الظاهر هذي النهاية ..[مستجدات في الرد -102-122]
 

السلام عليكم .. البارح صار على السحور خصام بين اخوي اللي قاعد عندي وزوجي ..زعل زوجي وطلع من البيت وقال ماراح يرجع الا اذا طلع اخوي من البيت .. فزعلت انا قلت الظاهر مالي حشيمة او خاطر عندك .. خلاص ودني بيت اهلي .. طبعا بيت اهلي في مدينة تبعد عنا الف كيلو .. قال ابشري بوديك بس ترى مافي رجعة .. قلت زي ماتحب .. قبل الفطور رسلت له وقلت والله ماراح افطر اذا ماجيت .. قال ما راح اجي واخوك في البيت .. قلت يعني اطرده .. قال بكيفك .. قمت قلت لاخوي يجمع اغراضه ويروح يستأجر لاني بروح لاهلي وما راح ارجع .. وقلت زوجي خلاص طردته بعد العشاء تعال وديني لاهلي .. قال ابشري بس خليها بكرة لاني مانمت زين بس ترا مافي رجعة وخلي اخوانك ينفعونك والله ما راح احد يستقبلك عنده يومين .. قلت له ليه انت تظن ان باقي احد بيستقبلني بعد ماطردت اخوي .. الحين وش رايكم باللي صار؟
موعدنا بكرة بعد المغرب يجي زوجي ويوديني لاهلي..

للمعلومية انا من تزوجت من تسعة شهور .. وما حملت .. وزوجي ماديا على قده ..انا موظفة وساعدته في اول زواجنا بشغلات كثير

رد : الظاهر هذي النهاية..
 

رد : الظاهر هذي النهاية..
 

الغاليه
موقفج سليم وماعليه غبار واي بنت فيها معنى مابتروغ اهلها من البيت ومااتصور التج اللي بين اخوج وريلج يستاهل هالموقف من زوجج عيب مهما كان نبقى نعرف الاصول .
والله لو انا مكانج راح اتصرف تصرفج وزود وراح افهمه كيف يتعامل مع الناس مره ثانيه واذا ع رمسته بقوله اذا ماضفوني اخواني بيت ابوي يضفني ومابا اقعد على منتك.. وحشيمه اهلي من حشيمتي...

والله بيعطيج ع نيتج

رد : الظاهر هذي النهاية..
 

رد : الظاهر هذي النهاية..
 

اذا كنتي بترجعين بيت اهلج فليش قلتي لاخوج يجمع اغراضه؟؟؟

اختي الزمي بيتج.. الطلعه من البيت مثل شربة الماي... بس الرجوع للبيت مافي اسهل منه..

و على ما اظن زوجج متزوج و انتي الزوجه الثانيه..
الزمي بيتج
المفروض ما تدخلين بين زوجج و اخوج.. المشكله بينهم يحلونها هم.. انتي مالج دخل..

رد : الظاهر هذي النهاية..
 

الله يهديكي يا اختي ما كان المفروض تطردين اخوكي
كان طلعتي من السالفه وقلتي حيلكم بينكم
ويوم قالك خلي اخوكي يطلع كان بكيتي وتمسكنتي

اذا رجع لا تطلعين من البيت اتمسكني وابكي
وقولي له لا تفشلني قدام اهلي

وان شاء الله يتصالح مع اخوكي وتنحل الموضوع
لا تكبرين السالفه ولا تنحازين مع احد لا اخوكي ولا زوجك
كل واحد اتمسكني عنده
وانتي مو رجال البيت

رد : الظاهر هذي النهاية..
 

رد : الظاهر هذي النهاية..
 

انتي تسرعتي الله يهديك يا وخيتي

مفروض لميتي الزعله لين تهجد شياطين زوجك بعدين تفاهمتي معاه بهدوء

عشان يرد اعتبار لخوك

بس كذا انحرجتي مع اخوك و نفذتي رغبه زوجك لكن باسلوب غلط

كان يفترض بك تكلمين اخوك بهداوة و تبيني له ان فيه سوء تفاهم مع زوجك

و تطلبي منه بكل ذوق انه يبيت عند احد من العيال يومين ثلاث

و ساعتها تستفردين بزوجك و تتفاهمي معاه وتصلين لحل يرضي جميع الاطراف

لكن انتي طردتي اخوك و نفذتي رغبة زوجك بعدين قلبتي عليه

و قلتي وديني بيت اهلي


طيب وش الفايدة اللي حصلتيها ...! ولا شي


اقولك تعوذي من ابليس و خليك في بيتك

و ان شالله امورك تنحل و يرجع اخوك يعيش معكم

ع فكرة اكلمك من تجربة صار لي موقف مشابه ايام ما كنت متزوجة

اخوي الله يعطيه العافيه تفهم الموقف و قدم رحلته و سافر

رغم انه كان ناوي يجلس عندي شهر صارت مرتين مع اثنين من اخواني

حرموا بعدها يطبون الرياض كرهوها من ادمي تخيلي

يمكنها حزت بخاطرهم بس لو عليه الاخ اكيد بيتحمل

ولا يكون سبب في مشاكل و احراجات بين اخته و زوجها ..

عموما ما فات شي تقدرين تحلين السالفه ان شالله لانها تافهة من الاصل

الله ييسر امرك

رد : الظاهر هذي النهاية..
 

أختي الكريمة الناس أصبحت صدورهم ضيقة
وأنت ما زلتي عروس .. صعبة من أولها ميانه وأخوك
عندك.. كان عليكم فهم نفسية الرجل وهو غير
ملزم بأن يسكنه في بيته.. أخاك رجل ومن البداية
كان عز نفسه وسكن بإيجار ... وكل دقه بتعليمه..
ولا تخرجي من بيتك مطلقاً إلا في حالة أنك تريدين
الطلاق فعلاً أو كان زوجك سئ شرعاً..

رد : الظاهر هذي النهاية..
 

الهوشة تافهة .. والخطأ من اخوي .. وانا اعترف بهالشي .. بس هو ليه ماحشمني وقدرني وتحمل اخوي عشاني .. او اعطاني فرصة احل الامور بهدوء

رد : الظاهر هذي النهاية..
 

رد : الظاهر هذي النهاية..
 

رد : الظاهر هذي النهاية..
 

اهلين حبيبتي لمسة .. والله لك وحشة .. واعذريني انقطعت عنك وعن المنتدى فترة بس والله انك دايم في بالي واحاتيك .. بالنسبة للمشكلة اخوي متفهم مرة وقال مافي شي يزعل انتم عرسان ومن حقكم تقعدون لحالكم .. زوجي اتصل فيني وسألني اكلتي قلت لا قال طيب وش تبين اجيب لك .. قلت ما ابي شي وماني جوعانه .. حاول فيني بس مارضيت يجيب لي شي .. قفل .. خمس دقايق رجع اتصل قالي يابنت الحلال العني الشيطان والبسي وانزلي نتعشى باي مطعم انا تحت .. قلت ماني جوعانه واذا جوعانه باكل هنا .. وانت اذا جوعان روح كل .. قال تعرفيني ما احب اكل لحالي .. قلت وانا وش دخلني .. قال يابنت الحلال العني الشيطان ترى السالفة ماتستاهل .. قلت ارجوك لاعاد تعيد وتزيد خلاص تكلمنا بما فيه الكفايه .. وقفل .. وبعدها قعدت يرسل رسايل عتاب .. منها رسايل كنت قد رسلتها له وفيها كنت اشجعه واوقف بجنبه ..

رد : الظاهر هذي النهاية..
 

وليش أخوك ماحشمك ولا قدرك ولا تحمل زوجك عشانك ..؟

وأنتي المفروض تهدّين زوجك .. مب تزيدينه غضب . خصوصا إن الحق معاه في حوشتهم وإن أخوك غلطان ..
كان الأولى أنك تكلمي زوجك وتعتذري منه وتقولين له امسحها في وجهي ..
تترجينه إنه يسامح أخوك وينسى إللي صار ..
مب تزيدين المشكلة وتخلينها مشكلتين ..

رد : الظاهر هذي النهاية..
 

اهلين اختي.. طيب كيف اقلب الاوراق لصالحي؟
انا ماجيت هنا الا عشان تعلموني وشلون احل هالمشكلة؟؟

رد : الظاهر هذي النهاية..
 

رد : الظاهر هذي النهاية..
 

لا اختي انا ماني زوجة ثانية انا زوجته الوحيدة

رد : الظاهر هذي النهاية..
 

خير ان شاءالله .. ماحشمني ولاقدر موقفي مع اخوي واهلي..وطرد اخوي واجي اعتذر له .. لا وفوق كذا قلت له ودني بيت اهلي قال اذا رحتي مالك رجعة .. زاد الطين بلة .. وبالاخر انا اعتذر له ..

رد : الظاهر هذي النهاية..
 

صح اختي في هذي انا غلطت .. بس الحين وش اسوي بعد اللي صار .. خاصة موقف زوجي قدام اهلي بعد ماطرد اخوي
.. بالله كيف بيتقبلونه ويرحبون فيه اذا زرناهم...

رد : الظاهر هذي النهاية..
 

رد : الظاهر هذي النهاية..
 

والله يا أختي من طق الباب جاه الجواب ..
انتي اللي قلتي ودني بيت أهلي ..
ومثل ما أنتي تكلمتي بهالكلام في لحظة غضب ..
هو بعد جاوبك في لحظة غضب ..
بس شوفي الفرق بينك وبينه .. هو ندم ومابغى الخلاف اللي بينك وبينه يزيد ولا بغى المشكلة تكبر .. وحاول يراضيك بأكثر من طريقه ..
وأنتي حتى اعتذار ماتبين تعتذرين ..
طيب لا تعتذرين .. وش بتخسرين لو انك تجاوبتي مع محاولاته ورضيتي تطلعتين معاه ..؟؟
تبين تقلبين الأوراق لصالحك بدون ماتحسي إنك نزلتي من نفسك او تنازلتي عن كرامتك ..
فكري في كرامة زوجك الاول ..
لما يجيه أخوك ببيته ويهين كرامته .. وإنتي تزيدين الطين بلة وتقولين له ودني لأهلي ..

رد : الظاهر هذي النهاية..
 

تدرين وش اللي يقهر .. اني اوقف معه واساعده واتحمل اشياء كثير عشانه .. وهو ماتحمل اخوي ابد..

رد : الظاهر هذي النهاية..
 

إنتي شكلك شايله بقلبك عليه من مواقف ثانية ..
قولي يا أختي وحطينا بالصورة وخلينا نعرف طبعك وطبع زوجك عشان نعذرك على تصرفك في هالموضوع ..

رد : الظاهر هذي النهاية..
 

ياسبحان الله
الرجال تسع شهور ماقصر مع اخوكي ومسكنه في بيته
ويوم صارت مشكله بسيطه قلبتي عليه
يا اختي اتقي الله في زوجك
واذا كنتي مساعدته ماديا لا تمنين عليه
اول من باب اولى لا تساعدينه الا من طيب خاطر
اخوكي غلط على زوجك
وانتي تهددينه انك بتتركينه
والله مايصير
هو غلط يوم طلع من البيت المفروض يكون رجال البيت
ويقول لاخوكي هذا بيتي واللي مايحشمني في بيتي
يمسك الباب مو يطلع ويترك البيت
صح ولا لا؟

رد : الظاهر هذي النهاية..
 

خلاص كويس ان زوجك جاء ويحاول يطيب خاطرك الحين المطلوب منك ترضين

وتروحين معاه وتتمسكنين انك طردتي اخوك علشانه وكيف موقفك الحين قدام اخوك

ومهما صار بينكم المفروض ماتوصل انك تطرده من البيت مهما يكون هو ضيفك وأهلي يعزونك ونظرتهم لهم كبيرة



ومن هالكلام
وخلي الكورة بملعب زوجك يمكن يتصل على اخوك ويراضيه
وان ماتصل لمحي له بكرة يتصل
وان ماتصل أنتي حاولين تراضين اخوك


وبيني وبينك الأفضل اخوك يستأجر برأ

وزوجك كثير طيب ان موافق اخوك يجلس عندكم
وفوق هذا اخوك غلط عليه وجاء يراضيك هذا يدل ان زوجك يحبك كثير

رد : الظاهر هذي النهاية..
 

اقبلي الصلح مع زوجج... يا اختي زين منه ياي يراضيج و ما ركب راسه... تعوذي من الشيطان و طرشي له "يوعانه"...

رد : الظاهر هذي النهاية..
 

و آسفه شكلي لخبطت بينج و بين عضوه ثانيه.. احيد في وحده بعد اسمها يبدا ب"أحبه" و كانت زوجه ثانيه... الذاكره خلاص شكلها اختربت...

رد : الظاهر هذي النهاية..
 

لا يا اختي اخوي ماجلس عندي تسع شهور.. اخوي ماكمل عندي شهر وشوي .. هذا اولا

ثانيا انا دوامي في مدينة اهلي ولما جا زوجي يخطبني شرطت عليه ينقل عندي لان انا صعب نقلي فقال طيب ابشري .. واستاجر عندي بنفس المدينة .. وحاول ينقل بس ماقدر .. وظل رايح جاي بين مدينتي ومدينة وظيفته .. وانا عشان اتساعد معاه لما خلصت ست شهور حقت الاجار قلت له لاتجدد في نفس مدينتي روح استاجر في مدينتك وانا بحاول انقل واذا مانقلت اصير اجي واروح بطيران .. كله عشان اريحه واوفر عليه . وصار لنا مستأجرين في مدينته ثلاث شهور .. اخوي جلس منها شهر وكم يوم .. على فكرة ساعدته بنص الاجار ونقل العفش لان ماكان عنده حقها .. وقبل مايستأجر هنا صارت مشكلة لانه طلب مني فلوس يستاجر وانا رفضت فقالي اجل اقعدي في بيت اهلك لحد ما ادبر فلوس واستاجر .. قلت مو مشكلة زوجي واوقف معه .. بالرغم ان كل مشكلة تصير بيننا يذكرني انه تدين عشان زواجنا .. وخسر وووو... ماكأني وقفت معه وساعدته .. وعلى فكرة سيارته خربت واشتريت له سيارة ..

رد : الظاهر هذي النهاية..
 

وبصراحة بعد اللي صار غيرت تفكيري كليا اني انقل هنا عنده او اشتري بيت هنا عنده .. انا بقولها بظل عند اهلي وانت حاول تنقل او دبر وظيفة ثانيه .. كنت بايعه الدنيا عشانه بس هو ما قدر هالشي وبلحظة ينسى كل شي .. ولما قلت بروح عند اهلي قالي اهلك مابينفعونك مابيبقى لك الا زوجك .. هههه واذا زوجي تخلى عني او طردني او طلقني وين اروح مين بينفعني!!!

رد : الظاهر هذي النهاية..
 

يا أختي أنتي تبين المجاملات ؟ ولا النصيحة الصادقة ؟؟

إذا تبين مجاملات مافيه هنا في المنتدى
إذا تبين النصيحة الصادقة : فأنتي خطأك أكبر من خطأ زوجك , واسمعي نصيحة أوراق ملونة

رد : الظاهر هذي النهاية..
 

رد : الظاهر هذي النهاية..
 

توه رجع زوجي وشاف اغراض اخوي موجودة .. قالي اتصلي عليه وقولي له يجي يجمع اغراضه ما ابي اشوفه هنا ..

رد : الظاهر هذي النهاية..
 

بس شفر المنتدى عندي...
بالتوفيج حبوبه

رد : الظاهر هذي النهاية..
 

اختي انتي غلطانة
هذا بيته ومن حقه يرتاح فيه
لاتكابرين اخوك جالس على قلبه شهر ماقصر زوجك وجزاه الله خير
وكمان معاملتك معاه بفلوسك ماتعجبني
باين عليك ماتعرفين حركات الحريم واخاف توقعين وتبكين الدم
ياليت تدخلين منتديات وتتعلمين فن الحياة الزوجية وكيف تكوني ملكة في بيتك وكيف تكسبين قلب زوجك
لاني شايفتك تتصرفين بسذاجة مفرطة مع اعتذاري لك
والله يعينك

رد : الظاهر هذي النهاية..
 

فعلا انا في تعاملي معه سذجة جدا من ناحية الفلوس

رد : الظاهر هذي النهاية..
 

جا اخوي ياخذ اغراضه .. وانا قاعدة ابكي من حسرتي عليه .. ينطرد من بيت اخته ..

رد : الظاهر هذي النهاية..
 

مو بس ناحية الفلوس
احسك جافة جدا معه
الرجل يحتاج انثى تحتويه
مايحتاج رجل معه في البيت
تعلمي يااختي ارجوك
شوفي مواضيع عن البوصلة الشخصية لزوجك ولك عشان تعرفي تتعاملي معه وتكسبيه
اما اخوك فخليه اخر شي تفكرين فيه لاتكوني غبية...............

رد : الظاهر هذي النهاية..
 

لا يا اختي من هالناحية انا جدا رومنسية .. وحساسة ..

بس وشلون اقابله وانا في بالي صورة اخوي وهو طالع مطرود من البيت .. والله عمري ماتصورت هالشي ابد

رد : الظاهر هذي النهاية..
 

زوجك مآزعل وطرد من فرآغ .. وش سوى أخوك
خليك مع الحق هذا زوجك سترك وغطاك وهاذا أخوك عزوتك وسندك

رد : الظاهر هذي النهاية..
 

وهذي المشكله .. واقعة بين نارين .. نار زوجي ونار اخوي