|
الكروشيه .. من عمل يدي ..
السلام عليكم ورحمة الله وبركاته ..
كنت وعدتكم وبالذات حبيبتي دوندرمه اني أنزل موضوع فيه صور لبعض أعمالي بالكروشيه .. هذي هواية عندي من الصغر .. بديت اتعلمها وانا اعتقد بخامس ابتدائي وبعدين تمرنت كثير عليها ونميت موهبتي فيها .:15: بس بصراحة لحد الآن ما أعرف أعمل غير شراشف الطاولات وممكن توضع على أيدي الكنبات .. المهم اني اعملها بالشكل الدائري فقط .. وأيضا اعتراف آخر إني لا اعملها من مخيلتي ولكني أعتمد على الباترونات في بعض المجلات الخاصة بالكروشيه ..:25: بصراحة هواية متعبة وتحتاج لصبر وطولة بال ودقة وتركيز .. وايضا تحتاج لعينين غير مجهدتين :eek: أترككم مع بعض اعمالي عطوني رايكم واي استفسار حاضرين وبالخدمة : :27: http://www.gulfup.net/uploads/13647119861.jpg http://www.gulfup.net/uploads/13647119862.jpg http://www.gulfup.net/uploads/13647119863.jpg |
رد : الكروشيه .. من عمل يدي ..
ماشاء الله تبارك الرحمن مرتتتتتتتتتتتتتتتتتتتتتتتتتتتتتتتتتتتتب
تسلم ايدج فديتج وانا عندي هواية الصوف أحب اسوي اشياء بالصوف اذا لقيت لج الصورة بحط لج ان شاء الله شغلج حلو ومرتب ماشاء الله ,,, :22: |
رد : الكروشيه .. من عمل يدي ..
هذا اللي سويته حق بنت اختي :)
[img]http://im38.***********/PhFJA.jpg[/img] وهذا حق تلفون اختي [img]http://im41.***********/Y5xpd.jpg[/img] هاللي لقيتهم عندي :) وسامحيني ع الإطالة :15: |
رد : الكروشيه .. من عمل يدي ..
اقتباس:
يالله راوينا ابداعاتج .. :17: على فكرة انا اول مابديت بالصوف .. وبعدين لما تعودت يدي انتقلت لخيوط الكروشيه..:14: |
رد : الكروشيه .. من عمل يدي ..
اقتباس:
تبارك الرحمن انتي فنانة تستخدمين العصي .. أنا احسها وايد صعبة وماعرف أستخدمها .. :23: وبعدين ياحلو التنويع .. دايما يقولون لي سوي اشيا غير الشراشف أقول لهم ما أقدر ماعرف .. بس كيس الجوال اعرف اسويه لأنه بسيط .. :15: عساج ع القوة .. :22: |
رد : الكروشيه .. من عمل يدي ..
ما شاء الله تبارك
تسلم يدينكم ياااابنات |
رد : الكروشيه .. من عمل يدي ..
اقتباس:
مشكورة ع المرور .. |
رد : الكروشيه .. من عمل يدي ..
فن!
راااائع ماشاء الله وتبارك .. ولكن واضح انه يحتاج طولة بااااال .. ودقه .. تسلم الايادي .. |
رد : الكروشيه .. من عمل يدي ..
اقتباس:
يسلمج ربي يالغالية .. |
رد : الكروشيه .. من عمل يدي ..
ما شاء الله ما شاء الله ما شاء الله
حلوووووووووووووووووووووووووووووووووووووووووووووو عن جد انا احب شي اسمه شغل يدوي هوايتي كانت الرسم والشغل اليدوي :29: احب اخيط واطرز وكمان احب اشتغل بالسنارة ---مو هذا اسمها الي انتي اشتغلتي فيها لكن ما اعرف اسوي اشغال مثلك ما شاء الله عليك ربي يحمي لك بناتك ويجبر بخاطرك حبيبتي مشكورة على الموضوع وايفائك بوعدك ما شاء الله عليك عن جد فرحت فيه:14: |
رد : الكروشيه .. من عمل يدي ..
حبيبتي ام الدانه
الحين انا بس اتابع كل خيط وين راح ومن وين اجه هههههههههههه لا صج والله حلوووة اشكالهم سلمت يداك حبيبتي بشرى عاشت ايدك شغلك حلو ومرتب وفكرة كيس للجوال عجبتني هههههههه حمستوني ارجع لايام زمان وارجع اشتغل بايدي ان شاء الله خير ومشكورين على الصور الجميلة |
رد : الكروشيه .. من عمل يدي ..
ماشاء الله تبارك الرحمن
بجد بجد شغل متقن وحلوا جداااااااااااااااً أحب شغل الكروشية بس المشكلة ما تعلمته . بس فتحتي نفسي... أنا بعمل إكسسوارات بسيطة يدوية لإستعمالى الشخصي يمكن أصورها وأنزلها هنا ؟ يمكن ها مش أكيد؟ |
رد : الكروشيه .. من عمل يدي ..
ماشاء الله تبارك الله
ابداع الله يعطيكم العافيه ام الدانه وبشرى بصراحه انا كنت زمااان اعرف للسنارة والصوف اما الان مدري هل نسيتها ولا لا |
رد : الكروشيه .. من عمل يدي ..
ماشاء الله
الله يحفظهن هاليدين شغل ممتاز وابتقان انموت في الكروشية روووووووووعه والابر خذيت كورس وتعلمت الحمد لله لكن فعلا الكروشيه اسهل والخيارات المتعددة اكثر بنات تعلمت الكروشيه من اليوتيوب كنت انحط مقاطع لبنات (امريكيات) وانتابع معاهم الحمد لله بعد 3 اشهر من التعب بديت في التنويع اذا ممكن انحط مقاطع عطوني اشوي وقت بس وياسلام اذا كانت عندك اشوي لغة معناها شغلك ايكون اتقاااااااااااااااان وفعلا المجلات تساعد بس انحس اذا مستعجلة وما عندك وقت يعني تشتغلي مع الاطفال وهرجه هههه معناها الابر اسهل ممكن انزل صورة او اثنين بس بصارحة اول عمل لي مضحك والوانه ووووووووووووووه مزعجة |
رد : الكروشيه .. من عمل يدي ..
بنات هذا هو المقطع
لكن ارجو طمس الصوت قليلا في البداية لاحتوائه موسيقى http://www.youtube.com/watch?v=4mP-tquWvA0 |
رد : الكروشيه .. من عمل يدي ..
ماشاءالله شغلك مرره مرررتتب ومتقققن
بجد يحتاج لهم عيون غير مجهده هههههه يعطيك العآفيهه غاليتي |
رد : الكروشيه .. من عمل يدي ..
ماشاء الله تبارك الله عنجد ابداااااع كثير عجبتني عند صاحبتي شطوره بشغل السناره عملت لبنتها فستان خلال اربع ايام ماشاء الله عليها
ربي يبارك فيكم |
رد : الكروشيه .. من عمل يدي ..
فدييييتكم يابنات ..
مشكورين وحدة وحدة .. كلامكم حلو ومشجع جدا فرحتوني الله يسعدكم دنيا وآخرة .. دوندرمه ... خلاص دام تحمستي نبي نشوف من ابداعاتج فدى أمي ... لا مو على كيفك .. أكيد لازم تسوين من اعمالج ونشوفها .. وابل الندى ... حتى لو ناسيتها . .أول ماترجعين تحاولين راح تتذكرينها ان شاء الله .. اوناا .. تسلمييين حبيبتي على الرابط مفيد جدا .. ننتظر الصور الزهرة الجميلة .. كلامك الطيب من ذوقك ياعسل .. ندى_1406 .. تبارك الرحمن .. إذا قدرتي صوري الفستان نشوفه .. جد جد نورتوا موضوعي .. احبكم .. |
رد : الكروشيه .. من عمل يدي ..
بسم الله ماشاء الله تبارك الله
عيني عليك باردة ياام دانة بجد مبدعععععععععععععة مبدعه ماشاء الله عم دقيق و متقن ... وان دل على شي يدل على صبرك بشورة .. ماشاء الله عليك والله رووووعة شغلك و مرتب ججدا ماشاءالله عليكم والله شكل اشغالكم كانها جاهزة.. ربي يحفظكم ياختي انا الخياطة العادية ماعندي صبر عليها :) والله نفسي اتعلم الكروشيه و اعمل شال و قبعات و كفوف.. احساس حلو انه الوحدة تسوي شي بيدها .. بس للاسف مااعندي صبر و احس الموضوع صعععععب .. قعدت متنحة على الفيديو الي حطتته اونا الله يسعدها بالاخير ضيعت الغرزات وين حطتها و من وين جابتها ,, ان شاء الله بس اخلص من كورس اللغة الي اسويه الحين بدور كورس كروشيه .. حمستوني :) مشكورة حبيبتي ام الدانة .. ولا تنسينا من الابداعات هذه ربي يسعدك يارب و يرزقك توأم اولاد يفرحوك و يخلي لك بناتك يارب |
رد : الكروشيه .. من عمل يدي ..
ياحبيلك يا أم يوسف كثري كثري من هالدعوات الزينة ..
ممم بشوف أي موضوع من مواضيعي يناسب أحط فيها اخر مستجدات محاولات الحمل المستميتة .. تابعوني وفالكم طيب ههههههههههه .. |
رد : الكروشيه .. من عمل يدي ..
اقتباس:
لا هذاك اول ايام ---الفري --على قوله ام محمد -- ايام كان عندي وقت احتار كيف اشغله ههههههه كنت مسويه بيت اهلي معرض لاعمالي اليدوية ولوحاتي الفنية --- اشتغل النفخ -- ههههههه كنت محتله ركن بغرفة اخواتي لادواتي الخياطة والرسم والتطريز -- عشر صنايع ههههه الحين بوجود عسل وقشطة --تسميه ام يوسف لبناتي -- ما ينفع لان ما في وقت انا من كم اسبوع اشتريت ماكينة خياطه والى الان مخباة في مكانها السري عن بناتي ههههههههههه ربي يسلم لك بناتك ويرزقك بتوام ذكور سليمين ان شاء الله من الذرية الصالحة :15::15: لكن ان شاء الله ان صار لي مجال واشتغلت شي اكيد بشاركم فيه |
رد : الكروشيه .. من عمل يدي ..
اونا
المقطع جدا مفيد ان شاء الله نتعلم منه ونستفيد اول مرة شفته حسيت انه مرة سريع لكن بالاعادة توضح شوي لي ان شاء الله نتعلم منه شكرا لك |
رد : الكروشيه .. من عمل يدي ..
ام الدانة
ان شاء الله الصور قريبا محتاجة اشوي وقت بس العفو حبيبتي ام يوسف تنحتي اه هههه لازم قتلك 3 شهور ان شاء الله وانشوف اول عمل لك ضبطي للغرزة ومكانها بس خذى يومين الحقيقة مهما كانت تبان سهلة عند التطبيق تصيرلك لخبطة لكن كل الشغل وانتِ مستمتعة ما تملي حلو جدا ننصحكم كلكم تتعلموه يا بنات وممكن تلقي كرسات في مراكز الحرف اليدوية ايضا مفيدة جدا وتعطيك تكنيك للتسهيل يالله ام يوسف هالرابط هدية لك ^_^ واجب ههه http://www.youtube.com/watch?v=ZdK-WWdHCQU |
رد : الكروشيه .. من عمل يدي ..
اقتباس:
ممكن لان الرابط اللي حطيته للادفانسد بس هذا اسهل http://www.youtube.com/watch?v=FVqyogR9lQI طريقة سهلة لكن انا انفضل هالطريقة وهي انك تبدي من فوق بدائرة وتكبريها لان المقطع الاول تبان الخياطة من الخلف لكن هالمقطع اروع وشرح اسهل http://www.youtube.com/watch?v=UE_Bp0N8LHI |
رد : الكروشيه .. من عمل يدي ..
بحرينية
هدية لك لا اقصد واجب http://www.youtube.com/watch?v=5Mqk7t0zzjI بنات انا الليي تعلمتمعها هي هالبنت شاطرة ماشاء الله عليها http://www.youtube.com/watch?v=fOBxuA1j4MM بالتوفيق يا حلوات |
رد : الكروشيه .. من عمل يدي ..
وااااو أوناا روابط حلوة ومفيدة .. إن شاء الله بحاول أتعلم عليها .. ولو أني ما أستوعب كيف بداية الدائرة تكون مسطحة وبعدين يبتدي يقل التسطح وتصير بشكر نصف كروي .. مادري فهمتي قصدي هههههههه ؟؟
أنا لأن اعتمادي كلي على الباترونات فيها بالضبط الاعداد لكل صفة اسويها .. بس ان شاء الله تساعدني الروابط اللي حطيتيها .. بس لا تقولين واااجب ... أهئ أهئ بروحي ماعندي وقت .. شكرا حبيبتي .. |
رد : الكروشيه .. من عمل يدي ..
الفيديوهات التعليمية جداً رائعة
مشكورة يالغالية |
رد : الكروشيه .. من عمل يدي ..
اونا
ما شاء الله عليك ويعطيك الف عافية على هالمقاطع عن جد شي حلو ومسلي ان شاء الله نتعلم منهم طيب ثلالث شهور ما عليه لكن كم ساعه باليوم يلزمني حتى اتعلم شكرا كثير لك المقاطع الي حطيتيهم لي حلوين :22::17: ان شاء الله اتعلم منها ووووووووو ان شاء الله سلمت يداك طيب انتي يا اونا شو انجازاتك ما شاركتينا بشي منهم :25: شكرا لام الدانه --اسم على مسمى ما شاء الله والله يا اختي طلعتي الابداع المستخبي عند الاخوات في هذا الموضوع شكرا لك |
رد : الكروشيه .. من عمل يدي ..
اقتباس:
افتحي يدك جلدتين الشرح وان شاء الله تفهميني في البداية دائرة وبعدين الثانية تزيدي سمعتيها قالت انكريز معناها زيادة والصف الثالث او الدائرة الثالثة ايضا زيادة بعدها الرابعة مازادت كملت عادي بنفس الدائرة الي ان شافت ان راس الدمية دخل بالكامل بعدها مش عارفه الصف الكم بعد ما تكون على شكل قمع اضافت غرزتين بكم وحدة (سمعتيها تقول1 تشين وتحط وحدة وبعدين تقول 2 تشين وتحط وصلتين ولما انتهت حطت في كل وصلة 3 تشين يعني 3 وصلات في كل فتحة وهذا هو اللي عطاها شكل الكروهات لانها مرصوصة مع بعض ) ان شاء الله فهمتيني واذا عندك سؤال حاظرة يالله ننتظر ابداعك اول شيء ابدي مثلها بشغل دمية واشياء صغيرة حتى تعرفي التكنيك ويدك تاخذ عالعمل وبعدين تبديئ في مشروع الله يكتبلك التوفيق |
رد : الكروشيه .. من عمل يدي ..
اقتباس:
وهذا اهداء لك http://www.youtube.com/watch?v=QBqTlIx4HjI والمقطع الثاني http://www.youtube.com/watch?v=nPn20OrfS_s باقي المقطع http://www.youtube.com/watch?v=R69aTkAMsL0 |
رد : الكروشيه .. من عمل يدي ..
بسم الله مشاء الله
حلوين عمل جميل ومرتب تستحقين عشره على عشره الله يحفظكِ من العين ننتظر اعمال كهذه منكِ مستقبلآ اسأل المولى لكِ التوفيق والموفقيه نسألكم خالص الدعاء لحاجتِ لدعائكم جميعآ تحياتي |
رد : الكروشيه .. من عمل يدي ..
بنات لاحظو ان الخيط المستعمل يختلف عن باقي المقاطع
مش صوف وايضا حجم السنارة (المخطاف)صغير جدا وصادقة ام الدانة اعيون مجهدة ما تنفع ^__^ |
رد : الكروشيه .. من عمل يدي ..
اقتباس:
الله يحفظكم |
رد : الكروشيه .. من عمل يدي ..
اقتباس:
فديتج ... تسلمين والله وايد حلو استانست عليهم وايد :22: عاد نبا انشوف ابداعاتج .. |
رد : الكروشيه .. من عمل يدي ..
بشرى ان شاء الله
والله نلقى وقت عشان انزلهم بس وحااااااااااااظر من عيوني بس البنات مختفيات ان شاء الله ملتهيات في ابداعات جديدة |
رد : الكروشيه .. من عمل يدي ..
اقتباس:
|
رد : الكروشيه .. من عمل يدي ..
حتئ أنا مشغولة واتعلم من الفيديو اللي حطيته لنا. هني
أول مرة أسوي كروشية دائما استخدم الصوف أن شاء الله أفلح وآراويج إبداعاتي |
رد : الكروشيه .. من عمل يدي ..
موضوع كثير حلو
بتستهوينى الاشغال اليدوية كل خواتي بيعرفو خياطة وتطريز وكروشيه الا انا فمتحمسة ابلش معكن يا ريت اذا في اخت تتشجع وتعمل النا دورة تعليم شو نشتري اغراض الله يرضى عليكن مبدعة ام الدانة |
رد : الكروشيه .. من عمل يدي ..
بشرى فرحتيني
الله يوفقك حبيبتي بنات اخيرا جبت الصور http://www14.0zz0.com/2013/04/06/05/422933584.png http://www14.0zz0.com/2013/04/06/05/964216565.png |
رد : الكروشيه .. من عمل يدي ..
الصورة الثانية الله اعلم ايش صارلها ؟؟؟؟؟؟
انسدت نيتي سأعود في يوم ما :( |
| الساعة الآن 02:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©