|
ما ابغاه يعرف عن طريقي كيف ممكن اساعده ؟
السلام عليكم يا إخوان نفسي تشورو علي أنا خطيبي حالته المادية على قده وأنا مقتدرة والحمدلله إحنا منسجمين ومتفاهمين والشكر لله وحده لكن حالته مصعبة علينا امور كثيرة هل مساعدتي له فيها عيب ؟ ما أعرف كيف ممكن اساعده احيانا احسه محتاج ولما افاتحه بالموضوع بشكل عام الاقيه يرفض مساعدة من أحد وهذه اكثر صفة تحببني فيه هو انسان اتعود يعطي وماياخذ وانا اشوفه دايما يضحي لأهله ومايخليهم يحتاجو شي انا نفسي اساعده بس بطريقة مايحس فيها انتم اقترحوا علي الله يخليكم ما ابغاه يعرف عن طريقي كيف ممكن اساعده ؟ على الاقل بالشيء البسيط محتاجة منكم طرق الله يجزاكم خير |
رد : محتاجة مساعدتكم
انتي ماقلتي وش نوع المشاكل المادية الي عنده
علشان نشوف كيف تساعدينه من دون يدري |
رد : محتاجة مساعدتكم
فيه طريقة بسيطة بدون ما يعرف
حولي لحسابه مبالغ مستقطعة وما يلاحظها مثلا حولي له الف ريال كل يومين على حسابه و لمدة اسبوع او 500 ريال كل يوم ولمدة معينة بكذا ما راح يلاحظ اعطيتك الفكرة وانتي شوفي اللي يناسبك اسأل الله ان يوفقك ويتمم لكم على خير |
رد : محتاجة مساعدتكم
آممممم ,,
هلآ خيه ربي يسعدش انا اللي اعرفه انه الرجال مايحبوا المراءه تعطيهم يرفضون وخاصة فترة الخطوبه الرجال دايما هو يبي يبين لخطيبته انه مو ناقصه شي وهو اللي يبي يعطيها كل شي حسب ماعرفتي وصدقيني لو عطتيه احس يمكن يحط بخاطره <> حسب تفكيرهم اشرح لك <> ف الحل الوحيد تدعين ربك يرزقه بس بيني له حبيبي لو محتاج اي شي ترا ها فلوسي هي فلوسك وشوفي ردت فعله قبل لاتستعجلين وتسوين اي شي ,, بعدها من ردة فعله حكمي وش تسوين! ولو بتعطينه وكذا الافضل بعد الزواج ,, اتمنى استفدتي مني =) |
رد : محتاجة مساعدتكم
اقتباس:
مشاكله المادية ان شاء الله مو كبيرة بس زي مثلا تتعطل سيارته وتعطل علينا امور ومشاوير وما يبي احد يساعده الين مايجمع هو ويصلحها زي كذا والمبالغ هذي دايما اللي تنقصه تكون معي والله احيانا تاخذ منا وقت من غير لزوم شهر نتعطل او شهرين |
رد : محتاجة مساعدتكم
اقتباس:
اشوف انه راح يحس ويشك لأنه يعرف احواله زين |
رد : محتاجة مساعدتكم
اقتباس:
قلت له والله احنا واحد و يقولي ايه وان شاء الله واكيد ويوم يحتاج مايطلبني ابد |
رد : محتاجة مساعدتكم
دامها امور بسيطة وهو ماطلب مساعده لاتساعدينه ولا تعرضين عليه المساعده
لانك تجرحين رجولته تخيلي يجي خطيبك يقولك ماتعرفين تلبسين او انتي دفشة مثل الاولاد هالشي يزعلك انتي بعد وقت تعرضين عليه مساعدتك كانك تقولين له ماتعرف تدبر نفسك والرجال قدام زوجته تحديدا يحب يطلع البطل الي قادر على كل شي فخليه يجمع لين يصلحها وانبسطي له ان قدر يجمع ويصلحها وعادي خل تتاخر مشاويركم وحتى بعد الزواج اذا ماطلب منك مساعده فلا تعرضينها عليه حلو تحسسينه انه البطل الي قادر يلبي كل شي ومايحتاج مساعدة احد هالشي يعطيه ثقة اكبر |
رد : محتاجة مساعدتكم
خليه هو رجال يعتمد على نفسه لاتعوديه من الحين تساعديه بكرة بتتعبي واذا تعود تساعديه بكره رح يكون الزامي عليك مساعدته
ادري زوجك شهم ويحب يدبر أموره بنفسه بس الرجال على ما تعود ودام مشاكله بسيطة خلاص هو رجال وهو مسؤول |
رد : ما ابغاه يعرف عن طريقي كيف ممكن اساعده ؟
تصرفي بحكمة ،، مو بعاطفة ..
من الممكن مساعدته عن طريق تخفيف تكاليف الزواج عليه .. أو مساعدته بالأثاث .. لكن بطيب نفس منك ، و بقناعة .. و لا تنتظري أي تقدير منه ، أو زيادة بمعيار الحب .. خليه عشان ربنا لو بغيتي تساعديه .. و من المال الفائض اللي عندك .. و لو شفتي بداخلك ( وسوسة ) فتوقفي .. حتى يروح الشي هذا من داخلك .. و لو مكانك ، بأعطيه لأمي و أبوي .. هم أحق .. و لو كانت حالتهم كويسة ،، اتصدق بها لشئ ينفعني لآخرتي .. أو اجمعها لمشروع بسيط .. أو ادخرها لمصاريفي الخاصة .. |
رد : ما ابغاه يعرف عن طريقي كيف ممكن اساعده ؟
والله يا اخوات ماقصرتم وكلامكم على العين والراس وتسلمون على نصحي ومساعدتي الله يحقق لكم امانيكم ويسعدكم
ويا ليت الأخوان يعطوني وجهة نظرهم تهمني كثير رؤية الرجل ونظرته الله يوفقكم انتظركم وانتظر اراء الجميع |
رد : محتاجة مساعدتكم
اقتباس:
أنا مع هذا الرد ونصيحة لا تحاولي تحسسية بإنه ناقص وإنه محتاج لك مادياً وكل إلي بإستطاعتك تسوي تقليل المصاريف عليه بس اهم شيء لما تكوني معاه خليه يصرف عليكي بالمعقول ويشوف الفرحة بعيونك وصدقيني راح يكون أسعد زوج بإذن الله لا تجرحي رجولته.. والله يوفقكم ويفتح لكم أبواب الرزق ويرزقكم الذرية الصالحة |
رد : محتاجة مساعدتكم
اقتباس:
وأنتظر اراء الإخوان يهمني بعد نظرة الرجل لهالشيء |
رد : ما ابغاه يعرف عن طريقي كيف ممكن اساعده ؟
السلام عليكم عزيزتي
انا مع عصاميه و لؤلؤه, مساعده الرجل تشعره بضعفه حتى و ان احتاج لبعض الاموال فمن المفروض ان لا يطلبها من امرأته و لا ان تعطيه هي. ارجوك قبل ان تقدمي على اية مبادرة شاوري مختصصين بهذا الموضوع. قد يدخلك تصرفك هذا في مشاكل انت في غنى عنها. وفقك الله |
رد : ما ابغاه يعرف عن طريقي كيف ممكن اساعده ؟
إذا أنتي تبي تعطينه حاجة بسيطة لاتعطينه لأنه ماتستاهل.
|
رد : ما ابغاه يعرف عن طريقي كيف ممكن اساعده ؟
وعليكم السلام والرحمة
بقولك على وحدة نفسك كانت ودها تساعد زوجها قبل زواجهم فقالت له لاتوفر حق شهر العسل ماله داعي دام أني معاك خلاص المهم خبت له تقريبا بحدود أربعين الف راحوا بهم شهر عسلهم. اهم شي انتي واثقة فيه انه يستاهل. |
رد : ما ابغاه يعرف عن طريقي كيف ممكن اساعده ؟
ياحبيبتي الرجل ماياخذ فلس من مرة
لا تعودينه على هالشيء حتى لو مزنوق هو رجال وهو يدبر اموره لو طايح في مصيبة لو وراه سجن ولا حد اقولك اوقفي معه وافديه بعمرك مب بفلوسك دامه محتاج لكن عشان سياره متعطلة ومدري ايش هالامور يدبرها الرجال ياحلوة لاتاخذك العاطفة |
رد : ما ابغاه يعرف عن طريقي كيف ممكن اساعده ؟
عطي أحد من قرايبه تثقين فيه مثلا ب واسطة أخته
ويقول ل زوجك إنها ك إعانه له للزواج ومصاريفه الله يخليكم ل بعض |
| الساعة الآن 06:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©