|
خاطب ولكن !
السلام عليكم ورحمة الله بركاته ..
مسائكم _صباحكم : اجمل من الوردِ ~ بدخل في الموضوع على طولِ ~ انآ أحب بنت عمي .. وهي كانت تحبني على كلامهاِ عمري / 23 .. هي عمرها / 16 المهم خطبوها اهلي لي .. وبعدها تواصلت معها .. بدون علم احدِ بس بيني وبينها < محافظييين كثيير ~ المهم هي تقول انها تحبني .. وانا احبها وم في قلبي اي شك ب اني احبها .. اتوقع كبرت عن ان احب اعجاب~ المهم جلسنا نسولف ونتكلم مع بعض عبر جميع برامج الشات .. واتس اب مسن بي بي .. بـ الغلط ارسلت لي صورتها .. وشفتها وزاد حبي لهاا . وصرت اطلبها الصوره دآيم المهم .. قبل شهرين ونص صارت مشاكل بينا وبسبب الغيرهـ .. كنت اقولها م تضيف ولد ب الانستقرام ولا تحط لايك لولدولا تعلق .. وماكان يعجبها رآيي وتعاندني .. المهم وكل يوم نتنآقش ونتهاوووشش .. ليين جاء يوم من الايآم .. وتهاوشنا وقلت لها كلام مرا قوي انها ماتستحي وجريئه واهلها م عندهم رقابه والخ من الكلام .. المهم بعدها بكم كلمتها البنت مرا تغيرت تقول انا من جد كنت احس انني احبك فقط وكنت مراهقه وكنت طايره فييك .. ومن الكلام اللي يصدم .. وتركنا بعض وكل فتره اجيها / اما اكون غاير عليها واتهاوش معها وهي بارده جدااً معي .. حتى اني اتعب ولا تهتم تغيرت صارت تقول مافي قلبي لك اي حاجه ! وتقول خل كل امر يمشي لين ربك يكتبه .. تغيرت .. صرت اقولها تحبيني تقول لا والله ما احبك ولا عاد ابي احبك ولا اقدر اغصب نفسسي على حبك ! انت كنت ماضي وراح .. وانا الحين فاضيه لا احب ولا شيء .. انا من جد ما ادري وش اسوي . الحين تاركها لي اسبوعيين مدري وش شعورها وش الحل .. كلمتها صارحتها حاولت احنن قلبها سويت كل شيء .. ترجيتها ! مرا صارت حجرر .. تقهرني واتهاوش معها واقول لها انتي الحيوان احسن منك يحس .. والله مررراا تغيرت .. مادري وش اسبابها ووش اسوي ! انا م عاد ابي غير انها تحبني ولا ابي اتواصل معها والله بصبر لين نتزوج بس تحبني ! مادري هي تكذب .. ولا وش تحس فيه فيدوني ي اهل الخبرهـ الله يرضى عليكم =) والله سويت كل شيء هددتها اني اعلم امها بكل شيء لكن ماقدرت .. تقول صرت اخاف منك! صرت اخاف تسبب لي مصيبه . انا والله سويت كل شيء كتبت لها كل اللي بخاطري صارحتها .. الحين اول مره اتركها اسبوعين ولا شفت منها اي ردة فعل .. حتى اسالها تغارين تقول لا .. تشتاقين تقول لا ! فيدوني الله يرضى عليكم .. تقول انا كنت متعلقه وطايره فيك بس ولكن حنا مانتوافق ! هل تتوقعون انها تحبني ؟ ام جد معاد تحبني ؟ خايف اصبر واستنى واخر شي بدون فايده ! خايف تعبي يروح على الفاضي .. " كنا احلى اثنين والله " |
رد : خاطب ولكن !
اقتباس:
كلآمك يجرح مرة حتى لو غلطت مآتوصل إنك تتكلم عليهـآ كدآ عمرهآ 16 في عز المرآهقة ويبغآلهـآ تعآمل خآص ومعروف إن المرآهق يعآند وشافت إنك وآقف لهآ على كل شيء بدآفع الغيرة فطبيعي تخاف منك وتبعد وتحس إنك مقيدهآ إن شـآء الله مايكون زوآجكم بدري أثنينكم غير مؤهلين شوي لحد مآتكبروا وتطمن ..الحب لسى في قلبهـآ بس بغيرتك وهوآشك لهـآ بتخليه يقل انتبه |
رد : خاطب ولكن !
رغم خطوبه قبل العقد مايحتاج وش الحكم ؟! المهم اكيد شافت منك العجله واسلوب غير لايق والتهديد وتخوفها ماهي حلوة في حقك وغيرتك غيرة ماهي مناسبه في وقته ولابعد تقول كلام في اهلها مايراقبون والللخ تبي الصدق انت اخطأت وهي ماعاد تثق فيك انصدمت منك ومن اسلوبك معها انصحك تتريث شوي واستفيد دورات ماقبل الزواج وكيف تتعامل مع خطبيتك بطريقه صحيحه والأعضاء مارح يقصرون معك وفقك الله واصلحك الله |
رد : خاطب ولكن !
اقتباس:
واعتذرت كثثثير .. طبعا هي اللي تسويه م كان يعجبني وعقب ماتهاوشنا قالت لي كلام يسم بس ماخذيت بالاعتبار .. انا ادري انه حرام اللي نسويه وهي مسويه تايبهـ .. وقالت بسوي اللي تبي بس فكني وخلني اعيش م احس اني مقيدهـ انا ابي اعرف وش اسوي لها .. سويت لها كل شيء .. اعتذرت شوي وابوس رجلها .. دست على نفسي وسويت نفسي م اسمع كلامها السسسم انا اخاف انتظرهآ واخر شيء يطلع انتظاري بح :( والله ادري هوآشي لها م كان له داعي بس انا جيت لها بكل طريقه والله !! اكيد زواجنا .. يبي لي اقل شي ثلاث سنين < كنا ناوين نتزوج السنه الجآيه بس قالت انها خلاص ماتبي تتزوج وكذا بس مادري وش اسوي استناها ولا احاول انساها ! اخاف اظلم اللي بعدها .. والله ييسر كلامك ريحني شوي لكن مادري والله :( |
رد : خاطب ولكن !
اقتباس:
طيب وش الحل فِنظركِ |
رد : خاطب ولكن !
اذا واحنا مخطوبين يغار بهذا الشكل علي ويقيدني وافعلي ولاتفعلي و يهاوشني على اي شي
طبيعي جدا اعيد النظر في الزواج منه .. هذا اذا ماهونت |
رد : خاطب ولكن !
وعليكم السلام ورحمة الله وبركاته باختصار أخي / أنت انفعالي وهي مزاجية ! الآن الوضع مختلف كثيرا عما هو بالسابق فمواقع التواصل الاجتماعي تكتظ بجميع الناس حقيقةً لا أرى عمل فولو أو لايك يسبب مشكلة ! أعتقد أن لها الحق في ذلك وليس لك على العموم تريثوا قليلا في موضوع الارتباط أسأل الله لكم الخيرة في أمركم .. |
رد : خاطب ولكن !
اقتباس:
اخي .. لايك فولو .. تعليق < لايك لـ صور رجال وجسدهم ظاهر ماعليهم الا شورت ! تعليق لصورة رجل ! وضحكه ! وتقول لرجل غريب بالعافيه ! ولـ اخر من اين احضرت هذا ؟ وفولو لناس غرضهم فقط بنات ! انا شاب وعارف جميع الامور .. تسوي فولو لواحد عنده 2000000 فولوز عادي ! بس لواحد ماعنده الا عشرين ؟ وغير كذا جميع الفولوينق لشباب وسيمين ! يعني من حقققي اغار ؟ والتعليق .. ان لم تكن حروفها لمن يقدرها فستكن لمن ! تعلق للعيال والبنات ماتعلق لهم ! مو من حقي اغير ؟ والله كلمتها بالحسنا بالطيب .. لين نرفزتني ! انا مو جازع من قضاء الله وقدرهـ بس ليه صار كذا احد يقدر يشخص الحاله ! كانت تقول لو تبي اترك الانستقرام تركته .. وبعدها بشهر تعاندني ! انا تويتر عادي بس الانستقرام خاص وفيه صور ليدها وصور ل اشياء تخصها ماله داعي كل منن هب ودب يشوفها .. انا عقلاني جداً اتوقع .. وغلطي الوحيد اني قلت كلام قاسي اما الاشياء اللي سويتها اي رجل عاقل وغيور بيسويه انا احبها ولازلت متمسك فيها وعمري ما شكيت فيها ! لكن ماني عارف وش شعورها تجاهي وهذا معذبني .. لو اعرف برتاح قالت ماحبك لكن ماني قادر اصدق كيف اتاكد ؟ كيييف اعرف |
رد : خاطب ولكن !
أنا أنثى ولست ذكر رُبما أن المعرّف التبس عليك قليلا إذن هي غير ناضحة ومعالم المراهقة لازالت ظاهرة فيها ! ذكّرها بأن هذا الأمر لا يُرضيك وقبل هذا كله لا يجوز شرعا لعلها تهتدي بإذن الله ثم عليك قطع الاتصال بها وستبدي لك الأيام ما كنت جاهلا أما فيما يتعلق بمسألة الحب لو كانت لا تحبك ستتجاهلك نهائيا لكنها لازالت مراهقة والمراهقة تحب لفت انتباه الجميع الأمر يحتاج إلى قليلا من الصبر إن كنت فعلا تريدها أسأل الله لكما التوفيق والسداد .. |
رد : خاطب ولكن !
مو انت خاطبها من اهلها خلاص وش تبي زود
هي تحبك بس لسى مجروحه من كلامك حتى لو ردت عليك بسب اكثر من سبك ونصيحتي لك لاتتواصل معاها نهائيا لأنه ما يجوز شرعا الين تعقد عليها وانا رأيي بعد ماتخلص هي الثانوي ان شاء الله تملك عليها كم شهر وبعده تتزوجون لأن بصراحه بتكون اعماركم مناسبه جدا وانت ضروري تتحكم بتصرفاتك لأنك يبدو لي انك متهور |
رد : خاطب ولكن !
أسمح لي أخي الكريم أن أقول لكَ هذا الكلام، ولعلك تأخذه من شخص يحب لكَ الخير والنجاح، ويزعم أنه مطلع على الكثير من الأشياء ويعرف مآلاتها.
أقولك أخوي اللي هذا أوله ينعاف تاليه. إذا البنت أهلها محافظين وتكلمك من وراهم، بمعنى أنها خانة ثقتهم، فكيف ستقبل بها وأنتَ أنسان بطبعك غيور ولا تريدها حتى تسوي لايك ولا تعلق على تصوير شباب. أنتَ هنا تقول الحب، والحب معميك، لكن الحياة الزوجية وطبيعتها التي ستتحول شئت أم أبيت إلى روتين وإلى مكبر للأخطاء سيرجع بالذاكرة وبحركات الخفية ومن ورى الأهل وهذا كله سيتعبكَ كثيراً بظنونكِ وشككَ التي توقدها غيرتك. بيني وبينك هي أصدق معك من ناحية أنها حبتك حب مراهقة وأعجاب. لو كنت مكانك لا بتعدت عنها حتى لو كان قلبي متعلق بها، وياخي مادري الناس يمكن يختلفون لو كنت مكانك وتقولك هالكلام هذا وماتبيك والله مايطرف لها رمش، يعني الواحد في أعتقادي يحس أنه عنده كرامة شوي، ولا الحب مافيه كرامة :) ؟ |
رد : خاطب ولكن !
معليش تقبل مني الي بقوله لك ويشهد علي الله الي بقوله من اخ لاخوه
في خطوط حمراء بين اي اثنين سوائن ازواج او اصدقائك او او او المهم انه في حد على الثاني يتقبله اذا ماتقبله وعدا هالخطوط , ايش بقي للمعزه, ,للمحبه ,للود ,للرضا ومابالك من الي بتكون شريكة حياتك وعرضك وشرفك والي تسويه فلو وماني عارف ايش منت ملزوم تغيره بالشخص ومالك خص فيه هذي حرية شخصية للشخص نفسه , يانك تتقبله , ولو تقبلته مع احترامي لك من وجهة نظري بقولك ((ماعندك غيرة وعسى ربي لايبتليني بوحده مثلها)) المجتمع فئات في الي يواكب العصر والي ماتستهويه هالاشياء ومن هالكلام , وانت عليك تختار الفئة الي تناسبك بس مثل عينة خطيبتك انصحك لوجه الله لاتظلمها ولا تظلم نفسك باختيارها شريكة لحياتك الي جالسه تسويه الاغلب يسويه وتويتر وهالشغلات ماختلفنا واغلب النساء طابين بها الشي لكن مو اعجاب بالرجال تلقى الفلو عند اغلب البنات متنوع من شيخ الى ناشطة اجتماعية الخ.. بس بالمقابل فلو خطيبتك واضح المغزى اعجاب وتعارف وهي توها مراهقه وعمرها صغير هذي حط عليها اكس من بدري وانت غيور ودمك حار وماهي راضيه تغير هالشي من اجلك مع انه من ابسط حقوقك مقابل الكلام الجارح الي قلته لها يعتبر ولاشي مقابل انها عرضي وشرفي تتواصل مع رجال وتوريهم اشياء خصوصية تبعها وتفاهة مراهقين والله لا سمح الله الله لايقوله لو انا بنفس موقفك كلمتها مره مرتين مو راضية تترك هالشي اليوم الثاني توصلها ورقة طلاقها من غير لاتسب ولاتضرب ولاشي , انت عندك هالشي خط احمر مو راضيه تغيره , ولو انها تحبك وصدق ماتبي تخسرك وتفكر بسعادتكم ماكان استمرت على هالشي , واستمرارها يدل على انك مو الشخص المناسب لها الي ترتاح له ومايهمها احد ثاني غيره , واذا بتقولي الحب والحب بقولك معليش انت كذا تثبت انك بجد غير ناضج , انت الي فيك اعجاب من ناحيتها ومع العشره اذا توافقت معك وبادلتك هالشي بيوصل لمرحلة الحب , بس انت من اعجابك بها جالس تحاول تغيرها مثل ماتناسبك وتترجاها ومافي فايدة , ليه توجع راسك شوف غيرها وانا اخوك وهي الي تسويه فترة طيش ومراهقة ولو كان معها شخص تحبه وتداريه وربي تترك كل هالاشياء من اجل رضاه لكي تحافظ عليه وعلى علاقتهم لو مثلا لاسمح الله تعرفت على شخص من التويتر وتطورت علاقتهم واعجبت فيه وطلب منها ماتدخل التويتر والله ماراح تدخل مابالك بالي بيكون شريك حياتها وماتبي تترك هالشي , هذي ذنبها على جنبها وهي الي جابت لنفسها هالشي وانت لاظلمتها ولاظلمت نفسك ماتبي تحافظ عليك ايش تنتظر...؟ واذا عالحب مثل ماتقول اقسملك بالله فترة وتنساها وبتلقى الي تحافظ عليك وتحمد ربك انك تركتها ولا بالشكل هذا الي انت عايشه , اذا الحين قدامك ترسل فلو لرجال بكرة النهار الله يستر لاتقعد تحكيك عن قصة حياتهم ويكون الوضع ايزي بالنسبه لها والي يقولك فترة وتعدي وطيش ومراهقة ,, ايه نعم صحيح بس اسئل اي بنت مرتاحه لخطيبها وتبي تسعده ويسعدها اذا شريك حياتك طلب منك تتركي هالشي بتتركيه ولا لا بدل ماتحمد ربها على نصيبها تقدملها شخص يحبها , تقوم ترسل فلو للاجانب واعجاب ومصخرة |
رد : خاطب ولكن !
اقتباس:
ابعرف يعني ايش تنتظر اكثر من كذا ...؟ تنتظر تكتشف رقم رجل غريب بجوالها , وهذي كلها مؤشرات تدل على كذا , وممكن تتوب وتطلع داعية بس الواحد يبني حياته على الي امامه لايتأمل ويجازف ويعض اصابع الندم مشكلتك الاعجاب الي فيك اتجاهها مصبرك وتحاول تغيرها , ولا محد بيتمنى بنت بها الشكل وقالتها لك بصريح العبارة ماحبك , وهي بفترة طيش تبي حب وحنان والشيطان مزينلها التويتر والفلو تبعها رجال وسيمين تحاول تتواصل مع واحد منهم يشبغ رغبتها , تدور عالجمال والمظاهر وتعرف حركات البنات شلة المدرسه وغيره تعرفت على وسيم وا وا وا وانت اخر اهتماماتها , ماظنتي في اهتمام اصلا تقبل الواقع وشوف نصيبك , وكبر عقلك الحياه ماهي حب واعجاب , السعاده وربي كلها بالتواصل الفكري والروحي بين الاثنين والمظاهر والجمال كلها اضافات اذا توفرت خير وبركه واذا ماتوفرت ماراح يهمك هالشي ممكن تحس فيه بعدين بس المهم الحين نصيحة لوجه الله اتركها تعيش حياتها وهي الي بتندم على هالطريق بعدين |
رد : خاطب ولكن !
انا رجل مثلك ومتفهم شعورك
بس ماتشوف انك مكبر الموضوع شوي لاحظ انك تتعامل مع فتاة اقرب لان تكون طفلة ومراهقة انت حجرت عليها من بدري ومااخذتها بالتدريج (تخيل طفل وجيت اخذت منه العابه فجأه بيقولك شكراً!!!) انا اختي نفس عمرها وقت الاختبارات اخذ منها اللابتوب والجوال وتجلس فترة الاختبارات كارهتني ولاتكلمني فخطيبتك شي طبيعي اللي تمر فيه ولاتنتظر منها في الوقت الحالي اي شي تجاهك اقطع تواصلك معها فترة طويلة شوي شهرين او ثلاث بعدها كلمها بالتدريج ولاتظهر لها غيرتك من البداية وحاول تحسن اسلوبك معها . ولاتلتفت للي يقولك اتركها ترى هاذي مازالت مراهقة حط نفسك مكانها او تخيل ولد بعمرها ايش العلاقات اللي يدور عليها يعني لازم تطول بالك الين هي تعدي هاذي المرحلة رغم اني لااتفق مع اللي يتزوجوا بفتيات بهذا العمر |
رد : خاطب ولكن !
الهدوء عنواني .. الله يصلحك وش ذا التفكير
م فكرت كذا والبنت متربيه .. لكن انا قسيت معها وهددتها .. ولاعمري شكيت انها تكلم لانها وهي تكلمني كانت تقول انا على غلط وهي الحين تحاول تصحح الغلط على كلامها وانا تاركها لي اسبوعين وشكرا على تفاعلكم .. |
رد : خاطب ولكن !
ولي عودة بالرد على كل رد .. لاني ارد من الحوال لكن اذا جلست على الاب توب رديت على كل واحد
|
رد : خاطب ولكن !
طفلة والله اتركها سنة او اثنين تكبر شوية وشوف قالت نفس الكلام تبقى كانت مراهقة وخلاص وربنا يوفقك
|
رد : خاطب ولكن !
السلام عليكم
شوف بعيد عن انه مكالمتك حرام مع بعض انتم م ملكتوا حتئ بس البنت مراهقه اول شي ، ومحترمه ثاني شي ماهي حقت شباب او انه تبي تكلم شباب ، لانه هي تسوي ذا الشي من حسن نيه لو انه قصدها تبي تلفت انتباهم او تكلمهم ، م كان سوتها قدامك ، واذا تعيد كل شوي الغلط ، هي عاجبها الوضع فيه اثارت غيرتك ، لانه تبي تشبع اشيا داخلها ، ودها تشوف غيرتك ، انا مع خطيبي اوقات اقول اشيا ابي انرفزه بس عشان يبين لي انه يغار اذا عع كلامك قوي مرا ، وانه تعلم امها اقوئ ، لكن جيب لها اي هديه بسيطه او رساله حاول توصلها لها بطريقه مجنونه تبين لها انه تحبها تغامر عشانها ، المراهق يحب كذا ، لو اقل شي ورده ، حطها بمكان خليها تاخذها ، بعدين لا عاد تكلمها ولا تتصل عشان م تتغلئ اكثر عليك ، !! بااذن الله تتصل ، واذا اتصلت فهمها بكل شي وقول عشاني احبك ابيك بالحلال م بااكلمك الا اذا ملكنا عشان نشتاق لبعض اكثر ، وعلمها انه تحبها وتغار عليها زي م تبي انه تكون لها لوحدها حتئ انت تبي كذا ، دايم دلعها انه انتي لي انتي حقتي ، كذا ، ان شاء الله اكون افدتك |
رد : خاطب ولكن !
انصحك م تتزوجها الا اذا نضجت فكريا حتئ لو متفاهمين ، وبعد اذا عندك اخوات بعد كم سنه شوف تفكيرها كيف صار ، صارت جاهزه تكون ست بيت او لا
اذا تبي مني ترا اغلب الاحيان م نعتمد عع السن ، والله بعضهم صغار عقولهم ماشاء الله ، وبعضهم كبار وتنصدم من سخافه كلامهم بس كلامي ذا موب دليل انه خلاص جاهزه ، باقي يبي لها تكون فاهمه اكثر |
رد : خاطب ولكن !
أخي الكريم
البنت لازالت مراهقة ولازم تتعامل معها على هالأساس خليك عاقل وتعامل معها بعقل وكأنها أختك الصغيرة خليها على راحتها لا تضغط عليها بأي شيء حاول توصلها فكرة أنك بتحبها ورح تضل تحبها وأظنها تعاند أو أنها أصيبت بصدمة بسبب تعاملك الأخير معها لذلك خليك رسمي ولا تضغط عليها وحاول توصل لها بطريقة غير مباشرة أنك خايف عليها طبعاً إذا ما توفقتوا فلازم تتخذ موقف رجال تحذف صورتها وكل ما يتعلق فيها من عندك ولا تأذيها وتخليها تعيش حياتها بالشكل اللي رب العالمين قدره لك ولها ربنا يوفقك ويوفقها |
رد : خاطب ولكن !
اقتباس:
|
رد : خاطب ولكن !
استخير الله
ثم اكثر من الدعاء في قيام الليل واسأل الله الخيره وسلم نفسك لله |
رد : خاطب ولكن !
انا الحين صار لي 3 اسابيع تاركها , م شفت منها اي مبادره ! ,
او حتى تلميح انها بدت تحن لي , واذا ع الصور انا حاذفها وهي تدري وانا كنت متهور يوووم اهددها ن القهر لانها ماترد علي ! واذا على انها صغيره فهي صغير , والبنت محترمه جداً وماكلمتني الا لانها ( على كلامها ) تحبني ولكن الحين صرت ولا شيء بحياتهاً , والحمدلله رب العالمين , انا الان مبتعد عنها تماماً وعايش كما كنت , قبلههاً , صح انني اغار عليها وانقهر لكن تاركها والله .. وما خفي ستبديه الايام .. بس اللي خايف منه .. تعبي يروح ع الفاضي ! |
رد : خاطب ولكن !
وعندي سؤال ، لو في قلبها شيء ؟ حب ؟؟
متى يبين .. متى يظهر .. كم استنى ! .. انا مستعد استناها ليين خمس سنين عادي بس اعرف انها تحبني .. وتاكد ^ وترا قلت لها ذا الكلام بس قالت انت مثلك مثل غيرك .. |
رد : خاطب ولكن !
فتاتك صغيرة جدا و في أوج مراهقتها
قد تكون متأثرة بصديقاتها ولا يخفى عليك أن هذا الجيل يعتبر تصرفاته عبر الشبكة العنكبوتيه حريه شخصيه ولا يلقون بالا لعادات أو عرف و الدليل ظهور بعض منهم في برامج التواصل الاجتماعي صوتا و صورة بلا أي حياء أو رقابه هداهنا الله و اياهن وانت كما ذكرت ان خطيبتك محترمة و شعرت بتأنيب الضمير بدايه تواصلكم فهذا دليل ان تصرفها معك جاء من مسأله عناد و مزاج ليس الا .. انصحك ان تتركها وتقطع اي صله تواصل بها الى ان تنهي الثانويه و يقترب موعد كتابه العقد .. عيش حياتك كما كنت قبلها ولا تفكر بها و اتركها تعيش مراهقتها كما تحب اتوقع انها ستفقد اهتمامك و اعجابك بها و تظن انك نسيتها و عندها ستحاول استمالتك برساله او اتصال ... لكن متى تحديدا ، الله اعلم ... كل اللي عليك انك تشيلها من بالك في هذه الفترة نهائيا لكي تستطيع ان تعيش بدون عناء انتظارها او التفكير بها ولا تنسى امر الاستخارة اخي الكريم فهي مهمة جدا في مثل وضعك وفقك الله |
رد : خاطب ولكن !
اهلا بالاخ الکریم
هی فی سن المراهقه و لیس هناک من یضمن انها لن تغیر افکارها کلنا نعرف ان الافکار تنقلب مائه قلبه فی هذا العمر الی ان تتکامل و تصبح صورتها واضحه و حتی و ان قالت لک احبک فلیس هناک ضمان انها لن تغیر افکارها برایی ابتعد عندها نهائیا و ان استکملت افکارها و دخلت الجامعه فتقدم لها ان کنت غیر مرتبط باحد حتی ذلک الحین اقصد لا تهلک نفسک علی شئ غیر مضمون قد تجد افضل منها بکثیر همسه: العلاقه قبل الزواج مع کائن من کان لن تاتی بثمار جیده ابدا, و احد ثمارها المعروفه الشک بعد الزوواج قد تقول الان انک لا تشک بها و لکن اسال المجربین فی المنتدی ارجو لک حیاه سعیده |
رد : خاطب ولكن !
غيرنك طبيعية جدا جدا.. والحمد لله إنك رجال تحس وتفهم ...........
لكن يابني مابني على خطأ فهو خطأ.. لذا أنصحك اقطع العلاقة لله..ولا تحاول تتأكد من محبتها لك.. أنت قلت لها مافي رقابة ووو..... الخ هي اتخذت منك موقف صارم ووضعت الرقابة بنفسها عشان ما تمس كرامة أهلها... أنت انظر لنفسك ماذا تريد صفات زوجة المستقبل... هل تستطيع التعايش معها؟ هل يمكنك التأثير عليها واﻷخذ بيدها لما يرضي الله؟ أخواتك ماذا يقولون عنعا؟ هل هي مرنة ؟ كيف هي في تعاملها؟ أم عنيدة وتمشي اللي في راسها ولا يهمها أحد.. إذا هي مناسبتك.. استمر في الخطبة.. أنت ماعليك كلام خاطبها في النور أمام الله وأمام الناس.. اترك اﻷمور تسير في مجراها الطبيعي.. سيأتي يوم الزواج بإذن الله ومع العشرة سيأتي الحب وسيكون الحب بعدها أعمق وأقوى.. |
رد : خاطب ولكن !
اعتبرها مثل الشاكوش والمسمار عندما تغلط معها تدق المسمار وعندما تعتزر تخرجه لكن هل يزول مكان المسمار !!!!!!!!!
فأياك وان تجرح شخصا حتى ان اعتزرت فسيبقى الاثر موجودا |
رد : خاطب ولكن !
اخوي
ناخذ الامور ببساطه وبدون ما نلوم احد البنت توها ما قالت بسم الله على الدنيا انا ما شوفها مراهقه اشوفها طفله انت الحين مجرد خاطب ما صارت تحت ذمتك عشان تتحكم في تصرفاتها ومعروف الهدف في فترة الخطوبه في كل المجتمعات " هي فتره تقيم اذا كان فيه توافق بين الأهل والخاطبين تمموا وتوجهوا للمرحله الي بعدها " طيب الحين ما فيه توافق ؟ وش تنتظر ! عزيزي البنت ما تناسبك ولا لها رغبه فيك اتمنى لك التوفيق |
| الساعة الآن 11:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©