منتدى عالم الأسرة والمجتمع - كلوميد بدون متابعة طبية !!!

منتدى عالم الأسرة والمجتمع (http://www.66n.com/forums/index.php)

- استفسارات الامراض النسائية (http://www.66n.com/forums/forumdisplay.php?f=124)

- - كلوميد بدون متابعة طبية !!! (http://www.66n.com/forums/showthread.php?t=242903)

كلوميد بدون متابعة طبية !!!

هل بامكاني أن آخذ حبوب الكلوميد بدون أن أتابع مع الطبيبة السونار والتبويض ؟

رد : كلوميد بدون متابعة طبية !!!

لا يا أم الدانة .. الأمر خطير لا تستهينين فيه ..

إذا ما تابعتي عند دكتورة ما بتعرفين إذا الجرعه كافيه وإذا جسمك يستجيب للعلاج وألا لا ..

وفي حالة اسمها

Ovarian hyperstimulation syndrome أو التنشيط الزائد في المبيض

ممكن تسببها الكلوميد وهي خطيرة وممكن تؤدي للوفاة إذا لم. يتم علاجها بشكل سريع ...

فانتبهي وتابعي عند دكتورة والله يرزقك بالحمل السليم وتجيبين احلى أخ لبناتك والله يحفظهم لك ويجعلهم من الصالحين ..

رد : كلوميد بدون متابعة طبية !!!

اياك ثم اياك يا أم الدانة ..
انتبهي غاليتي وتابعي مع دكتورة

رد : كلوميد بدون متابعة طبية !!!

انتبهي حبيبتي
لاتعرضين صحتك للخطر
تابعي مع الطبيبه العلاج
ربي يرزقك بالدريه الصالحه

رد : كلوميد بدون متابعة طبية !!!

الحمد لله اني ماسويتها ..

رحت قبل يومين لدكتورة اول مادخلت سألتني ايش المشكلة ؟
قلت لها دكتورة ابغي أحمل وصار لي سنة احاول ..
سألتني ماعندك اطفال ؟ قلت لها عندي 3 بنات ..
ابتسمت وقالت : بدّك صبي .. إيه بالله بدّي صبي .. :)
المهم شافت الرحم والمبايض الحمد لله سليمة ومافيها تكيسات ..
أعطتني نوعين من الحبوب .. كنت ناوية أجيبهم معاي الدوام عشان أكتب لكم عنهم وابحث عنهم بس نسيت ..
لأني شوي تخوفت منهم .. أقول لكم ليش :
أول نوع توقعت إنه منشط زيّه زي الكلوميد ..
بس لما قريت الوصفة كانت بالانجليزي ماعرفت كل شي بس دواعي الاستعمال كانت لعلاج مرض سرطان الثدي .. فقط .. :(
والنوع الثاني حبة صغيرة وقالت لي الدكتورة آخذ نصها بس يعني صغيرة جدا .. بالليل مانمت من ألم بطني .. وقمت من فراشي الساعة 3 فيني لوعة وترجيع .. وثاني ليلة نفس الشي ألم في المعدة .. رحت على طول فتحت الوصفة أقراها لقيت من أعراضها الشائعة الغثيان والقيء وآلام المعدة .. واللي فهمته انها تنزل من نسبة هرمون الحليب .. :29:
بعد بكره موعدي عند الكتورة بس يمكن أروح بكره فيه عملية بسيطة جدا بسويها بإذن الله هي عملية تنظيف وتوسعة قناة فالوب .. لما سألت الدكتورة عنها قالت تتنظف قنة فالوب من أي شوائب وتتوسع مما يسهل من عملية وصول الحيوانات المنوية للبويضة عشان تلقيحها .. وممكن تسويها أي وحدة مش شرط يكون عندها مشكلة .. وتثول الدكتورة إنه نسبة كبيرة من اللي عملوها حملو في نفس الشهر أو اللي بعده ..

وبعد شي .. قالت لي الدكتورة اذا تبغين صبي امتنعوا عن الجماع إلى أن اشوف انا البويضة وبعدين بقول لك .. تذكرتكم اللي نصحتوني بهالشي .. :22:
والله كريم ..

رد : كلوميد بدون متابعة طبية !!!

ربي يختار لك الخير
اختي

رد : كلوميد بدون متابعة طبية !!!

ام الدانه ربي يرزقك بالذريه الصالحه عاجلا غير آجل

بس حبيت اسألك عن الحبوب اللي ذكرتي انها لعلاج السرطان
انا كمان الطبيب وصف لي حبوب ولها نفس الاستخدام اذا قدرت بنزل لك صورتها
على العموم هم عشره حبات وهذا اسمهم

nolvadex
tamoxifen
10mg

رد : كلوميد بدون متابعة طبية !!!

ما شاء الله الكل شغال على كلوميد...

مع اني صيدلانيه بس انا ضد هالدوا إلا في الحالات المستعصيه و اللي فعلا تستلزم ان الوحده تاخذه... مدري كذا مزاج :d.. ما أحب اجازف في تنشيط المبيض :24:.. بس اللي حابه تاخذه أرجوكم تاخذه تحت استشارة طبيبه...

بالنسبه للتاموكسيفين.... هالدواء يستعمل لكذا شي بس مشهور كعلاج للسرطان...

الله يرزق الكل الذرية الصالحه...

رد : كلوميد بدون متابعة طبية !!!

أيوه ام محمد نفسه ..

جبت لكم اسامي الأدوية .. تفضلوا وإذا حد جربها يقول لي عنها ..
وأختي لكل شيء حد ياريت تفيديني بها :
Norprolac هذا اللي فهمت انه ينزل من هرومون الحليب .. آخذ نص حبة لمدة 5 أيام
Nolvadex-D هذا لعلاج سرطان الثدي .. حبتين لمدة 5 أيام ..
خلاص البارحة أخر شي وخلصت .. موعدي يوم الخميس عند الدكتورة عشان تشوف البويضات ..

رد : كلوميد بدون متابعة طبية !!!

الدوا الاول يعطونه في حالات ارتفاع هرمون الحليب في الجسم اللي ممكن يؤدي لتأخير الحمل... استمري عليه حسب نصيحة الدكتور..

الدوا الثاني هو التاموكسفين و ينعطى في بعض حالات تأخر الحمل مب بس في علاج سرطان الثدي... فلا تحاتين هالشي حبيبتي... و الله يرزقج الذريه الصالحه و الذكر السليم المعافى...

تعالو ابيكم .. بخصوص الاباضة ..

مثل ماتعرفون أنا تابعت هالشهر عند دكتورة عشان الحمل ..
عطتني حبوب منشطة ولما رحت لها في اليوم العاشر كان فيه بويضتين وحدة حجمها 14 ووحدة 16 .. قالت الدكتورة ان حجمهم صغار نسبيا المفروض مع الحبوب توصل 18 في هذا اليوم .. معناها معاي ضعف في المبايض ..
وصفت لي 3 ابر منشطة .. ورجعت لها في اليوم الثالث عشر من الدورة والحمد لله البويضات بحجم مناسب جدا 20 و 22 .. وعطتني ابرة تفجيرية عشان تنزل البويضات ..
المفروض بعد الأبرة يصير الجماع لمدة 3 ايام متتالية .. بس لأني أبغي احمل بولد قالت لي انتظري 36 ساعة تكون البويضات بإذن الله نزلت وبعدين يصير الجماع مرة واحدة وبعدها ثلاث ايام امتنعوا عنه ..
ثاني يوم من الأبرة قلت أجرب جهاز الاباضة يمكن تكون البويضات نزلت قبل ال 36 ساعة ما أبغي اخسرها .. شفت النتيجة سلبية مافيه اباضة .. جربتها بالليل بعد 24 ساعة ايضا لا يوجد اباضة .. ثاني يوم بعد ماطافت ال 36 ساعة .. تقريبا 41 ساعة جربت الجهاز ولا توجد اباضة ابي أصييييح .. ولكن قلت باتبع كلام الدكتورة وحصل الجماع .. جربت الجهاز بالليل بعد 48 ساعة ولااا توجد اباضة ..
على فكرة أنا صادني اسهال الايام اللي راحت ما ادري هل من الأبر المنشطة أو من ايش بالضبط .. ولكن أحس انه صادني جفاف والله يعزكم البول مركز جدا .. فأقول يمكن عشان تركيز البول مابين الهرمون في جهاز الاباضة .. أحاول امسك بأي قشة وبأي أمل انه فيه اباضة بس مابينت بالجهاز ..

هل ممكن ان الابرة التفجيرية للبويضات ماتعمل عملها وتكون البويضات لسى مانزلت ؟؟ ومتى تنزل انا اليوم 16 من الدورة .. ودورتي ماتتعدى 28 يوم .. يعني الاباضة غالبا في اليوم 14 ..

آآه بس تعبت ياربي خلاص آخر شي أسويه وإذا ماصار حمل هالشهر بنسى الموضوع ..

رد : تعالو ابيكم .. بخصوص الاباضة ..

حبيبتي الله يكون في عونك
والله ما اعرف شي ممكن يفيدك بخصوص الابر
لكن ان شاء الله خير
انتي مو ارحم من ربك على نفسك
لا تياسي ولا تصيحي - عورتي قلبي والله

خلي املك بالله كبير وارجعي للطبيبة ان تقدري هاليومين وشوفي شنو تقول لك

وان شاء الله الاخوات يساعدونك ويفيدونك بتجاربهم

ربي يسهل امورك ويجبر بخاطرك ويعوض تعبك خير

ربي يجبر بخاطرك حبيبتي

رد : تعالو ابيكم .. بخصوص الاباضة ..

يا حبيبتي يا دودو مشكورة على وقفتج معاي ..
يكفيني منج الدعاء ..

فيه حد ممكن يفيدني بالموضوع ؟؟
أنا اليوم لما أرجع البيت بعمل تحليل الاباضة للمرة الخامسة :( وان شاء الله فيه تبويض ..
مع ان زوجي سافر اليوم وماراح يرجع قبل 3 ايام .. بس أن شاء الله اللي امس صار يكفي .. لأن الحيوانات المنوية تضل عايشة 72 ساعة تقريبا ..

رد : كلوميد بدون متابعة طبية !!!

تم دمج الموضوعين لتشابه المحتوى

رد : تعالو ابيكم .. بخصوص الاباضة ..

اقتباس:

المشاركة الأصلية كتبت بواسطة أم الدانــــــة (المشاركة 2911768)

[COLOR=indigo]

فيه حد ممكن يفيدني بالموضوع ؟؟
أنا اليوم لما أرجع البيت بعمل تحليل الاباضة للمرة الخامسة :( وان شاء الله فيه تبويض ..
مع ان زوجي سافر اليوم وماراح يرجع قبل 3 ايام .. بس أن شاء الله اللي امس صار يكفي .. لأن الحيوانات المنوية تضل عايشة 72 ساعة تقريبا ..

ها طمنيني معك على نتيجة التحليل
:d:d:d

ربي يعوض تعبك خير ويجبر بخاطرك
يارب العالمين