|
ابغى استشيركم
ابغى استشيركم في شغله مرة مضايقتني انا لي سنتين متزوجه زوجي مديون راتبه قرابه سته الاف مايبقى له الا قرابه الفين ونص او ثلاثه الاف المهم انا نهائيا ماطلبه السوق عشاني مقدرة وضعه لانه دايما مايجي اخر الشهر الا وهو مابقي له الا شئ بسيط مرة واحيانا مايبقى له شئ فانا ماصرت احب اطلبه فدحين صار عندي حافز فصرت اصرف منه لي كل ملابسي من حافز وعندي بنوته اشتري لها من عندي وهو مايتكلم ولايعطيني فلوس بس للامانه انا ماطلبه فلوس استحي اطلبه وهو فلوسه يادوب تكفي باقي اامصاريف وانا عندي حافز بس دحين جا العيد واشتريت ملابس العيد لي ولبنتي من حافز هو لمرة قلت له بروح السوق بقضي قال لي قولي لي كم صرفتي واعطيكي قلت له مايحتاج هدا العيد انا بقضي من عندي طالما انك مزنوق فانا ابغاه من نفسه يعطيني فلوس ويقول لي هدي فلوس ملابس العيد مو لشئ بس مرة خايفه يتعود انو مايشتري لنا فهل هدا شئ طبيعي انو يمر العيد بدون مايعطيني فلوس وزي ماقلت لكم انا مو قادرة اطلب لتنو احنا الحين ببدايه الشهر وبقي له من الراتب الف وخمسمائه فاش رايكم انا مقهورة انو مو هو من نفسه يجي ويعطيني زي باقي الرجال ويقول لي هدي فلوس العيد اه ماني عارفه هل انا على صواب ام لا
|
رد : ابغى استشيركم
يا أختي لم أفهم!
أنتِ تقولين إنه قال لك (قولي لي كم صرفتي واعطيكي) .. وأنتِ التي رفضتِ لأنه مزنوق!! يعني الرجل مستعد يعطيكِ .. فما المشكلة بالضبط؟!! |
رد : ابغى استشيركم
هو ماقال بعطيكي الا لما قلت له بروح السوق قال لي قولي لي كم صرفتي انا ابغاه يعكيني فلوس بيدي ويقول لي خدي هدي حق مقاضي العيد وهو عارف انو انا ماراح اقول له كم صرفت راح اقوله خلاص مايحتاج دامني عندي من حافز انا بس ابغى اعرف تصرفي صح او فيه طيبه زيادة راح تخليه يتعود
|
رد : ابغى استشيركم
الرجال ما يفهم لابتلميح ولا بغيره ، ماعنده إلا الوضوح ، سألك رفضتي خلاص بيقفل الموضوع ..
غير كذا أسلوبك غلط حتى في حقه ، لأن الرجل عادة يبغى يحس إنه مسؤول عن أسرة ، وإذا قلتي له أنا مو محتاجة منك بيحس بالنقص وب الضعف ، هذا ما يعني إننا نآخذ في الدخله والطلعه لكن على الأقل يجيه إحساس إنك محتاجته ، ولا تخربي زوجك بيدك دامه سألك فأكيد قادر يوفرلك ولو شاف إنو مؤ قادر بيقولك ماعندي الا هذا المبلغ .. |
رد : ابغى استشيركم
الله يهديك ..
يعني أنتي عارفة انكم باول الشهر وهو مامعه إلا 1500 .. وماقصر قال بيعطيك قيمة المشتريات وانتي رفضتي مراعاة له .. وفي نفس الوقت تبيه يعطيك .. حيرتينا .. الحين انتي تراعينه ومقدرة ظروفه ولا لأ ؟؟ |
رد : ابغى استشيركم
بطبيعة الرجل يحب ان تطلب منه زوجته ..
وهذه سنة الحياة .. قال تعالى :"الرجال قوامون على النساء" فليس طلبك منه اذلال او نوع من النقص في قدرك .. هذه طبيعتنا في الحياة ... انا اطلب من والدي .. واخي يطلب من اخيه الاكبر واختي تطلب من امها او من اختها وبالمقام الاول والاولى من هذا كله ان الزوجة تطلب من زوجها .. وهذا حقك الشرعي .. ان ينفق عليك اطلبي منه باسلوب حسن .. مع تقدير لضروفه.. مثلا . شرايك تعطيني كذا او نفسي بالحاجه الفلانيه تشتريها لي .. او شي من هالقبيل .. هذا ليس بعيب فهو زوجك .. وليس بينك وبينه اي حواجز ... اسأل الله التوفيق للجميع |
رد : ابغى استشيركم
إذا استمريتي على حالك تنتظرين منه يعطيك من نفسه،،ستعضين أصابع الندم.
يابنتي راعي ظروفه بقدر،،لا تخلينه من المسؤولية،، اطلبي بأدب وطالبي بأدب،،، ولا تحزني عليه زيادة عن اللزوم..هو ملزوم فيك،،الله يصلحك.. سيتعود إنك ماتطلبينه ولن يعطبك حتى لو عنده،، ولن يذكر لك وقفاتك معه،،بل سيرى واجب عليك تعيشين معه بلا مطالب. هكذا معظم الرجال إن لم يكونوا جميعهم. |
رد : ابغى استشيركم
طيب اشيرو علي دحين مابقي من راتبه الا الف وخمسمائه وانا قضيت ثلاثه ارباع الاشياء من عندي هل ارجع اطلبه فلوس عشان اكمل الباقي او انا اجيبهم من عندي واراعيه
|
رد : ابغى استشيركم
اختي شوفي انتي ﻻزلت في البدايه
ﻻزم تأسسي حياتك صح زوجك عوديه على المسؤليه موشرط تطلبي منه روحي معاه السوق وتشتري اللي ناقصك مع مراعاة ظروفه هويحتاج الاحساس هذا انه مسؤول لما ماتطلبي منه هو راح يفهمها انك مستغنيه بفلوسك وان ماعندك طلبات وممكن تحسسيه بالنقص وانه مو قادر يقوم بعاءلته بس عمره ماراح يفهمها انها مراعاه لظروفه طالما ماطلب منك تراعي ظروفه بكره يخلص حافز وراح يحس طلباتك كثيرة ويتذمر نصيحة مقاضي اﻻكل والبنوته واللبس في المناسبات زي العيد هاذي ﻻتتنازلي عنها تكتبي طلباتك في رساله وهو يجيبها او روحي معاه واختاري وهو يدفع |
رد : ابغى استشيركم
السلام والرحمه
تقولين صفاله 1500 ريال ... علشان هالمبلغ التافه تنقهرين ؟؟ وبعدين الزوج اذا ماعنده اخوانج ابوج أمج اهلج موب عيزانين عنج ومابيقصرون .. ليش؟؟ سيري طلبيهم من ابوج او اخوج ولاتكدرين بخاطرج زوجج معذور مايملك المال الكافي علشان يعين ويعاون وانتي مراعية وضعه من البدايه و قدرتيه ترى اجرج عند رب العالمين مابيضيع .. لاتاخذين الموضوع بحساسيه .. خذيها بالركاده وطوله بال والمنطق ولاتعورين راسج بالتفكير يوم بتسيرين لاهلج خبري ابوج قاصرتنج فلوس او اخوج ترى الاهل عون .. فلوس وصخ دنيا الواحد مايرزى يزعل عشانهم أهلج يدرون يوضع زوجج ... وبعدين ترى ريلج بعد ماشراله شي للعيد المفروض تتركينهم له ... وتحمليه باجر تتسهل اموركم وساعتها عاتبيه اذا قصر السموحه |
رد : ابغى استشيركم
انا والله مقدرة وضعه وماطلب منه ابد واقوله انا بشتري اغراض العيد بس ابغاكم تقولولي تصرفي صح او خطا انا بس اخاف يتعود وهو مايرضى اني اخد من اهلي او اخبرهم
|
رد : ابغى استشيركم
مو قلتي مديون ب 6000 ؟؟؟
طيب كيف كان من قبل معاك ؟ و هانت ،،، كلها كم شهر و يسددهم .. أنا زوجي أقل شي مديون 50 ألف ، و في تزايد .. و عادي .. ماخدة الحياة ببساطة .. و ما يبقى من راتبه حاليا غير ( مية ريال ) |
رد : ابغى استشيركم
يابنت الحلال عادي الرجال مزنوق وهذا زوجك مو غريب وبعدين قالك كم صرفتي اعطيك اشلون تبين يقولها من نفسه
طيب هو قالك ’’ مشي حالك بكرة ربي يفرجها عليه ويعوضك اذا معك اصرفي مافيها شي اذا ساعدتي نفسك ولا اشتريتي شي لبنتك ولك الاجر اذا ساعدتي وكثر الله خير حافز |
رد : ابغى استشيركم
اقتباس:
الغاليه اسمحيلي أنا قبل لاكتب ردي دايما احط نفسي مكان الشخص الصاحب المشكله واتصرف على اساس انا من هالناحيه راح اقولج انت موقفج سليم بس في حال رافض تاخذين من اهلج ليش بالله ؟؟ وين عايشين ؟؟ فكر بمبادئه ومافكر فيج ولا في متطلبات حياتج اليوميه ماعنده كثر الله خيرج وقدرتيه خلنا نتكلم بالعقل وبالحق بعيد عن المثاليه الزايده واللي مالها اي موقف من الاعراب قوليله اذا سكتلك مرة ومرتين وعشر تقدير لك ولموقفك لاني احبك واعزك المفروض انت بدورك اتقدرني اني بنت وابا اصرف على عمري ماراح اطلع بوسط الناس وايدي قاصره مقدره وضعك لانك ابو عيالي بس تقولي صبري وصبري وانت ماعندك انا يوم باخذ ماباخذ من ناس غرب باخذ من ابويه واخويه واماه من اهلي اذا على جي ناخذلنا خيمه ونسكن بوسط البر عشان بالمره مانصرف .. مع احترامي لج بس هذا موب موقف صحيح من زوجج على باله الافين مالت الحافز بيكفونج بيسدونن حوايجج .. ( انا بنت موب متزوجه وكل شهر اصرف فوق 5000 درهم مصاريف شخصيه على نفسي هذ وانا موب معرسه كيف لو معرسه اكيد احتاج اكثر نسيتي انج زوجه وطلبات الزوجه تفوق طلبات البنت اللي موب متزوجه والزوجه دايما تحب اتجدد بكل شي عشان زوجها لا فديتج فكري فيها بمنطق وتكلمي بصوت مسموع.. فهميه موقفج بكل هدوء ووضحيله انج قادره تصبرين مرة ومرتين وعشر بس الحاله اللي فيها خلته يتعود يتأمر عليج ويمشي كلامه رضيتي او مارضيتي .. أسفه على الاطاله بس موقفج جي سلبي الواحد كل سنه من عمره ينقص اذا ماتهنيتي في عز شبابج متى بتتهنين ؟؟ وربي يصلح حالكم |
رد : ابغى استشيركم
عزيزتي.. أنت أعلم بحال زوجكِ منا.. وأدرى كيف يدبر زوجكِ حاله وحال أسرتكما بما يتبقى من راتبه، وأدرى هل زوجكِ ينفق هذا المتبقي على ضروريات وأساسيات أم على كماليات وكلام فاضي. كما أنك أدرى بطبيعة زوجكِ وهل هو رجل بحق ولكن ظروفه الصعبة هي التي تكبله أم أنه قد يستغل موقفكِ ويتملص من مسؤوليته نحوكِ ونحو ابنتكما. وبناءً على هذا تستطيعين أن تقدري الموقف بشكل عام. أفهم ترددكِ في طلب النقود وعدم رغبتكِ في الإثقال عليه .. ولكن في النهاية هو زوجكِ .. لا أقول اطلبي بزيادة.. ولكن اطلبي في حدود المعقول . وحتى لو اعتذر وتعلل بعدم قدرته فلابد أنكما مررتما في حياتكما معاً بمواقف ستساعدكِ دون شك في معرفة ما إذا كان رفضه بخلاً وطمعاً في مالكِ أم عدم قدرة بالفعل. أما وأنه قد عرض عليكِ المال بالفعل وطلب منكِ أن تخبريه كم أنفقتِ فلم يكن عليكِ أن ترفضي. الأمر الآخر.. إن كنتِ تستطيعين تدبر أمركِ والاحتمال فلا تطلبي شيئاً من أهلكِ.. فهذا تصرفٌ لا يليق ويقلل من قيمته وقدره في نظرهم. |
رد : ابغى استشيركم
اقتباس:
حبيبتي يا روح.. هي لم تذكر زوجها بكم مديون. هي ذكرت أن راتبه 6000 ولا يبقى منه إلا 2500 أو 3000. وحالياً ليس معه سوى 1500. وما داما متزوجان من سنتين فأتوقع أن الدين لن ينتهي قريباً. |
رد : ابغى استشيركم
مشكورة يا مهرة الغالية ..
قرأتها غلط شكلي ، على بالي مديون فقط ب 6000 ريال و ما بقي الشهر هذا من راتبه غير 1500 .. فتوقعت إنها فترة شهرين و تنتهي المشكلة .. |
| الساعة الآن 09:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©