ومرة تعذري علشان لما سوين شي لهم مرة ثانية
يعرفون انك تكلفتي علشانهم وماهو واجبك

رد : تمشكلت مع زوجي
 

يعني هادئ نسبيا و الوضع يشجع على فتح الموضوع بكل هدوء...

هو الحين ما يبي يكسر كلمته قدامج... و في نفس الوقت انت مب ملزومه شرعا انج تسوين الشي هذا... سويتيه كسبتي الأجر و الثواب من حسن التبعل... ما سويتيه فما راح تأثمين عليه لأنج شرعا مب ملزوووووووووومه...

و لكن خلينا نمسكها بالنص شو رايج؟

تكلمينه اليوم بعد العشا و بكل هدوء و بورقان و تدلعي شوي... ياختي في وضعيه دلع يبالج تتعلمينه يمكن تجيب راس الأخ اللي عندج... و لكن ما علينا... الحين نبي نوصل للأخ نقطه ان مب حلوه تقول لي اروح بيت اهلي علشان ما نظفت المكان مره... خاصو انج مب مقصره معهم... و خااااصة ان الغرفه مب في بيتج أصلا بل في بيت امه.. فليش مب الخدامه هي اللي تسوي هالشي مب انتي...


تتوقعين هالشي ينفع معاه؟

رد : تمشكلت مع زوجي
 

لؤلؤه... المشكله يوم الناس مب راضيه تفرق بين واجبات الزوجه و الأشيا اللي تسويها من حسن التبعل للزوج... تعرفين ليش؟ لأن الكل تربى في بيئه و شاف امه و خالاته و عماته و جداته يسوون كل شي و على قولة واحد من المعارف..."الوحده كانت تخدم و تسوي و بعد تاخذ على راسها و فقيره ما تقدر تفتح حلجها بكلمه"... هو طبعا يقولها و هو يواسينا... فيستغرب يوم تجي زوجة المستقبل تقول ستوب انا ما بسوي هذا...

امهاتنا ما قصروا في كل شي... و لكنهم كانوا يستندون على عادات و تقاليد اكثر من كونها واجبات شرعيه.. يا اختي إذا حق الإستمتاع ما كانوا يعرفونه... و يظنون ان المتعه بس للرجل و هي ما لها شي ابدا... فما بالج بالخدمه و هالسوالف!!!

رد : تمشكلت مع زوجي
 

انا عارفه انه رح ينفع ورح يرضى لانه عرف انه جرحني جدا بكلمته بس لو اكلمه بيقول لي ليش ماتسمعي كلامي وليش تردي وتقولي اخوانك ماني ملزومه فيهم وبدافع عن نفسي وبنرجع من جديد فخليه يداوم بكره بعد بكره يصير خير واحتمال كبير ماناقشه خلاص امشي الوضع نفس ماهو عليه والغرفه خلاص اتوقع نسي امرها ماعاد فتح السيره يعني لابنظف الغرفه ولابروح لاهلي بس بيعاقبني بصمت

رد : تمشكلت مع زوجي
 

لحظه لحظه لحظه...

الحين فتحتي موضوع من اول الصبح..

و نقاش و حاله..

و آخر شي هذا جوابج!!!

إذا كنتي عارفه الوضع جي بيكون... فليش فتحتي الموضوع؟

انتي تعبانه من الوضع... و شكلج طلعتي حرتج هني... الحمدلله انها هني مب معاه... على الأقل أهون شوي من انها تكبر بينكم...

انت اصلا شايله عليه وايد.. و شكلها القشه التي قصمت ظهر البعير عندج صح جرح؟

رد : تمشكلت مع زوجي
 

أختي في الله غزلان

كل اللي أتكلمين عنة معروف ونعرف أن الحق الشرعي للزوج من زوجتة هو فراشة فقط ، لكن وبما أن الرجال عندة واجبات خارج البيت من شغل وتعب وكدح ومسؤوليات عشان يوفر لأهله حياة كريمة كذلك المرأة لازم تشاطرة مسؤولياتة وتمسك بيتة وتهتم بشؤونة الداخلية كلها!! لأن كل اللي علية هو ك رجل أنه يهتم بالشؤون الخارجية اللي توفر لأهله حياة رغيدة ، وتوفرلهم حياة كريمة.

وإلا على كذا خلاص نلغي موضوع النفقة المادية وما اعطيها مصروف وأكتفي فقط بمسكنها وكسوتها ومأكلها وأنتهينا!!

وإذا أطلبتني فلوس أقولها مالك حق لان الشرع ماقسملك شي مادي!!

أو أقولها والله ماني مسفرك ولاني مخرجك ولاني أمشيك لأن الشرع ماقالي كذا!!

صحيح أن الأعراف والعادات والتقاليد أحكمت بخدمة الزوج لكن لما أنقول أعراف مش معناتها ان كلها غلط او عيب أو مهينة!! بالعكس فيه منها محبب جداً وقريب من الدين والشرع حتى لو ما نزل فيها حكم شرعي.

عموماً أنا أتكلم بلغة أن اذا كان الرجل كفو ويستاهل ف على المرأة أن تحطها بعيونة.

وكذلك لأني أبغى مصلحة أختي "جرح" وخايف عليها اتطلق..!! لأن شكل رجالها مندفع!!
وفوق كذا أبيلها الزينة وأبيلها العلم الغانم والسمعة الطيبة!! أبي الناس لاذكروها يذكرونها بخير ويقولون عنها خوش مرة!!
وفوق كل هذا أبيها تعمل بأصلها وطيبها ومالها شغل بإساءات الناس!! أبيها مثل عود البخور كل ما انحرق طلع طيبة!!


أما باقي الاخوات المخببات
فأقول أنتوا حاطين رجل ع رجل وجايات تسولفون وماعندكم شغل!! وتشيشون المسكينة على رجلها!! ولاطاح الفاس بالراس ولاسمح الله وتطلقت كلكم مابتنفعونها ولا بينفعها كلامكم!! ف أما انكم تقولون خير أو أتخذوا من الصمت وسيلة تكسبون فيها الأجر.

رد : تمشكلت مع زوجي
 

اه يااختي والله شايله كبر الجبال من اشياء كثييييييير ومو قادره اتكلم اشياء صغيره بس تجرح وتكره في الحياه غير القسوه وهذا الموضوع اكبر دليلل عليها مايرحم قبل ثلاث ايام امه كانت موجوده وكان عندي نزيف فاهمه. اتوقع اني انام ماصحى او اطيح ماعااد اقوم وهو صحي يقول امي بتجيك واذا تنشطتي سوي لها شي تاكله رغم ان اخوه وزوجة اخوه معاها يعني امه ثم نفسه ثم اولاده وانا اخر القائمه احس كرهت الحياه اللي لازم اكون فيها مااقصر رغم كذا كلامه مرررره يجرح واسلوب ماعنده اقول له امك تجي اشيلها على راسي يقول غصب عنك مو بكيفك يااااعالم انا قاعده اموت من ذا العيشه

رد : تمشكلت مع زوجي
 

في نقاط انتو مب يالسين تلتقون فيها...

طبعه هل هو جاف دائما معاج؟ شو أكثر المشاكل اللي تكون بينكم؟

الرجل عموما يحب يحس بقيمة أهله عند زوجته و خاصة امه... في الموقف اللي ذكرتيه انا معاه و مب معاه.. امه و اخته و زوجة اخوه ياينج ضيوف يعني ما يصير هم يقوومون بأي شي في بيتج (إلا إذا الميانه طايحه و الوضع حلو بينكم و هالشي ما اشوفه).. ردج عليه واااايد حلو و رده عليج قاسي... و لكن هل كان رده بسبب طريقة ردج...

أحيانا لغة الجسد عندنا تلعب دور...

ما اقول ان انتي الغلطانه و لا أقول ان هو الغلطان... و اضح ان في بعد في العلاقه يا اختي... حاولي تصلحين هالشي و ان شاء الله راح ترتاحين...

اسال الله لكِ الراحه...

رد : تمشكلت مع زوجي
 

والله مايدكروني بالخير ولاقد سووها قبل اليوم عمتي مانكر تدعيلي وتذكرني وتشكرني بس سلفاتي واخوانه بالعكس يكرهوني اكثر ويحسدوني لانهم مايبغون احد يمدحني او يقولو شوفو فلانه

رد : تمشكلت مع زوجي
 

اوضح نقطه هم في بيتهم تحت وانا في بيتي فوق مفصولين عنا وعشان انزل او اروح لاهم لازم عبابه لان البيت في سكان فهمتو وهم مو ظيوف كل اسبوع جاايين