نصايحكم تهمني لتأثيث منزلي
 

السلام عليكم و رحمة الله و بركاته

ان شاءالله بعد شهرين بالضبط .. راح ننقل للبيت الجديد .. و هو شقة تمليك ..
خمسة غرف و صالة و حمامين و مطبخ و مستودع ..

افكر نعيش فيه عشر سنوات ان ربي احيانا .. ثم أبيعه ..
عشان كذا ..

ابغى استشيركم في الاثاث ..

.
.

أول مرة راح أأثث منزل بنفسي ..
من و الى ..

.
.

خلال الشهرين هذه ..
لازم اشتري و اجهز الاساسيات .. عشان ننقل و نقدر ننام و ناكل عالاكل ..

.
.

مكيفات المنزل اسبليت .. باستثناء المطبخ ..
لكن لازم نحن نشتريها .. لانه مكانها بس جاهز لكن مو مركبة ..

.
.

المطبخ مافيه اي شي .. نحن راح نصممه ..

.
.

اذا نقلت راح اكون حامل في الشهر السادس تقريبا .. على بدايته ..

و مافي احد غيري راح يأثث و يعمل كل شي ..
و زوجي اذا قلت له شي .. بيقول لي طيب ..
لكن معتمد علت ارائي ..

.
.

حابة استشيركم ..

ابدأ بإيش أول شي ؟؟؟؟
خلال الشهرين هذه ؟

.
.

ابغى ثلاث مكيفات اسبليت عالأقل حاليا ..
ايش افضل نوع .. و عروض عليهم .. و كم اسعارهم ؟

و المطبخ .. كم تكلفته تقريبا ..
و كيف اصمم المطبخ .. بحيث يحتوي كل شي و يبان انه واسع ؟؟؟؟

رد : نصايحكم تهمني لتأثيث منزلي
 

نصيحه اذا انتي من اهل الرياض روحي للمحلات المشهوره وشوفي المنتجات وصوريها و روحي لمحلات اخرى عاديه

واشتري منهم

انا من تجربه بالحركه هذي لاحظت ان المحلات الكبيره .. ذات الاسماء اللامعه .. تزيد بالسعر فوق الالف ونص احيانا

والضمان من نفس الوكيل ..

بس لو لقيتي ياباني لاتوفرينه .. لك وللعمر ..

اعرف ناس عندهم اسبليتات ياباني من فوق العشرين سنه واكثر وماشاء الله عايشه ..ولا اروع

وبالنسبه للمطبخ ممكن تقولين لنا مساحته وكيف موديله مدري تصميمه ..

رد : نصايحكم تهمني لتأثيث منزلي
 

توفي

من زمان عنك .. وحشتينا و نورتينا ..

.
.

لا مو من الرياض ..

.
.

مرة عدينا قدام محل يبيعوا مكيفات .. و زوجي سال عن سعر المكيف الاسبليت ..
قال له الواحد ب2300 ريال اقل شي .. و ضمان سبع سنوات ..

يعني لو باشتريست مكيفات للبيت .. عشان الصالة كمان .. و مكيف عادي للمطبخ ..
اقل شي بيكلف 14 الف ريال ..

.
.

المطبخ مساحته ماشي حاله .. بس تنميته يكون اكبر ..
بس كانت شروطي للمطبخ من زمان .. انه لها شباك ( نافذة ) كبيرة ..
و له مكيف .. و كبير ..

زوجي شايف مساحته كويسة .. بس انا متخيلة شكله بعد التركيب و شراء الاجهزة
احسه بيصير اصغر مما تمنيت .. بس مو مشكلة هو هذا العيب الوحيد الي اشوفه للبيت ..

بس قد ايش بالضبط مساحته ما أعرف ؟

.
.

انا كان نفسي .. قبل لا نسكن .. أبدأ أول شي .. بغرفة اولادي ..
شكلي حأبدأ بالمطبخ و الأجهزة و المكيفات ..

.
.

بس ايش النصايح بخصوص المكيفات ؟
بخصوص المطبخ ؟

.
.

حماتي تقول خذي الغالي الي يعييييش
و ابو زوجي يقول خذي الصيني .. عشان ماتخسري فيه و تغيري باي وقت ..

و رحت محل تصميم المطابخ شفت تصاميم كثيرة ..
احترت ايش الاساسيات الي اراعيها لما اشتري ؟

رد : نصايحكم تهمني لتأثيث منزلي
 

وعليكم السلام ورحمة الله وبركاته ..

لا تضغطي على نفسك وتشتري كل الأغراض في هذه الشهرين ..

مو شرط تأثثي كل الغرف مرة وحده .. أبداي بالأساسيات ..


والالكترونيات لا يضحكون عليك وتاخذي أي كلام .. بتتعبي وتدفعي أكثر في التصليحات ..
هذا إذا ما اضطريتي تغيريهم .. وكمان بتخافي يكون في خلل في صناعتها وفيها خطورة .. انتبهي ..

المكيفات والثلاجه اختاري بدقة ..


برجع لك إن شاءالله ... ومبروك عليكم المنزل

* توفي الحمدلله على سلامتك يا القاطعه

رد : نصايحكم تهمني لتأثيث منزلي
 

هلا بك اكثر ..

بالنسبه للمطبخ تقدرين تاخذين الفرن الي يكون سطحي مدري وشيسمونه مرررره يوفر مساحه وشكله رااااااااااايق ..\\

وتحطين فرن على قدك جمبه مرتفعيكون اامن واجمل واحسن مساحه

ولا تنسين تحطين مساحه مستطيله للصواني ؟؟؟ تحفظها من التراب وتكون مرتبه
يعني تكون جزء للصواني والطوافير الكبار وجمبها جزءين فوق بعض مقابله للجزء حق الطوافير الكبار
واحد من الجزءين للصواني والطوافير حقت القهوه و الشاي والثانيه للقطاعات و الصاج حق المراصيع

اممممممممم ..شوي وراجعه

رد : نصايحكم تهمني لتأثيث منزلي
 

ايوة المطبخ و المكيفات الله يسعدكم ..
ابغى ابدأ بهم قبل لا ننقل ..

لو مكيف لغرفتي و غرفة اولادي و الصالة و غرفة عشان الشغالة ..

.
.

كيف اختاا ر المكيف ؟

كيف اصمم و اختار اجهزة للمطبخ .. بحيث تكون امنة للأطفال .. و توفر مساحة ..
لانه مطبخي دحين مرة صغير .. و تنسد نفسي اني ادخل ..

و ولدي مرات يمد يده للبوتجاز

طبعا اخدتها مفروشة على اساس اني كنت باسافر ابتعاث و ما اطول هنا ..
فكنت اراعي ما اكثر الاثاث .. عشان ماكان عندي ملك او مكان احط فيه اغراضي لو باسافر

رد : نصايحكم تهمني لتأثيث منزلي
 

رد : نصايحكم تهمني لتأثيث منزلي
 

من وآقع تجربتي بمآ إنو قآيمة بتجهيز بيت أهلي من و إلى ^_^

*أول شيء تسويه تفصلي المطبخ لأنه حياخد وقت من 15 يوم فأكثر
بالمناسبة مو انتي الي يصمم يجي العامل وياخد قياسات المطبخ ويسويلكم تصميم على ورق وعلى الكمبيوتر
واذا اعجبكم خلاص تختاروا الشكل واللون وممكن تقولين له طلباتك من ناحية يكون آمن للأطفال وهو حيدلك
وحيديكم كتالوج تختاري الفرن والثلاجات عشان يعرف كم المساحة الي يخليها لها

* بالنسبة للأجهزة الكهربآئية في تجربه حلوة عملتها خالتي
و أبوية ناوي يسويهآ كمآن
أخدت جميع الأجهزة الكهربائية تقسيط من عبداللطيف جميل وماتدفع إلا الف ريـال فقط في الشهر

وربي يتمم لك أمورك (:

رد : نصايحكم تهمني لتأثيث منزلي
 

داماس

مستحيل اشتريهم الشهرين هذه .. ^^
عشان كذا حابة ابدأ بالاهم .. قبل لا ننقل و قبل لا أثقل بالحمل و قبل الولادة ..

.
.

و ااصراحة .. من يوم تزوجت و أنا امشي حالي بأي شي و أي كلام ..
و النرة هذه حابة أوسع الصراحة على نفسي .. و اشتري شي يجلس على طول بإذن الله ..
* المرة هذه

و اولادي خلاص بيكبروا .. خلي لهم مكان يناموا و يلعبوا و يطلعوا مواهبهم فيه ..

و غرف الضيوف و غرفتي بأخليهم اخر شي ..

.
.

امس اقول لولدي ان شاءالله ننقل و نجيب لك سرير وووو الخ
زوجي مضحك بجد ..

هو فعلا يشوف انه طفل مثلهم ..
قال لي : و ابوهم ؟؟؟؟

قلت له :
ابوهم هو يدلعني و يجهز لي غرفتي و يفرشها لي ..

حسيته غار من اولاده ..

مع نفسه :D

رد : نصايحكم تهمني لتأثيث منزلي
 

توفي

مافهمت كيف فرن سطحي ؟
حاليا الفرن مسبب لي أزمة و ماله مكان ..
حتى انه فرن اختي ما كانت تبغاه ..

و على اساس اني باجلس مؤقت و اسافر ..


.
.

عشان كذا .. حابة لو أجيب شي .. يكون شي ممكن اجهز فيه اي طبخة اشتهيها ..
مرات اتعطل و ما اعمل الي نفسي فيه ..

لانه مطبخي ابدا ما يأهل ..

.
.

ماني متخيلة المساحات الي قلتيها ؟

تنصحيني المطبخ من ايش اخليه مصنوع ؟
لانه في مطبخ امي الله يرحمها .. مرة لما قطعت الليمون .. صارت بقعة ..

و فيه المنيوم بس ماعجبني ..

.
.


ماعرف الصراحة ايش الانواع الكويسة و الي تعييييش ؟
و تكون عملية بتنظيفها

رد : نصايحكم تهمني لتأثيث منزلي
 

ماشاءالله تبارك الله .. سما ..

عكسي تماما .. لدرجة زمان لما امي كانت تشتري لي ادوات المطبخ ..
تركته كله عليها .. حتى قدر الضغط ماكنت اعرف هذا ليش يستخدموه ..

بس دحين من كثر ما نقلت و شفت و جربت .. عرفت الاشياء الي ممكن اتجنبها
بس ما عمري أثثت شي .. و لا أثثت بيت و لا غرفة ..

.
.

شكلي باستفيد كثير منك

.
.

تعرفي كم تقريبا تكلف و بحدود كم ؟؟؟؟

المطبخ لا هو

كبير و لا صغييير

بس اصغر مما تمنيت مثل ماقلت
لاني تمنيت احط طاولة صغيرة بالمطبخ عشان اذا قمت الصبح .. افطر بالمطبخ ^^

رد : نصايحكم تهمني لتأثيث منزلي
 

بالنسبة للأجهزة الي بالتقسيط .. ماحتكون سعرها كذا أضعاف ؟؟؟؟

رد : نصايحكم تهمني لتأثيث منزلي
 

عشآني البنت الكبيرة فمتعودة اسوي كل حاجة بنفسي :$
اما المطبخ على حسب حجمه ونوعيته ..
ابوية دخل المحل و قال هاتي احسن نوعية عندك ومطبخنا كبييير
وكلف فوق العشرين
المطبخ الكبير والصغير مو حلوين
الوسط المائل للصغر جميل ^^ يمديكي تاخدي اللفة
ماتقوليلنا مطبخك كم في كم بأه عشان نقدر نتخيل :d
بس اشتري غآلي والي يدوم لك مو تجلسي كم سنة و فجاءة يتخلع
فيه نوعيه حلوة المنيوم لونهآ خشبي حبيتها ^_^

اما التقسيط والله ماعرف اذا هو تضاعف الاسعار او لا

رد : نصايحكم تهمني لتأثيث منزلي
 

ماعرف كم مساحة المطبخ ههههه
يبغالي ارجع اروح اشوف المطبخ ^^

اسال زوجي كم تقريبا مساحته ^^

رد : نصايحكم تهمني لتأثيث منزلي
 

الالمنيوم ما احبه و لا يعجبني .. و ينرفزني ..

بس مافهمت
وسط مائل للصغر ^^

رد : نصايحكم تهمني لتأثيث منزلي
 

ياروح

مطبخك حجمه مثل حجم مطابخ الاسكان وانا عارفه ساكنه فين

اذا كان صغير فالحل انك تعملي المطبخ دورين فوق بعض بطريقه فنيه عند احد المصممين وكمان يكون لونه ابيض لانه يعطي شعور بالاتساع وهذا معروف في علم الالوان وشوفي النت كمان ولو حابه دخلي عليه اورنج وبس وح تدعيلي


الخشب فخامه لكن خشب هذي الايام مايعيش كثير الالمنيوم افضل واتشطروا ترى الفرمايكا (الرفوف) انواع اختاروا القوي

الاهم برايي في الاثاث

المطبخ بتجهيزاته الاساسيه
المكيفات لانو صيفنا عزيز
ثم غرفة النوم
وبس

الله يوفقك وشوفي لو تاخدي تمويل للمكيفات على الاقل

رغم اننا جهزنا لمناسبه من عبد اللطيف جميل مجموعه كبيره وكان القسط800 ريال وهذا قبل 8 سنوات تقريبا

وللاسف عن تجربه مو حكاية غالي ورخيص ابحثي عن الجوده وبس حتى لو رخيصه..

رد : نصايحكم تهمني لتأثيث منزلي
 

صفاء

كيف عارفة انا ساكنة فين ؟؟؟؟
^_^

رد : نصايحكم تهمني لتأثيث منزلي
 

يعني تنصحوني من عند عبداللطيف جميل ؟؟؟

.
.

اللون الابيض .. اخاف لانه اولادي لسى صغار ..
انهم كل مرة يبقعوه .. و يتعبوني بتنظيف حتى الحواف الصغيرة كل مرة ..

شكلي باروح اشوف النوعين .. المنيوم و خشب ..

رد : نصايحكم تهمني لتأثيث منزلي
 

وعليكم السلام ورحمة الله وبركاته

ألف مبروك وربي يباركلكم في بيتكم ويكون فاتحة خير وبركة ورزق عليكم

متابعة لنصائح الاعضاء جزاهم الله كل خير ، واكيد لما تروحي هتشوفي على الطبيعة وتقدري تحكمي اكثر وممكن يعطوك هناك كل المعلومات عن افضل الانواع او اللي عليها اقبال اكثر

رد : نصايحكم تهمني لتأثيث منزلي
 

الله يبارك فيك نور الايمان .. :)

.
.

أمس بعد ما قرأت الاراء و الاقتراحات ..
بدأت ادور بالنت .. الفرق بين المطابخ الالمنيوم و الخشب ..

طبعا قبل .. ماكنت اعرف انه بس فيه النوعين هذولي ..
عرفته منكم ^^

.
.

و الاجهزة شكلي اخدها بالتقسيط .. لاني حابة أخد الشي الي يعيش ..
مو تمشية حال .. و تكون صغيرة و تخرب بسرعة ..

.
.

اذا الاجهزة أشتريها بالتقسيط ..
يبغالي أفكر كمان في غرفة الاولاد .. عالأقل .. الالوان .. عشان ريحة البوية او الطلاء تروووووح قبل لانسكن فيها ..

حابة اصبغ لهم الجدران ..
و زوجي مرة وحدة قال نصبغ غرفتنا ..

هو يحب اللون الأحمر .. بس قلتله الأحمر ما ينفع لإنه يوتر الأعصاب و يخلي العصبي يزيد عصبية ..

.
.

دحين محتارة بالصبغات .. او البويات او الطلاء ماعرف ايش تسموه ^^

افكر بغرفة الاولاد و غرفتي ..
كنت افكر اني استنى لحد ما أشوف الاثاث و لونهم .. بعدين على اساسه نصبغ الجدران

لكن زوجي يقول من دحين أفضل .. عشان ريحة البوية ما تضرنا لو نقلنا بعدين ..
و تختفي الريحة وقتها ..

!!!

.
.

أفكر باللون الليموني و الأخضر الفاتح للأولاد ..
مابغى ألوان غامقة .. انكتم و انخنق ..

ماعرف ايش هي الافكار التانية ؟

و غرفتي لازم لها لون ينفع للمتزوجين .. بس برضو مابغى لون غامق .. : (

رد : نصايحكم تهمني لتأثيث منزلي
 

إذا حآبة حديكي افكار للدهآنات
شوفي هآدي حنسوي زيهآ لغرفة أخويآ الصغير (:
الجدارين المتقابلين واحد مخطط وواحد ساده.. وجدارين متقابلين ابيض
وممكن تخليها ثلاث ساده وواحد مخطط
http://forums.jraaa7.com/imgcache/94184.imgcache.jpg

http://forums.jraaa7.com/imgcache/94185.imgcache.jpg

غرفة أهلي اخترت لهم موف غآمق
في رأيي غرف المتزوجين الأنسب لهآ الألوان الغـآمقة مع الإضآءه حتصير وآو:23:
موقفة ^^

رد : نصايحكم تهمني لتأثيث منزلي
 

روح اشوف الاحمر حلو جدا في غرف النوم

تقدري تعملي بس جدار واحد او اثنين في الغرفة مثل هالصور

http://www.700bk.com/vb/uploadcenter...1358370771.jpg

http://albeet.com/sites/albeet.hawaa...سية-(2)(2).jpg

http://www.yakamar.com/vb/imgcache/2/47789alsh3er.jpg

http://2.bp.blogspot.com/-kZjohZxFkd...-pink-wall.jpg

رد : نصايحكم تهمني لتأثيث منزلي
 

سما

تقريبا نفس اللون الي كان ببالي .. شي زي كذا ..
الوان فاتحة و تفتح النفس

.
.

نور الايمان

ما توقعت الاحمر كذا بيكون مرررررررة روعة
زوجي نفسه باللون الاحمر بس تخيلته بيكتم الغرفة و يضيقها

بس الصور الي حطيتيها غيرت كثير من رأيي

رد : نصايحكم تهمني لتأثيث منزلي
 

روح
مبارك عليكم البيت ربي يعطيكم خيره ويجعله عتبة خير وبركة يا ارحم الراحمين

شوفي ياحلوة غرف الاطفال شفت اشياء روعة في ايكيا واسعار كمان مناسبة جدا ...
واحلى شي انك بتروحي و يكونو حاطين التصميم كامل الوان الجدران مع الغرف مع الاكسسوارات
يعني موفرين عليك التفكير :)

خذي لك لفة عندهم و خذي افكار وشوفي اذا بتعجبك غرف النوم (لك و لاطفالك )

غرف نومي و نوم اولادي من عندهم .. وللامانة اذا انتي مابتنقلي (يعني مافي تركيب و تفكيك دايم)\
فا اشوف انها جدا حلوة كا نوعية

برضو عندهم مطابخ .. يجو للبيت يقيسو و بعدين يدخلو القياسات و شكل مطبخك عندهم بالكمبوتر
وبعدين يوروكي بتصميم ثلاثي الابعاد كيف بيكون شكل المطبخ و لك انك تصلحي و تعدلي و تغيري زي ماتحبي

للامانة مطبخي مو من عندهم بس اعرف ناس اخذو من عندهم و يمدحونه

ابداي شوي شوي بالاساسيات
المكيفات و المطبخ .. وفي غرف النوم اهم شي اشوفه هو الدواليب علشان تترتب الامور
وبقية البيت شوي شوي .. حتىي يكفي بس تشتري مراتب للسراير و تبسطوهم على الارض تنامو عليهم
وبعدين وحدة وحدة تفرشي ..

رد : نصايحكم تهمني لتأثيث منزلي
 

:*

مبارك عليكم البيت:
وبساعدك على السريع بحكم تجربتي
أولاً: أختاري مكيفات جيدة الصنع وعليها ضمان
وأفضل نوع: فوجي - هيتاشي - دايكن - بناسونيك
وفيه مكيفات اسمها GREE وسعرها معقول وجيدة جداً
وابتعدي عن: موندو - ال جي سيئات جداااا

*أبدائي بتأثيث غرفة الأطفال قبل كل شيء لأن تأثيثها ماراح
يأخذ وقت وعندك هوم سنتر رائعين جداً بغرف الأطفال والكبار
وحتى أثاث البيت عندهم رائع أنا معظم أثاثي من عندهم


*دولاب المطبخ خذي الألمنيوم إلي يشبه الخشب لاتأخذي خشب
نهائي وفيه أشكال وألوان ومستحيل تفرقيه عن الخشب وخفيف ورائع
مثل مطابخ الخليجيون سويت عندهم شوي غالين بس ممتازين


بالنسبة للجدران أنصحك بالألوان الفاتحة +ورق الجدران جهة أو جهتين بالغرفة
أستخدمت ورق الجدران في بيتي بصراحة شيء خيال أغناني عن تخبيص البوية
تصفحي كتالوج ورق الجدران قبل تصبغي الغرفة وعلى أساس الورق إلي تختاريه
حددي الطلاء إلي يناسب

رد : نصايحكم تهمني لتأثيث منزلي
 

:*

ومن المطابخ الحلوة إلي أحترت بينها وبين الخليجيون
مطابخ كافكو ولهم فروع كثيرة بس مطابخهم ممتازة

:*

رد : نصايحكم تهمني لتأثيث منزلي
 

الجدران أحسن لك تخلين لونها فاتح وأنا أفضل درجات البيج وجدار واحد ملون بس .. وما أنصحك باللون الأحمر ... الا إذا الغرفة كبيرة وواسعة ووالأضاءة قوية ممكن ..


حطي في بالك ممكن تختارين اكسسوريز بالألوان اللي تحبيها وتغيريها بسهوله إذا مليتي .. أما الجدأر صعب كل مرة تغيري الصبغة .. لذلك أفضل الألوان الأساسيه للجدران ..

إذا الميزانيه تسمح فكري في ورق الجدران.. في . حركات تجنن شوفي الكتالوجات وقرري .. وممكن تختاري ديزاين حلو وتخلينه لجدار واحد بس .. بدل الجدار الملون حطي
ورق جدران .. احلى ..



دولاب المطبخ.. خذي ألومنيوم مو خشب .. والمغسلة ستانلس ستيل ..

رد : نصايحكم تهمني لتأثيث منزلي
 

اهلين ..

حطي بقوقل فرن سطحي وشوفي الاشكال
يكون سطح الفرن منفصل وتشترينه بلحاله . والفرن الي جوا حق الفطاير والشوي والصواني بعد بلحاله ..

انصحك بورق الجدران .. لغرفتك .. ولو تبين لون احمر .. في درجه عنابي مطفي راايقه ..

وريحة البويه في انواع مثل جوتن ماتطلع منها ريحه قويه ..

ابتعدي تماما عنشياسمه تعتيق وشخابيط وعجاين ومدري ايه .. خلي بويه ساده او ورق جدران ..

رد : نصايحكم تهمني لتأثيث منزلي
 

مبارك المنزل وتقومي بالسلامه انتي والبيبي

رد : نصايحكم تهمني لتأثيث منزلي
 

ما شاء الله

اللهم اجعله منزلاً مباركاً

- الجدران أؤيد ورق الجدران او يكون لون واحد .. لأن العمالة قليل الي تلاقين شغله كويس


- مطابخ ايكيا ممتازه بس غاليه عموما شوفي المطابخ الألمانية وأنا حابه اللون الأسود جداً في المطبخ

فما أدري إذا يناسبك او لا ..

- الفرن المسطح الي تقصده وحده من الأخوات الفرن الكهربائي التحكم باللمس ممكن تفصلينه بنفس المحل او تجيبين الجهاز من برا

- ال جي ابعدي عنه بالمكيفات سيء وخراباته كثيره

بس الآن انتي ابدئي بالأساس:

- البويات خلصي منها

- المكيفات ( أهم شيء الصالة والمطبخ وغرفة عيالك وشوي شوي تكملين الباقي لو تنامون فترة بالصاله مو مشكله كبيره)

- المطبخ

- بعدين أثاث غرفة عيالك

- آخر شيء غرفتك

وموفقه يارب

صور يمكن تعجبك

http://img685.imageshack.us/img685/7...ddccaaah8p.jpg

http://img23.imageshack.us/img23/348...ypcuaabera.jpg

http://img802.imageshack.us/img802/516/6282186601.jpg

http://img526.imageshack.us/img526/7281/cbvmcu.jpg

http://t2.gstatic.com/images?q=tbn:A...60pIKZTVbEbMXA

تذكرت شيء لما شفت الصور :d

يمكن تافه بس إذا بتغيرين الثلاجه اللون الفضي جدا جميل أحلى من الابيض

ويجي منه نفس اللون برادة للماء يطلع شكلها مره مرتب

رد : نصايحكم تهمني لتأثيث منزلي
 

الله يبارك لك في البيت ويجعله بيت مبارك وفاتحة خير لكم

أنا لي مع مكيفاتي بكمل التسع سنين ولامره خربوا وتبريدهم ماشاء الله (الزامل)
وثلاجتي أخذتها من محل الوكالة سانيو وبرضو رح تكمل التسع سنين وهي زي الفل
والغسالة أتوماتيك LG بتكمل الخمس سنين وهي من اروع ما يكون ولامره اشتكيت منهما

ولله الحمد

بس بنصحك نصيحة برا الموضوع نصحتنا فيها مدرسة لنا في المرحلة الثانوية الله يسعدها وين ما كانت ويوفقها يارب

وهي اول ما تدخلي بيتك اول شي تسويه تقرأي في كل زاوية في البيت بعض آيات من سورة البقرة وتجيبي موية وتقرأي فيها آية الكرسي وترشي في البيت
مدري أحس بأحساس مرييييح جداً وراحه عجيبه بعد ما اعمل هالشي في البيوت الي أنتقلت لها
الله يوفقك ويجعله بيت السعادة يارب

رد : نصايحكم تهمني لتأثيث منزلي
 

بصراحة انا تجربتي سيئة مع الافران المسطحة

http://www.channel4.com/media/images...ch-3-lg_A2.jpg


احنا العرب بشكل عام بنطبخ كثير و طبخ ثقيل فا مع مرورو الايام بيتخدش السطح
ويصير شكله مش حلو

ثانيا يمكن تضحكو عليا بس بحس الغاز بيطلع الاكل اطيب :)

رد : نصايحكم تهمني لتأثيث منزلي
 

متابعة باستمرار ..

لكن موضوع سيدة مو مخليني افكر بالبيت .. اليومين هذه ..
و الفرن المسطح صادقة نورة .. جربته في بريطانيا و كان الاكل ما يطلع لذيذ فيه ..
لانه ياخد وقت لحد ماالحرارة تقل او تزيد .. مو مثل العادي

هو شكله حلو مرة و مرتب بس مو عملي ابدا .. و كان متعبني بالخارج

و عندي اسئلة كثيرة بخصوص كل شي ..
بس تعبانة مرة اليومين هذه مع الحمل كمان و الوحام ..

.
.

زوجي يبغانا نبدأ بغرف النوم ..
يقوللي انت ما حيمديك تطبخي مع الحمل ..

رد : نصايحكم تهمني لتأثيث منزلي
 

لا يا روح معليش

الأهم فالمهم ..

إنتي محتاجه تتغذي كويس وخاصة الآن بما انك حامل ..

أرحمي نفسك وعيالك شوي واطبخي لهم أكلات صحية ..

حتى لو تخلين الخدامه تغسل وتقطع و وتطبخ قدامك وإنتي تشرفي عليها يظل أنظف من أكلات المطاعم ..

أنا لما كنت حامل في ولدي وهو أول حمل لي كنت تعبانه كثير ونقلنا لشقة وكنا شاريين البوتاجاز واغراض المطبخ لكن طولوا أسبوع لين وصلوا لنا الغاز .. أسبوع كامل ونحن ناكل من برع وكنت مضايقة من االوضع .. لكن كنت اقنع نفسي انه غصب عني وما في خيارات ثانيه ... واول ما صار المطبخ جاهز قعدت أطبخ بالرغم من تعبي وكنت أرفض أكلات المطاعم إلا بين فترة وفترة ..

إنتي كمان إذا ما جهزتي المطبخ حتعذري نفسك وما حتحسي بتأنيب الضمير إذا ما طبختي لكن صدقيني تضرين نفسك وعيالك واللي في بطنك .. لكن غرفة النوم إذا ما جهزتيها ما حتتضرري أبدا ..


واسمحي لي يا روح والله احتراما لك ومراعاة لمشاعرك ما بكتب شيء لكن زوجك يقهر ..

وليتني قريبة منك أطبخ لك إنتي وعيالك أغذيكم واطمن عليكي ..

كنت بنزل لك وصفات سهله تعمليها في البيت لكن اللاب توب تعطل وكل مشاركاتي حاليا من التلفون ..




و

رد : نصايحكم تهمني لتأثيث منزلي
 

داماس

معاك حق ، و أنا مقتنعة بكلامك ( 100% )

و أصلاً أنا عارفة بداخلي ، إنه ( يفكر بنفسه و بس ) ..
لإنه هو يحب الأكلات الجاهزة و أكل السوق ، من يوم كان في بيت أهله ..
أمه ماشاء الله ( فنانة بالطبخ ) ، و هو يترك أكلها و ياكل من برة ..

فلو ما عندي مطبخ ، هو ما عنده مشكلة ..
بالعكسسسسس ، هو الكسبان ( لإني راح أحس بتأنيب الضمير مثل ما قلتي ، و أضطر اشتري من برة أو أوديهم مطاعم )
و هذا عز الطلب عند زوجي ..

.
.

و ربي يخليك يا قلبي ..

و الله ، إني بأهتم إني أطبخ بالبيت كل ما لقيت نفسي كويسة ..
و اليوم اللي ما أروح فيه للدوام ، أضيعه بالطبخ و تجهيز أي شي بالبيت ..

حتى ما صرت أهتم ، إذا زوجي ياكل أو ماياكل ..
لإنه ما يحب الخضراوات ، يحب اللحم ( و هو ما عمره اشترى لحم ) ..

و أنا ما تفرق معايا ، لإني أحب الخضار و الفواكه و الأكل الصحي ..

.
.

نروح المطعم ، زوجي يطلب شوربة عدس ..
إذا عملت في البيت ، ما يشرب و لا حتى إذا أمه عملت الشوربة ..

خلاص ، أهم شي أولادي يتغذوا ..

.
.

خلاص نويت أبدأ بالمطبخ من الأسبوع الجاي ..


لإني الأسبوع هذا ، هو أخر أسبوع ليا في الوحام بإذن الله ..
و مضغوطة عشان الإختبارات ، و مناسبات كلها جات ورا بعضها الثلاث أيام الجاية ..

.
.

تعرفي داماس ..

زوجي جاله القولون ، تشحم الكبد ، السكر ، الضغط ، القلب ، فقر الدم ..
و هو لسى شاب ..

أقول له ، من أكل السوق و من اللحم .. يا دجاج يا لحم ..
و من الكولا ..

و ما أبغى أولادي يتعودوا على نظامه ..
فمهتمة جداً بالمطبخ و أدوات المطبخ .. و إني أجبر نفسي على الطبخ ..

عشان كذا ، حاطة المطبخ هو الأساس ..
و غرفة أولادي ..

.
.

زوجي مهتم بغرفته أهم شي ..
بس خلاص ما راح أسمع له ..

رد : نصايحكم تهمني لتأثيث منزلي
 

يعني ماتطبخين لحم ؟؟

كيف

كيف غدا بدون لحم او دجاج ..

معليش الفواكه والخضار مع الغدا او وجبات جانبيه

بس متعارف ان الوجبه الرئيسيه لازم نوع من اللحوم ..

رد : نصايحكم تهمني لتأثيث منزلي
 

رد : نصايحكم تهمني لتأثيث منزلي
 

أم يوسف

ما عندنا ايكيا للأسف ، في عندنا ( هوم سنتر ) ..
و أنا الصراحة ، كان نفسي من ايكيا ..

إلا إذا أجلت موضوع غرف النوم ، و استنى متى بنسافر للمدينة الي فيها ايكيا ..
و من هناك اشتري ، بس برضو صعب .. لإنه مين راح يركبهم لنا بعدين ؟؟؟؟

.
.

شكلي بأشتري من ( هوم سنتر ) ، أو أدور محلات حلوة هنا لغرف النوم ..
تكون نفس نظام ( ايكيا ) ..

.
.

و أنا نفس الشي أشوف ، إنه أهم شي المطبخ و المكيفات ( حتى مو كل المكيفات ) ..
المهم قبل لا نسكن هناك ، لازم المطبخ يكون جاهز و متركب و الغسالة كمان ..

رد : نصايحكم تهمني لتأثيث منزلي
 

ايكيا عندهم شحن وتركيب

يشحنون لك على شركة tnt

ويركبونه بعد ..

رد : نصايحكم تهمني لتأثيث منزلي
 

.
.


سيدة الموقف ، حبيبتي ..
قلبي معاك ..

و بالنسبة للمكيفات ،


- بالفعل ، (إل جي) ما عجبتني ..
البيت اللي ساكنة فيه حالياً ، مكيفاتها ( إل جي ) ..

- راح أشوف الماركات الي قلتيها ..

- و أفكر إني أخد بس 20000 وحدة .. أظن كذا رقمها ( لغرفة نومي عشان زوجي يحب المكيف الثلج )
و للصالة

بقية الغرف ، 18000 وحدة .. شفت الفرق في النت ما بينهم بس ما كنت زمان أعرف أو أدقق ..

.
.

المطبخ :


- إلى الآن ، ما شفت الصراحة ( مطابخ الألمنيوم اللي تشبه الخشب ) ..
إن شاء الله من يوم الأحد هذا، راح أفضى .. و أروح أختار و أبدأ بتفصيل المطبخ و شراء الأجهزة للمطبخ

.
.

- بالنسبة لورق الجدران .. ما أعرفه الصراحة .. : (
و من فين ممكن أشوفه ؟؟؟؟؟

- و الحلو في غرفة الأطفال ، إنها جاهزة و تشتريها طقم و خلاص ..
ما يبغالها تفصيل مثل المطبخ ، و أجهزة و أدوات وووو إلخ ..

راح أخلي غرفتهم عالشهر الجاي إن شاء الله ..
و إلى الآن ، أنا شفت بسسس ( هوم سنتر ) ، و فيه محل اسمه ( فراولة ) يمدحوا فيه كثير ..
بس زوجي يقول لي ( غالية مرة و حرام ) ..

.
.