|
صعوبات تعيق اتمام زواجي
السلام عليكم
انا عضوه جديده وحابه استشيركم بموضوعي انا مكتوب كتابي لي سنتين وزواجي طول بسبب البناء ( بناء المنزل) وهو ولدت خالتي واحبه ويحبني ولكن تدخل الاهل حاجز كبير في البدايه كان عنده رغبه في الزواج وبعد مشاكل مع والده اصبحت السالفه عناد ومرت سنه على هذا الحال وجت السنه الثاني وقرب ينتهي البيت من البناء وصار عليه حادث كسر بالركبه وهو الحين مايمشي بدون عكازات وحدد ابوه زواجنا في 12/6 /1434 ولكن الولد رافض يتزوج وهو بهذي الحال وانا على وضعي معلقه سنتين غير سنه الخطوبه فهم الان بينهم مشكله بين يايتأجل الفرح سنه او اكثر او يتم الفرح عائلي في المنزل او الطلاق وانا محتاره في امري واهلي رافضين يتأجل ورافضين الزواج العائلي وحالفين مايحضرون اذا كان عائلي ماذا افعل انصحوني تكفون وربي بموت من التعب جتني حاله نفسيه من الموضوع حتى فرحه الزواج راحت من عندي تكفون انصحوني |
رد : تكفون انصحوني
ولاتشيلي هم
بكره تتزوجين. بسعاده واكيد انه يتعافى ويرجع يمشي على رجلينه. افضل. من انه يتزوج. وهو بالعكاز الزواج مسؤوليه وهو راح يكون مسؤول عن بيت. كيف يبدا حياته وهو مريض ويحط ويشيل. صعبه انه يطلب المساعده كل يوم اصبري مابعد الصبر الا الفرج |
رد : تكفون انصحوني
يارب الله يسمع منك
بس يا اختي والله تعبت من هالوضع وكل يوم اهلي يعايروني فلانه وفلانه،،،،،،، الخ من جدا شي يتعب النفس ادري ان الدنيا قسمه ونصيب ولكن سبب تأخر زواجي الاهل كان عندنا رغبه في اتمام العرس بعد الملكه بكم شهر ولكن تدخل الاهل خرب كل شي والله يفرجها من عنده |
رد : تكفون انصحوني
لايهمونك لان واقع الامر مافيه شي معيب
واذا هم يبون يعيبون بيعيبون انخطبت وعندي 17 سنه ولاتزوجت الا 19 عادي. مانكر اني تضايقت. ومليت خصوصا ان الملكه طولت وحهازي كله جاهز. وبعضه بدت موضته تروح توفت. زوجة خاله وتأجل الزواج مره ثانيه وضقت جدا تدرين وش قال لي وش فيك مستعجله ع الزواج!!!!o_O ترى هم يملون اكثر منا ويحتاجون الزواج اكثر. لكن بين نارين فصدقيني لاتعيدي عليه. وتلجي راسه. انا مجرد مره ضقت. قال لي كذا بس انا كبرت راسي. ومشيتها انتي لاتتواصلي معه تواصل يثيره لانه بيقرر يتزوج قبل يتشافى وكله بيطلع عليك ولا تبعدي عنه مره وحده لان ماله ذنب ! عايشي الوضع برضا وعلميه انك. معه مهما صار. ومنتظرته. لين اخر العمر وان بكره احلى ماراح ينسى لك هالوقفه. ابدا وبلاش الاهل يتدخلون الله يشفيه ويفرحنا عيكم |
رد : تكفون انصحوني
الله يريحك ويسعدك مثل ماريحتيني
والله ارتحت من كلامك |
رد : تكفون انصحوني
بس هو قلي انه بيكلم اهله
عشان مايتم الزواج اذا كانوا مصرين على نفس اليوم بيسافر خارج المملكه في نفس يوم الزواج عشان مايحضر هو انسان عنيد جدا ومايبي الا كلمته تمشي لو يخسر اعز الناس عنده ماعنده مشكله لكن مايرجع في كلامه |
رد : تكفون انصحوني
ولو
اول شي. اجلسي مع اهلك. وقولي لهم. تبون الفكه مني مافيه فكه. ان شالله ماني متزوجه الا لما. يكتب ربي ويتشافى زوجي بعدين انا ماشبعت منكم قوليها بضحك وتحملي اي رد مستفز. ومالك فيهم. لاتشكلي حياتك حسب رغبة غيرك لان لو تزوجت وزوجك مريض وطلبتي من اخوانك مساعده. بيتذمرون وبيقولون وين زوجك بينسون انهم السبب ولو تطلقت. هم كل بيعيش حياته وماله فيك انتي لما. ترضين بالوضع هم ماراح يقولون شي لانهم مهما صار اهلك وقولي لهم. تبونه يقول يبون الفكه منهم ومستعجلين عالزواج قوليها بهدوء واحترام صدقيني بيتغير كلامهم وادعي ربك يشفي زوجك. ويوفقكم |
رد : تكفون انصحوني
وش سبب اصرار اهله ع الزواج !
اهلك. يكلمونهم في الموضوع ذا ؟ اذا. اهلك السبب فالحل عليك |
رد : تكفون انصحوني
اللهم اميييييييين والله يشفيه
ويقدم الي فيه الخير يارب |
رد : تكفون انصحوني
شوفي
نحن من عائله ماتطول فتره الملكه عن كم شهر وانا اول شخص بجماعتي كلها تطول فترها الى سنتين مع سنه خطوبه واهلي ملوا من هالوضع لمن ماشافوا تجاوب منه هو واهله وحتى عدم اعتذاره واهله لأطاله الفتره بس تحديد الزواج جاء من ابوه هو بس لمن حددنا واتفقنا وبدأنا بالتجهيزات وهو مكسور جلسنا تقريبا شهر وقال خلاص ما ابي اعرس ورجلي كذا بنأجل العرس الى انت تفتح الحدايد او الاصياخ الى برجلي وقله الدكتور ممكن هذي تاخذ سنه او سنتين او اكثر يعني الشغله مطول فصارت مشكله بينهم وبين اهلي على ان اهلي يبون العرس يتم وهو مايبي |
رد : تكفون انصحوني
طب حبيبتي هل حاولتي معاه بالكلمة الطيبة انه يوافق على
اقامة العرس حاليا؟؟ حتا وهو بعكازات هو حابب ياجل لكن اهله واهلك رافضين بدل ماتحاولي تغير راي عشرين فرد خلي تركيزيك عليه كلميه باللين انك مشتاقه له ومستنيه بفارغ الصبر انه ربي يجمعكم ببيت .. لا تجي له من ناحية اهله ولازم يسمع كلامهم لا. لانه بيعاند ويرفض لكن تعالي له من ناحية الحب والعواطف والشوق والكلام الحلو اذا رفض تدلعي عليه عليه ابكي لك دمعتين قولي له يعني ماتحبني ماودك بقربي ماتعد الاايام عشان نكون سوا زي ما انا اعدها ... تعلمي قليل كيد نسوان :) وبالنسبة للعكازات عادي ممكن انه ماينزف معاك لا يدخل الصالة انزفي لحالك وبالصور ممكن يتصور بدونهم وينسند علئ جدار بشكل فني ماراح يبين .. الله يوفقكم ويتمم اموركم على خير ويسعدكم |
رد : تكفون انصحوني
اللهمم اميييين اختي ام يوسف
للأسف والله لي سنتين وانا احاول معه والله الين جاني احباط وكسر في النفس حتى قلت له مو مشكله نسويها عائليه ماعندي مشكله ولكن مشكلتي بأهلي راقضين مره والا ماراح يحضرون ماعاد اعرف وش اسوي وربي وهو رافض فكره الزواج بعكازاته ابدا لان حاله صعب وهو مايقدر يلبس ثوب لأن الحدايد برجوله مثبته من الخارج فمايقدر يلبس ثوب |
رد : تكفون انصحوني
الزواج يحتاج صحه وقوه من كل النواحي
حتى الارتياح النفسي له دور كبير ماراح يحقق حلمه. المنتظر وهو يشوف انه. مريض وبه عجز خصوصا الرجلين. الله لايذوقنا مرارة هالشي اصحاب الكسور فيها. يصيروا حساسين مره هو يبي يكون قوي ويسعد ويسعدك. مايبي يحس بالنقص فلاتضغطي عليه |
رد : تكفون انصحوني
والله ياعزيزتي رذاذ اني ما اضغط عليه كثر ما اضغط على روحي
وكل ماقال شي اقول له طيب ابشر سوي الي يريحك وانا معاك لكن يضايقني ضغط اهلي واهله على الوضع |
رد : تكفون انصحوني
و أمك رأيها ايش بالموضوع؟
|
رد : تكفون انصحوني
امي رأيئها يتم العرس في نفس الموعد بأذن الله وماتبيه يطول اكثر من كذا
|
رد : تكفون انصحوني
شوفي حبيبتي انا مملكه لي 8 اشهر م تحدد الزواج بسبب تاثيث ليته بناء ، كان ابوه بس يعاند مثل ابو زوجگ ، بس بعدين بعد م خلص قال نحدد الزواج عند طلع سالفه جديده ، يعني انتي اهون ي بنا او تعبان ، اعذار مقبوله بس انا معلقه مدري عع ايش بي مع الاستغفار تيسرت والله ثكذا فجاهه قال له ابوه حدد الزواج الحين يدور قاعات له كم يوم
|
رد : تكفون انصحوني
الله يوفقك حبيبتي ويتمم لك على خير
ويسهل امري ويفرجها علي |
رد : تكفون انصحوني
الله يقدم لك اللي فيه الخير عن جد صعب يزوج ورجله مكسورة حاولي تجمعي العايلتين مع بعض وتوصلوا لحل الزواج زواجك انت ومحكومة بظرف زوجك من رايي تنتظري الين يشفى وتعيشي فرحتك زي اي بنت الله يتمم لك على خير ويشفي زوجك ادعي لوالدي بالشفاء انت وكل من قرا ردي
|
رد : تكفون انصحوني
اهلا بك اختا عزيزة بيننا
انت شو رايك؟ و ماذا ترغبين؟ هل تودين ان يكون الزواج اسرع رغم هذه الحالة؟ او ترغبين بالتاخير حتى تكون الامور كما ترغب اي بنت؟ انا الان رجلي مكسورة و امشي بعكازتين كثير من الامور لا استطيع ان اقوم بها، عملت العميلة قبل شهرين و بدات منذ كم يوم فقط ببعض الاعمال المنزلية و لكن بصعوبة المسالة ليست بالسهلة برايي لو اقتنعت انت بامر ما ستقنعين الاخرين قرري انت ماذا تريدين؟ اسال الله ان يلهمك الصواب |
رد : تكفون انصحوني
اقتباس:
اللهم اميييييييييين والله يشفي والدك ويعطيه الصحه والعافيه يارب |
رد : تكفون انصحوني
اقتباس:
هلا بك اختي او اخي الله يشفيك يارب ويقويك ادري ان المسأله مو سهله وانا حاسه بوضعه وحزينه عليه ولكن هو الله يصلحه يسافر ويسوق ماريح رجوله صح انه مستحيل يمشي دون عكازات ولكن لا قوه الا بالبله مايخلي مكان في البدايه ماكان يخرج والحين صار يروح عمله ويخرج ويسافر مع اخوانه المهم انا تعبت من الوضع نفسي يثبتون على رأي واحد واحد يقول يتأجل والثاني عائلي والثالث يتم وانا حاطيني على الجنب لحد يسأل ولحد يستشير الي ابيه يثبتون على رأي واحد والشي لازاد عن حده ينقلب ضده ما اشوف فيهم ناس مهتمه اقلها اعتتذار او كلمه حلوه ترفع من المعنويات وتحفز وتصبر في نفس الوقت والله الاوضاع صعبه |
رد : تكفون انصحوني
ادعولي ربي يسهلها معاي وييسر الامور
|
رد : تكفون انصحوني
الله يفرج همك
|
رد : تكفون انصحوني
اللهم اميييييييييييييييين
|
رد : تكفون انصحوني
والله حاسة بما تمرين به ربي يفرج همك عزيزتي
الله يهدي اهلك واهله كي يثبتون على رأي واحد يا تأجيل العرس حتى يشفي زوجك أو يقدم العرس بموافقة زوجك الله يكتب لك اللي فيه الخير ربنا يفرج همك |
رد : تكفون انصحوني
اللهم اميييييييين
اشكرك من اعماق قلبي |
رد : صعوبات تعيق اتمام زواجي
الله ييسر أمرك ويكتب لك الخير أينما كان
|
رد : صعوبات تعيق اتمام زواجي
الله يوفقك اختي الكريمة
|
رد : صعوبات تعيق اتمام زواجي
اللهم اميييييييين يارب العالمين
|
رد : صعوبات تعيق اتمام زواجي
أختي في الله : إن امر المؤمن كله خير ، لا تقلقي ولا تنزعجي فكل شيء بيد المولى وكل تأخيرة فيها خير
ولو كنا نعلم الغيب لاخترنا ما اختاره الله لنا . وإن شاء الله ستتم أمورك على ما يرام نصيحتي لك تقربي من الله سبحانه وتعالى وأكثري من الدعاء حتى يصلح حالك واحوالك |
رد : صعوبات تعيق اتمام زواجي
والنعم بالله عزيزتي
والله يسهل الامر وارتاح |
رد : صعوبات تعيق اتمام زواجي
اهلي منعوني اتواصل مع زوجي بكل الطرق
هل تشوفون ان هالطريقه صح ؟؟ |
رد : صعوبات تعيق اتمام زواجي
دلوني يا اخواني انا مختاره في امري
ابوه مصمم على الزواج والولد مايبي كلمته اهلي واخواني قالوا لي طنشيهم ولاتردين عليهم هل هذا حل مقنع ويحل موضوعي طلبتكم دلوني على الطريقه الصح السالفه اصبحت عناد وتحدي بين الطرفين وانا الضحيه بينهم |
رد : صعوبات تعيق اتمام زواجي
يارب تتزوجي حبيبي ويسهلها لكي
والله ادعيلك من قلبي |
رد : صعوبات تعيق اتمام زواجي
انا اشوف انك تجلسين معه ومافيها شي يتزوج بعكازات معاقين ويتزوجون وماشية حياتهم وين المشكلة
|
رد : صعوبات تعيق اتمام زواجي
اقتباس:
امييييييييييييييييين يارب الله يسعدك ويرزقك من اوسع ابوابه |
رد : صعوبات تعيق اتمام زواجي
اقتباس:
مافيها مشكله والله بسرهم مصعبين الموضوع شوي وبعدين اهلي مانعيني تماما اتواصل معهم حتى ابوه يدق على جوالي واهلي رافضين ارد عليه محتاره والله تعبت من التفكير |
رد : صعوبات تعيق اتمام زواجي
الصراحة ، أهلك معاهم حق ..
يخافوا إنه لا سمح الله ، بعد فترة ما يتم الزواج و يضيع عمرك عالفاضي .. يعني لو تزوجتوا دحين ، مداك بعد سنتين يكون عندك ( طفل ) بإذن الله .. و نفسهم يفرحوا بك .. |
رد : صعوبات تعيق اتمام زواجي
اقتباس:
بكرة بيعاندك ، دام بيعاند أبوه .. لا يعاند ( أبوه ) على حساب مستقبلك و حياتك .. . . اسمعي كلام أهلك .. و طيعيهم .. |
| الساعة الآن 04:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©