بما اننى وصلت جده بسلامة الله امس لتجديد الاقامه فلقد نويت ان شاء الله اعمل عمره غدا ان استطعت
ولقد اخذت عهد على نفسى ان ادعو لكل من يرجو من الله شيئا جعلنى مستجاب الدعوه وساكتب اسم كل من يطلب شيئا
فعلى من له حاجه ان يبلغنى بها ومعها حواله بمائة ريال سعودى لزوم التاكس من ابواب مكه !!ِ ماعدا مهره لانها بنت اختى

طول عمرك كريمه ياام محمد
بما انك اول واحده ارسلتى فحاعملك تخفيض
ليكى دعوتين والتالته مجانا
واهلا بنسايبنا الظاهر امنا هاجر فتحت نفس العرب ..

شكرا اخى مارد وجازاك الله كل خير

حاضر انتى من اصحاب المكانه العاليه والاحترام لدى ويارب يحققلك الامنيه اللى تتمنيها ان شاء الله

ماقلتلك انزلى على شارع فلسطين
والله كنت عند موبايلى النهارده
ومن عينى ياسكر ان شاء الله ادعيلك ويارب اكون مستجاب الدعوه .. حاضر ياسكر

الله يكرمك يافردوس ويحبب فيكى خلقه وحاادعيلك ولو انك ماحولتيش الريالات لكن لاجل الكلام الحلو ده وانا ساجد والله يافردوس ,, من عينى

يابنتى العمره اللى فاتت وانا عند الملتزم كنت ابكى واقول يارب من حملنى امانه اجبر بخاطره
يارب احنا ضعفا فارحم ضعفنا .. صدقينى بادعى لغيرى اكتر من نفسى
انا كتبت فى الورقه ويارب بحق المكان الطاهر ده اهدى زوج دندرمه وستر بناتها , اجبر بخاطرها ونولها مرادها وربنا يتقبل منا صالح الاعمال

احبائى
اتممت عمرتى امس ويعلم الله اننى فى سجودى خلف مقام ابراهيم ما دعوت لنفسى ولا اولادى وانما دعوت لكل من حملنى امانة الدعاء ( اصلى دعيت لنفسى فى الطواف وخلصت بدرى بدرى ) دعيت لام محمد واحب زوجى ودندرمه ولسكر وللفردوس غايتى وكمان دعيت لام مهره وحطموك ياقلبى .
متفائله انا دعيت ان ربنا يهدى زوجك ويرجعهولك ويبعد عنه ولاد الحرام ودعيتلك ياام محمد ربنا يرزقك الذريه الصالحه وقلت يارب دول حملونى امانه .. يارب ماتخذلنيش ورجعنى مجبور الخاطر وان شاء الله يحقق كل امانيكم بس ابقوا اذكرونى بالخير لما اختفى من المنتدى لانى حاكون بين ايدين حاكم عادل رحيم

اضحكوا .. بعد ماخلصت الطواف وصليت ودعيت لكوا ببلاش من غير حوالات قلت اروح اسعى
ماشاء الله يفط الى المسعى . الى المسعى . الى المسعى وفى الآخر باقول للعسكرى هى المسعى فين قال خد السلم واطلع فوق قلته هو انتوا نقلتوه قال لا هو فى مكانه انتى اللى فى البدروم
المهم طلعت وهات ياسعى وأجى عند النور الاخضر واقعد اجرى ومش قادر واقول يارب هى هاجر تجرى انا ذنبى ايه كان اولى الستات هى اللى تجرى اما كعوب رجلى فقفقت ..
بس برضه العمره حلوه وربنا يقدرنا على تكرارها ويوعدكوا جميعا

الله يباركلنا فيكى جوهره

مجاهده الدعوه بتوصل ولو كنتى فين ومادام بتخلصى وتلحى فى الدعاء فربنا بيستجيب
على العموم انا حااروح يوم السبت اعمل عمره تانيه او حتى اطوف ومش حاانساكى من الدعاء
وبعدين ولا مصيبه ولا حاجه ونصيبك حايجيلك لغية عندك
ايه يا مجاهده وحدى الله وصلى على النبى

يااهل جده الكرام ارجو الدخول
سانزل باكر لشراء بعض الهدايا لعائلتى وابغى مكان به ملابس ذات جوده واسعار مناسبه
عاوز حاجات عرايسى كمان عاوز مكان اشترى بطانية بيبى لابنى ولحاف مطرز لبنتى
ممكن تفيدونى

انتى فينك يابنتى
كنت عاوز اكلمك ضرورى فبل مااسافر
المهم تكونى بخير وبعدين انساكى ازاى
انتى ونورا بنتى فى معزه واحده وبعدين ادعيلك من غير ماتقولى علشان تعرفى ان وراكى رجاله طبعا مش مكانه هنا اسالك عامله ايه فى اى موضوع ليكى حااخش اطمن عليكى
سلام

بقيت اقلق عليكى لما تغيبى
يارب يريح بالك ويسبغ عليكى من نعمه وبالمناسبه حااروح المدينه يوم الاربعاء رحله تبع الجامعه وان شاء الله ليكى دعوه عند قبر الرسول والرضا بالنصيب ام مهره مفتاح السعاده

ربنا يتقبل وتروحى وتيجى بالسلامه
العمره للنساء اسهل كتير ده احنا ياعقد بنتبهدل
بس يهون فى سبيل رضا الرحمن

شكرا دندرمه
عارفه انتوا ساعات بتصعبوا على
باحس انكوا غلابه
بس لو لسانكوا يقصر شويه تبقوا عسل

الحمد لله
وانا نازل مصر يوم الاتنين تلاته يونيو
لو عاوزه توصلى حاجه او رساله معايا وزن وانا تحت امرك وسلامى لمهره وسلطان وبوسيهم من هنا ومن هنا

رحت مكه امبارح ودعيتلك وانا باطوف وقلت
اللهم انك تسمع كلامى وترى مكانى وتعلم سرى وعلانيتى ولا يخفى عليك شئ من امرى وانا البائس الفقير والمستغيث المستجير المعترف اليك بذنبه
اسألك مسألة المسكين وابتهل اليك ابتهال المذنب الذليل وادعوك دعاء الخائف الضرير
دعاء من خضعت لك رقبته وذل لك جسمه ورغم لك انفه
فاللهم تقبل توبتى واجب دعوتى ودعوة من حملنى امانة الدعاء
وثبت حجتى واهد قلبى سبحانك ربنا رب العزة عما يصفون

عدوا الجمايل !!

دعيتلك والله ومن اول مره
هو انتى حد يقدر مايدعلكيش دانتى بنت الغاليين

لا فيه دور تانى ياروح
حاروح بعد مآجى من المدينه وحاتبقى دعوات الوداع وعقبال العوده يارب