|
احترت اثقــــــل ولا لا؟(كل من ساعدني له دعوة من اعماق القلب)
السلام عليكم ورحمة الله وبركاته..
اخواني/ اخواتي.. عندي مشكلة والله مشغلة تفكيري حيل.. الله يوفق ويفرج لكل من وقف معاي وساعدني.. انا متملكة لي تقريبا شهرين ونص..المهم.. جرآئتي مع خطيبي مدري ايش اقول لكم.. متوسطة ولا صفر.. لما يكلمني ف الجوال .. يسولف ويقول كلام حلو..المهم لما خلاص يطفش يقول يلا سولفي لي..انا اسولف له سالفه ويالله اجيبها بصراحه كلامي قليل.. اتفاجأ لما يقول مره ثانية يلا قولي سالفة زينة ..اقول ماعندي يقول اقصد كلام حلو زين دلعيني دخليني جو...انا ينلجم لساني..ماادري احس بعض الاحيان مااعرف..وبعض الاحيان احسه حياء..والله تعبت مره كلامي كلام وحده عادية مو كلام بنت لخطيبها..احس حتى لما اقول حبيبي والله العظيم احسها شينه من لساني لأن مااحس انطقها بدلع وثقه.. انطقها بحياء وصوت منخفض شوي.. وصارت لي سالفة صغيرونه بس والله ضيقت صدري...هو غاب كم يوم ماكلمني ولما كلمني...بدا يسولف ولما خلص قال يلا قولي كلام حـلو انا انحرجت من سماجتي..مدري ايش اقوله سكت..شفت طول السكوت قلت يلا سولف..فلأخير حسيت صوته كانه طفشان..جلس شوية بعدين قال كم الساعة<<هذه الحركة يعني انه بينام..قلت نام خلاص انا اكلمك مره ثانية ان شاء الله..قال لا بعد شوية بنام بس قولي لي كلام حلو عيشيني جوي.. قمت الفغرة انا مره ثانية سكت وابتسمت .. ولما قلت لكم جرأتي متوسطة ولاصفر لأن احس لما يزورني اكون جريئة ..يعني لما طلبني ابوسه ابتسمت شوي وبسته ..وافرح اذا جلس جنبي..يعني اللي استغرب بالكلام استحي وبلافعال لا.؟؟؟ تشفون دا الشى طبيعي^ لأن وربي مقهورة وخصوصا لما قفل من عندي طفشان.. وانا لما ابحث بالنت ابغى اجيب له كلمات على قوله ادلعه ووو...امر على مواضيع شبيه بي لكن استغرب من رد البعض والاغلبية..يقولون خليك ثقيلة لاتبوسينة ولاتتكلمين حتى كلام حلو اعطيه قليل ..ويقولون ان هده تجاربهم زمان... يعني تحيرت اتجرأ ولا اثقل.. متى اقول له الكلام الحلو..وايش الكلام اللي تتوقعون يعيشه الجو.. وادا زارني اعتذر له ولا لا وادا طلب مني اي شى اطيعه ولا اثقل.. ^^جاوبوني الله يجزاكم الجنة ويسخر لكم ازواجكم وزوجاتكم ..ورجاء ماابغى رد يجرح..لأن دخلت هدا المنتدى املي فيكم بعد الله انكم تساعدوني..الله يسعدكم ابي ادخل الموضوع بكره والقى حلول تسر الخاطر |
رد : احترت اثقــــــل ولا لا؟(كل من ساعدني له دعوة من اعماق القلب)
وعليكم السلام ورحمة الله وبركاته.
الله ييسر أمرك ؛ حبيت ادعيلك لأني مدري والله بالأمور. لكن كذا احس عادي انتي وضعك طبيعي بس الحين مدري وش فيهم من يوم يملك الواحد يبي يسمع كلام حب ومدري من وين تجيب البنت !؛: تمثل يعني فترة شهرين توكم بدري. ادري صعب على الوحدة تمثل مشاعرها وخاصة اذا كانت صادقة الله يسعدك ويؤلف بين قلوبكم. |
رد : احترت اثقــــــل ولا لا؟(كل من ساعدني له دعوة من اعماق القلب)
السلام عليكم
انطقها بحياء وصوت منخفض شوي.. خلاص هذا دلع ^^ (حياء وصوت منخفض =د ل ع معادله الحياء زينة المرأة ولكن لا بأس طالما انه اتاكي و...... اذا لا بأس من كلمه او اثنتين هو زوجك صح ؟ خلاص خلك وسط لا جريئه ولا شديده وثلا اذا منحرجه قوليله انت عمري وسكري التلفون واذا رد اتصل اكتبيله مسج حلو وشوفيه كيف يفرح وهكذا ..... الله يسعدكم ويجمعكم على الخير في القريب العاجل |
رد : احترت اثقــــــل ولا لا؟(كل من ساعدني له دعوة من اعماق القلب)
كوني على طبيعتك
|
رد : احترت اثقــــــل ولا لا؟(كل من ساعدني له دعوة من اعماق القلب)
اذا طلب منك كلام حلو وشفتي نفسك مغرزه قولي له انا لا زلت استحي منك اصبر علي الين اخذ عليك .. ومادام لا زلتي مابعد تأخذين وتعطين معه بالحكي هذا دليل انك لسه مشاعرك مانضجت يعني لسه ماتفجر الحب .. بس يبيلك صبر شهرين قليله حتى لو كنتي متوسطة الجرأه معه لما يقابلك .. حتى رسايلك ومسجاتك اتوقع نفس الشيء مايطلع معك كلام حلو لانك لسه ماحبيتيه اصبري تحبينه تشوفين مشاعرك فياضة .. ممكن تبتعدون اشوي اسبوع لاتكلمينه ولا يكلمك باتفاق منكم الاثنين ولا يجي بعد وشوفي وش يصير بعدين اتوقع ماراح تسكرين السماعة الا نايمة من كثر الثرثرة
|
رد : احترت اثقــــــل ولا لا؟(كل من ساعدني له دعوة من اعماق القلب)
اقتباس:
اي والله احراج بالحيل..اللهم آمين اشكر لك مروركـ ..الله يسعدك ويحقق مبتغآك عآجلا .. |
رد : احترت اثقــــــل ولا لا؟(كل من ساعدني له دعوة من اعماق القلب)
اقتباس:
المشكلة حتى لو بسكر التلفون مااااااااتلطلع اللهم آمين.. الله يجزاك خير ويحقق مبتغااااكك عااااجلا يارب |
رد : احترت اثقــــــل ولا لا؟(كل من ساعدني له دعوة من اعماق القلب)
اقتباس:
الله يجزاكك خير ..ويحقق منيتك يااارب |
رد : احترت اثقــــــل ولا لا؟(كل من ساعدني له دعوة من اعماق القلب)
اقتباس:
والله ابتعدنا شوي وحسيت بالحنين له والشوق بس برضه لما رجع كلمني لقاااني باااااارده حيل حيل حيل.. والله اني ادعي بصلاتي ان ربي يرزقني الجرأة معاااه..انا ودي اتجرأ بكلامي بمشاعري تجااهه ..ودي اعبر له بس ماتطلع وربي.. جزاك الله خير اختي بسمة امل ..والله يحقق مبتغاااكـ ويسعدك عاجلا يارب .. |
رد : احترت اثقــــــل ولا لا؟(كل من ساعدني له دعوة من اعماق القلب)
بصرآآحة تمنيت القى ردود افضل من كذا..يعني رد يساااعدني على حل هالمشكلة.. لاااتبخلون الله يجزاكم خير..
|
رد : احترت اثقــــــل ولا لا؟(كل من ساعدني له دعوة من اعماق القلب)
اشوفك طبيعيه جدا وكل البنات مثلك بالضبط
تراك عاجبته بس يبي زياده ( طماع ) فلا تشيلين هم والله يوفقك بحياتك ( ذكرتيني بأول سنتين من زواجي كانت سوالفي لزوجي بالعله تطلع ) |
رد : احترت اثقــــــل ولا لا؟(كل من ساعدني له دعوة من اعماق القلب)
اقتباس:
والله عندي لك بشاره :d خليها بعدين :24: اذا لم تساعدي نفسك من سيساعدك لا احد يملك انيغير صوته ليطابق صوتك الا المحقق كونان جد هالمره حاولي حاولي انتِ اكيد تشوفي في ال.......... اللي في التلفزيون وما اليه يعني هو متحصن وطالب بالحلال اكيد يزعل حبيبتي كلنا مرينا بهالفتره لكن التغيير لن يأتي الا بعزيمه قويه دربي نفسك مع المرايه وكأنك تحكي لزوجك واحكي اي جمله او اثنين المره الاخرى احكي وانتِ ماسكه التلفون واللي بعدها بث مباشر مع زوجك اكيد في البداية صعب وتخنقك الكلمات لكن كل شي بالتعود ايصير موفقه والله يرزقكم من واسع فضله |
رد : احترت اثقــــــل ولا لا؟(كل من ساعدني له دعوة من اعماق القلب)
آمممم /نصيحه ترى الرجال يحب الثقل بس مو كل وقت يعني في شغلات خليك ثقيله لاتصيري مره ترى بنفس الوقت يحب البنت اللي الجريه بس بحدود .,, يعني الكلام الحلو ذه عادي لسانك راح يتعود انتي قبل عودي نفسك اهلين حبيبي كيفك؟! وحشتني باختصار عامليه كانه البيبي حقك ومن هالكلام هو صحيح شهرين لك بس حاولي بقدر ماتستطعين.,وعيشي خطوبتك وسوي اللي يحبه زوجك بس بحدود وخلي الثقل مو كل في وقت لآنه تخرب ,,والله يوفقش خيه<>=$
|
رد : احترت اثقــــــل ولا لا؟(كل من ساعدني له دعوة من اعماق القلب)
ههههه والله ضحگتيني نفسي في بدايه ملگتي ، كنت اقول الگلمه وفيني ضحگه احس تضحگ وربي بس ترا هما يسمعونها ويفرحون فيها وربي يعني لا تخافين موب حاس انها شينه ولا جديده عع لسانگ،
عوودي نفسگ اگسبيه من الحين ، اول م يرد عليگ قولي مثلا ، ي فلان بدلع اسمه يعني ، وحشتني مرا ، ولا مثلا حبيبي وعيوني قلبي ، لازم منها اذا قال لگ قولي گلام حلو قولي اني احبگ واموت فيگ اعشقگ وال اخره ، حاولي تعودين لسانگ دايم تقولينها راح بعدين تتطلع معاگ تلقائي بس لازم في البدايات ، اوقات قولي ترا استحي حيل لا تتضايق ايام ويخف الحيا ،وطلعي الگلام بالقوووه ، ارسلي له رسسايل فيها گلام حلو دايييم لانه دام تنقصين عليه الگلام الحلو بالفون قوليه رسايل ، وبس هذا اللي اقدر اقوله ، بالتوفيق ي رب |
رد : احترت اثقــــــل ولا لا؟(كل من ساعدني له دعوة من اعماق القلب)
وابل الندى..اوناا..زوزته..عشقته..
الله يسعدكم ايوووه كدا الردود حيل اعجبتني يعطيكم الله العاااافية وسعادة الدااارين ويبارك لكم ..ويحقق مناااكم عاجلا غير آجلا..والله ماقصرتوا ..الله يجزاكم خير من جد والله فرحت لما شفت الردود تحفزت وتحمست انزع الحياء لو شوي |
رد : احترت اثقــــــل ولا لا؟(كل من ساعدني له دعوة من اعماق القلب)
السلام عليكم أختى
مشكلتك طبيعية جدا يعنى انتو متملكين من شهرين ما تكونى جريئة جدا و لا هيك مثل مانتى عليه انتى محرجة لانك ماقلتى كلام مثل هيك من قبل بس لو قلتى مرة كلمة راح يصير الموضوع عادى يعنى مثلا اذا اتصل بيك اليوم قبل ما يتكلم معاك قوليلة "وحشتنى" او قوليلة " اما بشوفك بفرح " او "اما بشوفك بحس ان قلبى بيخرج منى" وانتى ماتكدبى لانك اكيد بتحسى بهيك صدقينى قوليها مرة وماراح تحرجى وراح تلاقى كلام غير تقولية من غير ما تفكرى بس بالافعال استنى شوى مو من اولها ويارب يجمعكم على خير يارب |
رد : احترت اثقــــــل ولا لا؟(كل من ساعدني له دعوة من اعماق القلب)
اقتباس:
الله يسعدگ ويوفقگ ، يلاه الله الله بالگلام ، طمنينا عنگ لا تقطعين |
رد : احترت اثقــــــل ولا لا؟(كل من ساعدني له دعوة من اعماق القلب)
نصيحة من اخوك طبقي الي اقوله لك وبأذن الله بترضينه وفي
نفس الوقت تضمنين مايشوف نفسه ويخليك تطردين وراه انا رجال واعرف حركات الرجال زين يوم سمعيه كلام حلو حبيبي حياتي ياروحي ومن هالأشاء و3 او 4 ايام خليك عاديه لا تثقلين على الرجال ترى والله بيطفش منك ويروح يدور الحنان عند غيرك ترى اهو بشر يحب يسمع الكلام الزين ويفرح انه مالي عين زوجته لا تسوين مثل السيدة الي عندي 6 شهور روحي حياتي والله ماشفتها منها حبيبي يمكن ماقلتها إلا مرتين اخر شي طفشت وسحبت عليها ولا عاد اكلمها اقسم بالله مليت لو اكلم جدار حس فيني وانا ادري انها تحبني وتموت فيني بس ماخذه نظام الثقل ع طول |
رد : احترت اثقــــــل ولا لا؟(كل من ساعدني له دعوة من اعماق القلب)
اسمعيه كلاما جميلا ردا على كلامه.
هل هو يقول كلام جميل قبل ان يطلبه منك؟ ان كان يسمعك كلاما جميلا قابليه بالمثل مثلا و انا كمان احبك و اشتاقلك. لان المبادره في الكلام صعب علينا نحن البنات انا في ايام خطبتي مرت على اشهر و انا اقول له و انا كمان من دون كلمه احبك. ان كان يبخل بكلامه و يريد تدليعه فاطلبي منه انت الكلام. مثلا انا اشتاق لكلماتك الجميله و.. |
| الساعة الآن 07:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©