|
يومي الرمضاني 18/9 حياكم الله مستجد 31-32-33
السلام عليكم ورحمة الله وبركآته ...
أسعد الله جمعنا الطيب في صباح هذا اليوم الحافل :d داريه اني تأخرت عدة ساعات لكن لظروف طارئة تتعلق بالرفع والتحميل وما شابه بصراحه اليوم زعلت مررة تخيلوا من ثلاث ساعات وانا مقابله الجوال ما بين رفع وتصغير و كتابة اسم و بالاخر تحميل > الاخيرة هاذي رفعت ضغطي المهم اني توي أخلص ... و تعبت جدا في ترتيب الاطباق بجنب بعضها لاني بعد التصوير اكتشفت اني مصورة ست الاف صورة من قدام ومن الجنب و من بعيد وحااااااالتي حالة ولا ... كمان بعد كم صورة اكتشفت ان وخيتي اللي وليتها مهمة التصوير كانت الخبلة مشغلة الفلاش عشان كذا بعض الصور شكلها طالع خافت عن غيرها رحت انا وسناعتي المعهودة حاولت ارقعها و اضبطها ويالله يالله طلعت بالاخراج اللي اتمنى ان يحوز على استحسان المقل :d ايه وقبل ما ابدا بالصور ... بقولكم ترى اليوم كنا عازمين مرتات اخواني و عيالهم عشان كذا كثرنا الاصناف .. ولا ترى بالعاده حنا عايلتنا شويين فـ أكلنا محدود طيب خلاص الهرج خلص نبدأ في الصور ... لحد يستحي ان اعجبكم شي ولا شي مدو يدينكم :26: [IMG][IMG]http://im39.***********/SCBXi.jpg[/IMG][/IMG] السفرة ككل ... طبعا ذي مو كلها من الطرف لانها كانت كبيرة و كان على بالي اني بصورها من الطرف الثاني , لكن مع كثرة التصوير على بالي اني صورتها بس بعدين شفت اني ما صورت كثير للسفرة كاملة وهاذي من الجنب [IMG][IMG]http://im41.***********/QIlad.jpg[/IMG][/IMG] بصراحة أكلنا كان كثير و زاد كثير :24: مع اننا سوينا كم صنف لكن هما كمان جاوبوا معاهم اطباق عشان كذا حسيت ان السفرة مرررة كانت زحمة وهالشي مو حلو , تضطرين تشبعين بعيونك وما يكون فيه شبع حقيقي المهم ... أول ما أذن بدأنا باللبن والتمر مع القشطة ومويا [IMG]http://im34.***********/tNiAp.jpg[/IMG] بعد الصلاة حطينا سفرتنا ولأول مرة نتبع هالنظام لان عادتنا نحط السفرة كلها مع الاذان الأول وناكل كلوووو لين نقوم نصلي المغرب وخلاص ... عادتنا مو حلوة بصراحه نجي للأطباق الرئيسية .. سيد السفرة طبعا , الايدام المقلقل باللحمة هذا يستحيل فطورنا بدونه [IMG]http://im38.***********/b3yH9.jpg[/IMG] الطبق الثاني .. المحشي بالكوسا والبطاطس والرومي [IMG]http://im39.***********/uK7P5.jpg[/IMG] الثالث مكرونة بالقشطة و الخضار ... ع فكرة الصورة هاذي صورتها وانا اغرفها ولما جيت صورت المكرونة ع السفرة كان شكلها من بعيد ومو واضح فاخترت احمل هاذي لانها اقرب و اوضح .. [IMG]http://im35.***********/xxY9g.jpg[/IMG] الايدام الباكستاني بالدجاج ... http://imageshack.us/scaled/landing/694/sz97.jpg الشوربة .... آخر شي صورتها على جنب لان حاطينها بحافظة و تأخرت في غرفها عشان كذا ما كانت موجودة ع السفرة [img]http://im55.***********/Exj3GB.jpg[/img] برب ... لحد يرد |
رد : يومي الرمضاني 18/9 حياكم الله
الاطباق الجانبية ...
كفتة التونة + بيتزا دوائر [IMG]http://im35.***********/U3W4b.jpg[/IMG] سمبوسات الجبن الصغيرة .... [IMG]http://im35.***********/pS63F.jpg[/IMG] لقيمات محشية جبن ... عاد كان نفسي الصراحة اني ارتبها و اسويها على شكل جبل لزوم التصوير لكن اخر شي قليته هي ومستعجلة ما كان معي وقت [IMG]http://im41.***********/o3ZRP.jpg[/IMG] فطاير الاقماع حشيتها لبنة وخيار وجزر وخس + اقراص التونة بآلة التوست + سمبوسة باللحم , سويتها بالفرن http://img841.imageshack.us/img841/4350/5pet.jpg الحلى طبعا كان سوفليه ... الشي اللي انا احبه مررره ومحرومة منه مااقدر اكله بس يكفيني لما اشوف اخواني مستمتعين فيه احس اني أكلت مسوية امهم على غفلة :D [img]http://im47.***********/7BW5Zj.jpg[/img] آخر شي ........ كاس شاهي خاااااادر ... [img]http://im47.***********/NVvdvV.jpg[/img] |
رد : يومي الرمضاني 18/9 حياكم الله
الصور كانت كثير مرة .. وبعض الأكلات اكتشفت بعدين اني ما صورتها للأسف ولا لقيت لها صور عدلة . مع انو صورت كثييييير وفيه صور عيت تنرفع معاي ,, بشوف احاول الليلة اذا فضيت برجع أحملها بصراحة انا مو من هواة التصوير واكيد هالشي وضح الحين مع ردائتي بس ما عليه مشوها لي .. المهم يا ستاتي ,, هاذي كانت سفرتنا انا بصراحه ما طبخت كل دا لوحدي سويت جزء منه بس اللي هو , الايدام الباكستاني + المعجنات و السمبوسة و اللقيمات + و العدس >>> هذا الشي اللي ما بان للأفس :d اي والسوفليه بعد ... والشاهي الحضرمي :22: |
رد : يومي الرمضاني 18/9 حياكم الله
ما شاءالله تبارك الله ..
عساها سفرة دائمة إن شاءالله تشهي ماشاءالله .. وتراني كنت مركزة عالسفرة ؤأنتبهت انه عليها أشياء ما كتبتي عنها بس ماعليه بنمشيها هالمرة .. وخاصة بعد صورة السوفليه .. :22: عجيبة الصراحه ماشاءالله عليك .. أكتبي لي طريقتها ما عليك أمر .. وألايدام الباكستاني .. تسلم ألايادي ؤعليكم بالعافية .. |
رد : يومي الرمضاني 18/9 حياكم الله
ماشاء الله تبارك الله
عليكم بالعافيه تسلم الأيادي عجبني السوفليه بالشكولاته وكل اﻷطباق مرتب ويفتح النفس ماقصرتي احلى سفره |
رد : يومي الرمضاني 18/9 حياكم الله
امممممم
روووووعه يعطيج العافيه |
رد : يومي الرمضاني 18/9 حياكم الله
ماشاء الله سفرة عامرة بما لذ وطاب
الله يديمها من نعمة و يزيد و يبارك فيها مدري ليه حسيت أني قاعدة آكل معاكم:) حتى السوفليه كان زاااكي و احتجت بعد الأكل للشاي , فعلا وقته:22: ((أثر الجوع و ما يسوي)) تسلم ايادي الطباخات و بالعافية عليكم |
رد : يومي الرمضاني 18/9 حياكم الله
ماشاء الله تبارك الله سفرة دائمة يارب وتسلم يدياتك يافوفو وعليكم بالعافية يارب سفرة رائعة وجميلة ومرتبة الله يسعدك يارب
|
رد : يومي الرمضاني 18/9 حياكم الله
يم يم
يس :) لمو ايديكي جوعتيني والدنيا لسة صبح ... بس ليش مابتاكلي من السوفليه؟ وشو يعني شاي خادر؟؟؟؟؟ |
رد : يومي الرمضاني 18/9 حياكم الله
أما فعلا يم يم يم يمممممييييي شكل الأطباق بيشهي .... صحة على قلوبكم وبالعافيه يا رب
وأخيرا وبعد طول انتطار نزل يوم جديد من أيام المسابقة :) لو احتجتي أي ماعدة بالترجمة لملك شادي تراني حاضره :d |
رد : يومي الرمضاني 18/9 حياكم الله
ماشاء الله..... عليكم بالف عافية
تسلم الايادي سفرة تشهي حبيبتي ما عليك امر ...ودي طريقة عمل المعكرونة بالقشطة عجبتني كثير ولي عودة اخرى ...بطلب اخر هههههه |
رد : يومي الرمضاني 18/9 حياكم الله
يؤيؤيؤحزعل منك
ليش تعذبينا مين سلطك علينا ؟!! سوفليه مره وحده ؟ هذا عذاب ما شاء الله تبارك الله طريقة السوفليه لا هنتي |
رد : يومي الرمضاني 18/9 حياكم الله
امس كل مره أدخل وأطلع انتظر سفرتك:) واخر شي نمت هههههه
سفرة تجمع مالذ وطاب ماشاء الله تبارك الله والله يعطيك العافية ماقصرتي اكلات تشهي عليكم بالعافية ياارب والله يديم لمتك ومحبتكم :22: السوفلية حلى خطييييييير ولذييييييييذ جدا يمييييييي :26: |
رد : يومي الرمضاني 18/9 حياكم الله
ماشاء الله تسلم دياتك عزيزتي بس كاتبة إسم الموقع خطأ هوا العكس
سفرة عامرة يارب شكلك يضحك وانتي توصفي التصوير تذكرت نفسي وأنا اصور كأنه جالسين بمؤتمر صحفي :) |
رد : يومي الرمضاني 18/9 حياكم الله
ماشاء الله
ابداع صور روعه واكثر من روعه الله يهنيكم حبيبتي واحلى شي مسك الختام سوفليه دلع ياناس 5 استار لعيونك |
رد : يومي الرمضاني 18/9 حياكم الله
مانحكم على الشكل اهم شي الطعم كيف طالع!!
|
رد : يومي الرمضاني 18/9 حياكم الله
ماشاء الله عليك يافردوسه
هههههههههههه ضحكتيني والله 6 الاف صوره !! يالله ياحبيبتي الله يجعله بالعافيه عليك ومن تحبين يارب والله السفره شهيه ماشاء الله لاقوه الا بالله والأطباق كل واحد أحلى من الثاني عليك بالعافيه مررره ثانيه ---------------------------------- |
رد : يومي الرمضاني 18/9 حياكم الله
ما شاءالله تبارك الله ..
عساها سفرة دائمة إن شاءالله عجبني السوفليه بالشكولاته فكرتيني فيه وان شاء الله بسويه اليوم |
رد : يومي الرمضاني 18/9 حياكم الله
ماشاء الله
سفرة هنية ان شاء الله شكل الايدام المقلقل رووعه ذكرتيني بأول ايام العيد :) تسلم ايديك وعينيك ويعطيك الف عافية |
رد : يومي الرمضاني 18/9 حياكم الله
اعذروني بنات اليومين هاذي ان شغلت مرة عن الموضوع هدا
الليله ان شالله لي عودة وافيه وشكرا من القلب لانكم نورتموني وحده وحدة كلن بسمها |
رد : يومي الرمضاني 18/9 حياكم الله
طبيخه اسميج ياحظ اهلج فيج مدلعتهم..
بس العتب على الاكل المكشوف راح يبرد جي.. وخبرج الرياييل من يأذن يالله ياكلون تمر وماي ويلحقون ع الصلاه |
رد : يومي الرمضاني 18/9 حياكم الله
ما شاء الله .كل هاد عملتيه لحالك ؟ هه على هيك بدي اقضي كل اليوم في المطبخ .شي بزهق |
رد : يومي الرمضاني 18/9 حياكم الله
ما شاء الله عليك فردوسه
صحه وهنا |
رد : يومي الرمضاني 18/9 حياكم الله
اقتباس:
الله حيها داماس يا مرحبابك يا خيتي تشوفين انتي :d اساسا انا ماني من هواة التصوير و وليت المهمة لاختي اللي افشل مني ولما شفت اني ما صورت صور حلوة رحت اختصرت الموضوع قلت بنزل صور طبخاتي بس و اللي ما سويته مو لازم :21: شرايك فيني اعرف اختصر :22: بالنسبة للاايدام الباكستاني و السوفليه ابشري يا غلاهم بنزل الطريقة آخر رد لي .. تسلمين يا حي الله يسعدك ويخليك اقتباس:
هلا وغلى والله بقلب اخضر الله يسلمك غناتي ويخليك نورتيني يا قمر اقتباس:
يا مرحبا يا مرحبا نورج طفى الكهربااا انتي الروعه و ووجودك وقسما حبيته يعافيك ربي غناتي اقتباس:
اي والله السوفليه يجنن يجننننننن احلى شي اطبخه اصلا بشهادتي , شهادتي تكفيني ما احتاج لاني اشوف الاكواب بحححح:23: حيااك مسز ... نورتي يا خلف خلفاتهم |
رد : يومي الرمضاني 18/9 حياكم الله
اقتباس:
الله حيها الغاليه مطولة الغيبات > فيس شارد :d والله يا وخيتي هذا ولا شي جنب سفرتك ماشالله تبارك الرحمن مير منكم نتعلم مع اني احب الطبخات الشعبية بس للأسف للأسف مافي أمللل اتعلم لها لكن دامني فلحت في المأكولات الحديثة هذي حسنة تحسب لي ههههههه نورتيني يا ام سلطان الله يسعدك ويعطيك العافية اقتباس:
اهلين وسهلين بست الكل ام كروشة شو اخبارك واخبار كورتك ان شالله منااح ما حدن ئلك تفوتي لهون من على بكرة الصبح شو بتعملي غير بتقرصي عصافير بطنك :d انا عني ما افكر اجي هنا اذا كنت صايمة وجيعانة لاني بجد استأثم خااااصة عند بعض الصور لانها تجوووع آآخ السوفليه سألتيني عنوو .. انا جربت كذا مرة لما آكله بتعب كثير لانو كاكاو مركز ومن المنبهات و انا عامة ممنوعه من المنبهات ف مشان هيك ما بفكر اذوقه خلاص :29: والخادر معناته الشاهي الثقييييل الصعيدي :28: اقتباس:
اهلن اهلن اهلننن بخالتو ولووو خالتو ولك انا اللي بفهم وبترجم لك ايمتى ما بدك عندي لخبطة شديدة في لهجة أهل الشام عموما لبناني على فلسطيني واردني و سوري الله يفرج هم أهل الشام قولي آمين نورتي ام بلال |
رد : يومي الرمضاني 18/9 حياكم الله
وحشتيييييييني يافردوسة
بسم الله ماشالله عيني عليك باااردة ايش هذه الحلاوة يابنت .. بصراحة كنت مفكرتك مييييح بالمطبخ مدري ليش هالفكرة طلعتي اشطر ست بيت بسم الله ماشالله رووعة كل طبق احلا من اخوه ويقال :d. السوفليه من اصعب الحلويات تكنيكيا هههههه لا جد دايما اتابع برامج طبخ اجنبيه والسوفليه يصعبوه فا انا اشهد لك. من شكله. عاد عزيمني اذوقه :d بللعافية عليكم حبيبتي التوقيع ،،، وحدة متنكرة :d |
رد : يومي الرمضاني 18/9 حياكم الله
اقتباس:
هلا وغلا وكرتون حلى للغالية دودو الله يسلمك يا عمري شكرا كثير على مساعدتك تعبتك معاي معليش مع الايام بتعلم قلت هالكلام كثير وللحين ما تعلمت ما علينا :) قلتي تبين طريقة المكرونة ابشري من عيوني راح ارفقها بآخر رد و اسألي كل اللي تبين كلي فدااك يا وخيتي اقتباس:
ما توقعت صراحة انو حيلقى رواج واسع :d ابشري من عيوني .. تسلمين ع الطلة يا قمر اقتباس:
هلا وغلا ومرحبا بندووش معليش انا ترى مفروض يلقبوني سلحفاة عالم الاسرة بجد :29: الله يسلمك يا قمر مررة فرحتيني بوجودك اقتباس:
مفروض آخذذ جائزة اوسكار على الانجاز :d انا اضحك وانا اوصف ايش حال لو شفتيني اصور منجد مؤتمر ههههههه الله يسعدك يا قمر تسلمين نورتيني بوجوودك و بانتظار سفرتك |
رد : يومي الرمضاني 18/9 حياكم الله
اقتباس:
عرفتكككككككككككككككككككككككك يا مرحبا يا مرحباااابك يا ام يوسف اصلا محد يحبني الا انتي محد يقول فردوسة غيرك :) وحشتيني كثيييييييييييييييييييييير تعالي يا حرمة ليه غيرتي العضوية حقك ..؟ اصلا انا كنت توي بسأل عنك في قسم الاعضاء قلت هالبنت فين اختفت لا يكون سحبتها طيارة لعدن :d شوفي يا ام يوسف , والله منتي أول وحدة تقولي ظنيتك فاشلة بالطبيخ عاد اللي تقولي كذا على طول اعزمها عزيمة جااامدة و اخليها تتفرج مدري يمكن عشاني اضحك كثير يحسبوني ماني فاضيه للمطبخ خخخخخخخخخخ مقبولة مقبولة منك و ان شالله بعزمك بس انتي حطي رحالك عندناا وشوفي ساعتها ماحتناديني الا الشيف :22: الله يسعدك وينور حياتتك يا قلبي ويحفظ لك بزورتك |
رد : يومي الرمضاني 18/9 حياكم الله
هههههههه
كنت حاسه ان ام سما عضوه قديمه!! 😲 |
رد : يومي الرمضاني 18/9 حياكم الله
اقتباس:
مادري ليه هي فكرة وجتني :25: بس خلاص صدقت وبصدق اكثر بعد العزيمة :d:d عديها حتى انا يفكروني فاااشلة يمكن لاني اسال كثير عن اي طبخة اذوقها .. بينما غيري يمكن تستحي او ماتتنازل تسال :d ياستي شيف بدون ما اذووق .. تسلم ايدك وايدةالوالدة ربي يخليها لك ويطول بعمرها ويخلي لك عيالك ويجمعك فيهم عاجلا غير اجل يارب العالمين عاد لا تنسي طريقة الايدام والسوفليه واللقيمات الله يخليك لانه لقيماتي تطلع معباية من داخل مش هشه ناني فدييت الحساس انا :22: شااطرة ياعسل |
رد : يومي الرمضاني 18/9 حياكم الله
باكـ ,:21:
http://imageshack.us/scaled/landing/713/pt7b.jpg السوفليه .. أبسط شي ممكن تتوقعوه , بجد طريقته سهلة مرررة و خلي التكنيكيا ذول يحوسونك يا نورة :d نحتاج لـ : كوب ماء + كوب نسكويك + كوب حليب بودرة تخلطينهم سوا على جنب وفي وعاء آخر نضع بيضة و ملعقة بيكنج بودر و قليل فانيلا ونضعهم جانبا و في قدر على النار نضع ثلث اصبع زبدة + ملعقة مليانة دقيق + ربع كوب سكر نحركهم سوا الى ان تتجانس كويس بعدين نضيف خليط النسكويك و الحليب و الماء ونضيف بعدها البيض المخفوق نحركهم لمده ثلاث او اربع دقايق ثم نصبها في اكواب السوفليه المعدة مسبقا ,, وندخلها فرن حاااار من الأعلى فقط لمده عشر دقايق تقريبا و توته توته خلصت الحدوته ... http://www.vb.eqla3.com/images/smilies/004.gif |
رد : يومي الرمضاني 18/9 حياكم الله
http://imageshack.us/scaled/landing/694/sz97.jpg
الايدام الباكستاني ... اسرع من السوفليه هو كمان :d بجد والله يجهز في ربع ساعه اذا كان كل شي جاهز ومقاديره متوفره بكل بيت تقدرو تعملوه اليوم و تفطرو فيه كمان الطريقة ..: نص دجاجة مقطعه ثلاث قطع , بصلتين كبيرة + فصين ثوم + ملعقة زنجبيل اخضر ثلاث طماطمات كبار مطحونة + شوية كزبرة + قرنين فلفل اخضر حار زبادي أو قشطة الخفق كلها تأدي نفس الغرض + ملعقتين معجون طماطم البهارات .. ربع ملعقة فلفل اسود + ربع ملعقة كمون + ملعقتين كبار كاري ربع ملعقة ملح + شوي من بهارات مشكلة + فلفل بودرة ربع ملعقة نحمس البصل والثوم والزنجبيل مع بعض ونضيف له قطع الدجاج ونخليهم شوي خمس دقايق بعدين نضيف البهارات والطماطم المطحونة والفلفل والزبادي ونقلبها سوا لين تتسبك ونغطي القدر عشر دقايق على نار هادية بعد ما تطفين النار تضيفين عليها الكزبرة و تقلبينهم جميع و بقدونس للتزين وبس خلاص هذا هو انا احيانا احط لها كركم وزعفران عشان يعطيني لون اصفر و احيانا اخليه احمر |
رد : يومي الرمضاني 18/9 حياكم الله
[IMG]http://im35.***********/xxY9g.jpg[/IMG]
مكرونة بالقشطة ... ياربي الحين محد بيصدقني لا قلت سهلة ههههه بس جربوهها انتو واحكموا نص كيس مكرونة + جزر مبشور او قطع صغيرة اختيارك + فلفل رومي مقطع نص كوب ذرة + قشطة خفق نص كوب + جبن موزاريلا + ملح وفلفل وبهاراتك نسلق المكرونة بعد ما تستوي نضيف لها الجزر والفلفل والقشطة والبهارات نقلبهم شوية الين يتمازجوا دقايق بس و نطفي عنها لما نجي نغرفها وهي سخنة نضيف فوقها الموزاريلا وبس وبالعاافية على قلوبكم دوندرمة لا يفوتك الطعم لذيييذ اصلا اي شي سريع مررة يصير لذيذ مو :d |
| الساعة الآن 01:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©