|
طلقني
السلام عليكم
كل عام وانتم بخير وصحة وسلامة وعساكم من العوادة واسال الله ان يعتق رقابنا من النار بختصر الموضوع انا الان في مرحلة العلاج وجالسة اخذ ابر وهرمونات عشان الحمل امس جاني نفس السالفة جماع بدون مقدمات والصراحة تكلمت معه وفاتحته بالموضوع للمرة الالف مايرد علي وساكت غير نظراته لي المشمئزة سكرت الموضوع وقلت ليتك تراجع نفسك اليوم صاحي من بدري ومماسك جوالك مايفكه لدرجة كنت ابي اطلع اخذ الابرة والجوال بيده لين المصعد قلت طفي جوالك الحين حنا طالعين موعد ابرتي بعد المغرب وعلى اساس طالع مكة قال بوديك تاخذينها الحين سالته اذا بيطلع مكة بعد العشا يخلي موعد الابرة بوقتها قال خلاص وسوا بريك قوي للسييارة وحطني عند البيت وقال خلاص اطلعي قلت لا مانيب طالعة ليه تسوي هالحركة واخذ مفتاح السيارة ونزل وخلاني رحت وراه اخذ الفتاح قال انتي طالق طالق طالق الرجال جاهز للطلاق وكان ينتظر الفرصة وانا بفترة العلاج وماخلاني حتى اجرب فرصتي مثل ماقلت لكم انا تعبت وانهنت الان ابيكم تشورون علي هل اخذ اغراضي واروح بيت اهلي والا انتظر |
رد : طلقني
باقي على الملغرب دقائق اسال الله ان ينتقم منه ويعذبه مثل ماعذبي واهاني
اسال الله رب العرش العظيم ان ينتقم منه اسال الله رب العرش العظيم ان ينتقم منه ضيع سنين عمري وكل مرة اقول راح يتعدل حطمني بكل شيء وكلت عليه الله ونعم الوكيل |
رد : طلقني
لا حول ولا قوة الا بالله ..
الحمد لله على كل حال .. اختي الكريمة ، بعد الطلقات الثلاث اظن انه لاحق لك بالاقامة عنده .. انتي قدمتي ماقدمت من خير يشفع لك عند رب العالمين ، فلا تاسي عليه طالما استهتر بك بهاذا الشكل .. اسال الله ان يعظك اجرك ويخلف عليك من مصابك خيرا .. دعواتي لك بالفرج .. |
رد : طلقني
حرام عليه يسوي جي
كلن على همه سرى وانا على همي سريت |
رد : طلقني
هرتني الابر
وجالسة اكل بالعلاجات وموعد العملية الثلاثاء احسه كان مجهز الطلقة بس ينتظر الوقت الله ينتقم منه في الدنيا قبل الاخرة الله يجيبها في بناته ربي ابتلاه اربع بنات حقدت عليه كرهته لئيم لئيم ياناس لئيم |
رد : طلقني
ما تعرفي يا اختي لعل الله أراد بك خير ان حصل الانفصال قبل الانجاب
وطبيعي ومتوقع انو فترة العدة تمر عليك بضيقة لان الموضوع قريب، لكن الامور راح تتحن ان شاء الله انصحك تبدأي تعطي نفسك اهميتها من جديد اذا ماخلصت دراسة ادرسي او توظفي او ضعي لك خطة لتطوير حياتك وراح باذن الله تعالى يجي اليوم اللي تكوني ممتنه فيه للأيام الماضيه. والله يهديك يا اختي ربي انعم عليه واكرمه ورزقه ببنيات بريئات مالهم علاقه في الموضوع لاتدعي غضبك يدفعك الى التعدي في الدعاء. |
رد : طلقني
اسأل الله أن ياجرك في مصيبتك وأن يخلف لكي خيرا منها ..
لا الوقت مناسب ولا الضروف تناسب .. يا لئامتـه .. كـان الله في عـونك .. |
رد : طلقني
انا منهارة بكل مرة يطلق وبكل مرة يقذفني بصصاروخ الطلاق
لا اهتمام ولا سعادة معه ولا مادة كل مانزل راتبه يقول راح في الفيزة ذهبي كله بعته كل شوي اقول لاهلي حولوا لي فلوس تعبت وانا صابرة ومتحملة كله عشان لا اطلق واخرب بيتي واقول بكرة يتعدل 24 ساعه بجواله مايفكه لا يكلمني ولا يسولف معي ولا جا وقت الجماع يحقرني بتعامله بمجرد مايخلص يقوم ماحس معه بالامان ابد الان حسمت المووضوع بسالفة العملية عشان لا اضيع وقت اكثر من حقي انجب حتى لو انفصلنا اعيش عشان طفلي مابي اكرر تجربة الزواج بعده كرهني بكل الرجال ابيها تجي في بناته عشان يعرف ان الله حق وان بنات الناس مو لعبة ست سنوات زواج وبيته الاول قائم على اولاد وزوجة ومافرقت معه يطلقني ويجرب غيري اقسم بالله لولا القصاص لا ذبحته وانهيه مثل ما انهاني عساه الموووت ياربي جبار وعينيد بس الله اقوى منه كل رمضان تصير مشكلة كل رمضان لازم نتهاوش وعلى مدار السنة يعرف ومستوعب تماما وش ابغى ولا يبغى يعطيني حقوقي انا مابيه الحين بس يكمل معي العملية انهريت بالابر راح فلوسي ضاع عمري في الاخير اطلع من المولد بلا حمص اذا ماوافق يعطيني كل الفلوس الي خسرتها او تعويض لازم يدفع الثمن باي طريقة |
رد : طلقني
وقسم بالله مافطرت قاعدة بس على المويا حسبي الله عليه ظالم
|
رد : طلقني
اسئل الله ان يقر عينك بما تحبين . توكلي على الله فوضي امرك الى الله ..
رددي اللهم أجرني في مصيبتي وأخلف لي خير منها . صدقيني ان حصل فراق بينكم فبدون اولاد خير من ان يكون هناك اولاد. |
رد : طلقني
لاحول ولاقوة الا بالله العلي العظيم
انا لله وانا اليه راجعون اللله يجيرك بمصيبتك ويخلف لك خيرا منها اختي افطري لو على الأقل تمر أي شيء واعلمي ان عظم الجزاء من عظم البلاء وان الله تعالى إذا احب عبدا ابتلاه ، فمن رضي فله الرضا ومن سخط فله السخط ،، ان كان هناك فسحة للعودة وكنتي راغبه لها فاستخيري واسألي أهل العلم في مسألة تلفظ زوجك بالطلاق في مجلس واحد أما ان لم يكن هناك فسحة عوده وفي كل الأحوال هذا قضاء الله وقدره ،واشكريه ،واجتهدي بالدعاء في هذا الشهر الفضيل كان الله في عونك |
رد : طلقني
يا اختي استهدي بالله الان وقومي كلي لك لقمتين
وحاولي تطردي الموضوع عن بالك قد ماتقدري دي اليومين لانك ماراح تقدري تفكري بشكل صحيح كدا. وبعد كدا نتكلم ان شاء الله وربي يسهلها. |
رد : طلقني
انا بديت اشك انه طاق ابرة عشان ما احمل ومايبغى ينفضح
وقسم بالله لو اعرف طاق ابرة لا احرق روحه وسيارته تحت وعندي المفتاح لو ماجا تفاهم معي لا ادخله بجدار وافضحه ماعاد في طيب معه خلاص مانفع معه اي تعامل لئيم لازم يتعامل بلئمه |
رد : طلقني
الله معكي حبيبتي لمسة.. لا تحزني إن الله معنا..
حاسة فيكي وكأنك أنا هجر وبخل وقهر وووووو.. حسبكي الله هو نعم الوكيل فيه، حتى ولو ما خلفتي منو لا تزعلي لعل الله أراد بذلك خيرا.. لا تتحسفي ولا تحزني ما شفتي معاه إلا الويل.. الله يعوض عليكي ويرزقكي من حيث لآآآا تحتسبين.. |
رد : طلقني
رددي اللهم أجرني في مصيبتي واخلف لي خيرا منها
وأفوض أمري إلى الله إن الله بصير بالعباد اتركيه لله سيريك فيه عجائب قدرته. |
رد : طلقني
على طول طلاق وبكل مرة وش هذا ياربي
افهموني ترى تعبت فيه تعبت ورب الكعبة تعبت عشان تمشي حياتي وتسير المركب الحين انا مابيه والله مابيه بس لازم يكمل معي العلاج حملت ماحملت يكمل وعقبها طلاق ابدي بس انه يمكر بي بهالطريقة انا ابغى اوصل لهدف هل فعلا طاق ابرة عشان ماحمل اذا كذا تاكدوا اني راح احرقه وهو واقف وقسم بالله لو اطلع بالقنوات افضحه واهد حليه مثيل ماهد حيلي الحين سيارته واقفة تحت ان ماجا من هنا للعشا ورب الكعبة لا احرك السيارة من مكانها خلي الدورياات تمسكني وينفضح على الاقل ان طلق يكون شي قوي ماهو تعدى علي ظلما وعدوانا لازم اسوي معه حركة انه تعود اني اتكلم بدون فعل |
رد : طلقني
لا تطلعين من البيت لين تتأكدين من صحة عدد الطلقات بأنكم تسألون دار الافتاء
اختي بالنسبه لسؤالج عن الابره... بصراحه اول مره اعرف ان في ابره يستعملونها لمنع الانجاب للذكور.. صحيح في دراسات حول هالموضوع... بس كدواء يُستعمل؟ هذي اول مره اسمع عنها... حاليا اللي اعرفه ان منه الحمل للرجل يكون ب3 طرق... العزل... استعمال العازل... عملية التعقيم... غيرها مافي على حد علمي.. الابر بس دراسات عليها... استهدي بالله شوي... و فكري عدل في اللي صار... |
رد : طلقني
استهذي بالله اختي العزيزة وقومي افطري وتمسكي بالله وفوضي امرك لله
انها تعتبر طلقة واحدة مهما تلفظها ثلاث مرات وما فهمته انه طلقك من قبل المهم احسبي عدد المرات التي طلقك الله يعوضك خير عوض عزيزتي انت الان في حالة غضب شديد وفي حالة شوك استهذي بالله واصبري على ما اصابك ولا تفكري في الاولاد الان .. |
رد : طلقني
اسأل الله ان يعوضك خيراً
|
رد : طلقني
لا حول ولا قوة إلا بالله .
لا تنسي تقولي (اللهم أجرني في مصيبتي وأخلف لي خيراً منها) الله يعوضك يارب بسعادة الدنيا والآخرة تأكدي بأن الله يخبئ لك أفضل من حياتك مع زوجك .. وأن كل ما حدث خيرة ومكتوب في اللوح المحفوظ .. طليقك ظلمك بكل تأكيد وسينتقم الله منه .. في حديثك عنه أشعر بأنه صنم أو خيال رجل معك .. فالحمدلله الذي خلصك منه .. لا تفكري في الانتقام .. فقط استغفري وحوقلي ورددي الدعاء (اللهم أجرني في مصيبتي وأخلف لي خيرا منها) وتذكري ان الصبر عند الصدمة الأولى أسأل الله أن يربط على قلبك .. |
رد : طلقني
لاحول ولا قوه الا بالله
ياعمري كل شي للإنسان خيره وخيره انك ماحملتي منه عشان لاتصير مشاكل بعد الطلاق الله يعوضك خير يارب اكثري من قول لاحول ولا قوه الا بالله |
رد : طلقني
والي صبرته والي ضيعته من عمري يروح هدر
لازم يدفع الثمن لايمكن اخليه كذا يطلق بسهولة وبدون اي مقابل عشان لا يفكر يتزوج بعدي وعشان ابي اعطيه درس ان التعدد مو لعبة وبنات الناس مو لعبة انا طلعت اخذت اخر ابرة وبكرة عندي اشعة كنت بحرك السيارة بس واحد من الجيران موقف سيارته وراها ومقدرت اطلع اذا بيطلقي لازم زوجته تعرف كل الحركات الي كان يسويها وتذوق من الي ذقته خاربة وخربان جاهز بيتي لو سويت له ايش ماسويت مايطلقني بهالظروف بس زي الذيب ينتظر الفرصة عشان يمكر لي والله خير الماكرين اقسم بجلالة الله طابت نفسي منه وماعاد ابغاه بس فرصتي ابجربها وفي حالة اذا ماوافق يسوي تحليل كامل انه مو مسوي اي مانع بالنسبة للاخت الي تقول الابرة مو موجودة موجودة وولد خالي كان مسويها مع زوجته وكان ناوي يطلقها بس الله مكر به وحملت بالصدفة مع مدة انتهاء الابرة وكان يطق حقت ست شهور الي سنة او تعويض عن فلوسي وذهبي الي بعتهم عشان اثثت البيت وكل ريال خسرته يرجعه لي بالسنتي زوجي يحسب حساب للخبثاء بس الطيب يطغى عليه ماعاد في مجال اني احقر نفسي زيادة واطلع خسرانة من جميع النواحي بحرك السيارة واذا مسكتني الدوريات بقولهم مخليني بدون اكل ومايبغى يشوف طلباتي بيسجنوني .؟ انسجن ماعندي مشكلة بس اذا طلعت ذبحته وش راح اخسر اكثر من الي خسرته لون بشرتي تغير صحتي ضاعت سلب مني كل انواع الراحة والاستقرار اذا جتني الدورة وانتم بكرامة يصير هو الي يحيض معي وانا الي اجلس اداريه مايسوي لي ادنى اعتبار الابر ذبحتني لاجيت انزل من السيارة ونزلت بهدوء يقولي وشفيك زي العجيز طيب انا تعبانة مايقدر سافرت معه نكد علي حياتي ضاع جواله بالسفر جيت له جوال جديد وقلت اعتبره هدية اذا هو اعتبرني رخيصة وادفع من جيبي انا الحين بدفعه ثمن كل شيء |
رد : طلقني
لآآآ تخافين ولآآآا تجزعين أختي لمسة فيه رب كبييييييييييييييير، راح تشوفين حقك بيخلص منو في الدنيا قبل الآخرة..
حسبي الله هو نعم الوكـــــــــــــــــــــــــــيل ولا حــــــــــــــــــــــــول ولا قــــــــــــــــــــــــــــــوة إلا بالله العــــــــــــــــــــــلي العظيـــــــــــــــــــــــــم |
رد : طلقني
قسم بالله احس بداخلي شر اتجاهه لئيييييييييييييم
ورب الكعبة لئيم مسكر جواله وجالس يشيك على الواتس ماعمره كان لي ردة فعل من يوم تزوجته بس هالمرة ابعلمه اشلون يلعب في حسبتي بكل مرة ماراح ادخل اي احد لا من اهلي ولا اهله اصلا العالم تعبوا انا الي راح اتصرف معاه بصير نذلة ووقحة يمكن اخذ حقي |
رد : طلقني
حلو اتصرفي على هواج . . انتي معاه ست سنين فتره كافيه تمسكينه من ايده اللي تعوره
|
رد : طلقني
اقسم بالله مستعدة اسخر الي وراي والي قدامي وان ماطلعت بنتيجة اهم شي اشوشر على حياته
امتص مني احلى السنين راح امتص اخر قطره بدمه |
رد : طلقني
يا أختي أستهدي بالله ورب الكون مايستاهل غيظك ولا همك ولا زعلك ولا أن يرتفع ضغطك ولا أحد يستاهل إلا أمك وأبوك أما غيرهم وكلي أمرك لله تبين تنتقمين أنتي أو تقولي حسبي الله وعم الوكيل اأنا لله وانا إليه راجعون اللهم أجرني في مصيبتي واخلف لي خيرا منها تبين العوض والراحة وكلي امرك لله ويعوضك ربي بكل خير وهو بيلقى حسابه دامه طلقك وما ودك فيه خلاص لا تتعبين نفسك وتفكرين بخطط وانتقام وغيره خذيلك شاور بارد وتوضي وصلي ركعتين وادعي الله واشكيله بسجودك وشوفي كيف بعد هالركعتين والدعاء يبرد الله على قلبك ...أما العوض والانجاب والخير فليس بيد زوجك إنما بيد الله خزائن السماوات والارض بيده سبحانه أن يرزقك زوجا واولاداً وأموالا ويعوضك أفضل مما فات لإانظري للامام فقط وفقط بدون ندم على ماقدمتي من خير ...
|
رد : طلقني
مو انت اللي تنتقمين، فيه رب هو الحكم وهو المنتقم الجبار
كل ما عليك الان هو مداواة نفسك ، ومحاولة التخلص من المشاعر السلبية اللي بداخلك وهذي ما يطردها الا القران رالرقية تأكدي لو ربي كاتب لك الخلفه رح يجيك الضنا لو عمرك بالخمسين حاسين فيك ، بس ما نبيك تخسرين نفسك عشان شخص اناني |
رد : طلقني
مايجس بالنار الي رجل واطيها
انا الي دفعت الثمن انا الي كان بامكاني ابيعه مع اول خيانة لي وصبرت وكنت اكرم منه وقلت بكرة مع الايام يتعدل اول شهر زواجي منه جاب العيد وتعرف على وحدة بسفره من وقتها وانا مصدومة فيه ولا اقرى فيه الامان وقلت يابنت تحملي ترى اغلب الرجال كذا ويمكن يتعدل ويمكن ويمكن سنة ورى سنة والعمر يجري والله لو عشت معه سعيدة والله كتب الفراق نتفارق بسلام اما يخليني اخذ ابر وهرومونا واخسر فلوس لا انا سبق وطلبت منه لا يطلقني لين اخذ فرصتي في الحمل حتى لو مانجحت العملية المهم اجرب ولا تقعد حسرة بقلبي وان حملت اعيش مع ولدي وهو في ستين داهية عنده عياله وانا وش عندي ان طلقني بدون ثمن راح يتزوج غيري ويمكن يروح متعدل لها اول شي يثبت لي بالتحليل انه مو طاق ابرة اذا مايبغاني اسوي العملية ومصمم على الطلاق عساها تجي في كل اهله يعوضني بفلوس وعن ذهبي الي بعته كل قرش خسرته يعطيني اياه ويقلب وجهه من يوم تزوجته وهو يقول عنده ديون وقروض الحين يوم قرب يخلص الدين اتركه يتوسع براحته وانا مصيري الطلاق لا والله لو على موتي احدد له مبلغ يعطيني ياه كتعويض عن الي خسرته والاثاث حق بيتي كله لي ابيعه احرقه شي يرجع لي يبغى محاكم قضايا مستعدة بنت الاجواد مانفعت معه خليني اصير نذلة يمكن اخذ حقي |
رد : طلقني
لمسه في حرقة الظلم قولي حسبنا الله ونعم الوكيل
بكيت معك متاكده ربي بينصفك حاسه بقهرك حاسه فيه يالغاليه |
رد : طلقني
اسال الله ان يعوضك خيرا
وعسى ان تكرهوا شيئا ويجعل الله فيه خيرا كثيرا اختي انصحك الا تتصرفي بغضب وانت تحت الصدمة اصبري يومين ثلاثة الى اسبوع ثم قرري ماذا تستفيدي ان كان اخذ موانع ام لا فقد طلق خصوصا ان اعتبرها القاضي ثلاث لن تستفيدي شئ فوضي امرك لله وتصرفي بعقلانية والمظلوم له دعوة مستجابة |
رد : طلقني
اهدئي ياغالية
اهدئي اهدئي تعوذي بالله من جميع الشياطين (لاتحسبوه شرا لكم بل هو خير لكم) (لاتدري لعل الله يحدث بعد ذلك أمرا) الله يربط على قلبك بالصبر الجميل |
رد : طلقني
حرقني شوى قلبي فوق شواية
جالسة لا اكل ولا شرب واهلي بعيدين عني ماراح اتنازل عن حقوقي ذهبي كنت اروح السوق ابيع خاتم ورى الثاني وماكنت ابيه يحس عشان لا اجرحه انا باللقمة له وهو بخنجر يطعن قلبي فيه انا دقيت على زوج اخته بحكم انه صاحبه وقريب منه عشان يوصل له وش ابغاه لاني جالسة ادق عليه مقفل جواله وكل شوي يشيك بالواتس يموت بحرق اعصابي يهوى يلعب بمشاعري وناري راح توصله توصله هالمرة على كيفه يطلقني ويردني متى مابغى جسمي كله منتفخ بالابر والهرومونات حالتي النفسية يعلم بها علام الغيوب وفي اخر المطاف يقول طالق لو فيه ذرة رجوله ماطلقني لين يشوف وضع العملية على الاقل ويقول انا عطيتك فرصتك والان ماتفاهمنا روحي الله يستر عليك والله عادي وانا سبق وقلت له انظرني لين اجرب العملية بس يوم شاف الوضع بياخذ المجراه الصح دبر لي الطلاق اقسم بالله يوم الدكتورة قالت البويضات هالمرة ممتازة حسيته زعل مايبيني احمل يبي يضيع وقتي وحياتي بدون فايدة اشهدوا وانتم خير الشاهدين ورب محمد وموسى وعيسى ورب من رفعها سبع وخفضها سبع ان اتضح انه كان مانعني هالسنين من الحمل لا احرق روحه وايتمه عن اولاده وهذاني جالسة اعترف بهالمنتدى على نفسي خلاص خار صبري ولا بقى فيا حيل عطيته كل ما املك وقابلني بالجحد والنكران واللئم وانا ماعاد ابي اكمل حياتي معه لاني لو استمريت على هالحال حتى لو رجعني راح ارتكب فيه مصيبة بس اتاكد انه ماضحك علي هالسنين يكمل العملية ولا تعويض مادي ان صرت معه كريمة هالمرة واستغنيت عن حقي اسال الله انه مايرحمني برحمته |
رد : طلقني
اقتباس:
لا تتخذي أي قرار ولا تقولي أي شيء ولا تدعي عليه او على نفسك وانتي بهذي الحالة حالة الغضب اعطي نفسك بعض الوقت او كم يوم حتى تهدئي و ترتاحي ولا تنسي صحتك اهم و قبل كل شيء ولكل حادثٍ حديث صلي ركعتين و هدئي من نفسك اولاً بعدها الاخوة و الاخوات ان شاء الله ما بيقصروا معك و بيعطوك الحلول و بيضلوا معك خطوة بخطوة الله يوفقك و ييسر امورك |
رد : طلقني
أرجووووووووووك ياغالية اطلعي من النت وروحي كلي واشربي
ثم توضي وصلي ركعتين وادعي في سجودك ثم نامي وارتاحي الله يريح قلبك ويطمن بالك. |
رد : طلقني
ادعي عليه يا امين انت مجرب الحب والي يضحي
انت مجرب التضحية ومجرب الي مايتجاوب معك ويحس فيك سلب مني كل حقوقي سلب مني راحة بالي يبي يتحداني وكل مرة اترك له المجال ويذلني بس هالمرة انا اتحداه مسكني لحم ويبي يفكني عظم لو تشوف يا امين نظراته فيا وتقارن نظراته بالي يطالع فيهم برى قمة الحقارة والاهانة الله يصيبه |
رد : طلقني
يابنت الحلال اخذيلج شاور وصلي العشا والتراويح وتالي فكري شو بتسوين من خلصنا تراويح عندنا في بوظبي وانتي ماريحتي بالج اللي راح راح فكري يابعقل شو التصرف المناسب له ردي فلوسج وتالي فكري بخراب بيته مثل ماتقولين يوم انج بتاذنين بالخرابه بروح صوتج ردي عافيتج وتالي ردي اعتبارج لاتنسين الله فوق كل شي وبناته ماضرنج انتي اللي رضيتي في ابوهن يعني يوم طاح الفاس ال في الراس قمتي تدعين عليهن وتصيحين تبين ضنى في الاخر
|
رد : طلقني
يا بنت الناس كل شي بالدنيا يروح حتى الروح
الله لا يسخط علينا |
رد : طلقني
كما تدين تدان
ابيه يحسها باقرب الناس له عشان يذكرني مع السنين اعتبروني ظالمة الي تبونه بس ابيه يحس باللهيب الي حرقني فيه يذوقه بحياته اذاني بحياتي كثير اذاني بقلبي ومشاعري جرحني بكل مافيه من قوة وعنف ماعاد يهمني الحين اكون ظالمة ولا مظلومة اهم شي ادفعه الثمن |
رد : طلقني
اشعر بك جدا واود لو اني بجانبك ولن اسمح لك بالحديث فقط ساحضنك لتبكي حتى لا يبقى بجوفك حرف
وانت بخير كبير انت لا ترين الامور كما يراها الله فانت ترين انثى تحب وقوبلت بالغدر والخيالنة ممن تحب والله يرى امة اثابها سبحانه ببلاء والصبر في المرة الاولى ليسكنها جنات رضا في الدنيا هي اجمل من كل الجنان قبل الاخرة تختلف الحسابات بيننا وبين الله جدا!لذلك عقد المقارنة اصلا فاشلة فقلبك بيد الله هو فقط من يصلح عطبه صدقيني لن نستطيع اوتستطيعي فعل شيئا ابدا! هو وحده القادر على كل شيء الانسان قلب وعقل قد تقتنعين بما اقول عقلا ولكن قلبك لايؤمن به لانه محروق جدا لذلك كرري ماهو بتوقيعك! فانت لم تضعيه صدفه الله امرك بوضعك لمثل هذا اليوم! حين يستكين قلبك بذكره سبحانه ساخبرك بامر واحد " لا تسمحي له ان يضع اخلاقك تحت وطئة ظلمه المتعمد عليك, الصبر عند المرة الاولى فانجحي باختبارك فمهما فعلت لتحرقيه لن تكوني اشد قوة من الله ) ان الله يحب الصادقين فاصدقي هذه المرةانت في شهر عظيم توجهي له فلو كنتما اخوه ظلم احدكما الاخر لاشتكى المظلوم امه فاحتكمت بينكما فكيف بالمهيمن بمن يعلم السر واخفى فقط ارفعي بصرك للسماء والان! هو يعلم لا تتمتمي حتى! انت في شهره!!! قلتِ بنفسك والله خيرالماكرين! هل تتوقعين ان معركة بدر وكان المؤمنون مجموعة قليلة امام جموع متعاظمه من الكفار عدد منطقي للانتصار! السبب يا رفيقتي ان الله افرغ على قلوب المؤمنين صبرا وجعلهم يرونهم قله و ايدهم بجنود من عنده فقط لانها امنت بقلبها قبل عقلها ان الامر كله لله مهما احترقت قلوبها بمصابها وافزع تلك القلوب المتعلقه بالانا والذات وحمية الانتصار و ادخل فيها الفزع والهم والرعب!!!!!! فقط لان الله ذو القوة المطلقة شمل من استعان به بقوته فاصبح ذوو القلوب الضعيفه يرون قوة المؤمنين هي ذاتها قوة الله! هذه القصصيارفيقتي لم تتلى لنا عبثا! هي ليوم مثل يومك! ابتعدي عن حسابات الخسائر والمكاسب والالصادر وماقد يورد انتصرتي بالصبر والتاني ولم تخسري شيئا بينما هو خسر انسانيته الدنيا الان تصرخ علىاذنك ببوق من الالم والقيمة الذاتيه وتريك صور ماضيه وحاضره ومستقليه تزهق روحك ولكن ارفعي راسك للسماء ستجدين حياة لا تشبه ما انت فيه اثق بان الله النور يرحمك الان جدا! جدا! |
| الساعة الآن 11:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©