منتدى عالم الأسرة والمجتمع - مليت من البحث عن عروسه((مستجدات في الرد 50))

صفحة 1 من 2

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - مليت من البحث عن عروسه((مستجدات في الرد 50)) (http://www.66n.com/forums/showthread.php?t=243008)

الهدوء عنواني

11-03-2013 01:13 AM

مليت من البحث عن عروسه((مستجدات في الرد 50))

السلام عليكم ورحمة الله وبركاته"""

مثل ماهو مكتوب بالعنوان لي اكثر من 3 اشهر والاهل يدورو لي عن عروسه

فجئه كذا تحس ان البنات انقرضو

للان خطبت 3 مرات , المرة الاولى قبل 3 اشهر وشفت الشوفه وكل شي تمام بس استخرت مارتحت وتم الرفض مننا وبعدها كلمو اهلي عائلتين وننتظر اسبوع ويتم الرفض

والوالدة الله يحفظها ماقصرت معي تبحث بس ماتعرف عوائل كثيرة يعني مو اجتماعية , ومن الجماعه ياكثرهم بس حالفين انا والوالدة ماناخذ من الجماعة على قولتهم (( الاقارب عقارب ))

والحين ننتظر وحدة زميلة الوالدة هي الي متكفله بالموضوع وهي الي تبحث لنا والثنتين الي رفضو من قبل عن طريقها

ولله الحمد كل اموري تمام وكل شي جاهز للزواج بس وينها عروس الغفلة ...؟

وجالس اشغل نفسي بالشقه وازبط الديكورات وكذا بس منقهر مابي يكون الشقه ذوقي لوحدي ابي عروس الغفله تشاركني ذوقها ونختار سوا قبل لاتجهز الشقه كامله

والحل يعني لمتى انتظر كذا ,

الواحد بس يفضفض شوي عالاقل يرتاح

احد يعرف طريقه نبحث فيها بدون خطابه

ماشالله هنا ياكثر البنات وعلى ارض الواقع بح مافي وين تتخبو :11:

مسز داني

11-03-2013 01:25 AM

رد : مليت من البحث عن عروسه

ها أنت قلت يا أخي الكريم
أمك غير اجتماعية
اتخذوا قريبة لكم أو صديقة مقربة للوالدة و دعوها تساعد كم أو تدلكم
على بيت طيب
و بالتوفيق

وابل الندى

11-03-2013 01:58 AM

رد : مليت من البحث عن عروسه

اسئل أئمة المساجد
والله يوفقك

تلميذ الحياة

11-03-2013 09:52 PM

رد : مليت من البحث عن عروسه

ثلاثة اشهر تعتبر لا شيء مقارنة بغيرك

استمر بالبحث و تنازل بعض الشيء ان كان لديك شروط

توفي	11-03-2013 10:31 PM

رد : مليت من البحث عن عروسه

يعني معقوله امك ماكانت تحط عينها على فلانه وعلانه قبل ماتقرر زواج

وبعدين 3 اشهر شويه

بعد كل طلب لازم فيه استخاره و مناوشات عنداهل البنت وبعدين الرد

بس اجتهدو واطلب من الوالده تدور من طريقها ولو رضت تطلب من غيرها ابحث عمن تثق بذوقها واخلاقها واطلب منها
اقصد من محارمك

ولا باس ان تسال الامام .. او من تثق به من اصحابك

الهدوء عنواني

12-03-2013 01:07 PM

رد : مليت من البحث عن عروسه

مسز داني , وابل الندى

مشكور على ارائكم ودعواتكم

الهدوء عنواني

12-03-2013 01:10 PM

رد : مليت من البحث عن عروسه

اقتباس:

المشاركة الأصلية كتبت بواسطة أمين الثاني (المشاركة 2902537)

ثلاثة اشهر تعتبر لا شيء مقارنة بغيرك

استمر بالبحث و تنازل بعض الشيء ان كان لديك شروط

يسعدك ربي ,,,

ممكن صحيح اخوي تعتبر قليلة بس لما تكون جاهز وتنتظر يوم بعد يوم هنا المشكله

ابد لاعندي شروط ولاشي والله يوفقك يالغلا

الهدوء عنواني

12-03-2013 01:18 PM

رد : مليت من البحث عن عروسه

اقتباس:

المشاركة الأصلية كتبت بواسطة توفي (المشاركة 2902552)

اكيد اخت توفي كل بعد طلب استخارة بس المشكله بالقوه حصلنا هالعائلتين عن طريق صديقة للوالدة

يعني معتمدين على الله ثم عليها الله يجزاها خير وهاليومين بتكلم عائله ثالثه بعد , وماودي نثقل عليها ونشغلها معنا , هذي النقطة الي حازه بخاطري

وكل ماكلمت الوالدة هي تختار بنفسها تقول انتظر شهر 7 او 9 وتشطح فووووق عشان عرس فلانه وتدور بالعرس , عشان كذا كلمت صديقتها

والله يسعدك ويحفظلك صحتك وعيالك

مارد الجنوب

12-03-2013 01:19 PM

رد : مليت من البحث عن عروسه

كن اسما على مسمى اخي الفاضل

واعلم ان مااخطاك لم يكن ليصيبك ومااصابك لم يكن ليخطئك

هكذا هي الحياة نحن معها في سباق الى مالانهاية فاذا لم نكافح ونفعل بالاسباب

سقطنا بالضربة القاضية والحياة ستسير دون ان تلتفت الينا

فحاول ولاتياس وكن هادئا كماوصفت نفسك

وفقك الله

الهدوء عنواني

12-03-2013 01:24 PM

رد : مليت من البحث عن عروسه

وتوي جاي من محلات السيراميك شريت كيشاني وسيراميك للحمامات الله يكرم المشاهدين

بس وربي منقهر اخترت بذوقي لوحدي اتمنيت اني خاطب ومملك حتى نتشارك

^^
هذا السبب الي معجلني على الخطبه

والله كريم

الهدوء عنواني

12-03-2013 01:27 PM

رد : مليت من البحث عن عروسه

اقتباس:

المشاركة الأصلية كتبت بواسطة مارد الجنوب (المشاركة 2902732)

وانا اقرء كل كلمه من الي كتبته يشهد علي الله اني ابتسم واحس براحه

الله يطيب بخاطرك ويسعدك دنيا واخره

مارد الجنوب

12-03-2013 01:36 PM

رد : مليت من البحث عن عروسه

اقتباس:

المشاركة الأصلية كتبت بواسطة الهدوء عنواني (المشاركة 2902737)

وانا اقرء كل كلمه من الي كتبته يشهد علي الله اني ابتسم واحس براحه

الله يطيب بخاطرك ويسعدك دنيا واخره

نسال الله لك فرجا عاجلا

ولك مثل مادعوت اخي الفاضل

توفي	12-03-2013 08:07 PM

رد : مليت من البحث عن عروسه

طيب ..

لو تعرف وحده من قريباتك تدرس بجامعه ولا كليه وصها

ولا مدرسه تدور من طالباتها

.. الله ييسر امرك .. اشتغلت الذكريات

جوهرة العطاء

12-03-2013 09:08 PM

رد : مليت من البحث عن عروسه

البيوت مليانه بنات ولله الحمد
ولكن اصبر وابحث جيدا
مالك اخوات او خالات او عمات
وعليك بالدعاء

den od

12-03-2013 09:09 PM

رد : مليت من البحث عن عروسه

القرار قرارك انت مو تعتمد علي صديقة امك ترا الحريم لهم نظره غير الرجال واغلبهم يدورون الجمال الخارجي بس من رايي دور انت بنفسك من معارفك معارف الوالد اسال عن اللي عندهم بنات بعمر الزواج مستواهم تعليمهم سمعه ابوها واخوانها بعدين كلم الوالده تتواصل معاهم والله ييسر امرك

حنون بطبعي

16-03-2013 10:42 AM

رد : مليت من البحث عن عروسه

انا لي سنتين ولسع ماساااار شي

الهدوء عنواني

16-03-2013 02:34 PM

رد : مليت من البحث عن عروسه

اقتباس:

المشاركة الأصلية كتبت بواسطة حنون بطبعي (المشاركة 2903575)

انا لي سنتين ولسع ماساااار شي

هاااا :eek:

صلي عالنبي , انا كم شهر ومليييت ,,

كيف صابر ماشالله , الله يصبرني وياك

الهدوء عنواني

16-03-2013 02:38 PM

رد : مليت من البحث عن عروسه

اقتباس:

المشاركة الأصلية كتبت بواسطة den od (المشاركة 2902841)

صعبه ادور بنفسي , والمعارف الي اعرفهم ايش يدريني عندهم اخوات ولا لا

انا راضي بالبحث التقليدي عن طريق الاهل بس المشكله في طريقة البحث عند الوالدة محدودة

مشكور على ردك

الهدوء عنواني

16-03-2013 02:44 PM

رد : مليت من البحث عن عروسه

دعواتكم اخواتي واخواني

حصلنا عائلة وجاري التخطيط عالمفاوضات معهم

اللهم اغنيني بحلالك عن حرامك وبفضلك عمن سواك

تلميذ الحياة

17-03-2013 05:47 AM

رد : مليت من البحث عن عروسه

اقتباس:

المشاركة الأصلية كتبت بواسطة الهدوء عنواني (المشاركة 2903626)

هاااا :eek:

صلي عالنبي , انا كم شهر ومليييت ,,

كيف صابر ماشالله , الله يصبرني وياك

اعرف احد الاشخاص استمر يبحث لمدة 6 سنوات وبعدها وجد بنت الحلال ولله الحمد

اسأل الله ان يوفقك و يرزقك ببنت الحلال

حنون بطبعي

17-03-2013 11:38 AM

رد : مليت من البحث عن عروسه

اقتباس:

المشاركة الأصلية كتبت بواسطة الهدوء عنواني (المشاركة 2903626)

هاااا :eek:

صلي عالنبي , انا كم شهر ومليييت ,,

كيف صابر ماشالله , الله يصبرني وياك

يارجل طوووول بالك الموضوع جدا طويل
ترا انا بحثت بنفسي ووكلت الوالده وبحثت في المواقع الزواج وقنعت منها
وبحثت عن طريق الخطابات الثقات
وان شاء الله خير

انت وسع نطاق بحثك شوي واستعين بالخطابات الثقات
ترا في بعضهم يكونو يعرفو عوايل عن صله قرابه

3sh8th

29-03-2013 04:55 PM

رد : مليت من البحث عن عروسه

الله يوفقك ي رب ،

بنات الناس كثير بتلقئ بااذن الخالق ، لييت والله اقدر اوصلك لناس ونننننععععععععععمممممم ، بس صعبه

نصيبگ بيجيگ بااذن الله ،

نبض المملكه

31-03-2013 04:38 PM

رد : مليت من البحث عن عروسه

اقول بتبطي عظم ..
:::::الحل :::::
كلم احد من اصحابك يدور لك وباذن الله امورك تمشي تمام ..اما ان اهلك اللى اللحين يدورون !!!لهدرجه !!!:29:اللي يسمعك يقول البنات منقرضات....
صارت لقريبي ويوم طفش الولد كلم صاحبه ودورو له ع ناس سبحان الله كل الموصفات اللي يبغاها فيها ....
وبالتوفيق...

الهدوء عنواني

31-03-2013 05:09 PM

رد : مليت من البحث عن عروسه

والله الاسبوع الي فات مكلمين عائله ونفس الهرجه بتكمل دراستها او الظاهر مايبغو الا من جماعتها

والحين انتظر يشوفو عائلة وردد ياليل ماطولك

حل مو مقنع بصراحه , كيف تكلم واحد من اصحابك وايش عرفو بشكل البنت اذا ماهي وحده من محارمه

والله وقت البحث ووقت الجد منقرضات ماصارت خطبه , لدرجة والله اروح شقتي الي ازبطها واكلم نفسي اوسوس هنا بسوي كذا وهنا كذا

اكثر شي يغبني ومعجلني , الامور الماديه كلها تمام من الى الي ناقص بنت الحلال وخلاص مجمع ليا فترة , وشاكر لك مرورك

الله يفرجها انشالله

والحمدالله حالتي افضل من غيري وماهي مشكله , بس انو عائق ناشب بحلقي ومنتظر هاليوم على احر من جمر

نبض المملكه

31-03-2013 05:58 PM

رد : مليت من البحث عن عروسه

اقتباس:

حل مو مقنع بصراحه , كيف تكلم واحد من اصحابك وايش عرفو بشكل البنت اذا ماهي وحده من محارمه

. لكن سالفة 3 شهور والله ولا تنقيب ذهب !..المهم والله عاد براحتك ..وردد ياليل مااطولك ...كنت بفصل اكثر بسالفة الاهل والفتره الطويله وهم يدورون لولدهم لكن مااعتقد احد بيقتنع بكلامي فااكتفيت اني اختصر لك ان صاحبك يكلم اهله واهله يدورون لك ...وبالتوفيق

سكر2	31-03-2013 06:21 PM

رد : مليت من البحث عن عروسه

اشتكي لواحد من أصحآبك قول أهلي مالقيو لي من القرايب ومعارف الوالدة محصورة وشوف ايش يرد عليك

صارت لقريبي كان مثلك سنه يدور وقاله صاحبه عندي قرايب تعال شوفهم اذا ماعجبو اهلك ولاعجبوك عادي والحمد لله
تمت

طموحي متميز

31-03-2013 09:22 PM

رد : مليت من البحث عن عروسه

اسأل الله ان يرزقك الزوجة الصالحه التي تكون قرة لعينك وتكون عفافا لك وعونا لك على طاعة الله
عاجلآ غير آجلا

يتيمه ودي وظيفه

01-04-2013 01:11 AM

رد : مليت من البحث عن عروسه

نصيبك لسا ماجاء
انتظر لين ربي يكرمك ببنت الحلال

يتيمه ودي وظيفه

01-04-2013 05:11 AM

رد : مليت من البحث عن عروسه

قوانين المنتدى تمنع طلبات الدواج
الرجاء الالتزام بالقوانين

الاشراف ...

الهدوء عنواني

01-04-2013 12:09 PM

رد : مليت من البحث عن عروسه

الرجاء عدم الخروج عن صلب الموضوع اخي الكريم

ونأمل منك الإلتزام بقوانين المنتدى

حتى لا يتعرض موضوعك للاغلاق

الاشراف ...

الهدوء عنواني

01-04-2013 03:42 PM

رد : مليت من البحث عن عروسه

دعواتكم تكفي

يمام البراري

02-04-2013 08:46 AM

رد : مليت من البحث عن عروسه

لعل في عاقبة أمرك خيرا
فرّج الله همك ويسّر أمرك ..

الهدوء عنواني

03-04-2013 10:38 AM

رد : مليت من البحث عن عروسه

اقتباس:

المشاركة الأصلية كتبت بواسطة يمام البراري (المشاركة 2908907)

لعل في عاقبة أمرك خيرا
فرّج الله همك ويسّر أمرك ..

جزاك الله خير

مامت من فرقاك

03-04-2013 03:23 PM

رد : مليت من البحث عن عروسه

الله يكتب لك الخير
ادعي وربي كريم
يبعث لك الرزق

Maram nofal

06-04-2013 05:34 PM

رد : مليت من البحث عن عروسه

اصبر وما صبرك الا بالله،، عسى أن يكون لك في كل تأخيره خيرة

تلميذ الحياة

07-04-2013 03:32 PM

رد : مليت من البحث عن عروسه

اقتباس:

المشاركة الأصلية كتبت بواسطة الهدوء عنواني (المشاركة 2908295)

هل عندك شروط معينة؟ تعجيزية؟ لأنه هناك فرق اذا شروطك نادرة و صعب ايجادها و فرق لما كل ما تخطب تنرفض بدون سبب مقنع مثل حالتي سابقاً

اجبني بصراحة و بعدها عندي لك فكرة من الألف الى الياء و ان شاء الله ما تعدي كم شهر الا وانت متزوج مثلي

بإنتظار ردك

الهدوء عنواني

07-04-2013 06:43 PM

رد : مليت من البحث عن عروسه

وانا اخوك لاشروط ولاهم يحزنون , بس اللهم كل خطبتنا الي فاتت تكون من طرف وحده وسيطه بيننا هي الي تدلنا لعوائل واحيانن هي تكلمهم شخصيا ويومين وثلاثه يقولو البنت بتكمل دراستها

وهذا شرطي الوحيد تكون من خارج العائلة

والله يسعدك يارب بزواجك , وانت مجرب عملية البحث كيف تحس بالممل والانتظار شين

عقبال انشالله المولود الي يسعدكم بحياتكم اللهم امين

تلميذ الحياة

07-04-2013 07:56 PM

رد : مليت من البحث عن عروسه

اقتباس:

المشاركة الأصلية كتبت بواسطة الهدوء عنواني (المشاركة 2910699)

خليك مطمئن ولا تشيل هم 4-5 شهور ولا شيء مقارنة بشخص وصل ال6 سنوات

لا تفكر في الموضوع و تجعله جل اهتمامك لأنه الزواج قسمة و نصيب

طيب ليش ما تخطب من احد المقيمين بالبلد اللي بناتهم ولدوا هنا؟ تصريحهم بسيط ولا ياخذ وقت

و عندي فكرة كاملة ان شاء الله قريبة من اللي سويتها لكن ان شاء الله بكره لي عودة و اكمل ردي

مستقبل غامض

09-04-2013 10:05 AM

رد : مليت من البحث عن عروسه

خفف من شروطك
وبتلقى اللي تناسبك

الهدوء عنواني

09-04-2013 11:50 AM

رد : مليت من البحث عن عروسه

ياجماعة الخير والله ماعندي شروط غير انها تكون من خارج العائلة , المشكلة في الموضوع كله في عملية البحث وبس

وابشركم امس تقدمنا رسمي انا والوالد لعائلة محترمة , وفصفصوني فصفصه بالاسئلة وننتظر الحين ينتهو من عملية السؤال والتقصي عني ونشوف ردهم,,,, هذي اول عائلة رحبت بنا وتقدمنا رسمي , باقي العوائل الي كلمناهم بالتلفون تكلمهم الوالدة ويردو بعدها بيومين بنتنا بتكمل دراستها , عقبال مابشركم بموعد يوم الشوفة

الله يكتب الي فيه الخير يارب

والجميع هنا اخوة لي وارتحت كثير وانا نزلت هالموضوع افضفض شوي واصبر نفسي من خلال ردودكم ومشاركاتكم

الله يجزاكم كل خير يارب

الساعة الآن 06:36 AM.

صفحة 1 من 2

عرض 40 مشاركات من هذا الموضوع لكل صفحة