300 ريال .. لا أحد يتريق بأذبحه ..
 

السلام عليكم و رحمة الله

بأكتب من الجوال .. عشان مع الحمل مافيا اقوم و أشبك اللاب توب ..

موضوعي لو حكيته أي أحد مابيصدقني او يتريقوا علي .. بس ماهموني :p
لانه القصص الي مثل كذا .. سبحان الله تتكرر معاي مرات .. ^^

و أفرح .. لاني أحس انه ربي شايف و حاسس بيا .. بطريقة مو اي احد يفهمها ^^

.
.

طبعا زوجي ظروفه المادية .. نوعا ما .. ( صورة يد .. و اصبع الابهام على تحت )
و يكررررررف بالعمل .. و انا تاركته يسدد ديونه و الي يقدر عليه من مصاريف البيت ..
الله يجزاه خير ..

المهم .. اني بأصرف من راتبي بالطريقة الي لا افراط فيها و لا تفريط .. ( نصيحة البليغ ) ^^
و مع كذا .. لازم انكد عليه شوي بين فترة و فترة .. ههههه عشان لا يتعود عالكسل و يعرف انه وراه مسئولية ..
و نكد اهم شي :D

.
.

ماراح اطول بالمقدمة .. بس عارفين زوجي و عارفيني و مايحتاج .. ^^

اليوم كذا .. جات براسي و قلت خليني افتح جيوبه و اشوف ايش فيها و مع انها مو عادتي
بس يستاهل عشان مرة تانية .. ما يفتح شنطتي و ياخد فلوس من غير ما اعرف ( زمان طبعا بس دحين مايقدر )

لقيت فيها 500 كاملة ..
و 450 .. و عشرات ..

و هو الصراحة لو طلبت منه شي .. راح يجيبه لي ..
و كنت طالبة بس يجيب لي (عيش صامولي) و عشان كذا فكة العشرات ..

هو يا يكون خلص شغلة معينة لاي واحد او تدينها .. الله اعلم ..
و انا بعادتي ما اكلف على زوجي و لا اطلب منه شغلات كبيرة ..

هذا اللي يقهرني فيه ..
بس مو مشكلة .. طنش تعش تنتعش ..

.
.

الحمد لله ماني محتاجة لفلوسه ..

بس كذا .. جات براسي وقتها
( ليش ما تاخدي من جيبه 300 ريال ..
قيمة الجهاز الفلاني الي اشتريته و تركه عند صاحبه .. و كل ما اساله عنها يقولي بكرة بكرة )

قلت خليني اكون باردة مثله .. و اخبي ال 300 و لما يسألني .. اقول له (مادري)
مثل ماهو يعمل معايا ..

.
.

شلت ال300 و خبيتها .. بس كذا ..
اصلا مستحيل اصرفها او اخدها .. عارفة نفسي و هو عارفني ..

الحمد لله ماني مثل أهله
( بس خليني ساكتة عشان رمضان )
:D

.
.


المهم .. هو كان نايم .. و انا رحت المطبخ و انشغلت ..
و مر وقت طويل .. من الساعة 12 الظهر لحد 5 العصر ..

و انا و لاهمني و لا على بالي ..
و مجهزة الرد البارد و اللامبالي .. و التطنيييييش و اسلوب المداراة و المراضاة بعد زعله ..

يعني مجهزة العدة :D

.
.

عالساعة 5 العصر او 4 و نص .. جيت اصحيه ..
عشان قبل امس .. كنت ابكي .. لانه مو راضي يخلص لنا مليوووووووون شغلة ..
و كلها واقفة عليه .. و هو كل يوم بكرة .. و وقتها بكيت من جد
.. و قلتله (تحب نفسك .. اهم شي نفسك و خلاص .. و نحن ولاشي )

طنشني و لا كأني كنت اتكلم ..

.
.

بس نفس اليوم الي سحبت من جيبه 300 ريال ..
قاللي صحيني بعد العصر .. نروح المحل الفلاني نشتري الشي الفلاني ..

قلتله طيب .. و جهزت اولادي و انا كمان تجهزت ..

و جيت اصحيه ..

.
.

بارجع .. بس انزل الرد قبل لا يطفي الجوال

رد : 300 ريال .. لا أحد يتريق بأذبحه ..
 

هههههههه اضحك اكملي يا اميره

قلت ادخل اطمن فوجدت موضوعك

هههه

رد : 300 ريال .. لا أحد يتريق بأذبحه ..
 

المهم ..

جيت بأصحيه .. و طالعت فيه ..
و فكرت مع نفسي !؟؟ و قلت ..

- يعني دحين راح يصحى .. و يلاقيه فلوسه ناقصة و بيزعل ..

- ماراح يفهم انا ايش كنت اقصد ..
و اني ابغاه يحس لما يفتش شخص شي يخصك و ياخد فلوس من غير ما تدري..

- فكرت .. انه الرجال عقولهم صغيرة .. قد النملة ..
و تفكيرهم على قدهم و مايفهموا الا الشي اللي يبغوا يفهموه ..

معناها ..

*. راح أجيب النكد لنفسي و للاولاد .. عالفاضي ..
*. راح يزعل و مصيري اراضيه .. و اشرح له ..
*. راح تتنكد الخرجة و ممكن مانروح نخلص المشوار .. و ماخرجنا بأي فايدة ..

*. راح يتعلم يخبي فلوسه عني .. مثل ما يخبي عن أهله .. لانهم مايبقوا قرش معاه ..
*. راح يترك فلوسه في السيارة او اي مكان .. المهم راح يربط بيني و بين اهله .. مع انه هناك فرق في المبدأ ..
لكن هو متعقد من اهله .. لانهم مايتركوا معاه ريال ..

*. اخر شي .. قلت حرااااااام .. خليه ينبسط بفلوسه .. جات على كم مية !؟؟؟؟؟
*. و قلت الشيطان لا يفرح ..
*. و قلت .. لانخسر بعض عشان فلوس .. خلاص انا باصرف اكثر من كذا ..
بس كانت الحكاية؛ حكاية مبدأ و فكرة اوصلها له .. بس ماراح يفهمها ..


*. اخر شي .. قلت ربي شايف و هذا كفاية ..
و خليني اكبر دماغي .. و طنشييييي .. ^^

.
.


رجعتها مكانها ال300 .. و صحيته ..

اخدنا الاولاد .. و خرجنا عشان نخلص شغلة معينة .. صارلي استناها اكثر من شهر ..

.
.

المهم ..

صارت اشياء و ما اهتميت و لا دققت فيها ..
بس نمت بعد العشا .. و صحيت ..

و جلست افكر بأحداث اليوم ..

و سبحان الله ..

.
.

لما تفكرت بها ..

لقيت انه ال300 الي رجعتها لزوجي و مكانها ..
انه اليوم بالذات (زوجي صرف 300 ريال بالضببببببط علي و على اغراض لي )
!!!!!؟

.
.

1. رحنا محل الاجهزة .. و اشتريت مكيف صغير صحراوي للبيت و دفعت فيها 400
و زوجي دفع الباقي 40 ريال من عنده ..

المكيف احتاجه من زمان .. عشان اولادي جالسين بالصالة و مافي تكييف ..
المكيف عطلان و حررررر .. و نبغى ننقل من البيت ..


:::::::::

2. النت مقطوع من ثلاث اسابيع عشان زوجي وعدني ننقل و هناك اعمل اشتراك جديد ..
اليوم من حاله .. راح و اشترى لي بطاقة نت .. و ب 100 ريال . دفعها من عنده .



::::::::::::::

3. كان باقي للسواق 45 ريال .. و طلبت من زوجته تطبخ لي سمبوسة ب20 ريال ..
و لما جاء السواق .. ارسلت الشغالة و معاها 65 ريال .. شفتها رجعت لي الفلوس ؟
قلتلها ما اخد الفلوس ؟

قالت لي .. زوجي جاء من برة .. و شاف السواق و دفع له ال 65 ..

.
.

صار المجموع ..
40 + 100 + 65
205


( بأحسبها .. عشان متعجبة بجد )

.
.

4. اشترى مقاضي للبيت و فطور .. كلها تقريبا ..
على بعضها .. من موية و عصير و بطاقة شحن جوال .. الخ
80 ريال

يعني انصرف منه بحدود 300 ريال ..

.
.

الي كنا راح نتخاصم بسببها .. و يزعل مني ..

.
.

بس رجعتها عشان ربنا و قلت خلاص ربي شايف و ارمي ورا ظهرك ..
و ما ابغى انكد على زوجي .. و فكرت بالنتايج ؟

شفت انه مافي فايدة .. غير الهبال .. و تنكيد النسوان :D
و الأذية الخاصة بي ..

يقوللي زوجي مرات ..
ما تبطلي أذية .. ابدا !؟؟؟

ارد عليه .. تعلمتها منك :p

.
.

يارب اكون قدرت افيد غيري ^^

رد : 300 ريال .. لا أحد يتريق بأذبحه ..
 

خالة جرين

ربي يجعل السعادة دايما في حياتك حبيبة قلبي ^^

.
.

تدري انه مرات كثيرة .. يكذب علي و اتعامل معاه بحسن نية و اصدقه و اكذب نفسي ..
و اقول له .. عادي .. لو تكذب .. ربي ترى يكشفك من غير ما ادور ..

و اخر مرة .. شفت في الحلم ..
اني دخلت سيارته و لقيت شي ..

قمت من الحلم مستغربة من الحلم ؟
بس قلبي وجعني في الحلم .. حسيت فيه شي ؟؟؟؟

.
.

ههههههه لما احكي لاخواتي الحركة الي عملتها .. يضحكوا و يقولولي مجنونة بجد .. :D

اخدت مفتاح سيارته و هو نايم ..
عشان شفت في الحلم .. اني شفت شي في سيارته و قمت مفجوعة ..

لقيته مخبي بالسيارة (باكيت سيجارة)

طبعا .. زعل هو من الحركة الغير متوقعة مني :D
و مايصدق انه شي في الحلم جاني .. و سمعت صوت يقولي ( روحي شوفي سيارة زوجك )

يحسبني .. كنت استناه ينام .. عشان اخد المفتاح و افتش من وراه ..

.
.

مرات يقول لي ..
انت ولية من اولياء الله :D

.
.

بس بجد ..
ما أدور وراه .. و كل شي ينكشف قدامي .. على قد مايحاول يخبي ..

طبعا طلع انه يدخن من سنوات بس الفترة الاخيرة بزيادة و لما كنت اساله .. كان يقول اصحابي بالمكتب او بالسيارة يدخنوا ..
و الريحة تمسك فيه ..

في البداية بكيت و انهرت .. انه كيف كذا يكذب و بمهارة و تمثيل و اكذب حالي و اصدقه ؟

.
.

بس ماهمني .. صرت اقول له ..

سنتين بالكثير .. و اترمل و اولادك يتيتموا ..

هو عارف اني متعقدة من التدخين عشان ابوي الله يرحمه
مات بيبب التدخين و هو شاب لسى ..

.
.

بس بكيييييييفه ..

لكن بجد ..
ماني عارفة !

ايش الصوت الي جاني بالحلم و قاللي شوفي سيارة زوجك ..!؟؟؟؟؟؟

و افتكر نفس الصوت مرة جاني .. و صحاني الفجر ..
قاللي .. و انا نايمة .. قومي صلي الفجر ؟

.
.

الحمد لله .. طبيعية مية مية ..
مافيا امراض و لا وساوس و لا عين و لاشي ^^

.
.

المهم بالنسبة للتدخين ..
عليا اني ادعي له .. و انه مايستخدمه قدامي و لا قدام اولاده ..

رد : 300 ريال .. لا أحد يتريق بأذبحه ..
 

الهدف من الموضوع

اني ارمي كل شي على ربنا .. و اثق فيه ..
و ربي مايخيب ظني ..

يجيني الشي جاهز ..

^^

رد : 300 ريال .. لا أحد يتريق بأذبحه ..
 

سوواا نفسكم ما شفتوا ولا قريتواا شيء

رد : 300 ريال .. لا أحد يتريق بأذبحه ..
 

ممكن توضحي اكثر ¿¿¿¿

رد : 300 ريال .. لا أحد يتريق بأذبحه ..
 

احس انو زوجك طيب وانتي اطيب منه بس في احد حاسدكم على طيبتكم
حاولي انك تشغلي سورة البقره في البيت وبخري بالحبه السوده وافتحي الشبابيك
والله من وراء القصد

رد : 300 ريال .. لا أحد يتريق بأذبحه ..
 

مافي عين و لاشي ..

خليه يحافظ على صلاته .. و مايجمعها و لا ينام عنها و يأخرها ..

و خليه يحافظ على اي عمل يشتغله .. و مايغيب و لا يسهر و ينطرد كل مرة من كل شغلة ..

.
.

انا الي مكبرة دماغي و مشترية راحة بالي ..

جبت بيت و رحت اشتري اجهزة بقيمة 30 الف اقل شي للاجهزة .. ايش باقي اعمل ؟
ومع كذا .. استناه متى يتحرك و ننقل .. صاحب البيت الي نحن جالسين فيه ؛ بيهدد يجيب شرطة ..

لا زوجي الي بيدفع الايجار له و لا الي يدفع الفاتورة ..

يقول لي .. اجلسي انت و الاولاد فيه .. و تفاهمي مع صاحب البيت و ادفعي له الايجار و خلاص انا ما اسكن معاكم !؟

و اهله مع كذا .. مايخجلوا و يسكتوا ؟
شايفين اني زوجة الولد العاقة .. عشاني رافضة اقدم لحماتي قرض ب300 الف ريال باسمي ؟

مافي عين ياخوي ..
بس اكبر دماغي و اشغل حالي بالاشياء لحلوة بحياتي .. عشان أعيش ..
و عشان عارفة افكر صح ..

و ما اضيع وقتي مع اشياء ما راح اقدر اغيرها ..
صحتي بالدنيا و اولادي و اهم شي .. اني ما أزعل ربي ..

هو لو بيضر نفسه و يمشي مع اصحاب سيئين لا سمح الله ..

فالشي هذا لنفسه .. انا ماني خسرانة شي ..
لو ما ارتحت لحياتي معاه .. الحل سهل جدا ..

ليه اعقدها و اصعبها على نفسي ؟
المهم .. ما اورط نفسي بشي و لا اعيش مغفلة و لا ارتبط عاطفيا و نفسيا به ..

فأنا بأسعى للشي هذا .. اني اعيش لنفسي و لاولادي ..
و هو لو يبغانا .. يعرفني اول وحدة ماراح اتخلى عنه ..

لكن وقتها راح افكر بعقل مو بقلب ..

.
.

مافي عين و لا حسد ..

غير عين أمه ..

لانها تنبسط لما تشوفه متضايق و تحس فيه شي ..
و تتضايق لما تشوفنا مرتاحين ..

رد : 300 ريال .. لا أحد يتريق بأذبحه ..
 

لاحشى موب عاقه 300 الف ريال قرض مع فوايد بتكسر ظهرج الواحد موب ضامن نفسه باجر وبعدين الام دايما تغار من زووجه بجرها اكيد زووجج فرحتها الاولى لاتلومنيها وسايريها على كثر ماترومين احتراما لعمرها بس دين بو دين انسيه

رد : 300 ريال .. لا أحد يتريق بأذبحه ..
 

رد : 300 ريال .. لا أحد يتريق بأذبحه ..
 

هذا الموضوع درس لكل زوجة تشكك في نوايا زوجها المخلص العفيف الطاهر ..

رد : 300 ريال .. لا أحد يتريق بأذبحه ..
 

هههههه روح يا حلوك وحلو مواضيعك

الا كل شي صوب ....... والعنوان صوب ثاني

قراته اكثر من مرة ولا فهمته هههه
والحين حتى فهمت الكلمة (( يتريق )) .....هههههههه


ما عليه معذوره صايمة وضايق خلقي حدي
الحمدالله الحمدالله الحمدالله




والله ان تصرفك ...رجعتي الفلوس كان كده
:17::17:
ما عليه احسبيهم عشرة ...اكتب من جوال وطفشت حتى قدرت احط لك 2 هههه





الحمدالله انك رجعتيهم اول ما قرات انك اخذتي ههه 300
وقف قلبي وقلت شنو لك بهذي الدوخة يا روح

لكن الحمدالله طلعت الفلوس لكم وانصرفت عليكم
وقضيتوا كم ساعه بوناسة و راحة بال


بدل الزعل وال......... الدوخة


ما شاءالله عليك
تصرفك عين العقل

رد : 300 ريال .. لا أحد يتريق بأذبحه ..
 

رد : 300 ريال .. لا أحد يتريق بأذبحه ..
 

تعرفين يا روح... كلما اقرى مواضيعج... اتأكد ان رفضي للزواج من أكثر من شخص صحيح... و ان طلبي بأن أتزوج ب"رجل حقيقي" هو صحيح.. مب رجل أُجبر معه اني أعيش معاه و أعطيه حقوقه كزوج و أربي العيال و أهتم في البيت و في نفس الوقت أستمر في وظيفتي وأصرف على نفسي و كل التغيير اللي يطرأ على حياتي هو أن مسماي أصبح زوجه و ممكن يصير عندي اولاد...

لا تزعلين مني يا روح... يعلم الله اني أقدرج... بس سبحان الله... الناس قدرات.. و انا أعرف قدراتي.... ما أقدر أعيش مع رجل داخليا راح استحقره لانه ما يؤدي دور القوامه... مره ثانيه انا يالسه اتكلم عن نفسي... تفاجأت وايد في اللي تقدموا لي... تفاجأت ان الاغلب يبي موظفه علشان "يفتك" من مصاريفها و "تساعده" في التزاماته.... الغريب هو انهم ما توقعوا اني ابي استقيل بعد الزواج!!!!!

هل فعلا لازم ادفع علشان اتزوج و اصير أم؟ مجرد تساؤل يدور في خاطري و صار له يدور فتره طويله..

رد : 300 ريال .. لا أحد يتريق بأذبحه ..
 

او يمكن انا عايشه في عالم الخيال و المثاليات...

لا تزعلين مني يا روح... انا اتكلم عن نفسي...

رد : 300 ريال .. لا أحد يتريق بأذبحه ..
 

ابشرررررررك يا محامي زوجي .. ^_^

قال لي اليوم و أنا بالسيارة ..

أمس دفعت 100 قيمة الشريحة حقة النت
و 65 للسواق

قلت له طيب ؟ :25:

قال لي : تعطيني هيه في الليل اليوم ؟
قلت له طيب ..

قال عشان تصفية حسابات العمل ، قلتله كيف ؟
قال لي ( فلوس حقة العمل ) ..

.
.

يعني ياخوي التائه قلبه ، ردي يرد لك قلبك عاجلا غير اجل ..

أنا اللي على نياتي و جاية منزلة موضوع و فرحانة بعمري ..

.
.

حتى سألني عن الـ 50 ريال اللي طلبتها أمس منه ( عشان ما كانت عندي فكة )
و اشتريت بها ( 3 جوالين موية للبيت من شركة نستلة :d )

و بقيت لي 26 .. ^_^

.
.

ترى أنا ما بأتكلم عن مصاريف صرفها على كماليات لي ..
لاحظ الشي هذا .. : )

على مصاريف من مسئوليات الرجل ..
فلا تظلم النساء .. :25: و خليك منصف .. :18:

رد : 300 ريال .. لا أحد يتريق بأذبحه ..
 

بنت أبو ظبي ..

حماتي ، ما تفكر في ولدها .. بالعكس، كل ما توظف في وظيفة ..
تحسب متى ينزل راتبه ، عشان ما تبغاه يصرف ( قرشه واحد علي أو على أولاده )

و لما تعرف إني حامل ( كأنه مصيبة نازلة على راسها ، و لا كأنه ولدي بياكل من مالها ؟؟؟؟ )

.
.


لو أسبها و اشتمها عيني عينك ، بس أعطيها بالمقابل ( فلوس ) ..
راح تشوفني ملاك ..

بس أنا ألحين خلاص من المغضوب عليهم ، و في البلاك لست ..
لإني اخر مرة ، أعيطتها بصراحة و على بلاطة ( أنا ما أكفل + ما أطلع قرض بإسمي + ما أعطي دين )
و كفاية همي و هم زوجي و هم أولادي .. و ما أورط حالي بأشياء زي كذا ، و ورايا بعثة و مستقبل ..

ليت ألف أو ألفين ..

مئات الألوف ؟؟؟؟؟؟؟؟؟؟

ليييييييييييييييه .. خير ؟؟؟؟؟؟؟؟؟؟؟؟؟

أمي جابتني للدنيا و تعبت علي ، عشان اشتغل و اصرف عليها ؟

أولادي نور عيوني ، اصرف عليهم و ادللهم .. و مو خسارة فيهم .. : )
و دايما تنقهر لإني اهتم بأولادي ، و تقول لي ( أولادك بكرة ما ينفعوكي ، أهم شي زوجك )

و تدق على زوجي و تطلب منه ياخد من عندي فلوس

و نفسها هي ( تخرج بفايدة ) ..
بس تحلم .. ^_^

حتى هدية العيد ، ماني جايبة لها :p

رد : 300 ريال .. لا أحد يتريق بأذبحه ..
 

ملاحظة صغيرة ..

اعذروني ..

يمكن أسلوبي ساخر نوعاً ما ، لكن ما بين الأسطر ..
يوجد ألم و أنين .. :)

اسعد بقراءة مشاركة الأحباب ، و تواجدي معهم ..

رد : 300 ريال .. لا أحد يتريق بأذبحه ..
 

هههههههههههههه اضحك الله سنك ياروح ضحكت من قلب الله يسعدك ويحفظك ويصلح لك زوجك ويحفظ عيالكم ويهدي اهل زوجك

رد : 300 ريال .. لا أحد يتريق بأذبحه ..
 

تعديل مطبعي

رد : 300 ريال .. لا أحد يتريق بأذبحه ..
 

شايفتك ، خليته ..

مخلص :22:

عفيف :22::22:

طاهر ؟؟؟؟ :22::22::22:

متأكد ، إنك مو داخل موضوع غلط .. :26:

.
.

لكن نقول ( اميييييييين ) .. :25:

رد : 300 ريال .. لا أحد يتريق بأذبحه ..
 

روح الطير عجبني كثير تفكيرك
ذكية جدا اسم الله عليك
ابي اسالك ياروح الطير هل اذا ماكان عندك عيال كنتي راح تصبري على زوجك
وتتحملي انتي المسؤولية ولا تنفذي بجلدك مثل ماينصحوني االاخوات
حابة استفيد منك

رد : 300 ريال .. لا أحد يتريق بأذبحه ..
 

وعليكم السلام ورحمة الله وبركاته ’’’

ماشاء الله عليكِ تصرفكِ جميلة ينبع من شخصية تمتلك الكثير من الحكمة في تقضية أمورك ’’’حفظكِ الله ’’’

رغم مابين سطورك بعض الألم والأنين لكنكِ نعم الصبورة ’’

حفظ الله لكِ أولادكِ وجعلهم قرة عين لكِ ’’’وحقق الله لكِ أبلغ الأماني

رد : 300 ريال .. لا أحد يتريق بأذبحه ..
 

رد : 300 ريال .. لا أحد يتريق بأذبحه ..
 

بشرى .. مين قالك ما طلبوا

لو انه مجرد اعتذاري عن طلباتهم .. ينتهي ..
كان الموضوع تمام ..

لكن هي تعتبره اجباري علي .. و لما اعتذر بكل ذوق و احترام .. و خجل مني ..
و انتوا عالعين و الراس .. و اخدمكم من عيوني ووو الخ ..
بس معليه ماقدر على كذا و الاسباب كذا ..

تلاقيها انقلبت و طلعت وجهها التاني .. و تحاول تدور اي نقطة ضعف فيا ..
عشان تذلني .. بس الحمد لله الى الان ماهم قادرين يمسكوا زلة او نقطة ضعف فيا ..

عشان كذا باتضايق غصب ..

انسانة ما أذيتها و لا اسأت لها .. ليه تحاول تجرح فيا بأي طريقة و تنقهر لاني ما أبين لها اني متأثرة ..
و كله عشان اسباب .. ليت تقصير مني او قلة احترام ؟

عشان ماهي قادرة تستغلني ماديا !!!!!!!!؟
تموت هي و اولادها و بناتها عشان بيعرفوا كم راتبي ؟
و كم مرة سألتني بالتلميح و التصريح و اقول لها .. اممممم يعني تقريبا !
كيف !
يعني .. مممم هاه ؟
استهبل :D

.
.

مابغى اتكلم عنها .. صدري يضيق كم يوم ..
بس نفسي اعمل الواجب معاهم .. و لما أوجب معاهم يبدأوا يحرجوني بطلبات زي كذا ؟
و زوجي يقول لي .. ردي عليهم انت ..

و لما ارد .. تقوم تعمل حركات نص كم ..
و ما اقدر اسكت لو غلطت علي وتجاوزت حدها بالغلط ..

يعني لما رفضت اشتري لها سيارة باسمي ..
و طبعا لو جات مخالفات ساهر .. غصب عني اسددها .. و لا ما اقدر وقتها اطلع جواز سفر لنفسي ..
و لا اقدر اسافر .. و لا اقدر اروح بعثة و مستقبلي بيتأثر ..

ليش اورط حالي باشياء انا في غنى عنها ؟؟؟؟
خلفتها و نسيتها ؟

.
.

الله يكفيني شرهم .. كم مرة كنت راح اوقع و اتورط بتوقيع اوراق ..
بس الحمد لله .. اقسي وجهي و اعتذر منهم ..

لكن مايتوبوا ..
نفسهم طويييييل ..

اخو زوجي يقول .. اعطي لزوجي 5000 كل شهر .. !؟؟؟؟؟؟؟؟؟؟
عشان يداوم عندي 8 ساعات يوميا و يبعد عن السهر ههههههه شر البلية ما يضحك ؟؟؟؟؟؟

يا أنا مجنونة وسطهم .. يا أنا وسط خبلان !؟؟؟؟؟

.
.

لكن ولدي يكبر و اعلمه كيف يكون سند لي بإذن الله ..

قلنا رمضان .. :D

مابغى اسمع سيرتهم لا بخير و لا شر ..

رد : 300 ريال .. لا أحد يتريق بأذبحه ..
 

روح والله وهاي حلفه ماحلفتيني اياها انه محد من خواتي ولا انا نعرف رواتب بعض ولا عمرنا سالنا جم تستلمين حتى اصلن عيب الواحد يطري هالامور لانها شي خاص فمابالج بخوات ريلج عيب عليهن مع احترامي لج يتدخلن في راتبج ها وانتي حرمه اخوهن ... الله يعينج والله بس احلى شي ساكنه روحج مفتكه من تدخلات الروتينيه الغاليه شورايج تعزمينهم على شاليه يوم واحد وتغيرون جو على حسابج ومن عقبها خبريهم انج مفلسه حتى لو موب مصدقين

رد : 300 ريال .. لا أحد يتريق بأذبحه ..
 

دوندورمة ..

بس رجعت له اليوم .. :D

قاللي ..
معاك الفلوس ؟

قلتله :
وي ؟ انت تعطي باليمين و تاخد بالشمال ؟
هذا و انا فرحت امس !؟؟؟؟ : (

قالي :
و الله عهدة عندي و حقة مكتب العمل .. و اتحاسب عليها ..
بس تعرفيني لو معايا ما ابخل عليكم ..

قلتله .. انا عارفة لو ربي اغناك ماراح تقصر معانا ..
مو كذا ؟

ابتسمت و طالعتله بنص عين ..

( لانه بياع كلام )

كم مرة يقول استني لما اتوظف و شوفي كيف اسويي و اسويي ..
و لما يستلم راتبه .. بيسدد ديونه ..

المهم ..
ماني متأملة شي من زوجي .. كذا اريح لي و اريح له ..

.
.

رجعتله فلوسه و قاللي خلاص ال50 كانت مني .. خليها معاك ..
قلتله خذها خلاص شكرا ..

رد : 300 ريال .. لا أحد يتريق بأذبحه ..
 

ما اقول غير الله يهديهم
ويسخر لج زوج وعيالج
ويطول بالج زيادة وتحترفين فن الاستهبال والتطنيش

الله يكون في عونج

رد : 300 ريال .. لا أحد يتريق بأذبحه ..
 

السلام عليكم

تصرفك رائع

بعض الأمور لو تعاملنا معها بنديه

لن نستفيد شي

والصبر والمداراه سبب لتجنب الكثير من المشاكل

شكرا على الموضوع

رد : 300 ريال .. لا أحد يتريق بأذبحه ..
 

بالفعل ..
جزاك الله خيرا على الموضوع
ومن ترك شيئا لله عوضه الله بخير منه

رد : 300 ريال .. لا أحد يتريق بأذبحه ..
 

الله ييسر اموركم و يوفقكم و يألف بينكم آمين

رد : 300 ريال .. لا أحد يتريق بأذبحه ..
 

رد : 300 ريال .. لا أحد يتريق بأذبحه ..
 

رد : 300 ريال .. لا أحد يتريق بأذبحه ..
 

حكيمة ما شاء الله تبارك الرحمن

الله يفرح قلبك ويسعدك يارب

بجد امرأة قليل وجودها في هذا الزمن

بس أحييك حبيبتي أنصرافك لتربية أبنائك تربية سليمة صحيحة
الله يوفقك على أكمالها على خير

رد : 300 ريال .. لا أحد يتريق بأذبحه ..
 

ياعسل كيفك وايش اخبارك
وحشتيني ووحشتني مواضيعيك

متى ناوية ترجعي بريطانيا ،، عندي امل انه ربي
يكتب لي اشوفك هناك، طمنيني عن حملك واولادك
وعرفتي البيبي بنوتة ولا لا ؟ 😁.

بالنسبة للموقف الي ذكرتيه
وبعد ما اخذتي الفلوس قلت يووه
اخذت ثلاث ميه الحين بتحطهم وقدهم تلات مرات عالبيت
وش استفادت؟؟ بس رجعتيها. احسن شي سويتيه
ربي يسعدكم ويبارك لكم في اولادكم ويقومك بالسلامة

رد : 300 ريال .. لا أحد يتريق بأذبحه ..
 

من ابسط حقوق المرأة بأن يصرف عليها زوجها وعلى ابنائه سواءً كانت موظفة او غير موظفة
استغرب من انتشار ظاهرة بدأت ألاحظها كثيراً و هي اشتراط الكثير من الرجال بأن تكون الفتاة موظفة عند الخطوبة

رد : 300 ريال .. لا أحد يتريق بأذبحه ..
 

ابلة بيتا ..

يسعدك ربي .. و انت بصحة و سلامة ..
فيه اشياء مانقدر نغيرها؛ اقتنعت بالشي هذا ..

احاول انشغل بنفسي و اصلح حالي اهم شي ..

رد : 300 ريال .. لا أحد يتريق بأذبحه ..
 

لكل شي حد ..

بالعكس؛ ليش ازعل ياحلوة ^_^
بس ترى كنت حريصة مثللللك قبل الزواج و لدرجة اهلي اقتنعوا اني وحدة رافضة الزواج ..
لانه نظرتي هي نفس نظرتك كانت ..
لكن لما ربي يكتب النصيب .. راح يصييييير يصير ..

.
.

من باب الانصاف .. و مثل ما قلت عيب زوجي من اتكاليته وووو الخ ..

*. فاهمة قصدك .. بس باوضح انه لا تتخيلي اني مجبرة عالعيش مع زوجي .. امي الله يرحمها كم مرة كانت تقول لي .. لو مو مرتاحة اتركيه و بيت اهلك مفتوح ..

و اخوي لو قلتله باترك زوجي .. بيوقف معاي ..

و الحمد لله ربي اكرمني و حصلت على بيت ملك .. و عندي وظيفتي و اقدر اعيش مستقلة بنفسي ..
و اولادي معاي .. لانه اهل زوجي اصلا لو صارشي لاسمح الله .. هما الي راح يعطوني الاولاد اربيهم ..

و هذا أكبر اثبات لزوجي ..
اني شاريته .. و اني ماراح اتخلى عنه بيوم لا سمح الله ..
الا في حالة (هو) .. اللي باع ..
وقتها ما راح ألتفت له ..

*. انا مجبرة على تحمل العيوب الي اخفاها عني بداية الزواج .. و التأقلم عليها ..
لانه وقع الفاس في الراس .. و لاني اجتهدت و كنت حريصة جدا على عدم الوثوق به 100%
و كنت اقرأ باستمرار بالنت .. يعني سعيت ..

لكن هو كان اشطر مني .. و يعرف كيف يظهر بالمظهر الي تبغي تشوفيه به ..
علشان كذا . ماشاءالله عليه علاقاته مع الناس اصبحت 100% 100%

زوجي يخرج نفسه من اي ورطة بسهووووولة ..
و الي يساعده؛ مظهره البرئ و ملامحه المسالمة و الي تظهره انه صادق 100%
وممثل ممتاز

فذكائي للأسف .. ما ساعدني بداية الزواج :)
لكن دحين صرت اشطر منه .. و كاشفته و فاهمته ..

...............

*. *. هو حاليا قايم بالبيت (على قده) ..

صرت احترمه داخليا .. لانه بيشتغل .. صح راتبه تروح لتسديد الديون ..
لكن عندي انه يشتغل و يهتم بعمله .. و براتب الفين ..

و لا يجلس عاطل و نايم ..
شغله مؤقت لمدة عدة اشهر بالسنة .. بالفترة المسائية ..
و في النهار يخلص اجراءات و معاملات .. و يحصل على مصاريفه و يجيب منها اشياء على قد الي معاه ..

و اشكره عليها .

......................

فيه مشكلة .. انه أنا ما راح اقدر اعيش بنفس طريقة أهله ..

ابوي الله يرحمه .. خلاني اعيش في حياته بطريقة معينة ..
يعني مو هذاك الاسراف و نفس الوقت .. اهتم بشراء الشي الي جودته عالية ..
و ما أبخل على حالي و لا اولادي ..

اهله يبحثوا عن الرخيص و الشي البلاش .. حتى لو بواقي ناس .. ياخدوه و عينهم على اشياء غيرهم ..
و يصرفوا على قد الحاجة اليومية و الاساسيات فقط ..
يعني عصير مثلا في ثلاجتهم اشكال و انواع ؟ لا مافي ..
حلى .. فواكه .. تسالي .. الخ ؟
مافييييييي .. ابو زوجي بخيل و هو يشوف نفسه اقتصادي ..

.
.

فما عرف ؟ المشكلة فيا و لا فيهم ؟

عموما..

لما نجي نقضي انا و زوجي .. هنا الاختلاف بيكون ..
حتى لو انا الي راح ادفع .. هو يشوف انها اشياء مالها داعي و اسراف ..

مع انه ممكن يصرف الوفات على تصليح سيارته بسبب استهتار منه ..
او الوفات على مخالفات ساهر بسبب استهتار منه ..
او الوفات على فاتورة جوال ..

فانا نظرتي انه هو بيرمي فلوسه على اشياء فاضية و تافهة ..
لكن انا لما اشتري الشي ..

اول شي .. بيعيش الشي هذا لاني اراعي الجودة و الماركة .. و اني اكون بحاجة له ..
و الشي التاني .. ملابس و اكلات للاولاد ..

.
.

يعني نظرتنا مختلفة .. بسبب بيئة كل شخص ..
مع انه كل اقاربه و عيلته تقريبا مثلنا ..

بس بيت اهله .. امه و ابوه و اخوانه الي في مثل كذا ..

حتى اخواته بعد مايتزوجوا .. تتغير طبايعهم و احس انهم يصيروا طبيعين ..

.
.

فمشكلتي معاه .. انه كل واحد نظرته مختلفة ..
و الحل؛ اني اشتري الي نفسي فيه من راتبي و ما احرم نفسي و الاولاد ..

و هو يصرف عالبيت على الاساسيات و قد فلوسه الي معاه ..

.
.

*. زوجي لما تقدم .. امه الي كانت حاطة عينها عالوظيفة و الراتب ..
انا ماكنت متعينة رسمي .. و متخرجة و اوراقي لسى غير مثبتة ..
و ماكان مهتم وقتها زوجي .. لاني قلتله من البداية ممكن اترك الوظيفة لاني غير مترسمة لسى ..

حتى دحين يقول لي .. لو ربي فتح علي ..
باخليك تتركي وظيفتك و تجلسي في البيت .. و ماتحتاجي لوظيفتك ..

قلتله؛ وظيفتي لو اشتغلها ببلاش و بدون راتب .. مستعدة اجلس فيها ..
لاني اشتغلت و انا حابة شغلي .. و جلست سنة كاملة قبل الترسيم بدون راتب و لا ريال ..
مو علشان الراتب توظفت فيه .. لاني حابته و الحمدلله ..

قاللي ..كم مرة ..
أنا مو مثل اهلي .. وانت عارفة الشي هذا .. لو معايا ما بابخل عليكم ..
و وظيفتك عشان يمكن نفسك في شي و انا ماقدر اوفره لك .. فما تنحرمي منه ..

.
.

هذا كلامه !

المهم ..

لما اشوف نماذج من صحباتي الموظفات .. اقول الحمد لله زوجي مو مثل ازواجهم ..
وحدة يمنعها زوجها انها تشتري شي لاهلها .. و وحدة اهل زوجها يحاسبوها على راتبها .. و وحدة لما تروح السوق و تصرف من راتبها.. يحقق معاها زوجها فين صرفت .. لانه رسالة البنك تروح لجواله ؟
و وحدة يمنعها تجيب شغالة و حتى لو على حسابها و عشان ماتصرف فلوس .. و يخليها تطلع له سيارة و يهدد كمان بالزواج ..

.
.

نصيحتي لك ..

استخيييييييري .. و اشترطي بالعقد انه الراتب ماله دخل فيه و ممكن تختبريه فترة الملكة ..

رد : 300 ريال .. لا أحد يتريق بأذبحه ..
 

سمو**

ربي يجعل كل ايامك سعادة ..