|
اففف يا قلبي ،،،، يا بنت الناس اكرهكككك
بعد التحية ... يا اخوان و يا اخوات قلبي تعبان ،، ما اعرف اشكي الا لرب العالمين ، لكني اكتب هنا لهدف في قلبي الا وهو اني افضفض ... يا جماعة مشكلتي باختصار هي ان زوجتي تخبر قريباتها بكل شئ يصير بيننا بالبيت ، واحنا تونا جايين من شهر العسل ... تقول لهم ايش اكلنا ، وباية فندق و سعر الفندق ،، حتي يوم دخلت عليها كلمت و قالت لوحدة بالتلفون علي ما اعتقد بنت عمتها كيف نمنا و كيف وكيف ... يا الله ،،،، احس اني قدامهم حيوان ، ليش كذا يا بنت الناس ....؟؟؟ وكل شئ علقت عليه ،،، وكأن مافي احد بالسعودية ماراح المالديف ،،، علمتهم باسم الفندق وسعره و علمتهم ان الفندق فيه فلل داخل الموية سعر الوحدة ب 7000 ريال اليوم الواحد و طبعا لازم تقول ( ايه بس ما صار لنا نسكن فيها ) بطريقة يعني تري زوجي مقصر معاي ... وش تبيني اسوي ؟؟؟ هاه ؟؟ انا الاهبل اللي انقص ظهري اشتغل بالشمس عشان اكلك و اصرف عليك ،،، ومع ذلك معاي فلوس بس والله ما يهنا لي بال اسكن بفلة ب 7000 ريال واخواني بسوريا يموتون ... الفلة اللي احنا فيها غالية وفخمة وتؤدي الغرض و زيادة ... انا بعرف ، بنات الناس هذولي اللي تكلمهم زوجتي ليش يسمعون لها ؟؟ مافيهم وحدة تخاف الله تقول لها عيب اسكتي ؟؟ اخخخخخ احس قلبي ينقز اي والله من القهر و النار تاكلني ،، مالي نفس اتكلم معاها حتي والله كلام حلو غصبن عن اهلي ما يطلع ،،، استغفرك اللهم واتوب اليك .. يا بشر يا هوووووه يا خلق ،،، يرحم ابوكم ربوا بناتكم و عيالكم زين ،،،، قسم بالله ربي بيسألكم ،،، اذا كذا عيال اليومين ما ابغي اجيب عيال ابدددددد ... رجاءا سلكولي اول عشان اهدأ و بعدين اذا ناويين تنتقدون خذوا راحتكم ولايردكم الا لسانكم ،، وحسبي الله علي البلاك بيري الزفتتتت ... |
رد : اففف يا قلبي ،،،، يا بنت الناس اكرهكككك
هد اعصابك
وعادي هذا وضع جديد على زوجتك وانتي مو معطيها مجال تسولف معاك فطبيعي هالطاقه بتوجهها لغيرك صارحها وبين لها ان هالشي يضايقك |
رد : اففف يا قلبي ،،،، يا بنت الناس اكرهكككك
لا تصير حساس كثير بتتعب صدقني عادي المره تفضفض وهذي بالبدايع متحمسه ومبسوطه و خايفه فتسولف
|
رد : اففف يا قلبي ،،،، يا بنت الناس اكرهكككك
ما عليك ملاإاإامة اخي
غلطانة و ستين غلطانة اللي تتكلم في ادق التفاصيل عن حياتها مع زوجها قلة وعي منها يعني ممكن نمشي لو تكلمت عن مناظر السفرة..الجو هناك...شكل الفندق..بشكل عام و بدون اساءة لكن عيب رمي بالكلام عن زوجها و تحكي خصوصية الفراش او تأففها من المال .ووالخخ ... لكن يا اخي كيف عرفت تفاصيل الكلام الذي دار بينهم لا يجوز التجسس اخي..لكن بما ان اللي حصل حصل و عرفت امامك المواجهة... بعد ما تهدأ .... |
رد : اففف يا قلبي ،،،، يا بنت الناس اكرهكككك
وين الله يرضالي علي والديك ...
انا من الصبح الي الليل وانا سواليف معاها ،،، يا بنت الحلال ماشاء الله اتعب من الكلام معاها اكثر من الشغل بالدوام ... الي درجة احيانا انام من التعب ... ومع ذلك ماعندي مشكلة تسووووووووف براحتها ،،، بس حتي المواضيع الخاصة لاتسولف فيها .. اخخخخ تذكرت اني انا اللي بدفع فاتورة الجوال و المكالمات الدولية بعد هذا كله .... لا وضعي صعب ،، بطلع امشي في الشارع شوي ... استغفرك اللهم واتوب اليك ،،، استغفروا يا جماعة .... |
رد : اففف يا قلبي ،،،، يا بنت الناس اكرهكككك
مسز داني قبل لا اطلع امشي ...
كانت بالمجلس و دخلت عليها وهي تتكلم وكملت علي اساس انها تتكلم بموضوع ثاني وانا سمعتها و مايحتاج سماعة الجوال صوتها عالي،،،، سمعت كثير من الكلام بينهن ... سبحان الله وبحمده سبحان الله العظيم ... |
رد : اففف يا قلبي ،،،، يا بنت الناس اكرهكككك
اذا تحدثت عن امور الفراش فلاتسكت وفهمها انه مايجوز في الدين
وانه مايرضيك اذا هي تحدثت بصورة المتذمر او انك مقصر فهذا مو لانه الي سويته قليل لكن بعض البشر يتكلم بهالصورة خوفا ان الناس تقوله بس هذا الي سوالك فهي تتكلم بذي الصورة اذ انزعجت من ذكر تفاصيل رحلتكم فعادي هي من حماسها واستمتاعها بالرحلة تبي تعلم الجميع وتتحدث بتفاصيلها |
رد : اففف يا قلبي ،،،، يا بنت الناس اكرهكككك
شي عادي انها تسولف عن سفره مافييها شي
والبنت فرحانه انها سافرت وشي طبيعي الواحد يتكلم عن سفرته اذا سافر انت صارررررررحها بكل شي يضايقك مو تكره البنت الله يهديك قولها لاتتكلم لحد في خصوصيات الفراش اما اي شي ثاني عادي ترا مافيها شي صارحها حل المشكله معها وتعوذ من ابليسس تكره زوجتك من البدايه |
رد : اففف يا قلبي ،،،، يا بنت الناس اكرهكككك
لؤلؤة ... هي جالسسسسه توصف ،، جلسنا نمنا سوينا فعلنا ، بالتفصيل الممل بدون ما تقول اي رأي يعني تاركة اللي معاها علي التيليفون تعطيها رأيها .. اخص يا اوبرا وينفري علي غفلة ...
onne انتي تشوفين عادي هالسواليف ؟؟ ابفهم الحين فيه وزارة كاملة اسمها الداخلية ,.,,, هذولا وش شغلتهم ؟؟؟ اما زوجتي رحنا سوينا فعلنا اكلنا ، الاكل بالمطعم كلفنا كذا وكذا وكل شئ ،،، يعني وصف الخبر ماخذ اكبرمن الخبر نفسه ... لا و ياليت بس كذا ،، نقعد بمكان حلو الاقيها ماسكة البلاك زفت ،،، تخيلي طلعنا برحلة بحرية وطلع فيه ارسال للبلاك بيري ، نص الجلسة معاي ونصها مع البلاك بيري ... ليه ؟؟؟ ليه اصلا وزارة الاتصالات تسمح بالبلاك بيري ؟؟والله صدق المالكي في بيني وبينك يوم تكلم عن البلاك بيري ... اشهد ان لا اله الا الله و اشهد ان محمدا عبده ورسوله ... استغفرك اللهم واتوبك اليك .. |
رد : اففف يا قلبي ،،،، يا بنت الناس اكرهكككك
الله يهديها
اهدأ..ثمن صارحها حتى بموضوع الانشغال بالرسائل وهي معاك ...... هناك حدود لا يجب تجاوزها حتى لو كانت علاقتها.مع صاحباتها قوية فلك و لحياتك معها خصوصية ... كما قلت لك...اهدأ ثم صارحها...حتى لا يكبر الموضوع اذا كلمتها و انت غاضب و في قمة.ضيقك |
رد : اففف يا قلبي ،،،، يا بنت الناس اكرهكككك
ههههه يا اخي كل ما اقرا موضوعك اضحك ... هدي اعصابك وروق ، انت اصبر عليها شوي ثم اهدا وقول لها حبيبتي ما يصير كذا و بين ان كلامك جدي .... اذا خافت وقالت لك انا ما قلت ، قل لها ادري بس احب اذكرك عشان لاتخطين بعدين ، واذا اعتذرت سامحها وذكرها بان هذا حرام ... اقتراح ... اذا هي ماهي موظفة ليش ما تشوف لها وظيفة ؟؟ نواف |
رد : اففف يا قلبي ،،،، يا بنت الناس اكرهكككك
مالومها توها جديده على الحياه ..
ياما لها تبي تنكوي من هالبنات الي توصف لهم حياتها بيجي يوم ماتجيب طاري زوجها لدرجه ان مافي دليل على وجوده الاعياله ذكرتني بوحده كان عندها بلاك بيري .. ودعى عليه زوجها انه يضيع .. وضاااع .. غريبه زوجتك .. الي اعرفه البنات اول مايتزوجون ينقطعون من العالم .. ولا هذاك جيلي انا والطيبات الي زيي ياحليل هالجيل عايشينها بقووووه |
رد : اففف يا قلبي ،،،، يا بنت الناس اكرهكككك
بنات اخر زمن
الله يرحم امهاتنا وجداتنا عاقلات سنعات بعض الجيل هذا من البنات خرابيط حكي وقيل وقال وغيره واشياء تحوم الكبد الله يعينك على ما ابتلاك |
رد : اففف يا قلبي ،،،، يا بنت الناس اكرهكككك
اقتباس:
|
رد : اففف يا قلبي ،،،، يا بنت الناس اكرهكككك
تحتاج زوجتك قرصة اذن
خوفها من عين اصحابها وخوفها من الخوف من الله بسبب وصف العلاقة الخاصة وقل لها انك لن تتحدث لها بأي امور طول ماهي ثرثارة |
رد : اففف يا قلبي ،،،، يا بنت الناس اكرهكككك
الي يقول جيل قبل كل جيل فيه الصالح و الطالح
وفيه عجز ليومك هذا توصف العلاقه وامور الفراش و الفاظ الله وكيلك عحز فالتها زوجتك توها متحمسه |
رد : اففف يا قلبي ،،،، يا بنت الناس اكرهكككك
اقتباس:
ولو الرجل تزوج اربع نساء بالكاد يصلون مجتمعين لمستوى إمرأه واحد من نساء زمان اول طبعا راح تـنـط كالعادة وحده من العضوات وتسأل : وهل رجال اليوم كرجال الماضي :d |
رد : اففف يا قلبي ،،،، يا بنت الناس اكرهكككك
اقتباس:
و الخيبة ان البعض لا يجيب عليه!! شر البلية ما يضحك |
رد : اففف يا قلبي ،،،، يا بنت الناس اكرهكككك
اقتباس:
{..هہْہْْہْْْہْْْہْْہْـ(😂)ـہْہْْہْْْہْْہْہٱٱٱي..} آآآخ يا توفي آنــــme ــآ مٍْْـٍْْ♡̷̴̬̩̃̊ـٍْْنٍْْ الطيبات اللي لما تزوجت انقطعت عن العالم الخارجي زي ماقلتي!!!!!! عادي ي اخوي البنت مستانسه وتعبر عن فرحتها بشهر العسل وبنفس الوقت تحرهم!! |
رد : اففف يا قلبي ،،،، يا بنت الناس اكرهكككك
اخوي هد اعصابك حتى تستطيع التعامل مع المواقف بحكمة
اولا كم عمر زوجتك وماهو مستواها التعليمي ؟ ثانيا البنت ممكن مثل ماقالو الاعضاء انها فرحانة وتقول لصديقاتها من باب المباهاة ومثل ماقالو العضوات خوفها من العين والحسد وافتح معاها حوار لطيف وهاديء تضع فيه الاسس لحياتكم الزوجية وتخبرها بضرورة كتمان الاسرار الزوجية خصوصا الفراش وتوضح لها الحكم الشرعي في هالامر وانه الزوجين ستر وغطاء لبعضهم وانه انت حتصونها وتكتم اسرارها مثل ماانت متاكد انها بتكتم اسرارك و بدون ماتجيب خبر عن انك سمعتها وان كررت هالسلوك واجهها بكل هدوء وحاول تستثمر وقت فراغها بشئ مفيد مثل حلقات تحفيظ قران او دورات لتطوير موهبة او مهارة لديها حتى تستمتع وتنشغل فالنفس ان لم تشغلها بالطاعة شغلتك بالمعصية اما لغة التعميم في بعض الردود فهي نظرة قاصرة فلكل جيل مزاياه وعيوبه وطرق التعامل المناسبة معه فهاهو علي بن ابي طالب رضي الله عنه أدرك الاختلافات بين الاجيال في قوله ربو ابنائكم على غيرماربيتم عليه فانهم خُلقو لزمان غير زمانكم |
رد : اففف يا قلبي ،،،، يا بنت الناس اكرهكككك
السلام عليكم ورحمة الله تعالى وبركاته
اخوي سليمان البنت جايتك عجينة سوها مثل ماتبي الحين ولاتسكت!! وإن سكت مو بصالحك ترى ان الفات الفوت ماينفع الصوت!! تراهي جايتك على تربية اهلها وأمها وخواتها وماسوت شي جديد على تربية اهلها!! تلقى غالباً خواتها كذا او البيئة المحيطة فيها يسولفون عن ازواجهم بنفس الطريقة!! وهي تعتقد ان هالشي عادي ومن باب انها تسويلها حياة مثل حياة المتزوجات حولها وكأنها تقولهن مافيه احد أحسن من احد او شوفوا السعادة اللي انا فيها!! (الحريم مفطورات على الغيرة) بالنسبة للخصوصية امسكها وكلمها وقل لها انا ماحب ان خصوصيتي يطلع عليها الاخرين حتى وإن كانت امك او خواتك!! وإذا كررتها حمر العين عليها وشدد اللهجة!! اما البلاك بيري ف مادري كيف سامحلها انه تشيلة بصراحة!! بس مو هذا موضوعنا!! لابغيت تطلع معها خذ تلفونها وخلة بالشقة وخذ تلفونك بس عشان اتصالات الطوارئ لاسمح الله ، وخذ معك كاميرا عشان التصوير!! لاتستحي منها وتقول بعدها عروس ترى هالسوالف اتلقاها وهي عروس افضل من انها اتلقاها وهي ماينة عليك عشان تصير أوامرك حلقة بأذونها. انت الرجال وانت الراعي وانت قائد السفينة والكلمة الاولى والاخيرة هي لك!! ف مارس رجولتك على احسن وجة بما يرضي الله ولاتخضع لأي شي غلط تسوية قدامك!! ترى اذا فرط الرجل في التغاضي عن المرأة زاد استخفافها فيه ، وحط أبالك ترى ضبط سلوك زوجتك مسؤوليتك الآن. |
رد : اففف يا قلبي ،،،، يا بنت الناس اكرهكككك
لا تنزعج ياصديقي .. روووووووق
اركد وخلك ثقيل انا مقدر صدمتك في هذا النوع البلاستيكي من النساء حاول تفهمها شوي شوي وادخل لها عن طريق حكاية لصاحبك انه زوجته من كثر ماتكلمت حسدوها صحباتها وزوجها جت فيه عين وكره زوجته ومشاكل الين طلقها.. ترى الحريم اكثر شي يصدقون سوالف العين والحسد والاحلام... صدقني تقدر تسيطر عليها .. بس روووق وفكر بهدوووء ودهاء ياشيخ تلف راسها في دقايق |
رد : اففف يا قلبي ،،،، يا بنت الناس اكرهكككك
ارجو ان لا تاخذ الامر بحساسية اكثر فستعلم زوجتك مع مرور الوقت مالذي ينبغي ان لا يقال
نبهها الى خطورة هذا الشئ وتحين الفرصة لذلك ولا تجعل الموضوع يتطور الى عناد بينكما. وفقك الله. |
رد : اففف يا قلبي ،،،، يا بنت الناس اكرهكككك
لازم تكون حازم لكن بما يرضي الله يكفي انها ارتكبت محرم وهو الحديث عن الفراش اضافة الى انه مفروض ان لاتتكلم بتفاصيل حياتكم واحداثها اليوميه*
|
رد : اففف يا قلبي ،،،، يا بنت الناس اكرهكككك
يا رجال وسع صدرك, فيه حريم تلقاها قدامك تمدحك وانت احسن زوج وما قصرت معي وتعاملك راقي ورومنسي وطلباتك كلها منطقيه ومعك حق فيها وتدلعني وتمشيني وما تقصر معي واي شي ابيه تسويه وانا محظوظه فيك. وانت تسمعها كلام مثل كذا واحسن. بعد فتره من الزواج تكتشف انها مزيفه وتقول لك كلام وتقول لأهلها عنك كلام ثاني حتى الأشياء الحلوه اللي تسويها عشانها وتدل انك تحبها وحريص عليها تروح عند اهلها وتقولها باسلوب كأنك تبي تتحكم فيها او تحاول تذلها وتكسرها بينما قدامك تسوي نفسها مقتنعه بكلامك وان هذا فعلا دليل انك تحبها وانت ما طلبت منها كذا الا لأنك تحبها. صار لنا مثل ذا الأمور وانصدمنا والحل في نظري هو المصارحه وقلها يا بنت الناس اذا فيه شي مو عاجبك لا تجامليني قولي وانا بسويه على قدر استطاعتي.
سالفة انك رحت شهر العسل المالديف وأخذت فله أرخص من بعض الفلل المفروض انها تكون شاكره للي سويته قدامك وقدام الناس لكن بعض الحريم ما يملا عينها شي ومنافقات من الدرجه الأولى. انصحك تصارحها وتطلب منها ما تسوي الشي هذا وتوقف تمثيل لأن الشي هذا يضايقك. |
رد : اففف يا قلبي ،،،، يا بنت الناس اكرهكككك
(مشكلتك كبيره) ولاحظ سميتها مشكله أنا مستغربه من البعض اللي يسخّف هالشي وكأنه شي تاافه
أنا معك ميه ب الميه لاتعصب وخلك ذكي ب الكلام وإقلب كل الأمور ل صالحك ب كل الطرق وإذا مافاد سوي اللي تشوفه صح أحسن حل أحسه , أول شي تفتح سالفة انتقادها ع الفندق قولها أنا سمعتك وهذا اللي أقدر عليه, والله يسامحك إبدأ ب التدريج (كلمها ب طريقه عاطفيه وكأنك تحس ب تأنيب الضمير) خليها ماتنام الليل ههه كتبت هالشي لأنه واضح إنه زوجتك تهمها الماديات يمكن لا كلمتها وإنت مطنقر تجحدك ب كلمه أو نظره وهالشي أكيد ب يصعب الأمور والسالفه الخاصه وهذا أكبر شي قولها يرضيكِ أسولف ل أقربائي عنك بهالسوالف الخصوصيه ؟! ( كلمة أقربائي لأنها أقوى ) و إذا قالت لك كيف عرفت قولها الصدق إنه *صوتك عاااااااالي وركز ع هالكلمه وإذا عادت هالسؤال جاوب نفس الشي خليها تقتنع إنها هي اللي فضحت نفسها الله يهديها بس |
| الساعة الآن 07:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©