|
اشرايكم بصديقي ؟
السلام عليكم
اخواني الكرام عندي صديق عزيز علي جدًا ولكن فيه مشكله احس انه ينظر لي نظره فيها نوع من الاستحقار والتقليل البسيط مع ان ما علي قاصر ولله الحمد بعطيكم امثله توضح قصدي : مره كنت اتكلم عن مشروع مربح وهالمشروع مخليني ما امد يدي على راتبي كان ينط صاحبي ويقول لواحد ثاني اي ما يحوش راتبه تلقى المشروع يدخل له 1500 ريال بضحكه استهزائيه كأن معناها اني ماسك على الفلوس وان ما عندي شي بحياتي ومره كنت مفكر اشتري سياره فخمه واتكلم معاه كان يضحك ويقول لا تخاف اعرفك ما راح تشتري بهذا السعر وان تكلمت عن مصاريفي الشهريه يقول لي انت اشعندك !! ما عندك شي تصرف عليه شوفني انا عندي مسؤوليات اكثر واصرف مثلك اكيد حسبتك مو مضبوطه شنو تفسيركم للموضوع هل ينظر لي نظره اني بخيل اشوي او حريص عالفلس او شنو قصده مع العلم انه صديق عزيز ما اشك فيه بس نظرته لي اكيد فيها شائبه |
رد : اشرايكم بصديقي ؟
اقطعه
هي نعم المخوة شرات هاي الله يغنيك عنه ..ان اتصل احقره وابتعد عن دربه وبعدين انت جم بنفهم فيك يااخي العين حق يوم تبا تسوي شي لاتطريه لاحد سير اشتر وتالي حطه جدام عيونهم وخل اللي فيه خير يبطل حلجه او يقول ااه بس ... القلب الطيب هالوقت بعين الناس ساذج واللوحه اللي يخبطون فيها |
رد : اشرايكم بصديقي ؟
رد عليه بتريقة انت كمان .. لكن رد بضحكة و تسكته ..
يعني مثلا .. خليك مع نفسك .. انت ايش فهمك ؟ . . لو حاول يحرجك .. احرجه انت كمان؛ و انت بتضحك .. |
رد : اشرايكم بصديقي ؟
لا تتهاوش معاه بس عطه رده بوقته
لأنه شافك ساكت عن إستهزائه فتمادى معاك، أما لو إنك جاوبته بنفس اللحظه كان وقف عند حده من البداية تقدر بأسلوب هادي تعطيه رده وهو بينحرج ، وبتلقاه إما يعتذر لك أو إنه ما راح يكررها معاك =) |
رد : اشرايكم بصديقي ؟
ممكن يكون واخذ فكرةعنك انك حريص مش بخيل
وانت رد بشكل لبق كا ان تذكر له اقوال سيد الخلق صلى الله عليه وسلم في التبذير وكراهيته او انه ربي بيحاسبنا وين صرفنا فلوسنا .. او تقوله على سبيل المزاح ،،( ياخي ليش زعلان،،حاسد انه عندي فلوس؟؟) او حاسد انه ماعندي التزامات مادية؟؟؟ فلوسي وانا حر اصرفها ولا اخبيها ولا احرقها .. طالنا انه صاحبة وطايحة الميانة فا رد عليه ولا تخلي بقلبك بس بشكل مايبين انك غضبان |
رد : اشرايكم بصديقي ؟
اقتباس:
بس كلامك صحيح بخصوص العين المشكله طبعي احب اشاور وابلغ اهلي واصحابي باللي بسويه وهالشي المبالغه فيه سيئه لانك تلقى ناس يحبطونك ويكرهونك باللي تبي تشتريه من باب النصيحه والواحد يصير في محلك سر لا يقدم ولا يؤخر بصراحه بديت احب اللي يغامر ويتهور عالاقل يرضي نفسه وان خسر راح تكون خساره بسيطه |
رد : اشرايكم بصديقي ؟
اقتباس:
بس احس انه ماخذ عني فكره خاطئه بس هذا الموضوع |
رد : اشرايكم بصديقي ؟
اقتباس:
الموضوع ليس مسالة احراج الموضوع اني احس ان نظرته لي سيئه قليلا |
رد : اشرايكم بصديقي ؟
اقتباس:
مثلا لما اقول له انا اصرف مبلغ معين على مصاريفي الشخصيه يستغرب ويقول اشعندك انت ما عندك التزامات ولا شي ليه هالمبلغ الكبير احس فيها نوع من الاستحقار |
رد : اشرايكم بصديقي ؟
هاي هي ارضي نفسك بترتاح انا جي بالاول افكر واتلوم بس الحين لا كل هدفي ارضي نفسي علشان محد يفكر يستغل طيبتي او يدوسلي ع طرف.. وصدقني بترتاح بتحس نفسك صرت اقوى
ام ستيل سترونغ |
رد : اشرايكم بصديقي ؟
اقتباس:
تستشير اهل المعرفه الثقاة وبس ذبحني التردد بحجة اشاور |
رد : اشرايكم بصديقي ؟
أبرد عليك بطريقة مختلفة عن البقية ، بحكم انه كان لي زميلة عمل عندها قناعه غير طبيعيه انها مو بخيلة وكل العالم والناس تشوفها كذا وانا من ضمنهم، وهي غنية ولا تحتاج للوظيفة لكنها تصر وتناقش انها ليست بخيلة لكن كل تصرفاتها عكس هالشي
انت في موضوع سابق ذكرت ان محيطك العاءلي ماخذ عنك فكرة انك بخيل، وانت ما تحس نفسك هالشي! صدقني حاول تطلع من داءرة ذاتك وتشوف نفسك عدل، يمكن انت بخيل ومو حاس بنفسك يعلم الله ما رديت عليك عشان اجرحك او اضايقك ، لكن يمكن تقرا حروفي بصورة مختلفة وتنتبه لشي ما قد انتبهت له من قبل شاكرة لك |
رد : اشرايكم بصديقي ؟
اقتباس:
وكلامك منطقي جدًا للي يشوف الموضوع من بعيد ويربط المواضيع مع بعض بس يا اختي صدقيني اني بريء من هذي التهمه براءة الذئب من دم يوسف واغلب اللي اسلفهم اطيح عنهم الفلوس ما ابيها ومن طيب خاطر بعد ومبالغ من 2000 ريال وصاعد لغاية 40 الف واللي اخذ ال40 الف كان محتاج وما رجعهم لي ولا بلغت عليه احد من العائله ولا فضحته واعامله بطيب* واللي يتسلف مني ما اتصل عليه اطلبه الفلوس متى ما جابها جابها وكل سنتين ادفع فلوس الخدم بحدود 20 الف ريال والله بخاطري اشتريه ولله الحمد ولا اتسلف من احد لان يعجبني المثل اللي يقول اللي ما عندوش ما يلزموش بس مشكلتي بساطتي عاكسه عني صوره خاطئه |
رد : اشرايكم بصديقي ؟
خل نعمه ربك تبان عليك
شوف انا رايي من راي شوك يعني انا فيني صفه اكثر من شخص قالها لي هي الهدوء والبرود احيانا يعني انا اشوف نفسي عصبيه واحاتي من داخل بس كل العالم يشوفوني كذا هادئه واعصابي ثلاجه مع هذا لو تقولي اصف نفسي بقول عن نفسي بارده وهاديه مش راح اقول مثل الي انا حاسه فيه مستحيل الاهل والاصدقاء مايميزون صفاتك اذا انا يا اخوي ما اعرفك ومن ردودك بالمنتدى حكمت علييك انك بخيل وسامحي اخوي وحقك علي لا تزعل حنا بشهر فضيل و مابغاك تشيل علي بس عندي فكره باوصلها مافي اشين من صفه البخل كافي رسولنا الكريم تعوذ منه ويارب ماتكون بخيل لان الدنيا الحين صعبه ومصاريفها كثير ووراك زواج وعيال وليه تسلف الناس اذا ماكانوا محتاجين بكره بتتزوج وانت شايف تكاليف الزواج توصل ل300 الف مثل ماردوا الاعضاء ولا بتسلف فلان وعلان وتبخل على بنت الناس عندك خير البس زين واكل زين واكرم واشتر هدايا لو بسيطه لاهلك ماله دخل البساطه بالكرم وماتتعرض ماقلت خلك مبذر والعياذ بالله بس جدا مو حلو اصدقائك واهلك ياخذو فكره انك بخيل يوميا تصدق وشوف عقب الصدقه شلون بترتاح |
رد : اشرايكم بصديقي ؟
وترى لو تنتشر عنك هالسمعه بتاثر بموضوع زواجك
والمثل يقول لا تزوج بخيل |
رد : اشرايكم بصديقي ؟
اقتباس:
وابد ماني زعلان حنا اخوان بس يا ليت تذكرين شنو الاشياء اللي شفتيها مني وحكمتي من خلالها اني بخيل علشان ارد عليك واوضح لك حتى بالمنتدى ما سلمت من هالظن السيء :) الله كريم ضروري تقولين ملاحظاتك علشان ابين لك ونتناقش ونوصل لحل |
| الساعة الآن 11:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©